काठमाडौं, वैशाख २८ । प्रधानमन्त्री केपी शर्मा ओलीको निमन्त्रणामा भारतका प्रधानमन्त्री नरेन्द्र मोदी नेपालको दुईदिने राजकीय भ्रमणमा शुक्रकार यहाँ आउँदै छन् । भारतका कार्यकारी सरकार प्रमुखका रुपमा तेस्रो पटक हुन लागेको यो भ्रमणले आपसी आत्मीयता, मैत्री र शताब्दीऔँ पुरानो दुई देशबीचको सम्बन्धलाई थप प्रगाढ तुल्याउने अपेक्षा नेपाल र भारतका जनताले गरेका छन् । प्रधानमन्त्री ओलीको गत महिना सम्पन्न भारतको राजकीय भ्रमणको प्रत्युत्तर भ्रमणका रुपमा पनि प्रधानमन्त्री मोदीको भ्रमणलाई लिइएको छ । राजनीतिक तहमा हुने यस्ता उच्चस्तरीय भ्रमणले एकार्काका पीरमर्का र विकासका आकांक्षा बुझ्न मद्दत मात्र पुग्दैन बदलिँदो विश्व परिवेशमा मतैक्यताका साथ क्षेत्रीय र अन्तर्राष्ट्रिय चासोका साझा विषयमा सहकार्य गर्न सघाउँछ । प्रधानमन्त्री मोदीले नेपाल भ्रमणको पूर्वसन्ध्यामा गरेका तीन ‘ट्विट्’ले नेपालसँगको अनादिकालदेखिको भारतको परम्परागत सम्बन्धलाई नयाँ आलोकमा प्रस्तुत गर्न खोजेको प्रतीत हुन्छ । “लोकतन्त्रका उपलब्धिलाई संस्थागत गर्न तथा आर्थिक समृद्धि हासिल गर्ने नयाँ युगमा प्रवेश गरेको नेपाललाई अटल साझेदारका रुपमा भारत प्रस्तुत हुन चाहन्छ” नेपाल सरकारको ‘समृद्ध नेपाल र सुखी नेपाली’ निर्माणको परिकल्पना साकार पार्न सबल साझेदार हुने उत्कृट अभिलाषा उनले अभिव्यक्त गरेका छन् । त्यस्तै अर्को ट्विटमा उनले नेपालसँगको सम्बन्धलाई भारतले उच्च महत्व दिएको प्रष्ट्याउँदै द्विपक्षीय सम्बन्धलाई थप प्रगाढ तुल्याउन आफ्ना समकक्षी ओलीसँग सघन वार्ता गर्ने बताउनुभएको छ । निश्चय पनि उनको यो अभिव्यक्तिले विगतका रिक्तता र तिक्ततालाई तिलाञ्जलि दिएको संकेत मात्र गर्दैन भविष्यमा नेपाल–भारत मैत्री नयाँ नेपालको नयाँ संविधान जारी हुनुपूर्वको अवस्थामा पु¥याउने अपेक्षा गर्न सकिन्छ । पर्यटन प्रवद्र्धन जनकपुरधाम र मुक्तिनाथजस्ता विश्वविख्यात धार्मिक एवं सांस्कृतिक महत्वका सम्पदास्थलमा हुने उहाँको भ्रमणले प्रकृतिप्रेमी पर्यटक र तीर्थाटनलाई भारतवर्षमा समुचित प्रवद्र्धन मात्र गर्नेछैन अपितु दुई देशबीचको धार्मिक एवं सांस्कृतिक सम्बन्धलाई एक अटुट कडीका रुपमा चित्रण गर्छ । संयुक्त राष्ट्र संघका पूर्व उपमहासचिव ज्ञानचन्द्र आचार्य द्विपक्षीय भ्रमण एकार्कालाई बुझ्ने अवसरका रुपमा चित्रण गर्छन । उनी प्रधानमन्त्री ओलीको भारत भ्रमणका बेला भएका सहमतिलाई कार्यान्वयन गर्ने, त्यसो हुन नसके पनि छलफल र समिचीन समीक्षा गर्ने, सम्बन्ध नवीकण गर्ने अवसर ठान्छन् । दक्षिण र उत्तर कोरियाली नेताबीच हालै भएको ऐतिहासिक वार्ता, चीनका राष्ट्रपति र भारतका प्रधानमन्त्रीबीचको हालैको भेटवार्तालगायत क्षेत्रीय रंगमञ्चमा विकसित घटनाक्रमलाई जोड्दै उहाँ भ्रमणले दुवै देशका जनतालाई फाइदा पुग्ने अभिमत प्रकट गर्छन । राष्ट्रिय योजना आयोगका पूर्वउपाध्यक्ष डा मोहनमान सैंजू समसामयिक विश्वमा उदीयमान अर्थतन्त्रके रुपमा स्थापित लोकतान्त्रिक मुलुक भारतबाट समानताका आधारमा नेपालप्रति व्यवहार हुने विश्वास व्यक्त गर्छन । पूर्व राजदूत सैंजु भारतले आफ्नो विशालता र प्रतिष्ठा तथा विज्ञान, प्रविधि र आर्थिक फाँटमा हासिल गरेको समृद्धिलाई गिज्याउने खालको व्यवहार भविष्यमा फेरि गर्दैन भन्ने सन्देश प्रधानमन्त्री मोदीले दिनुपर्छ भन्छन् । पुरानो भारतीय मानसिकता अब परिवर्तन हुनुपर्छ भने उनको ठम्याइ छ । मुक्तिनाथ र जनकपुरको पर्यटन प्रवद्र्धनमा पनि टेवा पुग्ने उनलाई लागेको छ । नेपाल र भारतबीच तीन वर्षअघि उत्पन्न चिसोपन अब हार्दिकतातर्फ उन्मुख भएको विश्लेषण सुनाउँदै भारतका विद्वत् वर्गमा दरिएका प्रा महेन्द्र पी लामा भन्छन् “तीन वर्षअघि नेपाल र भारतबीच निर्मित एउटा गहिरो खाडल नेपालका प्रधानमन्त्री केपी ओलीबाट नयाँ दिल्ली भ्रमणले आधा पुरेको र अब प्रधानमन्त्री मोदीको नेपाल यात्राले बाँकी आधा खाडल पुर्नेछ । ” -राताेपाटीबाट

