काठमाडौं, असार १ । स्थानीय निर्वाचनका सहभागी गराउनका लागि राष्ट्रिय जनता पार्टी नेपाल र सत्तापक्षबीचको छलफलपछि अनिर्णय बनेको दुई नम्बर प्रदेशको निर्वाचन असोज २ गते हुने भएको छ । सरकार र निर्वाचन आयोगबीचको छलफलपछि तेस्रो चरणको निर्वाचन आगामी असोज २ गतेलाई तय गरिएकाे हाे । त्यस्तै प्रदेश नम्बर १, ५ र ७ मा भने आगामी १४ गते निर्वाचन हुनेछ । राजपाले प्रचारका लागि तयारी नपुगेको भनेपछि भोलि हुने भनिएको मनोनयन दर्ता पनि असार ४ गतेलाई सारिएको छ ।

कैलाली, जेठ ३० । नेपाली काँग्रेस कैलालीका तर्फबाट धनगढी उपमहानगरपालिकाको उपमेयरका आकांक्षी रहेका महिला नेतृहरुले आफूहरुमाथि अन्याय भएको बताएका छन् । मेयरका आकांक्षी सुशिला मिश्र भट्टलाई उपमेयरको टिकट दिईएको भन्दै उनीहरुले आपत्ती जनाएका हुन् । नेपाली काँग्रेस कैलालीले स्थानीय तहको एक व्यक्ति, एक पदको निर्णय गर्दै मेयरको पदमा आकांक्षी व्यक्तिलाई उपमेयरमा पनि आकांक्षी हुन नपाउने, अथवा एउटा व्यक्तिले एउटै पदमा मात्र आकांक्षी हुन पाउने भन्दै सबै आकांक्षीहरुबाट शुल्क समेत उठाएको थियो । धनगढी उपमहानगरपालिकाको उपमेयरका आकांक्षी भएकाहरुसंग सल्लाह र सहमती नै नलिई मेयरकी आकांक्षी भट्टलाई उपमेयरको उम्मेदवार बनाएको भन्दै उपमेयरका सातै जना आकांक्षीले बिरोध जनाउदै नेपाली काँग्रेसका केन्द्रीय सभापति शेर बहादुर देउवाको समेत ध्यानाकर्षण गरेका छन् । बिरोध गर्नेहरुमा उपमेयरका आकांक्षीहरु नेविसंघ पूर्व महाधिबेशन प्रतिनिधि सुनिता राना,महिला संघ क्षेत्रीय प्रतिनिधि गौरी लामा, महिला संघ नगर सभापति जागृती बोगटी, तरुण दल महाधिबेशन प्रतिनिधि जीवन राना, नेविसंघ पूर्व केन्द्रीय सदस्य रक्षा महरा, नेपाली काँग्रेस महाधिबेशन प्रतिनिधि पुष्पा भट्ट र नेपाली काँग्रेस कैलालीकी पूर्व जिल्ला समिति सदस्य जानकी जोशी रहेकी छन् । उनीहरुले लामो समयदेखि धनगढीका बिभिन्न आन्दोलन र पार्टीका गतिबिधिमा संलग्न भएकाहरुलाई पाखा लगाएको भन्दै आपत्ती जनाएका छन् । साथै उनीहरुले एक पद, एक व्यक्तिको निर्णय लागु गर्न समेत पार्टीलाई आग्रह गरेका छन् । उपमेयरमा कसरी छानिईन भट्ट ? मेयरकी आकांक्षी सुशिला मिश्र भट्टले शुरु देखि नै मेयर बाहेक अन्य पदमा आफूले उम्मेदवारी नदिने अडान लिदै आएकी थिईन । उम्मेदवारहरु छनौट गर्ने क्रममा अन्तिमसम्म मेयरमा नृप वड र उपमेयरमा जीवन रानाको नाम थियो । खासगरी नेपाली काँग्रेसका सभापति शेर बहादुर देउवा, नेताहरु पूर्व गृहमन्त्री बिमलेन्द्र निधि, पूर्व रक्षामन्त्री बालकृष्ण खाणले जीवन रानालाई उपमेयर बनाउन दवाव दिएका थिए । र पार्टीका प्रभावशाली नेताहरुले रानालाई उपमेयर बनाउने निर्णयको विपक्षमा थिए, मेयरका उम्मेदवार नृप वड, नेपाली काँग्रेस कैलालीका सभापति नरनारायण शाह मनु, सांसद ईश्वरी न्यौपाने र सांसद पुष्कर नाथ ओझा । शुरुमा उनलाई उपमेयरमा उम्मेदवारको आकांक्षी बनाउन दवाव दिने नेता थिए, सांसद पुष्कर नाथ ओझा । र सांसद ओझाले नै कृष्ण बहादुर महरालाई मेयरको आकांक्षी बनाएका थिए । तर रातारात परिवर्तन भएका सांसद ओझाले कृष्ण बहादुर महराको साथ मात्र छोडेनन, वडलाई समर्थन गर्दै उपमेयरमा रानालाई समेत रोक्न पुरै कोशिस गरे । उपमेयरका अन्य ६ आकांक्षी भन्दा बलियो देखिएपछि उनीहरु सबैका लागि राना टाउको दुखाईको विषय बनिन । किनकी सामान्य दवावले उनलाई रोक्न सक्ने अवस्थामा उनीहरु थिएनन । त्यहीबीचमा सांसद ओझा, सभापति शाह, सांसद न्यौपानेले रानालाई उपमेयरमा रोक्न मेयरकी आकांक्षी भट्टलाई आग्रह गरे । उम्मेदवारको