मंसिर ५ । एक अध्ययनले गर्भवती महिलाहरुले गर्भावस्थाको तीन महिनापछि बिस्तारामा दायाँ–बायाँ फर्की–फर्की अर्थात कोल्टे फेर्दै सुत्ने गरेमा मृत बच्चा जन्मिने खतरा धेरै हदसम्म कम हुने देखाएको छ । एक हजार गर्भवती महिलाहरुमा गरिएको उक्त अध्ययनले गर्भावस्थाको आखिरी महिनामा कम्मरको बलमा सुत्ने गर्नाले मृत बच्चा जन्मिने खतरा बढि भेटिएको छ । अध्ययनका क्रममा समावेश गरिएका २९१ बच्चाहरु मृत जन्मेका थिए भने ७३५ बच्चा स्वस्थ रुपमा नै जन्मिएका थिए । शोधकर्ताका अनुसार यदि गर्भवती महिलाहरु दिउँसो अथवा राति जतिबेला सुत्दा पनि कम्मरमा जोड नदिई यताउता फर्किदै सुत्दै गर्नु अति आवश्यक छ । तर निदाएर बिउँझिदा आफ्नो शरीरको बल कम्मरमा परेको महसुस भएमा भने त्यसलाई तनावको विषय नबनाई हल्का रुपमा लिन पनि उनिहरुले सुझाव दिएका छन् । ब्रिटेनमा प्रत्येक वर्ष २२५ शिशु मृत रुपमा जन्मिने गर्दछन् । शोधकर्ताहरुका अनुसार यदि गर्भवती महिलाहरु दायाँ बायाँ फर्किदै सुत्दै गरेमा भने यो मृत्युदर घटाएर १३० शिशुको ज्यान जोगाउन सकिने छ । माइनेस स्टडी एक उपल्लो स्तरको अध्ययन हो जुन ब्रिटेनको स्त्री एवंं प्रसूतीसँग सम्बन्धित अखबारमा हालै छापिएको छ । यो शोधले अष्ट्रेलिया तथा न्यूजीरल्याण्डमा गरिएका यसैविषयका अध्ययनहरुको पनि पुष्टि गर्ने बीबीसीले उल्लेख गरेको छ । यो रिसर्चलाई प्रोफेसर एलेक्जेण्डर हीजलको नेतृत्वमा पूरा गरिएको हो जो टाँमिल स्टिलबर्थ रिसर्च सेण्टरका निर्देशक समेत हन् । अध्ययनका क्रममा समावेश गरिएका गर्भवती महिलाहरुलाई खासगरी तपाईको सुताइएको पोजिन कस्तो छ भनी सोधिएको थियो । शोधकर्ताले गर्भवती महिलाहरुलाई यो सुझाव दिएका छन् कि तपाई कस्तो पोजिनमा उठ्नुहुन्छ त्यतातिर पटक्कै ध्यान नदिनुहोस् तर तपाई कस्तो पोजिनमा सुत्नुहुन्छ त्यसतर्फ भने खुब चनाखो हुनुहोस् । शोधकर्ताहरुले दाबीका साथ नबताएपनि आँकडाहरुले सुताइका कारण मृत बच्चा जन्मने खतरा अधिक हुने देखाएको बताएका छन् । जब कोही गर्भवती महिला कम्मरको बलमा सुत्छिन् तब बच्चा तथा गर्भाशयको कारण रक्तनलीमा दबाब सिर्जना हुने गर्दछ र बच्चालाई रगत तथा अक्सिजन पर्याप्त मात्रामा पुग्दैन् जस्काकारण शिशुको मृत्यु हुन सक्दछ । शोधकर्ताहरुले गर्भावस्थामा कसरी सुत्ने केही टिप्स पनि दिएका छन् । जुन यहाँ प्रस्तुत गरिन्छ । कम्मरको पछाडी सिरानी राखेर सुत्ने गरौं ता कि यताउता फर्किदै सुत्न सहिजो होस्। राति निद्राबाट बिउँझिदा चेक गरौं कि आफू कुन पोजिसनमा सुतेको थे भनेर त्यसपछि फेरी अर्कोतिर फर्केर सुतौं । दिनमा सुत्दा पनि घरी दायाँ घरी बायाँ फर्केर्दै सुत्दै गरौं। यदि रातमा ब्युझिँदा तपाईलाई कम्मरको बलमा सुतेको महसुस भयो भने नआत्तिनुहोस् केही फरक पर्दैन् । तपाई दायाँ तथा बायाँ जतापनि फर्केर सुत्न सक्नुहुन्छ तर पोजिसन भने परिवर्तन गरिरहनुहोस् । बीबीसी

नयाँ दिल्ली, कार्तिक २३ । विश्व चर्चित कम्पनी एप्पलले पहिलो पटक भारतमा रोजगारी दिने भएको छ। यसका लागि एप्पलले ‘प्लेसमेन्ट’ कार्यक्रमलाई अगाडि सारेको छ। यो कार्यक्रम अन्तर्गत भारतमा रहेका प्रतिभाशाली इन्जिनियरलाई एप्पलमा काम गर्ने मौका खुल्ने छ । एप्पलले यो कार्यक्रम हैदराबादको चर्चित आइआइटीमा लागु गर्न लागेको हो। जहाँ उसले इन्जिनियरहरुको छनौट गर्ने छ । यसका लागि आईआइटी हैदराबादका करिब ३ सय ५० विद्यार्थीको अन्तर्वार्ता उसले लिन