काठमाडौं । लामो समयदेखि थाती रहेको संघीय शिक्षा ऐन संशोधन विधेयकलाई सरकारले अगाडि बढाउने भएको छ । मंगलबार बसेको मन्त्रिपषिदको बैठकले विधेयकलाई विधेयक समितिमा पठाउने निर्णय गरेको हो । बैठकपछि शिक्षा मन्त्री देवेन्द्र पौडेलले विधेयकलाई यहाँसम्म पुर्याउन सहयोग गर्नेहरुप्रति आभार प्रकट गरेका छन् । ‘संघीय शिक्षा ऐन संशोधन विधेयक समितिमा छलफल गर्ने गरी क्याबिनेटबाट पास भएको छ,’ उनले फेसबुकमा लखेको छन्, ‘यो विधेयकलाई यहाँसम्म पुर्‍याउन सहयोग गर्नु हुने सबैप्रति हार्दिक आभार व्यक्त गर्दछु ।’ ऐन ल्याउन नसक्दा शिक्षक, कर्मचारी, निजी विद्यालय, विश्वविद्यालय, प्राविधिक शिक्षा, विश्वविद्यालय, शिक्षक सेवा आयोगलगायतका निकाय लामो समयदेखि समस्याबाट गुज्रिरहेका थिए। गिरिराजमणि पोखरेलको पालामा संघीय शिक्षा ऐनको मस्यौदा तयार भएको थियो। तर विधयेकलाई तत्कालिन ओली सरकारले अगाडि बढाउन चाहेको थिएन । संविधानले शिक्षालाई मौलिक हकमा समावेश गरेको छ। संविधान जारी भएको ६ वर्ष भए पनि संघीय शिक्षा ऐन आउन नसक्दा शिक्षासम्बन्धी निकाय पुरानै संरचनामा चलिरहेका थिए । आज पारित संघीय शिक्षा ऐनमा सार्वजनिक शिक्षालाई जोड दिइएको छ । लेखापाल र विद्यालय सहयोगीको दरबन्दीबारे व्यवस्था गरेको छ । निजी शैक्षिक संस्थालाई क्रमसः सार्वजनिक शिक्षालयको रुपमा विकसित गर्दै लगिने लगायतको नीति लिइएको छ ।

काठमाडौं । प्रधानमन्त्री शेरबहादुर देउवासँग भारतीयस्थल सेनाध्यक्ष जनरल मनोज पाण्डेले शिष्टाचार भेट गरेका छन । प्रधानसेनापति प्रभुराम शर्माको औपचारिक निमन्त्रणामा आइतबार नेपालको औपचारिक भ्रमणमा रहेएका सेनाध्यक्ष जनरल मनोज पाण्डेले मंगलबार प्रधानमन्त्री देउवासँग प्रधानमन्त्रीको कार्यालय, सिंहदरबारमा शिष्टाचार भेटघाट गरेको प्रधानमन्त्रीका प्रेस सल्लाहकार गोविन्द परियारले जानकारी दिए। यसअघि उनले आज शिवपुरीस्थित सैनिक कमाण्ड तथा स्टाफ कलेजको भ्रमण गरेका थिए । उक्त कलेजको वस्तुस्थितिलगायत विविध पक्षबारे जानकारी लिए। भ्रमणकै क्रममा उनले उक्त कलेजमा तालिमरत सैनिक कमाण्ड तथा स्टाफ तालिमका शिक्षार्थी अधिकृतसँग अन्तक्र्रिया समेत गरे । जनरल पाण्डेले बुधबार मुस्ताङमा अवस्थित मुक्तिनाथ मन्दिरको दर्शन गरी पोखरास्थित नेपाली सेनाको मध्य कमाण्ड हेर्डक्वाटरको भ्रमण गर्ने कार्यक्रम छ । सोमबार जनरल पाण्डेले राष्ट्रपति विद्यादेवी भण्डारीबाट नेपाली सेनाको मानार्थ महारथीको दर्जा लिएका छन ।

