काठमाडौं । सभामुख अग्निप्रसाद सापकोटाले संवैधानिक परिषदले संवैधानिक निकायहरुमा गरेको नियुक्ति सिफारिस फिर्ता पठाएका छन् । सरकारले ३० पुसमा अध्यक्षसहित तीन सदस्य मात्र उपस्थित भए पनि बैठक बस्न सक्ने गरी संवैधानिक परिषद्सम्बन्धी अध्यादेश ल्याएर संवैधानिक अंगहरुमा नियुक्ति सिफारिस गरेको थियो । सोही दिन साँझ बसेको बैठकले नियुक्ति सिफारिस गरेको थियो । बैठकमा सभामुख सापकोटा र विपक्षी दलका नेता शेरबहादुर देउवा अनुपस्थित भएका थिए । उक्त दिन कुनै निर्णय नभएको जानकारी दिइए पनि ५ पुसमा संसद् विघटनपछि संवैधानिक अंगहरुमा नियुक्ति सिफारिस गरेको भन्दै संसद सचिवालयमा पत्र पुगेको थियो । मन्त्रिपरिषदको सिफारिसमा राष्ट्रपति विद्यादेवी भण्डारीले पुस ५ गते नै प्रतिनिधि सभा विघटन गरेकी थिइन् । सभामुख सापकोटाले प्रतिनिधि सभा विघटन भएकाले सिफारिस सुनुवाइ गर्न नसक्ने  र अदालतमा मुद्दा विचाराधीन रहेको भन्दै नियुक्ति सिफारिस संवैधानिक परिषदमै फिर्ता पठाइदिएका हुन् । सम्बन्धित समाचारः संवैधानिक निकायका ४५ वटै पदमा सिफारिस (सूचीसहित)

काठमाडौं । नेपाल विद्युत प्राधिकरणले काठमाडौं र नेपालगञ्जका केही स्थानमा विद्युत आपूर्ति बन्द गर्ने भएको छ । प्राधिकरणले काठमाडौं र नेपालगञ्जमा ७ देखि ३० घण्टासम्म विद्युत आपुर्ति बन्द गर्ने जनाएको हो । प्राधिकरणका अनुसार काठमाडौंको महाराजगञ्ज वितरण केन्द्रको बूढानीलकण्ठ सवस्टेशनबाट विद्युत आपूर्ति हुने स्थानमा विद्युत काटिने छ । चुनिखेल फिडर अन्तर्गत वितरण गरिएको भंगाल, गाम्चा, सापाटार, टुपेक, वडा कार्यालय ११, कौडोल, सुन्दरबस्ति, बासबारीमा विद्युत आपुर्ति बन्द हुने भएको छ । आवश्यक मर्मतका लागि भन्दै प्राधिकरणले बिहान १० बजेदेखि ५ बजेसम्म ७ घण्टा विद्युत आपुर्ति बन्द गर्न लागेको हो । यसैगरी प्राधिकरणले नेपालगञ्ज विरतण केन्द्रको खजुरा फिडर अन्तर्गत खजुरा गाउँपालिका क्षेत्रमा विद्युत आपूर्ति बन्द हुने जनाएको छ । खजुरा गाउँपालिकामा सडकमा रहेको विद्युतको पोल सार्ने काम गर्नुपर्ने भएकाले बिहीबार बिहान ११ बजेदेखि शुक्रबार साँझ ५ बजेसम्म विद्युत बन्द हुने छ । सो क्षेत्रमा ३० घण्टासम्म विद्युत बन्द हुने जनाइएको छ ।

सर्लाहीः उपप्रधानमन्त्री तथा नेकपा ओली समूहका नेता ईश्वर पोखरेल र मन्त्री प्रभु शाहलाई कालो झण्डा देखाइएको छ । पोखरेल र शाहलाई नवलपुरमा कालोझण्डा देखाइएको हो । नेकपा ओली समूहका नेता रहेका उनीहरूलाई प्रचण्ड–नेपाल समूहका युवा तथा विद्यार्थीले सदरमुकाम मगङ्गवा जाने क्रममा कालो झण्डा देखाएका हुन् । संसद् विघटनको विरोधमा प्रचण्ड–नेपाल समूहको विद्यार्थी संगठनले मन्त्रीलाई कालोझण्डा देखाउँदै आएको छ ।

