काठमाडौं । बङ्गलादेशले नेपालसँग ५० मेगावाट विद्युत् खरिद गर्ने भएको छ । प्रधानमन्त्री शेख हसिनासँग बङ्गलादेशका लागि नेपालका राजदूत घनश्याम भण्डारीले आज गर्नुभएको शिष्टाचार भेटवार्तामा प्रधानमन्त्रीले सो विषय जानकारी गराउनुभएको हो । सन् २०४० सम्म बङ्गलादेशले कूल नौ हजार मेगावाट बिजुली खरिद गर्ने यसअघि नै सार्वजनिक गरिसकेको छ । बङ्गलादेशले भारतीय कम्पनी ग्रान्धी माल्लिकार्जुन राव ९जीएमआर० ले निर्माण गर्ने माथिल्लो कर्णाली जलविद्युत आयोजनाबाट पाँच सय मेगावाट बिजुली लैजाने सहमति गरेको छ। शिष्टाचार भेटमा शिक्षा, पर्यटन, ऊर्जा, व्यापार र पारवहनलगायतका विषयमा कुराकानी भएको बङ्गलादेशस्थित नेपाली दूतावासले जनाएको छ। सो अवसरमा राजदूत भण्डारीले पछिल्लो ५० वर्षमा सरकारी र दुई देशका जनता जनताबीचको सम्बन्ध निरन्तर समृद्ध हुँदै गएको, एक अर्का देशबीचको सहकार्यका अलावा असल छिमेकीको सम्बन्ध रहेको बताएका थिए। प्रधानमन्त्री हसिनाले नेपालको राजनीतिक र नागरिक समाजले बङ्गलादेशको स्वतन्त्रताका सङ्ग्राममा नेपाली राजनीतिक तथा नागरिक समाजले गरेको सहयोगको स्मरण गर्दै दुई देशबीचको द्विपक्षीय सम्बन्ध उत्कृष्ट रहेको बताए। उनले दुई देशबीचको व्यापार, ऊर्जा, पर्यटन र जलवायु परिवर्तनका क्षेत्रमा रहेको सम्भावना र साझा सहकार्यका सम्बन्धमा चर्चा गर्दै ‘बीबीआईएन’मार्फत विस्तारित सम्पर्क सञ्जालको महत्वमा जोड दिएका थिए। बङ्गलादेशी प्रधानमन्त्रीले राजदूत भण्डारीलाई आफ्नो सरकारको पूर्ण सहयोग रहने र सहकार्यसमेत हुने भन्दै सफल कार्यकालको कामना गरे। राजदूत भण्डारीले आफ्नो कार्यकालमा दुई देशबीचको सम्बन्धलाई थप प्रगाढ बनाउने प्रतिबद्धता व्यक्त गरेको बङ्गलादेशस्थित नेपाली राजदूतावासले मंगलबार जारी गरेको विज्ञप्तिमा उल्लेख छ। रासस

काठमाडौं । रुपन्देही क्षेत्र नम्बर २ मा पाँच दलीय गठबन्धनले राष्ट्रिय जनमुक्ति पार्टीलाई समर्थन गर्नेगरी छलफल अघि बढाएपछि एमाले उपाध्यक्ष विष्णु पौडेलको निर्विरोध हुने चाहानामा तुसारापात हुने भएको छ । गठबन्धनका तर्फबाट उम्मेदवार बनेका नेकपा एकीकृत समाजवादीका राजु गुरुङको उम्मेदवारी खारेज भएपछि जनमुक्तिका केशवबहादुर थापा मगरलाई समर्थन गर्ने सम्भावना बढेको हो। प्रतिनिधि सभाका लागि रुपन्देही २ मा गठबन्धनका तर्फबाट एकीकृत समाजवादीका राजु गुरुङ उम्मेदवार बनेका थिए। यो क्षेत्र एमाले उपाध्यक्ष विष्णु पौडेलले लगातार तीनपटक जितेको क्षेत्र हो। गठबन्धन भएपछि गुरुङले यो पटक पौडेललाई चुनौती दिने ठानिएको थियो। तर उम्मेदवार मनोनयन भएलगत्तै बैंकिङ कसुरको कालोसूचीमा परेको भन्दै निर्वाचन अधिकृतको कार्यालयले गुरुङको उम्मेदवारी खारेज गर्‍यो। सर्वोच्च अदालतले पनि खारेजीको निर्णय सदर गरेपछि अहिले रुपन्देही २ मा गठबन्धन उम्मेदवारविहीन छ। उम्मेदवारविहीन भएसँगै एमालेविरुद्ध गठबन्धनले कसलाई समर्थन गर्ला भन्ने धेरैको चासो थियो। गठबन्धनभित्र बढी मत ल्याउन सक्नेलाई सघाउनुपर्ने कुरा उठेको थियो। पछिल्लो समय गठबन्धनका दल र जनमुक्ति पार्टीसँगको छलफल तीव्र रूपमा अघि बढेको छ। तर निर्णय सार्वजनिक भइसकेको छैन। राष्ट्रिय जनमुक्ति पार्टीका लुम्बिनी प्रदेश अध्यक्ष झमबहादुर गुरुङले गठबन्धनका दलसँग छलफल भइरहेको बताए। ‘कुराकानी चलिरहेको छ। एउटा सहकार्य गर्नेबारे छलफल भएको हो, निष्कर्षमा पुगिएको छैन’, उनले भने। थप छलफलका लागि जनमुक्तिले वार्ता समिति पनि बनाएको छ। सोमबार भएको जनमुक्तिको बैठकले गठबन्धन दलसँग छलफल गर्न महासचिव टोप अस्लामीको संयोजकत्वमा पार्टीका जिल्ला अध्यक्ष प्रेम थापा