निर्वाचन क्षेत्र निर्धारण आयोगको प्रतिवेदन तयार, प्रधानमन्त्रीकाे समय मिल्नासाथ बुझाइने
काठमाडौं, भदौ १४ । निर्वाचन क्षेत्र निर्धारण आयोगले सरकारलाई प्रतिवेदन बुझाउने तयारी गरेको छ । आयोगले १ सय ६५ संघीय र ३ सय ३० प्रादेशिक क्षेत्र निर्धारण गरेर प्रतिवेदन तयार पारेको छ । आयोगले प्रधानमन्त्री शेरबहादुर देउवाको समय मिल्नासाथ प्रतिवेदन बुझाउने तयारी गरेको हो । गत साउन ५ गते गठन भएको आयोगले साउन ११ गतेबाट औपचारिक काम शुरु गरेको थियो । काम सुरु गरेको २१ दिनभित्र प्रतिवेदन बुझाउनुपर्ने सर्त पाएको आयोगलाई सरकारले फेरि साउन ३१ गते १५ दिन समय थप गरेको थियो । आयोगले जनसंख्या र भूगोललाई आधार मानेर निर्वाचन क्षेत्र निर्धारण गरेको छ ।
