काठमाडौं, कात्तिक ९ । नयाँ शक्ति पार्टी नेपालको केन्द्रीय परिषद्का वरिष्ठ सदस्यद्वय डा भरत लामिछाने र ठाकुरप्रसाद चापागाईँलगायतले बृहत् वाम ध्रुवीकरण अभियानमा समाहित हुने निर्णय गरेका छन । नयाँ शक्तिमा रहेका सबै नेता तथा कार्यकताई बृहत् वाम एकतामा सहभागी हुन आग्रह गर्दै उनीहरुले नेपालको आर्थिक, सामाजिक तथा सांस्कृतिक परिवर्तनका लागि परिवर्तनकारी शक्तिहरु एकजुट हुनुपर्नेमा जोड दिए । डा लामिछाने र चापागार्इंले ‘सनकको भरमा राजनीति नचल्ने’ भएकाले लोकतान्त्रिक गठबन्धन परित्याग गरी वाम ध्रुवीकरण अभियानमा सामेल हुन डा बाबुराम भट्टराईलगायतलाई समेत आग्रह गरे । बृहत् वाम एकता अभियानबाट बाहिरिएर डा भट्टराईले इतिहासको आवश्यकतालाई सम्मान गर्न नसकेको समेत उनीहरुले आज जारी गरेको विज्ञप्तिमा उल्लेख छ । रासस

“खाली जग्गालाई पार्किङ क्षेत्र बनाउन महानगरले आवश्यक खर्च गरेको महानगरपालिकाका वातावरण शाखाका प्रमुख ईञ्जिनियर विराट घिमिरेले बताए । करिब १ महिना निःशुल्क पार्किङको व्यवस्था गरेका छौँ, त्यसपछि सशुल्क पार्किङकै मोडेलमा सञ्चालन हुनेछ ।” उनले पार्किङ क्षेत्रमा नगरप्रहरीद्वारा निगरानीको व्यवस्था मिलाइएको बताए । भरतपुर, कार्तिक ९ । भरतपुर महानगरपालिकाले नारायणगढ क्षेत्रमा सःशुल्क पार्किङ क्षेत्र सञ्चालनमा ल्याएको छ । महानगरले बजार व्यवस्थित गर्ने योजनाबमोजिम बजार क्षेत्रमा रहेको अस्तव्यस्त सवारी पार्किङ्ग समाधान गर्न लागेको प्रमुख रेनु दाहालले बताइन् । हामी योजनाबद्ध विकास र व्यवस्थापन गर्न चाहन्छौ । तोकिएको स्थानमा सवारी पार्किङ्ग गर्न हामीले सवारी धनीलार्इ सूचना गरिसकेका छौ प्रशस्त समय पनि दियौं, अवेज्ञा गर्नेलाइ अब कारबाही गर्छौ । पार्किङ्ग व्यवस्थापनका लागि साना निजी सवारी साधनका लागि विभिन्न स्थानमा पार्किङ क्षेत्र तोकिएका छन् । गणेश हलसँगै राममिष्ठान्न भण्डार र कैलाश पेट्रोल पम्प पछाडि पार्किङ क्षेत्रको व्यवस्था मिलाइएको छ । सो क्षेत्रमा कार्तिक ५ गतेदेखि पार्किङ सञ्चालनमा आएकाछन्। पुल्चोक क्षेत्रका सवारी साधनहरूका लागि कैलाश पेट्रोल पम्पसँगै रहेको ९ कट्ठाको क्षेत्रफल र अन्य दुई स्थानका पार्किङ क्षेत्र ५ वर्षका लागि भाडामा महानगरपालिकाले लिएको हो । गणेश हल पछाडि ८ कट्ठा, राममिष्ठान्न भण्डार पछाडिी २ कट्ठा जग्गा व्यक्तिमार्फत महानगरपालिकाले भाडामा लिएको हो । “खाली जग्गालाई पार्किङ क्षेत्र बनाउन महानगरले आवश्यक खर्च गरेको महानगरपालिकाका वातावरण शाखाका प्रमुख ईञ्जिनियर विराट घिमिरेले बताए । करिब १ महिना निःशुल्क पार्किङको व्यवस्था गरेका छौँ, त्यसपछि सशुल्क पार्किङकै मोडेलमा सञ्चालन हुनेछ ।” उनले पार्किङ क्षेत्रमा नगरप्रहरीद्वारा निगरानीको व्यवस्था मिलाइएको बताए । यी पार्किङ क्षेत्रमा चारपाङग्रे निजी सवारी पार्किङ हुने व्यवस्था मिलाइएको बताए । त्यस्तै न्युरोड जाने बाह्रघरे तर्फ झण्डै ६ कट्टठा जग्गा ट्रक पार्किङका लागि विकास भैरहेको बताए । उनका अनुसार सो पार्किङ स्थल सम्झौताको अन्तिम चरणमा छ । भरतपुर महानगरपालिकाले असोज १ गतेदेखि भरतपुर र नारायणगढ क्षेत्रका विभिन्न ६ स्थानमा पार्किङ स्थल विकास गरिने निर्णय गरेको थियो । नारायणगढ क्षेत्रको व्यवस्थापनसँगै चौविसकोठी क्षेत्र र गेष्ट हाउस चौर र मालपोतकार्यालय क्षेत्रमा पार्किङ क्षेत्र सञ्चालनको काम अगाडी बढीरहेको महानगरले जनायको छ । प्रमुख प्रसासकिय अधिकृत प्रेमराज जोशीले निजी जग्गा प्रयोग गरेवापत महनगरपालिकाले वार्षिक ८ लाख रुपैयाँ भाडा बुझाउने गरी ५ वर्षका लागि २ स्थानका पार्किङ क्षेत्र सञ्चालन भएको जानकारी दिए । यस्तै ट्रक पार्किङका लागि वार्षिक ६ लाख रुपैयाँमा भाडामा लिने सम्झौता