र युवा संगठनका अध्यक्ष शंकर गाहा रहेको वार्ता समिति गठन गरेको हो। यता गठबन्धनले जनमुक्तिसँग मात्रा नभई अन्य दल र स्वतन्त्र उम्मेदवारसँग पनि छलफलको ढोको खुला राखेको बताएको छ। रुपन्देही २ मा कोसँग सहकार्य गर्ने भन्नेबारे टुंगो लगाउन कांग्रेस रुपन्देहीका जिल्ला सचिव रामकृष्ण खाँण, माओवादी केन्द्रका वामदेव क्षेत्री, एकीकृत समाजवादीका राजु गुरुङ र जनमोर्चाका पदमराज श्रेष्ठलाई जिम्मा दिइएको छ। उनीहरूले आआफ्ना पार्टीको केन्द्रसँग समन्वय गरेर निर्णय लिने कांग्रेस रुपन्देही २ का क्षेत्रीय सचिव प्रजापाल गिरिले जानकारी दिए। ‘जनमुक्तिसँग मात्र होइन। वार्ताका लागि सबैसँग ढोका खुला छ। त्यसअनुसार उहाँँहरूलाई जिम्मेवारी दिइएको हो’, उनले भने, ‘५ दलीय गठबन्धनमा छैटौं दल मिसिँदा केन्द्रसँग स्वीकृति चाहियो।’ तर जनमुक्तिको मत धेरै भएकाले गठबन्धनले उसैलाई सघाउने बढी सम्भावना छ। २०७४ सालको संसदीय चुनावमा रुपन्देही २ मा राष्ट्रिय जनमुक्ति पार्टी तेस्रो स्थानमा आएको थियो। एमालेका विष्णु पौडेल ४४ हजार ९ मत ल्याउँदा कांग्रेसका युवराज गिरीले २१ हजार ९४६ मत ल्याएका थिए। राष्ट्रिय जनमुक्ति पार्टीका उम्मेदवार रुकबहादुर पुनले ३५ हजार ६८८ मत पाएका थिए। त्यसबेला एमाले र माओवादी एक भएर चुनाव लडेका थिए। गत वैशाखमा भएको स्थानीय निर्वाचनमा बुटवल उपमहानगरपालिकामा जनमुक्तिले ११ जना वडा सदस्य लिएर नेकपा एमालेसँग तालमेल गरेको थियो। तर एउटा वडा सदस्य मात्र जित्न सक्यो। तालमेल भएकाले स्थानिय चुनावमा बुटवलमा उसको मत प्रस्ट देखिँदैन। तर रुपन्देही २ को केही भाग समेटिएको तिलोत्तमा नगरपालिकामा जनमुक्तिका मेयरका उम्मेदवार तेस्रो स्थानमा थिए।

काठमाडौं । प्रतिनिधि सभा सदस्यका उम्मेदवारहरुले ३ वटासम्म सम्पर्क कार्यालय खोल्न पाउने भएका छन् । निर्वाचन आयोगले मंगलबार विज्ञप्ति जारी गर्दै उम्मेदवारहरुले आफ्नो क्षेत्रमा प्रदेश निर्वाचन क्षेत्र समेट्ने गरी बढीमा तीन वटा सम्पर्क कार्यालय खोल्न सक्ने बताएको हो । प्रदेशसभा सदस्यका उम्मेदवारहरुले भने एउटा मात्र सम्पर्क कार्यालय खोल्न पाउनेछन् । आयोगका अनुसार प्रदेश र प्रतिनिधिसभाका समानुपातिक उम्मेदवारहरुले भने एउटा मात्र सम्पर्क कार्यालय खोल्न पाइने छ । हेर्नुहोस् निर्वाचन आयोको सूचना

काठमाडौं । नेपाल आयल निगमले तिहार बिदामा पनि देशैभर पेट्रोलियम पदार्थको बिक्री वितरण सहज बनाउने बताएको छ । निगमकाअनुसार सार्वजनिक विदाका दिनमा पनि देशभरका १३ वटा प्रादेशिक तथा डिपो कार्यालयहरुबाट पेट्रोल पम्पहरुलाई इन्धन बिक्रीको व्यवस्था गरिएको छ । जसअनुसार एक नम्बर प्रादेशिक कार्यालय विराटनगरबाट कात्तिक ८ र ११ गते, मधेश प्रदेश अमलेखगन्जबाट ७ र ११ गते, बागमती प्रादेशिक कार्यालय थानकोट र गण्डकी प्रादेशिक कार्यालय पोखरामा ८, ९ र १२ गते, लुम्बिनी प्रादेशिक कार्यालय भैरहवाबाट ८ र ११ गते, कर्णाली प्रादेशिक डिपो सुर्खेत र सुदूरपश्चिम प्रादेशिक कार्यालय धनगढीबाट ७ र ११ गते इन्धन बिक्रीको व्यवस्स्था मिलाइएको निगमले जनाएको छ ।

काठमाडौं। सर्वोच्च अदालत तिहार र छठ पर्वमा पनि बन्दीप्रत्यक्षीकरणको रिट निवेदन सुनुवाइका लागि बिहान ११ बजेदेखि अपराह्न ३ बजेसम्म खुल्ने भएको छ। सर्वोच्च अदालत १३ गतेसम्म पूर्णरुपमा बन्द रहने भए पनि शनिबार र भाइटीकाको दिनबाहेक अन्य दिन बन्दीप्रत्यक्षीकरणको रिट निवेदन सुनुवाइका लागि खुला हुने अदालतका प्रवक्ता बिमल पौडेलले जानकारी दिए। न्याय प्रशासन ऐन, २०७३ मा बिदाको दिनमा पनि बन्दी प्रत्यक्षीकरणको रिट निवेदनको सुनुवाइ गर्ने व्यवस्था रहेको छ। अदालत पूर्णरुपमा भने तिहार र छठपछि मात्र खुल्नेछ।

