काठमाडौं : प्रदेश-५ को प्रदेशसभामा सोमबार तोडफोडमा उत्रिएका तीन प्रदेशसभा सांसदलाई नेपाली कांग्रेसले कारबाही गर्ने भएको छ । संसदमा तोडफोड गर्नु नेपाली कांग्रेसको सिद्धान्त र मान्यताविपरीत कार्य भएको भन्दै कांग्रेसको अनुशासन विभागले प्रदेशसभा सदस्य बसिरुद्दिन खाँ, अष्टभुजा पाठक र बैजनाथ कलवार कारबाही गर्ने भएको हो । सोमबार दिउँसो बुटवलमा कांग्रेस सांसदले प्रदेशसभाभित्र तोडफोड गरेको सुन्नासाथ काठमाडौंमा पार्टी सभापति शेरबहादुर देउवा आक्रोशित बनेका थिए । स्रोतका अनुसार सानेपामा सोमबार नै बस्ने भनिएको केन्द्रीय कार्यसमितिको बैठक कोरोनाका कारण बस्न नसकिरहेका बेला देउवाले केही केन्द्रीय नेताहरुसँग टेलिफोन सम्वाद गरेको छ ।

डडेल्धुराः अजयमेरु गाउँपालिकाले अस्थायी रुपमा ५ शय्याको अस्पताल सञ्चालन गर्ने भएको छ । स्वास्थ्य मन्त्रालयको निर्देशनबमोजिम गाउँपालिकाले ५ शय्याको अस्थायी अस्पताल सञ्चालन गर्न लागेको हो । अस्पताल सञ्चालनका लागि गाउँपालिकाले मेडिकल अधिकृत र स्टाफ नर्सको विज्ञापन खोलेको छ । गाउँपालिकाले सूचना जारी गर्दै एकजना मेडिकल अधिकृत र २ जना स्टाफ नर्सका लागि विज्ञापन खोलेको हो । हेर्नुहोस् विज्ञापन:  

लण्डनः कोरोना भाइरसलाई सुँघेर पत्ता लगाउन सकिएला ? आरडिटी परीक्षणको नतिजामा समेत विश्वस्त हुन नसकिने अवस्थामा सुँघेर जाँच गर्ने कुरामा विश्वास गर्न सकिएला र ? तर बेलायतले भने यस्तै एउटा परीक्षण गर्न शुरु गरेको छ । डेलिमेलको एउटा रिपोर्ट अनुसार, सुँघेर नै कोरोना भाइरस पत्ता लगाउन कुकुरलाई तालिम दिएको छ । यो तालिम सम्पन्न भएसँगै परीक्षण ट्रायल शुरु गरिने छ । यसका लागि सरकारले ७ करोड रुपैयाँ समेत उपलब्ध गराएको छ । यदि यो अनुसन्धानलाई सफलता पाइएको खण्डमा यो संसारकै ऐतिहासिक कदम हुने छ । लण्डन स्कूल अफ हाइजिन एण्ड ट्रपिकल मेडिसिन (एलएसएचटीएम), च्यारिटी मेडिकल डिटेक्शन डग्सर डरहम यूनिभर्सिटीका अधिकारीहरुले यो अनुसन्धानको कमाण्ड गरेका छन् । एलएसएचटीएमका प्रोफेसर जेम्स लोगनले अनुसन्धानबाट आशावादी रहेको बताएका छन् । अनुसन्धानकर्ताहरुले दावी गरे अनुसार, यदि यो अनुसन्धान सफल भयो भने एक घण्टामा दुई सय ५० जनाको जाँच कुकुरले गर्न सक्नेछन् । कोरोनाका लक्षण नदेखिने बिर बिरामीमा समते कुकुरले सुँघेर थाहा दिनेछ । प्रयोगशालामा भने एउटा जाँच गर्न कम्तिमा पनि ५ देखि ६ घण्टा लाग्ने गर्दछ । कुकुरमा मानिसको तुलनामा १० हजार गुणा बढी सुँघ्ने शक्ति