लागेको हो । अन्तर्वार्तामा बिटेक, एमटेक, इन्जिनियरिङका विद्यार्थी छन् । यसअघि पनि गुगल, फेसबुक, माइक्रोसफ्टजस्ता बहुचर्चित कम्पनीले भारतमा अस्थायी कार्यक्रमको आयोजना गरिसकेका छन् । भारतमा बढ्दो एप्पलको लोकप्रियतासँगै ‘म्यानुफ्याक्चरिङ प्लान्ट’ लगाउने विषयमा पनि चर्चा चलिरहेको छ। एप्पल आफ्नो कर्मचारीलाई आकर्षक तलब दिनका लागि पनि विश्व चर्चित छ। कम्पनीमा काम गर्न सम्बन्धित विषयको डिग्रीको जरुरी पर्ने नै छ, यसबाहेक पनि समस्यालाई सहजै सुल्झाउन सक्ने खुबी हुनु जरुरी छ। फोब्र्स र बिजनेश इनसाइडरको रिपोर्टअनुसार एप्पलमा काम गर्ने कर्मचारीको वर्षको कमाई नै १ करोड २१ लाखदेखि १ करोड ३२ लाखसम्म छ । एप्पलमा पदअनुसारको तलब सफ्टवेयर इन्जिनियरः १ करोड ५ लाख– १ करोड २१ लाख ग्लोबल सप्लाई मेनेजरः १ करोड ३२ लाखदेखि सुरु एट होम एडवाइजरः ३७ लाख इन्जिनियरिङ प्रोजेक्ट मेनेजरः १ करोड ४५ लाख एप्पलसँग जोडिएका अन्य कुरा विश्वभरी एप्पलका १ लाख २३ हजार कर्मचारी छन् २०१६ मा एप्पलले २१ करोड १० लाख आइफोन बेचेको थियो २०१६ को रिपोर्टअनुसार एप्पलको १७ देशमा ४७५ स्टोर्स छ एजेन्सी  

काठमाडौंं, कात्तिक २०। केन्द्रिय क्याम्पस किर्तिपुर शिक्षा संकायका विद्यार्थीहरुले शिक्षा ऐन २०२८ को नवौँ संसोधन खारेजीको माग गर्दै तदर्थ विद्यार्थी संघर्ष समिति गठन गरेका छन् । आईतवार केन्द्रिय विभागमै बसेको बैठकले नवौं संशोधन खारेजीका लागि भन्दै पुष्कर शर्माको संयोजकत्वमा संघर्ष समिति गठन गरेको हो । संघर्ष समितिले अन्तरक्रियात्मक कार्यक्रम गरि तत्काल संसोधन फिर्ता लिन सरकारलाई आग्रह गरेको छ । अन्यथा सडक संघर्षदेखि अदालतसम्म जान बाध्य हुने चेतावनी दिईएको छ । सरकारले आफुहरुका माग वेवास्ता गरे थप संघर्षका कार्यक्रम घोषणा गरि अगाडी बढ्न बाध्य हुने संघर्ष समितिका सहसंयोजक सञ्जय कार्कीले चेतावनी दिए । संसोधित ऐनले स्थायी शिक्षकका लागि ७५ प्रतिशत आन्तरिक र २५ प्रतिशत खुला प्रतियोगिताबाट शिक्षक पदपूर्ति गर्ने व्यवस्था गरेको छ । कार्यक्रममा शिक्षाविद प्रा.डा. विद्यानाथ कोइरालाको संसोधित ऐनको यो प्रावधानलाई आफुले ठाडै अस्विकार गरेको बताए । कोईरालाले नेपाली कांग्रेसका गोपालमान श्रेष्ठ, एमालेका गंगालाल तुलाधर, माओवादी केन्द्रका धनिराम पौडेल शिक्षा ऐन नवौँ संसोधनको पक्षमा खुृलेरै लागेको आरोप पनि लगाए । यो बिषयमा कानुनविदहरुसंग छलफल गरि प्रत्येक बर्ष शिक्षक सेवा आयोगले विज्ञापन गर्दा शिक्षा विभाग, शिक्षा मन्त्रालय लगायत सरोकारवालाहरुसंग छलफल गरिनुपर्नेमा जोड दिए ।   अन्तरक्रिया काय्र्रक्रममा विभिन्न राजनीतिक दलका नेता कार्यकर्ता र विद्यार्थीहरु संगठनले नवौं संशोधन खारेजीको लागि साथ दिने प्रतिवद्धता व्यक्र गरेका छन् । कार्यक्रमअघि बिद्यार्थीहरुले शिक्षा ऐन संसोधनका विरुद्ध प्लेकार्ड रहित र्याली निकालेका थिए । बिद्यार्थी नेताहरुले शिक्षा ऐन संसोधन भएको असोज ३ गतेलाई कालो दिनको संज्ञा दिएका छन् । संसोधित शिक्षा ऐनले ७ लाख युवा र ७० हजार वालवालीकामाथी खेलवाड भएको उनीहरुको दावी छ ।  