काठमाडौं । निर्वाचनमा प्रत्येक मतदाताले छुट्टाछुट्टै रुपमा चारवटा मतपत्रमा आफूले इच्छाएको चुनाव चिह्नमा मतदान गर्नुपर्ने व्यवस्था गरिएको छ । निर्वाचन आयोगले प्रतिनिधिसभाको पहिलो हुने निर्वाचित हुने निर्वाचन प्रणालीका लागि सेतो पृष्ठभूमिमा रातो रंगको निर्वाचन चिह्न भएको मतपत्र र प्रतिनिधिसभाको समानुपातिक निर्वाचन प्रणालीका लागि सेतो पृष्ठभूमिमा कालो रंगको निर्वाचन चिह्न भएको मतपत्रको व्यवस्था गरेको छ । प्रदेशसभाको पहिलो हुने निर्वाचित हुने निर्वाचन प्रणालीका लागि सेतो पृष्ठभूमिमा रातो रङ्गको निर्वाचन चिह्न र प्रदेशसभाकै समानुपातिक निर्वाचन प्रणालीका लागि सेतो पृष्ठभूमिमा कालो रंगको निर्वाचन चिह्न भएको मतपत्रको व्यवस्था गरिएको छ । आफ्नो परिचयपत्रसहित मतदान केन्द्रमा पुग्ने मतदातालाई सुरुमा प्रतिनिधिसभाको पहिलो हुने निर्वाचित हुने निर्वाचन प्रणालीतर्फको मतपत्र उपलब्ध गराउने व्यवस्था गरिएको छ । यो मतपत्रमा इच्छाएको उमेदवारको चुनाव चिह्नमा मतदाताले मत सङ्केत गरिसकेपछि त्यसलाई पट्याएर नजिकैको ‘एक’ लेखिएको मतपेटिकामा मतपत्र खसाल्नु पर्नेछ । यो मतपत्र खसालिसकेपछि दोस्रो चरणमा निजले पाउने प्रतिनिधिसभाकै समानुपातिक निर्वाचन प्रणालीतर्फको मतपत्रमा इच्छाएको राजनीतिक दलको चुनाव चिह्नमा मतदान गरिसकेपछि पट्याएर ‘दुई’ लेखिएको मतपेटिकामा मतपत्र खसाल्नुपर्छ । तेस्रो चरणमा प्रदेशसभाको पहिलो हुने निर्वाचित हुने निर्वाचन प्रणालीको मतपत्र उपलब्ध गराउने व्यवस्था गरिएको छ । यो मतपत्रमा इच्छाएको उमेदवार चुनाव चिह्नमा मतदान गरिसकेपछि पट्यएर ‘तीन’ लेखिएको नजिकैको मतपेटिकमा मत खसाल्नुपर्छ । चौथो तथा अन्तिम चरणमा प्रदेशसभाको समानुपातिकतर्फको मतपत्र मतदातालाई उपलब्ध गराउने व्यवस्था गरिएको छ । यो मतपत्रमा मतदाताले आफूले इच्छाएको राजनीतिक दलको निर्वाचन चिह्नमा मत संकेत गरिसकेपछि त्यसलाई पट्याएर ‘चार’ लेखिएको नजिकैको मतपेटिकामा मत खासाल्नुपर्नेछ । हरेक मतदान केन्द्रमा व्यवस्था गरिने गोप्य कक्षमा राखिएको स्वस्तिक छापले मतदाताले मतपत्रमा मत सङ्केत गर्नुपर्ने व्यवस्था छ । मतदाताले मतदान केन्द्रमा मास्क लगाएर आ–आफ्नो परिचयपत्र साथमा लिएर जानुपर्ने व्यवस्था आयोगले गरेको छ । महिलाले तोकिएको महिलाको लाइनमा र पुरुषले तोकिएको पुरुषको लाइनमा लामबद्ध भई मतदान गर्न पाउने गरी मतदान केन्द्रको व्यवस्थापन गर्न लागिएको छ । गर्भवती, अपांगता भएका व्यक्ति, ज्येष्ठ नागरिक, बिरामी, किरियापुत्री, सुत्केरी मतदाता लाइनमा नबसी प्राथमिकताका आधारमा मतदान गर्न पाइने व्यवस्था गरिएको छ । दृष्टिविहीन वा शारीरिक अशक्तता भएको वा अरू कुनै कारणले आफैँ मत सङ्केत गर्न नसक्ने भएको मतदाताको हकमा निजको एकाघर परिवारको सदस्यलाई आफूसँगै मत संकेत गर्ने गोप्य कक्षमा मतदान अधिकृतको अनुमतिमा लैजान सकिने र सो नभएमा मतदान अधिकृतको सहयोग लिन सकिने व्यवस्था छ । प्रदेश निर्वाचन कार्यालय कैलालीका प्रमुख प्रेमराज भट्टले गएको स्थानीय तहको निर्वाचनमा मतपत्र ठूलो आकारको भएको र मत संकेत सात ठाउँमा गर्नुपर्ने कारणले मत संकेत गर्दा कतिपयमा देखिएको अलमलले खसेको मतमा केही बदर हुने समस्या देखिएको हुनसक्ने बताए । उनले भने, “आउने निर्वाचनमा मतपत्र सानो आकारको रहेको र पहिलो हुने निर्वाचित हुने निर्वाचन प्रणालीतर्फको मतपत्रमा उम्मेदवारी दिएकाहरुको मात्रै चुनाव चिह्नको व्यवस्था गरिएकाले बदर मत निकै घट्ने विश्वास गरेका छौँ ।” बदरमत घटाउन निर्वाचन आयोगले मतदाता