काठमाडौं । संसदको कार्यकाल नलम्बिने भएको छ । नयाँ निर्वाचित संसदको बैठक नबस्दासम्म प्रतिनिधिसभाको कार्यकाल कायम राख्ने प्रस्तावबाट सरकार पछि हटेसँगै कार्यकाल नलम्बिने भएको हो । प्रतिनिधिसभाको मंगलबारको बैठकमा कानूनमन्त्री गोविन्द बन्दीले केही नेपाल ऐनलाई संशोधन गर्न बनेको विधेयकमा रहेको दफा १३, १४ र १५ लाई हटाउने संशोधन स्वीकार गरे। दफा १४ मा प्रतिनिधिसभा सदस्य निर्वाचन ऐन २०७४ संशोधन गरी प्रतिनिधिसभाको कार्यकाल पहिलो बैठक बसेको दिनबाट गणना हुने र नयाँ निर्वाचन भई त्यस्तो सभाको पहिलो बैठक बसेको दिनबाट अघिल्लो प्रतिनिधिसभाको कार्यकाल स्वतः समाप्त भएको मानिने उल्लेख छ । यस्तै दफा १५ मा प्रदेशसभाको कार्यकाल पहिलो बैठक बसेको दिनबाट गणना हुने र नयाँ निर्वाचन भई त्यस्तो सभाको पहिलो बैठक बसेको दिनबाट अघिल्लो प्रदेशसभाको कार्यकाल स्वतः समाप्त हुने उल्लेख छ । चुनाव घोषणा भइसकेको अवस्थामा यो विधेयक ल्याएपछि सरकारले प्रतिनिधिसभाको कार्यकाल लम्ब्याउन खोजेको भन्दै चर्को आलोचना भएको थियो । सत्तारुढ गठबन्धनका शीर्ष नेताहरुले विधेयक फिर्ता लिन दिएको निर्देशनअनुसार कांग्रेस सांसदहरुले हालेको संशोधनलाई कानुनमन्त्रीले स्वीकार गरेका हुन । त्यसअघि छलफलमा उठेका प्रश्नहरुको जवाफ दिँदै कानुमन्त्री बन्दीले सरकारले पवित्र उद्देश्यका साथ विधेयक ल्याएको बताएका थिए । मन्त्रीले संशोधन स्वीकार गरेपछि गणपुरक संख्या नपुगेका कारण पहिलो बैठकबाट यो विधेयक पास हुन सकेन । तर दोस्रो बैठकले केही नेपाल ऐनलाई संशोधन गर्न बनेको विधेयक पास गरेको हो ।

काठमाडौं । न्यायपरिषदले सर्वोच्च अदालतको न्यायाधीशका लागि तीन जनाको नाम सिफारिस गरेको छ। मंगलबार बसेको बैठकले दुई जना उच्च अदालतका न्यायाधीश र एक जना ल क्याम्पसका डीनलाई सर्वोच्चको न्यायाधीश नियुक्त गर्न सिफारिस गरेको हो। उच्च अदालतका मुख्य न्यायाधीश निता गौतम दिक्षित र न्यायाधीश विनोद शर्मा गौतमलाई सर्वोच्च अदालतको न्यायाधीशमा नियुक्त गर्न सिफारिस गरेको छ। यस्तै नेपाल ल क्याम्पसका डीन डीएन पराजुलीलाई पनि सर्वोच्चको न्यायाधीश बनाउन सिफारिस गरेको छ। सर्वोच्च अदालतका न्यायाधीश तेजबहादुर केसी र मीरा खड्काले अवकाश पाएका थिए। यस्तै हालका कामु प्रधानन्यायाधीश दिपक कार्की असोजमा अवकाश हुँदैछन्। निलम्बित प्रधानन्यायाधीश चोलेन्द्र शमशेर जबरा पनि मंसिरमा अनिवार्य अवकाश हुनेछन्।

