विराटनगर, मंसिर २३ । मोरङमा वाम गठबन्धनले प्रभाव बढाएको छ । मोरङमा प्रतिनिधिसभाका ६ मध्ये तीन निर्वाचन क्षेत्रबाट वाम गठबन्धनका उम्मेदवार विजयी भएका छन् । मोरङ–६ मा वाम गठबन्धन र लोकतान्त्रिक गठबन्धनबीच ‘हेभिवेट’ प्रतिश्पर्धा थियो । नेकपा एमालेका लालबाबु पण्डित र नेपाली कांग्रेसका डा. शेखर कोइरालाबीच मुख्य प्रतिश्पर्धा रहेको यो क्षेत्रमा अन्ततः एमाले उम्मेदवार पण्डितले बाजी मारेका हुन् । पण्डित ३३ हजार ९४१ मत प्राप्त गरी निर्वाचित भए । उनका निकटतम प्रतिद्वन्द्वी नेपाली कांग्रेसका डा. शेखर कोइरालाले ३३ हजार २६६ मत प्राप्त गरे । त्यस्तै मोरङ –३ बाट एमालेका भानुभक्त ढकाल ४२ हजार ४१३ मत प्राप्त गरी विजयी भएका छन् । उनका निकटतम प्रतिद्वन्द्वी कांग्रेसका सुनिल शर्माले ४० हजार ५०६ मत प्राप्त गरे । त्यस्तै मोरङ १ मा पनि वाम गठबन्धनकै घनश्याम खतिवडा निर्वाचित भएका छन् । खतिवडाले ३७५२४ मत ल्याए भने उनका निकटतम प्रतिश्पर्धी कांग्रेसका डिकबहादुर लिम्बुले ३१४३६ मत पाए ।

काठमाडौं, मंसिर २३ । प्रतिनिधिसभा र प्रदेशसभाको जारी मतगणनामा प्रतिनिधिसभातर्फ नेपाली कांग्रेसले विजयको सुरुवात राजधानीबाट गरेको छ । वाम गठबन्धनले अघिल्लै दिन खाता खोलिसकेको अवस्थामा कांग्रेसले भने बल्ल जितको स्वाद पाएको हो । काठमाडौं क्षेत्र नम्बर १ मा नेपाली कांग्रेसका प्रकाशमान सिंह र क्षेत्र नम्बर ४ मा गगन थापा विजयी भएका छन् । क्षेत्र नम्बर १ मा कांग्रेस उम्मेदवार सिंहले निकटम प्रतिद्वन्द्वी विवेकशील साझा पार्टीका रविन्द्र मिश्रलाई पराजित गरेका हुन् । सिंहले १० हजार ९ सय ३६ मत ल्याए भने मिश्रले १० हजार १ सय १८ मत ल्याए । क्षेत्र नम्बर ४ मा कांग्रेसका थापाले २१५५८ मत पाउँदा वाम गठबन्धनतर्फबाट उम्मेदवारी दिएका नेकपा एमालेका राजन भट्टराईले १८१४० मत पाए ।  

ललितपुर मंसिर २३ । ललितपुर क्षेत्र नम्बर २ बाट नेकपा एमालेका कृष्णलाल महर्जन प्रतिनिधिसभा सदस्यमा निर्वाचित भएका छन् । महर्जनले २७ हजार ७१३ मत प्राप्त गरी विजयी भएका हुन् । उनका निटकतम प्रतिस्पर्धी नेपाली कांग्रेसका चन्द्र महर्जनले १६ हजार ९४५ मत प्राप्त गरेका छन् । कांग्रेसका चन्द्र महर्जन २०७० को निर्वाचनमा सोही क्षेत्रबाट निर्वाचित भएका थिए भने एमालेका कृष्णलाल चन्द्रसँगै पराजित भएका थिए । यसअर्थमा उनले यसपटक कांग्रेस र चन्द्रसँग बदलासमेत लिएका छन् । ललितपुरका अन्य दुई क्षेत्रको मतगणना जारी छ । क्षेत्र नं. १ मा एमालेका उम्मेदवार नवराज सिलवाल र क्षेत्र नं. ३ का माओवादी केन्द्रका उम्मेदवार पम्फा भुसालले अग्रता लिइरहेका छन् । क्षेत्र नं. १ बामगठबन्धनका उम्मेदवारः नवराज सिलवाल ८९८६ नेपाली कांग्रेसका उम्मेदवारः उदय शम्सेर राणा ७१६४  

ललितपुर, मंसिर २३ । उपत्यकामा माओबादी केन्द्रले खाता खोलेको  छ । मंसिर २१ गते सम्पन्न प्रतिनिधि सभा निर्वाचनमा ललितपुर क्षेत्र नं.३ का बाम गठबन्धनका साझा उम्मेदवार पम्फा भुसाल बिजयी भएकी छिन । क्षेत्र नं.३ मा १७०७ मन अन्तर सहित भुसालले जित हासिल गरेकी हुन् । भुसालले २४ हजार ३६ मत ल्याउदा कांग्रेसका मदन अमात्यले २२ हजार ३ सय २९ मत प्राप्त गरेका छन् ।