शिक्षा सञ्चालन गर्दै आएको छ । विगतका निर्वाचनको तुलनामा बदर मतको समस्या घट्दै गएको छ । गत वैशाखमा भएको स्थानीय तहको निर्वाचनमा सुदूरपश्चिम प्रदेशमा खसेका मतमध्ये पाँच प्रतिशत मत पूर्णरुपमा बदर भएको थियो । गत निर्वाचनमा कतिपय दल र प्रत्याशीहरुले आपसमा गठबन्धनरतालमेल गरेर प्रतिस्पर्धा गरे पनि त्यो अनुसारको मतदाता शिक्षाबारे मतदातालाई बुझाउन नसक्दा पनि बदर मतको केही समस्या देखिएको हुन सक्ने स्थानीय मतदाता चेतराज भट्टले बताए । निर्वाचनको मिति नजिकिँदै जाँदा सबै प्रत्याशीले आ–आफ्नो पक्षमा मतदातालाई रिझाउन कसरतमा लागेका छन् । रासस

काठमाडौं । आज कात्तिक ८ गते मङ्गलबार कात्तिक कृष्ण औँसी । आज खण्डग्रास (थोरै सूर्य ढाक्ने) अर्थात सूर्यग्रहण लाग्दैछ । पञ्चाङ्ग निर्णायक समितिका अनुसार सूर्यग्रहण अपराह्न ४ः ५२ बजेबाट लाग्दै छ । ग्रहण लागेको ३२ मिनेटपछि बेलुकी ५ः २४ बजे सूर्यास्त हुने समितिका कार्यकारी निर्देशक सूर्यप्रसाद ढुङ्गेलले जानकारी दिएका छन्। नेपालबाट करिब ३२ मिनेटमात्र ग्रहण देखिने उनले बताए । नेपालबाट नदेखिने भए पनि ग्रहणले बेलुकी साढे ७ बजे छाड्नेछ । शास्त्रीय मान्यताअनुसार कात्तिक ८ गते बिहान ४ः ५२ बजेदेखि बाल, वृद्ध र बिरामीबाहेक अरुलाई भोजन निषेध गरिएको छ । ग्रहण बार्नेले कात्तिक ९ गते बिहान सूर्योदय नभएसम्म अन्न खान निषेध गरिएको छ । ग्रहणका समयमा स्नान, दान, श्राद्ध, जप, ध्यान, साधनालगायत कर्म गर्न शुभ मानिन्छ । ग्रहणका समयमा दीक्षा मन्त्र लिन पनि उत्तम हुने शास्त्रीय मान्यता रहेको धर्मशास्त्रविद् प्राडा रामचन्द्र गौतम बताउँछन् । ग्रहणका बेला सकेसम्म तीर्थस्थलमा नसके नजिकको नदी, ताल, तलाउ, पोखरी यति पनि सम्भव नभए घरमै स्नान गर्नुपर्ने निर्णयसिन्धु, हेमाद्रि, कालमाधव, वीरमित्रोदयलगायत धार्मिक ग्रन्थमा उल्लेख गरिएको छ । ग्रहणका बेला गर्न हुने र नहुने कामलाई यी ग्रन्थमा यसरी उल्लेख गरिएको छ । निद्रायां जायते व्याधि मुत्रे दारिद्रमाप्नुयात् । पुरिषे कृमियोनिश्च मैथुने ग्रामसुकरः ।। अभ्यञ्जने भवेत्कुष्ठि भोजने स्यादधोगति । बन्धने च भवेत् सर्पे वधे च नरकं व्रजेत् ।। अर्थात् ग्रहणका समयमा सुते रोग लाग्ने, पिसाब गरे दरिद्र, दिसा गरे कीरा भएर जन्मने, मैथुन गरे गाउँको सुङ्गुर भएर जन्मने, सिङ्गारपटार गरे कुष्ठरोगी, भोजन गरे अधोगति, बन्धनमा राखे सर्प भएर जन्मने, काटमार गरे नरकमा बास हुने उल्लेखित धार्मिकग्रन्थमा वर्णन गरिएको छ । सूर्य ग्रहणमा चार प्रहर (१२ घण्टा) र चन्द्र ग्रहणमा तीन प्रहर ९नौ घण्टा० अघिदेखि सुतक लाग्ने धर्मशास्त्रविद् गौतमले सुनाए । सुतक लागेपछि भोजन गर्न नहुने धार्मिक विश्वास छ । यसै विश्वासअनुसार कात्तिक ८ गते बिहान ४ः ५२ बजेदेखि भोजन गर्नुहुँदैन । ग्रहणका समयमा नित्यकर्म गर्छन् । घरमा तिथि, श्राद्ध परेमा ग्रहणमा गर्न हुने समितिले जनाएको छ । ग्रहण निषेध गरिएका बाहेक कर्म गर्न हुने जनाइएको छ ।

काठमाडौं । पूर्व प्रधानमन्त्री तथा नेकपा (माओवादी केन्द्र) का अध्यक्ष प्रचण्डले मंसिर ४ को निर्वाचन पनि अग्रगमन र पश्चगमनका बीचको संघर्ष भएको बताएका छन् । वाम लोकतान्त्रिक गठबन्धनको बागमती प्रदेशस्तरीय कार्यकर्ता भेलालाई राजधानीमा सम्बोधन गर्दै उनले भने, “परिवर्तन र अग्रगमनका पक्षधर र परिवर्तन र अग्रगमन विरोधीका बीचमा मंसिर ४ गते एउटा ठूलो संग्राम हुँदैछ ।” लोकतन्त्रमा निर्वाचन आउने र जाने प्रक्रिया भएपनि हरेक निर्वाचनमा खास मुद्धा उठ्ने गरेको उनको भनाई थियो । अध्यक्षले अगाडि भने, “प्रत्येक निर्वाचनमा खास राजनीतिक