काठमाडौं । समुन्द्र शास्त्र अनुसार शारीरिक अंगको बनावट तथा रुप रेखा हेरेर कुनै पनि ब्यक्तिको भाग्य, गुण र जीवन सम्बन्धि विभिन्न कुरा भविष्यवाणि गर्न सकिन्छ । शिव पुराणमा कुमार कार्तिकेयले मानिसमा यस्ता गुण बताएका छन् जुन गुण हुने ब्यक्ति शौभाग्यशाली, भाग्यमानी र शुभ फल प्राप्त गर्छन् । उक्त पुराणमा भाग्यमानी हुने कन्याको उल्लेख गरिएको छ । यी ६ गुण हुने युवतीसँग विवाह गर्ने पुरुष राजा समान बन्न सक्ने समेत उक्त पुराणमा उल्लेख छ । १ समुन्द्र शास्त्र अनुसार जुन युवतीको अनुहार पितासँग मिल्छ त्यस्ता युवती भाग्यमानी हुन्छन् । उनीहरुले जीवनमा सुखभोग गर्ने र चाहेको कुरा प्राप्त गर्ने उक्त शास्त्रको दावी छ । त्यस्तै आमासँग अनुहार मिल्ने युवक पनि भाग्यमानी मानिन्छन् । २ कालो कपाल भएका र आगाडिपट्टि झुकेको कपाल हुने युवती भाग्यमानी हुने समुन्द्र शास्त्रको भनाइ छ । चिल्लो, कोमल र मुलायम कपाल भएका कन्यालाई उत्तम मानिएको छ । ३ गोलो र चिल्लो तथा आकर्षक अनुहार भएका युवती पनि भाग्यमानी हुन्छन् । ४ जुन युवतीको शिरको अगाडीको भाग उठेको छ त्यस्ता युवती धनी र वैभवशाली हुने मानिन्छ । ५ सिन्दुर लगाउने स्थान सिधा र उठेको छ भने त्यस्ता युवती सँधै भाग्यवती मानिन्छन् । ६ आँखी भौ जोडिएका युवतीलाई विश्वास गर्न नसकिने समुन्द्र शास्त्रको भनाइ छ । आँखीभौं धनुष जस्तै झुकेको भए यस्ता युवतीलाई भाग्यमानी मानिन्छ ।

बैतडी, कात्तिक १६ । बैतडीमा पाँच वर्षमुनिका २३ हजार बढी बालबालिकालाई भिटामिन ‘ए’ र जुकाको औषधि खुवाइने भएको छ । जिल्ला स्वास्थ्य कार्यालय, बैतडीका पब्लिक हेल्थ नर्स ममता जोशीका अनुसार बैतडी जिल्लाभरि रहेका ६ महिनादेखि ५९ महिनासम्मका २३ हजार ९७७ बालबालिकालाई बिहीबार (आज) र शुक्रबार (भोलि) भिटामिन ‘ए’ र जुकाको औषधि खुवाइन लागिएको हो । राष्ट्रिय भिटामिन ‘ए’ कार्यक्रमअन्तर्गत ६ महिनादेखि एक वर्षसम्मका बालबालिकालाई भिटामिन ‘ए’ र एक वर्षदेखि ५ वर्षमुनिका बालबालिकालाई भिटामिन ‘ए’ र जुकाको औषधि खुवाइने जिल्ला स्वास्थ्य कार्यालय बैतडीले जनाएको छ । बच्चाको पेटमा जुका परेपछि रक्तअल्पता हुनुका साथै कुपोषण हुने र भिटामिन ‘ए’ को कमीले बच्चाले आँखा नदेख्ने भई रतन्धो हुने भएकाले उक्त रोगहरुबाट बचाउनका लागि बच्चालाई भिटामिन ‘ए’ र जुकाको औषधि खुवाइन लागेको हो । बैतडीमा यसका लागि जिल्लाभरिका ८३१ महिला स्वयमंसेविका परिचालन गरिने भएको छ । महिला स्वयंसेविकाले प्रत्येक स्थानीय तहका वडाका टोलमा तोकिएका केन्द्रबाट औषधि खुवाउने जनाइएको छ । नजिकैको वडा कार्यालय वा भिटामिन ‘ए’ खुवाउने केन्द्र वा महिला स्वयंसेविकासँग सम्पर्क राखी भिटामिन ‘ए’ तथा जुकाको औषधि खुवाउन जिल्ला स्वास्थ्य कार्यालय, बैतडीले अनुरोध गरेको छ । सरकारले वर्षको दुईपटक खुवाउँदै आएको भिटामिन ‘ए’ यसवर्ष कात्तिक २ र ३ गते दीपावली पर्न गएको हुँदा कात्तिक १६ र १७ मा भिटामिन ‘ए’ खुवाइन लागिएको हो । हरेक ६/६ महिनामा अर्थात् वैशाख ६ र ७ गते तथा कात्तिक २ र ३ गते भिटामिन ‘ए’ र जुकाको औषधि खुवाइँदै आएको छ ।

काठमाडौं, कात्तिक २ । केन्द्रीकृत शासन प्रणालीअन्तर्गत स्थापित करिब तीन दर्जन सरकारी कार्यालयमध्ये दुई दर्जन कार्यालय खारेज हुने सूचीमा परे पनि सरकारले अहिलेसम्म खारेज प्रक्रिया अघि बढाउन सकेको छैन । दुई वर्षअघि नै खारेज हुनुपर्ने कार्यालय यथावत् छन् । ती कार्यालय खारेज गरी तिनले दिने सेवा र काम स्थानीय तहबाट हुनुपर्ने संवैधानिक व्यवस्था भए पनि सरकारले कार्यान्वयन गर्न नसक्दा स्थानीय तहका कामकाज पनि प्रभावित भइरहेका छन्। स्थानीय तहमा कार्यालय गाभ्नुको साटो ती कार्यालयका तालुक मन्त्रालय भने खारेजी