रुपन्देही : आज छुट्टाछुट्टै दुर्घटनामा २ जनाको मृत्यु भएको छ । बुटवलमा १ जनाको बेवारिसे शव फेला परेको छ भने १ जनाको करेन्ट लागेर मृत्यु भएको छ । सियारी गाउँपालिका-१ नागथानका ४० वर्षीय कृष्णबहादुर केसीको करेन्ट लागेर मृत्यु भएको जिल्ला प्रहरी कार्यालयका प्रहरी प्रवक्ता खड्कबहादुर खत्रीले जानकारी दिए । नहरबाट मोटर लगाई पानी तानी आफ्नै बारीमा लगाउने क्रममा बिहान ११ः५० बजे उहाँलाई करेन्ट लागेको थियो । यस्तै बुटवल उपमहानगरपालिका-३ गोलपार्कस्थित सिद्धार्थ राजमार्गको नालीमा बिहान बेवारिसे शव फेला परेको छ । अन्दाजी ३५ वर्षीय पुरुषको शव भेटी लुम्बिनी प्रादेशिक अस्पतालमा परीक्षणका राखिएको जनाइएको छ ।

काठमाडौं । ज्याेतिषशास्त्रमा रुचि राख्नेहरुका लागि नयाँ पुस्तक बजारमा आएकाे छ । डा. उत्तम उपाध्याय न्यौपानले ‘के भन्छन् तपाईंका कुण्डलीका ग्रहले’ पुस्तक प्रकाशित गरेका हुन । पुस्तकमा ज्योतिषशास्त्रका सिद्धान्त र संहितालाई संक्षेपमा विश्लेषण गरिएको छ । त्यसैगरी ग्रह नक्षत्रादिको गति स्थिति, आकाशीय घटना, ग्रहहरुको उदय, अस्त, सूर्यग्रहण, चन्द्रग्रहणलगायतका विषयमा पनि यो पुस्तकमा स्पष्ट पारिएको छ । त्यस्तै व्यक्ति विशेषका बारेमा शुभाशुभ फल, विवाह, ब्रतबन्ध, गृहारम्भ, गृह प्रवेश आदि विभिन्न विषयमा शुभ मुहूर्त प्रतिपादन गर्ने तरीका यो पुस्तकमा लेखिएको छ । ज्योतिषशास्त्रमा ९ वटा ग्रह मानिन्छन् । यो पुस्तकमा ९ वटै ग्रह (सूर्य, चन्द्रमा, मंगल, बुध, वृहस्पति, शुक्र, शनि, राहु र केतु) ले दिने शुभ तथा अशुभ फलका बारेमा गहन अध्ययन गरिएको छ । यस्तै यी नौ वटै ग्रहले व्यक्तिको कुण्डलीका प्रत्येक भावमा प्रभाव एवम् प्राचीन विस्तारसँग प्रस्तुत गरिएको छ । जुन शास्त्रले ईश्वरी जगतदेखि मानव जगतसम्म ठूलो पाएको छ । डा. उपाध्यायले होराशास्त्रका आधारमा लेख्नुभएको यो पुस्तकमा मेषादी राशीको र सूर्यादी ग्रहहरुको गति स्थिति स्वरुप स्पष्ट लेख्नुका साथै उच्च नीच स्थान परिचय र केन्द्र त्रिकोण स्थानको विवरण पनि दिनुभएको छ । यसपछि कुन भावबाट के–के कुरा हेर्ने, कुन ग्रहको वर्ण एवम् स्वभाव कस्तो हुन्छ आदि विषय प्रतिपादन गर्दै राजयोग कसरी बन्छ, ग्रहहरुको राम्रो र स्थानअनुसारको शुभाशुभ फल के कस्तो हुन्छ आदि विषय विस्तृत रुपमा लेखिएकाे छ । यो पुस्तकबाट ज्योतिषको अध्ययन, चिन्तन र व्यवहारिक ज्ञान लिन चाहने व्यक्तिले निकै राम्रो लाभ प्राप्त गर्न सक्छन् । ज्योतिष विषयको अध्ययन गरेर त्यसबाट जिविकोपार्जन गर्नेतर्फ लाग्ने मनस्थिति बनाएका मानिसका लागि त यो पुस्तक अत्यन्त