भैसकेको बताए । “पार्किङ क्षेत्र सञ्चालन खर्च व्यवस्थापन गर्ने गरी न्यून शुल्क एक महिनापछि निर्धारण गरिनेछ”, उनले भने– “सुरुको महिना ट्रायलका रुपमा हेरिनेछ, अध्ययन गरेर शुल्क निर्धारण हुनेछ ।” नारायणगढ बजारको अस्तव्यस्त ट्राफिक जामलाई मध्यनगर गर्दै पार्किङ क्षेत्र सञ्चालनमा ल्याइने छ । यसअघि महानगरपालिकाले ३० दिने, १५ दिने सार्वजनिक सूचना निकाल्दा समेत जग्गा नपाएपछि व्यवसायीलाई प्रत्यक्ष भेटेर जग्गा उपलब्ध गराउन अनुरोध गरेको थियो । पार्किङ गरेवापत सवारी धनिले महानगरपालिकालाई पार्किङ शुल्क तिर्नुपर्ने हुन्छ । अटेर गरी हाइवेमा पार्किङ गरे क्रेनले हटाइने जिल्ला ट्राफिक प्रहरी कार्यालय चितवनले जनाएको छ । “हाइवेमा सवारी रोकेर बस्न पाइनेछैन”, ट्राफिक प्रमुख सन्तोष पन्तले भने– “अटेर गरेमा क्रेन लगाएरै हटाइने छ, जरिवाना र क्रेन लगाए वापतको खर्चसमेत सोही सवारी धनिले तिर्नुपर्ने छ ।” उनले सुरुको एक हप्ता कारवाही नगरेपनि पार्किङ क्षेत्रबारे जानकारी दिन ट्राफिक प्रहरी परिचालन गरिने बताए । अटेर गरी सडकमै पार्किङ गर्ने सवारीलाई ५ सय, १ हजार, १ हजार ५ सय रुपैयाँ जरिवाना गर्न सकिने प्रावधान रहेको छ । नारायणगढ बजारमा तोकिएका पार्किङ क्षेत्रमा सवारी पार्किङ नगरे कारवाही अभियान थाल्ने भएको छ । ‘नो पार्किङ’, ‘पार्किङ उता’ लेखिएका झण्डै ४० वटा बोर्ड राख्ने अभियानमा ट्राफिक प्रहरी लागेको छ । “हाइवेमा सवारी रोकेर बस्न पाइनेछैन”, ट्राफिक प्रमुख सन्तोष पन्तले भने– “अटेर गरेमा क्रेन लगाएरै हटाइने छ, जरिवाना र क्रेन लगाए वापतको खर्चसमेत सोही सवारी धनिले तिर्नुपर्ने छ ।” उनले सुरुको एक हप्ता कारवाही नगरेपनि पार्किङ क्षेत्रबारे जानकारी दिन ट्राफिक प्रहरी परिचालन गरिने बताए । अटेर गरी सडकमै पार्किङ गर्ने सवारीलाई ५ सय, १ हजार, १ हजार ५ सय रुपैयाँ जरिवाना गर्न सकिने प्रावधान रहेको छ । ‘नारायणगढ बजारको झण्डै एक लेन आगेटेर बस्ने विगतको अवस्था आउन दिने छैनौँ’, उनले भने– ‘एक हप्तापछि कारवाही अभियाननै चलाउने छौँ ।’ महानगरले हाइवेमा जथाभावी पार्किङ गरेका कारण बढेको दुर्घटनाको जोखिम रोकिने विश्वास लिएको छ । तोकिएका स्थानमा सवारी पार्किङ गर्न समेत अनुरोध गरे । ‘मोटरसाइकल सडकपेटीको तोकिएकै स्थानमा पार्किङ हुनेछन्’, उनले भने, ‘पैदलयात्रीलाई अप्ठ्यारो पर्ने अवस्था आउन सक्छ, त्योबारे पनि विकल्प सोच्न महानगरको ध्यानाकर्षण गराइसकेका छौँ।’ ट्राफिक प्रहरीले नो पार्किङका १२ वटा बोर्ड बुधबारसम्म सडक छेउमा राखिएको छ । बाँकी २० वटा बोर्ड दुई दिनभित्र राखिसक्ने लक्ष्य लिएको छ । यस्तै पार्किङ उता लेखिएका ८ वटा बोर्ड शुक्रबार सम्ममा राखिसक्ने जनाएको छ । महानगरले पार्कीडं ब्यावस्थापन कार्य संचालनमा ल्याएपछि लायन्सचोकदेखि पुलचोक सम्मको हाइवे सडकमा सवारी पार्किङ हटेका छन् । पार्किङ्ग व्यवस्थापनसँगै बजार क्षेत्र व्यवस्थित बन्न थालेको स्थानियहरूले बताएका छन् । सो खण्डमा रहेका तोकिएका पीक एण्ड ड्रप स्थानमा लामो समय रोकिन नदिन उच्च निगरानी समेत गर्न थालिएको छ । अबको एक हप्ताभित्रमा पार्किङ्ग व्यवस्थापन प्रभावकारी रूपमा व्यवस्था मिलाउन सम्बन्धित निकायलार्इ महानगरले निर्देशन दिइसकेको छ ।

