काठमाडौं, भदौं २ । शान्ति प्रक्रिया ताकाको जस्तो जुझारु र चुस्त वाइसीएल नहुनु र पार्टी अध्यक्ष प्रचण्ड नेतृत्वको सरकारले गरेका राम्रा कामको मार्केटिङ गर्न नसक्दा पार्टी तेस्रो भएको माओवादी नेताले दावी गरेका छन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारले धेरै राम्रा काम गरेको र अहिलेको परिवर्तनको नेतृत्व कर्ता भएपनि त्यसको उचित मार्केटिङ गर्न नसकेको कारण स्थानीय निर्वाचनमा पार्टी तेस्रो भएको माओवादी केन्द्रका नेता एवम वाइसीएलका संस्थापक अध्यक्ष टोपबहादुर  बताए । शुक्रबार राजधानीको जुडीबुटीमा योग कम्युनिष्ट लिग नेपालको एकताको दोस्रो राष्ट्रिय सम्मेलनको उदघाटन समारोहलाई सम्बोधन गर्दै नेता रायमाझीले भने, अहिलेको परिवर्तन कर्ता हामी, संविधान निर्माण र कार्याृन्वयन कर्ता हामी, स्थानीय चुनाब गराउने हामी तर हामी तेस्रो पार्टी । कारण हामी हाम्रा राम्रा कामको मार्केटिङ गर्न सकेनौं ।’ अहिले तीनवटा शक्ति पहिलो प्रतिगामी, दोस्रो याथास्थितिवादी र तेस्रो अग्रगामी शक्ति अस्तित्वमा छन । प्रतिगामी शक्तिले परिवर्तनलाई पछि धेकेल्ने प्रयास गरेको छ भने अग्रगामी शक्तिले अगाडि तानी रहेको छ । भने याथास्थिति वादी शक्ति अरु दुई शक्ति मध्ये जुन बलियो हुन्छ त्यतै लतारिन्छ । अग्रगामी शक्तिको नेतृत्व अब वाइसीएललाई चुस्त र बलियो संगठन बनाएर मात्रै सम्भव छ । राजनीतिक क्रान्ति लगभग सकिएकाले अब आर्थिक सम्बृद्धी र उत्पादनमा युवालाई जोड्न सकेऔं भने रोजगारीको समस्या समाधान हुन्छ । कृषि, जलविद्युत, पयर्टन, जडीबुटी लगायत क्षेत्रमा वाइसीएलले नेतृत्व लिएर उत्पादन मुलक कार्य गर्नु पर्ने रायमाझीले बताए । त्यसपछि स्वदेशमै रोजगारी सृजना हुने र त्यसपछि विदेश जाने त कुरै छैन विदेश गएका पनि पर्किन्छ । त्यति मात्रै होइन विदेशी पनि नेपालको विकास हेननृ र जागीर गर्न आउने अवस्था बन्ने छ । राजतन्त्र फालेर गणतन्त्र ल्याए जसरी देशको विकास गर्न पनि वाइसीएल अब जुट्नु पर्ने नेता रायमाझीले बताए । आफूलाई वाइसीएलको संथापक अध्यक्ष वा नेता भएको भन्दा अहिले पनि खुशी लाग्ने बताए । ु

काठमाडौं, साउन १७ । नेपाल टेलिकमले चौथो पुस्ताको मोबाइल इन्टरनेट (फेरजी) सेवा देशैभर पुर्याउने गरी कार्ययोजना तयार पारेको छ । द्रुत गतिको मोबाइल इन्टरनेटमा आधुनिक सेवा र सुविधा थप गर्दै देशैभर सेवा पुर्याउने गरी कार्ययोजना तयार पारिएको नेपाल टेलिकमकी प्रबन्ध निर्देशक कामिनी राजभण्डारीले जानकारी दिइन् ।  