उपयोगी आधारग्रन्थ नै हुने छ । ज्योतिष कस्तो विषय हो, त्यसमा के कस्ता विषय वस्तु उपस्थित छन्, जन्मकुण्डीको कुन स्थानमा कस्तो स्थितिको कुन ग्रह बसेको छ, त्यसले आफ्नो जीवनको कुन उमेरमा के कस्ता प्रभाव पार्दछ भन्ने कुराको जानकारी राख्न चाहने मानिसका लागि पनि यो पुस्तक उपयोगी हुने छ । नेपाली भाषामा लेखिएकाले सर्वसाधारणका लागि पनि निकै आकर्षक एवम् प्रयोजनीय बन्नेछ । ज्योतिष तथा वास्तुविज्ञ डा. उपाध्यायले यसअघि ग्लोबल वास्तु नामक पुस्तक पनि प्रकाशित गरेका छन ।

काठमाडौं: भारतले सीमा क्षेत्रमा उत्तेजना फैलाउने अभिव्यक्ति नगरी वार्ता र सहमतिका आधारमा सीमांकनको विवाद टुंग्याउन सहयोग गर्नुपर्छ भनेर चिनियाँ विदेश मन्त्रालयले भनेको भोलीपल्ट नै सीमा क्षेत्रमा झडप भएको छ । लद्दाखको दक्षिण पैगान्गको विवादित क्षेत्रमा चिनियाँ सेनासँग झडप हुँदा एक भारतीय सैनिकको मृत्यु समेत भएको छ । झडपमा एकजना सैनिक घाइते भएका छन् । तिब्बती मुलका स्पेशल फ्रन्टियर फोर्समा कार्यरत ती सैनिकको मृत्युका बारेमा भारतीय सेनाले भने आधिकारिकरुपमा कुनै बयान दिएको छैन । भारतले चीनका करिब ५ सय सैनिकहरुले एउटा पहाडीमा कब्जा गर्ने कोशिस गरेको जनाएको छ । जबकि चीनले भने यसअघि सहमति भएको सीमा रेखाको भारतीय सैनिकहरुले उल्लंघन गर्दै चिनियाँ भूमिमा हिंडने गरेको आरोप लगाएका छन् । यसअघि ५ जुनका दिन गलवानमा भएको यस्तै झडपमा २० जना भारतीय सैनिकको मृत्यु भएको थियो । तिब्बतका निर्वासित सांसद डोलघर लघियारीले एएफपी समाचार एजेन्सीलाई जनाए अनुसार २९ र ३० अगस्तको रातीदेखि ३१ अगस्तका दिनसम्म लाइन अफ कन्ट्रोल (एलओसी) मा उत्तेजनापूर्ण कार्वाही गरेको थियो ।

नयाँ दिल्लीः कोरोना संक्रमणको दरमा स्थिरतासँगै भारतको राजधानी नयाँ दिल्लीमा लकडाउन खुकुलो हुने भएको छ । मुख्यमन्त्री अरबिन्द केजरीवालले लकडाउनसम्बन्धी नयाँ निर्देशिका आज जारी गरिने बताएका छन् । नयाँ निर्देशिका अनुसार, सार्वजनिक तथा नीजि यातायात सेवा खुकुलो हुनेछ । सामाजिक दूरीको नियम पालना गर्दै पसल समेत खुला हुने उनले बताएका छन् । यसअघि दिल्ली रेड जोनमा राखिएको थियो । पछिल्लो दिनमा भने संक्रमण दरमा स्थिरता देखिएसँगै दिल्ली रेड जोनबाट यलो जोनमा राखिएको हो । दिल्लीमा पछिल्लो दिनहरुमा औसत ४ सयदेखि साढे चार सयका बीचमा नयाँ संक्रमित थपिएका छन् । अहिलेसम्म दिल्लीमा ७६ वडा रेड जोन क्षेत्र घोषणा गरिएका छन् । यी क्षेत्रमा भने निषेध जारी नै रहनेछ । दिल्ली सरकारका अधिकारीलाई उद्धृत गर्दै अमरउजाला दैनिकले प्रकाशित गरेको समाचार अनुसार, दिल्ली सरकारले अब संक्रमणको प्रभावका आधारमा नयाँ जोन घोषणा गर्नेछ । केन्द्र सरकारले यसअघि नै संक्रमणबारे आवश्यक निर्णय लिन राज्यलाई अधिकार दिएको थियो । हटस्पट भएका क्षेत्र रेड जोनमा हुनेछन् भने ५ सय देखि एक किलोमिटर क्षेत्रभित्र पर्ने ओरेन्ज जोनमा । यसबाहिरको क्षेत्र भने ग्रीन जोनमा राखिने छ । दिल्ली सरकारले यससम्बन्धी कार्ययोजना तयार गरिरहेको छ । नयाँ निर्देशिकामा मजदूरहरुलाई भने दिल्लीभरि नै आवतजावत गर्न दिइने बताइन्छ । शपिङ मल, रेष्टुरेन्ट, होटल लगायतका सेवाहरु खोल्ने अनुमति केन्द्रले दिएको छैन तर बजार भने खुल्न सक्छन् । दिल्लीमा मेट्रो रेल भने तत्काल नचल्ने भएको छ । बरु यसको बेचमा सामाजिक दूरिको पालना गर्दै परिरवहनको छूट दिल्ली सरकारले दिने भएको छ । यस अन्तर्गत बसको संख्या पनि कम हुने र बसमा २० जना मात्रै यात्रु रहनेछन् । दिल्लीका लाखौं जनताको सुझाव लिएर मुख्यमन्त्री केजरीवालले निर्देशिका तयार गरेर केन्द्रमा पठाएका थिए । कोरोनासँग बानी पार्नुपर्ने भन्दै मुख्यमन्त्रीले जुनसुकै परिस्थितिका लागि समेत दिल्ली तयार रहेको बताएका छन् । यद्यपी केन्द्रका विशेष निर्देशन भने राज्यले पालना गर्नेछ ।

एजेन्सीः लिजेण्ड फुटबल खेलाडी पेले अब घरबाहिर निस्कनका लागि पनि सङ्कोच मान्न थालेका छन् । ७९ वर्षे पेले अहिले अस्वस्थ छन् । यही कारणले गर्दा पनि उनी घर छोडेर कतै निस्किन अप्ठेरो मान्ने गरेको उनका छोरा इडिन्होले बताएका छन् । गएको वर्ष युरिनरी इन्फेक्सन भएपछि उनलाई अस्पताल लगिएको थियो । अहिले उनको कम्मरमा पनि समस्या आएको छ । जसका कारण उनी अरुको सहयोगबिना यताउता पनि हिँड्न सक्दैनन् । उनलाई ह्वीलचेयर अनिवार्य जस्तै भइसकेको छ । केही सार्वजनिक कार्यक्रमहरुमा पनि पेले ह्वीलचेयरमा देखिएका छन् । पेलेले करियरमा कुल १ हजार ३ सय ६३ खेलमा १ हजार २ सय ८१ गोल गरेका छन्, जुन कीर्तिमान अहिलेसम्म कसैले पनि तोड्न सकेको छैन । तीन पटक ब्राजिललाई विश्वकपको उपाधि जिताएका पेलेले ९१ अन्तर्राष्ट्रिय खेलमा ७७ गोलसमेत गरेका छन् । पछिल्लो समय उनको स्वास्थ्य अवस्था दयनीय बन्दै गइरहेको छ । ‘एउटा राजा जसलाई अहिले हिँड्न पनि सहारा चाहिन्छ, यो अवस्था उहाँलाई सह्य छैन,’ पेलेका छोराले भने । ‘उहाँ अहिले कमजोर हुनुभएको छ । उहाँको कम्मरको समस्याका कारण हिँडडुल गर्न निकै कठिन छ । जसका कारण उहाँलाई डिप्रेसन जस्तै भएको छ,’ इडिन्होले थपे ।