काठमाडौं, कात्तिक ९ । एनआईसी एसिया बैंकको स्विफट् एकाउन्ट ह्याकरहरुले ह्याक गरी गायब पारेका रकम विभिन्न मुुलुकका आठवटा ठूला बैंकहरुमा पुगेको नयाँ तथ्य सार्वजनिक भएको छ । स्रोतका अनुसार अन्तरदेशीय कारोबारका क्रममा स्विफ्ट एकाउन्ट ह्याक गरी उक्त रकम ती बैंकहरुमा पुुगेको हो । झण्डै चार महिनाअघि देखि रकम ह्याक हुुने गरेको घटनालाई गोप्य राखेको एनआईसीले अहिले चौर्तर्फीरुपमा हल्ला भएपछि उक्त रकम क्रमिकरुपमा फिर्ता भइरहेको र कति रकम फिर्ता हुुने क्रममा रहेको बताए पनि बैंकको उक्त भनाइ पूर्णरुपमा निराधार र हल्लामात्र भएको दाबी स्रोतले गरेको छ । रकम ह्याक भएको घटना सार्वजनिक भएपछि बैंकप्रतिको आम सर्वसाधारणको विश्वास कम भएकाले उक्त विश्वासलाई कायम गर्न अर्थात भनौं गुमेको जनविश्वासलाई पुुनः फिर्ता ल्याउनका लागि एनआईसी स्वयमले विभिन्न माध्यममार्फत उक्त हल्ला भएको दाबी स्रोतले गरेको छ । नेपाल राष्ट्र बैंक उच्च स्रोतका अनुसार तिहारमा एनआईसी एसिया बैंकबाट अन्तरदेशीय कारोबारका क्रममा ४० करोड रुपैयाँभन्दा बढी रकम गायब पारिएको थियो । ह्याकरले विदेशका विभिन्न छ मुलुकका आठ बैंकमा उक्त रकम सारेको थियो । बैंकले प्रयोग गर्दै आएको स्विफ्ट प्रणालीमा ह्याक गरी रकम स्थानान्तरण गरिएको थियो । नेपाल राष्ट्र बैंकसमेतको पहलमा रकम सारिएका विभिन्न मुुलुकका छवटा बैंकरुलाई रकम फिर्ताका लागि विभिन्न माध्यमद्वारा एनआईसीले पहल गरिरहेको भनाइ सार्वजनिक भए पनि फिर्ता आउने सम्भावना न्यून रहेको दाबी स्रोतले गरेको छ । नेपालका २८ वटा वाणिज्य बैंकहरु स्विफ्ट प्रणालीमा आबद्ध रहेको भए पनि एनआईसी एसियाको आन्तरिक सुरक्षा प्रणाली कमजोर भएका कारण उक्त रकम ह्याक भएको दाबी स्रोतको छ । ‘अहिले विश्वका दुुई सय मुुलुकका ११ हजारभन्दा बढी बैंकहरु स्विफ्टमा आबद्ध रहेको र स्विफ्टमार्फत नै अन्तरदेशीय कारोबार गर्ने गरे पनि अन्य बैंकहरुको कारोबारमा यस्तो समस्या नदेखिनु तर एनआईसीमा मात्र यस्तो समस्या देखिनुले एनआईसी एसिया स्वयंको आन्तरिक सुरक्षा प्रणाली कमजोर रहेको पुष्टि हुन्छ,’ स्रोतले भनेको छ । आर्थिक दैनिकबाट

काठमाडौं, कात्तिक ९ । इङ्लिस लिग कप फुटबलअन्तर्गत बुधबार राती भएको खेलमा चेल्सीले एभर्टनलाई हराएको छ । चेल्सीको मैदानमा भएको चौथो चरणको खेलमा घरेलु टोलीलाई २÷१ ले विजयी गराउन एन्टोनियो रुडिगर र विलियनले एक–एक गोल गरे । एभर्टनका काल्भर्ट लेविनले खेलको अन्तिम मिनेटमा एक गोल फर्काए । लिग कपअन्तर्गतकै अर्को खेमला टोटनह्याम हट्सपर भने पराजित भएको छ । टोटनह्यामलाई लण्डन शहरकै प्रतिद्वन्द्वी वेष्ट ह्याम युनाईटेडले ३÷२ ले हराएको हो । खेलमा टोटनह्यामका सिसोको र डेले अलीले सुरुवाती दुई गोल गरे । तर वेष्ट ह्यामका आन्द्रे आयुले दुई तथा ओग्बोनाले एक गोल गरेपछि टोली विजयी भएको हो ।

भद्रपुर, असोज ३१ । राष्ट्रिय आयुर्वेद दिवस तथा धन्वन्तरि जयन्तीका अवसरमा चन्द्रगढीस्थित जिल्ला आयुर्वेद औषधालय झापाले विशेष कार्यक्रम गरी मानव स्वास्थ्यमा आयुर्वेद उपचार पद्धतिको महत्वका बारेमा चर्चा परिचर्चा गरेको छ । सो अवसरमा योगगुरुसमेत रहनुभएका भद्रपुर नगर प्रमुख जीवनकुमार श्रेष्ठले आयुर्वेदले दीर्घकालीन उपचार पद्धतिलाई अबलम्बन गर्ने भएकाले यो मानव स्वास्थ्यका लागि महत्वपूर्ण हुने बताउनुभयो । मानवको शरीर प्रकृतिप्रदत्त भएको र प्रकृतिले मानवमा लाग्ने रोगका औषधि पनि उत्पादन गरेकाले त्यसलाई चिनेर उपचार गर्ने काम आयुर्वेदले परापूर्वकालदेखि गर्दै आएको उल्लेख गर्दै उहाँले औषधालयका लागि नगरपालिकाले केही बजेटको व्यवस्था गर्ने आश्वासन दिनुभयो । जिल्ला आयुर्वेद औषधालयका प्रमुख डा केनिन राईले औषधालयले अब औषधि मात्र वितरण नगरेर पंचकर्म पूर्व प्रक्रिया, क्षारसूत्र, योग, प्रयोगशाला सेवा र सशुल्क औषधालयको व्यवस्थाको शुरुआत गरेको जानकारी दिनुभयो । हरेक वर्ष कात्तिक कृष्ण पक्षको त्रयोदशी अर्थात् यमपञ्चक शुरु भएको दिन धन्वन्तरि जयन्ती मनाइने गरेकामा २०५४ सालदेखि राष्ट्रिय आरोग्य दिवस पनि थप गरेर मनाउन थालिएको हो । सेवा विस्तारमा भद्रपुर नगरपालिकाले रु १७ लाख ८० हजारको सहयोग गरेको छ । सेवा विस्तारपछि दैनिक ४० देखि ५० बिरामीले सेवा लिन थालेका छन् । नेपालमा आयुर्वेद शिक्षण अस्पतालदेखि विभिन्न जिल्ला र क्षेत्रमा गरी ३८४ आयुर्वेद औषधालयले बिरामीको सेवा गरिरहेका छन् ।

