दोहा,असार १५।वैदेशिक रोजगारीको क्रममा कतारमा रहेका गण्डकी बासिले स्वदेशमा लागानी गर्न इच्छुक रहेको भन्दै त्यसको सुरक्षा सुनिश्चित हुनुपर्ने बताएका छन्। गण्डकी प्रदेश समन्वय परिषद कतारले शुक्रबार आयोजना गरेको अन्तरक्रीया कार्यक्रम बोल्दै सहभागीले जलविद्युत संगै थुप्रै क्षेत्रमा लगानी गर्न सकिने भए पनि आफनो गरेको लागानिको ग्यारेन्टी सरकारले लिनुपर्ने बताएका छन्। कार्यक्रममा हाम्रो अभिभारा-समृद्ध गण्डकी प्रदेश भन्ने मुल नारा सहित स्थापित परिषदको लगानी बोर्ड बारेमा लगानी बोर्डका संयोजक समेत रहेका परिषद अध्यक्ष हंसराज ढकाल क्षत्रीले जानकारी दिएका थिए। अध्यक्ष ढकालले गण्डकी प्रदेश अन्तरगतका जिल्लाहरुमा लगानीका संभावना र चुनैतीहरु बारे जानकारी गराउदै जलविद्युतको लगानी पहिलो रोजाइ रहेको भए पनि पर्यटन तथा कृषि उत्पादनमा पनि थुप्रै संभावना रहेको बताएका छन्। कार्यक्रममा  सहभागीले उपयुक्त योजना छनोट गरेर कम्पनी तयार गरि सामुहिक लगानी गर्न सकिने भन्दै त्यसको आवश्यक तयारी गर्न सुझाव दिएका थिए । कार्यक्रममा संस्थाका महासचिव रामजी खत्रीले परिषदको २०१९-२० कार्यकालको लागि तयार पारिएको कार्यपत्र बारे जानकारी गराएका थिए । कार्यक्रममा प्रमुख सल्लाहकार आश बहादुर गुरुङ, सल्लाहकार भुपती भट्टराई, बिधान मस्यौदा समितिका निवर्तमान संयोजक बिल गुरुङ, परिषद सदस्य एवं एनआरएन ए कतारका महासचिव बुधवल गुरुङ, मोना कतारका अध्यक्ष तिलु शर्मा पौडेल, गोर्खा सेवा समाजका अध्यक्ष राजेश्वर ढकाल, लमजुङ सेवा समाजका प्रमुख सल्लाहकार बिष्णुलाल श्रेष्ठ, ब्यबसायी लक्षण चौलागाईं लगाएतले आफ्नो सुझाव राखेका थिए। गण्डकी प्रदेश समन्वय परिषद कतारका अध्यक्ष हंसराज ढकालको अध्यक्षतामा सम्पन्न कार्यक्रममा वरिष्ठ उपाध्यक्ष प्रेम बहादुर बिश्वकर्माले स्वागत र महासचिव रामजी खत्रीले संचालन गरेका थिए भने कार्यक्रमको सहजिकरण सल्लाहकार होमनाथ शर्मा र कार्यपत्र तयारी समितिका सदस्य सन्तोष क्षत्रीले गरेका थिए।

काठमाडौंं, असार १३ । गायक रुपक डोटेल र गायिका प्रविसा अधिकारी उत्कृष्ट ठहरिएका छन् । राजधानीको जमलस्थित राष्ट्रिय नाचघरमा आयोेजित ‘योङ माइन्डस् इन्टरटेनमेन्ट अवार्ड २०७६’मा गायनतर्फ भने रुपक र प्रविसा उत्कृष्ट ठहरिएका हुन् । कार्यक्रममा अभिनेत्री शिल्पा पोखरेल उत्कृष्ट मोडलसमेत घोषित भइन् । शिल्पाले पप तथा मोडन बिधामा उत्कृष्ट फिमेल अवार्ड हात पारेकी हुन् । यही विधाअन्तर्गत बेष्ट मोडल पुरुषको उपाधि भने अभिनेता बिनोद न्यौपानेले हात परे । योङ माइन्डस् इन्टरटेनमेन्ट आयोजक रहेको अवार्ड समारोह नेपाली गीत, संगीत तथा त्यसका श्रष्ठाहरुलाई सम्मान तथा पुरस्कृत गर्ने उदेश्यले आयोजना भएको थियो । अवार्डमा करिब ५ दर्जन कलाकर्मी तथा उनीहरुका श्रृजना र पत्रकार समेत पुरस्कृत भए । , को–को ले पाए अवार्ड दोहोरी तर्फ बेष्ट नवगायकः गणेश अधिकारी बेष्ट नवगायिकाः सिता श्रेष्ठ (इज्जत) बेष्ट नवगायिका इन्करेजमेन्ट अवार्डः रीना केसी (भंगेरी) बेष्ट नवसंगीतकारः अमित बाबु रोकाया (तगारो) बेष्ट नवगीतकारः समना शाही (शुभकामना) बेष्ट नवगीतकार इन्करेजमेन्टः प्रिया शेर्पा (आमा) बेष्ट शब्दः कस्तुप पन्त (डाली सुकेर) बेष्ट संगीकारः शिव हमाल (लाग्छ माया) बेष्ट संगीकार जुरी अवार्डः केसव सापकोटा बेष्ट गायिकाः सुरेस रमन अधिकारी बेष्ट गायकः सम्झना भण्डारी बेष्ट नव मोडल फिमेलः सुस्मिता सापकोटा बेष्ट नवमोडल फिमेलः गीता केसी बेष्ट नवमोडल मेलः विजय कुवर फिमेल बेष्ट नवमोडल मेल इन्नकरेजमेन्टः बिपेश घिमिरे बेष्ट मोडल फिमेलः सारिका केसी बेष्ट मोडल फिमेल जुरीः दीपासा बिसी बेष्ट मोडल