काठमाडौं । निर्वाचन आयोगले आगामी मंसिर ४ हुने प्रतिनिधि सभा र प्रदेश सभाको निर्वाचनका लागि आजदेखि दल दर्ता गर्ने भएको छ । दल दर्ताको प्रक्रिया यही साउन ३१ गतेसम्म जारी रहने छ । साउन १९ गतेसम्म निर्वाचन आयोगमा दर्ता भईसकेका दलहरुलाई मात्रै निर्वाचन प्रयोजनका लागि दल दर्ता गरिने आयोगले जनाएको छ । दल दर्ताका लागि निवेदन दिँदा राजनीतिक दलको विवरण, दलको केन्द्रीय कार्यकारिणी समिति, प्रदेश र जिल्ला समितिका पदाधिकारी तथा सदस्यको संख्या, वार्षिक लेखापरीक्षण प्रतिवेदन र दलको केन्द्रीय तथा प्रदेश स्तरको कार्यकारिणी समितिको पछिल्लो निर्वाचन भएको मिति समेत उल्लेख गर्नुपर्ने छ । दल दर्ताका लागि निवेदन दिँदा प्रतिनिधि सभा सदस्यका लागि छुट्टै र प्रदेशसभा सदस्यको हकमा प्रदेशगत रुपमा ७ वटा प्रदेशका लागि छुट्टाछुट्टै निवेदन पेश गर्नुपर्ने पनि आयोगले जनाएको छ । दुई वा सो भन्दा बढी दलले एकल चुनाव चिन्ह लिई निर्वाचनमा भाग लिने प्रयोजनका लागि दल दर्ताको निवेदन दिँदा राजनीतिक दल सम्बन्धी नियमावली, २०७४ को अनुसूची–१३ बमोजिमको ढाँचामा निवेदन दिनु पर्ने व्यवस्था गरिएको निर्वाचन आयोगले जारी गरेको विज्ञप्तिमा उल्लेख छ ।

काठमाडौँ। त्रिभुवन विश्वविद्यालयको बेरुजु रकम वार्षिक बजेट जत्ति नै पुगेको छ। वित्तीय अनुशासन कायम गर्न नसक्दा मुलुककै सबैभन्दा ठूलो र पुरानो विश्वविद्यालय पछिल्लो समय आर्थिक रूपमा जर्जर बनेको छ। विश्वविद्यालयको आर्थिक गतिविधि यही लयमा गयो भने विश्वविद्यालयमा थप आर्थिक सङ्कट आइपर्ने भन्दै महालेखा परीक्षकको कार्यालयले समेत सचेत गराएको छ। विश्वविद्यालयको केही समयअघि प्रधानमन्त्री एवं कुलपति शेरबहादुर देउवाको अध्यक्षतामा बसेको सभाले आर्थिक वर्ष २०७९्/८० का लागि २४ अर्ब ८७ करोड ५७ लाख १४ हजार रुपियाँ बजेट पारित गरेको छ तर विश्वविद्यालयको बेरुजु पनि २४ अर्ब २६ करोड ८७ लाख ८५ हजार छ। बेरुजुभन्दा बजेट करिब ३० करोड रुपियाँभन्दा धेरै छ। महालेखा परीक्षकको कार्यालयका अनुसार विश्वविद्यालयको दुई वर्षअघिको बेरुजु २८ अर्ब ६७ करोड १९ लाख रुपियाँ रहेकोमा पाँच अर्ब ३४ करोड आठ लाख रुपियाँ सम्परीक्षणबाट फस्र्योट भई २३ अर्ब ३३ करोड ११ लाख कायम भएको थियो। फेरि ९३ करोड ७६ लाख ६९ हजार थप भएर २४ अर्ब २६ करोड ८७ लाख ८५ हजार रुपियाँ कायम भएको हो। यो त्रिवि रजिस्ट्रार कार्यालयले वार्षिक सभामा प्रस्तुत प्रतिवेदनमा उल्लेख छ। विश्वविद्यालयका रजिस्ट्रार प्राध्यापक डा. पेशल दाहालले भने बेरुजु फर्स्योटमा पछिल्लो समय उल्लेख्य प्रगति हाासिल गरेको दाबी गर्नुभयो तर विश्वविद्यालयको आर्थिक समस्या भने उस्तै रहेको उहाँको भनाइ छ। आर्थिक वर्ष २०७७/७८ मा त्रिविमा १८१ एकाइ कायम भएकोमा १७७ वटा एकाइको आन्तरिक लेखा परीक्षण सम्पन्न भइसकेको त्रिविले जनाएको छ। मुलुकको उच्च शिक्षाको झन्डै ८० प्रतिशत भार बोकेको यस विश्वविद्यालयमा पछिल्लो समय विद्यार्थीको सिकाइ स्तर खस्किँदै गएको छ। साथै खर्च नियन्त्रण गर्न नसक्दा आर्थिक दायित्व पनि विश्वविद्यालयमा थपिँदै गएको छ। विश्वविद्यालयको आर्थिक व्यवस्थापन तथा खरिदसम्बन्धी नियम २०५० मा विश्वविद्यालयको सबै आर्थिक कारोबारको केन्द्रीय विवरण तयार गरी महालेखा परीक्षक कार्यालयसमक्ष बुझाउनुपर्ने व्यवस्था छ तर यो व्यवस्था कार्यान्वयन नगरेको महालेखाकै पछिल्लो प्रतिवेदनमा उल्लेख छ। यो खबर आजको गोरखापत्र दैनिकमा छ ।

जापानमा भ्रमणमा शनिबार जापान आईपुगेका नेकपा माओवादि केन्द्रका अध्यक्ष एवं पूर्व प्रम प्रचण्डले सत्ताधारी दलका पूर्व महासचिव तोसिहिरो निक्केईसग भेटवार्ता गर्ने भएका छन । शनिबार विहान नारिता आईपुगेका अध्यक्ष प्रचण्ड नारितामा केहि समयको विश्राम पछि सिधै नेपाल फेष्टिवल उदधाटनका लागि फुकुओका गएका थिए । फुकुओका पछि आईतबार विहान अध्यक्ष प्रचण्ड हिरोसिमातर्फ लागेका छन् । आइतबार नै जनप्रगतिशिल मंच जापानले आयोजना गर्ने ‘समृद्ध नेपालको आधार : आर्थिक क्रान्तिमा प्रवासी नेपालीको सरोकार’ विषयक खुल्ला अन्तरक्रियामा प्रमुख अतिथिका रूपमा सहभागी हुनेछन्। त्यसपछि जापानमा भईरहेको विकासहरु, कृर्षि क्षेत्रको विकास लगायतका क्षेत्रहरुमा अवलोकन भ्रमण गर्ने कार्यक्रम तय गरिएको छ । अध्यक्ष प्रचण्डले अगष्ट ९ तारिक जापानको सत्ताधारी दल एलडिपिका पूर्व महासचिव तोसिहिरो निक्केईसग भेटवार्ता गर्ने कार्यक्रम तय भएको छ । टोकियोमा हुने उक्त भेटवार्ताका लागि नेपाली दूतबास टोकियोले पूर्व तयारी शुरु गरिसकेको र भेटवार्तामा छलफल हुने विषयहरुका बारेमा तयारीमा जुटेको जनाएको छ । तोसिहिरो निक्केई सत्तारुड दल एलडिपिका प्रभावशाली नेता मानिन्छन, निक्केई सेन्सेईको नामले जापानमा परिचित उहा जापान- नेपाल संसदिय समितिका सभापित पनि हुन ।

