काठमाडौं । संसद विघटनविरुद्ध आन्दोलनरत नेकपाले तेश्रो चरणको आन्दोलनका कार्यक्रम घोषणा गरेको छ । आज पार्टी मुख्यालय पेरिसडाँडामा पत्रकार सम्मेलन आयोजना गर्दै नेकपाले आन्दोलनका थप कार्यक्रम घोषणा गरेको हो । नेकपा प्रवक्ता तथा केन्द्रीय संघर्ष समितिका संयोजक नारायणकाजी श्रेष्ठले पत्रकार सम्मेलनमा दिएको जानकारी अनुसार, नेकपाले संसद विघटन, संवैधानिक निकाय तथा सरकारका अन्य क्रियाकलापविरुद्ध चरणबद्धरुपमा आन्दोलनका कार्यक्रम सार्वजनिक गरेको छ । घोषणा गरिएको कार्यक्रम यसप्रकार छन् । https://everestdainik.com/wp-admin/edit.php फागुन ५ गते देखि १२ गतेसम्म सम्बन्धित प्रदेश कमिटीको योजनामा जिल्लाहरूमा जिल्ला स्तरीयविरोध प्रदर्शन, सभा लगायतको विरोध कार्यक्रम फागुन ६ गते प्रतिगमन, महङ्गी र भ्रष्टाचारको विरोधमा टुँडिखेल वरिपरि मानव साङ्लो फागुन ७ गते देशव्यापी रुपमा सबै पालिकाका वडाहरूमा वडा स्तरीय विरोध कार्यक्रम फागुन ७ गतेदेखि १५ गतेसम्म प्रतिगमन विरुद्ध संविधान र लोकतन्त्रको पक्षमा सार्वजनिक स्थलमा हस्ताक्षर संकलन फागुन ८ गते काठमाडौंमा प्रतिगमन विरुद्ध वृहत् अन्तरक्रिया कार्यक्रम, फागुन ९ गते प्रतिगमन र महिला हिंसा, हत्या एवम् बलात्कारका विरुद्ध देशव्यापी महिलाहरूको विरोध कार्यक्रम, फागुन १० गते काठमाडौं उपत्यका र जिल्लाहरूमा दलित मोर्चाको तर्फबाट विरोध, फागुन ११ गते मधेशी, आदिबासी जनजाति, महिला, मुस्लिम, थारु, पिछडिएको क्षेत्र लगायतका उत्पीडित समुदायको साँस्कृतिक पहिचानसहितको संयुक्त विरोध, फागुन १२ गते चितवन, फागुन २१ गते दाङ्ग र जनकपुर, नेपालगञ्ज, लगायतका शहरहरूमा विरोध प्रदर्शन र सभा र राजधानी र प्रदेशका राजधानीहरूमा सम्बन्धित पार्टी कमिटी र जनवर्गीय एवम् मोर्चा संगठनको तर्फबाट संघर्षका सिर्जनात्मक कार्यक्रमहरूको निरन्तरता दिने

काठमाडौंः उद्योग, वाणिज्य तथा आपूर्तिमन्त्री लेखराज भट्टले राष्ट्रिय सुरक्षासँग जोडिएको क्षेत्रमा इन्धन आपूर्ति गर्ने जिम्मा नेपाल आयल निगमले सरकारको छविलाई उच्च राख्नुपर्ने बताएका छन् । निगमको ५१औँ साधारणसभामा पछिल्लो समय निगमले विभिन्न प्रविधि भित्र्याउन सफल भएको भन्दै उनले पेट्रोलियम पदार्थको गुणस्तर र शुद्धतामा ध्यान दिन आग्रह गरे । नेपाल आयल निगमका कार्यकारी निर्देशक सुरेन्द्रकुमार पौडेलले अबको दुई वर्षभित्रमा पाइपलाइनबाट पेट्रोल ढुवानी हुने बताए । उनले पेट्रोलियम पाइपलाइनमार्फत हाल डिजेलमात्र आयात भइरहेकामा पेट्रोलसमेत ल्याउने तयारी भएको जानकारी दिए । उनले मोतिहारी-अमलेखगञ्ज पेट्रोलियम पाइपलाइन क्षमताको विस्तार गरेर डिजेलको सम्पूर्ण आयात सम्भव भएसम्म पाइपलाइनमार्फत मात्रै गर्ने व्यवस्था गर्न लागिएको बताए । खाना पकाउने एलपी ग्यासको ढुवानीका लागि इन्डियन आयल कर्पोरेशनको वितरण केन्द्रलाई नेपाली सीमा नजिकको ‘लोकेशन’बाट आयातको व्यवस्था मिलाउन आवश्यक कार्यको थालनी गरेको उनले जानकारी दिए । उनले पूर्वाधारमा तीव्ररूपमा भएको विकासले पेट्रोलियम