काठमाडौं, वैशाख २७ । इन्डियन प्रीमियर लीग (आइपीएल) को ११ औं संस्करणको जारी सिजनमा नेपाली युवा स्पिनर सन्दीप लामिछाने आवद्ध टीम दिल्ली डेयरडेभिल्सले आज बलियो टोली सनराइजर्स हैदरावादसँग खेल्दै छ । अहिलेसम्म खेलका ९ मध्ये तीनमा जित र ६ खेलमा हार व्याहोरेर तालिकाको पुच्छारमा रहेको दिल्लीले सिजनको बलियो टीम सनराइजर्स हैदरावादसँग आज भिड्न लागेको हो । युवा व्याट्सम्यान श्रेयस आयरले कप्तानी सम्भालेपछि दिल्लीले दुई खेलमा जित हात पारे पनि टीमले उल्लेख्य सुधार गर्न भने सकेको छैन । दिल्लीले ९ खेलबाट ६ अंक जोडेको छ। भने हैदरावाद ९ खेलबाट १४ अंक जोडेको छ। बिहीबार राति दिल्लीको घरेलु मैदान फिरोज शाह कोट्ला रंगशालामा राति ८ बजे शुरु हुने खेलमा दुबै टिम जितका लागि मैदानमा उत्रिने छ । दिल्ली आज जित निकालेर आफ्नो अगाडिको यात्राका लागि मार्ग प्रशस्त गर्न चाहान्छ भने हैदारवाद आजको खेल जित्दै शीर्ष स्थानमा उक्लिन चाहान्छ । कप्तानी सम्भालेपछि उत्कृष्ट प्रदर्शन गर्दै दुई खेलमा जित निकालेका आयरलाई बलियो टीम सनराइजर्सलाई घरेल मैदानमा पराजित गरी दिल्लीलाई पूनर्जीवन दिन उद्दत रहने छन् भने सनराइजर्सका कप्तान काने विलियम्सन भने टीमलाई शीर्षस्थानमा पुर्याउने उद्देश्यका साथ मैदानमा उत्रिने छन् । कप्तान श्रेयर अयार, रिशव पन्त, पृथ्वी शा, ट्रेन्ट बोउल्ट र अमित मिश्र उत्कृष्ट फर्ममा रहे पनि टीमको हारलाई भने बचाउन सकेका छैनन् । तर आइपीएल अक्सनबाट दिल्लीमा ३२ लाख रुपैयाँमा अनुबन्ध हुन सफल पहिलो नेपाली क्रिकेटर सन्दीप भने आजसम्म टीमले खेलका ९ खेलमा खेल्न पाएका छैनन् । प्रशिक्षक रिकी पोन्टिङ र यसअघिका कप्तान गौतम गाम्भीर दुबैले सन्दीपको खेलको प्रंशसा गरेपनि उनी अहिलेसम्म दिल्लीको प्लेइङ एलेभनमा परेका छैनन् । किन प्लेइङ एलेभनमा परेका छैनन् सन्दीप आइपीएलको नियम अनुसार एउटा खेलमा कुनैपनि टीमले चार जनामात्रै विदेशी खेलाडी खेलाउन पाउँछ । दिल्लीमा मात्रै आठ जना विदेशी खेलाडी छन् । त्यसमा सबै सन्दीप भन्दा अनुभवी र पाका खेलाडी छन् । साथै मंहगा पनि । गौतम गाम्भीरले कप्तानी गर्दासम्म शुरुबाटै दिल्ली जारी सिजनमा दवावमा रह्यो । पाँच खेलमध्ये चारमा पराजय हात पारेको टिमले सन्दीलाई खेलाएर थप रिक्स लिन नचाहेको जानकारहरु बताउँछन् । अब दिल्लीले चार खेल खेल्न वाँकी छ । सबै खेलमा जित चमात्कारी रुपमा सबै खेलमा जित निकाले मात्रै दिल्लीको अगाडिको यात्रा सम्भव छ । प्लेअफ र क्वालिफायरका लागि दिल्ली बाँकी सबै खेल जित्नु पर्छ । होइन भने आइपीएल इतिहासमा दिल्लीको यो सबैभन्दा नराम्रो हार हुने छ । टीम दिल्ली श्रेयस अयार (कप्तान), पृथ्वी शा, रिशव पन्त, ग्यालेन म्याक्सवेल, विजय शंकर, लियम प्युन्केट,अमित मिश्र, नमन ओझा, ड्यानियल किस्ट्रिन, अभेस खान र ट्रेन्ट बोल्ट

। यहाँको त्रिपुरासुन्दरी नगरपालिका अन्तर्गत पर्ने वडा नं १ र २ लाई पूर्ण खोप वडा घोषणा गरिएको छ । नगरका दुई वडामा भएका ८१ जना बालबालिकाले जन्मदेखि दुई वर्षसम्म लगाउनुपर्ने ११ प्रकारका खोप पूरा गरेका आधारमा पूर्ण खोप वडा घोषणा गरिएको स्थास्थ्य चौकी त्रिपुराकोटका प्रमुख तुलबहादुर श्रेष्ठले जानकारी दिनुभयो । पूर्ण खोप वडा घोषणासँगै दिगोपना पनि आवश्यक भएको स्वास्थ्य चौकी प्रमुख तुलबहादुर श्रेष्ठले बताउनुभयो । सरकारको खोप तालिकाअनुसार कुनै पनि गाउँ क्षेत्र भित्रका दुई वर्षसम्मका बालबालिकालाई जन्मदेखि दुई वर्षसम्म ११ वटा खोप पूरा गरेपछि मात्रै पूर्ण खोप सुनिश्चित क्षेत्र घोषणा गर्न मिल्ने प्रावधान छ । त्रिपुरासुन्दरी नगरपालिकाको केन्द्र बगर बजारमा आयोजित कार्यक्रममा नगर प्रमुख ओमबहादुर बुढाले अहिले पूर्ण खोप घोषणा गरेर मात्रै नहुने र यसलाई निरन्तर रुपमा सर्वसाधारणको घर–घरमा पुगेर खोप कार्यक्रम सञ्चालन गर्नुपर्ने बताउनुभयो । कार्यक्रममा नगरका विभिन्न विद्यालयका अध्ययनरत विद्यार्थीले जनस्वास्थ्य शिक्षासम्बन्धी चेतना फैलाउने नृत्य, सडक नाटक र कविता प्रस्तुत गरेका थिए । साबिकको त्रिपुराकोट गाविसका नौ वडाका नौ जना स्वास्थ्य स्वयम्सेविकालाई सम्मानितसमेत गरिएको थियो । रासस

काठमाडौं, वैशाख २३ । स्पेनिस ला लिगाको जारी सिजनमा अपराजित रहदै एक खेल बाँकी छदै बार्सिलोनाले गतसाता उपाधि जितिसेको छ । अब उसको एक मात्रै लक्ष्य भनेको जारी सिजनलाई अपराजित टुंग्याउनु हो । यी प्रतिस्पर्धी आज अन्तिम खेल खेल्दै छन् । उसको बाटोको मुख्य बाधक बनेर आइतबार राति रियल म्याड्रिड उसैको घरेलु मैदानमा भिड्दैछ। एल क्लासिकोको यस सिजनको अन्तिम खेलमा यी दुर्इ टोली आज राति भिड्न लागेका हुन्। यस सिजनमा हार नबेहोरेको बार्सिलोना घरेलु मैदानमा त्यसलार्इ निरन्तरता दिने सोचमा छ भने उपाधि गुमाइसकेको रियल बार्सिलोनालार्इ पराजित गर्दै घाउमा मल्हम लगाउने दाउमा छ । यस सिजनको एल क्लासिकोमा भने यी दुर्इ टोलीहरुबीच कडा प्रतिस्पर्धा भएको छ। यसअघि भएका पछिल्ला चार एलक्लासिकोमा दुवै टोलीले २–२ खेल जितेका छन्। एल क्लासिकोको इतिहासमा २३६ भेटमा रियलले ९६ र बार्सिलोनाले ९२ खेल जितेको छ।