काठमाडौं, असार १९ । नेपाल दूरसंचार प्राधिकरणले मोबाइल सिमकार्ड प्रयोगलाई नियमन गर्ने प्रकृया शुरु गरेको छ । प्राधिकरणले नेपालमा मोबाइल सेवा प्रदान गरिरहेका दूरसंचार कम्पनीका सिमकार्डहरुको सूचनालाई डिजिटाइजेसन गर्ने उदेश्यले नयाँ निर्देशिका ल्याउने तयारी गरेको हो । यसको लागि प्राधिकरणका सह निर्देशक मिनप्रसाद अर्यालको संयोजकत्वमा ५ सदस्यीय कार्यटोली गठन भएको छ । संयोजक तथा प्राधिकरणका प्रवक्ता अर्यालले मोबाइल सिमकार्ड प्रयोगलाई नियमन गर्न कानूनी आधार तयार पार्न अध्ययन गरिने जानकारी दिए । कार्यटोलीले सिमकार्डको डिजिटाइजेशन, अपरेटरको भूमिका र सिमकार्ड लिँदा लिईने फिंगरप्रिन्टलगायतको बारेमा अध्ययन गर्ने प्रवक्ता अर्यालले बताए ।

काठमाडौं, वैशाख २५ । जेठ १५ गते काम चलाउ बजेट ल्याउनका लागि प्रमुख तीन दलहरु को सहमति नजिक आएको छ ।

दाङ,वैशाख २४ । दाङको लमहीमा भ्यूटावरको शिलान्यास गरिएको छ । लमही बजारसँगै उत्तरी भेगमा जोडिएको अजमरी सामुदायिक वन उपभोक्ता समूहको हाताभित्र निर्माण हुन लागेको ग्रिनपार्कभित्र निर्माण गर्न लागेको साततले भ्यूटावरको शनिबार शिलान्यास गरिएको हो । लमहीलाई पर्यटकीय सुन्दरनगरका रुपमा विकास गर्न र लमहीको चिनारीका रुपमा उक्त टावर निर्माण हुन लागेको हो । करिब २० बिगाहा क्षेत्रफलमा उपभोक्ता समूहले ग्रिनपार्क, भ्यूटावर, बालउद्यान, सिमसार, नर्सरीलगायतका १९ वटा कार्य गर्ने निर्णय गरेलगत्तै जिल्ला वन कार्यालयले सहमति दिएको थियो । जिल्ला वन कार्यालयको सहमति तथा लमही नगरपालिकाको आर्थिक सहयोग प्राप्त गरेलगत्तै ग्रिनपार्कको निर्माण प्रक्रिया अगाडि बढेको छ । जसमध्ये एक भ्यूवार निर्माण पनि हो । रु एक करोड २२ लाखको लागतमा दुई वर्षमा निर्माण सम्पन्न हुने सो टावरको यसवर्ष भने पहिलो चरणको कार्यमात्र हुने अजमरी सामुदायिक वन उपभोक्ता समूहका अध्यक्ष केसीले बताउनुभयो । पहिलो चरणको कार्यका लागि लमही नगरपालिकाबाट रु ५० लाख, जिल्ला वन कार्यालय दाङबाट रु छ लाख उपभोक्ताबाट रु १५ लाख गरी रु ७१ लाखको लगानी हुने भएको छ । सो भ्यूटावर निर्माण भएलगत्तै भ्यूटावरमा चढेर लमही बजारलगायत देउखुरीका धेरैजसो स्थानको दृश्यावलोकन गर्न सकिने छ ।