काठमाडौं, असोज २९ । मोहन बैद्य ‘किरण’ नेतृत्वको नेकपा (क्रान्तिकारी माओवादी) ले आज विषेश पत्रकार सम्मेलन गर्ने भएको छ । अघिल्लो साता सम्पन्न पार्टीको पहिलो राष्ट्रिय सम्मेलनले पारित गरेका नयाँ नीति तथा सिद्धान्तहरु सार्वजनिक गर्न विषेश पत्रकार सम्मेलन गर्न लागेको बताइएको छ । उक्त सम्मेलनले यसअघि पार्टीको सर्वोच्च पद अध्यक्षलाई परिवर्तन गरी महासचिव बनाउने निणर्य गरे थियो । त्यही अनुरुप अहिले मोहन वैद्य पार्टीको महासचिव भएका छन । महासचिव मोहन वैद्य ‘किरण’लगायतका नेताहरुको उपस्थितिमा हुने पत्रकार सम्मेलनमा सम्पन्न राष्ट्रिय सम्मेलन, आगामी निर्वाचन र उम्मेदवारीलगायतका विषयमा जानकारी गराइने नेकपा क्रान्तिकारी माओवादीले जनाएको छ ।

काठमाडौं, असोज २० । माओवादी केन्द्रबाट पार्टीका अध्यक्ष चितवन क्षेत्र नम्बर ३ बाट प्रतिनिधिसभामा चुनाव लड्ने विषयले निकै चर्चा पाएको छ । अध्यक्ष प्रचण्डले चितवनको ३ नम्बर क्षेत्रबाटै आफ्नो उम्मेदवारी रहने बताइसकेका छन् । यसबीचमा प्रचण्ड बारम्बार चितवन आएका छन् । संघ र प्रदेशको चुनाव तयारी अनुसार भरतपुर महानगरपालिकाको मेयरमा छोरी रेणुलाई उनले अघि सारेका थिए । संविधानसभाको निर्वाचन क्षेत्र ४ मा पर्ने यस भूगोलमा दोस्रो संविधानसभामा तत्कालिन काँग्रेस सभापति सुशिल कोइराला चुनावमा उठेका थिए । दुइ क्षेत्र जितेका कोइरालाले चितवन छाडेका थिए । यसअघिका दुइ चुनवामा कहिलो रोल्पा, काठमाडौं त कहिले सिरहाबाट उठेका प्रचण्ड यसपटक गृह जिल्ला चितवनबाट उठ्ने पक्का भएको छ । उनको क्षेत्रमा माडी नगरपालिका पनि पर्छ । सशस्त्र युद्धको समयमा भएको बाँदरमुढे घटना यसै क्षेत्रमा पर्छ । माडी नगरमा स्थानीय चुनावमा प्रमुखमा माओवादीका उम्मेदवार विजयी भएका थिए । एमालेसँग मिलेर चुनाव लड्ने भएकाले उम्मेदवारको विषयमा नाम सर्वसम्मत भएपनि हाल सार्वजनिक गर्न नमिल्ने माओवादी केन्द्रका जिल्ला इन्चार्ज ईश्वरी भट्टराइले बताए । कुन क्षेत्र कहाँ पर्छ ? प्रतिनिधि सभाको निर्वाचनका लागि चितवनमा क्षेत्र नम्बर १ अन्तरगत हालको राप्ती, खैरहनी र रत्ननगर नगरपालिका तोकिएको छ । प्रदेश सभामा भने क्षेत्र नम्बर (क) मा राप्ती नपा र खैरहनी नपाको वडा नम्बर ३, ६, ७, ८, ९, १० र ११ तोकिएको छ । प्रदेश सभा अन्तरर्गत क्षेत्र ख) मा खैरहनी नपाको वडा नम्बर १, २, ४, ५, १२ र १३ तथा सिंगो रत्ननगर नगरपालिका तोकिएको छ । प्रतिनिधि सभा निर्वाचन क्षेत्र नम्बर २ अन्तर्गत कालिका नपा, इच्छाकामना गाउँपालिका र भरतपुर महानगरको वडा नम्बर १ , २, ३, ५, ७, १०, ११, १२ र २९ तोकिएको छ । यस क्षेत्र अन्तर्गत प्रदेश सभाको निर्वाचन क्षेत्र नम्बर (क) मा कालिका नपा, इच्छाकामना गापा र भरतपुर महानगरको वडा नम्बर १, ३ र २९ रहेका छन् । यस क्षेत्रको प्रदेश क्षेत्र नम्बर (ख) मा भरतपुर महानगरपालिकाको २, ४, ५, ७, १०, ११ र १२ वडा रहेका छन् । प्रतिनिधि सभा निर्वाचन क्षेत्र नम्बर ३ अन्तरगत भरतपुर महानगरपालिका वडा नम्बर ६, ८, ९, १३, १४, १५, १६, १७, १८, १९, २०, २१, २२, २३ , २४, २५, २६, २७, २८ वडा र माडी नगरपालिका सिंगो रहेको छ । यस निर्वाचन क्षेत्रको प्रदेश सभा क्षेत्र (क) मा भरतपुर महानगरपालिका वडा नम्बर ६, ८, ९, १५, १६, १७, १८, १९, २०, २६, २७ र २८ नम्बर वडा रहेका छन् । क्षेत्र (ख) मा भरतपुर महानगरको १३, १४, २१, २२, २३, २४ र २५ वडा तथा सिंगो माडी नगरपालिका रहेका छन् । -नयाँ पत्रिकाबाट  