कैलाली । नेपाल कम्युनिष्ट पार्टी माओवादी केन्द्रका अध्यक्ष प्रचण्ड ले सबैको अस्तित्व स्वीकार हुने गरी सिट बाँडफाँट हुने बताएका छन । आज धनगढी विमानस्थलमा सञ्चारकर्मीसँग कुरा गर्दै उनले गठबन्धनमा मागेअनुसार सिट भाग नपरे पनि सबैको अस्तित्व स्वीकार हुने गरी सिट बाँडफाँट हुने बताएका हुन। अध्यक्ष प्रचण्डले बुधवारभित्र सिट बाँडफाँट टुङ्गो लगाउने गरी छलफल भइरहेको बताए । सत्ता गठबन्धनले प्रभावकारी तालमेल गरेरै निर्वाचनमा जाने अध्यक्ष प्रचण्डको भनाइ छ । निर्वाचनपछि बन्ने नयाँ सरकारले मुलुकलाई नयाँ गतिमा अघि बढाउने उनले बताए। संसद् लम्ब्याउने कुरा पनि आइरहेको छ, भन्ने सञ्चारकर्मीले सोधेको प्रश्नको जवाफमा अध्यक्ष प्रचण्डले भन,े ‘‘संसद् लम्ब्याउन हुँदैन भन्ने कुरामा हामी स्पष्ट छौँ, अस्ति हामीले गठबन्धनको बैठकमा नै एक दिन पनि यताउता गर्न हुँदैन र मङ्सिर ४ मा नै निर्वाचन हुन्छ, मनोनयनपछि संसद् नरहने हामीले भनी सकेका छौँ ।

काठमाडौँ । राष्ट्रिय सभाको आजको बैठकले प्रतिनिधिसभाबाट सन्देशसहित प्राप्त कारागार विधेयक २०७९ र प्रतिनिधि सभाबाट भएको संशोधन स्वीकार सहित पुनः पारित  गरियोस् भनी प्रस्तुत गरिएको शहरी क्षेत्र सार्वजनिक यातायात व्यवस्थापन प्राधिकरण विधेयक २०७६ लाई पारित गरेको छ ।  गृहमन्त्री बालकृष्ण खाणले प्रस्तुत गरेको प्रतिनिधिसभाबाट सन्देशसहित प्राप्त कारागार विधेयक २०७९ र भौतिक पूर्वाधार तथा यातायात मन्त्री मोहम्मद इस्तियाक राईले प्रतिनिधि सभाबाट भएको संशोधन स्वीकार सहित पुन पारियो गरियोस् भनी प्रस्तुत गरेको शहरी क्षेत्र सार्वजनिक यातायात व्यवस्थापन प्राधिकरण विधेयक २०७६ लाई बैठकले सर्वसम्मतिले पारित गरेको हो ।  कारागार विधेयक २०७९ माथिको छलफलमा उठेका प्रश्नको जवाफ दिदै गृहमन्त्री  खाणले कारागारमा रहेका बन्दीको मानसिक अवस्थाको व्यवस्थापनमा सुधार गर्न सरकारले काम गर्ने बताए।  बैठकले प्रतिनिधिसभाबाट सन्देश सहित प्राप्त बिमा विधेयक २०७५ र सार्वजनिक ऋण व्यवस्थापन विधेयक २०७६ लाई सर्वसम्मत स्वीकृत गरेको छ ।  प्रतिनिधिसभाबाट सन्देश सहित प्राप्त बीमा विधेयक, २०७५ माथि छलफलका क्रममा उठेका प्रश्नको जवाफ दिंदै अर्थ मन्त्री शर्माले गुणस्तरीय स्वास्थ्य सेवामा नागरिकको सहज पहुँचका लागि ल्याइएको स्वास्थ्य बिमालाई यो विधेयकले कुनै बाधा नगर्ने जानकारी दिए ।  कृषि तथा पशुपन्छी विकास मन्त्री मृगेन्द्र कुमार सिंह यादवले प्रतिनिधिसभाबाट सन्देशसहित प्राप्त पशु स्वास्थ्य तथा पशु सेवा परिषद् विधेयक २०७६ लाई दफावार छलफलका लागि विधायन व्यवस्थापन समितिमा पठाइयोस् भनी प्रस्तुत गरेको प्रस्ताव सर्वसम्मतिले स्वीकृत भएको छ ।  राष्ट्रियसभाको अर्को बैठक भदौ २६ आइतबार दिउँसो १२ बजेर ५९ मिनेटमा बस्नेछ । 