हुन्छ । ल्याब्राडोर्स र कुकर स्पेनियल्स जस्ता कुकुरको विशेष प्रजाति यसअघि नै क्यान्सर, मलेरिया र पार्किन्सन जस्ता बिमारीलाई मानिसको शरीरमा पत्ता लगाउने काम गरिसकेका छन् । डरहम विश्वविद्यालयका प्रोफेसर स्टिभ लिण्ड्सेका अनुसार, कोरोना भाइरस बिमारीलाई फेरी देखिनबाट रोक्न कुकुर निकै सहयोगी बन्न सक्छन् । कुकुरलाई इरयोपोर्ट जस्ता संवेदनशील सार्वजनिक स्थानमा राख्ने गरिन्छ । कुकुरले लागुऔषध र विष्फोटकलाई पनि सुँघेर पत्ता लगाउने क्षमता राख्छन् । श्वास प्रक्रियासँग जोडिएका केही रोग, जुन गन्ध बदल्ने किसिमका हुन्छन्, तिनीहरु भने यो परीक्षणमा कुकुकरका लागि चुनौती हुने बताइन्छ । अनुसन्धानमा भनिएको छ– कुकुरमा गन्ध चिन्ने शक्ति यति बढी हुन्छ कि तपाईले ओलपिक साइजको स्वीमिङ पुलमा एक चम्मच चिनी घोल्नुभयो भने पनि कुकुरले त्यसलाई सजिलैसँग पत्ता लगाउन सक्छन् ।

काठमाडौंः लोकसेवा आयोगले प्रहरी जवानको लिखित परीक्षाको नतिजा सार्वजनिक गरेको छ। लिखित परीक्षामा संमिलित १४ हजार पाँच सय ११ मध्ये ७ हजार एक सय १४१ जनाले लिखित परीक्षा पास गरेको आयोगले जनाएको छ। प्रहरी प्रधान कार्यालयले मागेको ३ हजार ६ सय ७६ जना मध्ये हाल पाँच हजार ७० जनाले नाम निकालेको लोकसेवाले जनाएको छ। लिखित परीक्षामा पास भएकाहरुको चैत १६ गतेदेखि २५ गतेसम्म अन्तरवार्ता हुने आयोगले जनाएको छ। हेर्नुहोस् को को भए पास सूचना हेर्न यहाँ क्लिक गर्नुस्

कञ्चनपुरः यही माघ १३ मा हुने आफ्नो विवाहको निम्ता साथिहरुलाई बाँडन हिँड्दै थिइन उनी । जीवनमा एकपटक हुने विवाहका लागि उनी खुसी थिइन् । तर, विवाहको मिति नजिकिँदै गर्दा उनले यस संसार छाडिन् । कञ्चनपुरको भीमदत्त नगरपालिका–४ महेन्द्रनगर चम्मन चोकमा टिपरको ठक्करबाट रमिता भट्ट (रोशनी) को ज्यान गयो । बिहीबार अपरान्ह ग्राभेल बोकेको से १ क ८८७ नम्बरको टिपरले ठक्कर दिएर दशरतचन्द नगरपालिका–१ गुरुखोलाकी २० वर्षीया उनको घटना स्थलमै मृत्यु भयो । साईकल चढेकी रमितालाई टिपरको पछाडिको चक्काले उनको टाउको किचेपछि उनको घटनास्थलमा नै ज्यान गयो । घटना जिल्ला ट्राफिक कार्यालय कञ्चनपुरको कार्यालयदेखि झण्डै ५ सय मिटर दूरी पश्चिममा भएको हो । स्थानीयले टिपर आतङ्क बढेको भन्दै टिप्परमाथि ढुङ्गामुढा प्रहार गरेका थिए ।

