काठमाडौं। स्थानीय तह निर्वाचन अन्तर्गत हालसम्म ७२८ पालिकाको नतिजा सार्वजनिक भएको छ। जसअन्तर्गत नेपाली कांग्रेसले ३१९ पालिका जितेको छ । नेकपा एमालेले १९८ पालिका जितेको भने नेकपा माओवादी केन्द्रले १२० पालिका जितेको छ । यसैगरी नेकपा एकीकृत समाजवादीले १०, जनता समाजवादी पार्टीले २१ र अन्य पार्टीले ६० पालिका जितेका छन् । सोमबार साँझ ६ बजेसम्म निर्वाचन आयोगको केन्द्रीकृत डेटामा समाविष्ट तथ्याङ्कअनुसार नेपाली कांग्रेसले १३२ पालिकामा प्रमुख पद जितेको छ भने ६ पालिकामा अग्रता लिएको छ । यस्तै, नेकपा एमालेले ७५ पालिकामा प्रमुख पद जितेको छ भने सात पालिकामा अग्रता लिएको छ । नेकपा माओवादी केन्द्रले २४ पालिकामा प्रमुख पद जितेको छ भने दुई पालिकामा अग्रता लिएको छ । नेकपा एकीकृत समाजवादीले १० पालिकामा प्रमुख पद जित्दा एक पालिकामा अग्रता कायम गरेको छ। अन्य पार्टीले २९ पालिकामा प्रमुख पद जितेको छ भने पाँच पालिकामा अग्रता बनाएको छ। ्गाउँपालिकातर्फ कांग्रेसले १८७ पालिकामा अध्यक्ष पद जितेको छ । एक पालिकामा अग्रता लिएको छ । एमालेले १२३ पालिकामा अध्यक्ष पद जितेको छ भने कुनै पालिकामा अग्रता लिएको छैन । माओवादी केन्द्रले ९६ पालिकामा अध्यक्ष पद जितेको छ भने कुनै पनि पालिकामा अग्रता लिएको छैन। जनता समाजवादी पार्टीले २१ पालिकामा अध्यक्ष पद जितको छ भने कुनै पालिकामा अग्रता लिएको छैन । अन्य पार्टीले ३१ पालिकामा अध्यक्ष पद जितेको भने एक पालिकामा अग्रता लिएको छ। कांगेसले १०४ पालिकामा उपप्रमुख पद जितेको छ भने ६ पालिकामा अग्रता लिएको छ। एमालेले १०२ पालिकामा उपप्रमुख पद जितेको छ । ११ पालिकामा अग्रता लिएको छ। माओवादी केन्द्रले ३३ पालिकामा उपप्रमुख पद जितेको छ भने कुनैपनि पालिकामा अग्रता लिएको छैन । जनता समाजवादीले ११ पालिकामा उपप्रमुख पद जितेर दुई पालिकामा अग्रता कायम राखेको छ। अन्य पार्टीले २१ पालिकामा उपप्रमुख पद जितेका छन् भने एक पालिकामा अग्रता लिएका छन्। कांग्रेसले १९० पालिकामा उपाध्यक्ष पद जितेको छ भने कुनै पालिकामा अग्रता बनाएको छैन । एमालेले १२५ पालिकामा उपाध्यक्ष पद जितेको छ भने एक पालिकामा अग्रता लिएको छ । माओवादी केन्द्रले ९५ पालिकामा उपाध्यक्ष पद जितेको छ भने कुनै पालिकामा अग्रता लिएको छैन । जनता समाजवादी पार्टीले १९ पालिकामा उपाध्यक्ष पद जितेको छ भने कुनै पालिकामा अग्रता बनाएको छैन । अन्यले २९ पालिकामा उपाध्यक्ष पद जितेका छन् भने एक पालिकामा अग्रता लिएका छन्। यस्तै, कांग्रेसले दुई हजार ६१५ वटा वडामा अध्यक्ष जितेर दुई वटा वडामा अग्रता लिइरहेको छ । एमालेले दुई हजार ९४ वटा वडा जित्दा कुनै वडामा वडामा अग्रता लिएको छैन । नेकपा माओवादी केन्द्रले एक हजार ४४ वटा वडामा अध्यक्ष जितेको छ। एक वटा वडामा उसले अग्रता लिइरहेको छ। यस्तै, जनता समाजवादी पार्टीले २८३ वटा वडामा अध्यक्ष जितेको छ भने कुनै वडामा अग्रता लिएको छैन । अन्यले ५७७ वटा वडा जितेका छन् भने दुई वटामा अग्रता लिएका छन्।