मुद्धामा देश बहसमा केन्द्रित हुन्छ । त्यसकै वरिपरि संघर्ष चलिरहेको हुन्छ । मंसिर ४ को निर्वाचन पनि अग्रगमन र पश्चगमनका बीचको संघर्षका बीचमा हाम्रो अगाडि आउँदैछ । ” अध्यक्षले संविधान, गणतन्त्र, समावेशी र समानुपातिक गणतन्त्रका पक्षमा वाम लोकतान्त्रिक गठबन्धन खडा भएको उल्लेख गर्दै उनले संविधान तथा गणतन्त्रका पक्षमा उभिने र त्यसलाई स्वीकार नगर्नेकाबीचमा निर्वाचनमा सङ्घर्ष हुने बताए । वाम लोकतान्त्रिक गठबन्धनको बागमती प्रदेशस्तरीय कार्यकर्ता भेलालाई सम्बोधन गर्दै उनले भने, “दुई वटा विचार, प्रवृत्ति, संस्कृतिका बीचमा आमनेसामने हुँदैछ । संविधानको संरक्षणका साथै सङ्घीयता र समानुपातिक प्रतिनिधित्वका पक्षमा आफूहरुको गठबन्धन रहेको उनको भनाइ थियो । उनले प्रत्येक निर्वाचन कुनै पनि राजनीतिक विषयमा केन्द्रित हुने गरेको तथ्य पेश गर्दै अग्रगमन र परिवर्तनका पक्षमा उभिने कि नउभिने भन्नेबारेमा आगामी निर्वाचन पनि केन्द्रित भएको बताए । उनले भने, “विगतमा संविधान मिच्ने, प्रतिनिधिसभा विघटन गर्ने दुष्प्रयास गरियो । त्यसका विरुद्ध हामी सबै उभियौँ । सङ्घर्षका बीचमा गठबन्धन बनेको हो । सानो मेहनत र सानो कसरतबाट यो गठबन्धन जन्मेको होइन । त्यसकारण यसका उम्मेदवारलाई विजयी गराउनु आजको आवश्यकता हो ।” शक्ति सन्तुलन हाम्रो पक्षमा नभएको भए देश ठूलो दुर्घटनामा जाने खतरा रहेको उनको भनाइ थियो । नेपालमा शान्ति प्रक्रिया सुरु गरेको र १२ बुँदे समझदारीका सहयात्री हामी एकै ठाउँमा रहेको भन्दै अध्यक्ष प्रचण्डले यो निर्वाचन जित्ने उद्देश्यका लागि मात्रै नभएको बताए । नेपाली जनताले प्राप्त गरेको अधिकारलाई थप स्थापित गर्न र आर्थिक समृद्धिको चाहना पूरा गर्न पनि केन्द्रित रहेको उनको भनाइ थियो । तत्कालीन एमालेको नेतृत्वमा माधवकुमार नेपाल नै भएकाले मुलुकमा सङ्घीय लोकतान्त्रिक गणतन्त्र सम्भव भएको जानकारी दिँदै अध्यक्ष प्रचण्डले भने, “परिवर्तन, प्रगति, स्थिरता चाहने शक्ति एक ठाउँमा उभिएको र अर्कोतर्फ निरङ्कुशता र सामान्तवादतर्फ लैजान चाहने शक्ति उभिएका छौँ । यो स्वभाविक र प्राकृतिक छ ।” विगतदेखिकै स्वाभाविक सहयात्री एक ठाउँमा उभिएको जानकारी दिँदै उनले सानातिना खुद्रा कुरामा अड्किएर राष्ट्रिय हितलाई पर सार्न नमिल्ने बताए । उनले राजनीतिक आन्दोलनसँगै आर्थिक परिवर्तन, क्रान्ति र सुशासन कायम गर्नुपर्ने र जनताको जीवनमा आर्थिक समृद्धिको यात्रा सुरु गर्नुपर्नेमा साझा धारणा रहेको बताए। ‘स्थिरता र समृद्धिका लागि गठबन्धन’ भन्ने मूल नाराका साथ गठबन्धन चुनावी मैदानमा होमिएको तथ्य पेश गर्दै अध्यक्षले आर्थिक विकासलाई गति दिने एक अठोटका साथ जनतामा गयौँ भने नेपाली जनताले पुनःभरोसा प्रदान गर्ने स्पष्ट पारे । उनले गठबन्धनले उम्मेदवार बनाएका सबै उम्मेदवारलाई आफ्नै उम्मेदवार ठानेर मतदान गर्न र विजयी गराउन आग्रह पनि गरे । कुनै पनि दुविधा नराखी स्वाभाविक सहयात्री र गठबन्धनका उम्मेदवारलाई विजयी गराउने उद्देश्यका साथ जनताको घरदैलोमा जानसमेत उनले आग्रह गरे ।

धनगढी । प्रधानमन्त्री एवं नेपाली कांग्रेसका सभापति शेरबहादुर देउवाले देश गम्भीर मोडमा रहेको बताएका छन् । आज (आइतबार) धनगढीमा आयोजित संयुक्त चुनावी भेलामा सम्बोधन गर्दै उनले सो कुरा बताएका हुन् । सत्तारुढ ५ दलीय गठबन्धनको सुदूरपश्चिम स्तरीय कार्यकर्ता भेलालाई सम्बोधन गर्दै देउवाले चुनावपछि देशको भविष्य निर्धारण हुने बताए । उनले संविधान, गणतन्त्रको रक्षाका लागि वर्तमान सत्ता गठबन्धनलाई जिताउनु जरुरी रहेको समेत बताए । आगमी मंसिर ४ को संघीय चुनावपछि देश कता जाने भन्ने कुरा गम्भीर रहेको उनको भनाइ थियो । आफूहरु संविधान र गणतन्त्र जोगाउन लागिपरेको भन्दै गठबन्धनमा आबद्ध दलका उम्मेदवारहरूलाई मतदान गरी जिताउन आग्रह गरे ।