काठमाडौं, असोज १९ । साना पार्टीको ३३ दलीय मोर्चाले नेकपा माओवादी केन्द्रको निर्वाचन चिह्न हँसिया–हथौडामा आगामी प्रदेशसभा र प्रतिनिधिसभाको निर्वाचन लड्ने भएका छन् । नेकपा एमाले र नेकपा माओवादी केन्द्रबीच निर्वाचनमा तालमेल र पार्टी एकताको निर्णय भएपछि मोर्चाका तर्फबाट बिहीबार सो निर्णय आएको हो । मोर्चाका तर्फबाट संयोजक युवराज सफलले अग्रगामी शक्तिकारुपमा वाम मोर्चा गठन गर्ने दुई ठूला पार्टीको निर्णयको स्वागत गर्दै माओवादी केन्द्रको निर्वाचन चिह्नमा निर्वाचनमा सहभागी हुने र चुनावी तालमेल गर्ने निर्णय भएको जानकारी दिए । उनले सम्पूर्ण देशभक्त र वामपन्थी शक्तिलाई बृहद् वाम एकताको पक्षमा उभिनसमेत आह्वान गरेका छन् । यस्तै, संसदमा क्रियाशील समाजवादी जनता दल र जनजागरण पार्टी नेपालले पनि माओवादी केन्द्रको निर्वाचन चिह्नमा नै निर्वाचनमा सहभागी हुने निर्णय गरेका छन् । प्रेमबहादुर सिंह नेतृत्वको समाजवादी जनता दल र लोकमणि ढकालको जनजागरण पार्टीको संसदमा एक/एक सदस्य छन् । उता, नेकपा संयुक्तले पनि माओवादी केन्द्रको निर्वाचन चिह्नमा नै निर्वाचनमा सहभागी हुने निर्णय गरेको छ । संयुक्तको बुधबारको बैठकले सो निर्णय गरेको नेता पदमराज जोशीले जानकारी दिए । संयुक्तले पनि बृहद् वाम एकतालाई सकारात्मकरुपमा लिँदै एकता प्रक्रियामा सहभागी हुने निर्णय गरेको छ ।

काठमाडौं,असोज १९ । सत्तारुढ नेपाली कांग्रेसले मुलुकको पछिल्लो राजनीतिक घटनाक्रमबारे छलफल गर्न केन्द्रीय कार्यसमिति बैठक डाकेको छ । सत्ता साझेदार दल नेकपा माओवादी केन्द्रले आशन्न निर्वाचनका लागि प्रमुख प्रतिपक्षी दल नेकपा एमालेसँग चुनावी तालमेलसँगै पार्टी एकीकरणको पहल अघि बढाएपछिको अवस्था बारे छलफल गर्न कांग्रेसले केन्द्रीय कार्य समिति बैठक डाकेको हो । बैठक शुक्रबार बिहान ८ वजे बजे प्रधानमन्त्री निवास बालुवाटारमा बस्ने कांग्रेस मुख्य सचिव कृष्णप्रसाद पौडेलले जानकारी दिए । वाम गठबन्धनबाट नेपालको प्रजातन्त्र संकटमा परेको निष्कर्ष निकालेर गैरवामपन्थी शक्तिबीच तालमेलमा जुटेको कांग्रेसले केन्द्रीय समिति बैठकमा पार्टीको आगामी रणनीति तयार गर्ने बताइएको छ । यसअघि बुधबार प्रधानमन्त्री निवास बालुवाटारमा बसेको कांग्रेस कार्यसम्पादन समितिको बैठकले पार्टी सभापति शेरबहादुर देउवा नेतृत्वको वर्तमान सरकारले नै चुनाव गराउने निष्कर्ष निकाल्दै बृहत लोकतान्त्रिक गठबन्धन बनाउने निर्णय गरेको थियो । आगामी प्रतिनिधिसभा र प्रदेशसभाको निर्वाचनमा तालमेल गर्नका लागि कांग्रेस नेतृत्वमा लोकतान्त्रिक गठबन्धन बनाउन ६ दल सहमतसमेत भइसकेका छन् । बुधबार राति बसेको संयुक्त बैठकमा कांग्रेससहित ६ दलबीच आगामी चुनावमा सहकार्य गर्न ७ सदस्यीय कार्यदल बनाउने सहमति भएको थियो । मुलुकका ठूला दुई वामपन्थी दलले चुनावी गठबन्धन र पार्टी एकताका लागि पहल गरेको भोलिपल्ट लोकतन्त्र र परिवर्तन पक्षधर दलहरुको बैठकले उक्त कार्यदलमा काँग्रेसका तर्फबाट दुई जना र अन्य दलबाट एक÷एक जना सदस्य रहने निर्णय गरिएको काँग्रेस नेता विमलेन्द्र निधिले जानकारी दिनुभयो । मुलुकको सामुन्ने विद्यमान परिस्थितिमा लोकतान्त्रिक शक्ति एकताबद्ध भएर जानु आवश्यक देखिएकाले त्यस सम्बन्धमा गृहकार्य गर्न कार्यदल गठन गरिएको छ, नेता निधिले भन्नुभयो, “कार्यदलका सदस्यको नाम भने बिहीबार बिहान सबै दलले दिने र त्यसपछि आवश्यक गृहकार्य एंव तयारी थालिने छ ।” कार्यदलले भोलि बिहानदेखि नै पार्टीका शीर्ष नेताहरुको निर्देशनमा आवश्यक गृहकार्य र तयारी थाल्ने नेता निधिले बताउनुभयो । बैठकमा मंगलबार नेकपा (एमाले), नेकपा (माओवादी केन्द्र) र नयाँशक्ति पार्टीबीच निर्वाचनको मुखमा भएको चुनावी गठबन्धन र पार्टी एकताको पहलका सबन्धमा गम्भीर र विस्तृत छलफल भएको थियो । बैठकमा वामपन्थी दलबीच भएको अस्वभाविक र रहस्मय गठबन्धनले निर्वाचन समयमा हुँदैन कि भन्ने आशंका सिर्जना गरेको बारेमा छलफल भएको बताउँदै नेता निधिले भन्नुभयो, “बैठकमा सहभागी शीर्ष नेताले निर्धारित मितिमै निर्वाचन सम्पन्न गर्न सामूहिक रुपमा एकताका साथ अगाडि बढ्ने दृढता व्यक्त गर्नुभएको छ ।”

