काठमाडौं । नेपाली नागरिकलाई भुटानी शरणार्थी बनाएर अमेरिका पठाइदिन्छु भन्दै करोडौँ असुली गरेको गिरोहमा संलग्न ५ जनाको थुनछेक बयान सकिएको छ। जिल्ला अदालत, काठमाडौँमा आज आरोपी टङ्क गुरुङ, लक्ष्मी महर्जन र सन्दीप महर्जनको बयान  सकिएको हो । यसअघि प्रकरणका आरोपी सागर राई र केशव दुलालको बयान सकिएको छ। राई मोरङको पथरीशनिश्चरेका पूर्व वडाध्यक्ष हुन्। मोरङका दुलाल काँग्रेस नेतृ सुजाता कोइराला परराष्ट्रमन्त्री हुँदा उनका स्वकीय सचिव थिए। महर्जनका प्रकरणका आरोपी केशव तुलाधरकी श्रीमती हुन्। ठगी गरिएको रकम उनको खातामा पनि जम्मा भएको पाइएपछि प्रहरीले उनलाई प्रतिवादी बनाएको थियो। अदालतमा बयान दिँदै उनले शरणार्थी बनाएर अमेरिका पठाउने विषयमा आफूलाई केही जानकारी नभएको बताएकी छन्। एक जना कानून व्यवसायीका अनुसार, आइतबार पूर्वगृहमन्त्री रामबहादुर थापा ‘बादल’ का तत्कालीन सुरक्षा सल्लाहकार डा। इन्द्रजित राईको बयान लिने तयारी थियो। तर, न्यायाधीश प्रेमप्रसाद न्यौपानेको इजलाससामू उभिएर उनले आफूलाई विसञ्चो भएको बताउँदै बयान दिन मानेन्। सुरुमा ब्रेक समयपछि बयान दिने बताएका उनले त्यसपछि पनि बिरामी भएको भनेपछि मंगलबारलाई उनको बयान सरेको छ। पक्राउ परेका १७ जना प्रतिवादीहरूको थुनछेक बहस अघि अहिले बयान भइरहेको हो। बयानपछि बहस हुनेछ, त्यसपछि अदालतले पुर्पक्षका लागि थुनामा पठाउने, धरौटीमा छाड्ने वा साधारण तारेखमा छाड्ने तीन मध्ये एक निर्णय सुनाउनेछ। जिल्ला सरकारी वकिलको कार्यालय, काठमाडौँले चार दिनअघि नक्कली भुटानी शरणार्थी प्रकरणमा संलग्न रहेको आरोपमा दुई पूर्वमन्त्री, बहालवाला सचिव, पूर्वसभासदसहित ३० जनाविरुद्ध जिल्ला अदालत काठमाडौंमा चारवटा अभियोगमा मुद्दा दायर गरेको थियो। एमाले नेता तथा पूर्वउपप्रधानमन्त्री टोपबहादुर रायमाझी, काँग्रेस नेता तथा पूर्वगृहमन्त्री बालकृष्ण खाँण, गृह मन्त्रालयका तत्कालीन सचिव टेकनारायण पाण्डे, गृहमन्त्री रामबहादुर थापा बादलका सुरक्षा सल्लाहकार डा. इन्द्रजित राई, पूर्वसभासद आङटावा शेर्पा, भुटानी शरणार्थी नेता टेकनाथ रिजाल लगायत ३० जनाविरुद्ध जिल्ला प्रहरी परिसर, काठमाडौँले गरेको अनुसन्धानका आधारमा मुद्दा दायर भएको थियो। आरोपितहरुमध्ये १७ जना पक्राउ परेका छन् भने १३ जना फरार छन्। सबैविरुद्ध सङ्गठित ठगी, राष्ट्रहित प्रतिकूल हुने कसुर र कीर्ते गरेको अभियोग छ।

काठमाडौं । खोटाङ जिल्ला अदालतले कृषी विद् मदन राईमाथि बाल यौन दुर्व्यवहार मुद्दामा अनुसन्धान गर्न प्रहरीलाई ७ दिनको समय दिएको छ । यौन दुर्व्यवहार आरोपमा पक्राउ परेका खोटाङको दिक्तेलस्थित ‘शुभद्रा मदन फाउन्डेसन’ (शुभम) का संस्थापक  राईविरुद्ध बाल यौनदुरुपयोग कसुरमा अनुसन्धानका लागि अदालतबाट सात दिन म्याद थप भएको हो । फाउन्डेसनका आवासीय छात्रालाई यौन दुर्व्यवहार गरेको कसुरमा खोटाङ प्रहरीले राईलाई उनकै शुभम् फाउन्डेसनबाट नियन्त्रणमा लिएको थियो । अहिले म्याद थपेर अनुसन्धान भइरहेको छ ।