इनरुवाः नेपाल पुलिस क्लब इनरुवामा भइरहेको एमएम कपको सेमीफाइनल पुग्ने तेस्रो टोली बनेको छ । समूह ‘बी’ अन्तर्गतको अन्तिम खेलमा आज प्रदेश नम्बर २ लाई ४६ रनले हराउँदै नेपाल पुलिसले अन्तिम चारमा आफ्नो स्थान पक्का गरेको हो । अन्तिम चारमा स्थान बनाउन दुवै टिमका लागि आजको खेल जित्नै पर्ने थियो । १ सय ८४ रनको लक्ष पछ्याउँदै मैदान उत्रेको प्रदेश दुई १ सय ३७ रनमै अलआउट भयो । निर्णायक खेलमा ब्याट्सम्यान नचल्दा २ नम्बर प्रदेश ४२ दशमलव २ ओभरमा सबै विकेट गुमाउन पुग्यो र पराजय सँगै समूह चरणबाटै बाहिरियो । उसका लागि बिशाल सुस्लिङले ८० रनको पारी खेले पनि टिमलाई जित दिलाउन सकेनन् । प्रदेश नम्बर २ का चार ब्याट्सम्यान शून्य रनमा पेभेलियन फर्किएका थिए । हरिशंकर साहले १८ र हसिम अन्सारीले टिमका लागि १० रन जोडे । २ नम्बर प्रदेशलाई अलआउट गर्ने क्रममा पुलिसका दीपेन्द्र ऐरी र ललितसिंह भण्डारीले ३–३ विकेट लिए । पवन सर्राफले २ विकेट हात पारेको खेलमा ललित राजवंशी र सागर ढकालले १–१ विकेट लिए । त्यसअघि पहिलो इनिङसमा ब्याटिङ गरेको पुलिसको सुरुवात समेत राम्रो हुन सकेन् । मध्यम सुरुवात गरेको पुलिसका सुनिल धमला र अमित श्रेष्ठले पहिलो विकेटका लागि ३६ रन जोडे । व्यक्तिगत ७ रनमा रनआउटका रुपमा धमलालाई गुमाएको पुलिसले त्यसपछि लय गुमायो र उसको विकेट पतनको क्रम सुरु भयो । मध्यम क्रमका ब्याट्सम्यान नचल्दा धराशायी बनेको पुलिसको पारीलाई दीपेन्द्र ऐरी र राशिद खानले उकासे । दुवैले सातौं विकेटका लागि ४७ रनको महत्वपूर्ण साझेदारी गरे । पुलिसका दीपेन्द्र ऐरीले ५ चौका र २ छक्काको मद्दतमा सर्वाधिक ५० रन बनाए । टिमका लागि अमित श्रेष्ठले ३७, अनिल साहले १९ र राशिद खानले १६ रन जोडे । पुलिसले ३३ रन अतिरिक्त पाएको थियो । प्रदेश २ का लेग स्पिनर कुमार थापा एक्लैले पुलिसको ५ विकेट चट्काए । १० ओभर वलिङ गरेका थापाले ३ ओभर मेडन राख्दै ३२ रन दिए । विवेक यादव र राहुल प्रताप सिंहले समान २र२ विकेट लिए । दीपेन्द्र सिंह ऐरी खेलको प्लेयर अफ द म्याच चुनिए । प्रतियोगिता अन्तर्गत शनिबारबाट समूह डी अन्तर्गतका खेलहरु हुने छन् । शनिबारको खेलमा सुदूरपश्चिम प्रदेशले मलेसिया ११ को सामना गर्ने छ । जारी प्रतियोगितामा प्रदेश नम्बर ३ सँगै विभागीय टिम आर्मी यस अघिनै अन्तिम चारमा प्रवेश गरिसकेको छ । (तस्बिरः विकेट नेपाल)