मेलः असिर प्रताप जंग बेष्ट छायाकारः करण चैसिर बेष्ट सम्पादकः प्रविन भट्ट बेष्ट नवनिर्देशकः मौसम हिमाल बेष्ट निर्देशकः स्मृति तिमेल्सिना बेष्ट निर्देशक जुरीः कपिल लामा बेष्ट प्रोडक्सन हाउसः साई भिजन पप मोडन बेष्ट नवगायकः आशिस सचिन बेष्ट नवगायिकाः भावना आचार्य बेष्ट नवगायिका इन्करेजमेन्टः बिन्दु पौडेल बेष्ट नवगीतकारः दीपेन्द्र खड्का बेष्ट नवसंगीतकारः दीपक बिश्वकर्मा बेष्ट गतिकारः डा. डिआर उपाध्याय बेष्ट गीतकार जुरीः दीपक राज पाठक बेष्ट संगीतः दीपक बज्राचार्य मोडन तर्फ बेष्ट गायकः प्रमोद खरेल बेष्ट गायिकाः मल्लिका कार्की बेष्ट संगीतकारः सन्तोस श्रेष्ठ बेष्ट संगीतकारः नागेन्द्र श्रेष्ठ बेष्ट म्युजिक एरेन्जरः आशिश अभिरल बेष्ट म्युजिक एरेन्जर दोहोरीः हेमन्त शिशिर फिल्म तर्फ बेष्ट म्युजिकः दीपक शर्मा बेष्ट म्युजिक जुरीः अर्जुन पोखरेल बेष्ट गीतः गणेश शाह बेष्ट पाश्रगायिकाः प्रविशा अधिकारी बेष्ट पाश्र्र गायकः रुपक डोटेल बेष्ट गायिकाः सोना अमात्य बेष्ट गायिका जुरीः श्रृजना खत्री बेष्ट गायकः हिमाल सागर बेष्ट रेकडिष्टः कृष्ण कुमार महर्जन बेष्ट युगल गीतः प्रेम लाउने बेष्ट राष्ट्रिय गीतः पुष्प खनाल बेष्ट राष्ट्रिय गीत जुरीः कृष्ण प्रसाद दाहाल बेष्ट एल्बमः साहिली बेष्ट नवमोडल फिमेलः नग्मा श्रेष्ठ बेष्ट नवमोडल फिमेल इन्नकरेजमेन्टः पुनम थापा बेष्ट नवमोडल मेलः आकाश मगर बेष्ट नवनिर्देशक पप मोडनः प्रदीप रसाइली बेष्ट नवनिर्देशक पप मोडनः जस यका बेष्ट मोडल मेलः बिनोद न्यौपाने बेष्ट मोडल फिमेलः शिल्पा पोखरेल बेष्ट क्यामरामेनः बुद्ध थापा बेष्ट सम्पादकः बिकाश दाहाल बेष्ट भिडियो निर्देशकः प्रकाश धिताल बेष्ट र्यापरः अराज केशव इन्करेजमेन्ट अवार्ड मोडल सृजना बिसी मोडल कशिश दाहाल गायिका श्रृजना खत्री मोडल आश्मा गिरी फिल्मी गीतकार हरि उप्रेती गायक बिरेन्द्र श्रेष्ठ गायिका नारायणी थापा मोडल समिर खान मोडल अश्मिता पुरी मोडल बिकाश लामिछाने गायिका मोडल पुजा गुरुङ ‘लाइफटाइम अचिभमेन्ट अवार्ड’ बरिष्ठ कलाकार जयनन्द चन्द ‘राष्ट्रिय गायन सम्मान’ राष्ट्रिय गीतका शर्जक ब्याकुल माइला पत्रकारीता सम्मान रंगपत्रकार शान्ती प्रिय कृष्ण भट्टराई लक्ष्मण सुवेदी

एजेन्सी । थाइल्याण्डमा एक नवजात शिशुको ज्यान बचाउने कुकुरलाई हिरोको संज्ञा दिइएको छ । ती नवजात शिशुलाई एउटा खेतमा पुरिएको थियो । यसबारे जानकारी पाएपछि १५ वर्षकी किशोरीलाई आफ्नो जिउँदो बच्चा पुरेको आरोपमा पक्राउ गरिएको छ । गत बुधबार बिहान उत्तर–पूर्व थाइल्याण्डको कोराटमा जब ४१ वर्षका उस्सा निसिका खेत पुगे तब उनको कुकुर पिंगपंग केही टाढा गएर खेतको माटो खोतलिरहेको भेटियो । कुकुरले के खोतलिरहेको होला भनेर हेर्न पुग्दा उनले त्यहाँ शिशुको खुट्टा देखे । उनले तत्काल बच्चालाई माटो मुनीबाट निकालेर अस्पताल पुर्याए । बच्चालाई खासै ठूलो चोट लागेको छैन । यसबारे उनदले पुलिसलाई समेत जानकारी दिए । सबैको हिरो बन्यो पिंगपंगः निसिकालाई कुकुरबारे प्रश्न सोध्दा उनले पिंगपंग जन्मिएदेखि नै आफूसँगै भएको जानकारी दिए । आफ्नो आफ्नो कुकुर निकै वफादारसमेत भएको बताए । उनले भने, ‘उसको तीनवटा खुट्टाले मात्र काम गर्छ किनभने कार दुर्घटनामा उसको पछाडिको खुट्टा भाँच्चिएको थियो । यस्तो अवस्थामा हुँदा पनि पिंगपंगले मलाई निकै मद्दत गरेको छ । ऊ मसँगै भएपछि मैले गाइहरुलाई राम्रोसँग पाल्न सकिरहेको छु । अब अहिले उसले बच्चाको ज्यान बचाएको छ, उसको काम देखेर सबै चकित छन् । ऊ अब सबैको हिरो बनेको छ ।’ डरका कारण बच्चालाई गाडेकोः उजुरीपछि पुलिसले सुरुवाती सोधपुछमा स्थानीयसँगको सोधपुछमा खासै जानकारी पाउन सकेनन् । त्यसपछि एक पसलेले एक किशोरीले अत्यधिक स्यानिटरी टावेल खरिद गरेको जानकारी दिए । उक्त जानकारीपश्चात् बिहिबार किशोरीलाई पक्राउ गरियो । किशोरीले छोरा जन्माएको केही बेरपछि नै गाडेको जानकारी दिइन् । किशोरीले पुसिललाई दिएको जानकारी अनुसार आमा–बुवासँग डर लागेका कारण बच्चालाई गाडेकी थिइन् ।