एजेन्सी । भारतमा कोरोना संक्रमितको संख्यामा वृद्धि भएको छ । संक्रमण तीव्र गतिमा बढ्नुका साथै संक्रमणबाट मृत्यु हुनेको संख्या पनि बढ्न थालेको छ । पछिल्लो २४ घण्टामा संक्रमणकै कारण १५ जनाको मृत्यु भएको छ भने ४ हजार ४ सय ३५ जनामा संक्रमण पुष्टि भएको छ । यो संख्या एक वर्ष यताकै उच्च हो । संक्रमितको हिसाबले विश्वमा पहिलेनै १० मुलुकभित्र रहेको भारत अहिले कोरोनाबाट बढी ज्यान गुमाउने मुलुकमा पनि १० मुलुकभित्र परेको छ । अहिले सक्रिय संक्रमित २३ हजार भन्दा बढी रहेको छ । भारतमा कोरोना सुरु भए यता साढे चार करोड बढी कोरोनाबाट संक्रमित भइसकेका छन् भने ५ लाख ३० हजार ९ सय १६ जनाले ज्यान गुमाएका छन् । आईआईटी कानपुरका वरिष्ठ वैज्ञानिक प्रा मनिन्द्र अग्रवालले देशमा बढ्दै गएको कोरोना संक्रमणबाट आत्तिनुपर्ने अवस्था नरहेको बताएका छन् । यो सामान्य रुघाखोकी र चिसो जस्तै हुनेछ । मुलुकमा बढ्दो कोरोना संक्रमितबीच बुधबार सरकार अधिकार प्राप्त समूह एकको बैठक बसेको थियो । बैठकमा कोभिड व्यवस्थापनबारे छलफल भएको थियो ।

काठमाडौं । आज बिहान कार दुर्घटनामा परेका भारतका स्टार क्रिकेटर ऋषभ पन्तको टाउकोमा गम्भीर चोट लागेको छ । उनको निधार दुई ठाँउमा काटिएको छ भने दाहिने घुँडाको लिगामेन्ट च्यातिएको बताइएको छ । भारतीय क्रिकेट कन्ट्रोल बोर्ड (बीसीसीआई) ले पन्तको दाहिने नाडी, खुट्टासहित ढाडमा घर्षणको चोट लागेको जनाएको छ । हाल उनको देहरादुनस्थित म्याक्स अस्पतालमा उपचार भइराखेको छ । बीसीसीआई ऋषभको परिवार र उनको उपचारमा खटिएका डाक्टरहरुसंग निरन्तर सम्पर्कमा छ । उनका लागि सबैभन्दा राम्रो चिकित्सक सुविधाको व्यवस्था गरिने बीसीसीआईको भनाइ छ । द इन्डियन एक्सप्रेसका अनुसार अहिले उनको अवस्था स्थिर छ । म्याक्स अस्पतालका सुपरिटेन्डेण्ट डा.आशिष याज्ञिकले ऋषभको शरीरको विभिन्न अंगमा चोटपटक लागेको बताए । भारतिय प्रधानमन्त्री नरेन्द्र मोदिले उनको स्वास्थ्य लाभको कामना गर्दै छिटो सन्चो होस् भनेर आफुले प्राथना गरेको बताएका छन् ।

काठमाडौं । निर्वाचन आयोगले समानुपातिक सांसदको नाम छनोट गर्न दलहरूलाई २४ गते ४ बजेसम्मको समय दिएको छ । आयोगले थ्रेसहोल्ड कटाएका दलहरूलाई पाएको सिट संख्या, क्लस्टरअनुसारको संख्या र महिलाको संख्यासहितको पत्र दलहरूलाई पठाएको छ । ‘तीन दिनको समय दिएर पत्र काटेका छौँ,’ आयोगका सहसचिव यज्ञप्रसाद भट्टराईले भने । प्रतिनिधिसभामा सातवटा दलले थ्रेसहोल्ड कटाएका छन् । एमाले, कांग्रेस, माओवादी, रास्वपा, राप्रपा, जसपा