डडेल्धुरा । डडेल्धुराको परशुराम नगरपालिका १२ जोगबुडाका वन उपभोक्तालाई पहिलो पटक आयर्आजन सम्बन्धी सीप सिकाउन थालिएको छ । समुदायक वनमा त्यसै खेर गइरहेको अम्रिसोलाई आयआर्जनसँग जोड्न त्यसको कुच्चो बनाउने सीप सिकाइन थालिएको हो । जिल्ला वन कार्यालयको आर्थिक सहयोग र इलाका वन कार्यालयको समन्वयमा वनमा उत्पादन भएका घाँस, स्याउला, पातलाई बजारको माग अनुसारका सामग्री निर्माण गरी बिक्री गर्ने तालीम दिइएको छ । उक्त नगरपालिका–१ स्थित जानकी सामुदायिक वन उपभोक्ता समूहमा पाँच दिने अम्रिसो कुचो बनाउने तालीम आयोजना गरिएको उत्थानशील सामाजिक विकास केन्द्रका कोषाध्यक्ष रामबहादुर ऐरले बताउनुभयो । पाँच दिनसम्म जानकी सामुदायिक वनमा सञ्चालन हुने तालीमको सहजीकरण संस्थाका सदस्य लक्ष्मणबहादुर थापाले गर्नुहुने भएको छ । उक्त सीपमूलक तालीममा समुदायका लक्षित वर्ग, दलित, असहाय व्यक्तिको सहभागिता छ जिल्ला वन र संस्थाले आफ्नो सामुदायिक वनका उपभोक्तालाई दिएको तालीमले समदायका उपभोक्ताको आयआर्जन बढ्नुका साथै वनमा उत्पादित अम्रिसो पनि काम लाग्ने जानकी सामुदायिक वनले जनाएको छ । रासस

ब्रिटेनको गृहमन्त्रीमा पाकिस्तानी मूलका साजिद जावेद नियुक्त भएका छन् । गृहमन्त्री अम्बर रडको राजिनामापछि समुदाय, स्थानीय सरकार एवम् बसोबास मन्त्रालयको कार्यभार सम्हालिरहेका जावेदको नियुक्ति भएको हो । सन् १९६०  को दशकमा ब्रिटेन आएका जावेदको परिवार निम्न मध्यम वर्गीय थियो । उनका पिता एउटा बस चालक रहेका थिए । ४८ वर्षीय जावेदले यस अघि व्यापार एवम् संस्कृति मन्त्रीको भूमिका समेत निर्वाह गरिसकेका छन् । जावेद काला, एसियाली र अल्पसंख्यक समुदाय (बिएएमइ) बाट यो पदमा पुग्ने पहिलो व्यक्ति हुन् । उनी सन् २०१० देखि संसद रहेका छन् । जावेद ब्रिटेनले युरोपियन युनियनको सदस्या नछोड्नुपर्ने मत राख्ने ब्रिटिश राजनेताहरूमा एक हुन् । यस अर्थमा उनको नियुक्तिलाई अर्थपूर्ण रूपमा हेरिएको छ । बिबिसी  

मुम्बई । बलिउड अभिनेत्री अनुष्का शर्मा ३० वर्षकी भएकी छन् । उनको जन्म १ मे, १९८८ मा अयोध्यामा भएको थियो । कैयौं बलिउड चलचित्रमा काम गरिसकेकी अनुष्का जन्मदिनको मौकामा उनीसँग जोडिएको एक रहस्यको खुलासा भएको छ । एक अवार्ड शो कार्यक्रमबाट फर्किंदा बाटैभरि नै उनी रोई मात्र रहेका थिए । कारण के हो भने उनले खेलेका थुप्रै सुपरहिट चलचित्रले गर्दा पूरा आशावादी रहेकी थिइन् कि अवार्ड पक्कै पनि मैले नै पाउने छु तर अवार्ड पाइनन् । दुई सुपरहिट चलचित्रको लागि अनुष्काले पाइनन् अवार्ड अनुष्काले २००८ मा उनको पहिलो बलिउड चलचित्र ‘रब ने बना दी जोडी’ मा डेब्यु गरेकी थिइन् । उनको सुरुवाती दुई चलचत्र ‘रब ने बना दी जोडी’ (२००८) र बैण्ड बाजा बारात (२०१०) ले उनला‌इ बेस्ट एक्टे«सको फिल्मफेयर अवार्डको लागि नोमिनेसन समेत दिलायाे । दुई हिट चलचित्रबाट पुरै आशावाव रहेकी अनुष्कालाई अवार्ड मिलेन । एक अन्तर्वार्ता अनुष्काले भनेकी थिइन्, ‘दुई सुपरहिट चलचित्रले गर्दा म अवार्डको लागि फिट थिएँ, तर मलाई अवार्ड मिल्न सकेन ।’ उनले भने– ‘अवार्ड फंक्शन सकिएपछि घर जाँदाको समय म बाटैभरि रोइरहेकी थिइन् ।’ अवार्ड नपाएपछि मलाई साह्रै नराम्रो लाग्यो कि सबैले अवार्ड पाउन सफल भए तर मैले पाएन । उनले अर्काे अन्तर्वार्तामा भने, ‘एक अन्य अवार्ड शो मा जब म ब्याक स्टेज मा थिएँ र यस फंक्शनमा पनि म अवार्ड पाउन असफल रहे । यसैक्रममा अमिताभ बच्चनबाट मलाई नाम लिएर बोलाए। मलाई एकदमै अचम्म लाग्यो । उनले मलाई भने– मैले चलचित्र हेरें र धेरै समयपछि एकदमै ट्यालेन्टेड एक्ट्रेस देख्ने मौका पाएको छु । त्यही समयमा असिन आफ्नो अवार्ड लिएर मेरो सामु पुगिन। अमिताभकाे कुरा सुनेपछि मलाई लाग्याे मैले मेराे अवार्ड पाइसकें ।

काठमाडौं, वैशाख १८ । सरकारले प्रधानमन्त्री मातहत रहने गरी विषयगत ‘थिंक ट्यांक’ राख्ने तयारी अघि बढाएको छ । विभिन्न निकायअन्तर्गत रहेका ‘थिंक ट्यांक’ प्रभावकारी नभएको अवस्थामा प्रधानमन्त्री कार्यालयमातहत रहने यो संयन्त्रलाई कसरी चुस्त बनाउने भन्नेबारे छलफल सुरु भएको हो । मन्त्रिपरिषद् स्रोतका अनुसार प्रधानमन्त्री कार्यालयमा सल्लाहकार थपेर नाम मात्र थिंक ट्यांक राख्ने काम नहोस् भन्नेबारे गम्भीर गृहकार्य भइरहेको छ । प्रधानमन्त्री केपी ओलीका घोषित र अघोषित सल्लाहकार समूहले प्रभावकारी ‘थिंक ट्यांक’ बनाउनेबारे छलफल गरिरहे पनि कुन मोडलमा अघि बढ्ने भन्ने स्पष्ट भइसकेको छैन । अहिलेसम्म ‘थिंक ट्यांक’ ले जागिर मात्र खाएको तीतो अनुभव सरकारसँग छ । नयाँ बन्ने संयन्त्रको हालत त्यस्तो नहोला भन्न नसकिने परराष्ट्र मन्त्रालयका उच्च अधिकारी बताउँछन् । ‘नेपालमा स्वतन्त्रविज्ञको खडेरी छ, कसरी थिंक ट्यांक राम्रो बन्छ ?’ ती अधिकारीले भने, ‘सबैलाई जागिर र ठूला नियुक्तिको आस छ । ढुक्क भएर सुझाव दिन सक्ने व्यक्तिको अभाव छ ।’ परराष्ट्रका पाका कूटनीतिज्ञको अनुभवमा पहिले अध्ययनका साथै ‘इथिक्स’ थियो तर अहिले दुवै हल्का हुँदै गएको छ । ‘थिंक ट्यांकको परिकल्पना राम्रो हो तर त्यहाँ कस्ता मानिसले नेतृत्व गर्छन्, त्यो अर्को तगारो र चुनौतीपूर्ण पक्ष हो,’ ती अधिकारीको भनाइ छ । पाका कूटनीतिज्ञहरू भने मन्त्रालयगत विश्लेषण नै काफी रहेकाले त्यसैलाई चुस्त र पुराना थिंक ट्यांकलाई चलायमान बनाउन आवश्यक रहेको औंल्याउँछन् ।, यो खबर आजको कान्तिपुरमा छ ।

पोखरा । पोखराका पुराना लोकप्रिय लोकदोहोेरी गायक वसन्त थकाली वसन्त रुविना फाउण्डेशनको आयोजनामा शनिबार पहिलो पटक एकल साँझमा झुल्किनुभएको छ । रत्न रेकर्डिङ संस्थानबाट प्रथम पटक रेकर्ड गरिएको गीत ‘घर त घर त पोखरा, तिम्रो पो सबै छन् मेरो को छर’ भन्ने गीतबाट साङ्गीतिक यात्रामा आफूलाई अगाडि बढाउनुभएका थकालीले एकल साँझमा उक्त गीतसँगै ‘जोमसोममाथिको ठिनी गाउँ’, ‘गाउँघरको झिल्के मत’, ‘बाँचुन्जेल जे छ हजुर’, ‘झल्को उही दिनको’, ‘मेरो देश नेपाल’ लगायत १३ वटा गीत गाउनुभयो । एकल साँझमा उभिइरहँदा पोखरा उद्योग वाणिज्य संघको सभाहलमा ५०० जनाको हाराहारीमा दर्शक एवं स्रोताले उहाँलाई साथ दिएका थिए । कार्यक्रमबाट संकलित रकमले फाउण्डेशनमार्फत सङ्गीत एकेडेमी सञ्चालन गरी यस क्षेत्रमा रुचि भएर पनि आर्थिक अभावका कारण अवसरबाट वञ्चित असहाय बालबालिकालाई सहयोग गरिने लक्ष्य लिइएको छ । पोखराको चर्चित साहारा क्लबका संस्थापक अध्यक्ष रहनुभएका थकाली खेल विधाका साथै विभिन्न सामाजिक संघसंस्थामा क्रियाशील हुनुहुन्छ । रासस

काठमाडौं, बैशाख १६ । गोप्य सूचना तथा जानकारी संकलन गर्ने निकाय राष्ट्रिय अनुसन्धान विभाग कुन मन्त्रालयमातहत राख्ने सत्तारुढ दल एमाले-माओवादीभित्रै विवाद देखिएको छ। गृह मन्त्रालयमातहत रहँदै आएको विभागसहित सम्पत्ति शुद्धीकरण र राजस्व अनुसन्धान विभाग सरकारले प्रधानमन्त्री कार्यालयमातहत राख्ने निर्णय फागुन तेस्रो साता गरेको थियो। आजको अन्नपूर्ण पोस्टले पहिलो पृष्ठमा समाचार छापेको छ । त्यही बेलादेखि माओवादीले अनुसन्धान विभाग आफ्ना पार्टीका रामबहादुर थापाले नेतृत्व गर्दै आएको गृह मन्त्रालयबाट झिकेर प्रधानमन्त्री कार्यालयअन्तर्गत राखेकामा प्रधानमन्त्रीसँग प्रत्यक्ष÷अप्रत्यक्ष असन्तुष्टि राख्दै आएको थियो। तर, शनिबार भने प्रधानमन्त्री केपी ओली, गृहमन्त्री थापासहित माओवादी अध्यक्ष पुष्पकमल दाहाल र गृहसचिव प्रेमकुमार राईबीचको छलफलमा माओवादीले अनुसन्धानलाई गृहमातहत नै फर्काउन प्रधानमन्त्रीसँग आग्रह गरेको छ। गृह स्रोतका अनुसार अनुसन्धान प्रधानमन्त्री कार्यालयमातहत राख्दा गृह कमजोर बन्ने र देशको सुरक्षा स्थितिको सूचना गृहमै नहुने अवस्था आएको भन्दै गृहमन्त्री थापाले प्रधानमन्त्रीसँग निर्णय सच्याउन आग्रह गरेका थिए। १४ फागुनमा प्रधानमन्त्रीले माओवादीका मन्त्री सहभागी गराई सरकार विस्तार गर्दा माओवादीबाट थापा गृहमन्त्री नियुक्त भएका थिए। थापा गृहमन्त्री भएको दुई दिनपछि बसेको मन्त्रिपरिषद् बैठकमा अनुसन्धान प्रधानमन्त्रीमातहत राख्ने निर्णय भएको जानकारी गराइएको थियो। त्यसबेला पनि गृहमन्त्री थापाले पर्याप्त छलफल हुनुपर्ने भन्दै असन्तुष्टि पोखेका थिए। गृह र अनुसन्धानसँग समेत पर्याप्त छलफल नगरी अनुसन्धान प्रधानमन्त्री कार्यालयमातहत लैजाने निर्णय गरिएकामा थापाको असन्तुष्टि थियो। प्रधानमन्त्रीले अनुसन्धानलाई प्रधानमन्त्रीमातहत ल्याउँदा नेपाल विशेष सेवा ऐन २०४२ संशोधन गर्न बनेको ऐन २०७४ को प्रावधानसमेत ख्याल नगरिएको माओवादीको भनाइ छ। ऐनमा ‘सेवा सुविधा कार्य सञ्चालन गर्न गृह मन्त्रालयअन्तर्गत राष्ट्रिय अनुसन्धान विभाग स्थापना हुने’ उल्लेख छ। ‘ऐनमा अनुसन्धान गृहअन्तर्गत हुने भन्ने छ, ऐनको प्रावधान क्याबिनेटले मात्र फेर्न मिल्दैन, प्रधानमन्त्रीमातहत लैजाने भए पनि ऐन संशोधन गरेर लैजानुपर्ने गृहमन्त्रीको धारणा छ’, गृहस्रोतले भन्यो।