धनगढी । नेकपा माओवादी केन्द्रका अध्यक्ष प्रचण्डले निर्वाचन क्षेत्र र सिट बाँडफाँड एकैसाथ टुङ्ग्याउने गरि छलफल भइरहेको बताएका छन् । आज धनगढी विमानस्थलमा आयोजित पत्रकार सम्मेलनमा अध्यक्ष प्रचण्डले मिल्ने जति कार्यदलले टुङ्ग्याउने र नमिले जतिको सिट बाँडफाँड शीर्ष तहबाटै टुङ्गो लगाउने बताए ।  सञ्चारकर्मीको जिज्ञासामा अध्यक्ष प्रचण्डले प्रतिनिधि सभा र प्रदेश सभा सदस्य पदको उम्मेदवारी दर्तासँगै संसद्को आयु सकिने बताए । मङ्सिर ४ गते निर्वाचन हुन्छ, त्यस अघि कन्फ्युजन गर्ने केही काम गर्न हुँदैन भनेर गठबन्धनमा छलफल भएको उल्लेख गर्दै अध्यक्ष प्रचण्डले सम्भवतः आजै विधेयक फिर्ता हुने बताए । गत वैशाखमा स्थानीय तहको निर्वाचन सफलतापूर्वक सम्पन्न हुनु जनताको जित भएको चर्चा गर्दै उनले आगामी मङ्सिर ४ गते प्रतिनिधि सभा र प्रदेश सभा सदस्य निर्वाचन सफलतापूर्वक सम्पन्न गर्ने कार्यमा सबै लाग्नु पर्ने बताए । अध्यक्ष प्रचण्ड आज धनगढी हुने पार्टीको प्रशिक्षण कार्यक्रमका लागि सुदुरपश्चिम आएका हुन् ।

धनगढी । नेकपा माओवादी केन्द्रका अध्यक्ष प्रचण्डले विद्ध्यमान राजनीतिक प्रणाली फेर्नुपर्नेमा जाेड दिएका छन् । पार्टी कार्यकका लागि धनगढी आइपुगेका अध्यक्ष प्रचण्डले बहुमतले प्रधानमन्त्री चुन्ने प्रक्रियाले राजनीतिक अस्थिरता र साेचेजस्ताे परिवर्तन संभव नभएकाे बताएका हुन । “याे शासन प्रणालीले अस्थिरता निम्त्यायाे। प्रत्यक्ष कार्यकारि नहुँदा बहुमतले प्रधानमन्त्री छान्ने प्रणालीका कारण भ्रष्टाचार बढेर गयाे । हामीले साेचे अनुरुप याे प्रणाली अन्त्रगत विकाससम्भव छैन।” अध्यक्षले निर्वाचन प्रणाली समेत फेर्नुपर्ने बताए । “अहिलेकाे निर्वाचन प्रणाली निकै खर्चिलाे भयाे ।” उनले भने, “आम मानिसले चुनाव लडन नसक्ने अवस्था छ।” माओवादीले संविधान निर्माणकै बेला यी मुद्दाहरुलाई नाेट अफ डिसेन्टकाे रुपमा राखेकाे समेत उनले बताए । शासकीय संरचनाका लागि माओवादीले मात्रै संघर्ष गर्न सक्ने र याे अधिकार माओवादीलाई मात्रै भएकाे उनकाे जिकिर थियाे । गठबन्धन दलहरुबीच सीटबाँडफाँडमा सहमति जुटन थालेकाे बताउँदै उनले अहिले प्रतिगमनकारीहरुलाई परास्त गर्नुपर्ने मुख्य दायित्व रहेकाेमा जाेड दिए। आगामी निर्वाचनमा देशका कतिपय क्षेत्रबाट उम्मेद्वार बन्न आग्रह गरिए पनि आफू चितवनकाे क्षेत्र नं ३ बाट नै उम्मेदवार बन्ने उनले जानकारी दिए ।

