गाँजा भरिएको ट्रकसहित एक भारतीय पक्राऊ
चितवन, असार १४ । गाँजाका पोकासहित जाँदै गरेको ट्रकलाई प्रहरीले नियन्त्रणमा लिएको छ । पूर्व–पश्चिम राजमार्ग अन्तर्गत मनहरीमा प्रहरीले गाँजा र भारतीय नागरिकलाई नियन्त्रणमा लिएको हो । इप्रका मनहरीका अनुसार, चितवनवाट हेटौडातर्फ आउदै गरेको बिआर ०७ जिए ४४२३ नम्वरको भारतीय ट्रक चेकजाँचका क्रममा प्लास्टिकको १२ वटा पोकामा प्याक गरेको १ सय २० केजी गाँजा फेला परेको हो । पक्राऊ पर्नेमा भारत मोतिहारीका सुधिर राम रहेका छन् । चालकले गाँजा मनहरि गाउँपालिकाको सुनाचुरीको जंगलबाट गाँजा लोड गरेर ल्याएका थिए । वीरगन्ज हुँदै भारत पुर्याउने उद्देश्यले गाँजा लोड गरेको चालकले प्रहरीसमक्ष बताएका छन् ।