काठमाडौंः मन्डे श्रेष्ठले सागमा नेपाललाई पहिलो स्वर्ण दिलाएका छन्। पाकिस्तानी खेलाडीलाई पराजित गर्दै मन्डेले व्यक्तिगत काँतामा स्वर्ण दिलाएका हुन्। फाइनलमा मन्डले २५.७२ अंक ल्याउँदै पाकिस्ताका नैयामातुल्लाहलाई पराजित गरेका हुन्। नैयामातुल्लाहले २४.९२ अंक प्राप्त गरे। यसअघि समूहमा मन्डेले २४.० अंक प्राप्त गर्दै फाइनलमा स्थान बनाएका हुन्। यस्तै अर्को समूहमा पाकिस्तानका नैयामातुल्लाहले २३.६८ अंक ल्याउँदै स्वर्णका लागि मन्डेसँगको भिडन्त पक्का गरेका थिए। त्यसबाहेक समूहमा श्रीलंकाका साउथरासाले २१.१८, बंगलादेशका मोहम्मद हासिन्कले २२.८ अंक ल्याए। श्रीलंकाका सोन्थारारासा बालुराज पाकिस्तानका नियामतुल्लाहसँग पराजित हुँदै कास्यमा सिमित भए । १३औं दक्षिण एसियाली खेलकुद(साग)मा नेपालले पहिलो पदक जितेको छ। त्यसअघि चञ्चला दनुवारले कराँतेको सिनियर महिला व्यक्तिगत कातातर्फ नेपाललाई रजत पदक दिलाएकी थिइन्। पाकिस्तानकी साइदासँग पराजित हुँदै नेपाल रजतमा खुम्चिएको थियो। पाकिस्तानकी साइदाले २५.२८ अंक ल्याउँदै स्वर्ण पदक जितिन। चञ्चलाले २४.६२ अंक प्राप्त गरिन।

मुम्बई, बलिउडका चर्चित युवा कलाकार वरुण धवन निकै ठूलो दुर्घटनाबाट जोगिएका छन् । हाल कुली नम्बर १ को रिमेक छायांकनका क्रममा रहेका वरुण धवन झण्डैले जोगिएका हुन । समाचार अनुसार, वरुणलाई एउटा स्टन्ट गर्नुपर्ने थियो । उक्त स्टन्टमा चट्टानबाट उल्टो झुण्डिएको कारमा बसेर केही क्लोज अफ शट दिनुपर्ने थियो । यो स्टन्टको कैयनपटक रिहर्सल गरियो । र, आवश्यक सुरक्षा सावधानी पनि अपनाइयो । तर यति गर्दा पनि दुर्घटना भने भइछाड्यो । अन्तिम समयमा कारको ढोका बन्द हुन पुग्यो । चट्टानमा झुण्डिएको कारमा वरुण भित्रै बन्द हुन पुगे । उनी बाहिर निस्किन सकेनन् । कार भीरमा झुण्डिएको थियो । ढोका फोडेर पनि बाहिर आउन सकिने अवस्था थिएन । पछि निकै कठिन मेहनत गरेर उनलाई बाहिर निकालिएको पत्रिकाले जनाएको छ । यद्यपी धवन या अन्य क्रु मेम्बर कसैलाइ चोट भने लागेन । यो चलचित्रमा वरुण धवनसँगै सारा अलि खान मुख्य भूमिकामा देखिनेछिन् । यसका साथै वरुण धवन फिल्म हम्प्टी शर्मा की दुल्हनीया र ब्रदीनाथकी दुल्हनीयपछि सशांक खेतानको रणभूमि नामक चलचित्रमा पनि खेल्न गइरहेका छन् ।

काठमाडौंः वर्षकै सर्वाधिक सफल चलचित्र ‘छ माया छपक्कै’ अब डिस होमको सिनेमा घर च्यानल नम्बर १०८ मा प्रदर्शन हुँदैछ । हाँस्यकलाकार दिपकराज गिरी, केदारप्रसाद घिमिरे (माग्ने बुढा), जितु नेपाल (मुन्द्रे)लगायत दर्जनौँ चर्चित कलाकारहरुको अभिनय रहेको यो चलचित्र डिस होमको सिनेमा घर च्यानल नम्बर १०८ मा मंसिर १३ गते देखि प्रदर्शन हुने छ । डिस होमले हलसम्म गएर सिनेमा हेर्न नभ्याउने र हलहरुको सहज पहुँच नभएको दर्शकहरुका लागि न्यूनतम शूल्कमा स–परिवार घरैमा बसी चलचित्र हेर्न मिल्ने पे पर भ्यु सुुविधा उपलब्ध गराईरहेको छ । पे पर भ्यु सुुविधा अन्तर्गत संचालन भईरहेको सिनेमा घर च्यानल नं. १०८ मा नयाँ नेपाली सिनेमा हलमा लागेसंगै वा हलमा लागेको केहि समय पछि न्युनतम शुल्कमा हेर्न सकिन्छ । हरेक दिन आठ शो प्रदर्शन हुने सिनेमा घर एसएमएस पठाएर,डिस होमको ग्राहक सेवा केन्द्रमा फोन गरेर र नजिकै डिस होम बिक्रेता संग सम्पर्क गरेर सजिलै खुलाउन सकिन्छ । आमा सरस्वती मुभिज प्रा.