जिम्मेवारीविपरीत गतिविधिमा लागेको आरोपमा प्रदेश नं. १ का विभिन्न जिल्लामा सादा पोसाकमा काम गर्ने २३ जना प्रहरी एक महिनादेखि ‘थुना’मा छन् । उनीहरूलाई बाहिर जान नदिई गणमा राखिएको छ । आजको नयाँ पत्रिकामा ख़बर छ: प्रदेश नं. १ प्रहरी कार्यालयले घुमुवा प्रहरीका नामले चिनिने सादा पोसाकमा काम गर्ने प्रहरीमाथि शुद्धीकरण अभियान सुरु गरेको हो । तर, ती प्रहरीहरूले भने कुनै कारणविना आफूहरूलाई घरसमेत जान नदिई थुनामा राखेर यातना दिइएको भन्दै असन्तुष्टि जनाएका छन् । प्रदेश प्रहरी कार्यालयले विभिन्न जिल्लामा कार्यरत २४ जना सादा पोसाकमा कार्यरत प्रहरीलाई तालिम दिएको थियो । गत २५ भदौमा उनीहरूलाई तालिम केन्द्रमा तानेर अनुशिक्षण तालिम दिइएको थियो । त्यसपछि १० असोजदेखि उनीहरूलाई विराटनगरको रानीस्थित प्रहरी गणमा राखिएको छ । सूचना संकलनको काम प्रभावकारी रूपमा नगर्ने घुमुवा प्रहरीलाई हटाएर पुनर्ताजगी तालिम दिन थालिएको प्रदेश नं. १ का प्रहरी प्रमुख एआइजी पशुपति उपाध्यायले बताए । गणभित्र राखिएकामध्ये एक प्रहरीले राजीनामा दिएका छन् । चार असइ, ६ हवल्दार र १३ जना सिपाहीलाई तालिमपछि जिम्मेवारी नदिई बाहिर निस्कन नपाउने गरी गणमा राखिएको छ । दसैँमा समेत आफूहरूलाई घर जान नदिइएको र विनाकारण गणभित्र ‘थुनेर’ राखिएको भन्दै उनीहरूले असन्तुष्टि जनाएका छन् । जिल्ला प्रहरी कार्यालय झापा, इलाम, मोरङ, पाँचथर, भोजपुर, ताप्लेजुङ, संखुवासभा, सप्तरी तथा इलाका प्रहरी कार्यालय इटहरी र रंगेलीमा कार्यरत सादा पोसाकका प्रहरीहरूलाई गणभित्र राखिएको हो । एआइजी उपाध्याय प्रदेश नं. १ मा गएलगत्तै उनीहरूलाई गणमा राखिएको हो । उनीहरूलाई छिटै जिम्मेवारी दिइने उपाध्यायको भनाइ छ । विवादमा घुमुवा प्रहरी देशभरिकै घुमुवा प्रहरीहरू विवादमा पर्ने गर्छन् । घुमुवाहरू हटाएर प्रहरी मुख्यालयले अपराध अनुसन्धान समूह गठन गर्ने योजना बनाए पनि कार्यान्वयन हुन सकेको छैन । सूचना संकलनका लागि सादा पोसाकमा काम गर्ने प्रहरीहरू आर्थिक लेनदेनका विवादमा पर्ने गरेका छन् । उनीहरू हाकिमका निकट भएर काम गर्ने र पैसा उठाउने गर्छन् । धनुषा र सप्तरीका दुई घुमुवा प्रहरीलाई पनि मुख्यालयले गत महिना झिकाएर अनुसन्धान गरेको थियो । घुमुवा प्रहरीकै गलत गतिविधिका कारण प्रहरी संगठन नै बदनाम हुने गरेको छ ।

काठमाडौं, असोज १७ । निर्वाचन आयोगले आउँदो मंसिर १० र २१ गते हुने प्रतिनिधिसभा र प्रदेशसभा सदस्यको समानुपातिक निर्वाचन प्रणालीतर्फको मतपत्र छपाइ  शुरु गरेको छ । मतपत्र छपाइको व्यवस्थापन गर्न निर्वाचन आयोगबाट जनशक्ति खटिइसकेको आयोगका प्रवक्ता नवराज ढकालले जानकारी दिए   । समानुपातिकतर्फको मतपत्रको छपाइ आउँदो कात्तिक ८ गतेभित्र पूरा हुनेछ । निर्वाचनका लागि मतदाताको संख्या यकिन भइ नसके पनि समानुपातिक निर्वाचन प्रणालीका लागि हल्का रातो रङको झण्डै एक करोड ८० लाख मतपत्र छापिनेछ । त्यसलगत्तै प्रतिनिधिसभा र प्रदेशसभा सदस्यको प्रत्यक्षतर्फको निर्वाचनको मतपत्रको छपाइको काम शुरु हुनेछ । यहि १८ र १९ गतेभित्र मतदाता नामावलीको प्रसोधन सकेर तत्कालै थप मतदाता परिचयपत्र छपाई सुरु गरिने छ । एउटै मतपत्रको माथिल्लो खण्डमा प्रतिनिधिसभा र तल्लो खण्डमा प्रदेशसभा सदस्य निर्वाचनका चुनाव चिह्न रहनेछन् । समानुपातिक निर्वाचनमा भाग लिने राजनीतिक दलले उम्मेदवारको बन्दसूची यही