काठमाडौं । शिक्षा, विज्ञान तथा प्रविधि मन्त्रालयले आगामी शैक्षिक सत्रबाट कक्षा ८ सम्म दिवा खाजाको व्यवस्थापनको प्रस्ताव अगाडि सारेको छ । आगामी आर्थिक वर्ष २०७९र८० को बजेटमा शिक्षा, विज्ञान तथा प्रविधिमन्त्री देवेन्द्र पौडेलले आगामी शैक्षिक सत्रबाट दिवा खाजा कक्षा ८ बनाउन प्रस्ताव गरेको बताए । हाल कक्षा ५ सम्म दिवा खाजाको व्यवस्था छ ।   मन्त्री पौडेलले शिक्षामा उपलब्ध गराएको बजेट सिलिङ निकै कम भएकोले कुल राष्ट्रिय बजेटको कम्तीमा १५ प्रतिशत रकम उपलब्ध गराइदिन अनुरोध गरेको जानकारी दिए । आगामी वर्षको बजेट कार्यक्रममार्फत शिक्षामा तीन प्रकारको सुधार गरिने मन्त्री पौडेलले बताए । उनले भने, ‘कानुनी सुधार, शिक्षण सिकाइमा सुधार र पूर्वाधारमा सुधार गर्न चाहेका छौँ ।’ मनाङ, मुस्ताङ लगायतका दुर्गम क्षेत्रमा विद्यार्थी संख्या निकै कम भएको र त्यस्ता स्थानमा विद्यालय गाभ्ने कानुनी व्यवस्था पनि ल्याउने, यातायात व्यवस्था गरिने र हरेक प्रदेशमा कम्तीमा एउटा आवासीय विद्यालय स्थापनाको योजना बजेटमार्फत ल्याइने मन्त्री पौडेलले बताए । सबै जिल्लामा प्राविधिक शिक्षा विस्तार गर्ने योजना रहेको र त्यसका लागि पाँच हजार विद्यालय निर्माण गरिने बताए । कानुन मन्त्रालयमा रहेको संघीय शिक्षा ऐन संसद अधिवेशनमार्फत अगाडि बढाइने मन्त्री पौडेलले जानकारी दिए ।

काठमाडौं । राष्ट्रपति विद्यादेवी भण्डारीले मङ्गलबार अपराह्न ४ बजे सङ्घीय संसद्को दुवै सदनको संयुक्त बैठकलाई सम्बोधन गर्ने भएकी छन् । सङ्घीय संसद्का महासचिव डा.भरतराज गौतमले सो जानकारी दिए। राष्ट्रपतिद्वारा नेपाल सरकारको आगामी आर्थिक वर्षको वार्षिक नीति तथा कार्यक्रम संयुक्त सदनलाई सम्बोधन गर्नेछिन्। राष्ट्रपतिले संयुक्त सदनलाई सम्बोधन गरेपछि संसद्को दोस्रो बैठक पुनः साँझ ६ बजे बस्ने कार्यसूची छ । सो बैठकमा प्रधानमन्त्री शेरबहादुर देउवाले संसद्को दुवै सदनको संयुक्त बैठकलाई राष्ट्रपतिद्वारा गरिएको सम्बोधनको प्रति सदनमा टेबल गर्नु हुनेछ । संयुक्त सदनलाई सम्बोधन गरेकोमा राष्ट्रपतिप्रति हार्दिक धन्यवाद ज्ञापन गर्ने कार्यसूची रहेको छ।

काठमाडौं ।लुम्बिनीको भैरहवास्थित गौतमबुद्ध अन्तर्राष्ट्रिय विमानस्थलमा अवतरण गरेको जजिरा एयरलायन्सको विमान चरासँग ठोक्किंएकाले फर्कन सकेको छैन् । आइतबार राती २ बजे १ सय २१ यात्रु लिएर भैरहवा विमानस्थलमा अवतरण गर्ने क्रममा विमान चरासँग ठोक्किंएको जनाइएको छ। आइतबार राती नै यताबाट फर्कनुपर्ने विमान अहिलेसम्म फर्कन नसकेको हो। चरा ठोक्किएपछि विमान फर्किन नसकेको हो । विमानको ककपिट अगाडिको सिसामा रगत लागेको देखिएको तर चरा कतै विमानस्थलमा नदेखिएकाले विमानको इन्जिनमै छिरेको आशंकामा चेक जाँचका लागि विमान होल्ड गरिएको विमानस्थलले जनाएको छ। काठमाडौंबाट गएका प्राविधिकहरूले विस्तृत रुपमा चेकजाँच गरेपछि मात्र विमान उडान गरिने बताइएको छ।