पदार्थको माग प्रत्येक वर्ष दुई अङ्कको दरले वृद्धि हुँदा माग र आपूर्तिबीच तालमेल कायम गर्न सञ्चयका लागि भण्डारणहरुको विस्तार तथा अन्य भौतिक पूर्वाधारको निर्माण गरिएको बताए । महाप्रबन्धक पौडेलले निगमको वार्षिक नीति तथा कार्यक्रमस्वरुप चालु आर्थिक वर्षमा गण्डकी प्रादेशिक कार्यालय पोखरा र २ नं प्रादेशिक कर्यालय अमलेखगञ्जमा भण्डारणगृहको निर्माण र विस्तारको काम शुरु भएको बताए। यसैगरी झापा र धनुषामा ग्यास बोटलिङ प्लान्ट र भण्डारण निर्माण, अमलेखगञ्ज–चितवन लोथर पेट्रोलियम पाइपलाइन विस्तार, सिलगुढी-झापा पाइपलाइन निर्माण, झापाको चारआलीमा भण्डारणगृह निर्माण तथा नेपालगञ्ज र धनगढीमा भण्डारण क्षमता अभिवृद्धिका लागि जग्गा प्राप्ति गरेर पूर्वाधार विकासको काम भएको उनले जानकारी दिए । उनले मेकानिकल लकिङबाट डिजिटल लकिङ, टैंक-ट्रकहरुको नियमित अनुगमन, डिलरहरुको डिजिटल नक्साङ्कन गर्ने कार्यको शुरुआत गरिएको उल्लेख गर्दै निगमको सबै कार्यलाई व्यवस्थित बनाउन उद्यम संसाधन योजना सफ्टवेयरअनुसार तयार गर्ने, निगमको केन्द्रीय प्रयोगशालालगायत अन्य प्रयोगशालाहरुलाई आइएसओ, एलइसी १७०२५ मान्यता गराई अन्तर्राष्ट्रियस्तर बमोजिम कायम गर्ने गरी आवश्यक कार्यको प्रारम्भ गरिएको बताए । निगम सञ्चालक समितिका अध्यक्ष एवं वाणिज्य तथा आपूर्ति सचिव वैकुण्ठ अर्यालले पछिल्लो समय निगमले पूर्वाधार निर्माणमा फड्को मारेको बताए । विसं २०२७ मा स्थापना भई पेट्रोलियम पदार्थको ढुवानीको एकलौटी अधिकार पाएको निगम पछिल्लो समय नाफामा गएको छ । गत आर्थिक वर्ष २०७६र७७ मा निगमले रु १२ अर्ब ८७ करोड नाफा कमाएको थियो । लामो समयदेखि घाटामा रहेको निगम पछिल्लो समय नाफामा गएको हो । निगमले गत आव २०७२/७३ मा रु. १९ अर्ब ३६ करोड, आव २०७३/७४ मा रु. ९ अर्ब ४५ करोड, २०७४/७५ मा रु ३ अर्ब ५८ करोड, २०७५/७६ मा ८ अर्ब ७५ करोड र गत आव २०७६/७७ मा रु. १२ अर्ब ८७ करोड नाफा कमाएको जनाइएको छ । गत वर्षको भदौ (२०७६ साल भदौ २४ गते) देखि सञ्चालनमा ल्याइएको मोतिहारी-अमलेखगञ्ज पेट्रोलियम पाइपलाइनमार्फत १० महिनाको अवधिमा निगमले ढुवानीमार्फत रु. १ अर्ब ४७ करोड बचत गरेको छ ।

जापानः वेरोजगार दर अक्टोबरमा तीन वर्ष यताकै उच्च विन्दुमा पुगेको यहाँको सरकारी तथ्याङ्कले देखाएको छ । वेरोजगार दर वृद्धि हुनुलाई कोरोना भाइरस सङ्क्रमणजन्य महामारीसँग जोडेर हेरिएको छ । महामारीका कारण व्यवसायिक गतिविधि नराम्रोसँग प्रभावित बनेको र यसको प्रभाव रोजगार क्षेत्रमा पनि परेको जापानको ठहर छ । जापानको आन्तरिक मामिला तथा सञ्चार मन्त्रालयका अनुसार जापानमा अक्टोबरमा ८० हजार व्यक्ति वेरोजगार बनेसँगै कूल वेरोजगार व्यक्तिको सङ्ख्या २१ लाख ४० हजार पुगेको छ । जापानमा सेप्टेम्बरको तुलनामा पुरुषतर्फको वेरोजगार ०.२ प्रतिशतले वृद्धि हुँदा यो सङ्ख्या ३.४ पुगेका तर महिलातर्फको वेरोजगार दर (२.७ प्रतिशत)मा कुनै परिवर्तन नदेखिएको पनि तथ्याङ्कले देखाएको छ । त्यसैगरी रोजगारी उपलब्धता दर सेप्टेम्बरमा १.