नेपाली सेनाले देशभर सुरक्षा सतर्कता अपनाउने
काठमाडौँ, वैशाख १८ । प्रधान न्यायाधिस सुशिला कार्की बिरुद्ध संसदमा महाअभियोग प्रस्ताव दर्ता भएपछि नेपाली सेनाले पिएसओजको आकस्मिक बैठक बोलाएर घटनामक्रमको समीक्षा गरेको छ। जंगी अडडामा हिजो राती बसेको बैठकले वर्तमान परिस्थितिबाट उत्पन्न हुनसक्ने सुरक्षा चुनौतीको समिक्षा गर्दै आवस्यक सतर्कता अपनाउने निर्णय गरेको सैनिक जनसम्पर्क निर्देशनालयले जारी गरेको विज्ञप्तिमा उल्लेख छ । नेपाली सेनाले देशमा विकसित घटनाक्रमको समीक्षा गर्दै सुरक्षा सतर्कता अपनाउने निर्णय गरेको छ । प्रधानसेनापति रोजेन्द्र क्षत्रीको नेतृत्वमा बलाधिकृत रथी र बलाध्यक्ष रथीसहित सबै महानिर्देशनालय प्रमुखसहितको बैठकमा वर्तमान राजनीतिक अवस्थाको विषयमा छलफल भएको सैनिक जनसम्पर्क निर्देशनालयले जनाएको छ । सम्भावित सुरक्षा चुनौती सामनाका लागि तयारी अवस्थामा रहन निर्देशन भएको बैठकमा सहभागी एक उपरथीले बताए ।