बाजुरा। बाजुराको बूढीगङगा नगरपालिकाको मतगणना अझै पनि अन्यौलनै भएको छ । निर्वाचन आयोगले मतगणना गर्ने या पुनःमतदान गर्ने भन्ने निर्णय गर्न नसक्दा १० दिनपछि पनि मतगणना अझै अन्यौलमै रहेको हो । बूढीगङगा नगरपालिकाको २,३,४,५ र ९ मा एकलौटी मतदान गरेको भन्दै निर्वाचन आयोगमा उजुरी आएपछि मतगणना कार्य रोकिएको जिल्ला निर्वाचन कार्यालय बाजुराले जनाएको छ । निर्वाचन आयोगका सुगन सम्शेरजंग राणाको नेतृत्वमा प्रमखु जिल्ला अधिकारी उपेन्द्रराज पौड्याल ,मुख्य निर्वाचन कार्यालय बाजुराका माधव प्रसाद घिमिरे, निर्वाचन कार्यालय प्रमुख वनराज अवस्थी जिल्ला प्रहरी कार्यालय बाजुराका प्रमुख चतुर्भज ओझा लगायतको टोलीले बाजुराको बूढीगङगा नगरपालिकाका ती मतदान स्थलको प्रत्यक्ष अनुगमन गरेका थिए । बूढीगङगा नगरपालिका वडा नम्बर २,३,४,५,९ र १० मा फर्जि मत हालेको विवादमा धाँधली भएको आरोप छ । वडा २,३,५,९ मा एमाले र वडा ४ र ७ मा काँग्रेसका कार्यकर्ताले एकलौटी मतदाना गरेको स्थानीयको आरोप छ । बूढीगङगा नगरपालिको ३० गतेका दिनमा गरेको मतदानको मतगणना गर्ने की पुनः चुनाव गर्ने भन्ने विषयमा आयोगबाट पनि अहिलेसम्म कुनै निर्णय नआएको जिल्ला निर्वाचन कार्यालय बाजुराले जनाएको छ । निर्वाचन आयोग नेपालको २०७९ साल जेष्ठ ५ गतेको विज्ञप्ती मार्फत बूढीगङगा नगरपालिकामा चुनाव गर्ने या मतगणना गर्ने विषयमा कुनै निर्णय नभएको जनाएको छ । बैशाख ३० गते भएको स्थानीय तहको निर्वाचनमा बाजुराको हिमाली, जगनाथ, स्वामिकार्तिक, बूढीनन्दा, बडिमालिका,गोमुल, छेडेदह र त्रिवेणी लगायतका स्थानीय तहमा मतगणना सम्पन्न भएपनि बूढीगङगा नगरपालिकाको भने अँझै गणना हुन सकेको छैन् । बाजुराका नौ वटै स्थानीय तह मध्ये सात वटा स्थानीय तहमा अनुशासित् तरिकाले चुनाव सम्पन्न भएको थियो । बाजुराको बूढिनन्दा र बूढीगङगा नगरपालिकामा भने मतदान गर्ने क्रममै धाँधली भएको आरोपमा यहाँको मतगणना रोकिएको हो । बूढीगङगा नगरपालिका १० मा भने विवाद भएपनि एमाले र काँग्रेसका कार्यकर्ता विच दुवैको सहमतिमा धाँधली भएको केही समय पछि मतदान सुरु भएको थियो । त्यसै गरी बूढीनन्दा नगरपालिकाको वडा नं ९ मा मतदान गर्ने क्रममा धाँधली भएपछि चुनाव स्थगित भएको थियो । बूढीनन्दा नगरपालिका वडा नं ९ को चुनाव स्थगित भएपछि अन्य वडाको मत मतगणना भने रोकिएको थियो । बूढीनन्दा नगरपालिका वडा न। ९ मा जेष्ठ ३ गते पुन चुनाव भएपछि मात्र अन्य वडाको मतगणना भएको हो । चुनाव सम्पन्न भएका बाजुराका हिमाली, स्वामिकार्तिक, त्रिवेणी, नेपाली काँग्रेस र जगनाथ, बूढीनन्दा, गौमुल छेडेदह, बडिमालिका एमालेले जितेको निर्वाचन कार्यालय बाजुराले जनाएको छ ।

काठमाडौं। स्थानीय तह निर्वाचनअन्तर्गत हालसम्म ७०१ पालिकाको नतिजा सार्वजनिक भएको छ। जसअन्तर्गत नेपाली काँग्रेसले ३११ पालिका जितेको छ भने नेकपा एमालेले १८८ पालिका जितेको छ। यसैगरी, नेकपा माओवादी केन्द्रले १२० पालिका जित्दा नेकपा एकीकृत समाजवादीले नौ, जनता समाजवादी पार्टीले २० र अन्य पार्टीले ५३ पालिका जितेका छन्। आइतबार बिहान ११ बजेसम्म निर्वाचन आयोगको केन्द्रीकृत डाटामा समाविष्ट तथ्याङ्क अनुसार नेपाली काँग्रेसले १२६ पालिकामा प्रमुख पद जितेको छ भने १० पालिकामा अग्रता लिएको छ। यस्तै, नेकपा एमालेले ६७ पालिकामा प्रमुख पद जितेको छ भने १५ पालिकामा अग्रता लिएको छ। नेकपा माओवादी केन्द्रले २४ पालिकामा प्रमुख पद