०३ रहेकोमा अक्टोबरमा १.०४ मा पुगेको अर्थात् हरेक १०० व्यक्तिका लागि १०४ पद खाली रहेको र यो सन् २०१९ को अप्रिलपछि पहिलो पटक सुधार भएको बताइएको छ । कोरोनाकालमा पनि रोजगारी उपलब्धता दर बढ्नुलाई सकारात्मक सूचकका रूपमा हेरिएको छ । जापान सरकारले महामारीका कारण आर्थिक सङ्कटमा परेका कम्पनीलाई राहतस्वरूप करमा विभिन्न छुटको योजना अघि सारेको छ । अर्थशास्त्रीहरूका अनुसार जापानले श्रम बजारलाई जटिल सङ्कटबाट बचाएको छ । राहत कार्यक्रम आगामी फेब्रुअरीसम्मका लागि तय गरिएकोमा यसलाई बढाएर मार्चसम्म पुर्याइएको छ ।

काठमाडौंः नेपाल प्रहरीका प्रवक्ता फेरिएका छन् । प्रहरी प्रधान कार्यालय प्रहरी महानिरीक्षकको सचिवालयले बिहीबार प्रहरी वरिष्ठ उपरीक्षक (एसएसपी) बसन्त कुँवरलाई प्रवक्ता तोकेको छ । यसअघि प्रहरी वरिष्ठ उपरीक्षक कुँवेर कडायत रहेका प्रवक्ता रहेका थिए । उनको प्रहरी युक्त तालिम महाविद्यालय जर्गाह, नवलपरासीमा सरूवा भएको छ ।

काठमाडौं : काठमाडौं र भक्तपुरका प्रमुख जिल्ला अधिकारीको सरुवा गरिएको छ । काठमाडौंमा काली पराजुली आएका छन् भने भक्तपुरमा प्रेम भट्टराई गएका छन् । काठमाडौंमा हाल रहेका सीडीओ जनकराज दाहाल र भक्तपुरकी सीडीओ हुमकला पाण्डेको गृह मन्त्रालयमा सरुवा भएको छ । दाहाल र पाण्डे दुवैले एक वर्ष कार्यअवधि पूरा गरेपछि सरुवा गरिएको गृहस्रोतले जनाएको छ । काठमाडौका नयाँ सीडीओ पराजुली अख्तियार दुरुपयोग अनुसन्धान आयोगमा कार्यरत थिए भने भक्तपुरका सीडीओ भट्टराई धनुषामा प्रमुख जिल्ला अधिकारी थिए । धनुषामा बन्धु बाँस्तोलालाई पठाइएको छ ।

काठमाडौंः विनाअक्सिजन १०औं पटक सगरमाथा आरोहण गरी विश्व कीर्तिमान कायम राख्न सफल आङरिता शेर्पा ‘हिमचितुवा’ को निधन भएको छ । आज बिहान १० बजे उनको आफ्नै निवास काठमाडौंको जोरपाटीमा निधन भएको उनका आफन्त नुरछेपाल शेर्पाले जानकारी दिए । सोलुखुम्बुको थामेमा जन्मेका ७२ वर्षीय ‘हिमचितुवा’कोे पार्थिव शरीर अहिले शेर्पा गुम्बामा लैजाने तयारी भइरहेको छ । बुधबार बौद्धधर्मानुसार दाहसंस्कार गर्ने तयारी गरिएको छ । उनले सन् १९८३ देखि सगरमाथाको आरोहण शुरु गरेका थिए । सन् १९९६ मा विनाअक्सिजन सगरमाथामा पाइला टेकेका शेर्पाको त्यो अन्तिम आरोहण थियो । सर्वाेच्च शिखर सगरमाथा मात्रै नभई विनाअक्सिजन नै पाकिस्तानको माउन्ट केटु तथा नेपालका चोयु, मनास्लु, ल्होत्से, अन्नपूर्ण, धौलागिरिलगायत दर्जनौँ हिमालको उनले पटकपटक आरोहण गरेका थिए । आरोहण यात्रा सन् १९४८ मा जन्मेका आङरिताको पुख्र्यौली पेशा चौरीपालन भए पनि १५ वर्षकै उमेरदेखि आरोहणमा लागेका थिए । पहिलो पटक करीब २० वर्षका उमेरमा चोयु हिमालको आरोहण गरेका शेर्पाले विनाअक्सिजन पहिलो पटक १९८३ मा सगरमाथा चुचुरामा पाइला टेकेका थिए । आरोहणका क्रममै रहेका उनी बिरामी भएपछि आरोहण यात्रा रोकिएको थियो । सगरमाथा आरोहणमा नजानाको मुख्य कारण उनी बिरामी भएका बेला तत्कालीन राजा वीरेन्द्रले युवराज दीपेन्द्रलाई घरैमा भेट्न पठाएका थिए । गोपीकृष्णस्थित भाडाका कोठामा बसेका शेर्पालाई भेट्न आएका दीपेन्द्रले ‘बुबा (वीरेन्द्र) ले आरोहणबाट सन्न्यास लेऊ भन्ने हुकुम भएको छ’, भनेका थिए । त्यसपछि उनी आरोहणमा नगएको परिवारको भनाइ छ । त्यसबेला राजा वीरेन्द्रले चाहना र आवश्यकता के छ भनेर सोधे पनि आफूले केही पनि चाहना व्यक्त नगरेको आङरिताले पत्रकारसँगको भेटमा भन्ने गरेका थिए । सन् १९९६ तिर दीपेन्द्रले ‘दरबार आउनू’ भनेको भए पनि दरबार नगएको बताउने शेर्पा नेपाल सरकारबाट त्यसबेला त्रिशक्तिपट्ट, गोरखा दक्षिणबाहु जस्ता तक्माबाट भने सम्मानित भएका थिए । दश पटकको विश्वकीर्तिमानलाई भने अहिलेसम्म कुनै आरोहीले तोड्न सकेका छैनन् । नेपालको नाम विश्वभरि फैलाउन सफल आफूलाई भारत सरकारले उतै बस्न व्यवस्था मिलाइदिने प्रस्ताव राखे पनि नगएको बताउने शेर्पालाई नेपाल सरकारबाट भने खासै सहयोग प्राप्त नभएको उनकी छोरी डोमाले बताइन् । यद्यपि उनको आर्थिक अवस्था दयनीय भएको जनाउँदै नेपाल पर्वतारोहण सङ्घले नियमित सहयोग गर्दै आएको छ । छोरीका अनुसार पर्वतारोहण सङ्घले मासिक रु १५ हजार दिँदै आएको छ । आङरिताका तीन छोरा र एक छोरी छन् । जेठ छोरा कर्साङ आरोहण पेशामै छन् । माहिला छोरा छेवाङ दोर्जे भने अमेरिकामा छन् र कान्छा छोरा फुरानुरु खुम्बुमै चौरी धपाउने काम गर्छन् । छोरी डोमा जोरपाटीमा छन् । आङरिता उनै छोरीसँग बस्दै आएको थिए । उनकी पत्नीको ७ वर्षअघि निधन भएको थियो । रासस

डडेल्धुराः अजयमेरु गाउँपालिकाले अस्थायी रुपमा ५ शय्याको अस्पताल सञ्चालन गर्ने भएको छ । स्वास्थ्य मन्त्रालयको निर्देशनबमोजिम गाउँपालिकाले ५ शय्याको अस्थायी अस्पताल सञ्चालन गर्न लागेको हो । अस्पताल सञ्चालनका लागि गाउँपालिकाले मेडिकल अधिकृत र स्टाफ नर्सको विज्ञापन खोलेको छ । गाउँपालिकाले सूचना जारी गर्दै एकजना मेडिकल अधिकृत र २ जना स्टाफ नर्सका लागि विज्ञापन खोलेको हो । हेर्नुहोस् विज्ञापन:  

काठमाडौं : चलचित्र निर्देशक तथा लेखक छेतन गुरुङको ४२ वर्षको उमेरमा निधन भएको छ । मेट्रो अस्पताल, महाराजगंजमा उनको उपचारको क्रममा मङ्गलबार राति मृत्यु भएको हो । गुरुङ कलेजोमा समस्याबाट पीडित थिए । केही समयदेखि उनी चलचित्र ‘हुतुतु’ निर्देशनको तयारीमा थिए । ‘हुतुतु’ को स्किृप्टमै काम भइरहेको थियो । कोरोना भाइरसले सिर्जना गरेको असहज परिस्थिति सामान्य हुनासाथ फिल्मको छायाङ्कन थालिने तयारी थियो । आसुसेन फिल्म प्रोड्क्सनको ब्यानरमा निर्माण हुने चलचित्रमा निर्माता तथा निर्देशक सन्तोष सेन र गुरुङ निर्मातामा रुपमा आउन लागेका थिए । चलचित्रमा प्रदीपसँगै हरिवंश आचार्य, पल शाह, नाजिर हुसेन, सलोन बस्नेत, गौरव पहारी, मओत्से गुरुङ, राजाराम पौडेललगायत पक्का भइसकेको थियो । निर्माता तथा निर्देशक सन्तोष सेनले छेतनको असामयिक निधनले आफू दुःखी भएको बताउँदै नेपाली चलचित्र उद्योगले ठूलो क्षति गरेको प्रतिक्रिया दिए । नोभेम्बर रेन, क्लासिक, ‘ए मेरो हजुर ३’ लगायत फिल्मका स्क्रिप्ट तयार पारेका छेतनले ‘डमरुको डन्डीबियो’ निर्देशन गरेपछि ‘प्रेम गीत ३’ निर्देशन गरेका थिए ।