ललितपुर । नेपाल पत्रकार महासंघ ललितपुरको समन्वयमा डेढसय बढी जना पत्रकारले राष्ट्रिय परिचयपत्र बनाएका छन् । जिल्ला प्रशासन कार्यालय ललितपुर र जिल्लामा रहेको राष्ट्रिय परिचयपत्र इकाइको प्राविधिक सहयोगमा शनिबार जिल्लामा कृयाशील १ सय ६३ जनाको राष्ट्रिय परिचयपत्र बनाइएको नेपाल पत्रकार महासंघका अध्यक्ष सागर न्यौपानेले जानकारी दिए। कार्य क्षेत्रमा खटिनुपर्ने पत्रकारलाई सरकारले चलाएको अभियानमा सहभागी गराइएको न्यौपानेले बताए । ‘जिल्लामा आबद्ध पत्रकार साथीहरु कार्यक्षेत्रमा व्यस्त हुनुपर्दा घन्टौ लाइनमा बस्न संभव थिएन,’ न्यौपानेले भने, ‘ राज्यको अभियानमा पत्रकार सहभागी भएर आम नागरिकलाई राष्ट्रिय परिचयपत्र बनाउन उत्प्रेरित गर्ने योजनाले महासंघले समन्वय गरेको हो। यसमा उत्साहजनक पत्रकारको सहभागिता भयो।’ प्रमुख जिला अधिकारी घनश्याम उपाध्यायले जनतालाई सुसुचित गर्ने पत्रकारहरूको समयलाई र ब्यस्ततालाई हेक्का राखेर राष्ट्रिय परिचयपत्र बनाउन साथ दिएको बताए । ‘सबै नागरिकले राष्ट्रिय परिचयपत्र बनाउन पर्छ भन्ने सरकारको मान्यता छ, हामी प्रशासनले पनि ललितपुरका सबै नागरिकलाई राष्ट्रिय परिचयपत्र बनाउन सहजीकरण गर्दै आएका छौँ,’ सिडिओ उपाध्यायले भने, ‘यो अभियानमा कोहि नछुटुन भन्ने कोसिस हो, त्यसमा पत्रकार महासंघको भुमिकाले नागरिकलाई राष्ट्रिय परिचयपत्र बनाउन थप सन्देश गयो ।’ राष्ट्रिय परिचय पत्र जिल्ला प्रशासन कार्यालय मा रहेको राष्ट्रिय परिचय इकाइका प्रमुख हरि राउतले सरकारको अभियानमा पत्रकार महासंघ ललितपुरले साथ दिएको बताए। ‘सरकारको राष्ट्रिय अभियानमा पत्रकार महासंघ ललितपुरले साथ दिएको छ, जनताको सेवा जुनसुकै बेला हामी गर्न तयार छौँ, राउतले भने, ‘ समयमै राष्ट्रिय परिचय बनाए सहज हुनेछ ।’ अन्य बेलामा प्रशासनमा भीडभाड बढी हुने भएकोले सार्वजनिक बिदाको दिन पनि सेवा दिएको उनले बताए । ‘सरकारको राष्ट्रिय अभियान सफल पार्न र जनताको सेवा जुनसुकै बेला गर्न हामी तयार छौँ,’ राउतले थपे । शनिबार बिहान ८ बजेदेखि १२ बजेसम्म राष्ट्रिय परिचयपत्र बनाइएको थियो। सार्वजनिक बिदाको दिन भएकोले पत्रकार महासंघसंग सहकार्य गर्न सहज भएको राष्ट्रिय परिचयपत्र इकाइका व्यवस्थापन कक्षका सुपरभाइजर साजन न्यौपानेले बताए । ‘पासपोर्ट बनाउनमात्र राष्ट्रिय परिचयपत्र बनाउने जस्तो भयो र अरु दिन निकै भीड भयो,’ न्यौपानेले भने, ‘खासमा राज्यले सबै नागरिकको राष्ट्रिय परिचयपत्र बनाउन अनिवार्य गरेको छ। हामीले सार्वजनिक बिदाको दिन पनि सेवा दिएर भीड कम गराउन खोजेका हौं ।’ राउतका अनुसार ललितपुर महानगरका १ देखि १४, १६,१७,१९ र २० नम्बर वडामा वडास्तरीय अभियान चलिराखेको । र बाकि ११ वटा वडामा पनि साउन मसान्त भित्रमा अभियान सन्चालन गरिने बताए । ललितपुर जिल्लाको महानगरपालिकामा राष्ट्रिय परिचयपत्र बनाउने अभियान चलिरहेको छ ।

काठमाडौँ — नेपाल समाजवादी पार्टी (नेसपा)को अध्यक्षमा बाबुराम भट्टराई र महिन्द्र राय यादवलाई चयन भएका छन् । नेसपाको पहिलो पूर्ण केन्द्रीय कमिटीको बैठकले एक नम्बर वरीयतामा भट्टराईलाई राखेको छ । १ सय ८९ सदस्यीय केन्द्रीय समितिमा गंगानारायण श्रेष्ठलाई सहअध्यक्षमा चयन गरिएको छ । उपाध्यक्षमा हिसिला यमी, भक्तबहादुर शाह, दुर्गा सोव र महासचिवमा रमेशप्रसाद यादवलाई बनाइएको छ । बैठकले ९ जना केन्द्रीय कार्यकारिणी सदस्यहरूलाई प्रदेश इन्चार्ज पनि तोकेको छ । जसमा क्रमशः १ नम्बर प्रदेशमा राजेन्द्रकुमार किराती, मधेस प्रदेशमा देवेन्द्र यादव, वाग्मती प्रदेशमा अक्कलबहादुर थिङ, गण्डकी प्रदेशमा मोतिप्रसाद पंगाली, लुम्बिनी प्रदेशमा कमलप्रसाद खनाल, कर्णाली