जितेको छ भने दुई पालिकामा अग्रता लिएको छ। यस्तै, नेकपा एकीकृत समाजवादीले नौ पालिकामा प्रमुख पद जितेको छ भने दुई पालिकामा अग्रता कायम गरेको छ। यस्तै, अन्य पार्टीले २५ पालिकामा प्रमुख पद जितेको छ भने ११ पालिकामा अग्रता बनाएको छ। गाउँपालिकातर्फ कांग्रेसले १८५ पालिकामा अध्यक्ष पद जितेको छ भने तीन पालिकामा अग्रता लिएको छ। एमालेले १२१ पालिकामा अध्यक्ष पद जितेको छ भने दुई पालिकामा अग्रता लिएको छ। माओवादी केन्द्रले ९६ पालिकामा अध्यक्ष पद जितेको छ भने कुनै पनि पालिकामा अग्रता लिएको छैन। जनता समाजवादी पार्टी ९जसपा०ले २० पालिकामा अध्यक्ष पद जितेर एक पालिकामा अग्रता लिएको छ। यस्तै, अन्य पार्टीले २८ पालिकामा अध्यक्ष पद जितेको भने चार पालिकामा अग्रता लिएको छ। यस्तै, काँगेसले ९५ पालिकामा उपप्रमुख पद जितेको छ भने १३ पालिकामा अग्रता लिएको छ। यस्तै, एमालेले ९२ पालिकामा उपप्रमुख पद जितेको छ भने २० पालिकामा अग्रता लिएको छ। माओवादी केन्द्रले ३२ पालिकामा उपप्रमुख पद जितेर चार पालिकामा अग्रता लिएको छ। जनता समाजवादीले ११ पालिकामा उपप्रमुख पद जितेर एक पालिकामा अग्रता कायम राखेको छ। अन्यले २० पालिकामा उपप्रमुख पद जितेका छन् भने तीन पालिकामा अग्रता लिएका छन्। यस्तै, काँग्रेसले १८९ पालिकामा उपाध्यक्ष पद जितेको छ भने एक पालिकामा अग्रता बनाएको छ। एमालेले १२२ पालिकामा उपाध्यक्ष पद जितेको छ भने चार पालिकामा अग्रता लिएको छ। माओवादी केन्द्रले ९४ पालिकामा उपाध्यक्ष पद जितेको छ भने एक पालिकामा अग्रता लिएको छ। जनता समाजवादी पार्टीले १८ पालिकामा उपाध्यक्ष पद जितेको छ भने एक पालिकामा अग्रता बनाएको छ। अन्यले २७ पालिकामा उपाध्यक्ष पद जितेका छन् भने तीन पालिकामा अग्रता लिएका छन्। यस्तै, काँग्रेसले दुई हजार ५४३ वटा वडामा अध्यक्ष जितेर १० वटा वडामा अग्रता लिइरहेको छ। एमालेले दुई हजार ४६ वटा वडा जित्दा नौ वडामा अग्रता लिइरहेको छ। नेकपा माओवादी केन्द्रले एक हजार २९ वटा वडामा अध्यक्ष जितेको छ। तीन वटा वडामा उसले अग्रता लिइरहेको छ। यस्तै, जनता समाजवादी पार्टीले २७१ वटा वडामा अध्यक्ष जितेको छ भने पाँच वटा वडामा अग्रता लिइरहेको छ। अन्यले ५५९ वटा वडा जितेका छन् भने दुई वटामा अग्रता लिएका छन्।

काठमाडौं। बलात्कारसम्बन्धी कानुन संशोधनको माग गर्दै नेपाल विद्यार्थी सङ्घले कानुन, न्याय तथा संसदीय मामिलामन्त्रीलाई ज्ञापन बुझाएका छन् । नेपालको फौजदारी संहिता, २०७४ मा व्यवस्था भए बमोजिम बलात्कारसम्बन्धी कानुनमा बलात्कारविरुद्ध मुद्दा दर्ता गर्न पाउने हदम्याद संशोधन गर्न तथा उक्त कानुनमा बलात्कारको परिभाषा र प्रमाण सङ्कलनमा सुधार गर्न मागसहित आइतबार बिहान पत्र बुझाएको हो । नेपाल विद्यार्थी सङ्घका अध्यक्ष दुजाङ शेर्पासहितको टोलीले कानुन, न्याय तथा संसदीय मामिलामन्त्री गोविन्दप्रसाद शर्मा (कोइराला) मन्त्रीनिवास हरिहरभवन, पुल्चोक पुगेर ज्ञापनपत्र बुझाएको हो ।