काठमाडौं : जनता समाजवादी पार्टीकी नेतृ सरिता गिरी आजदेखि सांसद पदबाट मुक्त भएकी छन् । संघीय संसद सचिवालयले गिरीको सांसद पद रिक्त भएको सूचना जारी गरेसँगै सांसद पदबाट मुक्त भएकी हुन् । पार्टीको ह्वीप उल्लंघन गरेको र नेपालको जारी नयाँ नक्साप्रति असहमति जाहेर गरेको भन्दै उनलाई समाजवादी पार्टीले पार्टीको साधारण सदस्य पनि नरहने गरी हटाएको थियो । समाजवादीले संसद सचिवालयलाई पत्र पठाएर गिरीलाई पदमुक्त गराउन अनुरोध गरेको थियो । संसद सचिवालयले सभामुख अग्निप्रसाद सापकोटालाई समाजवादी पार्टीले संसद सचिवालयलाई दिएको पत्रबारे जानकारी दिएपछि गिरी पदमुक्त बनेकी हुन् । संविधानको धारा ८९ बमोजिम सांसद गिरी सांसदबाट निष्कासित भएको संसद सचिवालयले जारी सूचनामा उल्लेख गरेको छ ।

लण्डनः कोरोना भाइरसलाई सुँघेर पत्ता लगाउन सकिएला ? आरडिटी परीक्षणको नतिजामा समेत विश्वस्त हुन नसकिने अवस्थामा सुँघेर जाँच गर्ने कुरामा विश्वास गर्न सकिएला र ? तर बेलायतले भने यस्तै एउटा परीक्षण गर्न शुरु गरेको छ । डेलिमेलको एउटा रिपोर्ट अनुसार, सुँघेर नै कोरोना भाइरस पत्ता लगाउन कुकुरलाई तालिम दिएको छ । यो तालिम सम्पन्न भएसँगै परीक्षण ट्रायल शुरु गरिने छ । यसका लागि सरकारले ७ करोड रुपैयाँ समेत उपलब्ध गराएको छ । यदि यो अनुसन्धानलाई सफलता पाइएको खण्डमा यो संसारकै ऐतिहासिक कदम हुने छ । लण्डन स्कूल अफ हाइजिन एण्ड ट्रपिकल मेडिसिन (एलएसएचटीएम), च्यारिटी मेडिकल डिटेक्शन डग्सर डरहम यूनिभर्सिटीका अधिकारीहरुले यो अनुसन्धानको कमाण्ड गरेका छन् । एलएसएचटीएमका प्रोफेसर जेम्स लोगनले अनुसन्धानबाट आशावादी रहेको बताएका छन् । अनुसन्धानकर्ताहरुले दावी गरे अनुसार, यदि यो अनुसन्धान सफल भयो भने एक घण्टामा दुई सय ५० जनाको जाँच कुकुरले गर्न सक्नेछन् । कोरोनाका लक्षण नदेखिने बिर बिरामीमा समते कुकुरले सुँघेर थाहा दिनेछ । प्रयोगशालामा भने एउटा जाँच गर्न कम्तिमा पनि ५ देखि ६ घण्टा लाग्ने गर्दछ । कुकुरमा मानिसको तुलनामा १० हजार गुणा बढी सुँघ्ने शक्ति हुन्छ । ल्याब्राडोर्स र कुकर स्पेनियल्स जस्ता कुकुरको विशेष प्रजाति यसअघि नै क्यान्सर, मलेरिया र पार्किन्सन जस्ता बिमारीलाई मानिसको शरीरमा पत्ता लगाउने काम गरिसकेका छन् । डरहम विश्वविद्यालयका प्रोफेसर स्टिभ लिण्ड्सेका अनुसार, कोरोना भाइरस बिमारीलाई फेरी देखिनबाट रोक्न कुकुर निकै सहयोगी बन्न सक्छन् । कुकुरलाई इरयोपोर्ट जस्ता संवेदनशील सार्वजनिक स्थानमा राख्ने गरिन्छ । कुकुरले लागुऔषध र विष्फोटकलाई पनि सुँघेर पत्ता लगाउने क्षमता राख्छन् । श्वास प्रक्रियासँग जोडिएका केही रोग, जुन गन्ध बदल्ने किसिमका हुन्छन्, तिनीहरु भने यो परीक्षणमा कुकुकरका लागि चुनौती हुने बताइन्छ । अनुसन्धानमा भनिएको छ– कुकुरमा गन्ध चिन्ने शक्ति यति बढी हुन्छ कि तपाईले ओलपिक साइजको स्वीमिङ पुलमा एक चम्मच चिनी घोल्नुभयो भने पनि कुकुरले त्यसलाई सजिलैसँग पत्ता लगाउन सक्छन् ।

