काठमाडौं । स्थानीय तह निर्वाचन अन्तरगत जारी मत गणनामा अन्तिम परिणाम सार्वजनिक हुने क्रम जारी रहेको छ । निर्वाचन आयोगले जारी गरेको हालसम्म प्राप्त नतिजाको विवरण अनुसार नेपाली काँग्रेसले पहिलो स्थानमा छ भने नेकपा एमाले दोस्रो स्थानमा रहेको छ । त्यस्तै, नेकपा माओवादी केन्द्र तेस्रो स्थानमा रहेको छ । निर्वाचन आयोगले जारी गरेको नतिजाका लागि तलको लिङ्कमा क्लिक गरेर हेर्न सक्नुहुनेछ । निर्वाचन आयोगद्वारा जारी बिवरणका लागि यहाँ क्लिक गर्नुहोस:

काठमाडौं – मकवानपुरमा शनिबार साँझ भएको पिकअप भ्यान दुर्घटना हुँदा ४ जनाको मृत्यु भएको छ । दुर्घटनामा ४ जना घाइते भएका छन् । दुर्घटनामा घाइते भएकामध्ये ३ जनाको हेटौंडा अस्पतालमा र १ जनाको उपचारको क्रममा मृत्यु भएको हो । उनीहरूको अहिलेसम्म पहिचान नखुलेको जिल्ला प्रहरी कार्यालय मकवानपुरले जनाएको छ । घाइतेमध्ये चालकसहित ३ जनाको हेटौंडा र एक जनाको काठमाडौंमा उपचार भइरहेको छ । हेटौंडाबाट काठमाडौं आउँदै गरेको ना ४ च २३१५ नम्बरको गाडी शनिबार साँझ इन्द्रसरोवर गाउँपालिका वडा नम्बर-२ सिमखोलामा पुलको बारमा ठोक्किएको थियो ।

मोरङ । मोरङको रङ्गेलीमा मतगणनाको क्रममा मुचुल्का उठाइएको भन्दा १०८ मत बढी फेला परेपछि सुरु भएको विवादबारे अनुसन्धान सुरु गरिएको छ । रङ्गेलीको वडा नम्बर ७ मा ३ हजार २४२ मत खसेको मुचुल्कामा उल्लेख छ । तर ३ हजार ३ सय ५० वटा मतपत्र भेटिएपछि विवाद सुरु भएको हो । मुचुल्का उठाइएको भन्दा १०७ मत बढी कसरी आयो भन्ने विषयमा प्रदेश निर्वाचन कार्यालय प्रमुख लेवन कास्यप अधिकारी, जिल्ला प्रशासन कार्यालय मोरङका प्रशासकीय अधिकृत प्रविणा ढकाल र कानेपोखरी गाउँपालिकाका कार्यकारी अधिकृत सन्तोष घिमिरेले अनुसन्धान सुरु गर्नुभएको हो । त्यसमा केन्द्रीय अनुगमन समितिका संयोजक दीर्घराज मैनाली पनि रहनुभएको छ । मुचुल्काको विषयमा सर्वदलीय बैठकमा सहमति हुन नसकेपछि निर्वाचन आयोगले खटाएको टोलीले अनुसन्धान सुरु गरेको हो । मुचुल्कामा कुरा नमिल्दा दुई दिनदेखि मतगणना रोकिएको छ ।

चितवन, चितवनको भरतपुर महानगरपालिकामा नेकपा माओवादी केन्द्रले अग्रता कायमै गरेको छ । माओवादी केन्द्रका तर्फ नगरप्रमुखकी उम्मेदवार रेनु दाहालले आज बिहान साढे सात बजेसम्म ३३१० मतले अग्रता लिएकी छिन् । रेनुले २० हजार ४९२ मत प्राप्त गरेकी छिन् भने उनका निकटतम प्रतिष्पर्धि नेकपा एमालेका विजय सुवेदीले १७ हजार १८२ मत पाएका छन् । ृउपमेयरमा समेत गठबन्धनकै उम्मेदवार अगाडि छन् । गठबन्धनबाट नेपाली कांग्रेसका चित्रसेन अधिकारीले २२ हजार ९५२ मत प्राप्त गरेका छन् । उनलाई पछ्याइरहेका राप्रपाका हिमला गुरुंगले १३ हजार ६४६ मत प्राप्त गरेका छन् ।