धनगढी। २०७२ को टीकापुर घट्नाको दोषी ठहर भएर जेल जीवन विताइरहेका रेशम चौधरी संरक्षक रहेको नागरिक उन्मुक्ति पार्टी कैलालीको ठूलो दल भएको छ । सो पार्टी चौधरीकी पत्नी रञ्जिता श्रेष्ठको अध्यक्षतामा गठन भएको हो । १३ वटा पालिका रहेको कैलालीमा पालिका प्रमुख जितेको हिसावमा सो पार्टी ठूलो दल बनेको हो । नागरिक उन्मुक्तिले चार पालिका जितेर आफूलाई कैलालीको ठूलो दल बनाएको हो । सो पार्टीले टीकापुर नगरपालिका, भजनी नगरपालिका, जोशीपुर र जानकी गाउँपालिका जितेको हो । नागरिक उन्मुक्ती पार्टीपछि नेपाली काँग्रेस दोस्रो ठूलो दल बनेको छ । काँग्रेसले गोदावरी नगरपािलका, लम्कीचुहा नगरपालिका र कैलारी गाउँपालिका जितेको छ । २०७४ को स्थानीय चुनावमा सात पालिका जितेको नेकपा (एमाले) दुई पालिका प्रमुखमा मात्रै जितेको छ । गत चुनावमा दुई पालिका मात्रै जितेको माओवादीले दुई पालिका फेरि जिते पनि आफ्नो आधार क्षेत्र भनेको कैलारी गाउँपालिका र भजनी नगरपालिका गुमाएको छ । नयाँ दल नेकपा (एकीकृत समाजवादी)ले भने एउटा मात्रै घोडाघोडी नगरपालिका जितेको छ । चुरे गाउँपालिका प्रमुख पनि पाएको समाजवादीले २३ मतले सो पालिका गुमाउनु परेको छ । मतदाता शिक्षाको कमीले आफ्नो दलले चुरेको प्रमुख र गोदावरी नगरपालिकाको उपप्रमुख र केही जित्नै पर्ने वडा गुमाएको एकीकृत समाजवादीका कैलाली उपसचिव दीर्घ जोशीले बताउनुभयो । प्रमुखरउपप्रमुखको संख्या जोड्दा भने काँगेस नै ठूलो पार्टी बनेको छ । काँग्रेसका प्रमुख–उपप्रमुखको संख्या आठ छ भने नागरिक उन्मुक्ती पाटी सात रहेको छ । यस्तै एमाले प्रमुख–उपप्रमुखको संख्या पाँच छ भने नेकपा (माओवादी केन्द्र)को चार छ । वडाको हिसावमा भने काँग्रेस निक्कै ठूलो दल भएको छ । १२६ मध्ये सबैभन्दा धेरै वडा काँग्रेसले जितेको छ ।

सल्यान । नेकपा (माओवादी केन्द्र) बागचौर नगर कमिटीले पूर्व नगरप्रमुख तथा प्रदेश कमिटी सदस्य लोकमान बुढाथोकीलाई कारवाहीका लागि प्रदेश कमिटीमा सिफारिस गरेको छ । गएको वैशाख ३० गते सम्पन्न स्थानीय तह निर्वाचनमा पार्टीका उम्मेदवार हराउन अन्तर्घात गरेको भन्दै कारबाहीका लागि जिल्ला समन्वय समिति मार्फत प्रदेश कमिटीमा सिफारिस गरिएको माओवादी केन्द्रले जनाएको छ । नगर कमिटी अध्यक्ष शोभाराम भण्डारीले पार्टीले अघि सारेका उम्मेदवार हराउन नगरपालिकाका सबै वडामा सबै किसिमका योजनामा सहभागी भएको पाइएकाले लोकमान बुढाथोकीलाई कारबाहीका लागि सिफारिस गर्ने निर्णय गरिएको नेकपा (माओवादी केन्द्र) बागचौरले जनाएको छ । स्थानीय तह निर्वाचनमा पार्टीका तर्फबाट अघि सारिएका उम्मेदवार हराउन संलग्न रहेको प्रमाणसमेत भेटिएको निर्णयमा उल्लेख छ । नेकपा माओवादी बागचौर नगर समितिको आयोजनामा भएको पत्रकार सम्मेलनमा माओवादी केन्द्रका जिल्ला समन्वय समिति अध्यक्ष शोभाराम भण्डारीले बताए। उनले आफूहरूको जनधार बलियो भएको भएपनि पूर्व नगरप्रमुख प्रदेश कमिटी सदस्य समेत रहेका लोकमान बुढाथोकीले योजनाबद्ध रुपमा सबै वडामा पाटीका आधिकारी उम्मेदवार हराउन लागेकोले पराजय हुनु परेको बताएका छन् । उनले भने, “जनताले माओवादीलाई विश्वास गरेको भएपनि लोकमान बुढाथोकीले सबै वडामा आ–आफ्नो शक्ति परिचालन गरेर चुनावको नतिजा विपक्षमा गएको हो ।” नेकपा माओवादी बागचौर