रोक्न लागिपरेको स्रोतले बताएको छ । स्रोतका अनुसार वन तथा भूसंरक्षण मन्त्रालय, कृषि विकास मन्त्रालय, सिँचाइ मन्त्रालय, भौतिक मन्त्रालयका अधिकारी जिल्लास्थित मातहतका कार्यालयलाई स्थानीय तहमा नगाभी संघीय (केन्द्रीय) सरकारकै मातहत राख्न चलखेल गरिरहेका छन ्। प्रधानमन्त्री तथा मन्त्रिपरिषद् कार्यालयका एक अधिकारीका अनुसार विभिन्न मन्त्रालयको असहयोगले नै जिल्लास्थित कार्यालय खारेज हुन नसकेको हो । ३ असोज २०७२ मा संघीय लोकतान्त्रिक गणतन्त्रसहितको संविधान जारी भएलगत्तै सरकारले केन्द्रीकृत शासन प्रणालीअन्तर्गत स्थापित दुई दर्जन कार्यालय खारेजीको सूचीमा राखेको थियो । संविधानले राज्य शक्तिको बाँडफाँट संघ, प्रदेश र स्थानीय तहमा गर्दै अनुसूचीमार्फत संघ, प्रदेश र स्थानीय तहले गर्ने कामको स्पष्ट जिम्मेवारीसमेत निर्धारण गरेको थियो । संविधानअनुसार जिल्लामा रहेका अधिकांश सरकारी कार्यालय स्थानीय तहमा समाहित भएर स्थानीय तहबाटै सेवासुविधा दिनुपर्छ। तर, स्थानीय तह गठन भएर जनप्रतिनिधिले काम थालेको ६ महिना पुगिसक्दासमेत ती कार्यालय स्थानीय तहमा गाभ्ने प्रक्रिया सरकारले अघि बढाउन सकेको छैन । संघीय मामिला तथा स्थानीय विकास मन्त्रालयका सचिव दिनेशकुमार थपलियाले जिल्लाका सरकारी कार्यालयलाई स्थानीय तहमा गाभ्ने प्रक्रिया सुरु हुन नसकेको बताए। ’अहिले स्थानीय तहमा कर्मचारी व्यवस्थापन गर्ने काम मात्रै उच्च प्राथमिकतामा छ’, सचिव थपलियाले भने, ’कार्यालय खारेज र गाभिन अझै केही समय लाग्छ।’ उनले कार्यालय खारेजी सम्बन्धमा विस्तृत अध्ययन आवश्यक भएको बताए । मुख्यसचिव राजेन्द्रकिशोर क्षेत्रीले पनि संविधान जारीपछि स्थानीय तह गठन भएलगत्तै थालिनुपर्नेमा हुन नसकेको स्विकारे ।’सुरुदेखि नै केही ढिलाइ भएको र कुन काम कसरी गर्ने योजना तथा मेकानिज्म तयार नभएकाले कार्यालय खारेजी अघि बढ्न नसकेको हो’, उनले भने । उनले कार्यालय खारेज गर्ने तथा संघीयता सरकारले नै कार्यान्वयनमा लैजाने बताए । प्रधानमन्त्री कार्यालयका अनुसार जिल्ला प्रशासन कार्यालय, जिल्ला प्रहरी कार्यालय, जिल्ला समन्वय समिति, कोष तथा लेखा नियन्त्रक कार्यालय, जिल्ला निर्वाचन कार्यालय, जिल्ला सरकारी वकिलको कार्यालय, जिल्ला मालपोत कार्यालय, जिल्ला नापी कार्यालय, जिल्ला हुलाक कार्यालय, नेपाली सेनाका गण तथा गुल्म, जिल्ला प्रहरी कार्यालयलगायत जिल्लामा रहनेछन् । तर, शान्ति–सुरक्षा कायम राख्ने निकाय तथा राहदानी, नागरिकता बनाउनेजस्ता महत्वपूर्ण निकाय भने संघ मातहत जिल्लामै रहन्छन् । हाल जिल्ला विकास समितिका रूपमा रहेका कार्यालय जिल्ला समन्वय समितिका रूपमा रूपान्तरण भइसकेका छन् । हाल जिल्लामा ३० वटासम्म सरकारी कार्यालय छन्। यी सबै कार्यालय केन्द्रीकृत शासन प्रणालीका क्रममा केन्द्रका कामलाई जिल्ला र स्थानीय निकायमा पुर्याउने माध्यमका रूपमा स्थापना गरिएका हुन्। अहिले सरकारले विभिन्न ७ सय ५३ स्थानीय तह स्थापना गरी कार्यान्वयनमा ल्याएको छ । –अन्नपूर्ण दैनिकबाट

