कक्षा ११ को नतिजा ‘लेटर ग्रेडिङ’ पद्धतिबाट
२६ फागुन, २०७३
काठमाडौं, फागुन २७ । शिक्षा मन्त्रालयले कक्षा ११ को नतिजा ‘लेटर ग्रेडिङ’ पद्धतिमा निकाल्ने तयारी गरेको छ । गत वर्षदेखि कक्षा १० को परीक्षा (तत्कालीन एसएलसी) लेटर ग्रेडिङ सुरु गरेको मन्त्रालयले यस वर्षदेखि कक्षा ११ को नतिजा पनि लेटर ग्रेडिङ पद्धतिमा निकाल्न लागेको हो । मन्त्रालयले यसका लागि आवश्यक कार्यविधि बनाउँदै छ । शिक्षा मन्त्रालयअन्तर्गतको पाठ्यक्रम विकास केन्द्रका कार्यकारी निर्देशक कृष्णप्रसाद काप्रीले कक्षा ११ मा लेटर ग्रेडिङमा नतिजा निकाल्न सैद्धान्तिक सहमति पाइसकेकाले कार्यविधि बनाउने प्रक्रिया सुरु भएको जानकारी दिए । कार्यविधि बनाउन पाठ्यक्रम विकास केन्द्रले शिक्षा मन्त्रालय, विभाग, राष्ट्रिय परीक्षा बोर्डलगायतका सदस्य राखेर कमिटी गठन गरेको छ । ‘कक्षा ११ मा विद्यार्थीको रिजल्ट पनि ग्रेडसिटमा दिन्छौँ, कक्षा १० को ढाँचामा आधारित भएर कार्यविधि बनाउँछौँ,’ कार्यकारी निर्देशक काप्रीले भने, ‘टेक्निकल कुराको तयारी प्रक्रियामा छ, चैतभित्रै कार्यविधि तयार पार्छौँ र राष्ट्रिय परीक्षा बोर्डमा बुझाउँछौँ ।’ कक्षा ११ पनि विद्यार्थीको उत्तरपुस्तिका अंकमा परीक्षण गरी लेटर ग्रेडमा परिवर्तन गर्ने तयारी छ । कक्षा १० को परीक्षामा जस्तै नौवटा ग्रेड राख्ने विषयमा छलफल भएको काप्रीले बताए । गत वर्षको एसएलसीमा ए प्लस, ए, बी प्लस, बी, सी प्लस, सी, डी प्लस, डी र ई गरी नौवटा ग्रेड छुट्याएको थियो । ९० देखि एक सय अंक ल्याउनेलाई ए प्लस, ८० देखि ९० भन्दा कम ल्याउनेलाई ए, ७० देखि ८० भन्दा कम ल्याउनेलाई बी प्लस, ६० देखि ७० भन्दा कम ल्याउनेलाई बी, ५० देखि ६० भन्दा कम ल्याउनेलाई सी प्लस, ४० देखि ५० भन्दा कम ल्याउनेलाई सी, २० देखि ४० भन्दा कम ल्याउनेलाई डी, १ देखि २० भन्दा कमलाई ई ग्रडिङमा राखेको छ । नौ कक्षामा पनि ग्रेडिङ : यस वर्षदेखि कक्षा नौ पनि लेटर ग्रेडिङमा मूल्यांकन हुने भएको छ । शिक्षामन्त्रीको अध्यक्षमा रहेको राष्ट्रिय पाठ्यक्रम विकास तथा मूल्यांकन परिषद्ले १० कक्षापछि तल्लो र माथिल्लो कक्षामा पनि लेटर ग्रेडिङमा मूल्यांकन गर्ने निर्णय गरिसकेको छ । काप्रीका अनुसार कक्षा नौको मूल्यांकन विद्यालय आफैँले गर्ने र त्यसको विषयमा पाठ्यक्रममा समेत जानकारी गराएकाले समस्या नहुने बताए । यो खबर आजको नयाँ पत्रिकामा छ ।
एमालेले २७ गतेदेखि पुनः यात्रा सुरु गर्ने
२५ फागुन, २०७३
पाण्डेयको रोइला गीत सार्वजनिक
२५ फागुन, २०७३
चिडियाघरमा बर्डफ्लु भेटियाे
२५ फागुन, २०७३
किशोरी हत्याको छानबिनमा अब सीआइबी
२५ फागुन, २०७३
दाइजो कम ल्याएपछि बोक्सीको आरोपमा घर निकाला
२५ फागुन, २०७३
मेची महाकाली अभियान र एमालेको असलियत
२५ फागुन, २०७३
सप्तरी घटनाले मध्य तथा पूर्वी तराई तनावग्रस्त
२५ फागुन, २०७३
माथिको दाँत झरे कुकुरसँग विवाह
२५ फागुन, २०७३
नेपालगन्जमा ‘ए डिभिजन’ फुटबल प्रतियोगिता सुरु
२५ फागुन, २०७३
भारतबाट आउने हात्ती आतङ्कको चपेटामा स्थानीय
२५ फागुन, २०७३
सफा पानीले जाेगाउन सक्छ मिर्गौलालाई
२५ फागुन, २०७३
सर्वसाधारणलाई इन्फुलएन्जाबाट सर्तक रहन अपिल
२५ फागुन, २०७३
सप्तरी घटनामा मृत्यु हुनेकाे संख्या चार पुग्याे
२५ फागुन, २०७३
नारी दिवसले छोएन महिलालाई
२५ फागुन, २०७३