सिमकोट, वैशाख ३१ । दुई महिनादेखि जिल्ला मालपोत कार्यालयमा प्रमुख नहुँदा कामकाज ठप्प भएका छन् । पहिलेका कार्यालय प्रमुख सरुवा भएर गएको तथा मन्त्रालयले नयाँ कार्यालय प्रमुख हालसम्म पनि नखटाउदा कार्यालयमा कामकाज सबै ठप्प भएका हुन । एक महिना अगाडिदेखि जग्गाका रजिस्टेसन गर्नका लागि पाँच पटक कार्यालयमा जाँदा कार्यालय प्रमुखको अनुपस्थितीको कारण काम हुन नसकेको सिमकोट गाउँपालिका वडा नं. ६ का अध्यक्ष जयचन्द्र रोकायाले बताए । मालपोत जस्तो बढी काम हुने कार्यालयमा दुई महिनासम्म प्रमुख विहीन बनाएर काम काज प्रभावित हुँदासम्म कसैले ध्यान नदिनु जनताका लागि अभिसाप भएको उनले बताए । वडा अध्यक्ष रोकाया एकजना उदाहरणका लागि लिइएको सेवाग्राही रहेका छन् । उनीजस्तै दैनिक दुई दर्जनभन्दा बढी सेवाग्राहीहरु आउने गरेका छन् । गत चैत पहिलो हप्ता तत्कालीन कार्यालय प्रमुख काम विशेषले काठमाडौं गएको र उनलाई त्यतैबाट कलंकी मालपोतमा सरुवा भएपछि फिर्ता नआएको हाल करारमा जागिर खादै आएका कम्प्युटर अपरेटर मिमसिंह नेपालीले बताए । आएका काम गर्न सकिने भएपनि करारलाई काम गर्न नदिएकोले आउने सेवाग्राहीलाई रित्तो हात फर्काउने गरिएको उनले बताए । बिदाको दिन बाहेक अन्य दिनमा दैनिक जग्गाको कारोवार गर्ने सेवाग्राहीको घुईचो लाग्ने गरेको र सबैलाई रित्तै हात फर्काउने गरेको निमित्त प्रमुख नेपालीले बताए । मन्त्रालयमा कार्यालय प्रमुखको व्यवस्थाका लागि जानकारी लिन खोज्दा हुन्छ भन्ने जवाफ मात्र आउने गरेको उनले बताए । यसअघि मन्त्रालयले दुई जनालाई सरुवा गराएकोमा दुबै जनाले जिल्लामै नआएर अन्तै सरुवा गरेको र अबको एक हप्तामा कर्मचारी जिल्लामा खटाई सक्ने जानकारी मन्त्रालयले दिएको सहायक प्रमुख जिल्ला अधिकारी महेश कुमार पोखरेलले बताए ।

काठमाडौं, वैशाख २७ । कतारको जेलमा थुनिएका माडीका युवा विनोद रानाभाटको उद्धारको लागि सहयोग आव्हान गरिएको छ । वैदेशिक रोजगारीका लागि जनरल क्लिनरको पदमा कामका लागि करीब ३ वर्षअघि कतार पुगेका माडी नगरपालिका वडा नं. ७ किर्तनपुर हाल भरतपुर १५ निवासी विनोद रानाभाट कतारस्थित ओक्रा जेलमा थुनिएका छन् । रानाभाटको आर्थिक अवस्था कमजोर रहेकोले सवैले सहयोग गरिदिन शुक्रबार भरतपुरको चौबिसकोठीमा पत्रकार सम्मेलन गरि परिवारले आग्रह गरेको छ । यसअघि रानाभाटको उद्धारका लागि बिनोद रानाभाट रिहाइ तथा उद्धार समिति गठन गरिसकिएको छ । त्यसैगरि सहयोग गर्न चाहने ईच्छुकले कृषि विकास बैंक लि. माडीमा रहेको विनोद रानाभाट रिहाई तथा उद्धार समितीको खाता नं. ०५०८८०१३३७०९४०१३ मा रकम जम्मा गरी सहयोग गर्नसक्ने बिनोद रानाभाटका बुवा ढाकामोहन रानाभाटले जानकारी दिए । सहयोग गर्न ईच्छुकहरुले नेपाल भरिको कृषि विकास बैंक लि. बाट रकम जम्मा गर्न सक्नेछन् । त्यसैगरि सहयोगका लागी मोबाईल नं. ९८४५२०१४४२, ९८४५३४५१३४ तथा ९८४५३६८९७० मा पनि सम्पर्क गर्न सकिने समितीले जनाएको छ । रानाभाटलाई भारतीय कामदारले आक्रमण गरेकोमा आफ्नो ज्यानको सुरक्षाका लागि प्रतिकार गर्दा भारतकै अर्का कामदारको मृत्यु हुन पुगेको थियो । कतारस्थित अल ग्रुप क्लीनिङ कम्पनीमा जनरल क्लिन वर्कर पदमा काम गरिरहेका उनलाई घटना लगत्तै कतार पुलिसले पक्राउ गरी ओक्रा जेलमा राखी मुद्धा चलाएको थियो । मुद्दाको फैसला अनुसार रानाभाटले ५ महिनाभित्र भारतीय कामदारको परिवारलाई ब्लड मनीका रुपमा २ लाख ६० हजार कतारी रियल अर्थात नेपाली करीब ८२ लाख रुपैयाँ बुझाउनुपर्ने पारिवारिक श्रोतले जनाएको छ ।