निर्णय हुनु केही दिनअघिसम्म पनि भट्टले उपमेयर नहुने बताएर पञ्छिएकी थिईन । उनले आफूलाई मेयरको उम्मेदवार नबनाउने भए अरु कुनै पदमा उम्मेदवारी नदिने समेत अडान लिएकी थिईन । ए । अन्ततः उनीहरु रानालाई रोकेर भट्टलाई उपमेयरको उम्मेदवार बनाउन सफल भए । रानालाई उनीहरुले मेयरका आंकाक्षी कृष्ण बहादुर महराको पक्षधर भएकै कारण रोकेका हुन् । सभापति शाह २०६४ र २०७० सालमा भएको अखण्डको आन्दोलनमा आफू थारु पक्षधर भएको बताउदै आन्दोलनमा सहभागी भएका थिएनन । यद्दपि राना थारुका तर्फबाट उपमेयरकी उम्मेदवार रहेकी रानालाई रोक्न भने सबैभन्दा बढि दवाव शाहले दिएको बताईएको छ । जीवन राना नेपाली काँग्रेसको भातृ संगठन तरुण दलको महाधिबेशन प्रतिनिधि हुन् । उनी राना थारु समाजको केन्द्रीय अध्यक्ष समेत हुन् । राना थारु समुदायबाट पहिलो स्नातकोत्तर राना अहिले पिएचडीको अन्तिम चरणमा छन् । नेतृत्व विकास तालिममा अमेरिका, थाईल्याण्ड लगायतका देशमा सहभागी भईसकेकी रानाले थारु भाषाको पाठ्यक्रम समेत लेखेकी हुन् । धनगढी उपमहानगरपालिका भित्र थारु समुदाय(राना र चौधरी) को कुलजनसंख्याको ४४ प्रतिशत जनसंख्या छ । पहिलो स्थानीय निकायको निर्बाचन २०४९ मा नेपाली काँग्रेसले राना समुदायबाट उजागर रानालाई उपमेयरको टिकट दिएको थियो । र उक्त निर्बाचनमा काँग्रेसका मेयर किशोर बम र उपमेयरका उम्मेदवार उजागर राना जितेका थिए । २०५४ को स्थानीय निकायको निर्बाचनमा काँग्रेसले पुनः बमलाई मेयर र उपमेयरमा मनिराम देवललाई उठाएका थिए । जुन निर्बाचनमा काँग्रेसले मेयर र उपमेयर सहित अधिकांश वडा अध्यक्ष गुमाएको थियो । काँग्रेसलाई पराजीत गर्दै एमालेका खेमराज पाण्डेय मेयर र नारदमुनी राना उपमेयरमा बिजयी भएका थिए ।

गुल्मी, जेठ ३० । कुल मतदाता संख्याः १ लाख ८० हजार ७ सय ७५ महिला मतदाताः ९४७५९ पुरुष मतदाताः ८६०१५ स्थानिय तहः २ नगरपालिका र १० गाउँपालिका वडा संख्याः ९३ गाउँ र नगर पालिकाहरुको मत संख्या लगायत : कालिगण्डकी गाउँपालिकाः वडा संख्या–७, मतदाता–१२६३४, मतदान स्थान–१० , केन्द्र–१७ , सदरमुकाम तम्घासबाट दुरी पुुर्व ( वाग्लु–, पर्वत, स्याङ्गजाको सिमना ) ५८ कि.मि., क्षेत्रफल १०५.०३ वर्ग कि.मि.। सत्यवती गा.पाः वडा संख्या–८ , मतदाता–१५५७१ स्थान–१४ केन्द्र–२० , दुरी–पुर्व ३३ कि.मि., क्षेत्रफलः ११६.९१ वर्ग कि.मि. चन्द्रकोट गा.पा.वडा संख्या–८ , मतदाता संख्या–१३३९३, स्थान– १२, केन्द्र–२० , दुरी–सुदुर पुर्व ३१ कि.मि., क्षेत्रफल–१०५.०३ वर्ग कि.मि.। मुसिकोट न.पा. वडा संख्या–९, मतदाता–१९४८५ (सवै भन्दा बढि ) स्थान १५ , केन्द्र २४ , पुर्वी उत्तर दुरी–२९ कि.मि., क्षेत्रफल –१०६.८३ वर्ग कि.मि.। रुरु गा.पा. वडा संख्या–६ , मतदाता–१३५४२ , स्थान–११ , केन्द्र–१८ , दुरी–दक्षिण २९ कि.मि. , क्षेत्रफल–४७.३६ वर्ग किमि । छत्रकोट गा.पा.ः वडा संख्या–६ , मतदाता–१५५११ , स्थान–१० , केन्द्र–१८ , दुरी–दक्षिण २१.७२ किमि, क्षेत्रफल–८७.०१ वर्ग किमि । गुल्मीदरवार गा.पाः वडा–७ , मतदाता–१५३६७, स्थान–११, केन्द्र–१८, दुरी–दक्षिण १२ किमि, क्षेत्रफल–७९.९९ वर्ग किमि । रेसुङ्गा न.पाः वडा संख्या –१४ , मतदाता–१८३४१ , स्थान–१५ , केन्द्र–२८, दुरी–० किमि सदरमुकाम , क्षेत्रफल–८३.७२ वर्ग किमि । धुर्कोट गा.पाः वडा संख्या–७ , मतदाता–१५६४९, स्थान–११, केन्द्र–२१ , दुरी –पश्चिम १५ किमि, क्षेत्रफल–८६.३२ वर्ग किमि । मदाने गा.पाःवडा संख्या–७ , मतदाता–१३२७८ , स्थान–१०, केन्द्र–१९, दुरी–पश्चिम (अर्घाखाँची र प्युठानको सिमना )३३ किमि, क्षेत्रफल–९४.