प्रदेशमा देवीबहादुर बुढाथोकी, सुदूरपश्चिम प्रदेशमा जनक शाह, गैरभौगोलिक विशेष प्रदेशमा ईश्वर रिजाल र प्रवास विशेष प्रदेशमा घमानसिं गुरुङ रहेका छन् । आगामी मंसिर ४ गते हुने संघ र प्रदेशको निर्वाचनमा विचार र मुद्दा मिल्ने राजनीतिक शक्तिहरूसँग आवश्यकताअनुसार तालमेल, गठबन्धन, मोर्चा, ध्रुविकरण र एकतासम्म गर्न सक्ने निर्णय केन्द्रीय समितिको बैठकले गरेको छ । बैठकले हाल १८९ सदस्यीय केन्द्रीय सदस्य बनाएको छ । केन्द्रीय सदस्यहरूको नामावली : १) डा. बाबुराम भट्टराई (अध्यक्ष) २) महिन्द्र राय यादव (अध्यक्ष) ३) गंगानारायण श्रेष्ठ (सहध्यक्ष) ४) हिसिला यमि (उपाध्यक्ष) ५) भक्तबहादुर शाह (उपाध्यक्ष) ६) दुर्गा सोव (उपाध्यक्ष) ७) रमेश प्रसाद यादव (महासचिव) ८) अक्कल बहादुर थिङ ९) अब्दुल रहमान मुसलमान १०) अस्मिता सिंह (मानुषी यमि भट्टराई) ११) अमृत कुमार पुरी १२) मृत बहादुर आचार्य १३) ईश्वर रिजाल १४) उपेन्द्रलाल कामी १५) उमाशंकर यादव १६) उर्मिला पाण्डे १७) उमेश साह १८) एकबहादुर राना मगर १९) एमपी रिजाल २०) एसबी स्याङ्तान २१) कर्णध्वज केसी २२) कर्णसिंह रतोकी २३) कमल प्रसाद खनाल २४) किस्मत बिक (रामदाम) २५) केशव राज अर्याल २६) कैलाश बानियाँ २७) कृति बहादुर भट्टराई २८) कृष्ण प्रसाद शर्मा २९) खुम्बराज खत्री ३०) गजाधर सुनार ३१) गजेन्द्र ठाकुर ३२) गोकर्ण बहादुर थापा क्षेत्री ३३) गोपालबाबु श्रेष्ठ ३४) गोविन्द प्रसाद चौधरी ३५) घमानसिं गुरुङ ३६) चित्र प्रसाद सापकोटा ३७) चिनक कुर्मी ३८) छन्द बहादुर पन्थी ३९) जनकराज शाह ४०) जीतमान पुन ४१) जेकेन्द्र कुमार श्रेष्ठ ४२) जेसिका तामाङ ४३) टीकाराम पौडेल ४४) टीकाराम रेग्मी ४५) टेकबहादुर बाठा मगर ४६) ढाकाराम गौतम ४७) तारादेवी शर्मा ४८) तेजबहादुर थापा ४९) तेजलाल कर्ण ५०) दलबहादुर लिम्बू ५१) दानबहादुर कुर्मी चौधरी ५२) दानबहादुर सहकारी ५३) दावा स्याङ्बो तामाङ ५४) दुर्गादेवी भट्टराई ५५) देवी बहादुर बुढाथोकी ५६) देवेन्द्र पाण्डेय ५७) देवेन्द्र थापा ५८) देवेन्द्र यादव ५९) धनबहादुर गुरुङ ६०) नहेन्द्र प्रधान ६१) नारायण प्रसाद खनाल ६२) नरेन्द्रनाथ योगी ६३) नारायणराज पाण्डे ६४) पवित्रा कुमारी तिमिल्सैना ६५) पंकज राई ६६) फणीन्द्र देवकोटा ६७) बन्दना श्रेष्ठ (सुवेदी) ६८) बालकृष्ण खनाल ६९) भक्तिप्रसाद आचार्य ७०) भरतराज दाहाल ७१) भीमबहादुर मल्ल ७२) भीमप्रसाद पराजुली ७३) भीमलाल तामाङ ७४) महम्मद कलाम अन्सारी ७५) महेन्द्र कुमार श्रेष्ठ ७६) महेन्द्र बहादुर शाही ७७) माधवराज गिरी ७८) मीनराज बडु ७९) मीनबहादुर दर्जी ८०) मुक्ति नारायण यादव ८१) मुहम्मद वकिल मुसलमान ८२) मोती प्रसाद पंगाली ८३) मोनिका सिंह (मिन्टु) ८४) मो. इजरायल अहमद ८५) यज्ञ प्रसाद पोखरेल ८६) रमेश पोखरेल ८७) राजदेव राम ८८) राजु नेपाल ८९) राजु थापा ९०) राजेन्द्र कुमार किराती ९१) राजेन्द्रप्रसाद देवकोटा ९२) राम रिझन यादव ९३) रामबहादुर बोहरा ९४) रामबाबु थापा ९५) रामकैलाश यादव ९६) रामकुमार पुरी ९७) रामबहादुर घले ९८) रिमबहादुर बस्येल ९९) रोशन पोखरेल १००) रोहिणी प्रसाद पाण्डे १०१) लालध्वज नेम्वाङ १०२) विनोद कुमार गुरुङ १०३) विमल गिरी १०४) विष्णुप्रसाद आचार्य १०५) वीरबहादुर तामाङ १०६) वीरेन्द्र हरिजन १०७) वेदप्रासद आचार्य १०८) शम्भु बहादुर परियार १०९) शरदमणी खरेल ११०) शिव सुन्दर शाही १११) शिवशंकर यादव ११२) सन्जय पासवान ११३) सरुण बाठा मगर ११४) साधु यादव ११५) सिर्जना रिजाल नेपाल ११६) श्रीचन्द मुखिया ११७) श्रीजना सुवेदी ११८) सुदर्शन खतिवडा ११९) सुनिता काफ्ले १२०) सुनिल खड्का १२१) सुनिल बिक १२२) सुभाष पाण्डे १२३) सुरेन्द्र कुमार पटेल १२४) सूर्यबहादुर राई १२५) सूर्यनारायण मण्डल १२६) सोनामसिं स्याङ्तान १२७) सोमबहादुर थिङ १२८) संजय कुमार साह १२९) संजिव गुरुङ १३०) हरिबहादुर श्रेष्ठ १३१) हरि प्रसाद रिजाल १३२) हरिशरआचार्य १३३) हिक्मत बिश्वकर्मा १३४) हेमबहादुर थापा (पराजुली) १३५) होम कुमारी तामाङ (दोङ) १३६) ज्ञानेन्द्र कुमाल १३७) दीपक लामिछाने १३८) विमला अर्याल १३९) तारा दवाडी १४०) सावित्री राई १४१) प्रमिला यादव १४२) तारा भण्डारी १४३) सलमा खातुन मिकरानी १४४) मीरा रानी १४५) सुनिता देवी १४६) नुरी मिकरानी १४७) सुनिता देवी यादव १४८) सवनम खातुन १४९) बबिता देवी १५०) फूलतारन कुमारी १५१) रौसनी खातुन १५२) सैरा बानु अन्सारी १५३) सुशीला देवी यादव १५४) सानी श्रेष्ठ १५५) शोभा माझी १५६) अनिता थिङ १५७) आशा लामा १५८) निकिता तामाङ १५९) दिलमाया लामा १६०) वसुन्धरा सापकोटा १६१) न्हुछेशोभा तुलाधर १६२) टीका कुमारी प्रज्ञा १६३) मन्जु थापा मगर १६४) देवी कुमारी क्षेत्री १६५) दुर्गा गुरुङ १६६) लक्ष्मी खाती परियार १६७) नारायणी अधिकारी १६८) धनमाया लामा १६९) ईश्वरी थापा १७०) ज्ञानीदेवी थापा मगर १७१) पूर्णमाया वन्त १७२) लक्ष्मी चौधरी १७३) धनेश्वरी चौधरी १७४) राधा थापा १७५) रमा आचार्य १७६) रेखा गुप्ता १७७) मन्जू चौधरी १७८) मीरा शाह १७९) सरस्वती पाण्डे १८०) मनिका जैसी १८१) सत्यदेवी चापागाईं १८२) कमला धामी १८३) शारदा भट्टराई १८४) ईन्दिरा बस्ताकोटी १८५) विमला पुरी १८६) सानू गुरुङ १८७) सरिता ढकाल १८८) मन्जु मिक

काठमाडौं । दर्ता भएको साढे पाँच महिनापछि प्रधानन्यायाधीश चालेन्द्रशमशेर राणाविरुद्धको महाअभियोग प्रस्तावमाथि छलफल हुने भएको छ । संघीय संसद सचिवालयले आइतबार बस्ने प्रतिनिधिसभा बैठकको लागि प्रकाशन गरेको सम्भावित कार्यसूचीमा राणामाथिको महाअभियोगबारे छलफल हुने उल्लेख छ । कार्यसूचीमा २०७८ फागुन १९ गते प्रतिनिधिसभामा सांसद देव गुरुङले प्रस्तुत गर्नुभएको प्रधानन्यायाधीश राणाविरुद्ध दर्ता भएको महाभियोगको प्रस्तावमाथि छलफल हुनेछ । अन्तिम कार्यसूची बनेपछि बैठकमा महाभियोगको प्रस्तावकले राणाविरुद्धको महाभियोगको प्रस्ताव टेबल गर्न समय पाउनेछन् । त्यसपछि सभामुखले उक्त प्रस्तावमा छलफल हुने समय तोक्नेछन् । छलफल सकिएपछि सभामुखले प्रस्तावलाई महाभियोग सिफारिस समितिमा पठाउनेछन् । सिफारिस समितिले कारवाही अघि बढाएपछि प्रधानन्यायाधीशलाई सात दिनभित्र लागेको आरोपको सफाइ पेश गर्न मौका दिइनेछ । सफाइ सन्तोषजनक नभएमा वा तोकिएको म्याद भित्र आफैँ उपस्थित भई सफाइ पेश नगरेमा महाभियोग सिफारिस समितिले आफ्नो सिफारिससहितको प्रतिवेदन संसद समक्ष पेश गर्नेछ । समितिले कारवाही प्रारम्भ गरेको मितिले बढीमा तीन महिनामा प्रतिनिधिसभामा सिफारिससहितको प्रतिवेदन पेश गर्नुपर्ने व्यवस्था छ । सभामुखले तोकेको मितिमा समितिका सभापति वा कुनै पनि सदस्यले प्रतिवेदनलाई प्रतिनिधिसभामा पेश गर्नेछन् । त्यसपछि बैठकमा छलफल प्रारम्भ हुनेछ । प्रतिवेदनमाथि छलफल भइरहँदा कुनै सदस्यले संशोधन पेश गर्न वा पुनः छानबिन गर्न फेरि समितिमा फिर्ता पठाउने प्रस्ताव पेश गर्न सक्नेछन् । उक्त प्रस्ताव स्वीकृत भएमा प्रतिवेदन समितिमा फर्किनेछ र समितिले सात दिनभित्र पुनः छानबिन गरी बैठकमा पेश गर्नेछ । पेश भएको प्रस्ताव वा संशोधनमाथि संक्षिप्त छलफलपछि सभामुखले सबै संशोधन निर्णयार्थ पेश गर्ने व्यवस्था छ । त्यसपछि प्रतिवेदनमा उल्लेखित सिफारिस बैठकमा पेश गरिनेछ । महाभियोग प्रस्तावमाथि सभाको निर्णय प्रतिनिधिसभा सदस्यको दस्तखतसहितको मत विभाजनबाट हुने व्यवस्था छ । महाभियोग सिफारिस समितिले पेश गरेको प्रतिवेदन प्रतिनिधिसभाको तत्काल कायम रहेको सदस्य संख्याको दुईतिहाइ बहुमतले पारित भए मात्र प्रधानन्यायाधीश पदमुक्त हुनेछन् । गत फागुन १ गते नेपाली कांग्रेस, माओवादी केन्द्र र नेकपा एकीकृत समाजवादीका ९८ सांसदको हस्ताक्षरसहित संसद सचिवालयमा राणाविरुद्ध महाअभियोग दर्ता भएको थियो । उक्त महाअभियोग प्रस्ताव फागुन १९ गते संसदमा दर्ता भएको थियो । महाभियोग प्रस्ताव दर्ता भएसंगै प्रधानन्यायाधीश राणा निलम्बनमा हुनुहुन्छ । फागुन २२ गते प्रतिनिधिसभाले प्रधानन्यायाधीश राणामाथि लगाइएको महाभियोगको छानबिन गर्न महाभियोग सिफारिस समिति गठन गरेको थियो । समिति गठन गरे पनि छलफल अगाडि बढ्न सकेको थिएन । महाभियोग लगाएर प्रधानन्यायाधीश जबरालाई निलम्वनमा राखेको तर प्रक्रिया अघि नबढाएको भन्दै प्रमुख प्रतिपक्षी एमालेले संसददेखि सार्वजनिक सभामा विरोध गर्दै आएको थियो । नेपाल बार एसोसिएसनले पनि न्यायालयको प्रमुखमाथि महाभियोग लगाएर निलम्बनमा राखेको भन्दै सभामुख अग्निप्रसाद सापकोटालाई भेटेर प्रक्रिया अगाडि बढाउन आग्रह गरेको थियो । संविधान र कानूनको गम्भीर उल्लंघन, कार्यक्षमता अभाव, खराब आचरण, इमान्दारपूर्वक पदीय कर्तव्य पालना नगरेको र आचारसंहिताको गम्भीर उल्लंघन गरेको लगायत २१ आरोप लगाएर राणामाथि महाभियोग दर्ता गरिएको थियो । इमेजखबरबाट