र जनमत पार्टीले थ्रेसहोल्ड कटाएका छन् । समानुपातिकबाट एमालेले ३४, कांग्रेसले ३२, माओवादीले १४, रास्वपाले १३, राप्रपाले ७, जसपाले ५ र जनमतले पनि ५ सिट पाएको छ । समावेशी प्रतिनिधित्व हुने गरी दलहरूले बन्दसूचीबाट नाम छनोट गरेर आयोगमा पठाउनुपर्नेछ । दलहरूले पठाएको नामबाट आयोगले विजयी भएको प्रमाणपत्र समानुपातिक सांसदलाई दिनेछ । प्रदेश अन्तर्गत प्रदेश १   प्रदेशमा १.५ प्रतिशत ल्याउनेले सिट पाउने व्यवस्था छ । प्रदेश १ मा ६ वटा पार्टीले थ्रेसहोल्ड कटाएका छन् । प्रदेश १ मा एमाले १५, कांग्रेसले १२, राप्रपाले ४, माओवादी केन्द्रले ४, नेकपा एसले १ र जसपाले १ सिट पाएको छ । मधेस प्रदेश मधेस प्रदेशमा १० वटा पार्टीले थ्रेसहोल्ड कटाएका छन् । एमालेले ८, कांग्रेसले ९, जसपाले ७, जनमत पार्टीले ७ माओवादी केन्द्रले ४, नेकपा एसले ३, लोसपाले २, राप्रपाले १, नेपाल संघीय समाजवादीले १ र नागरिक उन्मुक्तिले १ सिट पाएको छ । बागमती प्रदेश बागमती प्रदेशमा सातवटा दलले थ्रेसहोल्ड कटाएका छन् । जसमा एमालेले १४, कांग्रेसले १२, माओवादीले ७, राप्रपाले ६, नेकपा एसले २, नेमकिपाले २ र हाम्रो नेपाली पार्टीले १ सिट पाएको छ । गण्डकी प्रदेश गण्डकी प्रदेशमा चारवटा दलले मात्र थ्रेसहोल्ड कटाएका छन् । एमालेले १०, कांग्रेसले ९, राप्रपाले २ र माओवादीले ३ सिट पाएको छ । लुम्बिनी प्रदेश लुम्बिनी प्रदेशमा १० वटा दलले प्रतिनिधित्वव गर्ने भएका छन् । जसमा एमालेले ११, कांग्रेसले १०, माओवादीले ४, राप्रपाले २, जनमतले २, नागरिक उन्मुक्तिले २, नेकपा एसले १, जसपाले १, लोसपाले १ र राजमोले १ सिट पाएको छ । कर्णाली प्रदेश कर्णाली प्रदेशमा पाँचवटा दलले थ्रेसहोल्ड कटाएका छन् । जसमा एमालेले ५, कांग्रेसले ५, माओवादीले ४, राप्रपाले १ र नेकपा एसले १ सिट पाएको छ । सुदूरपश्चिम प्रदेश सुदूरपश्चिम प्रदेशमा छवटा दलले थ्रेसहोल्ड कटाएका छन् । जसमा एमालेले ७, कांग्रेसले ६, माओवादीले ३, नागरिक उन्मुक्तिले ३, राप्रपाले १ र नेकपा एसले पनि १ सिट पाएको छ । प्रदेशतर्फ पनि दलहरूले तीन दिनभित्र नाम छनोट गरेर आयोगमा बुझाउनुपर्ने हुन्छ ।

खोटाङ। जनता समाजवादी पार्टी खोटाङका अध्यक्ष टंकबहादुर थापासहित १३ जना नेकपा माओवादी केन्द्र प्रवेश गरेका छन्। गत ३० साउनमा जसपा परित्यागको घोषणा गरेका थापासहितका नेता तथा कार्यकर्ता बुधबार नेकपा माओवादी केन्द्र प्रवेश गरेका हुन्। जसपा छाडेका उपाध्यक्ष नविनकिशोर राई, सचिव देवकुमार राई, सचिवालय सदस्य दीपकुमार तामा, प्रवचन राई, मनोज राई, जुलन राईलगायत माओवादी केन्द्र प्रवेश गरेका हुन्। माओवादी केन्द्र प्रवेश गर्नेमा सविन राई, किरण राई, सन्तोष तामाङ, भुवन राई, कर्ण तामाङ र मेखबहादुर तामाङ छन्। थापा