काठमाडौंः आकाश कार्कीको नयाँ गीत ‘नीरमाया’ सार्वजनिक भएको छ । नेपाल आइडल रवि ओड र सरू गौतमको स्वर रहेको ‘नीरमाया’ मंगबलार हाइलाइट्स नेपालको युट्युब च्यानलमार्फत सार्वजनिक भएको हो । गीतको म्युजिक भिडियोमा ‘टिकटक’बाट उदाएका ‘ट्वीनी गर्ल’ प्रिष्मा र प्रिन्सी खतिवडाका साथै आकाश कार्की र हिमान्सु कार्कीको अभिनय रहेको छ । ‘नीरमाया’मा लय–संगीत भीम बीसी, गोपाल रसाइलीको एरेन्ज र गम्भीर बिष्टको कोरियोग्राफी रहेको छ । यस्तै गीतको भिडियोलाई सुरेन्द्र मल्लले निर्देशन, नविन निरौलाले निर्देशन, अर्जुन तिवारीले छायाँकन गरेका हुन् । ुरे  

काठमाडौंः नेपाली बजारमा सोमबार सुनको मूल्य घटेको छ । आइतबार प्रतितोला ७१ हजार ६ सय रुपैयाँमा कारोबार भएको सुन सोमबार २ सयले घटेर प्रतितोला ७१ हजार ४ सयमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै, सोमबार तेजावी सुनको मूल्य पनि घटेको छ । आइतबार प्रतितोला ७१ हजार ३ सयमा कारोबार भएको तेजावी सुन आज भने घटेर ७१ हजार १ सय पुगेको छ । आज चाँदीको भाऊ पनि घटेको छ । आइतबार ८ सय ५५ मा प्रतितोला कारोबार भएको चाँदी आज ५ रुपैयाँले घटेर ८ सय ५० रुपियाँ कायम भएको महासंघले जनाएको छ ।

भक्तपुर– नेपाल कम्युनिष्ट पार्टी (नेकपा) का अध्यक्ष प्रचण्डले सङ्घीयता नबुझेकाहरुबाट सङ्घीयतालाई कमजोर बनाउने प्रयास भइरहेको बताएका छन् । भक्तपुरको खरिपाटीमा लोकतान्त्रिक राष्ट्रिय मगर मोर्चा नेपालले आज आयोजना गरेको प्रशिक्षण कार्यक्रममा उनले सङ्घीयता अझै पूर्ण भइनसकेको र प्रभावकारी ढङ्गबाट कार्यान्वयनमा आउन नसकिरहेका बेला सङ्घीयता विरोधी सक्रिय बनेको बताए । अध्यक्ष प्रचण्डले सङ्घीयतालाई पूर्णता दिँदै जातीय, वर्गीय र लैङ्गिक उत्पीडन अन्त्य गर्न बाँकी रहेको बताउँदै कुनै समय आफ्नो टाउकाको मूल्य तोकेको दलसँग अहिले सहकार्य गर्नुपरेको समेत चर्चा गरे । कार्यक्रममा गृहमन्त्री एवं नेकपा सचिवालय सदस्य रामबहादुर थापा ‘बादल’ ले एकीकृत दुई ठूला कम्युनिष्ट पार्टीको एकतालाई मूर्तरूप दिन नयाँ सङ्गठनात्मक संरचना गठन गरी नयाँ शक्ति निर्माण गर्न बाँकी रहेको बताए । उनले मुलुकको समृद्धिका लागि माक्र्सवाद, लेनिनवाद र समाजवादलाई पनि समृद्ध बनाउँदै लानुपर्ने आवश्यकता रहेको उल्लेख गरे । गृहमन्त्री थापाले एकीकृत पार्टीले तय गरेका सिद्धान्त, नीति, कार्यदिशा र रणनीतिलाई सशक्त ढङ्गबाट अगाडि बढाइने बताए । देशभरबाट २५१ जना सहभागी भएको दुई दिनसम्म चल्ने प्रशिक्षणले मोर्चाको राजनीतिक प्रतिवेदन तथा अन्तरिम विधानमाथि छलफल गर्ने लोकतान्त्रिक राष्ट्रिय मगर मोर्चाका केन्द्रीय संयोजक भोजविक्रम बुढामगरले जानकारी दिए ।