असोज २९ गते पेस गर्नुपर्ने गरी यसअघि नै आयोगबाट निर्वाचन कार्यक्रम प्रकाशन भइसकेको छ । प्रतिनिधिसभा सदस्यका लागि समानुपातिक निर्वाचन प्रणालीअन्तर्गत हुने निर्वाचनमा भाग लिन दर्ता भएका राजनीतिक दललाई आयोगले निर्वाचन चिह्न निर्धारण गरिसकेको छ । समानुपातिक निर्वाचन प्रणालीतर्फ प्रदेशसभा सदस्य निर्वाचनमा प्रदेश नं १ मा ८७, प्रदेश नं २ र ३ मा ८६÷८६, प्रदेश नं ४ र ६ मा ८२÷८२, प्रदेश नं ५ मा ८४ र प्रदेश नं ७ मा ८३ राजनीतिक दलले प्रतिस्पर्धा गर्ने छन् । प्रदेशसभा सदस्य निर्वाचनमा सम्बन्धित प्रदेशमा राजनीतिक दलको सहभागिताअनुसार आयोगले सात प्रकारका मतपत्रको व्यवस्थापन गर्नेछ । मतपत्रका लागि आयोगले ६०० टन कागजको व्यवस्थापनसमेत गरिसकेको जनाइएको छ । आउँदो निर्वाचनमा सुरक्षा फौजबाहेक दुई लाखको हाराहारीमा जनशक्ति परिचालन हुने जनाइएको छ । मंसिरमा हुने निर्वाचनबाट प्रतिनिधिसभा सदस्यमा प्रत्यक्षतर्फ १६५ तथा समानुपातिक निर्वाचन प्रणालीबाट ११० सदस्य तथा प्रदेशसभामा प्रत्यक्षतर्फ ३३० र समानुपातिक प्रणालीबाट २२९ जना चयन हुनेछ ।

काठमाडौं, असोज १३ । एकसातादेखि आन्दोलनरत नेपाल चिकित्सक सघं आफ्नाे आन्दोलनका सम्पूर्ण कार्यक्रम फिर्ता लिन सहमत भएको छ । प्रधानमन्त्री निवास बालुवाटारमा शुक्रबार चिकित्सकहरु र स्वास्थ्य मन्त्रालयका पदाधिकारीहरुबीच भएको वार्तामा चिकित्सक संघ आन्दोलन फिर्ता लिन राजी भएको हो । प्रधानमन्त्री शेरबहादुर देउवाको उपस्थितिमा भएको वार्तामा सरकारले चिकित्सकहरुको सुरक्षाको प्रत्याभूति गर्ने वचन दिएको छ । स्वास्थ्य संस्था र चिकित्सकको सुरक्षाका लागि हदैसम्मको व्यवस्था गर्ने वचन पनि प्रधानमन्त्री देउवाले दिएका छन् । प्रधानमन्त्री देउवासँग भएको छलफल सहमतिमा पुगेसँगै सम्पूर्ण आन्दोलन फिर्ता लिइएको नेपाल चिकित्सक संघका अध्यक्ष डा मुक्तिराम श्रेष्ठले जानकारी दिए । सरकारले अस्पतालको लापरबाहीका कारण बिरामीको मृत्यु भएमा स्वयं चिकित्सकले क्षतिपूर्ति दिनुपर्ने ऐन ल्याउन लागेको भन्दै त्यसको विरोधमा चिकित्सक संघ आन्दोलित बनेको थियो । एक साता लामो आन्दोलनका कारण स्वास्थ्य सेवा प्रभावित हुँदा सर्वसाधारण र बिरामी मार्कामा परेका थिए । चिकित्सक संघको नेतृत्वमा देशभरका सरकारी तथा निजी अस्पताल, क्लिनिक र स्वास्थ्य संस्थाको ओपीडी सेवा बन्द गरिएको थियो । सरकारले चाडबाडको समयमा स्वास्थ्य सेवा बन्द नगर्न गरेको आग्रहपनि बेवास्ता गर्दै चिकित्सक संघले विगत ८ दिनदेखि आन्दोलन गरिरहेको थियो । प्रधानमन्त्री शेरबहादुर देउवा विदेश भ्रमणबाट फर्केलगत्तै चिकित्सकहरु वार्तामा बसेका हुन् ।

महोत्तरी, असोज १३ । स्वास्थ्य मन्त्री गिरिराजमणी पोखरेलले आन्दोलनरत चिकित्सकका जायज माग पूरा गर्न सरकार तयार रहेको बताउदै आन्दोलनका कार्यक्रम फिर्ता लिई काममा फर्किन आग्रह गरेका छन् । नेपालीहरुको महान चाड दशैंको समयमा अस्पतालहरु बन्द हुँदा नागरिकको संवैधानिक अधिकार हनन भएको प्रति पनि मन्त्री पोखरेलले चिकित्सलाई सचेत गराएका छन । महोत्तरीको बर्दिवासमा शुक्रबार सञ्चारकर्मीहरुसँग कुराकानी गर्दै उनले दशैं जस्तो महत्वपूर्ण चाडमा नागरिकका लागि स्वास्थ्य सेवा अतिआवश्यक रहेको भन्दै चिकित्सकका माग पूरा गर्न आफू र सरकार प्रतिवद्ध रहेको बताए । मन्त्री पोखरेलले स्वास्थ्य सेवा अवरुद्ध भइरहँदा आफूलाई दुःख लागेको बताउदै अस्पताल बन्द र अवरोध गर्नु ठीक नभएको बताए ।शुक्रबार गृहनगर बर्दिवास आएका मन्त्री पोखरेलले आन्दोलनको कार्यक्रम फिर्ता लिएर वार्ता र संवादमा आउन समेत चिकित्सलाई आग्रह गरेका छन । मन्त्रिपरिषदको निर्णय र चिकित्सक संघ दुवैलाई सम्बोधन हुनेगरी स्वास्थ्यकर्मी तथा स्वास्थ्य संस्था सुरक्षा ऐन २०६६ र त्यसको आधारमा बनेको २०६९ को नियमावली परिस्कृत गर्न सरकार तयार रहेको उनले जानकारी गराए । चिकित्सक र स्वास्थ्यकर्मीहरु माथीको आक्रमणको घटनाले मनोबल घटाउने काम भैरहेकाले सरकार सुरक्षा प्रदान गर्न तयार रहेको उनले स्पष्ट पारे । सम्पूर्ण नेपालीहरुलाई दशैंको शुभकामना दिँदै उनले स्वास्थ्यको दृष्टिकोणले खानपिनमा विशेष ध्यान दिन समेत सुझाव दिए ।