काठमाडौं । सभामुख अग्नीप्रसाद सापकोटाले आगामी निर्वाचनमा उम्मेदवार नबन्ने घोषणा गरेका छन् । सिन्धुपाल्चोक गृहजिल्ला भएका सभामुखले पत्रकार सम्मेलन गर्दै आफू उम्मेदवार नबन्ने बताएका हुन । उनी यसअघि २०६४ र २०७० मा संविधानसभामा सिन्धुपाल्चोक २ बाट प्रत्यक्ष निर्वाचित भएका थिए भने २०७४ मा सिन्धुपाल्चोक १ बाट सांसद चुनिएका थिए । नेकपा माओवादीले भने सभामुख सापकोटासँगै माधव सापकोटाको नाम सिफारिस गरेको भएपनि अन्तिममा उनले नलडने बताएका हुन । सत्ता गठबन्धनको प्रमुख घटक नेपाली कांग्रेसका मोहनबहादुर बस्नेतले उक्त क्षेत्रमा निर्वाचन लडने बताउँदै आएका छन् । अहिले सिन्धुपाल्चोक १ माओवादी केन्द्र र २ कांग्रेसको भागमा परेको छ ।

काठमाडौं । नेकपा एमालेका नेता घनश्याम भुसालले पार्टी परित्याग गरेका छन् । पार्टीभित्र अन्तसंघर्ष गर्दै आएका भुसालले ओलीसँग सहकार्यको सम्भावना नभएको निश्कर्ष निकाल्दै पार्टी परित्याग गरेको घोषणा गरेका छन् । “नेकपा एमालेको गौरवलाई कुनै दिन पुनस्र्थापित गर्न सकिन्छ भन्ने आशा र विश्वासले चरम अपमान र विभेद सहँदै मैले पार्टीमा नीति र विधिको पक्षमा सङ्घर्ष गर्दै आएको कुरा सर्वविदित नै छ ।” उनले लेखेका छन्, “तर म स्वयम्ले ४५ वर्षसम्म आफ्नो सम्पूर्ण सामथ्र्य समर्पित गरेको यो पार्टीमा नीति र विधिको पुनस्र्थापना हुने कुनै सम्भावनासमेत नदेखेपछि, अध्यक्ष ओलीसँगै रहेर आन्दोलन र आफैप्रति पनि इमान्दार रहन नसकिने भएपछि यस पार्टीमा नरहने निष्कर्षमा पुगेको छु ।” पढनुस विज्ञप्ती देशभक्ति, जनजीविका र लोकतन्त्रका लागि लाखौँ सदस्य र जनसमुदायलाई गोलबन्द गर्दै र आन्तरिक लोकतन्त्रको भव्य अभ्यास गर्दै हामीले नेकपा एमालेजस्तो गौरवपूर्ण पार्टीको निर्माण गरेका हौँ । यसै सन्दर्भमा पार्टीको पाँचौँ महाधिवेशनले नेपालको कम्युनिष्ट आन्दोलनलाई विचारको एउटा नयाँ मोडमा पुर्‍यायो । नवौँ महाधिवेशनले नेकपा एमाले र समग्र कम्युनिष्ट आन्दोलनका अनुभवलाई समेट्दै हाम्रो आन्दोलनालाई कार्यदिशा र सिद्धान्तको ऐतिहासिक उँचाइमा लग्यो । तर, दुर्भाग्यवश त्यस महाधिवेशनले आफ्नै कार्यदिशा र सिद्धान्त विपरीत चरित्रको पार्टी नेतृत्वको चयन गरेर ठूलो गल्ती गर्‍यो । त्यसपछि पार्टी संस्थागतरुपले गुटबन्दीको मैदान बन्दै गयो । आन्तरिक लोकतन्त्र, लोकतान्त्रिक व्यवस्था र वामपन्थी मूल्यहरुमाथि योजनावद्ध आक्रमण बढ्दै गयो । र, अहिले यो पार्टी कमरेड के पी शर्मा ओलीको दम्भ र स्वेच्छाचारिताले— केवल दम्भ र स्वेच्छाचारिताको कैदी हुन पुगेको छ । नेकपा एमालेको गौरवलाई कुनै दिन पुनस्र्थापित गर्न सकिन्छ भन्ने आशा र विश्वासले चरम अपमान र विभेद सहँदै मैले पार्टीमा नीति र विधिको पक्षमा सङ्घर्ष गर्दै आएको कुरा सर्वविदित नै छ । तर म स्वयम्ले ४५ वर्षसम्म आफ्नो सम्पूर्ण सामथ्र्य समर्पित गरेको यो पार्टीमा नीति र विधिको पुनस्र्थापना हुने कुनै सम्भावनासमेत नदेखेपछि, अध्यक्ष ओलीसँगै रहेर आन्दोलन र आफैप्रति पनि इमान्दार रहन नसकिने भएपछि यस पार्टीमा नरहने निष्कर्षमा पुगेको छु । नेकपा एमाले भित्र रहँदा विधि, पद्धति र सही नीतिका लागि सङ्घर्षमा लागेका सहयोद्धा र सहकर्मीहरुप्रति सदा मेरो ऐक्यवद्धता रहनेछ । राष्ट्रको सर्वोपरी हितका लागि म उत्तिकै सक्रिय रहने छु । कमरेडहरु १ सत्य र सही बाटाको खोजमा इतिहासको कुनै विन्दुमा हामी पुनः भेट हुनेछौं । घनश्याम भूसाल मणिग्राम, रुपन्देही २०७९ असोज २२