गोरखाः एक सय ६५ प्रतिस्पर्धीलाई पछि पार्दै पर्वतका अनिष थापामगर दशौँ ‘लिगलिगे राजा’ भएका छन्। चेपेघाट देखि लिगलिगकोट दरबार सम्म १३ दशमलव ८ किलोमिटर दुरी ५७ मिनेट ५५ सेकेन्डमा पुरा गर्दै उनी चौँथो पटक राजा बनेका हुन्। राष्ट्रिय सभाका प्रमुख प्रतिपक्ष दलका नेता सुरेन्द्रराज पाण्डेले बिहिवार लिगलिगकोटको डाँडामा आयोजित एक कार्यक्रमका बिच श्रीपेच, पगरी लगाएर उनलाई यो वर्षका ‘लिगलिगे राजा’ घोषणा गरेका हुन्। पालुङटार नगरपालिका, लिगलिगकोट बिकास अभियान र नेपाली सेना रणसिंह दल गणको आयोजनामा उक्त दौड प्रतियोगिता भएको हो। सँगै उनी लिगलिगकोटको ‘एम्बेस्डर–२०७६’ पनि घोषित भएका छन्। उनलाई नगद ६० हजार एक सय रुपैयाँ प्रदान गर्नुका साथै नगरपरिक्रमा गराइएको छ। यस अघि २०७१ र २०७३, २०७५ मा पनि उनी राजा घोषित भएका थिए। एक घण्टा एक मिनेट ८ सेकेन्डमा निर्धारित दुरी पार गर्दै नेपाली सेनामा कार्यरत डोटीका खगेन्द्रबहादुर भाट दोस्रो भए भने एक घण्टा एक मिनेट ३४ सेकेन्डमा दुरी पुरा गर्दै सेनामै कार्यरत लमजुङका रामजी बस्नेत तेस्रो भए। निर्धारित दुरी एक घण्टा दुई मिनेट २२ सेकेन्डमा पूरा गरेर सन्दिप ढकाल चौँथो बने।

काठमाडौं । नेपाल कम्युनिष्ट पार्टी (नेकपा) का अध्यक्ष प्रचण्ड र चिनियाँ विदेश विभाग प्रमुख प्रमुख सोङ ताओले आज बिहान भेटवार्ता गरेका छन्। राजधानीस्थित होटल मेरियटमा भएको भेटमा दुवै देशका कम्युनिस्ट पार्टीका गतिविधिबारे कुराकानी भएका थियो। प्रचण्डले चिनियाँ कम्युनिस्ट पार्टीले नेपाल र नेपाली जनतामा गरेको सहयोग र सद्भावले नेपालमा राम्रो प्रभाव परेको बताए। उनले दुई कम्युनिस्ट पार्टीबीचको आपसी सम्बन्धलाई नयाँ स्तरमा विकास गर्ने र एकअर्काका अनुभवहरु साटासाट गरेर अगाडि बढ्ने बताए। उनले भने– ‘नेपालको समृद्धिमा चिनियाँ सरकार र कम्युनिस्टको सहयोग आगामी दिनमा अझ बढ्ने मैले विश्वास लिएको छु।’ विदेश विभाग प्रमुख ताओले दुवै पार्टीका अनुभव साटासाट गर्ने कार्यक्रम बनाउनुपर्नेमा जोड दिएका थिए। कम्युनिस्ट पार्टीका लागि सिद्धान्त ठूलो कुरा भएको बताउँदै यसलाई अझै मजबुत बनाउनुपर्नेमा उनको जोड थियो। ‘देशको आर्थिक विकास मुख्य कुरा हो’, ता‌ओको भनाई थियो, ‘विकास गरेर नै जनताको मन जित्न सकिन्छ।’