लगायतका नेताको जिम्मेवारीका विषयमा भने छलफल भइरहेको छ। सशस्त्र विद्रोह, शान्तिपूर्ण आन्दोलनको नेतृत्व गर्दै वर्तमान राजनीतिक उपलब्धि, समानुपातिक समावेशी राज्यको नीति स्थापना गर्ने वैचारिक तथा सैद्धान्तिक हिसाबले माओवादी केन्द्रमा प्रवेश गरेको विज्ञप्तिमा उल्लेख छ। समृद्ध समाज निर्माण गर्दै आमूल परिवर्तनको दिशामा अगाडि बढ्ने आन्दोलनमा समाहित भएको थापाले प्रतिक्रिया दिएका छन्। केन्द्रमा उपेन्द्र यादव र डा. बाबुराम भट्टराई अलग भएपछि थापासहित ३९ जनाले जसपाबाट अलग भएको घोषणा गरेका थिए। यद्यपि, जसपाले सबै ३९ जनाले पार्टी नछाडेको दाबी गरेको छ।

काठमाडौं । देशको प्रमुख प्रशासकीय निकाय सिंहदरबारमा आजदेखि एलपीजी ग्यास विस्थापन गरिएको छ । अर्थमन्त्रालयले चालू आर्थिक वर्ष २०७८/७९ को बजेट वक्तव्यमार्फत सिंहदरबारको ग्यास चुलो हटाएर विद्युतीय चुलो प्रयोगमा ल्याउने घोषणा गरेको थियो । सोअनुसार, आज भदौ १ गतेदेखि विद्युतीय चुलो प्रयोगमा ल्याइएको अर्थमन्त्रालयका प्रवक्ता ढुण्डीप्रसाद निरौलाले जानकारी दिए । बुधबार बिहानदेखि सिंहदरबारको गेटमा रहेका सुरक्षाकर्मीले चेक गर्ने, सिलिन्डर भए गेटबाटै फर्काउने गरेको छ ।

काठमाडौं, पूर्व मन्त्री तथा नेकपा एकीकृत समाजवादीकी सचिव रामकुमारि झांक्रीले पार्टीमा आफ्नाे अवमूल्यन गरिएकाे बताएकी छिन् । पार्टीले मन्त्रीबाट फिर्ता बाेलाएपछि असन्तुष्ट बनेकी झांक्रीले पार्टीविरुद्ध सार्वजनिक अभिव्यक्ति दिन थालेपछि उनकाे आलाेचनासमेत चुलिएकाे छ । मन्त्रीबाट फिर्ता भएपछि झांक्री र अध्यक्ष माधव नेपालबीच भेटघाट र बाेलचाल समेत भएकाे छैन । यहीबीचमा उनले अध्यक्ष नेपालले शिलान्यास गरेकाे एउटा कार्यक्रमकाे सार्वजनिक बिराेध गरेपछि उनी थप विवादमा परेकी छिन् । गत १६ साउनमा एकीकृत समाजवादीका अध्यक्ष माधवकुमार नेपालले रौतहट पुगेर टाउन हल, विवाहको भवन, सबगढा, टिकुलिया र सिर्सियामा निर्माण हुने सडक लगायत करिब ४२ करोडका आयोजना शिलान्यास गरेपछि झाँक्रीले आक्रोश पोखेकी थिइन । बिनाबजेट, बिनायोजनाका विकासको काम शिलान्यास गरेको भन्दै उनले अध्यक्ष नेपालको आलोचना गरेकी थिइन। याे विवाद चुलिएकै बेला झांक्रीले एउटा अनलाइनमा प्रतिक्रिया दिने क्रममा माधव नेपाल र आफ्नाे याेगदान उत्तिकै भएकाे टिप्पणी गरेकी छिन् । एमाले प्रवेश गर्ने हल्लाबारे साेधिएकाे प्रश्नमा उनले माधव नेपाल पदमा अध्यक्ष भएपनि पार्टी निर्माणमा आफ्नाे समेत उत्तिकै याेगदान भएकाे बताएकी छिन् । झांक्रीले भनेकी छिन: कोही मान्छेलाई एमालेमा गइहाल्ला, आइहाल्ला भन्ने परिरहेको छ। उहाँहरुले खोजिरहेको त्यही होला। मैले उहाँहरुले खोजेको जस्तो त गर्दिनँ। पार्टी त माधव कमरेडको जति योगदान छ, मैले पनि त्यति योगदान गरेको छु। पद पो उहाँ अध्यक्ष हुनुभयो। जोखिम त मैले पनि उहाँले जति नै बोकेर आएकी हुँ। हामी उहाँसँगै १४ जना कारबाही हुँदा मेरो पनि भएको हो। यो पार्टी दर्ता गर्न मुख्य भूमिका खेलेकी छु। निर्वाचन आयोगमा पार्टी दर्ता गर्ने क्रममा पनि म र राजेन्द्र पाण्डेले भूमिका खेलेकै हौं। पार्टी निर्माणको मामलामा जिम्मेवारी तलमाथि भए पनि भूमिका सबैले गरेको छ। यो पार्टी बनाउनुपर्छ भन्ने सोचका साथ लागेकी छु। तलमाथि सोच्ने कुरा गलत हो।

काठमाडौं । बिहारको राजधानी पटनामा आइतबार एक विमानको आपतकालीन अवतरण गराइएको छ । विमानमा १८५ यात्री सवार थिए । अधिकारीका अनुसार पिमान स्पाइस जेटको थियो । उडान भरिरहेका बेला विमानको इन्जिनमा आगलागीको जानकारी पाइएपछि विमानलाई आपतकालीन अवतरण गराइएको हो । पटना डिएमले मिडियालाई दिएको जानकारी अनुसार विमानका सबै यात्री सुरक्षित छन् । उनले विमानको बायाँका पखेटामा आगो लागेको जानकारी दिए । मानिसहरुले तलबाट विमानको इन्जिनमा आगो लागिरहेको देखेको बताइएको छ । यात्रुहरुलाई सुरक्षित अवतरण गराइएको छ । हेर्नुहोस भिडियो #WATCH Delhi bound SpiceJet flight returns to Patna airport after reporting technical glitch which prompted fire in the aircraft; All passengers safely rescued pic.twitter.com/Vvsvq5yeVJ — ANI (@ANI) June 19, 2022

काठमाडौं । शिक्षा, विज्ञान तथा प्रविधि मन्त्रालयले आगामी शैक्षिक सत्रबाट कक्षा ८ सम्म दिवा खाजाको व्यवस्थापनको प्रस्ताव अगाडि सारेको छ । आगामी आर्थिक वर्ष २०७९र८० को बजेटमा शिक्षा, विज्ञान तथा प्रविधिमन्त्री देवेन्द्र पौडेलले आगामी शैक्षिक सत्रबाट दिवा खाजा कक्षा ८ बनाउन प्रस्ताव गरेको बताए । हाल कक्षा ५ सम्म दिवा खाजाको व्यवस्था छ ।   मन्त्री पौडेलले शिक्षामा उपलब्ध गराएको बजेट सिलिङ निकै कम भएकोले कुल राष्ट्रिय बजेटको कम्तीमा १५ प्रतिशत रकम उपलब्ध गराइदिन अनुरोध गरेको जानकारी दिए । आगामी वर्षको बजेट कार्यक्रममार्फत शिक्षामा तीन प्रकारको सुधार गरिने मन्त्री पौडेलले बताए । उनले भने, ‘कानुनी सुधार, शिक्षण सिकाइमा सुधार र पूर्वाधारमा सुधार गर्न चाहेका छौँ ।’ मनाङ, मुस्ताङ लगायतका दुर्गम क्षेत्रमा विद्यार्थी संख्या निकै कम भएको र त्यस्ता स्थानमा विद्यालय गाभ्ने कानुनी व्यवस्था पनि ल्याउने, यातायात व्यवस्था गरिने र हरेक प्रदेशमा कम्तीमा एउटा आवासीय विद्यालय स्थापनाको योजना बजेटमार्फत ल्याइने मन्त्री पौडेलले बताए । सबै जिल्लामा प्राविधिक शिक्षा विस्तार गर्ने योजना रहेको र त्यसका लागि पाँच हजार विद्यालय निर्माण गरिने बताए । कानुन मन्त्रालयमा रहेको संघीय शिक्षा ऐन संसद अधिवेशनमार्फत अगाडि बढाइने मन्त्री पौडेलले जानकारी दिए ।