काठमाडौं महानगरपालिकाको मेयरका स्वतन्त्र उम्मेदवार बालेन्द्र साहको अग्रता झनै फराकिलो बन्दै गएको छ । पछिल्लो परिणाम अनुसार बालेन्द्र साहले २५ हजार ४ सय २७ मत प्राप्त गर्नुभएको छ । त्यस्तै नेकपा एमालेका मेयरका उम्मेदवार केशव स्थापितले १३ हजार ४ सय ९९ मत प्राप्त गर्दा कांग्रेसकी सिर्जना सिंहले १२ हजार ८ सय ४२ मत प्राप्त गर्नुभएको छ । उता, चितवनको भरतपुर महानगरपालिकाको मेयरमा गठबन्धनबाट माओवादीकी उम्मेदवार रेणु दाहालले अग्रता फराकिलो पार्नुभएको छ । उहाँले १८ हजार ७ सय ८५ मत पाउनुभएको छ भने नेकपा एमालेका मेयरका उम्मेदवार विजय सुवेदीले १५ हजार ४ सय ५० मत प्राप्त गर्नुभएको छ । स्वतन्त्र उम्मेदवार जगन्नाथ पौडेलले ७ हजार ७ सय ५३ मत प्राप्त गर्नुभएको छ। त्यस्तै, ललितपुर महानगरपालिकाको मेयरमा कांग्रेसका चिरीबाबु महर्जनले १९ हजार ३ सय २४ मत प्राप्त गर्दा एमालेका हरिकृष्ण व्यञ्जनकारले १० हजार ६ सय १० मत प्राप्त गर्नुभएको छ । त्यस्तै, विराटनगर महानगरपालिकाको मेयरमा कांग्रेसका नागेश कोइरालाले २० हजार ७ सय ९५ मत प्राप्त गर्दा नेकपा एमालेका सागर थापाले १५ हजार ४ सय ३४ मत प्राप्त गर्नुभएको छ । त्यसैगरी, पोखरा महानगरपालिकामा गठबन्धनका उम्मेदवार धनराज आचार्य २५ हजार २ सय २६ मतसहित अग्र स्थानमा रहदा एमालेका कृष्ण बहादुर थापाले २२ हजार १ सय ९२ मत प्राप्त गर्नुभएको छ । त्यसैगरी, वीरगन्ज महानगरमा गठबन्धनबाट उम्मेदवार बन्नुभएका जनता समाजवादी पार्टीका राजेशमान सिंहले १९ हजार ४२९ मत प्राप्त गर्दा नेकपा एमालेका विजयकुमार सरावगीले १० हजार १ सय ६१ मत प्राप्त गर्नुभएको छ ।

