चितवन, जेठ १५ ।  भतरपुर महानगरपालिकाकी माओवादी केन्द्रकी मेयर उम्मेदवार रेणु दाहालले ‘एकपक्षीय समाचार सम्प्रेषण गरेर जनतामा भ्रम सिर्जना गर्न खोजिएकाे अाराेप लगाएकी छन् । उनले भनिन ‘करिब ४ हजारले अगाडि रहेका ज्ञवालीको अग्रतालाई  ५ सयमा झारेको र १९ र २० नम्बर वडाको मतगणना सकिँदा जित्ने पक्का भएपछि एमालेले मध्यरातमा षड्यन्त्र गर्याे ’ ‘मैले लिड गर्ने अवस्था आएको थियो, आफू हार्ने भएपछि एमालेले षड्यन्त्रपूर्वक मतपत्र च्यात्ने काम गरे’,  रेणुले मतपत्र च्यात्ने दुई एमाले कार्यकर्तालाई प्रहरीले पक्राउ गरे पनि सञ्चार माध्यममा नल्याई गुपचुप राखिएको दाबी गरिन् । ‘हाम्रा मात्रै मान्छे समातिए भनेर प्रचार गरिएको छ, तर एमालेका दुई जना समातिएको कतै आउँदैन ।’

काठमाडौँ, जेठ १५ । स्थानीय तहको दोस्रो चरणको निर्वाचनलाई शान्तिपुर्ण र भयरहित बनाउन भन्दै जिल्ला प्रशासन कार्यालय बैतडीले यहि जेठ २५ गते देखि असार ४ गते सम्मका लागि मदिराजन्य पदार्थ बिक्रि बितरणमा रोक लगाएको छ । प्रमुख जिल्ला अधिकारी तुलसी पौडेले विज्ञप्ती जारी गर्दै स्थानीय प्रशासन ऐन २०२८ को दफा ६(३) बमोजिम निषेध गरिएको जानकारी दिए । अवज्ञा गरिए कारबाही हुने विज्ञप्तीमा उल्लेख छ ।

काठमाडौँ, जेठ १५ ।  नेपाल–भारत प्रबुद्ध समूह (ईपीजी) को चौथो बैठक आज सोमबार भारतको देहरादुनमा बस्दै छ । बैठकमा नेपाल–भारत शान्ति तथा मैत्रीसन्धि १९५० को विषयमा छलफल हुने छ । यसअघि चैतमा नेपालमा भएको बैठकमा नेपालका तर्फबाट सन्धिको पुनरावलोकन र समीक्षाका लागि प्रस्ताव पेस भएको थियो । तीन दिनसम्म चल्ने बैठकमा नेपालको प्रस्तावबारे भारतीय पक्षले आफ्नो जवाफ दिने बताइएको छ । यसअघिका छलफमा पबुद्ध समूह सन्धिको पुनरावलोकनका लागि सैद्धान्तिक रूपमा सहमत भएको थियो । उत्तराखण्डको देहरादुनमा हुने बैठकमा पुनरावलोकनका लागि सहमतिपत्रको खाका तयार हुन सक्ने स्रोतको भनाइ छ । २३ र २४ चैतमा काठमाडौंमा बसेको तेस्रो बैठकमा नेपालका तर्फबाट १९५० को सन्धि, व्यापार तथा पारवहन सन्धि र जलस्रोतसम्बन्धी सन्धि सम्झौतामा संशोधन पेस भएको थियो । नेपालका तर्फबाट सदस्य निलाम्बर आचार्यले १९५० को सन्धि असमान भएको भन्दै त्यसमा संशोधन प्रस्ताव पेस गरेका थिए । त्यस्तै, नेपालले बैठकमा व्यापार तथा पारवहन सन्धिका विषयमा समेत चासोसहित संशोधनको कुरा उठाएको थियो । बैठकमा जलस्रोतमा नेपाल र भारतबीच भएको सन्धिको समीक्षा गर्दै अगाडि बढ्नुपर्ने भन्दै नेपालका तर्फबाट टिप्पणी प्रस्तुत गरिएको थियो । बैठकमा नेपाल–भारत सम्बन्धका सबै पक्षमा छलफल हुने बताइएको छ ।