काठमाडौं, साउन १ गते । काठमाडौंको एक खाजाघरमा नाबालिकालाई वेश्यावृती गर्न लगाएको आरोपमा प्रहरीले एक महिलालाई पक्राउ गरेको छ । पक्राउ पर्नेमा इलामको माई नगरपालिका–७ घर भई हाल काठमाडौं–९ टोखा बस्ने २८ वर्षीया चिनिमाया लिम्बु छन् । लिम्बुलाई मानव बेचविखन अनुसन्धान ब्यूरोले असार ३० गते पक्राउ गरेको हो । ब्यूरोका सूचना अधिकारी एसपी दानबहादुर मल्लका अनुसार लिम्बुले काठमाडौंको टोखा नगरपालिका–९ मा खाजा घर सञ्चालन गरी खाजा घरमै कोठा भाडामा लिएर नाबालिकालाई वेश्यावृती गर्न बाध्य पारेकी थिईन् । लिम्बुले प्रति ग्राहक एक हजार लिने गरेको एसपी मल्लले बताए । आफू रकम राखेर नाबालिकालाई खान मात्रै दिने र जबर्जस्ती यौन सम्पर्क गर्न बाध्य पारेको अनुसन्धानमा खुलेको छ। बाहिर कसैलाई बताएमा ज्यान लिने डरत्राशमा पारी बन्धक बनाइ राखेको अवस्था प्रहरीले फेला पारेर जेठ १३ गते ती नाबालिकाहरुको प्रहरीले उद्धार गरेको थियो । लिम्बुमाथि मानव बेचबिखन तथा ओसारपसार (नियन्त्रण) ऐन २०६४ अनुसार पाँच दिनको म्याद थप लिई कारबाही भइरहेको एसपी मल्लले जनाए । photo: Symbolic Only

काठमाडौं । पार्टी अध्यक्षको हैसियतले भारत भ्रमणमा गएका प्रचण्डलाई भारतको सरकार र सत्तारुढ दलले दिएको महत्वले प्रचण्ड नै नेपालको राजनीतिका निर्णायक हस्ती भएको स्पष्ट पारेको छ । भारतीय जनता पार्टीको निमन्त्रणामा दिल्ली भ्रमणमा गएका प्रचण्डलाई सरकारका उच्चाधिकारीहरुले समेत उच्च महत्व दिएका थिए । त्यसैले फर्केपछि विमानस्थलमा प्रचण्डले पहिला प्रधानमन्त्री भएर भारत जाँदा र अहिले जाँदा सुरक्षा र रेस्पोन्समा कुनै फरक नरहेको बताए । प्रचण्डको भ्रमणका अवसरमा उनले निर्धक्कसँग दुबैदेशबीच थाती रहेका विवादलाई कुटनीतिकरुपमा हल गर्नुपर्ने कुरा अघि सारे । खासगरी १९५० को सन्धी, व्यापार घाटा, दुइदेशबीच आपसी सहयोग आदानप्रदान जस्ता विषयमा प्रचण्डले खुलेरै कुरा राखे । प्रबुद्ध वौद्धिक समूहको प्रतिवेदनका बारेमा समेत उनले कुरा राखे । यो कुराकानी भारतीय सरकारकै विदेशमन्त्रालय, सुरक्षा सल्लाहकार, सत्तारुढ दलका शीर्ष नेतालगायतसँग उनले राखे । प्रचण्डले स्पष्ट सन्देश दिए नेपाल भारतसँग समानस्तरको निकट सम्बन्ध चाहन्छ । तीन दिने भारत भ्रमण गरेर नेपाल फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीहरुसँग कुरा गर्दै प्रचण्डले भ्रमणका अवसरमा भारतका सरकारी पदाधिकारी र भारतीय जनता पार्टीका विभिन्न पदाधिकारीहरुसँग भेट भएको बताए । भारतका विदेशमन्त्री एस जयशंकर, भारतका विदेश सचिव विनयमोहन क्वात्रा, भाजपाका अध्यक्ष जेपी नड्डा लगायतका पदाधिकारीसँग महत्वपूर्ण छलफल भएको उनले बताए । प्रचण्डकै शब्दमा भेटमा नेपाल र भारतका वर्तमान समस्या, सीमा विवाद, डुबानका बारेमा पनि छलफल भयो । यतिमात्रै होइन, प्रचण्डले अहिलेको प्रमुख समस्या पेट्रोलको रहेकोले भारतमा रुसबाट आउने कच्चा तेल नेपाललाई सहुलयितमा दिने बारेमा पनि चर्चा गरे । भारत भ्रमणपछि अब नेपाललाई विभिन्न खाले सहयोग र अहिलेका समस्या समाधान हुने कुरामा विश्वस्त रहेको प्रचण्डले बताए । भाजपा अध्यक्ष नड्डाले नेपालको माओवादी र भाजपाबीच अब संयुक्त बैठक डाक्ने, भेटघाट गर्ने र पार्टीका बारेमा छलफल गरी सम्बन्ध बिस्तार गर्ने बारेमा प्रश्ताव राखेको र आफूले उक्त प्रश्ताव स्वीकारेको उनले बताए । सामान्यतः पार्टीको निमन्त्रणामा हुने भ्रमणमा दुई दलबीच मात्रै आपसी भाइचाराका विषयमा छलफल हुने गर्दछ । त्यहाँ सरकारका प्रतिनिधिहरुको उपस्थिति अनिवार्य हुँदैन । तर प्रचण्डको भ्रमण भने त्यो भन्दा फरक रह्यो । उनी पूर्व प्रधानमन्त्री तथा पार्टी अध्यक्षको हैसियतामा भ्रमणमा गएको बेला भारतका विदेशमन्त्रीदेखि सुरक्षा सल्लाहकारसँग महत्वपूर्ण राजनीतिक भेटवार्ता भयो । सरकारकै नेतृत्वले गर्ने किसिमका आपसी छलफल र वार्ता त्यहाँ सम्पन्न भए । प्रचण्डले पनि त्यही अनुसार, राजनीतिक एजेण्डाहरु प्रस्तुत गरे । भारतले प्रचण्डलाई यसरी महत्व दिनुको पछाडि प्रचण्ड नेपाली राजनीतिका किंगमेकर हुन भन्ने बोध गर्नु हो । सत्तारुढ गठबन्धनको प्रमुख मियो, निर्णायक नेता तथा नेपालको राजनीतिलाई निर्दिष्ट गर्नसक्ने क्षमता प्रचण्डसँग छ भन्ने कुरा भारतले गम्भीररुपमा बुझ्नु हो । यसले प्रचण्डप्रति भारतीय मिडिया र राजनीतिमा परम्परागतरुपमा चित्रण गरिने दृष्टिकोण समेत परिवर्तन भएको छ । राजनीतिरुपमा फरक दृष्टिकोण बोक्ने माओवादी केन्द्र र भारतीय जनता पार्टीबीच पार्टीगत सहकार्यको विषय समेत दूरगामी दृष्टिले नेपालको लोकतन्त्रको विकासका लागि महत्वपूर्ण देख्निछ ।  