काठमाडौं । संघीय संसद् प्रतिनिधि सभाको बैठक आज बस्दै छ । बैठक दिउँसो १ बजे संघीय संसद् भवन नयाँ बानेश्वरमा बस्नेछ । आजको बैठकमा कानुन, न्याय तथा संसदीय मामिलामन्त्री गोविन्द प्रसाद शर्माले ‘केही नेपाल ऐन संशोधन गर्ने विधेयक, २०७९ माथिको दफावार छलफल सदनमा गरियोस्’ भनी प्रस्ताव प्रस्तुत गर्ने सम्भावित कार्यसूची रहेको छ । विधेयक आजै संशोधनहरुलाई निर्णयार्थ प्रस्तुत गर्ने र पारितका लागि प्रस्ताव पेस गर्ने सम्भावित कार्यसूची रहेको संसद् सचिवालयले जानकारी दिएको छ ।

काठमाडौँ । हिन्दू महिला दिदीबहिनीहरुले निराहार व्रत बसी हरितालिका तीज आज (मंगलबार) मनाउँदैछन् ।तीजलाई नेपाली हिन्दु नारीहरुको महान् पर्वको रुपमा मानिदै आएको छ । हरेक वर्षको भाद्र शुक्ल तृतीयाका दिन यो पर्व मनाउने गरिन्छ । अघिल्लो दिन आडिलो र पोषक दर खाएर बसेका महिलाहरुले तिजका दिन पानी समेत नपिइ आफू, आफ्ना सन्तान र पतिदेवको सुस्वास्थ्य र दीर्घायुको कामना गर्दै ब्रत बस्ने चलन छ । तीजका दिन विहानै नुहाइ धुवाइ गरी भगवान शिवको आरधना गर्दै महिलाहरु नाचगान र रमाइलो गर्ने गरेका छन् । यद्यपि कोरोना महामारी रहेकाले तीजको दिनमा भीडभाड नगर्न चिकित्सकको सुझाव छ । हिमालय पुत्री पार्वतीले आफ्नो पति भगवान शिवको शरीरमा केहि नहोस भनी लिएको पहिलो व्रत दिन हरितालिका तीजको दिन थियो । पार्वतीको विवाह भगवान विष्णुसँग गरिदिने वचन पिता राजा हिमालयले गरेकोले पार्वतीले आफुले मन पराएको शिवलाई पाउन तपस्या गरेकी थिइन् । आफूले तपस्या गरेको वर्षदिन पुग्दासमेत फल नपाएपछि पार्वतीले एकदिन शिवको मुर्ति राखेर निराहार ब्रत बसिन् । यसरी पार्वती निराहार व्रत बसेपछि शिव जी आफै प्रकट भई इच्छा पुरा होस् भनी आर्शिवाद दिएकाले पार्वती र शिवको विवाह भएको विश्वास रहेको छ । उक्त दिन भाद्र शुक्ला तृतिया परेको थियो । यसरी शिव र पार्वतीको विवाह सम्पन्न भएपछि हिन्दू नारीहरुले यसदिनलाई हरितालिका तीज चाडको रुपमा मनाउन थालेको मानिन्छ । हाम्रो समाजमा तीजमा विवाहित महिलाहरुले आफ्नो पतिको दिर्घायुको कामना गर्ने र अविवाहिताहरुले शिवजी जस्तै योग्य पति पाउने आशा गर्दै व्रत बसी नाचगान गर्छन् । विशेष त यो चाडमा नारीहरुले पतिको आयु लामो होस् भनेर निराहार