मेष मेष (चु, चे, चो, ला, लि, लु, ले, लो, अ) शरीर भारि र मन अस्थिर रहने संकेत देखिन्छ । चुनौतीको सामना गर्नुपर्ला । कार्य सम्पादनमा समस्या आउला । बैदेशिक क्षेत्र कमजोर रहला । मिथुन मिथुन (का, कि, कु, घ, ङ, छ, के, को, हा) पुनर्मिलनको योग रहेको छ । बिश्वास गरेकाले साथ दिनेछन् । व्यापार व्यबसायबाट आम्दानी हुनेछ । विपरीत वर्गप्रति आकर्षण बढ्नेछ । सिंह सिंह (मा, मि, मु, मे, मो, टा, टि, टु, टे) प्रतिस्पर्धीहरूले तपाईंको खुट्टा तान्ने प्रयास गर्नसक्छन् । आर्थिक कारोवारमा मन्दी आउनेछ । पेट सम्बधी समस्याका साथै सामान हराउन सक्नेछ । तुला तुला (रा, रि, रु, रे, रो, ता, ति, तु, ते) रमणीय र सुखद् यात्राको योग छ । कला,साहित्य तथा संगीतमा रुचि बढ्नेछ । मंगल कार्यको योग छ । दिनको उत्तरार्ध सुखद रहनेछ । धनु धनु (ये, यो, भा, भि, भु, धा, फा, ढा, भे) बेसुरमा वचन दिने बानीले अप्ठ्यारो पार्न सक्छ । राजनैतिक कार्यमा बाधा आउनेछ । कुविचारमा मन जानेछ । अनावश्यक धन खर्च हुनेछ । कुम्भ कुम्भ (गु, गे, गो, सा, सि, सु, से, सो, दा) धनार्जनका नयाँ स्रोतहरूपत्ता लाग्नेछन् । बन्धु–बान्धवबाट सहयोग मिल्नेछ । साहित्यिक क्षेत्रमा रुची बढ्नेछ । प्रेमका कोपिलाहरू फक्रिएर जानेछन् । बृष वृष (इ, उ, ए, ओ, वा, वि, वु, वे, वो) कुनै महत्त्वपूर्ण कामको जिम्मेवारी आइलाग्नसक्छ । नयाँ ज्ञान सिक्ने मौका मिल्नेछ । उपहार पाइने सम्भावनाछ । न्यायिक कार्यमा सफलता मिल्नेछ । कर्कट कर्कट (हि, हु, हे, हो, डा, डि, डु, डे, डो) प्रेम र मित्रताको बन्धन कसिनुका साथै दाम्पत्य सुखमा रमाउने समय छ । आयआर्जनका क्षेत्रमा सुधार आउनेछ । वैदेशिक कार्य अघि बढ्नेछ । कन्या कन्या (टो, पा, पि, पु, ष, ण, ठ, पे, पो) विशिष्ट व्यक्तिको सहयोग मिल्ला । पार्टी पिकनिक तथा सेमिनारमा सहभागी भईएला । बौद्धिक विकास होला । अचल सम्पत्तिको कारोवार हुनेछ । बृश्चिक वृश्चिक (तो, ना, नि, नु, ने, नो, या, यि, यु) इच्छा र आकाङ्क्षा पूर्ण हुने भएको छ । पारिवारिक भेटघाट हुनुका साथै इष्टमित्रहरूसंग पनि मेलमिलाप हुनेछ । प्रेममा सफलतापनि पाईनेछ । मकर मकर (भो,जा,जि,जु,जे,जो,ख,खि,खु,खे,खो,गा,गि) घरमा अतिथीको आगमन हुनेछ । मनमा हर्ष,उमङ्ग र उत्साह छाउला । मुद्दा मामिलामा विजयी प्राप्त हुनेछ । सवारी साधनको खरिद बिक्री हुनेछ । मीन मीन (दि, दु, थ, झ, ञ, दे, दो, चा, चि) कला,साहित्य तथा संगीतमा रुचि बढ्नेछ । नजिकको व्यक्तिबाट कार्य पुरा हुनेछ । विशिष्ट व्यत्तिको भेटघाटले मन प्रसन्न हुनेछ । – ज्यो.प. नारायणप्रसाद दुलाल