लि. र रोहित अधिकारीको ब्यानरमा निर्माण भएको वर्षकै सर्वाधिक सफल चलचित्र ‘छ माया छपक्कै’ कात्र्तिक २४ गतेदेखि विभिन्न सहरहरुका मूख्य हलहरुमा सार्वजनिक रुपमा प्रदर्शन भएको थियो । चलचित्रले नेपाली सिनेमा जगतमा उत्कृष्ट प्रदर्शनी कायम गर्न सफल रहेको छ । व्यापारको उच्च प्रतिफल पाएको यस चलचित्र ५१औँ दिन मनाउने तयारीमा रहेको छ ।

काठमाडौंः नायक विराज भट्टद्वारा निर्देशन गरिएको नेपाली चलचित्र ‘साङ्लो’ रिलिज मिति सारिएको छ । छठको अवसर पारेर कार्तिक १५ गते रिलिज हुने घोषणा गरिए पनि ‘साङ्लो’ आउँदो फागुन ९ गते रिलिज हुने भएको हो । शनिबार फस्ट लुक पोस्टर सार्वजनिक गर्दै सिनेमाको नयाँ रिलिज मिति सार्वजनिक गरिएको हो। यसै सिनेमाबाट मिस नेपाल २०१७ निकिता चण्डकले नेपाली रजतपटमा डेब्यू गर्दै्छिन्। सिनेमामा विराज भट्ट तथा निकिताका अलावा प्रकाश शाह, कामेश्वर चौरसिया, अमित गिरी, रमेश सोडारी, जयनन्द लामा, आरपी पन्त, भरत शाह, दुर्गा सुवेदी लगायतका कलाकारहरुको अभिनय रहनेछ। सिनेमालाई सुदूरपश्चिमको रमणीय ठाउँमा फिल्माङ्कन गरिएको छ। विराज फिल्म प्रोडक्सन प्रा.लिको ब्यानरमा निर्मित सिनेमामा तेजबहादुर खड्काको लगानी रहेको छ। शिवम् अधिकारीले पटकथा र संवाद लेखेको सिनेमामा सुरेश अधिकारी, राजनराज सिवाकोटी र विनोद खम्बुले संगीत दिएका छन्।

काठमाडौं– चिनियाँ राष्ट्रपति सी चिनफिङको दुईदिने नेपालको औपचारिक भ्रमणबारे विदेशी मिडियाले अभिरुचिपूर्वक नेपाल र चीनको सम्बन्धलाई नयाँ उचाईमा पुगेको विश्लेषणसहित प्रकाशित गरेको छ । चीनबाट प्रकाशित हुने ‘पिपुल्स डेली’का अनुसार नेपाल कम्युनिष्ट पार्टीका नेताहरुले चिनियाँ विकासको सफलताको अनुभवको पाठ लिएको शीर्षकका साथ समाचार छापेको छ । नेकपाका अध्यक्ष प्रचण्डले पिपुल्स डेलीलाई दिएको अन्तर्वार्तामा राष्ट्रपति सीको राजकीय भ्रमणले दुई देश र दुई पार्टीबीचको सम्बन्धलाई थप उचाइमा पुर्याएको उल्लेख गरिएको छ । सिन्ह्वा न्यूज एजेन्सीले राष्ट्रपति सीको दक्षिण एसियाको भ्रमणले नेपाल र भारतसँगको सम्बन्धलाई सुदृढ गर्दै क्षेत्रीय समन्वयमा बढावा दिएको समाचार प्रकाशित गरेको छ । दुई देशका नेताहरुबीचमा बेल्ट एण्ड रोड इनिसिएटिभ कार्यक्रममार्फत् नेपाललाई भूजडित मुलुकमा