काठमाडौं । सरकारले पेट्रोलियम पदार्थमा पूर्वाधार करबापत मूल्य समायोजन भएको रकम ५९ करोड ८६ लाख ८० हजार रुपैयाँ आयल निगमलाई अनुदान दिने भएको छ । शुक्रबारको मन्त्रिपरिषद् बैठकले मूल्य समायोजन भएको ५९ करोड ८६ लाख ८० हजार रुपैयाँ अनुदान दिने र पेट्रोलियम पदार्थको मूल्य समायोजन भएको कारण नेपाल आयाल निगमले इन्डियन आयल कर्पोरेसन लिमिटेडलाई भुक्तानी दिन अपुग सात अर्ब रुपैयाँ लगानी गर्ने निर्णय गरेको सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए । मन्त्रिपरिषद्ले राष्ट्रिय अनुसन्धान विभागका अनुसन्धान निर्देशक कुलदेव थापालाई अतिरिक्त मुख्य अनुसन्धान निर्देशक पदमा बढुवा गर्ने निर्णय गरेको छ भने माथिल्लो कर्णाली जलविद्युत् परियोजनाको वित्तीय व्यवस्थापनको म्याद मन्त्रिपरिषद्बाट निर्णय भएको मितिले २ वर्ष थप गर्ने निर्णय गरेको छ । त्यस्तै, विभिन्न १० वस्तुको पैंठारीमा लगाइएको बन्देजलाई भदौ १४ गतेसम्म निरन्तरता दिने, बर्डफ्लू नियन्त्रणका क्रममा नष्ट गरिएका वस्तुको राहत प्रदान गर्ने र सो रोग नियन्त्रणमा खटाइएकालाई प्रोत्साहनस्वरुप सुविधा प्रदान गर्ने मापदण्ड स्वीकृत गर्ने, निर्णय गरेको छ । त्यस्तै, सरकारले मेलम्ची खोनपानी आयोजनाको सुरुङ परीक्षण गर्ने क्रममा दुर्घटनामा परी दिवंगत भएका इन्जिनियर सतिशकुमार गोहित र सवारी चालक राधाकृष्ण थापा मगरको परिवारलाई क्षतिपूर्ति स्वरुप ५–५ लाखका दरले आर्थिक सहायता उपलब्ध गराउने भएको छ । जुरे पहिरो पीडित समुदायका लागि जनस्तरबाट संकलित रकम फुकुवा गर्न स्वीकृत दिने र लुम्बिनी गार्डेन फाउण्डेशनले उपलब्ध गराउन प्रस्ताव गरेको जियोडेट स्टोनको बुद्ध मूर्ति उपहारस्वरुप स्वीकार गर्ने निर्णय गरेको छ ।  

काठमाडौं । संघीय संसद, प्रतिनिधि सभाका सभामुख अग्निप्रसाद सापकोटा र नेपालका लागि भारतीय राजदूत नवीन श्रीवास्तवबीच आज शिष्टाचार भेटवार्ता भएको छ । भेट सिंहदरबारस्थित सभामुखको कार्यकक्षमा भएको थियो । सभामुख सापकोटाले लामो अनुभव र महत्वपूर्ण जिम्मेवारी बहनको अनुभवसहित नेपालको राजदूतमा नियुक्त श्रीवास्तवको कार्यकाल दुई देशबीचको सम्बन्धलाई गुणात्मक उचाइमा पुर्याउन सफल हुने विश्वास व्यक्त गरे। नेपाल र भारतबीच मौलिक एवं बहुआयामिक सम्बन्ध रहेको चर्चा गर्दै सभामुख सापकोटाले दुई देशबीच कूटनीतिक सम्बन्ध स्थापनाको ७५ औं बर्ष र भारतले आफ्नो स्वतन्त्रताको ७५ औं बर्ष मनाइरहेको सन्दर्भ स्मरण गरे। उनले नेपाल र भारतबीच सदियौंदेखि सामाजिक, सांस्कृतिक, धार्मिक र आर्थिक सम्बन्ध रहेको चर्चा गर्दै दुई देशका जनताका बीचको सम्बन्ध अझ गहिरो रहेको धारणा राखे। सभामुख सापकोटाले भारतीय प्रधानमन्त्री नरेन्द्र मोदीको पछिल्लो लुम्बिनी भ्रमणले धार्मिक पर्यटनमा ठूलो योगदान पुर्याएको र नयाँ अध्यायको सुरुवात गरेको बताए। दुबै देशबाट भएका उच्चस्तरीय भ्रमणले नेपाल भारत सम्बन्धलाई थप बलियो बनाएको उनको भनाई थियो । भेटमा सभामुख सापकोटाले कोभिड–१९ को महामारीका बेला भारतले आफू त्यस विरुद्ध जुधिरहँदा समेत नेपाललाई स्वास्थ्य सामग्री र खोप उपलब्ध गराउँदै एउटा छिमेकीको मात्रै नभएर मानवीयता प्रदर्शन गरेको भन्दै धन्यवाद ज्ञापन गरे । उनले जलवायु परिवर्तन लगायत विश्व राजनीतिक मञ्चमा देखा परेका संकट समाधानमा दुबै देशले साझा समझदारी बनाउँदा राम्रो हुने धारणा राखे। ‘विश्व शान्तिका लागि मिलेर अघि बढ्नु पर्छ’ सभामुख सापकोटाले भने । उनले भारतको लोकतान्त्रिक अभ्यासबाट नेपालले सिक्न चाहेको बताउँदै दुबै देशका राम्रा अभ्यासहरु आदान प्रदान गर्न सकिने धारणा राखे । सभामुख सापकोटाले नेपालमा रासायनिक मल अभावले नेपाली किसान निकै चिन्तित रहेको बताउँदै भेटमा मलको विषयलाई महत्वका साथ उल्लेख गर्न चाहेको बताए । सभामुख सापकोटासँगको भेटमा नवनियुक्त भारतीय राजदूत नवीन श्रीवास्तवले भारतले ‘छिमेकी पहिलो नीति’ रहेको चर्चा गर्दै आठ वर्षमा पाँच पटक प्रधानमन्त्रीको तहबाट नेपाल भ्रमण भएको स्मरण गरे। लामो र ऐतिहासिक सम्बन्ध रहेको दुबै देशका बीचमा सहकार्यका थुप्रै सम्भावना रहेको चर्चा गर्दै उनले ‘कनेक्टिभिटी’लाई अझ विस्तार गर्न सकिने धारणा राखे। जलवायु परिवर्तनको असर दक्षिण एसियाको साझा समस्या रहेको बताउँदै राजदूत श्रीवास्तवले सामूहिक रुपमा समाधान खोज्नु पर्नेमा जोड दिए ।

काठमाडौं । भारत भ्रमणमा रहेका नेकपा माओवादी केन्द्रका अध्यक्ष प्रचण्ड र भापजाका अध्यक्ष जेपी नड्डाबीच भेटवार्ता भएको छ ।भेटमा  भारतीय विदेशमन्त्री जयशंकर र भाजपा विदेश विभाग प्रमुख डा.विजय चौथाइवाला पनि सहभागी थिए। अध्यक्ष प्रचण्डलाई भाजपाको मुख्यालयमा भापजाका अध्यक्ष जेपी नड्डाले स्वागत गरेका हुन् । भेटमा नेपाल भारत सम्बन्धकासाथै दुई पार्टीबीचको सहकार्यको बारेमा कुरा भएको थियो । त्यहाँ अध्यक्ष प्रचण्डलाई भाजपा पार्टीको गतिविधिको बारेका जानकारी गराउँने कार्यक्रम रहेको छ । प्रचण्ड भारत गएदेखि नै राजनीतिक भेटघाटमा व्यस्त बनेका छन् । गत शुक्रबार नयाँ दिल्ली पुगेलगत्तै उनले त्यहाँका सत्ता तथा विपक्षी दललका नेताहरूसँग भेटवार्ता गरेका छन् । माओवादी केन्द्रका अध्यक्ष प्रचण्ड आजै स्वदेश फर्किने कार्यक्रम रहेको छ ।

काठमाडौं । सरकाले आजदेखि लागू हुनेगरी सत्य निरुपण तथा मेलमिलाप आयोग र बेपत्ता व्यक्तिको छानबिन गर्न गठित आयोगको म्याद पुनः थप गरेको छ। गत वर्ष साउन १ गतेदेखि लागू हुनेगरी थप गरिएको समय सकिएसँगै सरकारले यो पटक भने तीन महिनाका लागि फेरि म्याद थप गरेको हो । कानुन, न्याय तथा संसदीय मामिला मन्त्रालयले गत राजपत्रमा सूचना प्रकाशित गर्दै दुबै समितिको म्याद २०७९ असोज मसान्तसम्म थप गरिएको जनाएको छ। दुवै आयोग २०७१ साल माघ २७ गते दुई वर्षका लागि भनेर गठन गरिएको थियो। दुई वर्षमा काम नसकिएपछि एक वर्ष म्याद थप्न सक्ने व्यवस्था गरिएको थियो । तर आयोगले समयमा काम गर्न नसकेपछि पटक पटक गरी झन्डै ९ बर्षसम्म देखी म्याद थप गर्दै आएको छ । सत्य निरुपण तथा मेलमिलाप आयोगमा झण्डै ६५ हजार हजार गुनासा दर्ता भएका छन् भने वेपत्ता छानबिन आयोगमा ३ हजार बढी उजुरीहरू दर्ता भएको दुवै आयोले जनाउँदै आएका छन । आयोगले सशस्त्र द्वन्द्वमा पीडित व्यक्तिहलाई परिपुरणको व्यवस्थाका लागि सरकारलाई सिफारिस गर्ने र सशस्त्र द्वन्द्वकालीन घटनासँग सम्बन्धित गम्भीर अपराधमा संलग्न व्यक्तिलाई कानुनी कारबाहीका लागि सरकारसमक्ष सिफारिस गर्ने आयोगको उद्देश्य राखेर दुवै आयोग गठन गरेको भए पनि अहिलेसम्म सो आयोगले कारवाही प्रक्रिया अघि बढाउन सकेको छैन । जसकाकारण आयोगको म्याद पटक पटक थपिँदै आएको छ ।

काठमाडौं । सत्तासाझेदार दल नेकपा (माओवादी केन्द्र)का अध्यक्ष प्रचण्डले नेपाल–भारतबीच भएको सन् १९५० को सन्धि पुनरवलोकन गर्नुपर्ने बताएका छन् ।उनले भारत र नेपालको सम्बन्ध प्रगाढ बनाउन इतिहासले छोडेर गएका केही समस्या समाधान गर्नैपर्ने बताए । १९५० को सन्धि पुनरवलोकन ,बोर्डर समस्या र इपीजि रिर्पाट लगायतका समस्या समाधान गर्नुपर्नेमा जोड दिएका हुन् । अध्यक्ष प्रचण्डले  सबै समस्या समाधान गरेर नेपाल भारत सम्बन्ध समस्या रहित बनाउनुपर्ने बताए। शनिबार नयाँ दिल्लीमा फाउन्डेसन फर पब्लिक अर्वानेस एन्ड पोलिसीले आयोजना गरेको एक कार्यक्रममा प्रचण्डले कूटनीतिक संवादमार्फत दुई मुलुकबीचमा देखिएका समस्याहरू समाधान गरेर जान पनि सो सन्धिको पुनरवलोकन गर्न ढिलाइ गर्न नहुने बताएका हुन् । त्यस अवसरमा उनले नेपाल–भारत प्रबुद्ध समूहले तयार पारेको प्रतिवेदनलाई दुई मुलुकबीचको सम्बन्धमा अझ प्रगाढ बनाउने गरी ग्रहण गरेर अघि बढ्नुपर्ने पनि बताए । नेपाल–भारतबीचको सम्बन्ध परापूर्वकालदेखि नै प्रगाढ रहेको उल्लेख गर्दै उनले त्यसमा कुनै समस्या आए कूटनीतिक संवादको माध्यमबाट समाधान गर्दै अघि बढ्न सकिने बताए । उनले नेपालको कृषि, पूर्वाधार, पर्यटनमा लगानी बढाउन पनि भारतसँग आग्रह गरे । नेपाल सरकारले निर्यातजन्य उद्योगलाई प्राथमिकतामा राखेको उल्लेख गर्दै उनले त्यसमा लगानी गरेर पनि उच्च प्रतिफल लिन सकिने अवसर रहेको स्पष्ट पारे । सत्तारूढ भारतीय जनता पार्टीको नियन्त्रणमा अध्यक्ष प्रचण्ड भारत भ्रमणमा गएका हुन् । भ्रमण क्रममा उनले भारतीय प्रधानमन्त्री नरेन्द्र मोदीसँग पनि भेटवार्ता गर्ने कार्यक्रम छ । उनले शनिबार भारतीय विदेशमन्त्री एस जयशंकरसँग भेटवार्ता गरिसकेका छन् ।