काठमाडौं। अष्ट्रेलियामा हालै सम्पन्न आम निर्वाचनमा विपक्षी दल लेबर पार्टी विजयी भएको छ। लेबर पार्टीको यो जितसँगै एन्थोनी अल्बानिज नयाँ प्रधानमन्त्री बन्नेछन्। चुनावी परिणाम अनुसार लेबरले ९ वर्षपछि पुनः सरकार बनाउने अवसर पाएको छ। शनिबार सम्पन्न चुनावमा करिब १ करोड ७० लाख जनताले मतदान गरेका थिए। जसमध्ये ४ लाख ५० हजार नयाँ मतदाता समावेश भएका थिए। जसमा लेबर पार्टीले ७२ सिटमा जित हासिल गरेको छ। अष्ट्रेलियामा सरकार गठनका लागि कुनै पनि दललाई तल्लो सदनमा ७६ सिट र माथिल्लो सदनमा ४० सिट आवश्यक पर्छ। निर्वाचनले ३ वर्षका लागि नेतृत्व छनोट गरेको हो। अष्ट्रेलियाको ६ राज्य तथा २ टेरीटोरीबाट तल्लो सदनका लागि १ सय ५१ निर्वाचन क्षेत्र र माथिल्लो सदन सिनेटका लागि ७६ सिटमा मतदान भएको थियो। वर्तमान प्रधानमन्त्री स्कट मरिसनले हार स्वीकार्दै नयाँ प्रधानमन्त्री बन्ने निश्चित भएका अल्बानिजलाई बधाई दिएका छन्। निर्वाचन परिणाम सार्वजनिक भएपछि आफ्ना समर्थकहरू माझ सम्बोधन गर्दै मरिसनले पदबाट राजीनामा समेत घोषणा गरेका छन्। आफ्नो पार्टीले जित हासिल गरेपछि अल्बानिजले अष्ट्रेलियालाई एकताको सुत्रमा बाँध्ने प्रतिबद्धता व्यक्त गरेका छन्। साथै उनले भ्रष्टाचारबिरुद्ध राष्ट्रिय आयोग गठन गर्ने र महिला तथा जनजातिको अधिकार सुनिश्चित गर्ने बचन दिएका छन्।

निर्वाचन आयोगले सार्वजनिक गरेको तथ्यांक अनुसार लुम्बिनीका ७१ पालिकामा ३२ पालिका जित्दै कांग्रेस पहिलो बनेको हो। माओवादी केन्द्र २१ पालिकामा विजयी बन्दै दोस्रो भएको छ भने एमाले १८ स्थानीय तह जित्दै तेस्रो बनेको छ। नतिजा सार्वजनिक भएकामध्ये दुईवटा पालिकामा राष्ट्रिय जनमोर्चाले विजय हासिल गरेको छ। लुम्बिनी प्रदेशमा रहेका १२ जिल्लामध्ये गुल्मी, रोल्पा, बर्दिया र रुकुम पुर्वका सबै पालिकाको मतगणना सकिएको आयोगले जनाएको छ। नेपाली कांग्रेसले प्रमुख जितेका स्थानीय तह गुल्मी दरबार गाउँपालिका, गुल्मी रेसुंगा नगरपालिका, गुल्मी मदाने गाउँपालिका, गुल्मी ईस्मा गाउँपालिका, गुल्मी कालिगण्डकी गाउँपालिका, गुल्मी ऐरावती गाउँपालिका, प्यूठान स्वर्गद्धारी गाउँपालिका, प्युठान राजपुर गाउँपालिका, दाङ बबई गाउँपालिका, दाङ राजपुर गाउँपालिका, दाङ दंगीशरण गाउँपालिका, दाङ लमही नगरपालिका, दाङ शान्तिनगर गाउँपालिका, दाङ डुडुवा गाउँपालिका, बाँके राप्ती सोनारी गाउँपालिका, बाँके बारबर्दिया नगरपालिका, बर्दिया गुलरिया नगरपालिका, बर्दिया गेरुवा गाउँपालिका, बर्दिया ठाकुरबाबा नगरपालिका, बर्दिया बारबर्दिया गाँउपालिका, बर्दिया मधुवन नगरपालिका, बर्दिया रैनादेवी छहरा गाउँपालिका, पाल्पा रामपुर नगरपालिका, पाल्पा तानसेन नगरपालिका, पाल्पा रैनादेवी छहरा गाउँपालिका, पाल्पा गंगादेव गाउँपालिका, रोल्पा