साङ्केतिक तस्बिर कैलालीः एक १६ वर्षीया किशोरीलाई बलात्कार गर्न खोजेको आरोपमा प्रहरीले उनका श्रीमान् र जेठाजुलाई पक्राउ गरेको छ । जिल्ला प्रहरी कार्यालय कैलालीका प्रहरी नायब उपरीक्षक दक्षकुमार बस्नेतका अनुसार गौरीगंगा नगरपालिकाकी ती किशोरीलाई दाजुभाइ मिलेर बलात्कार गर्न खोजेको आरोपमा उजुरी परेको छ । ती किशोरीको गत वर्ष मागी विवाह भएको थियो । मिलेमतोमा बलात्कार प्रयास प्रहरीका अनुसार किशोरीका जेठाजुले पटकपटक जिस्काउने, संवेदनशील अंग छुने गर्थे । बैशाख १५ गते बेलुकी खाना खाई सकेपछि युवती कोठामा सुतिरहेकी थिइन् । उनका जेठाजुले श्रीमानलाई बिरालो मार्न जाउ भनि घरबाट पठाए । श्रीमान् घरबाहिर जाने वित्तिकै जेठाजुले किशोरी सुतिरहेको कोठामा आएर बलात्कारको प्रयास गरे । तर, रोइकराई गरेर हो–हल्ला गर्दा त्यसदिन किशोरी बलात्कार हुनबाट जोगिइन् । उक्त कुराबारे कसैलाई भनेमा वेपत्ता पार्ने धम्की किशोरीलाई जेठाजुले दिएका थिए । त्यसकारण उनी त्यो दिन चुप बसिन् । फेरि १६ गते सोही घटना दोहोरियो । जेठाजुले श्रीमानलाई बिरालो मार्न जाउ भने । दाईको आग्रहलाई सहजै स्वीकार्दै उनी पनि घर बाहिर गए । युवती ढोका बन्द गरेर एक्लै सुतिरहेकी थिइन् । ढोका ढकढक भयो । तर, उनले जेठाजुले हिजोको जस्तै हर्कत देखाउँलान भनेर ढोका खोलिनन् । ढोको नखोलेपछि श्रीमान र जेठाजु मिलेर ढोका फोरेर भित्र पसे । अनि मात्रै किशोरीले थाहाँ पाइन्, श्रीमानले नै जेठाजुलाई बलात्कार गर्न सहयोग गरेका रहेछन् भनेर । अनि किशारीले श्रीमान् र जेठाजु मिलेर बलात्कार प्रयास गरेको भन्दै उजुरी दिइन् । उजुरीमा भनिएको छ, ‘श्रीमानलाई बिरोलो मार्न जाऊ भनेर जेठाजु बलात्कार गर्न आउँथे ।’ अहिले प्रहरीले किशोरीका श्रीमान् र जेठाजुलाई प्रक्राउ गरेर अनुसन्धान गरिरहेको छ । पीडितको गोपनियतालाई ध्यानमा राख्दै बलात्कारको प्रयास गर्नेको पनि परिचय गोप्य राखिएको कैलाली प्रहरीले जनाएको छ । घटना मिलाउने भन्दै घुस ! किशोरीले उजुरी दिएपछि गाउँमा हलचल मच्चियो । तर, गौरीगंगा–११ का बिर्ख धामीले घटना मिलाइदिने भन्दै ५० हजार घुस मागे । उनी लक्ष्मी सामुदायिक वन उपभोक्ता समिति उदासिपुरका अध्यक्ष समेत हुन् । बलात्कार प्रयास जस्तो घटनालाई घुस लिएर मिलाउन लागिएको भन्दै एक जनाले अख्तियारमा खबर गरिदिए । त्यसपछि पुगेको अख्तियार दुरुपयोग अनुसन्धान कार्यालय कन्चनपुरको टोलीले ५० हजार घुससहित धामीलाई शुक्रबार नियन्त्रणमा लिएको र अनुसन्धान गरिरहेको छ ।

एजेन्सीः इराकस्थित अमेरिकी र बेलायती सैन्य शिविरमा गरिएको रकेट आक्रमणमा तीन जनाको मृत्यु भएको छ । इराकको राजधानी बगदादको उत्तरी भेगमा अवस्थित ताजी सैन्य शिविरमा गरिएको आक्रमणमा कम्तिमा १२ जना घाइते भएका छन् । अमेरिकी सैन्य स्रोतलाई उद्धृत गर्दै बीबीसीले अमेरिकी सिपाही, ठेकेदार र बेलायती सिपाही गरी तीन जनाको मृत्यु भएको उल्लेख गरेको छ । अमेरिकी ड्रोन आक्रमणमा इरानका वरिष्ठ कमाण्डर कसीम सुलेमानीको मृत्युपछि इराकमा उब्जिएको तनाब यथावत रहेको छ । इराक र सिरियास्थित अमेरिकी सैन्य गठबन्धनले एक वक्तब्य जारी गरी सैन्य शिविरमा १८ वटा रकेट प्रहार गरिएकोमा तीन जनाको मृत्यु भएको पुष्टि गरेको छ ।