काठमाडौं । भारत भ्रमणमा रहेका माओवादी केन्द्रका अध्यक्ष प्रचण्डले भारतसँगको सम्बन्ध परापूर्वकालदेखि रहेकोले यो विशिष्ट रहेको बताएका छन्। दिल्लीस्थित सुष्मा स्वराज स्मृति भवनमा ‘फाउन्डेसन फर पब्लिक अवारनेस एन्ड पोलेसी’ नामक संस्थाले आयोजना गरेको ‘नेपाल–भारत सम्बन्ध’ विषयक कार्यक्रमलाई सम्बोधन गर्दै प्रचण्डले उक्त विचार राखेका हुन्। त्यहाँस्थित (भाजपा) सत्तारुढ दलका अध्यक्षको निम्तामा दिल्ली उत्रेका प्रचण्डले नेपाल–भारत सम्बन्ध जनस्तरमा रहेकोले यो कहिले नटुट्ने पनि बताएका छन्। ‘नेपाल–भारतको सम्बन्ध परापूर्वसमयदेखि रहेको छ। यो सम्बन्ध ऐतिहासिक रुपमा सामाजिक, सांस्कृतिक र जनस्तरमा रहेको छ’, प्रचण्डले भने, ‘हामी जमिन, भाषा, साहित्य, धर्म र नदिले जोडिएका छौं।’ त्यस्तै, प्रचण्डले नेपालले छिमेकी मुलुकका विरुद्ध आफ्नो देश प्रयोग हुन नदिने पनि बताएका छन्। ‘नेपाल र भारत एकअर्काको चासो र हितमा प्रतिबद्ध रहेका छौं। नेपाल आफ्नो भूमि छिमेकीको विरूद्ध प्रयोग हुन दिनेछैन र भारतबाट पनि त्यही प्रतिवद्धता चाहन्छ’, उनले भने, ‘जनस्तरबीच रहेको सम्बन्ध, खुल्ला सिमाना र अपार सद्‌भावना लगायतका विषयले नेपाल भारतको विशिष्ट सम्बन्ध रहेको छ।’ पछिल्लो समय नेपाल र भारतका प्रधानमन्त्रीको भ्रमणले दुई देशको सम्बन्ध विशिष्ट तहमा पुगेको बताए। ‘नेपालका प्रधानमन्त्री शेरबहादुर देउवाको भारत भ्रमण र भारतका प्रधानमन्त्री नरेन्द्र मोदीको पछिल्लो नेपाल भ्रमणले हाम्रो सम्बन्ध अझै विशिष्टकृत तहमा पुगेको छ’, प्रचण्डले थपे। प्रचण्डले व्यापार र विकासका लागि भारत महत्त्वपूर्ण साझेदार मुलुक रहेकोले भारतले अहिलेसम्म गरेको सहयोगका लागि धन्यवाद पनि दिए। ‘नेपालका लगि भारत महत्त्वपूर्ण साझेदार मुलुक हो। कोभिडको बेला भारतले गरेको स्वास्थ्य सहयोगप्रति धन्यवाद दिन्छु। त्यस्तै, भूकम्पका बेला र भूकम्पपछिको पुनर्निमार्णका बेला गरेको सहयोगप्रति आभार प्रकट गर्दछु’, प्रचण्डले भने, ‘विकास र समृद्धका लागि, कृषि, पूर्वधार, रेल्वे सेवामा भारतले गरेको सहयोग अतुलिनिय छ। भरतबाट आगामी दिनमा पनि यो सहयोग र प्रतिबद्धताको निरन्तरता चाहान्छौं।’ त्यस्तै, जलविद्युतमा भारतसँग थप काम गर्न चाहेको प्रचण्डले बताएका छन्। ‘जलविद्युतको क्षेत्रमा पनि भारतसँग काम गर्न चाहान्छौं। भारतसँग विद्युत व्यापार गर्न चाहान्छौं र त्यसको सुरुवात पनि गरिसकेका छौं’, उनले भने, ‘साथै यो क्षेत्रमा भारतको नीजि क्षेत्रलाई लगानीका लागि आग्रह गर्दछु।’ प्रचण्डले १९५० लगायतका सन्धिले दुई देशबीचको सम्बन्धमा केही अस्पष्टता रहेकोले त्यस्ता विषयलाई आपसी समझदारीले समाधान खोजिनुपर्ने बताएका छन्। तीनदिने भ्रमणमा शुक्रबार दिल्ली पुगेका प्रचण्ड आइतबार स्वदेश फर्कने कार्यक्रम छ।

काठमाडौं। भारत भ्रमणमा रहेका नेकपा माओवादी केन्द्रका अध्यक्ष प्रचण्डले शनिबार भारतीय विदेशमन्त्री एस जयशंकरसँग भेट गरेका छन्। अध्यक्ष प्रचण्ड र विदेशमन्त्री जयशंकरबीच नयाँ दिल्लीमा भेटवार्ता भएको हो। भारतीय जनता पार्टीका अध्यक्ष जेपी नड्डाको निमन्त्रणामा भारत भ्रमणमा रहेका अध्यक्ष प्रचण्डलाई स्वागत गर्न पाउँदा खुशी लागेको बताउँदै मन्त्री जयशंकरले आर्थिक सहकार्यमा केन्द्रित भई छिमेकी सम्बन्धलाई सुदृढ बनाउने विषयमा फलदायी छलफल भएको बताए। शुक्रबार भारत भ्रमणमा गएका उनले शनिबार नै भारतीय सुेरक्षा सल्लाहकार अजित डोभललगायतसँग भेटवार्ता गर्दैछन्। प्रचण्डले शनिबार भाजपाका अध्यक्ष जगतप्रकाश नड्डासँग पनि भेटवार्ता गर्ने र आइतबार भारतीय प्रधानमन्त्री नरेन्द्र मोदीसँग भेट गरेर प्रचण्ड स्वदेश फर्किने कार्यतालिका रहेको उनको सचिवालयले जनाएको छ।