बैशाख १६ । शुक्रवार रिलिज भएको चलचित्र ‘बाहुबली–२ द कन्क्लूजन’ले प्रदर्शनको पहिलो दिनमै ११५ करोड कमाएको छ । यो अहिलेसम्मकै चलचित्रले पहिलो दिन कमाउने रकममा सबैभन्दा बढी हो । ट्रेड एनालिस्ट रमेश बालाका अनुसार चलचित्रका सबै भर्जनले बक्स अफिसमा पहिले दिन ११५ करोड भारतिय रुपैयाँ कलेक्शन गरेको छ । चलचित्रले कलेक्शनको आधारमा बाहुबलीको पहिलो भाग , ‘कबाली ’ र ‘सुल्तान’ भन्दा अगाडि रहेको छ । पहिलो दिन चलचित्रको प्रत्येक सेकेण्डमा १२ टिकट अनलाइन बिक्री भएका छन् । भारतिय रुपैयाँ २७० करोडको बजेटमा बनेको चलचित्र बाहुबली–२ पहिले नै नाफामा रहेको छ । चलचित्रले रिलीज हुनुभन्दा पहिले नै थिएट्रिकल राइट्स बेचेर ५०० करोड भारु भन्दा ज्यादा कमाई गरेको छ । ट्रेड एनालिस्ट रमेश बालाले शुक्रबार ट्वीट गर्दै ‘एस. एस. राजामौलीद्वारा निर्देशित चलचित्र ‘बाहुबली २’ हिन्दी भर्जनले बक्स अफिसमा पहिले दिन ३८.५ करोड रुपैयाँ कमाएको छ ’ लेखेका छन् । चलचित्रले आन्ध्रप्रदेश र तेलंगानामा ५३ करोड, कर्नाटकमा १० करोड, तमिलनाडुमा ९ करोड र केरेलामा ४।५ करोड रुपैयाँ कमाएको छ । चलचित्र भारतमा ६ हजार ५ सय स्क्रीन्समा रिलिज भएको छ भने संसारभरमा ९ हजार स्क्रीन्समा रिलिज भएको छ ।

काठमाडौं, वैशाख १४ । दैनिकजसो मानिसहरु काम विशेष होस् वा इन्टरनेट बस्दा चौबीसै घण्टा कम्प्युटर, ल्यापटप अगाडि बस्ने गर्दछन् । स्वास्थ्यको दृष्टिकोणमा यो लाभदायक होइन । कम्प्युटरमा बस्दा बीच बीचको समयमा ब्रेक लिइरहनुपर्दछ । कम्प्युटरको उचाइ र आफ्नो आँखाको उचाइ समान दूरीमा हुनुपर्छ भने बस्ने कुर्सीको उचाइ सोहीअनुरूप मिलेको हुनुपर्छ । बस्ने पोजिसन हिप र घुँडाको पछाडिको पूरा भाग कुर्सीमा मिलेको हुनुपर्छ । कुर्सीमा बस्दा पछाडि सानो सिरानी वा कुसन राख्दा ढाड दुख्ने समस्या कम हुन्छ । कम्प्युटरमा काम गर्दा एक वा दुई घन्टापश्चात् शरीर तन्काउनुपर्छ । यसरी ब्रेकका बेला दुवै हातलाई इन्टरलक गरी टाउको भन्दा माथि सीधा तन्काउने तर टाउको सीधा नै हेर्ने, यो प्रक्रिया ५ सेकेन्डको विश्राम लिँदै ५ देखि ७ पटक सम्म गर्न सकिन्छ । क्रमशः दायाँ र बायाँ हातमाथि तन्काउने अनि केही समय रोकी तल झार्ने, यसले कुम, गर्दन तथा हातलाई रिफ्रेस गर्छ । दुवै खुट्टा क्रस गरेर कुर्सीमा बस्ने अनि दायाँ हातले बायाँ घुँडा समातेर कम्मर र घुँडा एकैपटक तन्काउने । पुनस् बायाँ हातले दायाँ घुँडा समाती अघि गरेजस्तै क्रियाकलाप दोहोर्‍याउँदा कम्मर, घुँडा तथा हिपले तन्दुरुस्ती प्राप्त गर्छ । अन्त्यमा सीधा उभिएर दुवै हातलाई सीधा तल पारी बिस्तारै झड्कार्नुपर्छ ।