काठमाडौं, बैशाख १३ । भूमाफियाले कब्जा जमाएका देशभरका सार्वजनिक जग्गा खोजतलास गर्न सरकारले उच्चस्तरीय आयोग गठनको प्रक्रिया थालेको छ । भूमि व्यवस्था, सहकारी तथा गरिबी निवारण मन्त्रालयले देशभरमा भूमाफियाबाट अतिक्रमणमा परेका सरकारी तथा सार्वजनिक जग्गाको खोजी गर्न उच्चस्तरीय आयोग गठनको प्रक्रिया थालेको हो । मन्त्रालयका सचिव गोपीनाथ मैनालीले आयोग गठनको प्रस्ताव परामर्शका लागि अर्थ मन्त्रालयमा पठाइएको जानकारी दिए । आयोगमा बस्ने पदाधिकारीको खर्च व्यवस्थापनका लागि अर्थ मन्त्रालयबाट स्वीकृत गर्नुपर्ने भएकाले सो प्रस्ताव अर्थमा पठाइएको हो । सचिव मैनालीले अर्थ मन्त्रालयबाट स्वीकृत भएर आउनासाथ सो प्रस्ताव मन्त्रिपरिषद्मा पठाइने बताए । छिटोभन्दा छिटो आयोग गठन गरी काम थाल्ने गृहकार्यलाई तीव्रता दिइएको उनले जानकारी दिए । यस विषयमा गृह मन्त्रालयसँग पनि आवश्यक छलफल भइरहेको सचिव मैनालीको भनाइ छ । आयोग गठनसँगै भूमाफियाहरुले कब्जा जमाएका देशभरका सरकारी जग्गा फिर्ताको प्रक्रियासमेत थालिनेछ । भूमि व्यवस्था मन्त्रालयका अनुसार सो आयोगले सबै प्रकारका सार्वजनिक जग्गाको अवस्थाबार समेत पहिचान गर्नेछ । साथै आयोगले भूमाफियाहरुको समेत निक्र्योल गर्नेछ भने जग्गा हडप्ने कार्यमा संलग्न कर्मचारीबारे समेत खोजीनिती गर्नेछ । यो समाचार राजधानी दैनिकबाट लिइएको हो ।

काठमाडौं, चैत ८ । साताको पहिलो दिन आइतबार सुनको कारोबारमा सुनको मूल्य चार सय रुपैयाँले बढेको छ । शुक्रबार छापावाला सुन प्रतितोला ६० हजार रुपैयाँमा कारोबार भइरहेको छ भने आज बढेर सुन प्रतितोला ६० हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ । त्यस्तै, शुक्रबार तेजावी सुन ५९ हजार ७ सय रुपैयाँमा कारोबार भएको थियो भने आज बढेर सुन प्रतितोला ६० हजार एक सय रुपैयाँमा कारोबार भइरहेको छ । साथै आइतबार पनि चाँदी प्रतितोला ७ सय ४० रुपैयाँमा कारोबार भइरहेको छ ।

काठमाडौं, चैत ८ । साताको अन्तिम दिन अर्थात शुक्रबार सुनचाँदीको कारोबारमा सुनको मूल्य घटेको छ भने चाँदीको मूल्य स्थिर रहेको छ । बिहिबारको तुलनामा सुनप्रति तोला २ सय रुपैयाँले घटेको हो । छापावाला सुनप्रति तोला ६० हजार रुपैयाँमा कारोबार भइरहेको छ भने तेजावी सुन ५९ हजार ७ सय रुपैयाँमा कारोबार भैरहेको छ । साथै चाँदी प्रति तोला ७ सय ४० रुपैयाँमा कारोबार भैरहेको छ । नेपाल सुनचाँदी व्यवसायी महासंघले छापावाला सुनप्रति १० ग्राम बराबर ५१ ह्जार ४४० रुपैयाँ, तेजावी सुन ५१ ह्जार १८५ रुपैयाँ र चाँदीमा ६ सय ३४ रुपैयाँ ५० पैसा मूल्य कायम गरेको छ ।

विजय थापा, अमेरिका । अमेरिका भ्रमणमा रहेका नेपाल बिद्युत् प्राधिकरणका प्रबन्ध निर्देशक कुलमान घिसिङलाई अमेरिकाको वाशिङटन डिसीमा नेपाली समुदायले स्वागत गरेका छन् । अमेरिकाको डिसी महानगर क्षेत्रमा स्थापित तामाङ सोसाइटी अफ ग्रेटर वाशिङटनले आयोजना गरेको कार्यक्रममा घिसिङलाई स्वागत गरिएको हो । उनलाई आयोजक तथा सहभागीहरुले खादा तथा मायाको चिनो प्रदान गर्दै सम्मान गरेका थिए । कार्यक्रमको सुरुवात परिचयबाट गरिएको थियो भने घिसिङले आफु पेशाले अभियन्ता भएको र प्राधिकरण कै कर्मचारी रहेको भनि छोटो परिचय दिएका थिए । प्राधिकरण प्रमुख घिसिङले सन् २०१० मा डिसी आएको भन्दै यस पटक आफ्नो दोश्रो भ्रमण रहेको बताएका थिए । उनी बिश्व बैंकमा भाग लिन आएको जानकारी दिए । प्राधिकरण प्रमुख घिसिङले बिगतमा अमेरिका विभिन्न राज्यबाट निम्तो