बैतडीमा वाम उम्मेदवार पूर्व अर्थ राज्यमन्त्री दामोदर भण्डारीले १० हजार बढ़ीको अग्रता लिएका छन ।   आज बिहान ४ बजेसम्मको मत परिणाम अनुसार भण्डारी नेपाली कांग्रेसका नर बहादुर चन्दभंदा १०२६६ मतले अगाडि छन ।   बैतडीको पछिल्लो ताजा अपडेट : प्रतिनिधि सभा जम्मा खसेको मत:- ७६३४३ सुर्य:- 30188 रूख:- 19922 ताराजु:- 205 चारकुना हलो:- 185 गिलास:- 100 बदर मत:- २३७९

धादिङ, मंसिर २३। धादिङको प्रतिनिधिसभा निर्वाचन क्षेत्र नम्बर–१ को प्रदेशसभा ‘क’मा नेकपा एमालेका राजेन्द्रप्रसाद पाण्डे २७ हजार ३३२ मत प्राप्त गरी विजयी भएका छन् । वाम गठबन्धनबाट उम्मेदवार बनेका पाण्डेले लोकतान्त्रिक गठबन्धनका उम्मेदवार नेपाली कांग्रेसका मधुकुमार श्रेष्ठलाई १३ हजार ६८५ मतान्तरले पराजित गरेका हुन् । पाण्डेका निकटतम् प्रतिद्वन्द्वी मधुकुमार श्रेष्ठले १३ हजार ६४७ मत ल्याए । यहाँ कुल ४३ हजार ५६४ मत खसेको थियो ।

भरतपुर, चितवनका तीन वटै निर्वाचन क्षेत्रमा वाम उम्मेदवारले अग्रता लिएका छन । अहिले बिहानसम्मको सार्वजनिक नतीजा अनुसार क्षेत्र नम्बर ३ बाट प्रचण्डले हजार बढ़ीले आगाड़ी छन । पछिल्लो नतीजा १ #प्रदेश क बाम -३८५० रुख -३८३१ २ #प्रतिनिधिसभा तर्फ सुर्य २६२६ रुख १२३० #प्रदेश क बाम ४६२६ रुख २८७५ ३ #प्रतिनिधिसभा प्रचण्ड ३०५७ (११३०) अग्रता पाण्डे १९२७ #प्रदेश ख, बाम ३५९६ (९११) रुख २६८५ क्षेत्र नम्बर तीनमा राती अरुणोदय ख र साझापुर को मतगणना भएको हो ।  यसपछि गंगानगर ख र कृष्णनगरको मतगणना हुनेछ। गंगानगर प्रचण्डको बलियो मत भएको क्षेत्र हो ।  

रोल्पा, मंसिर २२ । प्रतिनिधि सभातर्फ जम्मा गणनामतः १९३१० १ नेकपा माओवादी केन्द्रका उमेद्वार वर्षमान पुन मगर‘ ‘अनन्त’ः ११४०५ २ नेपाली कांग्रेसका उमेद्वार अमरसिंह पुन मगरः ५६३६ प्रदेश सभा ‘क’ तर्फ रोल्पा १ जम्मा गणनामतः २ नेकपा माओवादी केन्द्रका उमेद्वार कुलप्रसाद केसी ‘सोनाम’ ः ४७८४ १ नेपाली कांग्रेसका उमेद्वार शेरबहादुर महराः ३२९९ प्रदेश सभा ‘ख’ तर्फ रोल्पा २ जम्मा गणनामतः २ नेकपा माओवादी केन्द्रका उमेद्वार दिपेन्द्र कुमार पुनमगर ‘सिजल’ : ७१०४ १ नेपाली कांग्रेसका उमेद्वार खगेन्द्र प्रकाश हमालः २३३५

जुम्ला, मंसिर २२ । जुम्लाको प्रदेशसभा ‘क’मा वाम गठबन्धनका उम्मेदवार नेकपा माओवादी केन्द्रका पोलिटब्युरो सदस्य नरेश भण्डारी विजयी भएका छन्। उनले ४०३९ मतान्तरले प्रतिस्पर्धी नेपाली कांग्रेसका उम्मेदवार राजुसिंह कठायतलाई पराजित गरेका हुन । भण्डारीले १२५७४ मत ल्याएर विजयी हुँदा उनका निकटतम प्रतिद्वन्द्वी कांग्रेसका उम्मेदवार कठायतले ८५३४ मत प्राप्त गरे । भण्डारी माओवादी निकट नेपाल राष्ट्रिय बुद्धिजीवी संगठनका केन्द्रीय अध्यक्षसमेत हुन । कुल ३१ हजार ७१४ मत रहेको प्रदेशसभा ‘क’मा २३ हजार ६२९ मत खसेको थियो।