पु¥याउँदै बहुआयामिक हिमालय कनेक्टिभिटी सञ्जाल जोड्ने विषयमा सहमति भएको उल्लेख गरिएको छ । भारतबाट प्रकाशित हुने ‘टाइम्स अफ इन्डिया’ले दुई देशका कम्युनिष्ट नेताहरुबीच दुई कम्युनिष्ट पार्टीहरुको सम्बन्ध सुदृढ गर्ने कार्यक्रम आदानप्रदान गर्ने विषयमा सहमति भएकोबारे प्राथमिकता दिएर समाचार प्रकाशित गरेको छ । प्रधानमन्त्री केपी शर्मा ओली र पार्टीका अर्का अध्यक्ष प्रचण्डले पार्टी एकता गरेर नेपालको राजनीतिक स्थायित्व र आर्थिक विकासको नयाँ युगमा प्रवेश गराएको भन्दै राष्ट्रपति सीले प्रशंसा गरेको उल्लेख छ । दुई पार्टीका मार्गनिर्देशक सिद्धान्त माओवादी दर्शन भएको बताउँदै राष्ट्रपति सीद्वारा पार्टी निर्माण र सरकार सञ्चालनका अनुभव आदानप्रदान गर्न चाहेको अभिब्यक्तिसहितको समाचारलाई प्राथमिकता दिइएको छ । नेकपाका अध्यक्ष प्रचण्डले चिनियाँ राष्ट्रपति सीको भ्रमणले नेपाल चीनको सम्बन्ध नयाँ उचाइमा पुगेकाले नेपालको विकास र समृद्धिमा सहयोग पुग्ने विवरण उल्लेख छ । त्यसैगरी, भारतीय ‘दि हिन्दु डटकम’ले चिनियाँ राष्ट्रपतिले चीनलाई विभाजन गर्ने प्रयासलाई निष्फल पार्ने चेतावनी शीर्षकमा समाचार प्रकाशित गरेको छ । नेपाली वरिष्ठ नेताहरुलाई भ्रमणको दौरानमा भेटेपछि यस्तो धारणा सार्वजनिक भएको उल्लेख गरिएको छ । यही शीर्षकमा बेलायतबाट प्रकाशित हुने ‘दि गार्डियन डटकम’ले पनि प्राथमिकता दिएर समाचार छापेको छ । चिनियाँ सरकारी टेलिभिजन सीसीटिभीका अनुसार नेपालका प्रधानमन्त्री केपी शर्मा ओलीले एक चीन नीतिलाई समर्थन गर्दै नेपालमा कुनै पनि चीनविरोधी गतिविधि गर्न नदिने भनेको समाचारलाई गार्डियनले महत्व दिएको छ ।

मेष मेष (चु, चे, चो, ला, लि, लु, ले, लो, अ) कीर्तिमानी काम गर्ने समय छ । वाक्चतुर्याईँले सङ्कल्प सिद्ध हुनेछ । राजनैतिक कार्यमा सफलता मिल्नेछ । बन्धु बान्धवबाट सहयोग मिल्नेछ । मिथुन मिथुन (का, कि, कु, घ, ङ, छ, के, को, हा) रमणीय र सुखद् यात्राको योग छ । नयाँ ज्ञान सिक्ने मौका मिल्नेछ । मनोरञ्जनमा सहभागी भइएला । विपरीत वर्गप्रति आकर्षण बढ्नेछ । सिंह सिंह (मा, मि, मु, मे, मो, टा, टि, टु, टे) नयाँ कार्यको योजना बन्नेछ । धार्मिक यात्राको योगछ । नजिकको व्यक्तिबाट आँटेको काम सफल हुनेछ । दैनिक कार्यमा प्रगति हुनेछ । तुला तुला (रा, रि, रु, रे, रो, ता, ति, तु, ते) आफ्नो क्षेत्रमा प्रभूत्त्व जमाउन सकिनेछ । धनार्जनका नयाँ स्रोतहरू पत्ता लाग्नेछन् । दिनको उत्तरार्धमा अधिक धन खर्च हुनेछ । धनु धनु (ये, यो, भा, भि, भु, धा, फा, ढा, भे) साझेदारी र सट्टापट्टामा विशेष लाभ मिल्नेछ । नयाँ जिम्मेवारी पाइएला । शुभकार्यको