५२ वर्ग किमि । मालिका गा.पाः वडा संख्या–८ , मतदाता–१४१६४ , स्थान–११ , केन्द्र–१९ , दुरी (((उत्तर वाग्लुङ्गको सिमना ) ३६ किमि, क्षेत्रफल–१००.३६ वर्ग किमि । ईस्मा गा.पाः वडा संख्या–६ , मतदाता–१३८४०, स्थान–८ , केन्द्र –१८ , दुरी पश्चिम र उत्तर १८ किमि, क्षेत्रफल –८१.८८ । श्रोतः जिल्ला निर्वाचन कार्यालय मुख्य प्रतिष्पर्धीः नेपाली कांग्रेस , नेकपा एमाले र माओवादी केन्द्र क्रियाशिल राजनैतिक दलः ११ वटा को कहाँ को संग भिड्दै ? कालिगण्डकी गा.पा.मा प्रमुख उमेदवारहरु –वेद थापा मगर ( कांग्रेस ) –टिकाराम ढकाल (एमाले ) –ओमप्रकाश न्यौपाने (माओवादी केन्द्र ) उप प्रमुख क्रमशः तिन दलबाट काग्रेस कमला पाण्डे एमाले खाली अम्विका न्यौपाने माओवादी केन्द्र चन्द्रकोट गा.पा प्रमुख –द्रोण खत्री (कांग्रेस) – भिमलाल श्रेष्ठ (एमाले) –युवाराज केसी (माओवादी केन्द्र ) उपप्रमुख क्रमशः – भगवती अर्याल –राधिका अर्याल –माओवादी केन्द्रको खाली सत्यवती गा.पा प्रमुख उमेदवारहरु –पारिश्वर ढकाल (कांग्रेस) –अमरसिंह सिंजाली ( एमाले ) –माओवादी केन्द्रको कांग्रेसलाई समर्थन उपप्रखहरु क्रमशः –टोपला थापा (माओवादी केन्द्र , कांग्रेसको समर्थन ) –सुवर्ण शाही –(एमाले ) रुरु गा.पा. प्रमुख –कांग्रेस–माओवादीबाट यदु ज्ञवाली –एमालेबाट निलकण्ठ गौतम –एक स्वतन्त्र उमेदवार उपप्रमुख –का्रग्रेस माओवादी केन्द्रबाट देविन्द्र मल्ल –एमालेबाट लक्ष्मी पन्थ छत्रकोट गा.पा.प्रमुख –कांग्रेसबाट अनन्तराम पौड्याल . –एमालेबाट मधुकृष्ण पन्त –माओवादी केन्द्रबाट रामप्रसाद पन्त उपप्रमुख –कांग्रेस खाली –एमालेबाट नर्मदा भण्डारी –माओवादी केन्द्रबाट राधा ज्ञवाली गुल्मीदरवार गा.पा.ः –कांग्रेसबाट अशोककुमार थापा . –एमालेबाट कृष्णबहादुर भुसाल –माओवादी केन्द्रबाट पुनाराम ज्ञवाली उपप्रमुख का्रग्रेसबाट मिना भण्डारी एमालेबाट सुशिला पुन माओवादी केन्द्रबाट सिता सर्तुङ्गे रेसुङ्गा न.पा मेयर उमेदवार –नेपाली कांग्रसबाट भुवनप्रसाद श्रेष्ठ –एमालेबाट डिल्लीराज भुसाल –माओवादी केन्द्रबाट धर्म बिश्वकर्मा –स्वतन्त्रबाट एक जना उठ्ने सम्भावना उपमेयर –कांग्रेसबाट अमृतादेवि कुँवर –एमालेबाट सिता भण्डारी –माओवादी केन्द्रबाट कमला पुन मुसिकोट न.पा. मेयर उमेदवार –कांग्रेसबाट कृष्णहरी सापकोटा –एमालेबाट सोमनाथ सापकोटा –माओवादी केन्द्रबाट खुमबहादुर थापा मगर उपमेयर –काँग्रेसबाट विष्णुकुमारी सापकोटा –एमालेबाट कमला शर्मा –माओवादी केन्द्रबाट सावित्रा खरेल मालिका गा.पा.प्रमुख उमेदवार –कांग्रेसबाट ज्ञानबहादुर कार्की –एमालेबाट रितबहादुर थापा –माओवादी केन्द्रबाट देविराम अर्याल (अमृत ) उप्रमुख –कांग्रेसबाट सिता अर्याल –एमालेबाट देवा अर्याल –माओवादी केन्द्रबाट शोभा थापा मदाने गा.पा.प्रमुख –कांग्रेस महेन्द्र बहादुर कुँवर –एमालेबाट दानबहादुर केसी –माओवादी केन्द्रबाट बेगमबहादुर चन्द बोहरा उपप्रमुख –कांग्रेस.. –एमालेबाट सरिता खड्का –माओवादी केन्द्रबाट रामकुमारी घर्ति धुर्कोट गा.पा.प्रमुख –कांग्रेस माओवादी केन्द्रबाट भुपाल पोखरेल –एमालेबाट कृष्ण घिमिरे –स्वतन्त्र उठ्न सक्ने सम्भावना उपप्रमुख –काग्रेस माओवादी गठवन्धनकी . –एमालेबाट रिता थापा ईस्मा गा.पा.प्रमुख –कांग्रेसबाट चन्द्रबहादुर महत –एमालेबाट लक्ष्मण बिष्ट –माओवादी केन्द्रबाट विमला थापा उपप्रमुख कांग्रेसबा खाली एमाले विमला केसी माओवादी केन्द्रबाट दुर्गाचन्द्र बोहरा । विगतको चुनावी अवस्था –२०६४ सालको चुनावमा माओवादी पहिलो पार्टी , कांग्रेस दोस्रो र एमाले तेश्रो –२०७० सालको निर्वाचनमा कांग्रेस पहिलो , एमाले दोश्रो र माओवादी केन्द्र तेश्रो –दोश्रो संविधान सभाको निर्वाचन भन्दा माओवादी केन्द्रको संगठन मजमुद , २०६४ कै भोटरहरु ल्याई सकेको दावि  