काठमाडौँ, जेठ १५ । सरकारले आगामी आर्थिक वर्ष २०७४/७५ का लागि आय व्ययसहितको बजेट सोमबार व्यवस्थापिका संसद्मा प्रस्तुत गर्ने भएको छ । जेठ १५ गते संसद्मा बजेट प्रस्तुत गर्नुपर्ने संवैधानिक प्रावधानअनुसार सरकारले सोमबार बजेट पेस गर्न लागेको हो । अर्थमन्त्री महराले व्यवस्थापिका संसद्मा सोमबार ४ बजे सरकारको आगामी आर्थिक वर्षको आय व्यय प्रस्तुत गर्नेछन् ।

चितवन, जेठ १५ । मतपत्रमा मसी लगाएर बदर गर्न खोजीएपछि विवाद हुँदा भरतपुर महानगरपालिकाको मतगणना अर्को सूचना प्रकाशित गरि समय नतोकिएसम्मका लागि स्थगित भएको छ । मध्यराती मतपत्र च्यातिएपछि उत्पन्न भएको विवादका कारण मतगणना रोकिएको हो । महानगरपालिकाका मुख्य निर्वाचन अधिकृतले मतगणनास्थलमा रहेका प्रतिनिधि मतपत्र रहेको स्थलमा प्रवेश गरी मतपत्र च्यात्ने काम गरेको र मतगणना स्थल नै कब्जामा लिन खोजेको बताएका छन् । विज्ञप्ति निकालेर उनले मतगणना स्थलमा असामान्य स्थित पैदा भएकोले अर्को सूचना प्रकाशित गरि समय नतोकिएसम्मका लागि मत गणना स्थगित गरिएको जानकारी दिए ।

काठमाडौँ,  जेठ १५ । दोस्रो चरणको स्थानीय चुनावलगत्तै संविधान संशोधन गर्नेगरी सहमति जुटाउन आयोजित ठूला तीन दल र राजपा बैठक टुंगो नजिक पुगेको छ । प्रधानमन्त्री पुष्पकमल दाहालको सरकारी निवास बालुवाटारमा आइतबार रातिसम्म बसेको सत्ता घटक कांग्रेस, माओवादी केन्द्र, प्रमुख प्रतिपक्षी एमाले र राजपा नेताहरुबीचको बैठकमा राजपालाई ल्याउने शर्तमा एक साता चुनाव मिति सार्ने प्रस्ताव गरिएको छ । राजपा चुनावमा आउने सर्तमा प्रमुख प्रतिपक्ष एमालेपनि सरकारको प्रस्तावमा लचक देखिएको कान्तिपुरमा खबर छ ।