आउने तर आफु समय अभावको कारणले आउन नभ्याएको बताए । उनलाई सहभागीले ईमान्दारिता, कार्यकुशलता तथा निष्ठाको कारण सबै नेपालीले गौरवको महसुस गरेका र आगामी दिनमा पनि यस्तै कार्य गर्न आग्रह गरेका थिए । कार्यक्रम सञ्चालन समाजका अध्यक्ष उत्तर लामाले गरेका थिए । अध्यक्ष लामाले सबैलाई स्वागत गर्दै घिसिङलाई सबैका गौरब भन्दै यसलाई कायम राख्न अनुरोध गरे । हामी सबैको शिर ठाडो भएको छ भन्दै शुभकामना दिएका थिए । प्राधिकरण प्रमुख घिसिङले आफ्ना कुराहरु राख्न दिएकोमा सबैलाई धन्यबाद दिए ।

नेपाली सेनाले गएको सोमबार सेना दिवस मनायो। महाशिवरात्रि तथा सेना दिवसमा प्यारासुटको माध्यमबाट फ्रि–फल जम्प प्रदर्शनमा पूर्णबहादुर भण्डारी घाइते भए । सेनाले प्राविधिक कारणले दुर्घटना हुन गएको बताए । घटना सामान्य देखिएपनि प्रमुख अंगरक्षक मानिने नेपाली सेना अझै आधुनिकीकरण भएको छैन भन्ने कुरा देखाइदिएको छ यसले । दिवसकै दिन नेपाली सेना घाइते हुनु भनेको सेनाको आफ्नै कमजोरी हो । नेपाली सेनाले तत्कालीन सरकार र माओवादीबीच भएको समान्य द्वन्दबाहेक सन् १८१६ पछि कुनै युद्ध लडेको छैन । यसपछि भर्ती भएका नेपाली सेनालाई युद्धबारे कुनै ज्ञान छैन । अनुभव नभएको कुनैपनि कुरामा पोख्त ज्ञान हुँदैन । पछिल्लो समयमा अन्तर्राष्ट्रिय युद्धमा नेपाली सेना सामेल छैन । नेपाली सेनाले आफ्नो क्षमता र शक्ति प्रदर्शन गर्ने दिनमै नेपाली सेना आफैँ घाइते हुन भनेको सेनामाथि नै प्रश्न उठ्नु हो । नेपाली सेनाको अभिभारा अझै सशस्त्र प्रहरीले बहन गरेको छ । नेपाली सेनालाई जुन किसिमको तयारी अवस्थामा राखिनुपथ्र्यो, त्यो पनि गरिएको छैन । प्रेमबहादुर शाही नेपाली सेनालाई चुस्तदुरुस्त बनाई रक्षक अवस्थामा राखिनुपर्छ । सेनालाई पूर्ण सक्षम बनाउने विषयमा सरकार गम्भीर हुने गरेको छैन । सेनाका लागि आवश्यक पर्ने हतियारसहित आवश्यक पर्ने सम्पूर्ण कुरा अभाव छ । त्यसमा न सरकारले ध्यान पु¥याउन सकेको छ न त सेना आफैँले त्यो पूरा गर्न सकेको छ । २०६२–०६३ को आन्दोलनपछि सांगठनिक अवस्था कमजोर छ । नागरिक, सेना र सरकारबीचको सम्बन्ध पनि सुदृढ भएजस्तो लाग्दैन । देशको शान्ति सुरक्षाका लागि सेनाले धेरै राम्रा काम गर्दै आएपनि अब सेनालाई संख्यात्मकरूपमा भन्दा पनि गुणात्मकरूपमा अघि बढाउनुपर्छ । सरकारले आपतकालीन अवस्थामा मात्र सेनालाई बाध्यताका रूपमा प्रयोग गर्ने र त्यसपछि कुनै चासो नदिने परिपाटी हटाउनुपर्छ । सेनालाई सरकारले मन लागीरूपमा प्रयोग गर्नुहुँदैन । सेनाको आफ्नै ऐनकानून भएपनि त्यो ऐन–कानूनअनुसार परिचालन हुन सकेको देखिन्न । त्यसो त सेनामाथि दिन–प्रतिदिन राजनीतिक हस्तक्षेप बढ्दै गएको पनि छ । देशमा पटक–पटक नेपाली सेना कति हुनुपर्छ भन्ने बहस हुन्छ । देशमा आएको शान्तिपछि नेपाली सेनाको संख्या घटाउने वा बढाउने भन्नेमा दुई मत छ । देशका लागि नेपाली सेना कति आवश्यक छ भन्ने कुराको निष्कर्ष निक्लिएको छैन । सरकारी हस्तक्षेपका कारण कतिपय घटनामा सेना त्यत्तिकै विवादमा तानिने गरेको छ । यस्तो कार्यले कसैको हित गर्दैन । न सेनाको हित हुन्छ न त राष्ट्रकै। त्यसैले नेपाली सेनालाई विवादबाट मुक्त राख्न सक्दा तथा ऊसँग भएको स्रोत र विज्ञताको फाइदा उठाउन सक्दामात्र मुलुक अनि मुलुकबासीको हित हुन सक्छ । उसै त सबैजसो क्षेत्रमा राजनीतिकरण हाबी भइरहेका बेला सेनामा पनि यो बढ्दै गयो भने त्यो हानिको विषय हुनेछ । त्यसैले सेनालाई सक्दो आधुनिकीकरण गरेर बलियो बनाउनुपर्छ भने उसको शक्तिलाई मुलुकले भरपुर सदुपयोग गर्न सक्नुपर्छ । कोषाध्यक्ष, नेपाल पत्रकार महासंघ, दैलेख