काठमाडौं, ३० जेठ। प्रदेश नम्बर २ का उम्मेदवार र मतदाता स्थानीय निर्वाचन हुनेमा अझै पनि ढुक्क हुन सकेका छैनन् । पटकपटक परिवर्तन भएको स्थानीय निर्वाचनको मिति र राष्ट्रिय जनता पार्टीले सार्वजनिक गरेका आन्दोलनका कार्यक्रमका कारण उनीहरु अन्योलमा परेका हुन् । नागरिक समाज गौरका अध्यक्ष जगरनाथ केशरीका अनुसार सरकारले राजपाले उठाएका जायज मागबारेमा ठोस निर्णय गर्न नसउक्दा गौरसहित प्रदेश नम्बर २ का उम्मेदवार र मतदातामा निर्वाचन हुने–नहुनेमा आशंका छाएको छ । स्थानीय तह थप्नुपर्ने कुरामा सरकार चुकेको अध्यक्ष केशरीको भनाइ छ । केशरीजस्तै गौरका रमेश सिंह पनि उम्मेदवार नै अन्योल रहनु दुःखद भएको बताउँछन् । नयाँ पत्रिकामा खबर छ ।

काठमाडौं, जेठ ३० । सत्ता साझेदार कांग्रेस र माओवादी दोस्रो चरणको स्थानीय निर्वाचन १४ असारमै गर्ने निष्कर्षमा पुगेका छन् । राष्ट्रिय जनता पार्टीलाई निर्वाचनमा सहभागी हुने वातावरण निर्माणका लागि सरकारका तर्फबाट अधिकतम लचकता प्रदर्शन गर्दासमेत आन्दोलनको घोषणा गरेकोमा दुई दलले आश्चर्य व्यक्त गरेका छन् । प्रधानमन्त्री शेरबहादुर देउवा र माओवादी अध्यक्ष प्रचण्डबीच सोमबार साँझ झन्डै आधा घन्टा छलफल भएको छ । राजपा नेताहरूसँग संवाद जारी राख्ने र निर्वाचनमा सहभागिताका लागि आग्रह गर्ने समझदारी उनीहरूबीच भएको नयाँ पत्रिकामा खबर छ ।  

काठमाडौं, जेठ ३० ।  २३ जेठमा प्रधानमन्त्री निर्वाचित भएपछि प्रधानमन्त्री शेरबहादुर देउवा तीनपटक प्रचण्डको निजी निवास लाजिम्पाट पुगिसकेका छन् । २४ जेठमा प्रधानमन्त्रीको शपथ ग्रहणपछि पदभार हस्तान्तरण सकेलगत्तै उनी लाजिम्पाट पुगेका थिए । त्यसबेला देउवा प्रचण्डसँग २० मिनेट छलफल गरेर बाहिरिएका थिए । प्रधानमन्त्री देउवा अझै बालुवाटार सरिसकेका छैनन् । त्यही भएर पनि छलफलका लागि देउवा सीधै प्रचण्ड निवास पुग्ने गरेका छन् । दोस्रोपटक २७ जेठ र तेस्रो पटक २९ जेठमा देउवा लाजिम्पाट पुगेका आजको नयाँ पत्रिकामा खबर छ ।

  काठमाडौं, जेठ २९ । प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीच स्थानीय निर्वाचन, मन्त्रीपरिषद् बिस्तारलगायतका विषयमा प्रचण्ड निवास लाजिम्पाटमा छलफल भएको छ । अध्यक्ष प्रचण्डलाई भेट्न सोमबार बेलुका प्रधानमन्त्री देउवा लाजिम्पाट पुग्नु भएको थियो । प्रधानमन्त्री देउवा र अध्यक्ष प्रचण्ड वीच सरकार सञ्चालन, मन्त्रीपरिषद बिस्तार, दोस्रो चरणको स्थानीय निर्वाचन र राजपालाई चुनावमा ल्याउने विषयमा छलफल भएको थियो । छलफलमा प्रधानमन्त्री देउवा र अध्यक्ष प्रचण्डबीच दोस्रो चरणको स्थानीय तह निर्वाचन तोकिएकै मितिमा सम्पन्न गर्ने र राजपासँग बार्ता र सम्वादको प्रक्रिया पनि जारी राख्ने विषयमा समझदारी भएको छ ।

  काठमाडौं, जेठ २९ । विक्रम संवत् ०४२ सालको बमकाण्डका चर्चित कमाण्डर डा. जितेन्द्र महासेठ नेकपा माओवादी केन्द्रमा प्रवेश गरेका छन् । सोमबार अपरान्ह माओवादी अध्यक्ष पुष्पकमल दाहाल प्रचण्डले टीका लगाएर डा. महासेठलाई माओवादी केन्द्रमा स्वागत गरेका हुन । महासेठको पार्टी प्रवेशबाट निकै प्रसन्न देखिएका अध्यक्ष प्रचण्डले ‘उहाँको पार्टी प्रवेशले मधेस र मधेसी बुद्धिजीवीहरुमा निकै ठूलो सन्देश जाने’ बताए । को हुन् महासेठ ? पेशाले डाक्टर रहेका महासेठ गणतन्त्रवादी नेता रामराजाप्रसाद