काठमाडौँ, कात्तिक २ । कात्तिक कृष्ण औँसीका दिन बिहीबार धनधान्यकी देवी लक्ष्मीको पूजा तथा आराधना गरी लक्ष्मीपूजा गरिँदैछ । स्थिर लग्न र प्रदोषकालमा लक्ष्मीको आराधना गर्दा धनधान्यपूर्ण हुन्छ भनिन्छ । पूजाकोठा, बुइँगल, अट्टालिका, बरन्डा, भकारी रहेको धनसार लगायतमा बत्ती बालेर उज्यालो गर्दा लक्ष्मी प्रसन्न भई धनधान्यपूर्ण गराउँछिन् भन्ने जनविश्वास रहिआएको छ । यसै दिन बिहान गाईलाई लक्ष्मीको प्रतीक मानेर गाईपूजा गर्ने र राति दीपावलीसहित लक्ष्मीपूजा गर्ने प्रचलन छ । ज्योतिषी डा. सुनील सिटौलाका अनुसार यो दिन नराम्रो कार्य गर्दा वर्षैभरि पिर्छ भन्ने ज्योतिषीय मान्यता छ । लगनखेलको महालक्ष्मी स्थान, भक्तपुरको नौतले मन्दिरमा रहेकी सिद्धिलक्ष्मी, काठमाडौँ न्युरोडमा रहेको लक्ष्मी मन्दिर, तनहुँ बन्दीपुरको लक्ष्मी मन्दिरमा यो दिन मेला लाग्छ । यसै दिन जनैपूर्णिमामा लगाइएको डोरो गाईको पुच्छरमा बाँधेर वैतरणी नदी तर्ने मनोकाङ्क्षाा गरिन्छ । यसै दिन महाकवि स्व. लक्ष्मीप्रसाद देवकोटाको १०८औँ जन्मजयन्ती परेको छ । स्व. देवकोटाको १९६६ सालमा आजकै दिन काठमाडौँको डिल्लीबजारमा जन्म भएको थियो । नेपाल सांस्कृतिक सङ्घ डिल्लीबजारमा यो दिन साहित्यिक सभा आयोजना गरिनेछ । साहित्यिक जमघटमा देवकोटालाई मन पर्ने परिकारको समेत व्यवस्था यहाँ हुँदै आएको छ ।

भदाै २१ । जीका भाइरस मस्तिष्कको आक्रमक क्यान्सर उपचारमा प्रयोग गर्न सकिने बताइएको छ । अमेरिकाका अनुसन्धानकर्ताहरुले भ्रूणको मस्तिष्कमा आक्रमण गरेर माइक्रोसेफालीग्रस्त शिशु बनाइदिने जीका भाइरस मान्छेहरुमा हुने मस्तिष्क क्यान्सर उपचार गर्न प्रयोग गर्न सकिने बताएका छन्। अहिलेसम्म जीकालाई समाधानको उपाय होइन कि विश्वव्यापी स्वास्थ्य खतराका रुपमा मात्र हेर्ने गरिएको छ। तर पछिल्लो अनुसन्धानबाट जीका भाइरसले जवान मानिसहरुमा हुने मस्तिष्कको क्यान्सर उपचार गर्न सकिने देखाएको छ। मस्तिष्कको ‘ग्लीओब्लास्टोमाु क्यान्सर हुँदा तीब्र गतिमा बढ्ने ट्युमर केमोथेरापी र रेडियोथेरापीप्रति प्रतिरोधी भएकाले उपचार गर्न निकै मुस्किल रहँदै आएको छ। मुसामा परीक्षण मुसाहरुमा गरिएको प्रारम्भिक अध्ययनमा जीका भाइरसले ब्रेन क्यान्सर स्टेम सेललाई निशाना बनाएको छ जसले ट्युमर पुनस् पलाउनबाट रोक्छ। अहिलेसम्म मानिसहरुमा यो परीक्षण गरिएको छैन। जीका भाइरस मस्तिष्कमा जहाँ आवश्यक छ त्यहाँ नै राखिदिनुपर्ने बताइएको छ । ट्युमर फाल्न गरिने शल्यक्रियाका बेला जीका भाइरस मस्तिष्कमा राखिदिन सकिने ‘जर्नल अफ एक्सपेरिमेण्टल मेडिसिन’मा छापिएको लेखमा बताइएको छ । प्रयोगशालामा मानव कोषमाथि गरिएको परीक्षणमा जीका उपचार प्रभावकारी पाइएको बताइएको छ। त्यसले जवान मानिसको स्वस्थ्य मस्तिष्क कोषलाई आक्रमण नगरेको बताइएको छ। यूकेमा अनुसन्धान वाशिङटन युनिभर्सिटि स्कूल अफ मेडिसिन र युनिभर्सिटि अफ क्यालिफोर्निया स्यान डियागो स्कूल अफ मेडिसिन सम्बद्ध समूहले अतिरिक्त सावधानीकालागि जीका भाइरसमा केही परिवर्तन गरेर अहिलेको जीका भन्दा कम आक्रामक बनाउने उपाय खोजिरहेको बताएका छन्। उक्त समूहका एक अनुसन्धानकर्ता डा माइकल डायमण्डले भने, ‘जीका उपचार पद्धतिलाई अठार महिना जतिमा मानिसमा परीक्षण गर्न सकिएला।’ भाइरसको प्रयोगले क्यान्सर उपचार गर्ने भन्ने नयाँ विचार हो। क्याम्ब्रिज युनिभर्सिटि यूकेका वैज्ञानिकहरुले पनि जीकाबारे उस्तै परीक्षण शुरु गर्न लागेको बताएका छन्। क्यान्सर रिसर्च यूकेकी डा. क्याथरिन पीकवर्थले भनिन्, ‘यो पद्धतिले उपचार गर्न कठिन क्यान्सरको नयाँ उपचारको उपाय थपिन सक्छ।’ वीवीसी नेपाली सेवाबाट