काठमाडौंः अभिनेत्री रेखा थापाले नेपालगन्ज बिमानस्थलमा पर्यटनमन्त्री योगेश भट्टराईमाथि ज्ञानेन्द्र शाहीले गरेको ब्यवहारप्रति विरोध गरेकी छन् । अभिनेत्री थापाले शनिवार मन्त्रीमाथि भएको ब्यवहारप्रति संकेत गर्दै ज्ञानेन्द्र शाहीको बिरोध गरेकी हुन् । सामाजिक सञ्जाल फेसवुकमा स्टाटस लेख्दै नायि थापाले विरोधको शैली ठिक नभएको उल्लेख गरेकी छन् । उनले फेसवुकमा स्टाटस लेखेकी छन्, ‘यो के पाराको बिरोध हो? बुझिएन । कि क्रान्ति गरे हुने कि बिधी भित्र सभ्य व्यबहार देखाये हुन्थ्यो । चर्चा पाउन, ध्यान तान्न, नेता बन्न त्यत्ती लफाडा काफी हुँदैन । कुरा देश चलाऊने गरिरहदा विश्वशनियताका थुप्रै सिद्दान्त र आचरण पनि हुनु पर्छ होला । अराजकता ठुलो नियतको भयो भने राजनीति हुन्छ, छुद्र भो भने आफ्नै औकात देखाउछ ।’

काठमाडौं । कृषि तथा पशुपक्षी बिकास राज्य मन्त्री राम कुमारी चौधरीलाई शिखर नेपालले “शिखर राष्ट्रिय व्यक्तित्व वर्ष सम्मान–२०७६”बाट सम्मानित गरेका छ । शिखर नेपालले “शिखर नेपालको राष्ट्रिय अभियान–मुलुकका समग्र कृषकहरुको सम्मान” मूल नाराका साथ प्रथम राष्ट्रिय कृषक अवार्ड २०७६ तथा शिखर अनर अवार्ड २०७६ आयोजना गरि उत्कृष्ट कृषक, कृषि विज्ञ, कर्मचारी, राजनीतिकज्ञ, पत्रकार, कलाकार, कवि लगायतलाई सम्मान गरेकाे हाे । शिखर राष्ट्रिय व्यक्तत्व वर्ष सम्मान–२०७६ बाट कृषि राज्य मन्त्री चौधरी, पूर्व मन्त्री तथा सांसद महेश बस्नेत र ३ नं. प्रदेश भूमि व्यवस्था, कृषि तथा सहकारी मन्त्रालयका सचिव योगेन्द्र कुमार कार्कीलाई सम्मानित गरिएकाे हाे । शिखर ईन्करेजमेन्ट कृषक अवार्ड–२०७६ बाट अनन्त बहादुर खड्का (नेसनल भिजन मल्टी प्रपोज एग्रो फार्म प्रा.ली.घोराही) र जनकल्याण सामाजिक बिकास अनुसन्धान केन्द्र नेपाल ललितपुरलाई सम्मानित गरिएकाे छ । त्यस्तै,  शिखर कर्मशिल कृषक अवार्ड–२०७६ बाट सुकमाया तामाङ दुधौली-११ सिन्धुली र लक्ष्मी राणा आशा पोलष्ट्रि फार्म भरपुरलाई सम्मानित गरिएकाे छ । त्यस्तै सर्वोत्कृष्ट राष्ट्रिय शिखर कृषक अवार्ड–२०७६ बाट १ नं. प्रदेशको विशाल राई (नेविशाल कृषि फार्म बिर्तामोड–१० झापा), २ नं. प्रदेशका राम आशिष प्रसाद नुनीया पर्सा, ३ नं.प्रदेशका नवराज आचार्य बागमती गोट सिडस, धार्के -१,धादिङ, ४ नं.प्रदेशका घनश्याम तिम्लसिना, हेम्जा गाई फार्म पोखरा–२५, कास्की,५ नं. प्रदेशका दल बहादुर खत्री लेकाली व्यवसायीक बाख्रा पालन माण्डवी–२ प्युठान, ६ नं. प्रदेशका डिल्ली बहादुर नाथ डाफे भैसीपालन व्यवसाय बाफीकोट–२ पश्चिम रुकुम र ७ नं. प्रदेशका ठगुनी देवी चौधरी कार्प हयाचरी घोडाघोडी–१, कैलालीलाई सम्मानित गरिएकाे छ । सम्मानितलाई उपप्रधान तथा रक्षा मन्त्री ईश्वर पोखरेलले सम्मान पत्र दिएका थिए । मुलुकले अपेक्षा गरेको तर उपेक्षामा परेको बर्ग, क्षेत्रका जो कृषि उत्पादन मार्फत् खेतदेखि पेटसम्म पुग्ने बस्तुको उत्पादन गर्दछन् ती महान जीवनदाता, अन्नदाताको योगदानलाई उच्च सम्मान गर्ने उदेश्य रहेको शिखर नेपालका अध्यक्ष शेखर खनालले बताए ।