सिंहको नेतृत्वमा २०४२ सालमा घटित चर्चित बम काण्डका एक कमाण्डर थिए । बम काण्डपछि उनले १३ महिना लामो जेल जीवन बिताउनु प¥यो । जनवादी मोर्चाका नेतासमेत रहेका महासेठले २० वर्ष नेपाल मेडिकल कलेजको निर्देशक भएर काम गरेका थिए । आफू राष्ट्रिय एकता र परिवर्तनप्रतिको प्रतिवद्धताबाट प्रभावित भएर माओवादी केन्द्रमा आएको डा। महासेठले बताए । उनले भने, ‘माओवादीले अघि सारेको राष्ट्रिय एकताको नीति नै सही छ । नेपालभित्रको जुनसुकै भूगोलमा बसेका नेपाली हुन्, तिनीहरुलाई समान आँखाले हेरेर मात्रै राष्ट्रिय एकता बलियो हुन्छ । माओवादीको यो नीतिले देशलाई एकतावद्ध गर्ने निष्कर्षसहित माओवादी केन्द्रमा आएको हुँ ।’

जेठ २९, काठमाडौं । बि.सं. २०४२ सालको चर्चित् बम काण्डका कमाण्डर डा. जितेन्द्र महासेठ ने.क.पा. (माओवादी केन्द्र) मा प्रवेश गर्नुभएको छ । सोमबार दिउँसो पार्टी अध्यक्ष क. प्रचण्डको हातबाट टिका लगाएर डा. महासेठ माओवादी केन्द्रमा प्रवेश गर्नुभएको हो । तात्कालीन गणतन्त्रवादी नेता रामराजाप्रसाद सिंहको नेतृत्वमा २०४२ सालमा राजामाथि गरिएको बम हमलाको उहाँ एक कमाण्डर हुनुहुन्थ्यो । बम काण्डपछि डा. महासेठले १३ महिना लामो यातनापूर्ण हिरासत जीवन बिताउनु भएको थियो । जनवादी मोर्चाका नेतासमेत रहेका सिंहले २० वर्ष नेपाल मेडिकल कलेजको निर्देशक भएर काम गर्नुभएको थियो । आफू राष्ट्रिय एकता र परिवर्तनप्रतिको प्रतिवद्धताबाट प्रभावित भएर माओवादी केन्द्रमा आएको डा. महासेठले बताउनु भयो । उहाँले भन्नुभयो, ‘माओवादीले अघि सारेको राष्ट्रिय एकताको नीति नै सही छ । नेपालभित्रको जुनसुकै भूगोलमा बसेका नेपाली हुन्, तिनीहरुलाई समान आँखाले हेरेर मात्रै राष्ट्रिय एकता बलियो हुन्छ । माओवादीको यो नीतिले देशलाई एकतावद्ध गर्ने निष्कर्षसहित माओवादी केन्द्रमा आएको हुँ ।’ डा. महासेठले राष्ट्रिय राजनीतिमा एमालेको प्रभाव लामो समय नटिक्ने बताउनु भयो । उहाँले भन्नुभयो, ‘एमाले अहिले ठूलो पार्टीजस्तो देखिएको छ । तर, यो लामो समय टिक्दैन । भ्रामक कुरा राजनीतिमा दिगो हुँदैन ।’ पार्टी प्रवेश गराउँदै अध्यक्ष क. प्रचण्डले डा. महासेठको पार्टी प्रवेशले मधेश र मधेशी बुद्धिजीवीहरुमा निकै ठूलो सन्देश जाने बताउनुभयो । प्रचण्डले भन्नुभयो, ‘माओवादीले मधेश र मधेशी जनतालाई निरास पार्दैन । सिंगो देशलाई एकतावद्ध बनाएर मात्रै देशको परिवर्तन र विकासले नयाँ गति लिन सक्दछ । तपाईको माओवादी केन्द्रमा प्रवेशले मधेश, मधेशी जनता र मधेशी बुद्धिजीवीहरुमा निकै ठूलो सन्देश जानेवाला छ । ऐतिहासिक व्यक्तित्वको भावात्मक सन्देशले फेरि मधेशलाई एकतावद्ध गर्नेछ ।’

बिराटनगर, जेठ २९ । राष्ट्रिय जनता पार्टीले असार १० गतेदेखि अनिश्चितकालिन आम हडतालको घोषणा गरेपनि यसले निर्वाचनमा असर नगर्ने प्रमुख निर्वाचन आयुक्त अयोधीप्रसादव यादवले दावी गरेका छन् । बिराटनगरमा सोमबार सञ्चारकर्मीसँग कुरा गर्दै प्रमुख निर्वाचन आयुक्त यादवले जनताले चुनाव चाहेको र निर्वाचनको माहौल बनिसकेको अवस्थामा हिँडेरै भएपनि मतदाता मतदानस्थल पुग्ने विश्वास व्यक्त गरे । मधेसका दलहरु समेत चुनाव आउन वातावरण बनोस् भनेर पटक पटक मिति सारिनुका साथै कानुन समेत संशोधन गरिएको उनको जिकिर थियो ।