निर्वाचन आयोगले सार्वजनिक गरेको तथ्यांक अनुसार लुम्बिनीका ७१ पालिकामा ३२ पालिका जित्दै कांग्रेस पहिलो बनेको हो। माओवादी केन्द्र २१ पालिकामा विजयी बन्दै दोस्रो भएको छ भने एमाले १८ स्थानीय तह जित्दै तेस्रो बनेको छ। नतिजा सार्वजनिक भएकामध्ये दुईवटा पालिकामा राष्ट्रिय जनमोर्चाले विजय हासिल गरेको छ। लुम्बिनी प्रदेशमा रहेका १२ जिल्लामध्ये गुल्मी, रोल्पा, बर्दिया र रुकुम पुर्वका सबै पालिकाको मतगणना सकिएको आयोगले जनाएको छ। नेपाली कांग्रेसले प्रमुख जितेका स्थानीय तह गुल्मी दरबार गाउँपालिका, गुल्मी रेसुंगा नगरपालिका, गुल्मी मदाने गाउँपालिका, गुल्मी ईस्मा गाउँपालिका, गुल्मी कालिगण्डकी गाउँपालिका, गुल्मी ऐरावती गाउँपालिका, प्यूठान स्वर्गद्धारी गाउँपालिका, प्युठान राजपुर गाउँपालिका, दाङ बबई गाउँपालिका, दाङ राजपुर गाउँपालिका, दाङ दंगीशरण गाउँपालिका, दाङ लमही नगरपालिका, दाङ शान्तिनगर गाउँपालिका, दाङ डुडुवा गाउँपालिका, बाँके राप्ती सोनारी गाउँपालिका, बाँके बारबर्दिया नगरपालिका, बर्दिया गुलरिया नगरपालिका, बर्दिया गेरुवा गाउँपालिका, बर्दिया ठाकुरबाबा नगरपालिका, बर्दिया बारबर्दिया गाँउपालिका, बर्दिया मधुवन नगरपालिका, बर्दिया रैनादेवी छहरा गाउँपालिका, पाल्पा रामपुर नगरपालिका, पाल्पा तानसेन नगरपालिका, पाल्पा रैनादेवी छहरा गाउँपालिका, पाल्पा गंगादेव गाउँपालिका, रोल्पा रुन्टीगढी गाउँपालिका, रोल्पा सिद्धार्थनगर नगरपालिका, रुपन्देही शुद्धोधन गाउँपालिका, रुपन्देही कञ्चन गाउँपालिका, रुपन्देही सितगंगा नगरपालिका, अर्घाखाँची छत्रदेव गाउँपालिका, अर्घाखाँची माओवादी केन्द्रले प्रमुख जितेका स्थानीय तह थवाङ गाउँपालिका, रोल्पा रोल्पा नगरपालिका, रोल्पा परिवर्तन गाउँपालिका, रोल्पा सुनिल स्मृति गाउँपालिका, रोल्पा लुङ्ग्री गाउँपालिका, रोल्पा माडि गाउँपालिका, रोल्पा सुनछहारी गाउँपालिका, रोल्पा चन्द्रकोट गाउँपालिका, गुल्मी धुर्कोट गाउँपालिका, गुल्मी रुरुक्षेत्र गाउँपालिका, गुल्मी मालिका गाउँपालिका, गुल्मी पुथा उत्तरगंगा गाउँपालिका, रुकुम पूर्व सिस्ने गाउँपालिका, रुकुम पूर्व भुमे गाउँपालिका, रुकुम पुर्व बंगलाचुली गाउँपालिका, दाङ राप्ती गाउँपालिका, दाङ गढवा गाउँपालिका, दाङ प्यूठान नगरपालिका, प्यूठान माण्डवी गाउँपालिका, प्यूठान रिब्दीकोट गाउँपालिका, पाल्पा राजापुर गाउँपालिका बर्दिया राष्ट्रिय जनमोर्चाले जितेको पालिका मल्लरानी गाउँपालिका, प्युठान भुमिकास्थान नगरपालिका, अर्घाखाँची एमालेले प्रमुख जितेका स्थानीय तह देवदह नगरपालिका, रुपन्देही ओमसतिया गाउँपालिका, रुपन्देही पुर्वखोला गाउँपालिका, पाल्पा तिनाउ गाउँपालिका, पाल्पा माथागढी गाउँपालिका, पाल्पा निस्दी गाउँपालिका, पाल्पा बगनासकाली गाउँपालिका, पाल्पा छत्रकोट गाउँपालिका, गुल्मी सत्यवती गाउँपालिका, गुल्मी मुसिकोट नगरपालिका, गुल्मी सरुमारानी गाउँपालिका, प्यूठान नौबहिनी गाउँपालिका, प्युठान सन्धीखर्क नगरपालिका, अर्घाखाँची मालारानी गाउँपालिका, अर्घाखाँची पाणिनी गाउँपालिका, अर्घाखाँची त्रिवेणी गाउँपालिका, रोल्पा बासगढी नगरपालिका, बर्दिया सरावल गाउँपालिका, नवलपरासी पश्चिम

