दुईवटा संयुक्त समितिको सभापतिको चयन गरिदै, कांग्रेस एमाले भागबन्डा
काठमाडौं । प्रतिनिधिसभाको दुई संयुक्त समितिको बैठक आज बस्दै छ । बैठकले सभापति चयन गर्ने कार्यसूची छ । दुई संयुक्त समितिको सभापतिका लागि उमेदवारी दर्ता भइसकेको छ जसमा कांग्रेस एमालेले भागबन्डा गरेका छन् । राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको सभापतिमा नेकपा (एमाले)का सांसद ठाकुर गैरेको उमेदवारी परेको छ । संसदीय सुनुवाइ समितिमा कांग्रेसकी ईश्वरीदेवी न्यौपानेको उमेदवारी परेको हो । दुवै समितिको बैठक दिउँसो ३ बजेका लागि बोलाइएको छ ।