काठमाडौं, चैत ३ । शिक्षक सेवा आयोगले आइतबार दिउँसोसम्म कार्यरत अस्थायी शिक्षकको ३७ जिल्लाको प्राथमिक तहको अन्तिम नतिजा सार्वजनिक गरेको छ । आयोगले आइतबार दिउँसोसम्म कुन–कुन जिल्लाको नतिजा सार्वजनिक गरेको छ? हेर्नुस्– सुर्खेतको नतिजा हेर्न यहाँ क्लिक गर्नुस् दाङको नतिजा हेर्न यहाँ क्लिक गर्नुस् ओखलढुंगाको नतिजा हेर्न यहाँ क्लिक गर्नुस् उदयपुरको नतिजा हेर्न यहाँ क्लिक गर्नुस् सोलुखुम्बको नतिजा हेर्न यहाँ क्लिक गर्नुस् सप्तरीको नतिजा हेर्न यहाँ क्लिक गर्नुस् खोटाङको नतिजा हेर्न यहाँ क्लिक गर्नुस् प्यूठानको नतिजा हेर्न यहाँ क्लिक गर्नुस् सिरहाको नतिजा हेर्न यहाँ क्लिक गर्नुस् कालिकोटको नतिजा हेर्न यहाँ क्लिक गर्नुस् बर्दियाको नतिजा हेर्न यहाँ क्लिक गर्नुस् जुम्लाको नतिजा हेर्न यहाँ क्लिक गर्नुस् डोल्पाको नतिजा हेर्न यहाँ क्लिक गर्नुस् मोरङको नतिजा हेर्न यहाँ क्लिक गर्नुस् बाँकेको नतिजा हेर्न यहाँ क्लिक गर्नुस् जाजरकोटको नतिजा हेर्न यहाँ क्लिक गर्नुस् मुगुको नतिजा हेर्न यहाँ क्लिक गर्नुस् दैलेखको नतिजा हेर्न यहाँ क्लिक गर्नुस् तेह्रथुमको नतिजा हेर्न यहाँ क्लिक गर्नुस् सुनसरीको नतिजा हेर्न यहाँ क्लिक गर्नुस् इलामको नतिजा हेर्न यहाँ क्लिक गर्नुस् झापाको नतिजा हेर्न यहाँ क्लिक गर्नुस् संखुवासभाको नतिजा हेर्न यहाँ क्लिक गर्नुस् भोजपुरको नतिजा हेर्न यहाँ क्लिक गर्नुस् धनकुटाको नतिजा हेर्न यहाँ क्लिक गर्नुस् हुम्लाको नतिजा हेर्न यहाँ क्लिक गर्नुस् कैलालीको नतिजा हेर्न यहाँ क्लिक गर्नुस् पाँचथरको नतिजा हेर्न यहाँ क्लिक गर्नुस् अछामको नतिजा हेर्न यहाँ क्लिक गर्नुस् ताप्लेजुङको नतिजा हेर्न यहाँ क्लिक गर्नुस् डोटीको नतिजा हेर्न यहाँ क्लिक गर्नुस् बाजुराको नतिजा हेर्न यहाँ क्लिक गर्नुस् बझाङको नतिजा हेर्न यहाँ क्लिक गर्नुस् दार्चुलाको नतिजा हेर्न यहाँ क्लिक गर्नुस् कञ्चनपुरको नतिजा हेर्न यहाँ क्लिक गर्नुस् बैतडीको नतिजा हेर्न यहाँ क्लिक गर्नुस् डडेल्धुराको नतिजा हेर्न यहाँ क्लिक गर्नुस्

काठमाडौ, माघ २६ । नेपाल कम्युनिस्ट पार्टी (नेकपा) अध्यक्ष प्रचाण्डले फेरि माओवादी जन्मन सक्छ भन्दै दिएको अभिव्यक्ति सुनेपछि नेकपाका सचिवालय सदस्य ईश्वर पोखरेलले मध्यराती त्यसको प्रतिक्रिया दिएका छन । राती ११ः४५ बजे सामाजिक संजाल फेसबुकमा स्टाटस लेख्दै उपप्रधान तथा रक्षामन्त्रीसमेत रहेका पोखरेलले त्यसको प्रतिक्रिया दिएका हुन् । के भनेका छन् पोखरलेलले स्टाटसमा ? हेर्नुस्– परिस्थिति र पार्टी एकताका सम्दर्भमा (१) परिस्थिति : –अहिले सरकार मात्र परिवर्तन होइन, प्रणाली परिवर्तन भएको हो । यसको संवैधानिक र राजनीतिक घोषणा त भयो– तर त्यस अनुरूप कानून र संरचनाहरू परिवर्तन वा अद्यावधिक भैसकेका छैनन् । गरिदैछन्- हुँदैछन् । अहिलेको यो स्थितिले एउटा अन्तर्विरोध देखिदैछ । अभ्यास र आदत एकातिर ,अवस्था र आवश्यकता अर्कोतिर । –सरकार मात्र परिवर्तन होइन, शासन सत्ताको माथिल्लो तह परिवर्तन भएको हो । स्थानीय तहका सरकार, प्रदेश तहका सरकार र संघीय सरकारमा कम्युनिष्टहरूले लोकतान्त्रिक विधिद्वारा घोषित रूपमा दुई तिहाइ हैसियत प्राप्त गर्नुले यसलाई स्पष्ट पारेकोछ । तर यसलाई स्वीकार गर्न र पचाउन नसक्ने देशभित्र र बाहिर थुप्रै छन् । त्यस्ता धेरैको मन मुटु भत्भती पोलिरहेको छ । त्यस्ताहरूले अहिलेको विकसित स्थितिलाई पचाउन सकिरहेका छैनन् र हातमा पुल्ठो बोकेर झोस्न– डढेलो सल्काउन ज्यान फालेर लागेका छन् , पुल्ठो झोस्ने ठाउँहरू खोज्दैछन् । त्यस्तासित होशियार बन्नुपर्ने अहिलेको आवश्यकता हो । र, यो होशियारी नीतिमा, कार्यक्रममा, योजनामा र आचरणमा देखाउनु जरूरी छ । आमरूपमा आउने गरेका– उठ्ने गरेका