चितवन, भरतपुर नगरपालिकामा नगर प्रमुखमा माओवादी केन्द्रबाट उम्मेदवार रेनु दाहालले तीन हजार बढीकाे अग्रता कायम गरेकी छिन् । अहिले बिहान ७ बजेसम्मकाे गणना अनुसार नतिजा यस्ताे छ । मेयर ११७६५ विजय सुवेदी (एमाले) १४७६६ रेनु दाहाल (माओवादी) ६०९० जगन्नाथ पौडेल ( स्वतन्त्र ) उपमेयर १७०९६ चित्रसेन अधिकारी ( काङ्ग्रेस ) ९५०१ हिमला गुरुङ्ग (राप्रपा )

धादिङको त्रिपुरासुन्दरी गाउँपालिकामा गठबन्धनका उम्मेदवार निर्वाचित भएका छन् । गाउँपालिका अध्यक्षमा नेपाली कांग्रेसका उम्मेदवार राजु उप्रेती तथा उपाध्यक्षमा नेकपा (माओवादी केन्द्र)का देवराज धरेल निर्वाचित भएका हुन् । अध्यक्षमा निर्वाचित कांग्रेसका उम्मेदवार उप्रेतीले ६ हजार ७ सय ७१ मत प्राप्त गरे । उनका प्रतिद्वन्द्वी नेकपा एमालेका अध्यक्षका उम्मेदवार उमेशकुमार थापा क्षेत्रीले ५ हजार १ सय २६ मत प्राप्त गरे । उपाध्यक्षमा निर्वाचित माओवादी केन्द्रका उम्मेदवार देवराज धरेलले ६ हजार ३४ मत प्राप्त गरेका छन् । उनका निकटतम प्रतिद्वन्द्वी एमालेका उपाध्यक्ष उम्मेदवार संगीता कुमालले ५ हजार २ सय १० मत प्राप्त गरिन् । गाउँपालिकाको वडा नम्बर १ मा नेपाली कांग्रेसका भीमप्रसाद भट्ट, वडा नम्बर २ र ३ मा क्रमशः एमाले उम्मेदवार कृष्णबहादुर खत्री र कमलबहादुर थापा अध्यक्षमा निर्वाचित भएका छन् । वडा नम्बर ४ मा कपिलदेव सिम्खडा, वडा नम्बर ५ मा कुशबहादुर सिटौला, वडा नम्बर ६ मा हरि विक, वडा नम्बर ७ मा सुवास अधिकारी माओवादी केन्द्रबाट उम्मेदवार भई अध्यक्षमा निर्वाचित भएका छन् ।

चितवन । भरतपुर महानगरपालिकामा सत्ता गठबन्धनका माओवादी केन्द्रबाट मेयरका उम्मेदवार रेणु दाहालले अग्रता कायमै राखेकी छन् । आज बिहानसम्म ३७ हजार ८६७ मतगणना हुँदा गठबन्धनका साझा उम्मेदवार दाहालले १४ हजार ३७७ मत पाएकी हुन् । दाहालले २ हजार ९४६ मतले अग्रता कायम गरेकी छिन् । उनलाई एमालेका विजय सुवेदी ११ हजार ४३१ मतले पछ्याइरहेका छन् । कांग्रेसका बागी उम्मेदवार जगन्नाथ पौडेलले ५ हजार ९९७ मत पाएका छन् । उपमेयरमा कांग्रेसका चित्रसेन अधिकारी १६ हजार ७४१ मतसहित अगाडि छन् । उनका प्रतिस्पर्धी राप्रपा उम्मेदवार हिमला गुरुङको मत ९ हजार २६९ मात्र छ ।