काठमाडौँ, जेठ १५ ।   नेपाली समाजमा लामो समयदेखी जरा गाडेर बसिरहेको निरंकुश एकात्मक राजतन्त्रात्मक राज्यव्यवस्थाको अन्त्य गर्दै संघीय लोकतान्त्रिक गणतन्त्र स्थापना भएको ९ वर्ष पुरा भएको छ । नेपाली जनताले अभुतपूर्ण युद्ध र आन्दोलन गरेर ऐतिहाँसिक सफलता हाँसिल गरेको दिन गणतन्त्र दिवस–२०७४ को सुखद अवसरमा स्वदेश तथा विदेशमा रहनुभएका समस्त नेपाली दिदी–बहिनी तथा दाजुभाइहरुमा सुख, शान्ति, समृद्धि र उत्तरोत्तर प्रगतिको हार्दिक मंगलमय शुभकामना व्यक्त गर्दछु । जननिर्वाचित पहिलो संविधानसभाले २०६५ जेठ १५ गते नेपालबाट निरंकुश राजतन्त्रको विधिवत् अन्त्य गर्दै संघीय लोकतान्त्रिक गणतन्त्रात्मक शासन व्यवस्था प्रारम्भ गरेको दिन समग्र नेपालीहरुका लागि ऐतिहाँसिक दिन हो । यो उपलव्धी हाँसिल गर्ने क्रममा जीवन वलिदान दिनुहुने महान सहिदहरुप्रति म भावपूर्ण श्रद्धाञ्जली अर्पण गर्दछु । घाइते योद्धाहरुको पूर्ण स्वास्थ्य लाभको कामनासहित उचित सम्मान र बेपत्ता बनाईएका नागरिकहरुको यथार्थ यथासक्य छिटो सार्वजनिक गर्न सम्वन्धीत निकायको ध्यान आकर्षण गराउ“दछु । नेपालको ईतिहासमा राजतन्त्रको अन्त्य गरेर गणतन्त्रात्मक संघीय व्यवस्था स्थापना हुनु आफैमा ऐतिहाँसिक उपलव्धी हो । गणतन्त्र स्थापनासंगै संविधानसभाबाट बनेको नयाँ संविधानले धर्मनिरपेक्षता, समावेशी समानुपातिक व्यवस्था लगायतका धेरै विषयलाई प्रथामिकताका साथ सम्बोधन गरेको छ । संविधानको समयवद्ध कार्यान्वयनका क्रममा स्थानीय तह, प्रान्त र संघको निर्वाचनको परिणामसम्म पुग्दा संविधानका जनपक्षीय तथा प्रगतिशिल प्रावधानहरु अझ बढी मुखरित हुनेछन् भन्ने मलाई विश्वास छ । यसले देशलाई समतामुलक ढंगले आर्थिक विकासको गतिमा अघि बढाउनुका साथै गणतन्त्रलाई अझै सुदृढ् बनाउने छ । गणतन्त्र प्राप्तीको आन्दोलनका क्रममा संगसंगै मोर्चामा होमिएका राजनीतिक दलहरु अहिले पनि विभिन्न राजनीतिक विषयमा विभाजित छन् । जुन कुरा न त नयाँ शासन व्यवस्थाका लागि राम्रो हो न त देशको चौतर्फी हितकै लागि नै । यो विषेश अवसरमा म सम्पूर्ण राजनीतिक शक्तिहरुलाई आफ्ना अडानवाट लचिलो हु“दै स्थिर राजनीतिक व्यवस्था र मूलुकको सर्वांगीण विकासका लागि एक हुन आव्हान गर्दछु । – ओनसरी घर्ती

काठमाडौं, जेठ १५ । सत्तारुढ कांग्रेस र माओवादी केन्द्रले प्रधानन्याधीस सुशीला कार्कीविरुद्ध संसद सचिवालयमा दर्ता गराएको महाअभियोग प्रस्ताव फिर्ता लिनुको साटो अघि नबढाउन मात्र अनुरोध गरेका छन् । सहमतिअनुरुप प्रमुख प्रतिपक्षी एमालेले संसदको गतिरोध अन्त्य गरेको दोस्रो दिन महाअभियोगको प्रस्ताववक कांग्रेस सांसद मीन विश्वकर्मा र समर्थक माओवादी केन्द्रका प्रमुख सचेतक टेकबहादुर बस्नेतले उक्त प्रस्ताव फिर्ता गर्न नभई अघि नबढाउन सभामुखलाई निवेदन दिएका  कान्तिपुरमा  खबर छ ।