नगर कमिटीको बैठकले नगर समिति सदस्य डिल्ली वलीलाई पार्टीको साधारण सदस्य नरहने गरी निष्कासन गरेको जनाएको छ । यस्तै सबै वडा पार्टीका उम्मेदवार हराउन सहभागी हुनेहरूको विषयलाई छानबिन गर्न नगर उपाध्यक्ष मोहन बुढाथोकीको संयोजकत्वमा ७ सदस्यीय समिति गठन गरेको जनाएको छ । समितिका सदस्यहरूमा मदन बस्नेत, पूर्णबहादुर वटाला,ईन्द्रवहादुर भण्डारी, नोखिराम बस्नेत ,धनेन्द्र विमल वली रहेका छन् । समितिले वडामा भएको अन्तर्घात र संलग्नको छानबिन गरी कारबाहीका लागि समितिमा सिफारिस गर्ने छ ।

काठमाडौं । विशेष गरी एमाले नेतृत्वको सरकारले सामाजिक सुरक्षाभत्तालाई भोट राजनीतिमा प्रयोग गर्दै आएकोमा प्रधानमन्त्री शेरबहादुर देउवाले पनि त्यसलाई निरन्तरता दिन लागेका छन्। मुलुकको अर्थतन्त्रको क्षमताअनुसार सामाजिक सुरक्षाभत्ताको दायरा बढाउन कठिन भए पनि वर्तमान सरकारले ६५ वर्ष पुगेका नागरिकलाई वृद्धभत्ता वितरणको तयारी गरेको छ। आर्थिक वर्ष २०७९/८० को बजेटमा ६५ वर्ष पुगेका नागरिकलाई वृद्धभत्ता दिने तयारी गरिएको हो। अहिले ७० वर्ष पुगेका नागरिकले मासिक ४ हजार वृद्धभत्ता पाउँछन्। सरकारले ६५ वर्ष उमेरमाथिका नागरिकलाई सामाजिक सुरक्षा भत्ता दिँदा राज्यलाई वार्षिक करिब ३० अर्ब रुपैयाँ भार थपिने अर्थ मन्त्रालयका अधिकारी बताउँछन्। राष्ट्रिय परिचयपत्र तथा पञ्जीकरण विभागका अनुसार अहिले मुलुकभर सामाजिक सुरक्षा भत्ता प्राप्त गर्ने लाभग्राहीको संख्या करिब साढे ३४ लाख छ।

काठमाडौं । नेकपा माओवादी केन्द्रका नेता तथा पूर्व सांसद रामनारायण बिडारीले गठबन्धनबाट पार्टीलाई फाइदा–बेफाइदा भन्दा पनि कम्युनिस्टको खोल ओडेर प्रतिगामी काम गर्नेहरूलाई सबक सिकाएको बताएका छन् । नेता बिडारीले भने,“मत परिणामले गठबन्धनलाई फाइदा–बेफाइदाभन्दा पनि कम्युनिस्टको खोल ओडेर प्रतिगामी काम गर्नेहरूलाई सबक सिकाउन सफल भएको छ, सम्रगमा गठबन्धन सफल भयो भन्छु ।” पाँच दल मिल्दा पनि धेरै ठाउँमा त गठबन्धनलाई एमालेले झापड हान्यो नि भन्ने प्रश्नमा नेता बिडारीले भने,“ तपाईले भनेको कुरामा यसो हो, भोट भन्ने कुरा मत भन्ने कुरा नआउने, शून्य हुने भन्ने हुँदैन, ठाउँ–ठाउँमा हिजोका पञ्च चुनाव लडेर जितेका छन त्यसको मतलब के अब पञ्चायत फुर्काउनुपर्छ भनेको हो र ? ।” उनले पाँच दल एकातिर एमाले एकातिर नभएर प्रतिगामी सात दल एकातिर पाँच दलीय गठबन्धन अर्कोतिर भएको दाबी गरेका छन् ।

विराटनगर । प्रदेश १ मा हालसम्म मतगणना भएका १२३ वटा पालिकामध्ये २९ पालिकाका  तथा अध्यक्ष पुरानै अनुहार दोहोरिएका छन् । यस्तै १७ जना पुरानै उपप्रमुख तथा उपाध्यक्ष दोहोरिएका छन् । एमालेका ११ जना प्रमुख, उपप्रमुख र ९ उपप्रमुख, उपाध्यक्षमा पुरानै अनुहार दोहोरिँदा काँग्रेसका ११ जना प्रमुख, अध्यक्ष र ६ जना उपप्रमुख, उपाध्यक्षमा पुरानै अनुहार दोहोरिएका छन् । यस्तै माओवादी केन्द्रका ४ जना अध्यक्ष र २ जना उपाध्यक्षमा पुरानै अनुहार दोहोरिएका छन् । नेकपा एकीकृत समाजवादीका २ जना र राप्रपाबाट १ जना प्रमुख , अध्यक्षमा दोहोरिएका छन् । हाल मतगणना बाँकी रहेको मोरङको रंगेली