नेकपा एमालेका पोलिटब्युरो सदस्य बालकृष्ण ढुंगेलको शनिबार बिहान निधन भएको छ। उनी आफ्नै घरमा मृत फेला परेका हुन्। उनी बिहान बाथरूममा मृत फेला परेको काठमाडौं प्रहरीका एसएसपी भरत बोहोराले जानकारी दिए। प्रहरीले घटनास्थल गएर मुचुल्का उठाउने काम गरिरहेको छ। घटनापछि उनकी पत्नी बर्दिबासबाट फर्किरहेको प्रहरीले जनाएको छ। उनको परिवार बर्दिबासमा बस्ने भएकाले ढुंगेल घरमा एक्लै थिए। उनी मधुमेहका बिरामी भएको र बिहान बाथरूममा चिप्लिएर मृत्यु भएको हुनसक्ने प्रहरीको भनाइ छ। ओखलढुंगाका ढुंगेल पहिले माओवादीमा थिए। नेकपा फुटेर एमाले र माओवादी अलग भएपछि उनी एमालेमै बसेका थिए। उनी पहिलो संविधानसभाका सदस्यसमेत हुन्। माओवादी द्वन्द्व क्रममा ओखलढुंगाका उज्जनकुमार श्रेष्ठको हत्या अभियोगमा दोषी ठहर गर्दै उनलाई जन्मकैद फैसला गरिएको थियो। उनले दुईपटक गरी सात वर्ष जेलमा बिताएका थिए।

काठमाडौं । नेकपा माओवादी केन्द्रका अध्यक्ष प्रचण्डले गोरखाको निर्वाचन क्षेत्र नं. २ बाट उम्मेदवारी दिने घोषणा गरेका छन् । हरेकपटक निर्वाचनमा फरक फरक क्षेत्र रोज्दै आएका प्रचण्डले यसपटक गृहजिल्ला चितवन दोहोर्याउन चाहेनन् । नेपाली राजनीतिका किंगमेकर मानिएका प्रचण्डले यसपटक फेरी नयाँ क्षेत्र किन रोजे त ? कतिपय चितवन जित्ने सम्भावना भएपनि मेहनत धेरै गर्नुपर्ने र गठबन्धनको सबै मत आउन नसक्ने आँकलन गरेर गोरखा रोजेको टिप्पणी गरेका छन् । तर प्रचण्डको विगत हेर्दा यो कारण नै पर्याप्त भने देखिँदैन । प्रचण्ड राजनीतिमा सबैभन्दा गतिशील नेता हुन । यथास्थितिमा बस्न नचाहने प्रचण्डको यही गतिशीलताले नै उनले यसपटक समेत फरक क्षेत्र रोजेको देखिन्छ । प्रचण्ड सचिवालयले पनि संसदवादमा आफ्नो मात्रै निर्वाचन क्षेत्र भनेर साँघुरोरुपमा राजनीतिलाई नबुझ्ने भएर नै प्रचण्डले क्षेत्र फरक रोजेको दावी गरेको छ । नेपालको राजनीतिक परिवर्तनमा गोरखा जिल्लाको विशिष्ट योगदान भएकोले त्यसको कदर गर्न समेत प्रचण्डले गोरखा रोजेको माओवादीको दावी छ । प्रचण्डलाई गोरखा माओवादीले समेत उम्मेदवारका लागि सिफारिस गरेको थियो । त्यसो त प्रचण्डका लागि देशका कैयन अन्य क्षेत्रबाट समेत सिफारिस नआएको होइन ।   पढौं नेकपा माओवादी केन्द्रले प्रचण्ड गोरखामा किन ? भनेर जारी गरेका केही बुँदाहरु नेपाल र नेपाली जनताको समृद्धिका लागि गतिशील राजनेताको नाम हो प्रचण्ड । संघीय लोकतान्त्रिक गणतन्त्रका जनक, त्यसका लागि अथक संघर्ष गर्ने व्यक्तित्व हुन प्रचण्ड बृहत शान्ति सम्झौतापछि नेपाली जनताले आफ्नो संविधान आफै लेख्न सम्पन्न पहिलो संविधान सभा निर्वाचनमा प्रचण्ड क्रान्तिको केन्द्र र राज्यसत्ताको केन्द्रबिन्दु काठमाडौंबाट प्रतिनिधित्व गरे । दोश्रो संविधानसभाको निर्वाचन २०७० मा केन्द्रीय राज्यसत्ताको ऐतिहासिक उत्पीडनमा परेको र जनयुद्ध, जनआन्दोलनमा उल्लेख्य योगदान गरेका भूमि मधेसको सिरहाबाट प्रतिनिधित्व गरे । संविधान निर्माणपछि संविधान कार्यान्वयनको चरणको पहिलो निर्वाचनमा प्रचण्डले आफ्नो गृहजिल्ला चितवनबाट जनताको अत्यधिक मतसहित विजय प्राप्त गरे । …. संविधान निर्माणपछि प्रचण्ड परम्परागत संसदवादमा रुमल्लिन चाहेनन् । राजनीतिक क्रान्तिको एउटा अध्यायको पूर्णतासँगै आर्थिक क्रान्तिको हुटहुटी बोकेर उनी अग्रगमन र समृद्धिका पक्षमा सधैं सक्रिय रहँदै आएका छन् । उनी संसदवादी नेताजस्तो एउटा संसदीय क्षेत्रमा मात्र खुम्चिएर बसेनन्, बरु उनले उत्पीडित उपेक्षित क्षेत्रको प्रतिनिधित्व गर्दै एकातिर भौगौलिक एकीकरण र अर्कोतर्फ विकास, समृद्धि र प्राप्त उपलब्धिहरुको रक्षाका लागि बिभिन्न संसदीय क्षेत्रहरुको प्रतिनिधित्व गर्दै आए । नेपाली जनताको आन्तरिक एकतामा समृद्धिको सपना साँचेका प्रचण्डले यसपटक नेपालको एकीकरण र नेपालको रुपान्तरणमा ऐतिहासिक भूमिका खेलेको क्रान्तिको भूमिका रुपमा समेत परिचिति गोर्खा जिल्लाबाट प्रतिनिधित्व गर्दै हुनुहुन्छ । प्रचण्डको यो उम्मेदवारी एकातिर इतिहासको योगदानको कदर हो भने अर्कोतर्फ राजनीतिक परिवर्तनलाई संस्थागत गर्दै नेपाली समाजलाई फेरी समृद्धिको क्रान्तितर्फ लैजाने गतिशील कदम हो । त्यसैले गोर्खाका जनताको चाहना, क्रान्तिको सम्मान र साँच्चिकै नयाँ नेपालको निर्माणका लागि जसको नीति उसको नेतृत्व स्थापित गर्न प्रचण्डलाई भारी मतबाट जिताउन गोर्खावासी आतुर रहेका छन् ।

काठमाडौं । स्वास्थ्यमा समस्या देखिएपछि राष्ट्रपति विद्यादेवी भण्डारी त्रिवि शिक्षण अस्पताल, महाराजगञ्जमा भर्ना भएकी छन् । शुक्रबारदेखि स्वास्थ्यमा समस्या आएपछि अस्पताल भर्ना भएको उनका स्वकीय सचिव भेषराज अधिकारीले जानकारी दिए । ‘रुघा खोकी र ज्वरो आएपछि अस्पताल भर्ना हुनु भएको हो,’ उनले भने ।

नेकपा (एमाले) ले प्रतिनिधिसभाका समानुपातिक उम्मेदवारहरूको शुचि सार्वजनिक गरेकाे छ । एमालेले ११० उम्मेदवारको नाम निर्वाचन आयोगमा बुझाउनुपर्नेमा १०९ जनाको मात्रै नाम बुझाएको छ । यी हुन् एमालेका १०९ उम्मेदवार : मेनकाकुमारी पोखरेल सरिता भुसाल शोभा ज्ञवाली विजुला रायमाझी निर्मला कोइराला सम्झना थपलिया दीपा शर्मा सुनिता बराल भागरथी कुमारी चन्द लिलाकुमारी भण्डारी नर्वदादेवी शिवाकोटी पाठक मेनका पछाई शान्तिदेवी खनाल उमादेवी कोइाराला क्रान्ति बुर्लाकोटी बालिकाकुमारी गिरी ओमदेवी मल्ल रघुजी पन्त एकनाथ ढकाल कुमार दसौंदी दयालबहादुर शाही खिमलाल पोखरेल मुक्तिप्रसाद पाठक शम्भुप्रसाद गौतम मोहनलाल शर्मा गेहेन्द्रप्रसाद दाहाल गोबिन्दप्रसाद दुलाल कुलबहादुर आचार्य रामशरण प्याकुरेल प्रेमकुमार पराजुली गोरखबहादुर बोगटी प्रेमबहादुर सिंह पुरुषोत्तम न्यौपाने विदुर कार्की नैनकला थापा मगर सूर्यकुमारी श्रेष्ठ उर्मिला थेवे ईश्वरी घर्ति रणकुमारी बलम्पाकी मगर शान्ति श्रेष्ठ सरस्वती सुब्बा अन्जान शाक्य निरमाया पुलामी निरमाया पुलामी अमृता सुब्बा लिम्बु तारादेवी गुरुङ सुवर्ण श्रेष्ठ गंगाकुमारी गुरुङ (कुँवर) मीना बरामु हिरादेवी पुन ताराकुमारी विष्ट शाक्य देवीप्रकाश भट्टचन हेमराज राई कालुराम राई भीमबहादुर खवास सरोज डंगोल विशमलाल अधिकारी दनुवार टंक आङबुहाङ लिम्बु बाबुलाल डंगोल शिवकमार गुरुङ मोनीराम सुनुवार नरेन्द्रकुमार श्रेष्ठ नवीन रोका मगर लालबहादुर गुरुङ नाम्गेल शेर्पा महेन्द्रबहादुर थकाली हुमबहादुर गुरुङ अस्माकुमारी चौधरी शान्ति चौधरी लक्ष्मीदेवी दगोरा चौधरी कमला चौधरी जञ्जिरप्रसाद चौधरी फूलसिंह थारु रुक्मणी राना बराइली हर्कमाया विश्वकर्मा इन्दिराकुमारी पन्थी अञ्जु प्रसाईं बर्देवा अञ्जु नेपाली लक्ष्मी लुहार विश्वकर्मा दुर्गाकुमारी पासवान बिन्दू विश्वकर्मा ईश्वरबहादुर रिजाल विक प्रभु हजारा दुसाध चन्द्रबहादुर विश्वकर्मा बाबुराम नेपाली तुलसीप्रसाद पासी चर्चबहादुर विश्वकर्मा बेगमबहादुर विश्वकर्मा वीना देवी अमृतादेवी अग्रहरी प्रतिक्षा तिवारी मुखिया यशोदा कुमारी बुधनादेवी महतो नुनिया आशा चतुर्वेदी चन्दन साह पारोदेवी भिन्दवार रेखाकुमारी झा गंगाप्रसाद यादव अमृतलाल राजवंशी उपेन्द्रप्रसाद साह रामलाल साह अमर राउत यादव दानबहादुर कुर्मी चौधरी प्रमोदनारायण यादव अरबिन्द साह रुही नाज साजिदा खातुन सिद्दिकी सैहरा खातुन सराज अहमद फारुकी