गोरखा, वैशाख ९ । माओवादी केन्द्रले गोरखा भिनसेन गाउँपालिका अन्तर्गत स्थानीय तह निर्वाचनका लागि उम्मेदवार घोषणा गरेको छ । नेकपा माओवादी केन्द्रका बरिष्ठ नेता नारायणकाजी श्रेष्ठको प्रमुख आतिथ्यमा सो उम्मेदवारी घोषणा गरिएको हो । नेपाल कम्युनिस्ट पार्टीको स्थापना दिवस पारेर नेकपा माओवादी केन्द्रको उपहार गाउँ–नगरमा सिंहदरवार ! सुदृढ लाल किल्ला, समृद्ध गोरखा जिल्ला भन्ने नाराका साथ माओबादी केन्द्र गोरखाले स्थानीय तह निर्वाचन र उमेरद्वार घोषणा सभाको आयोजना गरी उम्मेदवारी घोषणा गरेको हो । सभाले गाउँ पालिका प्रमुखमा लोक प्रसाद बंजारा (अक्कल)लाई घोषणा गरेको छ । त्यस्तै उप प्रमुखमा लिला श्रेष्ठ, मसेल वडा न १ को अध्यक्षमा बिनोद पाण्डे, तान्द्राङ २ मा शेषनाथ भट्टराई, ३ मा गिरिधर भट्ट, धावा ४ मा मदन साक्य, बगुवा ५ मा प्रेम चन्द्र श्रेष्ठ उम्मेदवारी घोषणा भएका छन् । त्यस्तै अश्राङ ६ मा रनिल राना मगर, बोर्लाङ ७ नारायण श्रेष्ठ र ८ बाट रामहरी ढकाल घोषित भएका छन् ।

चितवन, वैशाख ९ । चितवनको नारायणगढमा म्याजिक भ्यानको ठक्करबाट शनिबार मध्यान्ह एक किशोरीको मृत्यु भएको छ । चितवनको भरतपुरबाट नारायणगढको पुलचोकतर्फ जाँदै गरेको ना १ च ५४२२ नम्बरको म्याजिक भ्यानले सोही दिशातर्फ जाँदै गरेको ना ३६ प ५११२ नम्बरको स्कुटीलाई पछाडिबाट ठक्कर दिँदा स्कुटी चालक पश्चिम चितवनको पटिहानीकी– १९ वर्षीया वर्षा आचार्यको मृत्यु भएको हो । मध्यान्ह १२ बजे भएको उक्त दुर्घटनामा गम्भीर घाइते भएकी आचार्यको उपचारका लागि चितवन मेडिकल कलेज पुर्याइएकोमा १२ः३० बजे चिकित्सकले मृत घोषणा गरेको प्रहरीले जनाएको छ । सो दुर्घटनापछि म्याजिक चालक फरार रहेको र खोजी भइरहेको प्रहरीले जनाएको छ ।

धनगढी, वैशाख २ । निर्वाचनको मिति नजिकिँदै जाँदा नेकपा (माओवादी केन्द्र)ले कैलाली जिल्लाका केही स्थानीय तहमा प्रमुख तथा उपप्रमुखमा दलका तर्फबाट उठाइने उम्मेदवारको टुङ्गो लगाएको छ । सोअनुसारस धनगढी उपमहानगरपालिका प्रमुखमा रामसमझ राना र उपप्रमुखमा शान्ति अधिकारी क्षेत्री, गोदावरी नगरपालिका प्रमुखमा गोकर्ण भट्ट र भजनी त्रिशक्ति नगरपालिका प्रमुखमा शेरबहादुर थारुलाई उठाउने निधो भएको माओवादी केन्द्र कैलालीका इन्चार्ज हरि चौधरीले बताए । यस्तै कैलारी गाउँपालिका प्रमुखमा लाधुराम चौधरी, बर्दगोरिया गाउँपालिका प्रमुखमा गणेश गिरी र जानकीनगर गाउँपालिकाको प्रमुखमा फूलराम चौधरीलाई उठाइने छ । जिल्लाका अन्य स्थानीय तहका प्रमुख उपप्रमुखलगायत पदमा भने टुङ्गो लगाउन बाँकी रहेको चौधरीले बताए । नेपाली काँग्रेस, नेकपा (एमाले), राप्रपालगायत दलले अहिलेसम्म कैलालीका स्थानीय तहमा उठाइने उम्मेदवारको टुङ्गो लगाउन सकेका छैनन् । काँग्रेसबाट धनगढी उपमहानगरपालिका प्रमुखमा युवा नेता कृष्णबहादुर महरा र नगर सभापति नृप ओड, नेकपा (एमाले)बाट दीपकप्रसाद देवकोटा, रणबहादुर चन्द र नारदमुनि राना, राप्रपाका तर्फबाट रोम स्वाँर, राजेश भण्डारी, पुष्करदत्त भट्ट र जनककुमारी कुँवरको नाम बढी चर्चामा छ । जिल्लाका सबै स्थानीय तहका प्रमुख उपप्रमुखलगायत पदमा आकाङ्क्षी बढी देखिएपछि उम्मेदवार छनोट गर्न दललाई सकस परेको छ । उम्मेदवारका आकाङ्क्षीले टिकट हत्याउन आआफ्ना पक्षमा भित्रभित्रै सम्पर्क गर्न थालेका छन् । नयाँ संरचनानुसार कैलालीमा धनगढी उपमहानगरपालिका, टीकापुर नगरपालिका, लम्कीचुहा नपा, गौरीगङ्गा नपा, भजनी नपा, घोडाघोडी नपा, गोदावरी नपा र जोशीपुर गाउँपालिका, चुरे गापा, कैलारी गापा, मोहन्याल गापा, बर्दगोरिया गापा र जानकी गापा गरी १३ स्थानीय तहमा निर्वाचन हुन लागेको छ । सात नं प्रदेशका जिल्लामध्ये सबैभन्दा बढी मतदाता (तीन लाख ९४ हजार ३२ मतदाता) भएको कैलालीमा वर्षायाममा नदी कटान, डुबान, उचित सडक, खानेपानी, विद्युत्, कृषिका लागि सिँचाइलगायत पूर्वाधारको ठूलो समस्या छ । सोबाहे मुक्तकमैया पुनःस्थापना, सुकुम्बासीको बसोबास पनि ठूलो समस्याका रुपमा रहेको छ । रासस

