अर्घाखाँचीमा बलात्कृत महिलाको मृत्यु
अर्घाखाँची । अर्घाखाँचीको छत्रदेव गाउँपालिका–१ बस्ने २१ वर्षीया युवतीमाथि करणी भएपछि उनको मृत्यु भएको छ । छत्रदेव गाउँपालिका–१ को खरज्याङबाट कपडा सिलाई घर फर्कने क्रममा उनीमाथि करणी भएको प्रहरीले जनाएको छ । करणी गरेको आरोपमा सन्धिखर्क नगरपालिका–२ बस्ने २२ वर्षीय रमेश बिकलाई प्रहरीले पक्राउ गरेको छ । अशक्त अवस्थामा फेला परेपछि पीडित महिलालाई उपचारको लागि पाल्पा मिसन अस्पतालमा भर्ना गरिएको थियो । उनको उपचारको क्रममा मृत्यु भएको प्रहरीले जनाएको छ । यस घटनाका सम्बन्धमा स्थानीय प्रहरीले आवश्यक अनुसन्धान गरिरहेको जनाएको छ।