व्रत बसी भगवान शिवजीसँग प्राथना गर्छन् । दिनभरी व्रत बसेर साझमा भगवान शिवको आराधना गरेर गीत तथा नाचगान गर्ने चलन रहेको छ । घरमा महिलाले भोगेका दुख दिदीबहिनीसँग गीतको माध्यमबाट पोख्ने पुरानो चलन रहेको छ । यसरी छिमेकमा दिदी बहिनी जम्मा भएर रमाइलो गर्छन् । जन्मघर र आफ्ना आमा बुबा दाजु भाई दिदी बहीनी छाड्न बाध्य नारीहरुले यस दिन वर्ष भरीको सबै दुःख बिर्सीएर रमाउने गर्छन् । यसैबीच तीज पर्वका अवसरमा पशुपतिनाथलगायत देशभरका शिवालयमा लाखौँ महिलाको भीड लाग्ने गरेको छ ।

काठमाडौं । माओवादी केन्द्रका अध्यक्ष प्रचण्डले संक्रमणकालीन न्याय र नागरिकतामा केपी ओलीको नेतृत्वमा रहेको एमालेको ओली गुटले बैमानी गरेको बताएका छन् । माओवादी केन्द्रको उपत्यका विशेष प्रदेशद्धारा आयोजित एक कार्यक्रमलाई सम्बोधन गर्ने क्रममा अध्यक्ष प्रचण्डले शान्ति प्रक्रिया टुंगोमा पुर्याउन दिन हुन्न भनेर अनेक चलखेल भैरहेको बताए । साथै, नागरिकता विधयेक अंगिकृतलाई नागरिकता दिन नभइ बाबुआमा दुवै नेपाली भएर पनि नागरिकता नपाएकाहरुलाई नागरिकता दिन ल्याइएको बताए । अध्यक्ष प्रचण्डले भने–‘सत्यनिरूपण तथा मेलमिलाप आयोगको कार्य अघि बढेको छ। सत्यनिरूपण सम्बन्धि गठबंधन र त्यसका सबै पक्षमा सहमत भएर अघि बढेको छ। शान्ति प्रक्रिया नटुङियोस भन्ने पक्ष पनि देखिए। हिजो गणतन्त्र सम्भव नै छैन भन्नेहरू अहिले पनि शान्ति प्रक्रिया टुंगोमा पुर्याउनु हुन्न भनेर अनेक चलखेल गरिरहेका छन् ।’ संबिधान बनेर देश स्थाइत्वमा जान लागेको बेला संसद बिगठन गरेर परिवर्तन उल्टाउन खोजेको प्रचण्डले बताए ।उनले एतिहासिक शान्ति सम्झौता ,संविधान र परिवर्तनको विरुद्ध लाग्नेहरुलाई आन्दोलन गरेर प्रतिगमनकारी तत्वलाई परास्त गरेको बताए । अध्यक्ष प्रचण्डले दोस्रो विगठनमा सडकमा जाने स्थिति नहुँदा विभिन्न फोरम मार्फत संसद विगठन र प्रतिगमन विरुद्धको संघर्ष गर्दा गठबन्धन जन्मेको बताए ।संबिधान रक्षा र परिवर्तनका एजेन्डाहरुको आधारमा गठबन्धन बनेको बताउँदै प्रतिगमन परास्त नभएसम्म र नसुध्रिएसम्म गठबंधनको विकल्प नखोजिने बताए । उनले झुट ,बैमानी ,प्रगिगमनको विरुद्ध बम्बाड द हेट्क्वाटर गरेको बताए । आफुले कम्युनिस्ट धुर्बिकरण गर्ने गरी पार्टी एकता गरेर लागेको भए पनि झुट,बैमानी र प्रतिगमनका अनेक षड्यन्त्र गरेर त्यसलाई असफल बनाएको प्रचण्डको भनाई थियो । माओवादी आन्दोलनबारे झुटा पर्चार गर्ने प्रवृती देखिएको भन्दै त्यसको सबैले प्रतिवाद गर्नुपर्ने बताए । प्रचण्डले स्थानीय निर्वाचनमा जस्ले जति सिट ल्याएपनि चुनाव नहुने स्थितिबाट स्थानीय चुनाव सफलता पुर्वक सप्पन्न हुनु माओवादी पार्टी र आफ्नो जीत भएको बताए । अध्यक्ष प्रचण्डले माओवादी केन्द्र देशको दोस्रो र बामपन्थी आन्दोलनको पहिलो शक्ति हुने स्थिति भएपनि ५० भन्दा बढी पालिका जनमत हुँदाहुँदै गुमाउनुपरेकोले तेस्रोमा खुम्च्याउनु परेको बताए । उनले त्यसको निम्ति पार्टी भित्रको घात अन्तर्घातलाई दोष दिए । पार्टीलाई चुनावमा गम्भीर प्रकृतिको घात अन्तर्घात गर्नेहरुलाई कारबाही गर्ने गरी तयारी गरिएको बताए । पार्टीमा गल्ती गर्ने र राम्रो गर्नेलाई कारबाही र पुरस्कृत गरेर क्रान्तिकारी पार्टी निर्माण गरिने बताए । आमा बुवा नै नेपाली भएकाहरुले नागरिकता नपाउने स्थितिबाट नागरिकता दिन नागरिकता बिधयेक ल्याइएको बताए ।त्यसमा बैवाहिक अंगिकृतबारे केही नगरिएको बताए । वैवाहिक अंगिकृतलाई ७ वर्षे प्राबधान माओवादीले ल्याएको प्रस्ताव भएको प्रचण्डको भनाई थियो । शशी श्रष्ठको नेतृत्वको समितिले वैवाहित अंगिकृतवाला प्रतिवेदन बनाएको भएपनि ओलीले छ महिनासम्म अड्काएर पास गर्न नदिएको प्रचण्डले बताए । अहिले आएको विधेयक र केपी ओलीले संसद विगठन गरेर ल्याएको बिधयेक एउटै भएको भएपनि ओलीले अहिले नागरिकता विधयेकबारे नौटकी गरेको बताए । साथै, नागरिकता विधयेकमा मात्रै नभई शान्ति सम्झौताबारे समेत थाहै नभए जसो गरी माओवादी पक्षलाई मात्रै दोषी करार गर्ने ध्याउन्नमा लागी नेपालमा फरिपनि दन्द्ध भैराखोस भन्ने षड्यन्त्रका लागेको अध्यक्ष प्रचण्डको भनाई थियो ।

काठमाडौं । नेकपा माओवादी केन्द्रका अध्यक्ष प्रचण्डले गठबन्धनमा पर्सी (बुधबार) सम्ममा सत्ता गठबन्धनभित्र सीट संख्या टुंगो लाग्ने बताएका छन् । पार्टीको उपत्यका विशेष कमिटीको बैठकमा बोल्दै प्रचण्डले तीन स्टेपमा गरेर चुनावी तालमेलको प्रक्रिया टुंगो लगाउने बताए । ‘आज बिहान काँग्रेसका नेता र गठबन्धनका नेताहरुसँग कुरा भएको छ । पर्सीसम्म सीट संख्या टुंग्याउने भन्ने छ । सीट संख्या टुंग्याउने नजिक नजिक पुगेका छौ । अब टुंगो लाग्छ’, प्रचण्डले भने, ‘पहिलो स्टेपमा संख्या टुङ्ग्याउँछौँ । भदौ २० गतेसम्ममा कुन क्षेत्र माओवादी, कुन क्षेत्र काँग्रेसलाई, कुन क्षेत्र एकीकृत समाजवादी, जसपा र जनमोर्चालाई भनेर क्षेत्र र प्रदेश टुङ्ग्याउँछौँ ।’ आगामी भदौ २५ गतेसम्म गठबन्धनका सबै दलले आ–आफ्नो पार्टीको उम्मेदवार फाइनल गर्ने प्रचण्डले दाबी गरे । चुनावको तीन स्टेप टुंगो लगाएर चुनावी अभियानमा लाग्ने प्रचण्डले बताए । उम्मेदवार टुंगो लगाउने विषयमा स्थानीय तहको जस्तो नहुने प्रचण्डले बताए । प्रचण्डले प्रदेश र संघमा व्यवस्थित रुपमा उम्मेदवार फाइनल गर्ने बताए ।