इनरुवाः नेपाल पुलिस क्लब इनरुवामा भइरहेको एमएम कपको सेमीफाइनल पुग्ने तेस्रो टोली बनेको छ । समूह ‘बी’ अन्तर्गतको अन्तिम खेलमा आज प्रदेश नम्बर २ लाई ४६ रनले हराउँदै नेपाल पुलिसले अन्तिम चारमा आफ्नो स्थान पक्का गरेको हो । अन्तिम चारमा स्थान बनाउन दुवै टिमका लागि आजको खेल जित्नै पर्ने थियो । १ सय ८४ रनको लक्ष पछ्याउँदै मैदान उत्रेको प्रदेश दुई १ सय ३७ रनमै अलआउट भयो । निर्णायक खेलमा ब्याट्सम्यान नचल्दा २ नम्बर प्रदेश ४२ दशमलव २ ओभरमा सबै विकेट गुमाउन पुग्यो र पराजय सँगै समूह चरणबाटै बाहिरियो । उसका लागि बिशाल सुस्लिङले ८० रनको पारी खेले पनि टिमलाई जित दिलाउन सकेनन् । प्रदेश नम्बर २ का चार ब्याट्सम्यान शून्य रनमा पेभेलियन फर्किएका थिए । हरिशंकर साहले १८ र हसिम अन्सारीले टिमका लागि १० रन जोडे । २ नम्बर प्रदेशलाई अलआउट गर्ने क्रममा पुलिसका दीपेन्द्र ऐरी र ललितसिंह भण्डारीले ३–३ विकेट लिए । पवन सर्राफले २ विकेट हात पारेको खेलमा ललित राजवंशी र सागर ढकालले १–१ विकेट लिए । त्यसअघि पहिलो इनिङसमा ब्याटिङ गरेको पुलिसको सुरुवात समेत राम्रो हुन सकेन् । मध्यम सुरुवात गरेको पुलिसका सुनिल धमला र अमित श्रेष्ठले पहिलो विकेटका लागि ३६ रन जोडे । व्यक्तिगत ७ रनमा रनआउटका रुपमा धमलालाई गुमाएको पुलिसले त्यसपछि लय गुमायो र उसको विकेट पतनको क्रम सुरु भयो । मध्यम क्रमका ब्याट्सम्यान नचल्दा धराशायी बनेको पुलिसको पारीलाई दीपेन्द्र ऐरी र राशिद खानले उकासे । दुवैले सातौं विकेटका लागि ४७ रनको महत्वपूर्ण साझेदारी गरे । पुलिसका दीपेन्द्र ऐरीले ५ चौका र २ छक्काको मद्दतमा सर्वाधिक ५० रन बनाए । टिमका लागि अमित श्रेष्ठले ३७, अनिल साहले १९ र राशिद खानले १६ रन जोडे । पुलिसले ३३ रन अतिरिक्त पाएको थियो । प्रदेश २ का लेग स्पिनर कुमार थापा एक्लैले पुलिसको ५ विकेट चट्काए । १० ओभर वलिङ गरेका थापाले ३ ओभर मेडन राख्दै ३२ रन दिए । विवेक यादव र राहुल प्रताप सिंहले समान २र२ विकेट लिए । दीपेन्द्र सिंह ऐरी खेलको प्लेयर अफ द म्याच चुनिए । प्रतियोगिता अन्तर्गत शनिबारबाट समूह डी अन्तर्गतका खेलहरु हुने छन् । शनिबारको खेलमा सुदूरपश्चिम प्रदेशले मलेसिया ११ को सामना गर्ने छ । जारी प्रतियोगितामा प्रदेश नम्बर ३ सँगै विभागीय टिम आर्मी यस अघिनै अन्तिम चारमा प्रवेश गरिसकेको छ । (तस्बिरः विकेट नेपाल)