काठमाडौं, जेठ १५ ।  गणतन्त्र दिवस, २०७४ को शुभ अवसरमा म सम्पूर्ण नेपाली दिदीबहिनी तथा दाजुभाइहरुमा सुख, शान्ति, समृद्धि र निरन्तर प्रगतिको कामना गर्दछु । यस अवसरमा गणतन्त्र स्थापनामा योगदान पुर्याउनु हुने महान् जनयुद्ध, ऐतिहासिक जनआन्दोलन लगायत सबै न्यायपूर्ण आन्दोलनहरुमा साहदत प्राप्तु गर्नुहुने सम्पूर्ण ज्ञात अज्ञात सहिदहरुप्रति हार्दिक श्रद्वाञ्जली अर्पण गर्दछु । साथै गणतन्त्र स्थापनाका लागि शहीदहरूले पुर्याएको योगदानको उच्च सम्मान व्यक्त गर्दछु । जनताको संघर्ष र बीरतापूर्ण बलिदानबाट हामीले समावेशी संघीय लोकतान्त्रिक संविधान निर्माण गरेका छौं । सोही संविधानको कार्यान्वयनको एक खुट्किलोस्वरुप भर्खरै स्थानीय तहको पहिलो चरणको निर्वाचन सफलतापूर्वक सम्पन्न भइसकेको छ भने यही जेष्ठ ३१ गते उल्लासमय रूपमा दोस्रो चरणको स्थानीय निर्वाचन सम्पन्न हुँदैछ । स्थानीय तहको निर्वाचनपश्चात् नेपालको संविधानले परिकल्पना गरेको तीन तहको सरकारको अवधारणा संस्थागत हुने निश्चित भएकोले पहिलो चरणको निर्वाचनझैं दोस्रो चरणको निर्वाचनमा पनि सम्पूर्ण नेपालीहरूको सहयोग र सक्रिय सहभागिताको लागि हार्दिक आह्वान गर्दछु । संविधानको स्वीकार्यता अझ फराकिलो बनाएर यसको कार्यान्वयनलाई सुनिश्चित गर्नु, हिमाल, पहाड र तराइ–मधेशका सबै जाति, भाषा, धर्म र समुदायको सुदृढ राष्ट्रिय एकताका बलमा मुलूकलाई सामाजिक–आर्थिक समृद्धिको दिशामा लैजानु आजको राष्ट्रिय आवश्यकता हो । यसले मात्र नेपाली जनताको आर्थिक, सामाजिक र सांस्कृतिक रूपान्तरणमा नेपालको संविधानले निर्दिष्ट गरेको लक्ष्य हासिल गर्न सकिन्छ । यही २०७४ साल माघ ७ गतेसम्म सम्पन्न हुने संघीय संसद् र प्रदेश सभाको निर्वाचनपछि संविधानको कार्यान्वयनले पूर्णता पाउने छ र संक्रमण कालको अन्त्य हुनेछ । उल्लेखित कार्यभार पुरा गर्न सरकार सबै पक्षहरूसँग सम्वाद, सहमति र सहकार्यका लागि क्रियाशील रहँदै आएको छ । यस कार्यमा सम्पूर्ण राजनीतिक दल तथा समस्त नेपालीहरुबाट आवश्यक सहयोग प्राप्त हुने विश्वास लिएको छु । अन्त्यमा, नेपालको संविधान कार्यान्वयन, पुननिर्माण तथा नवनिर्माण र आर्थिक विकासका विविध पक्षमा महत्वपूर्ण सहयोग पु¥याउनका साथै सहिदका अधुरा सपनाहरु, जनताका असीमित आकांक्षाहरु पूरा गर्न सबैलाई आ–आफ्नो ठाउँमा इमान्दार र प्रतिवद्व रही सकारात्मक सोचका साथ अगाडि बढ्न आव्हान गर्दै गणतन्त्र दिवस, २०७४ को अवसरमा सम्पूर्ण जनसमुदायलाई हार्दिक बधाई तथा शुभकामना दिन चाहन्छु । पुष्प कमल दाहाल ‘प्रचण्ड’

♦चितवन, नेकपा माओवादी केन्द्रले आफुलाइ परेको मत मा मसी लगाएर बदर गर्न खोजीएपछि भरतपुर महानगरपालिकाको मतगणनामा विवाद भएको जनाएको छ । पढ़नुस पार्टीको धारणा शान्तिपूर्ण रुपमा मतगणना चल्दै थियो । पछिल्लो समय रेणु दाहालको पक्षमा राम्रो मत आईरहेको थियो ।यत्तिकै मा हँसिया हथौडामा परेको मत मतगणकको हातको मसिले बदर गराईएको डेस्कमा रहेका हाम्रा एजेन्टले देखे पछि तत्कालै निर्वाचन अधिकृतको ध्यानाकर्षण गराउन खोज्दा एेजेन्टहरु र कर्मचारीहरुका बिचमा सामान्य बिबाद भयो । यसैक्रममा होहल्ला हुदै गर्दा बेन्चमा बसेका एमाले प्रतिनिधिहरुले मतपत्र नियन्त्रणमा लिन खोजेपछि उनिहरुकै तानातानमा मतपत्र च्यातिएको हो । सोहि एमाले प्रतिनिधिलाई रोक्ने क्रममै भएको भनाभनका बेला एमाले प्रतिनिधि गंगा लामा सहित हाम्रो पार्टीका २ जना प्रतिनिधिहरु प्रहरी नियन्त्रणमा हुनुहुन्छ । तर सार्वजनिक संचारमाध्यममा पहाम्रो पार्टी र हाम्रा प्रतिनिधिले च्यातेको भन्ने कुरा निराधार कुरा आईरहेको छ हो । यसको हामी खण्डन गर्दछौ ।