प्रश्नहरू , जिज्ञासा , आशंका र आक्रोशलाई तिनै मार्फत जवाफ दिनु जरूरी छ । धेरै उत्कृष्ट लाग्ने राम्रा कुराहरू बोलेर भन्दा पनि एउटा सरदर राम्रो काम गर्दै अगाडि बढ्नु जरूरीछ । (२) दुइटा कम्युनिष्ट पार्टी विचको एकता– –यो एकता कम्युनिष्ट आन्दोलनका कार्यकर्ताहरूको चाहना, कम्युनिष्ट पार्टीप्रति आशा अपेक्षा गर्ने आम नेपाली जनताको चाहना र राष्ट्रको आवश्यकतामा आधारित छ । एकताका सन्दर्भमा यी मूलत: भावनात्मक पक्ष हुन् । एकतासित गाँसिएको सार पक्ष भनेको विचारको पक्ष , संगठनात्मक संरचनाको पक्ष र नेतृत्वको पक्ष हो । एकताको घोषणा गरिरहँदा यी विषयमा त्यति गहिराइका साथ छलफल हुन सकेन । अब सिंगो पार्टी पंक्तिले यी विषयलाई गंभीर महत्वका साथ लिदै छलफल वहस गर्दै एउटा निष्कर्षमा पुग्नुपर्ने जरूरी छ । एकताको घोषणा गरिरहँदा सकारात्मक र सार्थक वहस र छलफल गर्दै निष्कर्षमा पुग्नुपर्ने विषयमा यसलाई उल्लेख गरिएको छ । आफ्नै देशको कम्युनिष्ट आन्दोलनबाट विकसित भएको, अन्तर्राष्ट्रिय कम्युनिष्ट आन्दोलनबाट प्राप्त अनुभवहरूको निर्मम समीक्षाबाट निकालिएको निष्कर्ष बोकेको र दर्शन तथा सिद्धान्तले निर्देशित सुसंगत विचारको श्रृंखला बोकेको कम्युनिष्ट पार्टी अहिलेको आवश्यकता हो । यस मामिलामा अलमलिएर वा यसमा ‘ग्रे एरिया’ राखेर कम्युनिष्ट पार्टी अगाडि बढ्न सक्तैन । –सुदृढ संगठनात्मक संरचनाका बलमा मात्र कम्युनिष्ट पार्टीले आफूलाई एउटा शक्तिका रूपमा स्थापित गर्न सक्छ । यो श्रृंखलाबद्ध कमिटी प्रणालीमा देखिनुपर्छ । कम्युनिष्टका नाममा भीड शक्ति हुनसक्तैन । विसर्जन्मुख भीड त झन् किमार्थ शक्ति हुनै–बन्नै सक्तैन । –कम्युनिष्ट पार्टीको नेतृत्व जनतामा परिचीत, स्थापित र स्विकृत पात्रहरू नै हुन् र हुनुपर्छ । तिरस्कृत पात्रहरू नेतृत्वमा आउनै हुँदैन– ल्याइनै हुँदैन । अझ , शनक र उन्मादमा चल्न चाहने वा रमाउनेहरूलाई त यो ठाउँमा सर्वथा पुर्याउनै हुन्न । त्यस्तो हुँदा दुर्भाग्य मात्र हुन्छ । आज नेकपा ( एमाले) र माओवादी केन्द्र विच भएको ऐतिहासिक एकतापछि बनेको नेपाल कम्युनिष्ट पार्टी ( नेकपा ) ले यही बाटो हिंड्नुपर्छ । चुनौतीपूर्ण अभिभारा पुरा गर्ने ऐतिहासिक क्षणमा उभिएका कम्युनिष्ट पार्टीका कार्यकर्ताहरूले योग्यतापूर्वक यो काम गर्न सक्छन् कि सक्दैनन्– यसैमा नेपालको कम्युनिष्ट आन्दोलन र सिंगो मुलुकको भविष्य गाँसिएको छ । टुट्न मात्र होइन, जुट्न पनि जानेका छन् भनेर आफ्नो परिचय बनाएका नेपाल कम्युनिष्ट पार्टीका कार्यकर्ताहरूले आगामी दिनमा यो ऐतिहासिक अभिभारालाई योग्यतापूर्वक पुरा गर्नेछन् ।

काठमाडौँ — डा. गोविन्द केसीले प्रधानमन्त्री केपी ओलीले आफूसँग गरेको सम्झौता अक्षरश: पालना नगरेसम्म सत्याग्रह जारी राख्ने बताएका छन् । कान्तिपुर दैनिकका अनुसार डा. केसीले प्रधानमन्त्रीसँग न्यूनतम इमानदारी छ भने हामीसँग गरेको सम्झौताअनुसार हुबहु चिकित्सा विधेयक पारित हुनुपर्ने बताएका छन् । गुणस्तरीय स्वास्थ्य शिक्षा दिने शिक्षण संस्थान तथा ठूला अस्पताल देशभर न्यायोचित वितरण भए कुनाकाप्चामा बस्ने नेपालीको समान पहुँच हुने उनको भनाइ छ । १५ औं अनशनमा प्रधानमन्त्री ओलीसँग भएको सम्झौतालाई तोडमरोड गरेर शिक्षामन्त्री गिरिराजमणि पोखरेलले चिकित्सा विधेयक समितिबाट पारित गरेको आरोप उनले लगाए । ‘विधेयकबाट हाम्रा बुँदा हटाएर ओलीजीको पार्टीका सांसदहरूले माफियामुखी बुँदा राखे,’ केसीले भने । उनले विद्यार्थी र जनतामारा बुँदा राखेर चिकित्सा विधेयक पारित गरिएको दाबी पनि गरे । डा. केसीलाई आइतबार दिउँसो त्रिवि शिक्षण अस्पतालको आईसीयूबाट क्याबिनमा सारिएको छ । 