अत्तरिया, चैत १९ । नेकपा माओवादी केन्द्रका नेता लेखराज भट्टले तोकिएकै मितिमा स्थानीय तहको निर्वाचन हुने बताएका छन  । स्थानीय तहको निर्वाचन चनको बारे माओवादी केन्द्रको तयारीबारे जानकारी गराउन शनिबार  अत्तरियामा अयोजित पत्रकार सम्मेलनमा उनले  सो कुरा बताएका हुन  । पूर्व मन्त्री समेत रहेका नेता भट्टले मदेशवादी दलहरुसँग सरकारको निरन्तर छलफल गरिरहेकोले  चुनाव अगावै सहमति हुन सक्ने बताए  । उनले भने – सात नम्बर प्रदेशमा हामीले  सगठन बिस्तार कार्य तीव्र पारेको छौ , निर्वाचनमा काँङ्ग्रेस एमालेसँग मुख्य प्रतिस्पर्धा हुन्छ  । भट्टले सात नम्बर प्रदेशमा कतै एमालेसँग कतै काँङ्ग्रेससँग प्रतिस्पर्धा हुने बताए । माओवादी केन्द्र सात नम्बर प्रदेशका इन्चार्ज समेत रहेका नेता भट्टले चैत २५ गते भित्र सात नम्बर प्रदेशका सबै नगरपालिका, गाउँपालिका र वडाका उम्मेदवारहरुको टुङ्गो लगाइसक्ने बताए  । सात नम्बर प्रदेशमा माओवादी केन्द्रले पार्टीबाट अलग भएका सबैलाई पार्टी भित्र ल्याउने अभियान तीव्र पारेकोले चुनाव अघी नै बैद्य माओवादी र नयाँ शक्तीबाट ठुलो सङ्यामा नेता कार्यक्रता पार्टीमा भित्रिने उनले दाबी गरे  । संघीयता , गणतन्त्र, समाबेशीता माओवादीको एजेण्डा भएकोले स्थानीय तहको निर्वाचनमा जनताले अाफ्नो पार्टीलाई भोट दिनेमा आफु बिश्वस्त रहेको भट्टले तर्क गरे।

