सेंचुरियन टेस्टको पाँचौँ दिन, यस्तो छ भारतको दुर्दशा
दक्षिण अफ्रिका विरुद्ध सेंचुरियनमा जारी टेस्टको पाँचौँ दिन दुई सय ८७ रनको लक्ष्य पछ्याउन मैदानमा उत्रिएको भारतीय इनिंग आजको खेलमा नराम्ररी लडखडाएको छ । नेपाली समय अनुसार सवा दुई बजे सुरु भएको आजको खेलमा भारतले तीन विकेटको क्षतिमा ३५ रनको स्कोरबाट खेल्न सुरु गरेको थियो । समाचार तयार हुँदासम्म ऊ ४६ ओभरको समाप्तिसम्म एक सय ४२ रनमा संघर्षरत छ । उसका महत्वपूर्ण विकेट हरू पतन भइसकेका छन् र अहिले रोहित शर्मा ३५ र मोहम्मद सामी २४ को स्कोरमा क्रिजमा रहेका छन् । लुंगी एनगिडीले भारतका चार विकेट ढालिदिए पछि भारतको यो दुर्दशा भएको हो ।