लहान, मंसिर २२ । प्रारम्भिक मतगणनाअनुसार सिरहामा प्रतिनिधिसभा सदस्यतर्फ क्षेत्र नं ३ र ४ मा वाम गठबन्धनले अग्रता लिएको छ । क्षेत्र नं ३ मा वाम गठबन्धनका तर्फबाट एमालेका लीलानाथ श्रेष्ठले १२५३ मत ल्याएर अग्रता लिएका छन् । भने नेपाली काँग्रेसका अमर रेग्मीले १४०० मत ल्याएर पछ्याई रहेका छन् । त्यस्तै क्षेत्र नं ४ मा वाम गठबन्धनबाट माओवादी केन्द्रका अजयशंकर नायकले ९४३ मतसहित अगाडि रहेका छन् । उनलाई राष्ट्रिय जनता पार्टीका अध्यक्ष मण्डलका सदस्य राजकिशोर यादवले ४९९ सहित पछ्याई रहेका छन् ।

झापा, मंसिर २२ । झापा क्षेत्र नम्बर ५ मा नेकपा एमालेको अध्यक्ष केपी शर्मा ओलीले अग्रतालाई दोब्बर पारेका छन् । पछिल्लो पटक प्राप्त ताजा मतपरिणाम अनुसार ओलीले ४१४९ मत गरेर अगाडि छन् । भने ओलीका प्रतिस्पर्धी नेपाली कांग्रेसका खगेन्द्र अधिकारीले २०८४ मत ल्याएर धेरै पछाडि परेका छन् ।

कपिलवस्तु, मंसिर २२ । नेकपा माओवादी केन्द्रका प्रभावशाली नेता चक्रपाणी खनाल ‘बलदेव’ कपिलबस्तु क्षेत्र नं १ मा चार हजार २१८ मतगणना हुँदा ७३६ मतले अग्रता लिएका छन् । पछिल्लो मत परिणामअनुसार क्षेत्र नं १ मा वाम गठबन्धनका चक्रपाणि खनालले २२१९ मत प्राप्त गरेर अगाडि छन् भने उनलाई नेपाली कांग्रेसका दीपकुमार उपाध्यायले १४८३ ल्याएर पछ्याइ रहेका छन् । त्यस्तै क्षेत्र नं २ मा ६७३४ मतगणना हुँदा एमालेका वृजेशकुमार गुप्ताले ३४५० मत प्राप्त गरी अगाडि छन् भने उनलाई काँग्रेसका सुरेन्द्रराज आचार्यले २२२३ ल्याएर पछ्याइ रहेका छन् ।

बैतडी, मंसिर २२ । सुदूरपश्चिमको जिल्ला बैतडीमा नेपाली कांग्रेस निकै पछि परेको छ । प्रतिनिधि सभाका लागि एक निर्वाचन क्षेत्र र दुई प्रदेश सभामा वाम उम्मेदवार निकै अगाडि छन् । वाम–सुर्यः दामोदर भण्डारी १६४९९ लोकतन्त्रिक–रुख : नरबहादुर चन्द ११५१८ देशसभा (क) बाम–हसिया हतौडा : आदित्य भट्ट १५३८९ लोकतन्त्रिक–रुख : हरिमोहन भण्डारी १२३६२ (ख) बाम–सुर्य : लिलाधर भट्ट १७४४९ लोकतन्त्रिक–गाई : गणेश चन्द १२९६५

भरतपुर, मंसिर २२ । चितवन जिल्लाको क्षेत्र नम्बर १ को पछिल्लो परिणाम सार्वजनिक भएको छ । पछिल्लो परिणाम अनुसार, प्रतिनिधि सभा र प्रदेश सभामा वाम उम्मेदवारहरुको अग्रता छ । चितवन–१ मा १२४६ गन्दा एमाले : सुरेन्द्र पाण्डे– ७३६ नेका : राजेन्द्र बुर्लाकोटी– ४७१ प्रदेश सभा १ (क) मा १२७१ गन्दा एमालेः दावा दोर्जे लामा – ६४५ नेकाः धनबहादुर गुरुङ – ५७२ प्रदेश सभा १ (ख) मा १४५२ गन्दा एमालेः कृष्ण खनाल– ७०६ नेकाः उत्तम आचार्य– ६९१

बिराटनगर, पूर्वको मोरङमा वाम गठबन्धनले अग्रता लिएको छ । पछिल्लो मत परिणाम यसप्रकार छ । क्षेत्र नं. १ प्रतिनिधि सभा घनश्याम खतिवडा (वाम गठबन्धन) १३४४२ डिग बहादुर लिम्बु (नेपाली काङ्ग्रेस) १२००२   क्षेत्र नं २ प्रतिनिधि सभा रिशिकेस पोख्रेल (वाम गठबन्धन) ९४५५ मिलेन्द्र रिजाल (नेपाली काङ्ग्रेस) ८७३३   क्षेत्र नं ३ प्रतिनिधि सभा भानुभक्त ढकाल (वाम गठबन्धन) १७२२४ सुनिल शर्मा (नेपाली काङ्ग्रेस) १५८१६