चैत १६ । महिलाले विवाहअगाडि यौनसम्पर्क राखेरनराखेको कुरा थाहा पाउन सामान्य मान्छेले पहिलो यौन सम्पर्कको बेला रगत आएरनआएको वा दुखेरनदुखेको कुरालाई आधार मानेर हेर्ने, सोच्ने र बुझ्ने गरेको पाइन्छ । अर्कातिर पुरुषमा लिंगको अगाडिको छाला फाटेरनफाटेको, पछाडिसम्म खुलेरनखुलेको आधारमा यौनसम्पर्क भएरनभएको आधारमा मूल्यांकन गर्ने गरिएको पाइन्छ । माथि उल्लेखित सोच गलत हुन् । खास गरी उमेर पुगेपछिमात्र विवाह गर्ने प्रचलन बढ्दै गएको अहिलेको समयमा माहिलाको योनीको मुखमा बाल्यकालदेखि वा जन्मदेखि रहने जालो यौनसम्पर्कबाहेक दौडधुप, खेलकुद, पौडी, साइकल चलाउने वा अन्य यस्तै गतिविधिका कारणले पनि फुट्न सक्ने हुनाले पहिलो यौनसम्पर्कको बेलामात्रै यो फुटेर रगत आउनुपर्छ भन्ने कुरा सत्य मान्न सकिँदैन । त्यस्तै पुरुषको लिंगको छाला यौनसम्पर्क पछिमात्रै फाट्छ वा खुल्छ भन्ने कुरा पनि सत्य होइन । त्यसकारण विवाहअगाडि यौनसम्पर्क राखे/नराखेको हुरा स्पष्ट रूपमा भन्नुपर्दा सेक्स गर्ने व्यक्तिबाहेक अरूले पछि थाहा पाउन सक्दैन । यौनसम्पर्क राख्दा योनी खुकुलो हुन्छ भन्ने कुरा पनि गलत हो । योनी आवश्यकताको बेला रक्तसञ्चालनको कारण आफैँ खुकुलो र कसिलो हुने अंग हो । महिलालाई यौन उत्तेजना नभएको बेला योनीमार्गमा एउटा औँला पनि पसाउन अप्ठ्यारो हुन सक्छ भने यौन उत्तेजना भएको बेला कुनै पनि आकारको लिंग यसभित्र पस्न सक्छ । अझ बच्चा पाउने बेलामा बच्चा पाउने हदसम्म पनि खुकुलो हुन सक्छ । यो सबैले बुझेको कुरा भयो । जसरी आवश्यक भएको बेलामा योनी खुकुलो हुन सक्ने कुरा वैज्ञानिक सत्य हो, त्यसै गरी यौनसम्पर्कपछि योनीले आफ्नो पुरानै तनाव र आकार ग्रहण गर्ने कुरा पनि वैज्ञानिक सत्य हो । यसका लागि एउटा उदाहरण दिँदा कुरा बुझ्न अझ सजिलो होला । ठूलो गाँस खाना खाएर मुख वा खाएको कुरा पेटसम्म लैजाने खाद्यनली खुकुलो वा ठूलो हुन्छन् र रु हुँदैनन् नि । त्यसैले यौनसम्पर्कपछि योनी खुकुलो हुँदैन ।

काठमाडौँ, ७ चैत । त्रिभुवन विश्वविद्यालय परीक्षा नियन्त्रण कार्यालय, बल्खुद्वारा २०७३ सालमा सञ्चालित कानुन सङ्कायतर्फ बिएएलएलबी चौथो वर्षको परीक्षाको परीक्षाफल आज प्रकाशित गरिएको छ । उक्त परीक्षाको परीक्षाफल www.edusanjal.com, www.educationsansar.com, www.educationkhabar.com र www.tu.ntc.net.np मा हेर्न सकिनेछ । त्यस्तै नेपाल टेलिकमको १६०२ मा डायल गरी वा ४९४९ मा एसएमएस गरेर पनि जानकारी पाउने सकिने परीक्षा नियन्त्रण कार्यालयले जनाएको छ ।