धनगढीः सुदूरपश्चिममा निर्माणाधिन गेटा मेडिकल कलेजको निर्माण कार्य अन्तिम चरणमा पुगेको छ। मेडिकल कलेजको निर्माण अन्तिम चरणमा पुगेपनि यसको मोडालिटिको विषय भने अझै अन्यौलमै रहेको छ। गेटा मेडिकल कलेजलाई कलेजका रुपमा नभई स्वास्थ्य विज्ञान प्रतिष्ठानका रुपमा अघि बढाइनुपर्ने यस क्षेत्रका सरोकारवालाहरुको माग रहदै आएको छ। मेडिकल कलेजको निर्माणमा महत्वपूर्ण योगदान पुर्याएकाहरुले स्वास्थ्य विज्ञान प्रतिष्ठान बनाउनुपर्ने सुझाव दिदै आएका छन्। गेटा मेडिकल कलेज पुर्वाधार विकास समितिका पूर्व कार्यकारी निर्देशक डाक्टर भीमसिंह टिंकरीले स्वास्थ्य विज्ञान प्रतिष्ठान नै उपयुक्त हुने बताए। ‘मेडिकल कलेज नै भए अस्पताल सञ्चालन भएको तीन बर्षपछि मात्रै कलेजको पढाई सुरु गर्न पाईने मापदण्ड रहेको छ,’ उनले भने– ‘अन्य विश्व विद्यालयको सम्वन्धन लिनुपर्ने बाध्यकारी नियम छ। तर स्वास्थ्य विज्ञान प्रतिष्ठानको रुपमा सञ्चालन भए कलेज र अस्पताल संगै सुरु गर्न सकिने र आफैँमा स्वायत्त हुने भएकाले सुदूरपश्चिमका लागि उपयुक्त हुने छ।’ गेटामा मेडिकल कलेज वा स्वास्थ्य विज्ञान प्रतिष्ठान सञ्चालनका लागि आधारभुत भौतिक संरचना तयार भईसकेको बताउ“दै उनले अहिलेसम्म कुन प्रारुपमा सञ्चालन हुने भन्ने विषयमा समेत टुङगो नलाग्दा तयार भएका भवन पनि प्रयोग विहिन बन्ने सम्भावना बढ्दै गएको बताए। गेटा मेडिकल कलेज पुर्वाधार विकास समितिका पूर्व कार्यकारी निर्देशक हेमराज पुजाराले मेडिकल कलेज र स्वास्थ्य विज्ञान प्रतिष्ठानका आ–आफनै विशेषता भएकाले सो बारेमा अध्ययन गर्दै अगाडी बढ्नुपर्ने बताए। ‘मेडिकल कलेज भए परनिर्भर हुनपर्ने देखिएको छ,’ उनले भने– ‘स्वास्थ्य विज्ञान प्रतिष्ठान भए कुनै पनि निर्णय गर्न कसैको भर पर्नुपर्ने अवस्था छैन्।’ उनले सुदूरपश्चिम विश्वविद्यालयको अवस्था बलियो भएको भए सोही विश्वविद्यालयबाट सम्वन्धन लिएर मेडिकल कलेजकै प्रारुपमा सञ्चालन हु“दा पनि ठुलै समस्या नहुने तर्क गरे। भौतिक पूर्वाधार निर्माण अन्तिम चरणमा पुगेस“गै एक दशकदेखि बहुप्रतिक्षा गरिएको सुदूरपश्चिमको यो प्रस्तावित मेडिकल कलेज सञ्चालनका लागि कानुनी आधार बनाउन प्रदेश सरकारले समेत तदारुकता थालेको छ। शैक्षिक तथा अस्पतालसहित प्रमुख संरचना यसै वर्ष्भित्र निर्माण पूरा हुने अवस्थामा रहेको गेटा मेडिकल कलेज पूर्वाधार निर्माण विकास समितिका इन्जिनियर पवन रावलले बताए । रावलका अनुसार परियोजनाको १० देखि १५ प्रतिशत काम मात्रै बा“की छ। कलेज भवन भने, हस्तान्तरणको अन्तिम तयारी हुँदैछ। कलेजका लागि आवश्यक पर्ने शैक्षिक भवन, अस्पताल, छात्रावाससहित साना ठूलागरी २७ भन्दा बढी भौतिक संरचना निर्माणको अन्तिम चरणमा छ। अहिले भवनको भित्री भागमा ‘फिनीसिङ’, झ्याल, ढोका लगाउने र छेउछाउमा ट्रेन्च बनाउने काम भइरहेको छ।

काठमाडौंः आकाश कार्कीको नयाँ गीत ‘नीरमाया’ सार्वजनिक भएको छ । नेपाल आइडल रवि ओड र सरू गौतमको स्वर रहेको ‘नीरमाया’ मंगबलार हाइलाइट्स नेपालको युट्युब च्यानलमार्फत सार्वजनिक भएको हो । गीतको म्युजिक भिडियोमा ‘टिकटक’बाट उदाएका ‘ट्वीनी गर्ल’ प्रिष्मा र प्रिन्सी खतिवडाका साथै आकाश कार्की र हिमान्सु कार्कीको अभिनय रहेको छ । ‘नीरमाया’मा लय–संगीत भीम बीसी, गोपाल रसाइलीको एरेन्ज र गम्भीर बिष्टको कोरियोग्राफी रहेको छ । यस्तै गीतको भिडियोलाई सुरेन्द्र मल्लले निर्देशन, नविन निरौलाले निर्देशन, अर्जुन तिवारीले छायाँकन गरेका हुन् । ुरे