ललितपुर, भदौ २१ । ललितपुरको लगनखेलस्थित ललितपुर मलको दोस्रो तल्लामा रहेको ललितपुर मोबाइल कम्प्लेक्सले ललितपुरकै सबैभन्दा भव्य र ठूलो चौथो एक्स्पो ललितपुर मोबाइल एक्स्पो २०७४ आयोजना गरिरहेको छ । कम्पनीले मोबाइल एक्स्पोको अवसर पारेर विभिन्न ब्राण्डका मोबाइल फोनहरुमा आश्चार्यजनक किसिमको छुट दिईरहेको छ । ललितपुर मलको दोस्रो तल्लामा रहेको ललितपुर मोबाइल कम्प्लेक्सद्धारा आयोजना भईरहेको ललितपुर मोबाइल एक्स्पोमा ग्राहकहरुको भिड बढ्दै गईरहेको जानकारी दिएको छ । उपभोक्ताहरुले मोबाइल खरिद गर्दा ह्वावेको जीआर ५ र पी ९ लाइटमा २५ प्रतिशतसम्मको छुट, सोनीको एक्सपेरिया एक्सजेडमा ३० प्रतिशतसम्मको छुट सिधै प्राप्त गर्नेछन् । त्यसैगरि मोबाइल कम्प्लेक्समा एक्स्पो अवधिभर लाभाको लाभा एक्स वान प्लस, लाभा एक्स ८, लाभा पिक्सेल भी २ प्लस, लाभा ८६०, लाभा ग्राण्ड २, लाभा ग्राण्ड २ सी फोनहरुमा पनि २५ प्रतिशत नगद छुट दिईएको छ । त्यसैगरि हात खालि नजाने उपहारहरु पनि प्रत्येक मोबाइल खरिदमा राखिएको छ । जसअन्तर्गत हरेक मोबाइलको खरिदमा हात खाली नजाने योजनामा पावर ब्यांक, मेमोरी कार्ड, ब्लूटूथ हेडफोन, प्रिन्टेड कप, सेल्फी स्टिक, हेडफोन, स्पीकर प्राप्त गर्न सक्नेछन् । कम्प्लेक्सको एक्स्पोको बेलामा दिने अफरहरु सँगै विभिन्न मोबाइल कम्पनीहरुले ल्याएका अफरहरु पनि साथमा लागू हुनेछ । जसमा स्क्रयाच अफर, एसएमएस योजना, बम्पर पुरस्कारमा बाईक उपहार, क्यासब्याक, विभिन्न देशको टूरलगायतका मोबाइल खरिदमा लागू भएका योजना पनि एकैसाथ उपलब्ध हुनेछ । कम्प्लेक्सले ग्राहकहरुलाई सस्तो मूल्यमा विभिन्न ब्राण्डका फोनहरु बिक्री गरिरहेको अध्यक्ष पुरुषोत्तम बस्नेतले जानकारी दिनुभयो । “हामीले सबैभन्दा सस्तो मुल्यमा स्मार्टफोनहरु बिक्री गरिरहेका छौं, जसले गर्दा हाम्रो स्टक सकिएको छ । अझै ग्राहकहरुले गुणस्तरीय र ब्राण्डेड मोबाइल सुपथ मुल्यमा किनिरहेका छन् । सबैलाई यो मौकाको फाईदा उठाउन हामी आग्रह गर्दछौं,” अध्यक्ष बस्नेतले भन्नुभयो । ललितपुरको लगनखेलस्थित ललितपुर मलमा स्थापना भएको ललितपुर मोबाइल कम्प्लेक्स नेपालको पहिलो मल्टिब्राण्ड मोबाइल शोरुम हो, जहाँ एकै पटक ४ हजारदेखि ५ हजार ग्राहकले सुविधा प्राप्त गर्न सक्दछन् । ललितपुर मलको दोस्रो तल्लामा ४० भन्दा बढि मोबाइल शोरुम तथा आधिकारीक सर्भिस सेन्टर संचालनमा छन् । कम्प्लेक्समा सामसुंग, ह्वावे, जियोनी, कलर्स, आईफोन, एचटिसी, नोकिया , डिटिसी, ओवीआई, लाभा, सोनी, वन प्लस लगायत ब्राण्डका फोनहरु उपलब्ध छन् । नेपालीहरुको महान चाड बडादशैं तथा तिहारको अवसर पारेर कम्पनीले यहि भदौ १६ गते देखि भदौ २६ गतेसम्म संचालन हुनेगरि ललितपुर मोबाइल एक्स्पो २०७४ आयोजना गरिरहेको हो ।  

काठमाडौं, भदौ ९ । नेकपा माओवादी केन्द्रका नेता रामबहादुर थापा ‘बादल’ले जनतासँग जोडिन नेता तथा कार्यकर्तालाई अपिल गरेका छन् । माओवादी केन्द्रको ६ नम्बर प्रदेशको प्रशिक्षणमा बोल्दै नेता बादलले यस प्रदेशमा माओवादी शक्तिशाली भएका कारणले निर्वाचनमा माओवादी पहिलो हुने विश्वास व्यक्त गरेका छन् । नेता बादलले माओवादीको नेतृत्वमा प्रादेशिक सरकार बन्ने भन्दै उनले भने, ‘अब हामीले जनतासँग जोडिएर, भ्रष्टहरुप्रति निर्मम बनेर पार्टी बनाउनुको बिकल्प छैन। ’ संगठन र स्थानीय नेतृत्वमा माओवादी कमजोर भएका कारण माओवादी देशव्यापी रुपमा तेस्रो शक्ति बनेको उनले जिकिर गरे । त्यसैले अब जनतामाझ जानु अपरिहार्य भएको उनले बताए । नेता बादलले निर्वाचन पनि आफैमा आन्दोलन भएकाले यसलाई आन्दोलनको रुपमा बुझ्न र जनतासँग जोड्न जरुरी रहेको उनले बताए । ‘जहाँ नेता जनतासँग जोडिए, त्यहाँ परिणाम राम्रो आएको छ’ उनले भने, ‘रुकुम, रोल्पा, कालिकोट, हुम्ला, डोल्पाको परिणाम उत्साहजनक छ। त्यसले आधारभूत वर्गले माओवादी विचार र आन्दोलन छोडेका छैनन् भन्ने प्रमाणित गरेको छ।’ उनले थपे, ‘हामीले धर्ति छोड्नु हुँदैन, त्यसले मात्रै फेरि माओवादी आन्दोलन शक्तिशाली हुन्छ।

