प्रधानमन्त्रीको रोल्पामा सम्बोधन-‘सिंहदरबारको अधिकार खोस्न स्थानीय निर्वाचन’
रोल्पा, फागुन ६ । प्रधानमन्त्री पुष्पकमल दाहाल प्रचण्डले सिंहदरबाको अधिकार गाउँ लैजान पनि स्थानीय तहको निर्वाचनलाई सफल बनाउन पर्ने बताएका छन् । रोल्पामा आजदेखि सुरु प्रथम रोल्पा महोत्सवको उद्घाटन गर्दै प्रधानमन्त्री प्रचण्डले स्थानीय चुनावमा सहयोग गर्न आग्रह गरे । ‘आगामी माघ ७ भित्र तीनै तहको निर्वाचन गरिसक्नुपर्ने संविधानमै स्पष्ट किटान गरिएको छ, सरकार सबै तहको चुनावको गर्न लागिपरेको छ । जेठमै स्थानीय तहको चुनाव हुन्छ तपाईँहरुले सहयोग गर्नुपर्यो’–प्रधानमन्त्रीले भने । प्रधानमन्त्रीले राजनीतिक परिवर्तनमा रोल्पाली जनताले गरेको योगदानको प्रशंसा गरे । उनले भने–‘हिजो रुाजनीतिक परिवर्तनमा साथ दिने रोल्पाली जनताको सुविधाका लागि रोल्पा जिल्लाको विकास गर्नुपर्छ । सरकारले सबै निकाय परिचालन गरेर विकास गर्ने वातावरण बनाउँछ ।’