काठमाडौं, वैशाख १५ । कप्तान परिवर्तनगरेपछिको पहिलो खेलमा दिल्ली डेयरडेभिल्स विजयी भएको छ । इन्डियन प्रिमियर लिग (आइपिएल) मा दिल्लीले कोलकातालाई ५५ रनले हराएको हो । टस हारेर पहिले ब्याटिङको निम्तो पाएको दिल्लीले २ सय २० रनको विजय लक्ष प्रश्तुत गरेको थियो । सुरुदेखिनै खराव प्रदर्शन गरेको कोलकाता पुरै ओभरमा ९ विकेट गुमाउँदै १ सय ६४ रनमा अलआउट भयो । कोलकनताले ३३ रन जोड्दा ३ विकेट गुमायो । आन्द्रे रसेलले सर्वाधिक ४४ रन जोडे । शुभम गिलले ३७, सुनिल नारिनले २६, दीनेश कार्तिकले १८ र मिचेल जोन्सनले अविजित १२ रन जोडे । कोलकातालाई सस्तैमा समेट्नेक्रममा दिल्लीका ट्रेन्ट बोल्ट, म्याक्स वेल, अभेष खान र अमित मिश्राले समान २ विकेट लिए । निर्धारित २० ओभरमा ४ विकेट गुमाएर २ सय १९ रन बनाएको दिल्लीका श्रेयस ऐयर र ओपनर पृथ्वी सोले अर्धशतक पुरा गरे । शुक्रबार आक्रमक ब्याटिङ गर्ने क्रममा श्रेयसले अविजित ९३ रन बनाए । कप्तानी सम्हाले पछिको पहिलो खेलमा ४० बल खेलेका श्रेयसले १० छक्का र ४ चौका प्रहार गरे । पृथ्वीले ४४ बल खेल्दै ७ चौका र २ छक्का प्रहार गरे । कोलिन मुर्नोले ३३ र ग्लेन म्याक्सवेलले २७ रन जोडे । कोलकाताका लागि पियुष चावला, शिवम मावी र आन्द्रे रसेलले समान १ विकेट लिए । ७ खेलमा दोस्रो जित हासिल गरेको दिल्लीले नेपाली बलर सन्दिप लामिछानेलाई भने अझै मौका दिएको छैन । यसअघिका ६ खेल मध्ये ५ मा पराजय भोगेपछि दिल्ली डेयरडेभिल्सका कप्तान गौतमले राजिनामाको घोषणा गरेका थिए । त्यसपछि दिल्लीको कप्तानी युवा ब्याट्सम्यान श्रेयस ऐयरले सम्हालेका छन् । आइपिएलमा शनिबार चेन्नई सुपर किङ्स र मुम्बई इन्डियन्सबीच प्रतिस्पर्धा हुनेछ । यसअघि आंकलन: टिम ११ मा नेपालका सन्दीप लामिछाने नाम थियाे । दिल्लीको कप्तानी छाडेपनि आजको खेलमा ओपनर (१) गौतम गम्भीरको साथमा (२) पृथ्वी साव रहनेछन् | यस आंकलनलाई मिल्ने गरि दिल्लीले आफ्नो आधिकारिक ट्वीटरमा पनि ओपनरमा पृथ्वी सावलाई अघि सार्ने संकेत गरेको छ | त्यस्तै ओपनरहरु पछी कप्तान (३) श्रेयस ऐयरले ब्याटिङ सम्हाल्नेछन् | त्यस्तै चौथा ब्याट्सम्यानको रुपमा (४) रिशव पन्त आउन सक्छन | पन्तले दिल्लीको लागि हालसम्म अन्य खेलाडीले भन्दा बढी रन जोडेका छन् | आईपिएलमा सर्वाधिक रन ल्याउनेमा पन्तको नाम नवौं स्थानमा रहेको छ | त्यस्तै अर्का ब्याट्सम्यानका रुपमा (५) ग्लेन म्याक्सवेल आउने सम्भावना छ | आइपिएल-२०१८ मा गौतम गम्भीर भन्दा बढी स्कोर सहित म्याक्सवेलको दवदवा छ | भारतको ख्यातिप्राप्त क्रिकेट सम्बन्धी लेख्दै आएको क्रिकेट-कन्ट्री नामक वेबसाइटका अनुसार सम्भावित टिम ११ मा (६) राहुल तेवतियाको नाम पनि सम्भावित टिम ११ मा छ | त्यस्तै फिल्डीङ तर्फ आईपिएलमा बेस्ट इकोनोमीको रेकर्ड बनाएर सबैभन्दा शिर्ष स्थानमा रहेका (७) लिम प्लुन्केट रहने पक्का छ भने उनि पछी (८) मोहम्मद शमी, (९) नेपालका सन्दीप लामिछाने र (१०) ट्रेन्ट बोल्ट रहने आंकलन गरिएको छ |  त्यस्तै (११) मा अमित मिश्राको नाम अन्य वेबसाइटमा चर्चा गरिएको छ | दिल्लीले यस अघिका खेललाई अधार मान्दै केहि परिवर्तन गर्ने पक्का छ | त्यसमा पनि कप्तान नै परिवर्तन भएको अवस्थामा नयाँ कप्तानको सोच अनुसार खेलाडीको चयन हुनेछ | अधिकांश क्रिकेट सम्बन्धि आंकलन गर्ने वेबसाइटले दिल्लीका पुराना ५/६ खेलाडी बाहेक बाँकी सम्भावितको नाम फरक-फरक आंकलन गरेका छन् |

काठमाडौं, बैशाख १३ । दिल्ली डेयरडेभिल्सले बुधबार एकाएक पत्रकार सम्मेलन गर्ने खबरसँगै केही अनपेक्षित घटनाको आशंका गरिएको थियो । नभन्दै अपरान्हको पत्रकार सम्मेलनमा टिमको नेतृत्व अब गौतम गम्भीरले नभएर श्रेयस् ऐय्यरले गर्ने जानकारी दिइयो। गौतमले ‘कप्तानका रूपमा दबाब थेग्न नसकेको’ हुँदा आफूले कप्तान पद छाडेको बताए । त्यसो त गत सोमबार साँझ नयाँ दिल्लीको गृहमैदानमा जित नजिक पुगेर पनि दिल्ली डेयरडेभिल्सले हार बेहोरेपछि टिममा ठूलै फेरबदलको अड्कलबाजी सुरु भएको थियो। किनकि आईपीएल २०१८ मा अहिलेसम्म खेलेका ६ म्याचमध्ये दिल्लीले एकमात्र जित हात पारेको छ। एकमात्र जित मुम्बई इन्डियनविरुद्ध हात पारेको हो । जसले गर्दा दिल्लीमाथि बाँकी खेलमा जित्नैपर्ने दबाब बढ्दै गएको थियो । जारी आईपीएलमा सुरुदेखि नै राम्रो फर्ममा रहेको किंग्स इलेभेन पन्जाबको १ सय ४३ रनको लक्ष्य दिल्लीले आफ्नो गृहमैदान र दर्शक दुवै लाभका कारण सहजै भेट्ने अनुमान थियो। म्याचको सुरुदेखि नै दिल्ली टिमको मनोबल उच्च नै देखिन्थ्यो । पहिले ब्याटिङमा ओर्लेको पन्जाबलाई दिल्लीले सुरुदेखि नै दबाबमा राख्यो पनि । यो लक्ष्य पछयाउने क्रममा कप्तान गौतम गम्भीर, विष्फोटक ग्लेन म्याक्सवेललगायतका खेलाडी न्युन स्कोरमै आउट भए पनि श्रेयस ऐय्यरले दिल्लीको इनिङ्स सम्हालेका