विराटनगर, जेठ २९ । नयाँ शक्ति पार्टीका संयोजक तथा पूर्व प्रधानमन्त्री डा.बाबुराम भट्टराईले सत्ता पक्ष र राष्ट्रिय जनता पार्टी दुबै लचक भएर न्यूनतम कुरामा सहमति गरी चुनावमा जानु पर्ने बताएका छन् । विराटनगर विमानस्थलमा सोमबार संचारकर्मीसंग कुराकानी गर्दै संयोजक भट्टराईले दुवै आगो भएर नहुने दुवै पक्षले सकुन्जेल लचक देखाई निर्वाचनमा जानुपर्ने बताएका हुन् । डा.भट्टराईले भने, ‘अहिलेको अवस्थामा सार्थक निर्वाचन गराउन राजपाको न्यूनतम मागलाई सरकारले सम्वोधन गरी चुनावमा ल्याउने वातावरण तयार गर्नु पर्छ, त्यसका लागि राजपाले पनि आफना सबै माग पूरा हुनु पर्ने अड्डी त्याग्नु पर्छ, सत्ता पक्षले पनि कत्ति पनि मान्दिन भन्न हुँदैन ।’ दुवै पक्षले संयम भएर विवादको विषयलाई टुङयाउनु पर्ने डा.भट्टराईले बताए । उनले स्थानीय तहको चुनावलाई सार्थक बनाउन सबै दलहरुको सहभागिता अनिवार्य रहेको बताएका छन् । त्यसैले धेर–थोर सहमति नजकि पुगेर भएपनि चुनावमा जानु राजपाका लागि उचित भएको उनले बताए । विगतका दिनमा पनि सहमतीय राजनीतिका दलहरुवीच लेनदेन हुँदै आएको स्मरण गर्दै भट्टराईले‘ अहिले सम्भव हुने मागलाई सम्बोधन गर्ने र पछि सम्भव हुनेलाई सहमति गरी अघि जान सत्ता पक्ष र राजपालाई आग्रह गरे ।

काठमाडौँ,  जेठ २९ । निर्वाचन आयोगले प्रमुख निर्वाचन आयुक्त डा अयोधीप्रसाद यादवविरुद्ध आइतबार सप्तरी जिल्लाको राजविराजमा नाराबाजी गरेको तथा कालोझन्डा देखाउनेजस्ता अशोभनीय एवम् अभद्र कार्य गरिएकोेमा खेद व्यक्त गरेको छ । जिल्ला निर्वाचन कार्यालयको आयोजनामा मुख्य निर्वाचन अधिकृत, राजनीतिक दलका प्रतिनिधि, सञ्चारमाध्यमका प्रतिनिधि, कार्यालय प्रमुख, सुरक्षाकर्मीलगायत निर्वाचनका सरोकारवालासँगको अन्तक्र्रिया कार्यक्रममा सहभागी हुँदा कार्यक्रमस्थल प्रमुख जिल्ला अधिकारीको बङ्गलातर्फ जाँदै गर्दा केही राजनीतिक दलका उच्छृङ्खल कार्यकर्ताले प्रमुख निर्वाचन आयुक्तविरुद्ध नाराबाजी गर्ने तथा कालोझन्डा देखाउनेजस्ता अशोभनीय एवम् अभद्र व्यवहार देखाएको आयोगद्वारा जारी विज्ञप्तिमा उल्लेख गरिएको छ । जिल्लास्थित प्रमुख जिल्ला अधिकारी तथा सुरक्षाकर्मीको सुझबुझपूर्ण कार्य एवम् राम्रो सुरक्षा व्यवस्थाको कारण सुव्यवस्थित तरिकाबाट कार्यक्रम सञ्चालन भएको आयोगले जनाएको छ । तराई–मधेस जिल्लामा स्थानीय तहको निर्वाचनप्रति जनताको व्यापक उत्साह र निर्वाचनको सकारात्मक वातावारण बन्दै गएको अवस्थामा यस प्रकारका गतिविधिबाट लोकतान्त्रिक अभ्यासको माध्यमबाट आफ्ना जनप्रतिनिधि निर्वाचन गर्ने तथा जनप्रतिनिधिका रुपमा निर्वाचित हुने जनताको अधिकारलाई कुण्ठित पार्न खोज्नु अलोकतान्त्रिक एवम् अमर्यादित व्यवहार भएकाले यस प्रकारका गतिविधि नगरी निर्वाचनको सहज वातावरण बनाउने कार्यमा सहयोग पु¥याउन सम्पूर्ण सरोकारवालामा आयोगले आग्रह गरेको छ ।

गुल्मी, जेठ २८ । गुल्मी जिल्लाका २ नगरपालिका सहित १२ वटा स्थानिय तह रहे पनि गाउँपालिका प्रमुखको महिला उमेदवार भने एक जना मात्रै उठाईएको छ । तिन प्रमुख दल सहित ११ वटा क्रियाशिल राजनैतिक दलहरु मध्ये माओवादी केन्द्रले मात्र ईस्मा गाउँपालिका प्रमुख उमेदवारमा महिला उठाएको हो । नेकपा माओवादी केन्द्र ईस्मा गाउँपालिका कमिटीको बैठकले ईस्मा गाउँपालिका प्रमुख पदमा विमला थापालाई उठाउने निर्णय गरी उनको नेतृत्वमा आजै सो पार्टीले आफ्नो प्यानल घोषणा गरेको जनाईएको छ । ईस्मा वडा नम्वर ५ , साविकको ईस्मारजस्थल गाविसकी ३७ वर्षिया थापा माओवादी जनयुद्ध काल देखिकी सक्रिय कार्यकर्ता रहेको र अनेम संघ (क्रान्किारी )की जिल्ला सदस्य तथा ईस्मा गाउँपालिका स्तरिय संगठनकी कोषाध्यक्ष हुन् । यहाँका कुनै पनि दलले महिलालाई प्रमुख पदको उमेदवार नउठाएको अवस्थामा आफुहरुले लामो समय देखिकी सक्रिय कार्यकर्ता थापाको योगदानको कदर गर्दै प्रमुख