रुन्टीगढी गाउँपालिका, रोल्पा सिद्धार्थनगर नगरपालिका, रुपन्देही शुद्धोधन गाउँपालिका, रुपन्देही कञ्चन गाउँपालिका, रुपन्देही सितगंगा नगरपालिका, अर्घाखाँची छत्रदेव गाउँपालिका, अर्घाखाँची माओवादी केन्द्रले प्रमुख जितेका स्थानीय तह थवाङ गाउँपालिका, रोल्पा रोल्पा नगरपालिका, रोल्पा परिवर्तन गाउँपालिका, रोल्पा सुनिल स्मृति गाउँपालिका, रोल्पा लुङ्ग्री गाउँपालिका, रोल्पा माडि गाउँपालिका, रोल्पा सुनछहारी गाउँपालिका, रोल्पा चन्द्रकोट गाउँपालिका, गुल्मी धुर्कोट गाउँपालिका, गुल्मी रुरुक्षेत्र गाउँपालिका, गुल्मी मालिका गाउँपालिका, गुल्मी पुथा उत्तरगंगा गाउँपालिका, रुकुम पूर्व सिस्ने गाउँपालिका, रुकुम पूर्व भुमे गाउँपालिका, रुकुम पुर्व बंगलाचुली गाउँपालिका, दाङ राप्ती गाउँपालिका, दाङ गढवा गाउँपालिका, दाङ प्यूठान नगरपालिका, प्यूठान माण्डवी गाउँपालिका, प्यूठान रिब्दीकोट गाउँपालिका, पाल्पा राजापुर गाउँपालिका बर्दिया राष्ट्रिय जनमोर्चाले जितेको पालिका मल्लरानी गाउँपालिका, प्युठान भुमिकास्थान नगरपालिका, अर्घाखाँची एमालेले प्रमुख जितेका स्थानीय तह देवदह नगरपालिका, रुपन्देही ओमसतिया गाउँपालिका, रुपन्देही पुर्वखोला गाउँपालिका, पाल्पा तिनाउ गाउँपालिका, पाल्पा माथागढी गाउँपालिका, पाल्पा निस्दी गाउँपालिका, पाल्पा बगनासकाली गाउँपालिका, पाल्पा छत्रकोट गाउँपालिका, गुल्मी सत्यवती गाउँपालिका, गुल्मी मुसिकोट नगरपालिका, गुल्मी सरुमारानी गाउँपालिका, प्यूठान नौबहिनी गाउँपालिका, प्युठान सन्धीखर्क नगरपालिका, अर्घाखाँची मालारानी गाउँपालिका, अर्घाखाँची पाणिनी गाउँपालिका, अर्घाखाँची त्रिवेणी गाउँपालिका, रोल्पा बासगढी नगरपालिका, बर्दिया सरावल गाउँपालिका, नवलपरासी पश्चिम

काठमाण्डौं । शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल र नेकपा (एस)का अध्यक्ष माधवकुमार नेपालबीच बालुवाटारमा भेटवार्ता भएको छ । एमसीसी पारित गर्ने र चुनावी गठबन्धनका विषयमा छलफल भएको हो । छलफलमा प्रधानमन्त्रीले एमसिसी पारित गरेर अघि बढ्न आग्रह गरेका हुन् ।देउवाले आगामी संसद बैठकमा एमसीसी अघि बढाउने तयारी गरिएको जानकारी गराएका थिए । तर सत्ता साझेदार दुई दलका शीर्ष नेता दाहाल र नेपालले चुनावअघि कुनै पनि हालतमा एमसीसी अघि बढाउन नमिल्ने र पास गर्न पनि नसकिने बताएका थिए । एमसीसीलाई लिएर अहिले सत्ता गठबन्धनमा विवाद बढेको छ । कांग्रेसभित्र पनि चुनावी गठबन्धन गर्न नहुने दबाब बढेपछि तीन नेताले यस विषयमा पनि कुराकानी गरेका थिए । तर छलफल कुनै निष्कर्षमा नपुगेको बालुवाटार स्रोतले जानकारी दियो ।