थिए। ४५ बलमा ५४ रन बनाएका ऐय्यरले दिल्लीलाई जित नजिक नै पुर्‍याए । अन्तिम दुई ओभरमा २४ रनको लक्ष्य खासै कठिन थिएन । ऐय्यर क्रिजमा जमिसकेका थिए। तर, १९ औं ओभरमा म्याचले अर्कै रुप लियो। उक्त ओभरमा वरिन्दर स्रनले लियाम प्लङकेटको विकेट लिएर ४ रनमात्र दिए। यस सँगै अन्तिम ओभरमा जित पाउन १७ रन चाहिएको अवस्थाबाट दिल्ली अन्तिम बलमा ४ रन टाढा थियो । तर, ऐय्यर अन्तिम बलमा आरोन फिन्चबाट समातिए । यसरी छैटौं म्याचमा दिल्ली पाँचौं हारसँगै तालिकाको पुछारमा पुगेको छ। छैटौं म्याच नै खेलेको पन्जाब पाँचौं जितसँगै शीर्षस्थानमा उक्लिएको छ। व्यक्तिगत र पूरै टिमको खेल कमजोर भएका कारण कप्तान गम्भीरले ठूलो दबाब बेहोरेका थिए । यिनै कारणले नै गम्भीरलाई कप्तानी पदबाट हटाइएको द हिन्दुका वरिष्ठ खेलपत्रकार राकेश रावले बताए। यसअघि कोलकाता नाइट राइडर्सका कप्तान रहेका गम्भीरलाई दिल्ली टिमसँगको अनुबन्ध ‘घर फिर्ती’ का रूपमा प्रचारप्रसार गरिएको थियो । तर, पहिलो म्याचदेखि नै गम्भीरको नेतृत्वमा दिल्लीले अपेक्षित नतिजा निकाल्न सकेन। त्यसो त टिमको संरचना हेर्ने हो भने दिल्ली अन्य कुनै टिमभन्दा कम देखिँदैन । गौतम गम्भीरको कप्तानी रहेको दिल्लीमा श्रेयस ऐय्यर जस्ता भरपर्दा ब्याट्सम्यानका अलावा क्रिस मोरिस, डान क्रिस्टियन, ग्लेन म्याक्सवेल, कोलिन मुनरो, लियाम प्लङकेट, जेसन रोयजस्ता अलराउन्डरका साथै ट्रेन्ट बोल्ट, मोहम्मद सामी, अमित मिश्राजस्ता धारिला बलर पनि छन्। गम्भीरकै कप्तानीमा कोलकाता नाइट राइडर्सले सन् २०१२ र २०१४ को आईपीएल उपाधि जितेको थियो । दिल्लीका प्रमुख प्रशिक्षक रिकी पोन्टिङ त आईपीएलमा खेलाडी र प्रशिक्षक दुवै हिसाबले सफल साबित भइसकेका छन् । मुम्बई इन्डियनबाट खेल्दै पोन्टिङले २०१३ को उपाधि जितेका थिए भने उनकै प्रशिक्षणमा मुम्बईले सन् २०१५ को आईपीएल जित्यो। अब्बल खेलाडीको लामो सूची र सफल प्रशिक्षक पाएर पनि किन पछि परिरहेको छ त दिल्ली ? दिल्लीको कमजोर प्रदर्शनका पछाडि विभिन्न कारणहरू रहेको पत्रकार रावले सुनाए । पहिलो, अन्तिम पाँच ओभरमा राम्रो नखेल्नु, ७ देखि १५ ओभरको बीचमा ब्याटिङ कमजोर हुनु र प्रत्येक म्याचपिच्छे खेलाडी परिवर्तन गर्नुलाई दिल्लीको हारका कारण मान्छन् उनी। ‘आफ्ना खेलाडीमाथि नै विश्वास नगरेपछि अनि कसरी टिमले राम्रो खेल्न सक्छ,’ रावले दिल्लीको कमजोरी केलाउँदै भने। त्यसबाहेक गम्भीर, म्याक्सवेल, मुनरो, मिश्रा अपेक्षाअनुसार खरो नउत्रिएका कारण पनि टिम आफैंमा बलियो हुँदाहुँदै पछि परेको रावको विश्लेषण छ भनेर सुरेशराज न्यौपानेले नयाँ दिल्लीबाट लेखेको खबर आजको कान्तिपुर दैनिकमा छापेको छ। साथै स्वयं कप्तान गम्भीरलगायतका नाम चलेका खेलाडी पनि टिमप्रति जिम्मेवार नदेखिएका कारण दिल्लीले लगातार हार बेहोरिरहेको उनको निष्कर्ष छ। अहिलेसम्म खेलेका ६ खेलमध्ये ५ हारले आईपीएलको उपाधि दौडमा रहने दिल्लीको सम्भावना कमजोर बन्दै गएको छ । अबका बाँकी आठमध्ये कम्तीमा पनि सात खेल जित्नैपर्ने हुन्छ। सामान्यतस् आईपीएलमा दाबेदारी प्रस्तुत गर्न आठ म्याच जित्नैपर्ने पत्रकार राव बताउँछन् । ‘असम्भव नै त भन्न सकिँदैन तर, दिल्ली शीर्ष चारमा रहन करिब–करिब असम्भव देखिन्छ,’ उनको विश्लेषण छ। ‘सन्दीप र नेपाली क्रिकेटको जित सुनिश्चित’ आईपीएलमा पहिलो नेपाली खेलाडी भएर प्रतिनिधित्व गरेका सन्दीप लामिछानेले खेल्न पाउँछन् कि पाउँदैन भन्ने चासो नेपालमा मात्र होइन भारतमा पनि उत्तिकै रहेको देखिन्छ । स्वदेश र विदेशमा रहेका सबै नेपालीको ध्यान सन्दीप प्लेइङ सेटमा कहिले पर्छन् भन्नेमा छ । सामाजिक सञ्जालका टिप्पणीहरू पनि त्यसैमा केन्द्रित हुने गरेका छन्। गत सोमबारको म्याचका क्रममा सन्दीप मैदान छिरेका थिए तर, ड्रिंक्स ब्रेकमा मात्र । दिल्लीको खेलाडीको सूची र सन्दीपको अनुभव हेर्ने हो भने जारी सिजनमा उनको खेल्न पाउन सम्भावना निकै कम देखिन्छ। ‘एक पटकमा विदेशी खेलाडी बढीमा चार खेलाइने नियमले पनि सन्दीपको सम्भावना कम देखिन्छ, किनकि अन्य विदेशी खेलाडी उनीभन्दा निकै खारिएका र अनुभवी छन्,’ क्रिकइन्फोका सिद्धार्थ मोन्गाले भने। मोन्गा तिनै पत्रकार हुन् जसले जारी आईपीएलमा दिल्लीबाट खेल्ने सम्भावित खेलाडीको खेल र अनुभव विश्लेषण गरी सम्भावित प्लेइङ एलेभेनको सूची प्रकाशित गरेका छन् । जसमा सन्दीप अटाएका थिएनन्। दिल्लीमा आयोजित एक कार्यक्रममा सन्दीपले आईपीएल खेल्न पाउँलान् रु भन्ने कान्तिपुरको प्रश्नमा प्रतिभावान भए पनि सन्दीपलाई आईपीएलजस्तो प्रतियोगिताका