काभ्रे । काभ्रेको नमोबुद्ध नगरपालिकामा मापदण्ड पूरा नगरी सञ्चालन भइरहेका इटा उद्योग हटाउने अभियानलाई स्थानीयले साथ दिएका छन् । नगरपालिकाभित्रका ८ उद्योगको भट्टा चिम्नी भत्काएकोप्रति नगरपालिकाका सामाजिक संस्था र स्थानीयले नगरप्रमुखलाई धन्यवाद दिएका हुन् । नगरपालिकालाई धुँवामुक्त बनाउने उद्देश्यका साथ काभ्रेको नमोबुद्ध नगरपालिकाले यही भदौँ ८ गते नगरभित्रका ८ वटा भट्टाचिम्नी भत्काएको थियो । सोही कदमप्रति नगरपालिकामा रहेका ४५ वटा सामाजिक संस्था र स्थानीयवासीले नगरपप्रमुख टंकप्रसाद तिमिल्सिनालाई धन्यवाद पत्र समेत हस्तान्तरण गरेका छन् । नगरपालिकालाई धुँवामुक्त बनाएकोमा खुसी हुँदै वातावरमैत्री उद्योग स्थापनाका लागि पहल गरिदिन उनीहरुले आग्रह गरेका छन् । राष्ट्रिय कृषक समूह नमोबुद्धका अध्यक्ष उद्धवप्रसाद हुमागाइँले नगरप्रमुखको कदमलाई आफूहरुले साथ दिन धन्यवाद पत्र दिएको बताए । वडा नम्बर २ र ३ मा सञ्चालन हुँदै आएका आठ वटा इँटा उद्योगको भट्टाचिम्नी क्रेन लगाएर भत्काएको थियो । नगरपालिकाले पूर्वसहमति अनुसार आफ्नो क्षेत्रभित्रका इटा उद्योग गत असार मसान्तसम्म हटाउन निर्देशन दिएको थियो । उद्योगीले निर्देशन पालनामा अटेरी गरेपछि नगरपालिका आफैंले भट्टाचिम्नी भत्काएको हो । नगरप्रमुख टंकप्रसाद तिमिल्सना इटा उद्योगीले सहमति कार्यान्वयन नगरेपछि सहमतिपत्रमा लेखिएअनुसार नै भट्टाचिम्नी भत्काइएको बताए । इँटा उद्योगकै कारण नगरपालिकामा आएका करोडौँका योजना फिर्ता भएकाले अब भने नगर समृद्धिको लागि ढोका खुलेको नगरप्रमुख तिमिल्सनाको भनाइ छ । औद्योगिक सञ्चालन ऐन २०५९ अनुसार मानव बस्ती, विद्यालय र वन क्षेत्रभन्दा ५०० मिटर टाढा इँटा उद्योग सञ्चालन गर्न पाइने प्रावधान छ । त्यस्तै उद्योग मन्त्रालयको कार्यविधि २०७२ ले घनाबस्तीबाट एक किलोमिटर टाढा मात्र उद्योग सञ्चालन गर्न पाइने उल्लेख गरेको छ । तर नमोबुद्ध नगरपालिकाकोे भकुण्डेमा मात्रै आठ वटा इँटा उद्योग बस्तीकै बीचमा सञ्चालित थिए । इटाभट्टा भत्काउँदा लागेको खर्च पनि व्यवसायीले नै तिर्नुपर्ने सम्झौता भएको नगरपालिकाले जनाएको छ । पुजन धिताल/ईमेज खबरबाट साभार