पाल्पा । जिल्लाको १० पालिकामध्ये ९ वटा पालिकाको मतपरिणाम सार्वजनिक भएको छ । सार्वजनिक मत परिणामअनुसार नेकपा (एमाले)ले ५ अध्यक्ष ४ उपाध्यक्ष जित्न सफल हुँदा नेपाली कांग्रेसले २ प्रमुख, १ उप–प्रमुख, १ अध्यक्ष र १ उपाध्यक्षमा विजयी भएको छ । नेकपा (माओवादी केन्द्र)ले भने एक अध्यक्ष र एक उपाध्यक्षमा जितेकाे । एमाले निस्दी र पुर्वखोला गाउँपालिकाको अध्यक्ष, उपाध्यक्ष सहित सम्पूर्ण वडामा प्यानलसहित विजयी भएको छ । तिनाउँ गाउँपालिकामा अध्यक्ष सहित ४ वटा वडा, माथागढी गाउँपालिकामा अध्यक्ष, उपाध्यक्ष सहित ४ वटा वडा र बगनासकाली गाउँपालिकामा अध्यक्ष, उपाध्यक्षसहित ६ वटा वडामा एमालेले जित हासिल गरेको छ । कांग्रेसले रामपुर नगरपालिकामा प्रमुख र उप–प्रमुखसहित ७ वटा वडा, तानसेन नगरपालिकामा प्रमुख सहित ८ वटा वडा र रैनादेवी छहरा गाउँपालिकामा अध्यक्ष सहित ४ वटा वडामा जित निकालेको छ । माओवादी केन्द्रले रिब्दीकोट गाउँपालिकामा अध्यक्षसहित १ वडा, रैनादेवीछहरा गाउँपालिका उपाध्यक्ष सहित २ वटा वडा र तानसेन नगरपालिकामा नगर उप प्रमुखसहित २ वडामा आफ्नो बर्चश्व जमाएको छ । पाल्पाको २ वटा नगरपालिका ८ गाउँपालिका गरी १० पालिकामा मध्ये ८ वटा पालिकामा सम्पूर्ण नतिजा सार्वजनिक भएको छ । बगनासकाली गाउँपालिकामा मतगणना भइरहेको छ । रम्भा गाउँपालिकाको वडा नंं ५ ताहुका खसेको मत भन्दा मतपरिणाम संख्या बढी भएपछि विवाद हुँदा मतगणना स्थगित भएको छ ।

ताप्लेजुङको फक्ताङलुङ गाउँपालिकाको अध्यक्षमा नेकपा माओवादी केन्द्रका राजन लिम्बू २६६० मतका साथ निर्वाचित भएका छन् । उनले नेकपा एमालेका सरोज लिम्बूलाई पराजित गरेका हुन्। लिम्बूले २३१२ मत प्राप्त गरेका छन्। फक्ताङलुङमा माओवादी केन्द्र र नेपाली काँग्रेसले गठबन्धन छ। उपाध्यक्षमा नेपाली काँग्रेसका रबिनसाम्रा लिम्बू विजयी भएका छन्। उनले २३५८ मत प्राप्त गरेका छन्। एमालेकी शान्ति माया लिम्बूले उपाध्यक्ष पदमा २२१२ मत प्राप्त गरिन्।