लागि निखारिन समय लाग्ने भन्ने प्रशिक्षक पोन्टिङको जवाफले पनि यस सिजन खेल्ने सम्भावना कम रहेको संकेत गर्छ। विगत करिब चार दशकदेखि खेलपत्रकारिता गर्दै आएका राव पनि दिल्लीको आईपीएलको हालसम्म नतिजा हेर्दा खेल्ने सम्भावना नरहेको बताउँछन् । उनी त सन्दीपले खेल्न पाउनु नपाउनु भन्दा पनि आईपीएलमा अनुबन्ध हुनुलाई नै नेपाली क्रिकेटजगतले ठूलो अवसरका रूपमा लिनुपर्ने सुझाव दिन्छन्। ‘विश्वस्तरीय खेलाडी र कोचहरू कसरी बोल्छन्, कसरी खेल्छन् भन्ने कुरा थाहा पाउनु पनि उनी जस्ता युवा खेलाडीका लागि सुनौलो अवसर हो,’ रावले भने, ‘सन्दीपको अनुभवबाट पूरै नेपाली क्रिकेट भविष्यमा लाभान्वित हुनसक्छ।’ त्यसो त बेन्चमा बस्ने उनी एक्ला खेलाडी भने होइनन् । गत फेब्रुअरीमा यू–१९ विश्वकप जित्ने भारतीय टोलीका कप्तान मन्जोत कार्लाले पनि अहिलेसम्म अवसर पाएका छैनन् । विश्वकप विजेता टोलीका अर्का सदस्य अभिषेक शाहले पनि अवसर पाउन कति म्याच कुर्नुपर्ने हो निश्चित छैन। त्यसैले क्रिकेटका हस्तीहरूसँग भारतभर घुम्न पाउनु र सँगै उठबस गर्न भाग्यले मात्र पाइने हुँदा सन्दीपले बेन्चमा बस्नुपर्‍यो भनेर नबुझ्न सबै क्रिकेट नेपालीलाई रावले अनुरोधसमेत गरे । ‘हेर्दै जानुस् सन्दीपले हासिल गरेको अनुभवले नेपाली क्रिकेटलाई बेग्लै उचाइ दिनेछ,’ रावले विश्वास जगाउँदै भने, ‘एक सिजनमा खेल्न पाइन भनेर निरास भइहाल्नुपर्दैन । उनको आईपीएल प्रवेशले अन्य नेपाली खेलाडीका लागि पनि ढोका खुलेको छ । दिल्लीले हारे पनि सन्दीप र नेपाली क्रिकेटको जित सुनिश्चित छ ।’ पारसको चर्चा सन्दीपको आईपीएल प्रवेशले अन्य नेपाली खेलाडीका लागि बाटो खुलेको दिल्लीका वरिष्ठ खेलपत्रकारबीच नेपाली क्रिकेट टोलीका कप्तान पारस खड्काको चर्चा हुनुले पनि संकेत गर्छ । पारसकै कप्तानीमा गत महिना नेपालले ५ वर्षसम्मका लागि वान–डे अन्तर्राष्ट्रिय मान्यता पाएको थियो। आईसीसी विश्वकप छनोट प्रतियोगितामा पारसको कप्तानीमा नेपालले देखाएको प्रदर्शनलाई लिएर अन्तर्राष्ट्रिय स्तरमा नाम कमाएका क्रिकेटहरूले समेत प्रशसां गरेका थिए । जिम्बाबेमा भएको विश्वकप छनोट प्रतियोगितालगत्तै आइसिसिले निकालेको प्रतियोगिताका उत्कृष्ट ११ खेलाडीको सूचीमा पारस पनि परेका थिए । नेपालले उनको नेतृत्वमा पाएको पछिल्लो उपलब्धि र व्यक्तिगत खेलकौशलकै कारण हुनुपर्छ। गत सोमबार साँझ दिल्ली र पन्जाबको म्याचका दौरान भेटिएका केही खेलपत्रकारले पारस खड्का किन आईपीएलमा अनुबन्ध भएनन् भन्ने जिज्ञासा राखेका थिए। पारसजस्ता अलराउन्डर र कन्फिडेन्ट क्रिकेटर आईपीएलका लागि फिट भएको उनीहरूको भनाइ थियो। क्रिकइन्फोका मोन्गाले पनि पारसले आईपीएलमा अनुबन्ध नपाएकोमा आश्चर्य व्यक्त गरे । ‘ट्वान्टी–ट्वान्टी क्रिकेटलाई पारसको जस्तो एग्रेसन र शैली सुहाउँछ । किन कुनै पनि टिमले उनलाई अनुबन्ध गरेनन् मैले बुझ्न सकेको छैन,’ मोंगाले भने।

काठमाडौं, वैशाख १३ । स्वास्थ्य राज्यमन्त्री पद्मा अर्षलले स्वास्थ्य सेवा प्रवाहमा सुधार ल्याउने उद्देश्यले कुनै चिकित्सक ५ वर्षभन्दा बढी उपत्यकामा बस्न नपाउने गरी नियम बनाउन लागेको जानकारी दिएकी छन् । ‘दुर्गम जिल्लाको नियुक्ति लिने अनि उपत्यका, सहरबजार र विदेशमा बस्ने चिकित्सकका कारण सेवा प्रवाह कठिन भएको छ,’ बुधबार गृहजिल्ला स्याङ्जामा उनले भनिन् । चिकित्सकको सहर मोहले स्वास्थ्य क्षेत्र समस्यामा परेको उनले बताइन् । पुरानो संरचना भत्किसकेको र नयाँ संरचनामा राज्य संचालन कार्यविधि विकसित भइनसकेको अवस्थामा राज्यमन्त्री अर्यालले कर्मचारीले समेत स्वास्थ्य क्षेत्रमा अटेर गर्न नहुनेमा जोड दिइन् । –अन्नपूर्ण पोस्ट दैनिकबाट

काठमाडौं, वैशाख १० । इण्डियन प्रिमियर लीग (आइपीएल) को ११ औं संस्करणको आफ्नो छैटौं खेलमा आज दिल्ली डेयरडेभिल्स आफ्नो घरेलु मैदान फिरोज शाह कोट्लामा किंग्स एलेवेन पन्जाबसँग भिड्दै छ । यो दिल्लीका लागि आफ्नो भाग्य बदल्ने खेल हुनसक्छ । दिल्लीमा नेपाल युवा स्पिनर सन्दीप लामिछाने आवद्ध छन् । तर पाँच खेल खेलिसक्दा दिल्लीको प्रदर्शन निकै नाजुक छ र सन्दीले अहिलेसम्म खेल्ने मौकै पाएका छैनन् । अथवा पाँच खेलसम्म सन्दीप दिल्लीका प्लेइङ ११ मा नै परेका छैनन् । पाँच खेलमध्ये ४ खेलमा हारे व्यहोरेको दिल्लीले एकमा भने जित हात पारेको छ । यसअघिका सबै खेल दिल्लीले बाहिरै खेल्य भने आज पहिलो पटक आफ्नो घरेल मैदान फिरोज शाह कोट्लामा खेल्दै छ । अंक तालिकाको पुछारमा रहेको दिल्लीसँग घरेलु मैदानमा बलियो देखिएको पन्जावसँग अंक