चर्चा चल्नेछ । मनमा उत्साहका साथै बोली विक्ने समयछ । कुम्भ कुम्भ (गु, गे, गो, सा, सि, सु, से, सो, दा) काम गर्ने जोश जाँगर र उमङ्ग बढ्नेछ । चिताएको कामले तीव्रता लिनेछ । नयाँ कामको थालनी हुनेछ । वैदेशिक कार्य अघी बढ्नेछ । बृष वृष (इ, उ, ए, ओ, वा, वि, वु, वे, वो) प्रेममा बाधाका साथै मन कमजोर रहनेछ । यात्रामा मालसामान हराउन सक्छ । आर्थिक सङ्कटले गर्दा मनमा अशान्ति र छटपटी व्याप्त हुनेछ । कर्कट कर्कट (हि, हु, हे, हो, डा, डि, डु, डे, डो) शुभचिन्तकहरूले पूर्ण समर्थन प्रदान गर्नेछन् । घरमा अतिथीको आगमन हुनेछ । पुरानो समस्या सुल्झाउन सकिनेछ । सन्तान सुख मिल्नेछ । कन्या कन्या (टो, पा, पि, पु, ष, ण, ठ, पे, पो) अनावश्यक ठाउँमा धन खर्च होला । अधिकार प्राप्तिका लागि संघर्श गर्नु पर्ला । वैदेशिक क्षेत्र कमजोर रहनेछ । महत्त्वपूर्ण अवसर गुम्न सक्नेछ । बृश्चिक वृश्चिक (तो, ना, नि, नु, ने, नो, या, यि, यु) बुद्धि र विवेकको प्रयोग गर्न सके आजको दिनलाई सकारात्मक बनाउने समय छ । वित्तिय संस्थाबाट सहयोग मिल्नेछ । स्वादिष्ट भोजन पाईनेछ । मकर मकर (भो,जा,जि,जु,जे,जो,ख,खि,खु,खे,खो,गा,गि) सामान हराउने वा चोरी हुने सम्भावना छ । शरीरमा स्फूर्ति र उमङ्गको कमी हुनेछ । आत्मबल बढाएर काम गरेमा असफल भइँदैन । मीन मीन (दि, दु, थ, झ, ञ, दे, दो, चा, चि) टाढाका नातागोता वा परिवारजनसँग भेटघाट हुनेछ । शुभकार्यको चर्चा चल्नेछ । आँटेको र ताकेको कार्य पुरा होला । प्रेममा मधुरता छाउनेछ । – ज्यो.प. नारायणप्रसाद दुलाल

काठमाडौं । चाणक्य नीतिको १३ औँ अध्याय को पन्ध्रौ श्लोकमा मानिसको त्यो स्वभावको बारेमा बताइएको छ जसको कारण काम बिग्रन्छ । चाणक्य नीतिको यस श्लोकमा मानिसले आफ्नो मन माथि नियन्त्रण रख्नुपर्ने बताइएको छ । यसो नगरे कयौ प्रकारका कठिनता बढ्दै जान्छ र कामकाजमा पनि मन लाग्दैन । अनवस्थितकायस्य न जने न वने सुखम्। जनो दहति संसर्गाद् वनं संगविवर्जनात।।१५।। आचार्य चाणक्य चंचलताबाट दुःखको चर्चा गर्दै भन्छन्, ‘जसको चित्त स्थिर हुदैन, सो व्यक्तिलाई न त मानिसहरु बिच सुख मिल्छ न त वनमा नै । मानिसहरुबीचमा रहदा उसभित्र जलन हुन्छ तथा वनमा एकलोपनले जलाउछ।’ यसको आशय यो हो कि कुनै पनि काम गर्दाको समय मन स्थिर रख्नुपर्छ । मन चंचल भए व्यक्ति न त कुनै काम ठीकसँग गर्न नै सक्छ, न उसलाई कहि पनि सुख मिल्न सक्छ । यस्तो व्यक्ति समाजमा रहेर पनि आफ्नो अयोग्यता र अर्का मानिसको सफलता देखेर त्यसलाई सहन सक्दैन । यदि उ वनमा गए पनि निर्जनताले उसलाई छोड्दैन। यस प्रकार उ कहिले पनि सुखी रहन सक्दैन । चित्तको चंचलता दु:खको प्रमुख कारण हो ।