भरतपुर महानगरपालिकाको मतगणना अनिश्चितकालका लागि स्थगित गरिएको छ । मध्यरातमा मतपत्र च्यातिएपछि मुख्य निर्वाचन अधिकृत कविप्रसाद न्यौपानेले पत्रकार सम्मेलन गरेका छन । छानबिन गर्न समिति बनाउने र समितिको प्रतिवेदनअनुसार के गर्ने भन्ने निर्णय गरिने उनले बताए । केही व्यक्तिहरु अनधिकृत रुपले जबर्जस्ती छिरेर मतपत्र च्यातेको उनले बताए । मतपत्र च्यातेको भन्दै दुई माओवादी कार्यकर्तालाई प्रहरीले नियन्त्रणमा लिएको छ । यता माओवादी केन्द्रले मत अन्तर घटन थालेपछि एमालेद्वारा परिचालित मानिसहरू पसेर २ सय मतपत्र च्यातेको दावी गरेको छ । मध्यरातसम्म मतान्तर ६ सय भंदा तल भएपछि एमाले आत्तिएको केन्द्रले जनाएको छ । निर्वाचन अधिकृतलाई पिसाब लाग्नु, ऊनी बाहिर जानू र त्याहिबेला मतपत्र चयातिनु संयोग हुन नसक्ने केन्द्रले जनाएको छ । एमालेबाट मेयरका उम्मेदवार देवी ज्ञवालीले भने माओवादीले मतपत्र च्यातेको। आरोप लगाएका छन । हार्ने निस्चित भएपछि माओवादीले घटना घटाएको उनले बताए ।  

चितवन, १५ जेठ । भरतपुर महानगरको मतगणनास्थलमा मतपत्र च्यातिएपश्चात स्थिति तनावग्रस्त हुनुको साथै मतगणना रोकिएको छ । तिव्र प्रतिष्पर्धा भईरहेको भरतपुर महानगरको १९ नं. वडाको मतगणना अन्तिम स्थितिमा पुगेको बेला नेकपा एमालेका देवी ज्ञावलीसँग नेकपा माओवादी केन्द्रकी रेणु दाहालको मतान्तर निरन्तर घटीरहेको थियो । यसैबिच मतपत्र च्यातिएपश्चात गणनाकार्य रोकिएको छ । बदरमत र गणनाअंकमा विवाद बढ्दै गएपश्चात एमाले र माओवादी, कांग्रेसका प्रतिनिधिबिच विवाद भएको थियो । विवाद बढ्दै जाँदा गनिसकेको र गन्न बाँकी केही मतपत्रहरु च्यातिएको छ भने गणनास्थलबाट केहीलाई प्रहरीले पक्राउ समेत गरेको छ । नेपाली कांग्रेसका एक जिल्ला नेताका अनुसार गणनाभईरहेको मतको काउन्टमतमा विवाद बढेपछि एमालेका प्रतिनिधिहरुले कांग्रेस र माओवादीका प्रतिनिधिहरुलाई हातपात गर्नुका साथै मतपत्र च्यातेका थिए । माओवादी केन्द्रले भने ज्ञावलीसँग मतान्तर घटाउँदै लगेपछि एमालेले जर्वजस्ती मतपत्र च्यातेको र दोष माओवादीलाई लगाएको बताएको छ ।