नगरपालिकामा पनि पुरानै अनुहार दोहोरिने सम्भावना छ । रंगेलीका प्रमुखका उम्मेदवार दिलिप अग्रवाल प्रतिस्पर्धीको भन्दै धेरै मतले अग्रता लिइरहेका छन् । उनी नेकपा एमालेबाट उम्मेदवार बनेका हुन् । पुनः विजयी बनेका प्रमख र उपप्रमुखहरु झापा कन्काइ अध्यक्षः राजेन्द्रकुमार पोखरेल (एमाले) झापा गाउँपालिका अध्यक्षः जयरानायण साह (काँग्रेस) हल्दीबारी गाउँपालिका अध्यक्षः रविन्द्र लिङ्देन इलाम सूर्योदय नगरपालिका प्रमुखः रणबहादुर राई (नेकपा एकीकृत समाजवादी) देउमाइ नगरपालिका प्रमु्खः सूर्यप्रसाद पोखरेल (एमाले) उपप्रमुखः पविमाया राई (एमाले) पाँचथर हिलिहाङ गाउँपालिका उपाध्यक्षः सुमित्रा उप्रेती सेढाई (एमाले) ताप्लेजुङ पाथीभरा याङ्बरक गाउँपालिका अध्यक्षः केशरकुमार सुब्बा (एमाले) उपाध्यक्षः रनमाया गुरुङ (एमाले) संखुवासभा पाँचखपन गाउँपालिका अध्यक्षः विपिन राई (काँग्रेस) चिचिला गाउँपालिका अध्यक्षः पासाङ नुर्बु शेर्पा (काँग्रेस) तेह्रथुम म्याङलुङ नगरपालिका प्रमुखः सञ्जयकुमार तुम्बाहाम्फे (एमाले( लालिगुराँस नगरपालिका अध्यक्षः अर्जुन माबुहाङ (काँग्रेस) छथर गाउँपालिका अध्यक्षः सन्तवीर लिम्बू (एमाले) उपाध्यक्षः तारा खरेल (एमाले) मेन्छ्याङ गाउँपालिका अध्यक्षः यादव बहादुर खापुङ (एमाले) उपाध्यक्षः गीतादेवी तिम्सिना (काँग्रेस) भोजपुर भोजपुर नगरपालिका अध्यक्षः कैलाश कुमार आले (काँग्रेस) अरुण गाउँपालिका उपाध्यक्षः विनिता ढकाल (काँग्रेस) पौवादुम्मा गाउँपालिका अध्यक्षः किरण राई (एमाले) आमचोक गाउँपालिका अध्यक्षः अशोक राई (माओवादी) उपाध्यक्षः सीता राई (माओवादी) हतुवागढी गाउँपालिका अध्यक्षः प्रेमकुमार राई (एमाले) धनकुटा धनकुटा नगरपालिका प्रमुखः चिन्तन तामाङ (एमाले) सहिदभूमि गाउँपालिका अध्यक्षः मनोज राई (एमाले) उपाध्यक्षः रत्नेश्वरी राई (एमाले) महालक्ष्मी नगरपालिका उपप्रमुखः मञ्जु कुमारी कार्की (एमाले) उदयपुर उदयपुरगढी गाउँपालिका प्रमुखः मानबहादुर केप्छाकी मगर (नेकपा एकीकृत समाजवादी) लिम्चिङबुङ गाउँपालिका अध्यक्षः मेजरकुमार राई (माओवादी) ओखलढुंगा खिजिदिम्बा गाउँपालिका उपाध्यक्षः सुशीला तामाङ (काँग्रेस) चम्पादेवी गाउँपालिका अध्यक्षः नवराज केसी (काँग्रेस) चिशंखुगरी गाउँपालिका अध्यक्षः निशान्त शर्मा (माओवादी केन्द्र) खोटाङ बराहपोखरी गाउँपालिका अध्यक्षः शालिग्राम बञ्जरा (काँग्रेस) सोलुखुम्बु सोलुदुधकुण्ड नगरपालिका प्रमुखः नाम्गेल जाङ्गु शेर्पा (काँग्रेस) माप्य दूधकुण्ड गाउँपालिका अध्यक्षः बुद्धिकिरण राई (एमाले) खुम्बुपासाङ ल्यामु गाउँपालिका उपाध्यक्षः टासी ल्यामु शेर्पा (एमाले) महाकुलुङ गाउँपालिका उपाध्यक्षः विपना कुलुङ (काँग्रेस) थुलुङ दूधकोशी गाउँपालिका अध्यक्षः असिम राई (माओवादी) उपाध्यक्षः सविता राई (माओवादी) सुनसरी दुहबी नगरपालिका प्रमु्खः वेदनारायण गच्छदार (काँग्रेस) कोशी गाउँपालिका अध्यक्षः अयुव अन्सारी (काँग्रेस) उपाध्यक्षः अनिता देवी यादव (काँग्रेस) मोरङ लेटाङ नगरपालिका उपप्रमुखः कृष्णकुमारी निरौला (एमाले) रतुवामाइ नगरपालिका उपप्रमुखः दमयन्ता चुँडाल एमाले बुढीगंगा गाउँपालिका उपाध्यक्षः अमृता गच्छदार (कांग्रेस) धनपालथान गाउँपालिका उपाध्यक्षः नामिमा बानु (काँग्रेस)