भदौ ७ । नेपाली दर्शकहरूको माया बटुल्न सफल चर्चित निर्देशक तथा अभिनेत्री दिपाश्री निरौलालाई यो बर्षको तीज झन् बिशेष बनेको छ । उमेरले ४० वर्ष काटिसक्दा पनि अझैसम्म अविवाहित रहेकी निरौलाको यसपटक तीज र उनको जन्मदिवस सँगसँगै परेको छ । उनले जन्मदिन मनाउने या नमनाउनेबारे भने अझैसम्म केही बाेलेकी छैनन् । निर्देशक तथा कलाकारको रुपमा उनले सफलताका साथ अगाडि बढिरहेको छ । दीपाश्री नेपाली चलचित्र क्षेत्रकी थोरैमात्र यस्ती सफल चलचित्रकर्मी हुन्, जो विवादमा कमैमात्र पर्छिन् । उनले निर्देशन गरेको पहिलो नेपाल चलचित्र ‘छक्का–पञ्जा’ ले रेकर्ड राखेपछि दिपाश्री सफल चलचित्रकर्मीको सूचीमा दहरिएकी छिन् । भदौ ७ गते विराटनगरमा जन्मिएकी निरौलाले निर्देशन गरेको दोश्रो चलचित्र ‘छक्का पन्जा २’ आगामी असोज ११ गतेबाट रिलिज हुँदैछ । गसिप र स्क्यान्डलबाट टाढै रहने दीपालाइ दर्शकले ‘तितो सत्य’ नामक हाँस्य टेलिचलचित्रबाट सर्वाधिक रुचाएका हुन् । रेडियोमा भने उनलाइ ‘धनियाँ’ नामले धेरै श्रोताले चिनेका थिए ।

दाङ, साउन २४ । दाङको तुलसीपुर उपमहानगरपालिका–१६ का २८ वर्षका हेमन्त केसीको करेन्ट लगाएर माछा मार्न खोज्दा मृत्यु भएको छ । सोमबार राति १२ बजेतिर तुल्सीपुरको ग्वारखोलामा करेन्ट लगाएर माछा मार्न खोज्दा केसीको मृत्य भएको इलाका प्रहरी कार्यालय तुलसीपुरले जानकारी दिएको छ । विद्युतको तार हुक गरी माछा मार्ने क्रममा केसीलाई करेन्ट लाग्दा घटनास्थलमै मृत्य भएको  प्रहरीले जानकारी दिएको छ ।

लहान, दलित र भूमि अधिकारको पक्षमा जीवन समर्पण गरेका योद्दा बलदेव रामको निधन भएको छ । ७० वर्षीय बल्देव रामको हृदयघातबाट मृत्यु भएको हो । सिनो बहिस्कार आन्दोलनबाट चर्चामा आएका बल्देव राम पछिल्लो समय भूमि अधिकार आन्दोलनका अगुवा थिए । लामो समयदेखि मुटु रोगबाट पीडित बलदेवलाई आज बिहान सप्तरीको सुरुङ्गा नगरपालिका–४ मधुपट्टीस्थित आफ्नै निवासमा हृदयाघात भएलगत्तै आफन्तले लहानस्थित अस्पताल पु¥याएका थिए । तर, अस्पताल पुग्ने बित्तिकै चिकित्सकले उनलाई मृत घोषणा गरेको मृतकका छोरा गणेशले जानकारी दिैए । मृतक रामका दुई छोरा र दुई छोरी छन् । राष्ट्रिय भूमि अधिकार मञ्चका पूर्व केन्द्रीय अध्यक्ष तथा दलित नेतासमेत रहेका बलदेवको शव यात्रापछि वलान नदीमा रामको आजै अन्तिम संस्कार गरिने परिवारले जनाएको छ । सिरहा र सप्तरीमा भएको सिनो बहिष्कार आन्दोलनबाट चर्चित बनेका रामले भूमिहीन दलित, सुकुम्बासीको अधिकार तथा दलित अधिकारका लागि विभिन्न अभियान चलाउँदै आएका थिए । बलदेव जनचेतना दलित संगमका संस्थापक अध्यक्षसमेत थिए । तस्विरः अर्जुन थपोलियाको फेसबुकबाट