धादिङ, जेठ १४ । धादिङको गोलाभञ्ज्याङ भकारेमा बस दुर्घटना भएको छ । त्रिपुरेश्वर बोर्डिङ स्कुलको ग १ ख ३८०५  नम्बरको बस सडकबाट २ सय मिटर तल खसेको हो । आज साँझ भएको उक्त दुर्घटनामा चार जनाको ज्यान गएको छ भने अन्य दुर्इ दर्जन बढी घाइते भएका छन् । धादिङबेसीबाट खहरेतिर जाने नियमित रुटको बस बिग्रेपछि उक्त बोर्डिङ स्कुलको बसमा यात्रुलाई चढाइएको थियो । हाल प्रहरी घटनास्थलमा पुगेको छ भने घटनाबारे अनुसन्धान तथा घाइतेहरुको उद्धार कार्य भइरहेको बताएको छ ।

विरगञ्ज, जेठ ७ । त्रिशक्ति ट्रेडर्सको अायोजनामा शनिबार जेठ ४ गते वीरगंजमा आधुनिक कृषि उपकरण सम्वन्धी डिलर्स मिट सम्पन्न भएको छ । विगत १५ वर्षदेखी नेपालका किसानहरुलाई आधुनिक कृषि उपकरणको बिक्री वितरण गरी सेवा पुर्याउदै आएको त्रिशक्ति टेड्रसले भारतमा निर्मित अन्तर्रािष्ट्रयस्तरका कृषि उपकरणहरु नेपालमा भित्राउदै कृषि क्षेत्रमा आधुनिकिकरण गर्न क्रियाशिल रहेको छ । विगत २ वर्षदेखी राधिका कम्पनिको हाइड्रोलिक बुमको कारोवार गर्दै आएको त्रिशक्ती टेड्रसले शनिबार सोही सम्बन्धमा वीरगंजको होटल मकालुमा कार्यक्रमको आयोजना गरेको हो । कार्यक्रममा राधिका हाइड्रोलिकका किशोर भाई पटेल, आशिष भाई भट्टले नेपालमा रहेको विक्रेताहरुलाई कम्पनीको उत्पादनका सम्बन्धमा जानकारी गराएको थियो । यसैगरी, कार्यक्रममा सतवन्त एग्रो पन्जावका त्रिलोचन सिंह, निर्मल प्रोडक्टका रामजी दासलगायतका व्यक्तिहरुले रोटाभेटर, मडलोडर मेशीनका सम्बन्धमा विक्रेताहरुलाई जानकारी दिएको थियो । चाचान समुहका प्रबन्ध निर्देशक सजन चाचानको सभापतित्वमा सम्पन्न कार्यक्रममा त्रिशक्ति टेड्रस वीरगंजका धुव्र साह, कृषि बैज्ञानिक डा.विश्वेश्वरप्रसाद यादवलगायतले कृषि उपकरण र गुणस्तरीयताको बारेमा मन्तव्य व्यक्त गरेको थियो । कार्यक्रममा चाचान समुहका सुशान्त चाचानको सहभागीता रहेको थियो । कार्यक्रममा झापा, मोरंग, सुनसरी, सप्तरी, सिरहा, बारा, पर्सा, रौतहट, चितवन, मकवानपुर जिल्लाका विक्रेता, कृषि प्राविधिक, अगुवा कृषकहरुको सहभागिता रहेको थियो ।

काठमाडौं, जेठ ७ । सरकारले प्रधानन्यायाधीश सुशीलका कार्कीविरुद्ध संसद्मा विचाराधीन महाअभियोग पूर्ण रुपमा संवैधानिक प्रावधान अनुरुप भएको र त्यो न्यायपालिकाको स्वतन्त्रतामाथि कुनै किसिमको आक्रमण नभएको प्रष्टीकरण दिएको छ । राष्ट्रसंघीय एक वरिष्ठ अधिकारीले प्रधानन्यायाधीश कार्कीमाथि संसद्मा विचाराधीन महाअभियोग प्रस्ताव फिर्ता लिन आग्रह गरी तीन साताअघि लेखेको पत्रको जवाफ दिँदै सरकारले यस्तो अडान राखेको अन्नपूर्ण पोस्टमा खबर छ ।