विराटनगर, नेपाल–भारत सीमा क्षेत्रअन्तर्गत विराटनगर महानगरपालिका–१६ दरैया र भारत जोगवनीको टिकुलिया बस्तीबीचको दसगजामा भारतीय सीमा सुरक्षा बल (एसएसबी)ले आफूखुसी बनाएको सुरक्षा पोस्ट् हटाइएको छ। सशस्त्र प्रहरीको पहलमा एसएसबीले पोस्ट् हटाएर दसगजाबाट आफ्नै भूमिमा सारेको हो। कूटनैतिक मर्यादा र सीमा सम्बन्धी अन्तर्राष्ट्रिय कानुनविपरित दसगजामा पोस्ट् निर्माण गरेर २४ घण्टा नै हतियारसहितका एसएसबीलाई खटाउन थालिएपछि भारतको चौतर्फी विरोध भएको थियो। जिल्ला सुरक्षा समिति मोरङको बैठकमा पनि यस विषयमा कुरा उठेको थियो। मोरङका प्रमुख जिल्ला अधिकारी काशीराज दाहाल र सशस्त्रका उच्च अधिकारीले एसएसबीले बनाएको पोस्ट् हटाउने विषयमा पहल थाल्न सीमा क्षेत्रमा खटिएका सशस्त्र प्रहरीलाई निर्देशन दिएका थिए। निर्देशनसँगै पहल थालेको सशस्त्र प्रहरीले दसगजाको पोस्ट् हटाउन एसएसबीका अधिकारीसँग आग्रह गरेको थियो। सशस्त्रको आग्रहपछि लगभग एक महिनाअघि निर्माण गरिएको पोस्ट् दसगजाबाट हटाउँदै एसएसबीले भारतीय भूमितर्फ लगिसकेको प्रजिअ दाहालले बताए। ‘सशस्त्रको पहल र आग्रहमा एसएसबी पोस्ट् हटाएर आफ्नै भूमिमा लैजान सहमत भएको हो,’ उनले भने, ‘दुई देशीय सिमानाको दसगजामा कुनै पनि भौतिक संरचना निर्माण गर्न नपाइने प्रावधानलाई ख्याल गर्न एसएसबीसँग आग्रह पनि गरिएको छ।’ दसगजाको अतिक्रमण हटाउने र सिमानालाई व्यवस्थित बनाउने दुई देशीय सहमतिविपरीत एसएसबीले सुरक्षा पोस्ट् निर्माण गरेको थियो। दसगजामा संरचना निर्माण गरेर सुरक्षा दिने नाममा एसएसबीले नेपालतिर हुने गतिविधी नियाल्न थालेको आशंका गरिएको थियो। -अन्नपूर्ण पोष्टबाट साभार

काठमाडौं । बुधबार नेकपा माओवादी केन्द्रका अध्यक्ष प्रचण्डलाई भेटेको विप्लवले आज प्रचण्डसहित माधव नेपालसँग भेट गरेका छन् । बुधबारको भेटमा नेपालको कम्युनिष्ट आन्दोलनको विगत र भविष्यका बारेमा मोटामोटी चर्चा भएको थियो । विगतका आन्दोलनको रक्षा गर्दै नेपाली समाजलाई अग्रगमनतर्फ लैजान क्रान्तिकारी कम्युनिष्ट पार्टीबीच बृहत एकतामा जोड दिँदै आएका प्रचण्डसँग विप्लवसले आफूहरुको कार्यनीतिक बाटोको बारेमा छलफल गरेका थिए । बुधबारको छलफललाई निरन्तरता दिँदै आज बिहान प्रचण्ड र विप्लव माधव नेपाल निवास पुगेका हुन । आजको भेटमा वर्तमान राजनीतिक परिस्थिति र कम्युनिष्ट आन्दोलनको भविष्यका बारेमा छलफल भएको श्रोतले बतायो । आजको भेटका बारेमा बिस्तृत विषय सार्वजनिक नभएपनि नेपाली विशेषताका आधारमा समाजवादी क्रान्तिको रणनीति निर्माण गर्ने विषयमा तीनैजनाबीच भेटघाट भएको श्रोतले बतायो । कार्यदिशाका हकमा भिन्नता भएपनि समाजवादमा जानुपर्ने सवालमा समानता भएकोले बृहत समाजवादी केन्द्र निर्माण गर्नुमा उनीहरु सबैको जोड रहेको बताइन्छ । भेटघाट र छलफललाई तीब्रता दिँदै आगामी दिनमा संयुक्त मोर्चा निर्माणको सम्भावनाबारे थप प्रयास गर्ने छलफल उनीहरुबचि भएको छ ।