काठमाडौँ, फागुन २५ । सफा पानीको पर्याप्त मात्रामा पिउनाले मिर्गौला रोगबाट बच्न सकिन्छ । अधिकांश मानिसको मिर्गौला विग्रिनुमा पानी कम पिउने कारण नै हुन्छ । पछिल्लो समय आम्दानीका लागि विदेशिका युवाको मिर्गौलामा समस्या देखिएपछि वर्षदिन नबित्दै स्वदेश फर्किनु परेको घटना सार्वजनिक हुन थालेका छन् । खाडीमुलुकमा पुगेपछि त्यहाँ हुने जलवियोजनका कारण मिर्गौलामा समस्या देखिएको विभिन्न अनुसन्धानले देखाएको छ । मानिसहरु लामो समयसम्म काम गर्ने आवश्यक मात्रामा पानी नपिउने र शरीरको थकाइ दुखाइबाट छुटकारा पाउन पेनकिलर (नदुख्ने औषधि) खाने र अत्याधिक मासु सेवन गर्ने गरेकाले धेरैको मिर्गौलामा समस्या देखिएको राष्ट्रिय मिर्गौला उपचार केन्द्रका कार्यकारी निर्देशक डा ऋषिराम काफ्ले बताउँछन् । शरीरमा जम्मा हुने दूषित पदार्थ छानेर बाहिर निकाल्नु मिर्गौलाको मुख्य काम हो। यसबाहेक मिर्गौलाले हर्मोन पैदा गर्छ । रगत बन्नका लागि आवश्यक हर्मोन पनि यसले बनाउँछ । शरीरको आन्तरिक वातावरण मिलाउने काम मिर्गौला र फोक्सोको हो । हामीले खाएको खानाबाट आवश्यक पोषण लिने र नचाहिने तत्व फाल्ने काम मिर्गौलाको हो । तर पर्याप्त पानी पिउँदा मिर्गौलाले काम गर्न छोडेकाले नेपाल फर्कनुपर्ने अवस्था बढ्न थालेको हो । पानी मात्र होइन खानामा आएको परिवर्तनले मोटोपनले पनि मिर्गौला खराबीको जोखिम बढाएको छ । मोटोपनले पनि मिर्गौला खराब गर्ने भएकाले खानपान र जीवनशैलीमा ध्यान दिनुपर्ने सम्बद्ध चिकित्सकको भनाइ छ । अनियन्त्रित खानपान र व्यायामको कमीका कारण मोटोपन बढ्दै गएको हो। त्यसरी मोटोपन हुनु मिर्गौलामा समस्या हुने सङ्केत बन्ने सम्भावना रहन्छ । त्रिवि शिक्षण अस्पतालका मिर्गौला रोग विशेषज्ञ डा दिव्यसिंह ठकुरी मधुमेह, र उच्च रक्तचापका बिरामीमा पनि मिर्गौलामा समस्या बढी देखिने बताउँछिन् । यस्ता कारणले मात्र पनि मिर्गौलामा खराबी नदेखिने भएकाले बेलाबेलामा पिसाब र रगत जाँच गरी मिर्गौैलाको अवस्थाबारे थाहा पाइ राख्नुपर्नेमा उनको राय छ ।

काठमाडौं, फागुन २३ । गंगटा युथ क्लबको आयोजनामा म्याग्दीमा चौथो राष्ट्रिय ब्याडमिन्टन प्रतियोगिता आयोजना हुने भएको छ । यसअधिका तीन संस्करण राजधानीमा भएको भएपनि यस पटक भने म्याग्दीमै हुने आयोजक गंगटा युथ क्लबको भनाइ छ । प्रतियोगितामा पुरुष एकल, पुरुष युगल, महिला एकल, भेट्रान्स डबल र १७ वर्षमुनिको पुरुष एकल गरी कुल पाँच विधामा प्रतिस्पर्धा हुनेछ । प्रतियोगितामा महिला युगलतर्फको विजेताले १ लाख रुपैयाँ पुरस्कार पाउनेछन् भने पुरुष एकलतर्फको विजेताले ६० हजार रुपैयाँ पुरस्कार पाउनेछन् । आगामी चैत ९ गतेदेखि १२ गतेसम्म संचालन हुने यस प्रतियोगता म्याग्दी जिल्लाको पर्यटन प्रबद्र्धन तथा खेलकुदको विकास गर्ने उद्देश्यले प्रतियोगितालाई राजधानीबाट सारिएको आयोजकले बताएको छ ।