फिदिम, पुस २५ । पाँचथरका सबै स्थानीय तहमा बैंकिङ सेवा पुगेको छ । सबै स्थानीय तहमा अत्यावश्यक बैंकिङ सेवा पुगेपछि नागरिकलाई सहज भएको छ। सोमबार तुम्बेवा गाउँपालिकाको केन्द्र मौवा बजारमा प्राइम बैंक लिमिटेडको शाखा स्थापना भएसँगै जिल्लाका सबै स्थानीय तहमा बैंकिङ सेवा पुगेको हो । केही दिन अघिमात्रै फालेलुङ गाउँपालिकाको मच्छेबुङमा सोही बैंकले शाखा विस्तार गरेको थियो । तुम्बेवा गाउँपालिकाका प्रमुख प्रशासकीय अधिकृत दीपेन्द्र दाहालले स्थानीय तहमा बैंकको सेवा नहुँदा कार्यालय तथा सर्वसाधारणले सास्ती व्योहोर्नुपरेको र अब भने समस्या समाधान हुने बताए । ‘योजनाको भुक्तानी फिदिम पुगेर लिनुपर्ने बाध्यता थियो’, उनले भने, ‘शिक्षक तथा कर्मचारीले समेत सदरमुकाम पुगेर मात्रै तलब लिने गरेका थिए ।’ गाउँपालिकाले प्रक्रिया मिलाएर प्राइम बैंकको शाखाबाटै सबै प्रकारका भुक्तानी दिने व्यवस्था गर्न लागेको छ । ‘सम्भव भएसम्म सामाजिक सुरक्षा भत्तासमेत सोही बैंकबाट प्रदान गर्ने लक्ष्य छ,’ उनले भने । स्थानीय तह निर्माण भएपछि जिल्लाको हिलिहाङ र याङवरक गाउँपालिकामा सिभिल बैंकले शाखा विस्तार गरेको थियो । याङवरकमा सप्तकोशी डेभलपमेन्ट बैंकको शाखा समेत छ । हिलिहाङ र याङवरकले सिभिल बैंकको शाखाबाटै कारोबार गर्दै आएको छ । दक्षिणी मिक्लाजुङमा सरकारी स्वामित्वको कृषि विकास बैंक र फाल्गुनन्द गाउँपालिकामा नेपाल इन्भेष्टमेण्ट बैंकको शाखा विस्तार भएको छ । फाल्गुनन्द गाउँपालिकाले फिदिममा रहेको नेपाल बैंकबाटै निकासा दिने गरेको छ । यी स्थानीय तहमा अन्य बैंकका शाखासमेत स्थापना भइसकेका छन् । कुम्मायक गाउँपालिकामा मेघा बैंकको शाखा स्थापना भएको छ । गाउँपालिकाले यही बैंकबाट बैंकिङ कारोबार गर्दै आएको छ । तुम्बेवा गाउँपालिकामा स्थापना भएको बैंकको शाखा उद्घाटन गर्दै गाउँपालिका प्रमुख होमनाथ थापाले स्थानीयस्तरमै बैंकिङ सेवा प्राप्त हुँदा स्थानीयवासीलाई ठूलो राहत मिल्ने बताए । स्थानीय तहमा बैंकिङ सेवा नहुँदा सयौँ विकास निर्माणका योजनाको सम्पूर्ण कार्य स्थानीय तहमै सम्पन्न भए पनि निकासा लिन भने सदरमुकाम पुग्नुपर्ने बाध्यता थियो । विप्रेषणका लागि समेत सदरमुकाम पुग्नुपर्ने बाध्यता थियो । रासस

भक्तपुर, पुष २३ । परीक्षा लिएको तीन महिनापछि बल्ल शिक्षक सेवा आयोगले सोमबारबाट खुल्ला विज्ञापनको कापी परीक्षणको काम शुरु गरेको छ । काठमाडौं उपत्यकाका छुट्टा छुट्टै तीन स्थानमा कापी परीक्षण शुरु गरेको आयोगका अध्यक्ष ताना गौतमले जानकारी दिए । काठमाडौंको विश्व निकेतन र रत्नराज्य विद्यालय तथा भक्तपुर स्थित आयोगकै कार्यालयमा सोमबारबाट कापी परीक्षणको काम शुरु भएको उनले बताए । नतिजा प्रकाशनको काम चाँडै सक्ने गरी आवश्यक परेमा अन्य स्थानमा पनि परीक्षणको ब्यवस्था गर्न सकिने उनको भनाई छ । यस अघि ताहाचल स्थित जनप्रभात माविमा परीक्षण गरिएको थियो । गत असारमा भएको खुल्ला विज्ञापनको परीक्षा असोजमा भएको थियो । माविको असोज ११ गते, निमाविको १२ र प्राविको १३ गते परीक्षा भएको थियो । यही बीचमा अस्थायी शिक्षकको परीक्षाको प्रकृयागत काम सक्नु पर्दा खुल्लाको काममा केही प्रभाव परेको आयोगका पदाधिकारीले बताउँदै आएका छन् । आईतबार काठमाडौं उपत्यकाको लिखित नतिजा प्रकाशन गरे सँगै अस्थायीको लिखितको नतिजा सार्वजनिक गर्ने काम सकिएको छ । त्यस पछि आयोगले खुल्लाको कापी परीक्षण शुरु गरेको हो । कूल १२ हजार ७ सय ३९ पदका लागि भएको विज्ञापनमा २ लाख ८२ हजारले आवेदन गरेका आयोगले जनाएको छ । प्राथमिक तहमा ९ हजार ९ सय ९६, निमावि तहमा १६ सय ३५ र मावि तहमा ११ सय ८ पदमा आयोगले विज्ञापन गरेको हो । इडियूखबरबाट