पदमा उमेदवार उठाएको सो पार्टीको पोलिट्व्युरो सदस्य तथा जिल्ला ईञ्चार्ज दिनेश पन्थीले बताए । प्रमुख पदमा पार्टीले उठाउला भन्ने लागेको थियो ? भन्ने प्रश्नमा थापाले भनिन् पार्टीले पनि मौका दियो र म आफुले पनि महिलालो पनि केहि गर्न सक्छन भन्ने देखाउनका लागि उमेदवारीका लागि जोड गरेको प्रतिकृया दिईन् । उनले ईस्मावासीले आफु महिला उमेदवारलाई जिताउने कुरामा विश्वास्त रहेको बताईन् । त्यस्तै उनको प्यानलमा माओवादी केन्द्रका जिल्ला सदस्य दुर्गाचन्द्र बोहरा उप प्रमुखको उमेदवार चयन भएका छन् । साविकको अमरपुर–१ का वासीन्दा बोहरा त्यस भेगमा अगुवा समाज सेवीका रुपमा परिचीत छन् । द्धन्द्धकाल देखि नै माओवादीको राजनीतिका सक्रिय हुँदै आएका वोहरा गुल्मी उद्योग वाणिज्य संघका कोषाध्यक्ष समेत हुन भने अमरपुरका विभिन्न शैक्षिक संस्था तथा विकास निमार्णमा आगुवाई समेत गर्दै आएका छन् । उनले गाउँ प्रमुख , उप प्रमुख सहित आफ्नो प्यानल विजयी हुने दावि गरे । त्यस्तै माओवादी केन्द्रले ईस्मा गाउँपालिका वडा नम्वर १ को हस्तीचौरमा शिव कुँवर र साविकको सोही गाविस र हालको ईस्मा वडा नम्वर २ को वडा अध्यक्षमा राहुल बिकलाई वडा अध्यक्षको उमेदवार खडा गरेको छ । त्यस्तै वडा नम्वर ३ , साविकको दर्लामचौरको वडा अध्यक्षमा प्रकाश अधिकारी र वडा नम्वर ४ साविको दोहलीको वडा अध्यक्षमा दानबहादुर नेपालीलाई वडा अध्यक्षमा खडा गरेको छ । त्यस्तै वडा नम्वर ५ साविकको ईस्मारजस्थलको वडा अध्यक्षमा वसन्त सुनार र वडा नम्वर ६ साविकको अमरपुर वडा अध्यक्षमा वालु गिरी वडा अध्यक्षको उमेदवार चयन भएका छन् । आज विहान सम्म नेपाली काग्रेस संग तालमेलको चर्चा चलिरहेकै वेला माओवादी केन्द्रले केहि पदहरुमा असन्तुष्ट हुँदै दिउँसो आफ्नो एकल प्यानल घोषणा गरेको हो ।

लोकेश धामी कैलाली । प्रदेश नम्बर सातको प्रमुख व्यापारिक केन्द्र र एकमात्र उपमहानगरपालिका धनगढीमा स्थानीय तहको चुनावको सरगर्मी बढेको छ । राजनीतिक रुपमा निकै अर्थ राख्ने धनगढीको मेयर कसले जित्ला भन्ने चर्चाले चर्को गर्मीको वातावरण अझै तातेको महसुस हुन्छ । निर्वाचन आउन करिब साढे दुई हप्ता बाँकी रहँदा ठूला सबै दलले मेयर र उपमेयरको उम्मेदवार घोषणा गर्दै चुनावी अभियानलाई तीव्रता दिएका छन् । निकै रस्साकस्सीका बीच शनिबारमात्र काँग्रेसले उम्मेदवारको औपचारिक घोषणा गरेपछि धनगढीमा कसले जित्छ भन्ने चर्चा र आँकलन शुरु भएको छ । नेपाली काँग्रेस र नेकपा माओवादी केन्द्रबीच चुनावी तालमेल हुने चर्चा पनि काँग्रेसको उम्मेदवारी घोषणासंगै सेलाएको छ र दलहरु आआफ्ना चुनावी कार्यक्रमहरुमा व्यस्त छन् । बिहानदेखि रातिसम्म चुनाव लक्षित कार्यक्रमहरु भईरहेका छन् । उम्मेदवार र उम्मेदवारका योजना नभई पार्टी हेर्ने प्रवृति भन्दा योग्य र सक्षम नेतृत्व चुन्नुपर्ने चर्चा मतदातामा रहँदा अहिले धनगढीलाई नमुना शहरको रुपमा विकास गर्ने सबैजसो उम्मेदवारहरुको साझा एजेण्डाजस्तै बनेको छ । उपमहानगरपालिकाको प्रमुखमा उम्मेदवारी घोषणा गरेका सबैजसो उम्मेदवारहरुले धनगढीलाई नमुना शहर बनाउने एजेण्डा अघि सारेका छन् । उम्मेदवारहरुका प्रतिवद्धता पत्रमा योजनावद्ध विकासमार्फत धनगढीलाई प्रदेश नम्बर सात र देशकै नमुना शहरको रुपमा विकास गर्ने उल्लेख गरिएको छ र उम्मेदवारहरु मतदातामाझ धनगढीको समुन्नत विकासमार्फत नमुना शहर बनाउने प्रतिवद्धता गरिरहेका छन् । नेपाली काँग्रेसबाट मेयरका उम्मेदवार नृपबहादुर ओडले धनगढीलाई स्मार्ट सिटीका रुपमा विकास गर्ने आफ्नो योजना रहेको बताए । धनगढीको