सुदूरपश्चिम प्रदेशका ८८ वटा स्थानीय तहमध्ये १९ वटाको मतगणना सम्पन्न भएको छ। १९ मध्ये ७ स्थानीय तहमा नेकपा एमाले, ७ स्थानीय तहमा नेपाली कांग्रेस र ५ स्थानीय तहमा माओवादी केन्द्रका मेयर र अध्यक्ष विजयी भएका छन्। नेकपा एमाले विजयी भएका पालिकाहरू १) बझाङको साइपाल गाउँपालिका– मानबहादुर बोहोरा २) बझाङको थलारा गाउँपालिका– प्रकाश रोकाया ३) दार्चुलाको महाकाली नगरपालिका– नरसिंह चैसिर ४) बैतडीको पन्चेश्वर गाउँपालिका– गोरखबहादुर चन्द ५) दार्चुलाको शैल्यशिखर नगरपालिका– विजयसिंह धामी ६) डोटीको जोयारल गाउँपालिका– दुर्गादत्त ओझा ७) कञ्चनपुरको लालझाडी गाउँपालिका– निर्मल राना नेपाली कांग्रेस विजयी भएका पालिकाहरू १) डोटीको बडीकेदार गाउँपालिका– भैरवबहादुर साउद २) बाजुराको स्वामीकार्तिक खापर गाउँपालिका– भरत रोकाया ३) बैतडीको शिवनाथ गाउँपालिका– कर्णसिंह साउद ४) डडेल्धुराको नवदुर्गा गाउँपालिका– लक्ष्मीप्रसाद अवस्थी ५) अछाम ढाकरी गाउँपालिका– प्रकाशबहादुर साउद ६) डडेल्धुराको गन्यापधुरा गाउँपालिका– ईन्द्रबहादुर कार्की ७) डोटीको आर्दश गाउँपालिका– गणेशबहादुर खड्का नेकपा माओवादी केन्द्र विजयी भएका पालिकाहरू १) दार्चुलाको नौगाड गाउँपालिका– दलजीत सिंह धामी २) दार्चुलाको मार्मा गाउँपालिका– अध्यक्ष जमनसिंह धामी ३) दार्चुला अपिहिमाल गाउँपालिका– अध्यक्ष भक्तसिंह ठेकरे ४) डडेल्धुरा आलिताल गाउँपालिका– अध्यक्ष शेरसिंह पार्की ५) डोटीको बोकटान फुड्सिल गाउँपालिका– अध्यक्ष कमलबहादुर गड्सिला (६) लेकम गाउँपालिका- अध्यक्ष रामदत्त जाेशी

डोल्पाको मुड्केचुला गाउँपालिका अध्यक्षमा नेकपा माओवादी केन्द्र विजयी भएको छ । माओवादी केन्द्रका दत्त बहादुर शाही एक हजार ४०३ मतसहित विजयी भएका हुन् । उनका निकटतम प्रतिद्वन्द्वी नेकपा एमालेका लंक बहादुर रोकायाले एक हजार ३६७ पाएका थिए । उपाध्यक्षमा पनि माओवादीकै दुदा रोकाया एक हजार ४५८ मतसहित विजयी भएकी छिन् । एमालेकी सविता कुमारी रोकायाले एक हजार २९८ मत मात्र पाइन् । वडामा १, २,३,४,५,,७, ८, ९ मा माओवादीले जितेको छ भने एमालेले वडा ६ मा मात्र जितेको छ ।

काठमाडौं । स्थानीय तह निर्वाचन अन्तरगत अहिलेसम्म ८० वटा पालिकाको अन्तिम मत परिणाम सार्वजनिक भएको छ । घोषित परिणाममा ३० स्थानीय तह जितेर नेकपा एमाले पहिलो नम्बरमा रहेको छ । कांग्रेसले २७ वटा स्थानीय तहमा जित हात पार्दा नेकपा माओवादी केन्द्रले २१ पालिकामा जित हात पारेको छ । मतगणना सुरु भएपछि एउटा पनि स्थानीय तह नजिते पनि एकीकृत समाजवादीसँग पहिले नै निर्विरोध निर्वाचित भएका दुई वटा स्थानीय तह रहेको छ । देशभर अहिले मतगणना जारी रहेको ठाउँहरुमा नेपाली कांग्रेसले सबै भन्दा बढी २ सय ६५ ठाउँमा अग्रता लिएको छ । यसैगरि नेकपा एमालेले १ सय ६५ ठाउँमा अग्रता बनाउँदा ९५ वटा पालिकामा माओवादीका उम्मेदवारहरू अगाडि छन् । जनता समाजवादी पार्टी नेपाल २९ ठाउँमा अगाडि रहेको छ भने नेकपा एकिकृत समाजवादी १७ ठाउँमा अगाडि रहेकाे छ । लोकतान्त्रिक समाजवादी पार्टी भने ११ ठाउँमा अग्र स्थानमा रहेको छ ।