सुर्खेत । कर्णाली प्रदेशमा माओवादी केन्द्रका दुई मन्त्री नियुक्त भएका छन् । मुख्यमन्त्री जीवनबहादुर शाहीले आर्थिक मामिला तथा योजना मन्त्रीमा कृष्णा शाह र जलस्रोत तथा उर्जा विकास मन्त्रीमा रातो कामीलाई नियुक्त गरेका हुन् । मुख्यमन्त्री कार्यालयका अनुसार सोमबार नवनियुक्त दुई मन्त्रीको नाम प्रदेश प्रमुखको कार्यालयमा पठाइएको छ । प्रदेश प्रमुख तिलक परियारले नव नियुक्त मन्त्री शाह र कामीलाई आजै दिउँसो तीन बजे पद तथा गोपनीयताको शपथ ग्रहण गराउने तयारी रहेको मुख्यमन्त्रीको सचिवालयले जनाएको छ । माओवादीले आफ्ना सरकारमा सहभागी दुई मन्त्री आर्थिक मामिला तथा योजना मन्त्री विन्दमान विष्ट र जल, स्रोत तथा उर्जा विकास मन्त्री गणेशप्रसाद सिंहलाई फिर्ता बोलाएर मन्त्री बन्न बाँकी सांसद शाह र कामीलाई मन्त्रीका लागि मुख्यमन्त्री समक्ष सिफारिस गरेको थियो ।

काठमाडौं । नेपाली कांग्रेसका सभापति समेत रहेका प्रधानमन्त्री शेरबहादुर देउवाले राष्ट्रपति विद्यादेवी भण्डारीसँग भेट्दैछन् । भण्डारीलाई भेट्न देउवा पार्टी पदाधिकारीसहित दिउँसो २ बजे राष्ट्रपति भवन शितल निवास जाँदैछन् । सरकारको प्रमुखभन्दा पनि कांग्रेसको पार्टी सभापति र पार्टी पदाधिकारीको हैसियतमा राष्ट्रपतिलाई भेट्न जान लागेको एक नेताले जानकारी दिए । उनले भेटको एजेण्डाका बारेमा भने आफूहरुलाई केही जानकारी नदिइएको बताए ।

काठमाडौं । सभामुख अग्निप्रसाद सापकोटाले त्रिभुवन विश्वविद्यालयमा देखिएका समस्या समाधान गर्न सरकारलाई निर्देशन दिएका छन् । प्रमुख प्रतिपक्षी नेकपा एमालले विकृतिको हल गर्न रुलिङको माग गरेपछि सभामुख सापकोटाले सरकारलाई यथासीघ्र समस्या समाधान गर्न निर्देशन दिएका हुन् । एमालेले त्रिभुवन विश्वविद्यालयमा भइरहेको बेथिती तत्काल हल गर्न सरकारसँग माग गरेको छ । सोमबारको प्रतिनिधि सभा बैठकमा बोल्दै एमाले सांसद प्रदीप ज्ञवालीले विश्वविद्यालयमाथि सत्तापक्षबाटै पटकपटक आक्रमण हुँदै आएको बताए । उनले विश्वविद्यालय धराशयी बनाउने माथि सरकारले कारबाही नगरेर टुलु टुलु हेरेर बसेको बताए । विश्वविद्यालयमा पटकपटक आक्रमण हुँदासमेत कुलपति र सहकुलपति संवेदनशील नभएको बताए।