विकासका थुपै्र संभावना र श्रोतहरु रहेको उल्लेख गर्दै सही नेतृत्व चयन हुन सके यसलाई नमुना शहर बनाउन सकिने बताए । यहाँको श्रोत र केन्द्रबाट आउने बजेटको सदुपयोग तथा हालै लागू भएका ठूला योजनाहरुको सफलतापूर्वक कार्यान्वयन गर्न सके विकासका दृष्ट्रिले धनगढी नमुना शहर बन्ने उनको भनाई छ । आफू मेयरमा विजयी भए एसियाली विकास बैंकको सहयोगमा लागू भएको क्षेत्रीय सहरी विकास आयोजना र नेपाल सरकारले लागू गरेको सघन शहरी विकास कार्यक्रम कार्यान्वयनमा विशेष ध्यान दिने उल्लेख गर्दै उनले पूर्वाधार विकासले सम्पन्न शहरको रुपमा विकास गर्ने आफ्नो योजना रहेको वडले बताए । नेकपा एमालेबाट मेयरका उम्मेदवार दुर्गाप्रसाद जोशीले धनगढीको गुरुयोजनासहितको विकास आफ्नो प्राथमिकतामा रहने बताए । उनले आफू मेयरमा विजयी भए प्रत्येक वडालाई फरक–फरक विकासको नमुनाका रुपमा अगाडि बढाइने प्रतिवद्धता जनाए । ‘प्रत्येक वडाको समस्या र विकासको आवश्यकता वर्गीकरण गरेर त्यहींअनुसार विकासका काम संचालन गर्ने छु ।’ जोशीले भने । उनले ५, १०, १५ वर्षे योजना बनाएर विकास गर्नु आवश्यक रहेको औंल्याउँदै देश विदेशमा रहेका यहाँका वुद्धिजिवीहरुको समेत सुझाव लिएर आफूले गुरुयोजना निर्माण गर्ने बताए । माओवादी केन्द्रबाट मेयरका उम्मेदवार रामसमझ राना पनि अहिलेको अव्यवस्थित विकासको सट्टा व्यवस्थित र गुरुयोजनासहितको विकास आवश्यक रहेको उल्लेख गर्दै विकासमा धनगढीलाई उदाहरणीय शहर बनाउने आफ्नो योजना रहेको बताए । कृषकहरुलाई सहुलियतसंगै नगरका ग्रामीण क्षेत्रमा पनि खानेपानी, विद्युत, सडकजस्ता न्यूनतम पूर्वाधारहरुको विकासमा आफूले ध्यान दिने रानाले बताएका छन् । धनगढीमा डुवान, ढल निकास, अतिक्रमणजस्ता समस्याको समाधान पनि आफ्नो प्राथमिकतामा रहेको बताए । उनले उपमहानगरपालिकाले लिंदै आएको कर प्रणालीमा सुधार गरि करको वर्गीकरण गरिनु पर्ने बताए । मेयरमा स्वतन्त्र उम्मेदवारी घोषणा गरेका व्यवसायी गोपाल हमालले आफू मेयरमा विजयी भए धनगढी उपमहानगरपालिकालाई समुन्नत, आकर्षक, सुन्दर र नमुना सहरका रुपमा विकास गर्ने बताएका छन् । उनले आफ्नो चुनावी प्रतिवद्धता पत्रमा भ्रष्टाचारमुक्त र शून्य सहनशीलताको नीति अबलम्बन गर्ने, धनगढीसंग जोडिएका ग्रामीण क्षेत्रको पूर्वाधार निर्माणलाई प्राथमिकता दिने, धनगढीलाई डुवानमुक्त बनाउने योजनाहरु उल्लेख गरेका छन् । यस्तै युवाहरुका लागि स्वरोजगारका कार्यक्रम संचालन गर्ने, आधुनिक सुविधा सम्पन्न बसपार्क निर्माण, यातायात, बिजुली, ढल, खानेपानीजस्ता पूर्वाधार पुगेपछि मात्र जग्गाको प्लटि· गर्ने व्यवस्था, धनगढीसंग जोडिएको भारतीय गौरीफण्टा नाकाको स्तरोन्नतिलाई हमालले आफ्ना प्राथमिकताका योजनामा राखेका छन् । उम्मेदवारी घोषणा गरेका अन्य दलहरुले पनि नमुना शहरलाई चुनावी एजेण्डा बनाएका छन् । धनगढीमा ठूला तीन दल र स्वतन्त्र उम्मेदवारबीच नै नेतृत्वका लागि मुख्य प्रतिस्पर्धा हुने आँकलन गरिएको छ ।

काठमाडौं, जेठ २९ । काठमाडौं उपत्यकामा प्राणघातक विषादी मिसाइएको मासु र मासुबाट बनाइएका परिकार बिक्री वितरण भइरहेको पाइएको छ । नांगो हातले समेत छुन नमिल्ने सोडियम नाइट्रेट मासुमा मिसाइएको हो । आपूर्ति मन्त्रालयमातहतको आपूर्ति व्यवस्थापन तथा उपभोक्ता हित संरक्षण विभागले गरेको विशेष अनुगमनका क्रममा यो तथ्य बाहिर आएको  राजधानी दैनिकमा खबर छ । मासु र मासुजन्य परिकारमा यस्तो प्राणघातक विषादी मिसाइएको तथ्य बाहिर आएपछि चिकित्सकहरुले उपभोक्ताको स्वास्थ्यप्रति गम्भीर चिन्ता र चासो व्यक्त गरेका छन्