खोस्दै अन्य खेलहरुका लागि आफ्ना खेलाडीलार्इ उत्प्रेरित गर्ने मौका भने छ। दिल्लीले घरेलु मैदानमा पन्जावविरद्ध जितका लागि मात्र नभर्इ प्रतियोगितामा जितको लय समात्ने खेलका रुपमा पनि सदुपयोग गर्न खोज्नेछ। दिल्लीका लागि पन्जाबसँग दुर्इ अंक खोस्नु त्यति सजिलो भने छैन्। पन्जाब शीर्षको चेन्नाइ सुपरकिंग्ससँग समान ८ अंक भएपनि रनरेटका आधारमा दोस्रोमा रहेको टोली हो। केएल राहुल र क्रिस गेल यस सिजनमा सर्वाधिक सफल ओपनर जोडीका रुपमा देखिएका छन्। यस्तै पन्जावको मध्यक्रमपनि त्यतिकै शशक्त छ। मध्यक्रमका मयंक अग्रवाल, करुण नायर र आरोन फिन्चले टोलीलार्इ दरिलो ब्याकअप दिदै आएका छन्। एक समय भारतका हार्ड हिटरका रुपमा पहिचान बनाएका विरेन्द्र सेहवागको मेन्टरसीपमा रहेको पन्जावका खेलाडीहरुले यस सिजनमा उनकै शैली अपनाएका छन्। दिल्लीका ऋशब पन्त र जोसन रोहले राम्रो खेलिरहेका छन्। अघिल्लो सिजनमा पन्जावबाट खेलेका ग्लेन म्याक्सवेलका लागि आजको खेलमा पन्जावलार्इ रिटेन नगर्नुको जवाफ दिने मौका छ। कप्तान गौतम गम्भीरले अपेक्षित प्रदर्शन गर्न सकेका छैनन्। यस सिजनमा उनको स्ट्राइक रेट जम्मा १ सय ८ को मात्रै छ। जुन टी(२० क्रिकेटमा सामान्य मानिन्छ। यसअघि यसै सिजनको दोस्रो खेलमा पन्जाव र दिल्ली माहोलीमा भिडेका थिए। दिल्लीले दिएको १ सय ६७ रनको लक्ष्य घरेलु मैदानमा पन्जावले ७ बल बाँकी छदै ४ विकेट गुमाएर भेटाएको थियो।उक्त खेलमा केएल राहुलले दिल्लीविरुद्ध १४ बलमा ५० रन जोड्दै आइपीएलको सर्वाधिक छिटो अर्धशतक प्रहार गर्ने कीर्तिमान कायम गरेका थिए। पन्जावकै करुण नायरले र दिल्लीका कप्तान गौतम गम्भिरले अर्धशतक प्रहार गरेका थिए। ऋशब पन्तले दिल्लीका लागि उच्च स्ट्राइक रेटमा प्रदर्शन गरिरहेका छन्। सुरुवाती ११ देखि २० ओभरको बीचमा १८१ को स्ट्राइक रेटमा ब्याटिङ गरिरहेका पन्तले ३० बल खेलिसकेपछि भने २७२ रनको स्ट्राइक रेटमा आक्रामक ब्याटिङ गरिरहेका छन्। अौषतमा उनको स्ट्राइक रेट १८४।७ को छ। यस सिजनमा तीव्र गतिको बलिङमा गौतम गम्भीर निरिह देखिएका छन्। चार खेलमा उनले तीव्रगतीका ४७ बलको गर्दा ३८ रनमात्रै जोड्न सकेका छन भने तीनपटक आउट भएका छन। पूर्व पन्जावका कप्तान ग्लेन म्याक्सवेलको वर्तमान पन्जावका कप्तान रविचन्द् आश्विनविरुद्ध राम्रो रेकर्ड छ। म्याक्सवेलले आश्विनका ४९ बलको सामना गर्दा १ सय ७ रन हिर्काएका छन। जसमा उनको स्ट्राइक रेट १६३।७ को छ। पन्जावका ओपनरद्धय गेल र राहुलले यस सिजनमा उनीहरुको टिमले बनाएको मध्यो ५५।४ प्रतिशत रन बनाएका छन्। सन्दीपका लागि फाइदा पुग्ने विकेट दिल्लीले नेपाली युवा स्पिनर सन्दीप लामिछानेलार्इ अक्सनबाट २० लाख भारतीय रुपैयाँमा खरिद गरेको थियो। पाँच खेल खेलिसक्दा पनि दिल्लीले सन्दीपलार्इ मौका दिएको छैन। यद्दपी नेपाली क्रिकेट प्रेमीहरु भने सन्दीपले आइपीएल खेल्ने पर्खाइमा छन। दिल्लीको होम मैदान फिरोज साह कोटला भने स्पिनरका लागि फाइदा पुग्ने विकेट हो। यसै मैदानमा अनिल कुम्बलेले पाकिस्तानका विरुद्ध टेस्ट क्रिकेटको एकै पारीमा १० विकेट लिएका थिए। यस्तै भारत र न्यूजील्याण्डका बीच गत नोभेम्बरमा यसै मैदानमा अन्तिम टी(२० म्याच भएको थियो। त्यसमा खसेका १० विकेटमध्ये ६ विकेट स्पिनर्सले लिएका थिए। स्पिनर्सलार्इ फाइदा पुग्ने यस विकेटमा २०१६ को यू(१९ विश्वकपमा ह्यट्रिक लिएका तथा विश्व क्रिकेट लिग डिभिजन(२ का म्यान अफ द सीरिज सन्दीप लामिछानेले मौका पाउछन् कि नाइ त्यो भने खेल सुरु हुनुअघि मात्रै थाहा हुनेछ। यद्दपी दिल्लीको सम्भावित सुरुवाती एघार भने यस्तो छ: गौतम गम्भीर (कप्तान) जोसन रोय, श्रीयेश एेयर, ऋशब पन्त, ग्लेन म्याक्सवेल, विजय शंकर, क्रिश मौरिस, राहुल टिविसिया, शाहबाज नदिम रजयन्त यादब, हर्षल पटेल, ट्रेन्ट बोल्ट

डोटी, बैशाख ९ । डोटी शिखर नगरपालिका–३ मा शनिबार भएको जिप दुर्घटनामा घाइते भएकामध्ये थप दुई जनाको मृत्यु भएको छ । मृत्यु हुनेमा शिखर नगरपालिका–३ जोरागाउँकी ३५ बर्षिया झाकरी भुल र सोही ठाउँकी २८ बर्षिया धौली भुल रहेको जिल्ला प्रहरी कार्यालय दिपायलका प्रवक्ता डिएसपी शिवबहादुर सिंहले जानकारी दिए । धौलीको सेती अञ्चल अस्पतालमा र झाकरीको कोहलपुर मेडिकल कलेजमा उपचारका क्रममा मृत्यु भएको हो । योसँगै दुर्घटनामा परी मृत्यु हुनेको संख्या ५ पुगेको छ । डोटीको कालागाढबाट मुडभरातर्फ जाँदै गरेको ग. १ ज ५२७५ नम्बरको जिप शिखरनगरपालीको ३ छाईपानीमा हिजो दुर्घटना भएको थियो । दुर्घटनामा तीन जनाको घटनास्थलमै मृत्यु भएको थियो ।