चितवन। भरतपुर महानगरपालिकाको मेयरमा सत्ता गठबन्धनकी उम्मेदवार रेनु दाहालले अग्रता कायमै राखेकी छन्। ८९ हजार ४०८मत गन्दा उनको अग्रता ७ हजार ३८८ रहेको छ। पछिल्लो मत परिणाम अनुसार उनले ३५ हजार ४९ मत प्राप्त गरेकी छन्। एमाले र राप्रपाको साझा उम्मेदवार विजय सुवेदीले २७ हजार ६६१ मत पाएका छन्। अर्का प्रमुख पदका स्वतन्त्र उम्मेदवार जगन्नाथ पौडेलले ११ हजार ८२३ मत पाएका छन्। उपप्रमुख पदमा भने नेपाली काँग्रेसका चित्रसेन अधिकारी ३७ हजार २७३ मतका साथ अग्रस्थानमा छन्। अर्का प्रतिष्पर्धी राप्रपाकी हिमला गुरुङले २१ हजार ८८३ मत पाएकी छन्। महानगरको वडा नम्बर १९ को जारी मतगणनामा एमालेका उम्मेदवारले अग्रता कायम गरेका छन्। उनल ८८४ मत प्राप्त गर्दा निकटतम प्रतिष्पर्धी काँग्रेसका उम्मेदवारले ५२८ मत प्राप्त गरेका छन्। अहिले भरतपुरको वडा नम्बर १९ र २० को मत गणना भइरहको छ।

काठमाडौं । काठमाडौं महानगरपालिका मेयरमा वालेन साहले फराकिलो मतान्तरलाई कायमै राखेका छन् ।आइतबार बिहान ८ः ३० बजेसम्म १ लाख ४ हजार ५ मत गणना हुँदा साहले ३७ हजार ९ सय ४४ मतसहित फराकिलो अग्रता लिएका छन् । उनलाई नेपाली काँग्रेसकी उम्मेदवार सिर्जना सिंहले २१ हजार २ सय २४ मतसहित पछ्याइरहेको अवस्था छ । बालेन काँग्रेसकी सिंह भन्दा १६ हजार ७ सय २० मतको बढी छ । एमालेका उम्मेदवार केशव स्थापित काँग्रेसकी मेयर उम्मेदवार सिर्जना सिंहभन्दा पछाडि परेका छन् । उनले एमाले २० हजार ७ सय ४ मत पाएका छन् ।

कैलाली । कैलालीको धनगढी उपमहानगरपालिका मेयर स्वतन्त्र उम्मेदवार गोपाल हमाल बनेका छन् । आइतबार बिहान सार्वजनिक अन्तिम परिणाम अनुसार हमालले सत्ता गठबन्धनतर्फका नेपाली काँग्रेसका नृपबहादुर वडलाई पराजित गर्दै मेयर बनेका हुन् । हमाल २६ हजार ४४३ मतसहित विजयी हुँदा निवर्तमान मेयर समेत रहेका वडले १४ हजार १४६ मत पाए । हमाललाई राप्रपा र विवेकशील साझाले समर्थन गरेका थिए भने काँग्रेसका वडलाई माओवादी केन्द्र र एकीकृत समाजवादीको साथ थियो । तर हमालले वडलाई १२२९७ मतान्तरले पराजित गरेका हुन् । ०७४ को निर्वाचनमा वडसँग हमाल २७९७ मतले पराजित भएका थिए । वडले १४३२४ मत ल्याँदा हमालको ११ हजार ५ सय २७ मत मात्र आएका थियो । गठबन्धनको साथ हुँदा पनि यसपटक वडले ०७४ मा पाएको मतभन्दा १७८ मत कम पाए । प्रधानमन्त्री तथा काँग्रेस सभापति शेरबहादुर देउवाको गृह प्रदेश धनगढीमा हमाल निर्वाचित काँग्रेसलाई ठूलो धक्का लागेको छ । देउवा पत्नी तथा काँग्रेस नेतृ डा। आरजु राणाको निर्वाचन क्षेत्र रहेको हमालको जित संघीय चुनावका लागि थप चुनौती बनेको छ । राणा गत निर्वाचनमा एमाले उम्मेदवार नारदमुनी रानासँग पराजित भएकी थिइन् । गत निर्वाचनमा मेयर उपमेयर जितेको काँग्रेसले यसपटक दुवै पद गुमाएको छ । उपमेयरमा गठबन्धनलाई हराउँदै एमालेकी कन्दकलाकुमारी राना विजयी भएकी छन् । गठबन्धनबाट उम्मेदवार बनेकी माओवादी केन्द्रकी शान्ति अधिकारीलाई हराउँदै राना उपमेयर बनेकी छन् ।