काठमाडौं, असोज ११ । राष्ट्रसंघले नेपाली बालबालिका छिमेकी भारत तथा अफ्रिकी मुलुकमा बेचिने क्रम बढ्दो रहेको जनाएको छ । यो समस्याबारे नेपाल सरकार गम्भीर नभएको र बेचबिखन रोक्न आवश्यक कदम नचालेकोमा आफ्नो ध्यानाकर्षण भएको पनि राष्ट्रसंघले जनाएको छ । न्यूयोर्कस्थित मुख्यालयमा आयोजित पत्रकार सम्मेलनमा राष्ट्रसंघीय अधिकारीहरुले घर र पढाई छाड्न बाध्य भएका तथा जोखिममा रहेका बालबालिकाप्रति चनाखो रहन पनि नेपाल सरकारलाई आग्रह गरे । पछिल्लो समय प्राकृतिक प्रकोपका कारण नेपालमा ८० हजारभन्दा बढी बालबालिका शिक्षाको पहुँचबाट वन्चित हुनुपरेको पनि राष्ट्रसंघको तथ्यांक छ । बेलायतका पूर्व प्रधानमन्त्री गोल्डेन ब्राउन नेतृत्वको समूहले राष्ट्रसंघ महासभामा सहभागी हुन आएका प्रधानमन्त्री शेरबहादुर देउवासहितको नेपाली टोलीलाई पनि नेपाली बालबालिकाको अवस्थाबारे जानकारी गराएको थियो । ब्राउनले नेपालको द्वन्द्वकालमा बालबालिकाको समस्या र शिक्षाको पहुँचबारे पनि धारणा राखेका थिए । त्यही समयदेखि नै नेपालका बालबालिका भारत र अन्य मुलुकमा बेचिने गरेको तथ्यांक उनले प्रस्तुत गरेका हुन् । ‘नेपालबाट ठूलो संख्यामा बालबालिका तस्करी गरेर भारत र अन्य देशमा बेचिन्छन् । मानव तस्करहरुले संगठित रुपमा बालबालिकाको डरलाग्दो व्यापार गरिरहेका छन् । राष्ट्रसंघमात्र होइन, नेपाल सरकारले पनि त्यसलाई रोक्न कदम चाल्नैपर्छ । आरम्भमा हामीले बालबालिकालाई विद्यालय फर्काउने र बेचबिखन हुने अवस्था रोक्ने नै हो,’ उनले भने । ब्राउन विश्वव्यापी शिक्षाका लागि राष्ट्रसंघका विशेष दूत हुन् । उनले विश्वका बालबालिका शिक्षाबाट वञ्चित नहुन् भन्ने अभियान नै चलाएका छन् । विश्वमा हरेक ६ सेकेन्डमा एक बालबालिका विस्थापित भइरहेको तथ्यांक प्रस्तुत गर्दै उनले नेपालको अवस्थाका बारेमा विवरण प्रस्तुत गरेका थिए । –कान्तिपुर दैनिकबाट

काठमाडौं, भदौ २८ । लामो समयको अन्तरालमा पाकिस्तानमा खेलिएको अन्तर्राष्ट्रिय क्रिकेट खेलमा घरेलु टोली विजयी भएको छ । लाहोरमा मंगलबार राति भएको ट्वेन्टी ट्वेन्टी खेलमा पाकिस्तानले विश्व–एघारलाई २० रनले पराजित गर्‍यो । खेलमा पहिले ब्याटिङ गरेको पाकिस्तानले निर्धारित २० ओभरमा ५ विकेट गुमाएर १ सय ९७ रन बनायो । पाकिस्तानका लागि बाबर आजमले ५२ बलमा ८६ रन जोड्दा मोहोमद शेहजादले ३९ रन तथा शोएब मलिकले ३८ रन जोडे । जवाफमा १ सय ९८ रनको लक्ष्य पछ्याएको विश्व–एघारले २० ओभरमा ७ विकेट गुमाएर १ सय ७७ रन मात्रै बनाउन सक्यो । विश्व–एघारका लागि फाफ डु प्लेसीस र ड्यारेन सामीले समान २९ रन जोड्दा हसिम अमलाले २६ रनको योगदान दिए । पाकिस्तानमा अन्तर्राष्ट्रिय क्रिकेट फर्काउने उद्देश्यले खेलिएको यो खेलका लागि विश्वका थुपै्र राष्ट्रका खेलाडी मिलाएर विश्व–एघार टिम बनाइएको हो । टिमले पाकिस्तानमा रहँदा तीन वटा ट्वेन्टी ट्वेन्टी म्याच खेल्नेछ । सन् २००९ को मार्चमा श्रीलंकाको राष्ट्रिय क्रिकेट टोली सवार बसमाथि लाहोरमा आतंकवादी आक्रमण भएयता अन्तर्राष्ट्रिय क्रिकेट परिषद् आइसीसीले पाकिस्तानमा कुनै पनि अन्तर्राष्ट्रिय प्रतियोगिता आयोजना गराएको छैन । पाकिस्तानसँगका टेष्ट, एक दिवसिय र ट्वेन्टी ट्वेन्टी क्रिकेट खेलसमेत युएईलगायतका तेस्रो मुलुकमा आयोजना हुँदै आएका छन् ।