उदयपुर, असार ७।  उदयपुर स् चुनावीसभालाई सम्बोधन गर्न पूर्व–प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड उदयपुर आएका छन् । यही असार १४ गते हुने निर्वाचनको लागि माओवादी केन्द्र उदयपुरका चार नगरपालिकाकाले आयोजना गरेको चुनावी सभालाई सम्बोधन गर्न आएको माओवादी केन्द्रका केन्द्रीय सचिवालय सदस्य सुरेश कुमार राई हिमालले जानकारी दिएका हुन् । राईका अनुसार बुधबार बिहानैदेखि पूर्व(पहाडी जिल्लामा मौसम खराब भएकाले प्रचण्ड दिउँसो १ बजे बेलका नगरपालिकाको रामपुर बजारमा सम्बोधन गर्ने भएका छन्। ‘काठमाडौंबाट हेलिकोप्टरमा हिडिसक्नु भएको छ,’ समाचार तयार पार्दै गर्दा राईले भने, ‘एक १बजे रामपुर, २ बजेतिर चौदण्डीगढी नगरपालिकाको बेल्टार बजार, ३ बजेतिर त्रियुगा नगरपालिकाको गाईघाट बजार र ४ बजे कटारी नगरपालिकाको कटारी बजारमा सम्बोधन गर्ने कार्याक्रम छ।’ चारै नगरपालिकामा बुधबार प्रचण्डले सम्बोधन गर्नै चुनावी कार्यक्रम भएको माओवादी केन्द्र उदयपुरले तामझाका साथ बजार सिँगारेको छ। ‘अध्यक्ष प्रचण्डले समयले भ्याएसम्म चार नगरकै चुनावीसभालाई सम्बोधन गर्नुहुनेछ,’ माओवादी केन्द्र उदयपुरका इन्चार्ज तथा पोलिटब्युरो सदस्य मोहनबहादुर दीपकले भने, ‘विहान १० बजेबाटै सम्बोधन गर्ने कार्यक्रम भए पनि मौसमको कारण १ बजे पुगेको छ, कति नगरपालिकामा भ्याउनुहुन्छ र मौसमले साथ दिन्छ। प्रचण्ड अहिले तेस्रो पटक उदयपुरका आएका हुन् । माओवादी केन्द्र उदयपुरका सह संयोजक जीवन कुमार कार्की कुशलले पहिलो पटक २०६४ सालमा भएको पहिलो संविधान सभाको निर्वाचनको बेला आयोजना गरिएको जिल्लाव्यापी आमसभालाई सम्बोधन गर्न गाईघाट आएको बताए। दोस्रो संविधान सभाको निर्वाचनको वेला हालको चौदण्डीगढी नगरपालिकाको साविक बेल्टार बजारमा दोस्रो संविधानसभाको निर्वाचन वेला आयोजना आमसभा आएका थिए । अहिले २० वर्ष पछि हुन लागेको स्थानीय तहको निर्वाचनको चुनावी सभलाई सम्बोधन गर्न तेस्रो पटक एकैदिनमा चारै नगरपालिकामा हेलिकोप्‍टरबाट यात्रा गरी सम्बोधन गर्न आएको कार्कीले जानकारी दिए। माओवादी केन्द्र उदयपुरका अनुसार प्रचण्डले चारै नगरपालिकामा हेलिकप्टरबाट यात्रा गरी सम्बोधन गर्ने तयारी मिलाईएको छ। आयोजना गरिएको चुनावी सभामा प्रचण्डले एक÷एक घण्टा पुगेर सम्बोधन मात्र गर्ने छन । शान्ति प्रक्रियामा आएपछि भएको पहिलो संविधानसभाको निर्वाचनमा माओवादीले जिल्लाको तीन निर्वाचन क्षेत्रमा दुई क्षेत्र जित हाँसिल गरेको थियो। दोस्रो संविधानसभाको निर्वाचनमा उदयपुरबाट शुन्य रहेको माओवादी अहिले माओवादी केन्द्र बनेर ८ स्थानीय तहमा ४ स्थानीय तह जित्ने दावी गरिरहेको छ। नगरपालिकामा कमजोर महशुस गरेको माओवादी केन्द्र उदयपुरले जित्ने आशमा रहेको वेलका नगरपालिका प्रचण्डले विशेष सम्बोधन गर्ने कार्यक्रम दुई हप्ता अघि नै तय गरिएको जानकारी दिइएको छ। थाहाखबरमा विदुर कटवालकाे समाचार

वैशाख १६ । टर्की सरकारले अनलाइन विश्वकोष अर्थात विकिपिडियामा प्रतिवन्ध लगाएको छ । यसअघि चीन र रुसमा भने विकिपिडिया प्रतिबन्ध लगाइएको छ । टर्कीमा भने स्पष्ट कारण नखुलाई त्यहाँको सरकारले विकिपिडियामा प्रतिबन्ध लगाएको हो । यसअघि पनि पटकपटक फेसबुक, ट्वीटर, युटुव र विकिपिडिया चलाउन रोक लगाइएको थियो । सरकारको आदेशपछि टर्कीको राजधानी इस्तानवुलका नागरिकले भर्चुअल प्राइभेट नेटवर्क भिपिएनको प्रयोग नगरी विकिपिडिया खोल्न सक्ने छैनन् । सरकारको यो निर्णय अभिव्यक्ति स्वतन्त्रताको विरोधमा रहेको भन्दै सामाजिक सञ्जालमा विरोध सुरु भएको छ । सामाजिक सञ्जालमा प्रतिबन्ध लगाउने यस्तै निर्णयका कारण प्रेस स्वतन्त्रताको सुचकांकमा टर्की १ सय ८० देशमध्ये १ सय ५५ औं स्थानमा छ ।