लुम्बिनी । भारतका प्रधानमन्त्री नरेन्द्र मोदी आज लुम्बिनी आउने कार्यक्रम छ । आवश्यक तयारीका लागि प्रधानमन्त्री देउवा हिजो नै लुम्बिनी पुगेका छन् । उनीसँगै गृहमन्त्री बालकृष्ण खाँण, पराराष्ट्रमन्त्री नारायण खड्का, भौतिक पूर्वाधारमन्त्री रेनुकुमारी यादव, पर्यटनमन्त्री प्रेमबहादुर आले, शिक्षामन्त्री देवेन्द्र पौडेल, लुम्बिनी प्रदेशका मुख्यमन्त्री कुलप्रसाद केसी र मुख्यसचिव शंकर बैरागीलगायत उच्च पदस्थ व्यक्ति आइपुगेका हुन् । प्रधानमन्त्री देउवाले सोमबार बिहान भैरहवास्थित गौतम बुद्ध अन्तर्राष्ट्रिय विमानस्थल उद्घाटन गर्ने कार्यक्रम छ । भारतका प्रधानमन्त्री मोदी सोमबार बिहान साढे १० बजे वायु सेनाको हेलिकोप्टरमा यहाँ उत्रिनेछन् । त्यसपछि मायादेवी मन्दिरमा पूजालगायत कार्यक्रम छन् । भारतको संस्कृति मन्त्रालयले यहाँ निर्माण गर्न लागेको अन्तर्राष्ट्रिय बुद्धिस्ट कन्फेडेरेसन आईबीसीको नेपाल र भारतका प्रधानमन्त्रीले शिलान्यास गर्नेछन् । अपराह्न दुवै मुलुकका प्रधानमन्त्रीले २५६६ औं बुद्ध जयन्ती समारोह सम्बोधन गर्ने कार्यक्रम छ । दुवै मुलुकका प्रधानमन्त्री समारोहमा सहभागी हुने भएपछि यहाँको सुरक्षा व्यवस्था कडा बनाइएको छ । सुरक्षा स्रोतका अनुसार नेपाली सेना, सशस्त्र, नेपाल प्रहरी र राष्ट्रिय अनुसन्धानका गरी १५ हजारभन्दा बढी सुरक्षाकर्मी परिचालन गरिएको छ । यहाँ आएका सबै सुरक्षा निकाय प्रमुखले आइतबार कार्यक्रम स्थल र आसपासको तयारी अवलोकन गरेका थिए । प्रधानमन्त्री मोदीको भ्रमण र सुरक्षा व्यवस्थापनका लागि भारतबाट ‘स्पेसल प्रोटेक्सन गार्ड’ ९एसपीजी० एक साता अघि आएका थिए । सुरक्षालाई ध्यान दिएर बुद्ध जयन्ती समारोहमा पाहुनाको प्रवेशलाई कडाइ गरिएको छ । सुरुमा तीन हजारलाई सहभागी गराउने भनिएकामा अहिले संख्या घटाइएको लुम्बिनी विकास कोषले जनाएको छ । समारोह भने पाँच हजार जना अट्ने अन्तर्राष्ट्रिय बौद्ध सभाहल तथा ध्यान केन्द्रमा हुनेछ ।