काठमाडौं । पश्चिमा देशहरुले रुसविरुद्ध लगाएको नाकाबन्दी नहटेसम्म युरोपमा ग्याँस आपूर्ति सुचारु नहुने भएको छ । गत साता केही दिनका लागि भन्दै युरोपमा ग्याँस आपूर्ति गर्ने नोर्डस्ट्रिम वान पाइपलाइन बन्द गरेको रुसले नाकाबन्दी कायम रहेसम्म ग्यास आपूर्ति सुचारु नहुने प्रष्ट पारको हो । रुसी राष्ट्रपति कार्यालय क्रेमलिनले ग्याँस आपूर्ति बन्द हुने मुख्य कारण नै पश्चिमा नाकाबन्दी हो भनेको छ । क्रेमलिनका प्रवक्ता दिमित्री पेसोकोभले बेलायत, जर्मनीलगायत पश्चिमा देशहरुले रुसका केही ठूला कम्पनीहरुविरुद्ध नाकाबन्दी गरेपछि समस्या उत्पन्न भएकाले त्यसको सम्बोधन नभई ग्याँस लाइन नखुल्ने बताएका छन् । बढ्दो उर्जा संकटले दिन प्रतिदिन कठिनाई भोगिरहेका युरोपेली जनताले रुसले कहिले ग्याँसलाइन खोलिदेला भन्ने प्रतिक्षा गरिरहेको बेला रुसको यस्तो भनाइ आएको छ ।

एजेन्सी । युक्रेनका राष्ट्रपति भ्लोदिमिर जेलेन्स्कीले युक्रेनको सुरक्षा एजेन्सीका प्रमुख तथा महाअभियोजकलाई राजद्रोहको आरोप लगाउँदै दुई शक्तिशाली संस्थाबाट बर्खास्त गरेका छन् । उनले रुस नियन्त्रित क्षेत्रमा ६० भन्दा बढी कर्मचारी युक्रेनको विपक्षमा काम गरिरहेको आरोप लगाए । सुरक्षा निकायका अधिकारीहरूमाथि राजद्रोहका कूल ६५१ मुद्दा लगाइएको बीबीसीले उल्लेख गरेको छ । बर्खास्तीमा परेका इभान बाकानोभ र इर्याना भेनेडिक्टोभाले यसबारे प्रतिक्रिया सार्वजनिक गरेका छैनन् । आइतबार राति भिडियो सन्देश जारी गर्दै जेलेन्स्कीले उनीहरुले राष्ट्रको सुरक्षाको आधारशिला विरुद्धका शृङ्खलाबद्ध अपराध गरेको आरोप लगाए । यसले दुई प्रमुखमाथि ठूलो प्रश्नचिन्ह खडा भएको र यसको उपयुक्त जवाफ आवश्यक रहेको उनले जिकिर गरे । यसैबीच रुसी रक्षामन्त्री सर्गेई शोइगुले शनिबार पूर्वी युक्रेनमा रुसी नियन्त्रित क्षेत्रको भ्रमण गरेका छन् ।उनले कमाण्डरहरूलाई रुसको नियन्त्रणमा रहेका क्षेत्रहरूमा विशेष गरी डोनबासमा युक्रेनको आक्रमणलाई विफल पार्न आग्रह गरेका छन् ।

काठमाडौं । श्रीलंकामा प्रधानमन्त्री रनिल विक्रमसिंहेले कार्यवाहाक राष्ट्रपतिको सपथ लिएका छन् ।यससँगै उनी राष्ट्रपति र प्रधानमन्त्रि दुवै बनेका छन् । आर्थिक संकट गहिरिएका कारण आन्दोलन चर्किएपछि मुलुक छाडेर माल्दिभस हुँदै सिंगापुर पुगेका राष्ट्रपति गोटाबाय राजपक्षले बिहीबार राजीनामा दिएसँगै कार्यवाहाक राष्ट्रपतिको जिम्मेवारी सम्हालेका प्रधानमन्त्री विक्रमसिंहेले शुक्रबार सपथ लिएका हुन् । एनले प्रधानमन्यायाधीश जयन्थ जयसुरियासामू सपथ लिएका हुन् । राजपक्षले नै विक्रमसिंहेलाई बुधबारै कार्यवाहाक राष्ट्रपतिमा नियुक्त गरेका थिए । संविधान अनुसार विक्रमसिंहेले अबको केही समयसम्म कार्यवाहाक राष्ट्रपतिको जिम्मेवारी बहन गर्नेछन् भने शनिबारबाट सुरू हुने त्यहाँको संसद बैठकले नयाँ राष्ट्रपतिको निर्वाचनका लागि प्रक्रिया सुरू गर्ने बताइएको छ ।

काठमाडौं । युवा तथा खेलकुद मन्त्री महेश्वर गहतराज अथक ले खेलकुदप्रतिको सिंहदरबारको बुझाई परिर्वन गर्न आवश्यक रहेको बताएका छन् । उनले निति निर्माण तहमा खेलकुदलाई सामान्य क्रियाकलाप हो भन्ने बुझाई रहेको बताए। उनले खेल क्षेत्रका लागेका सबैले नीति निर्माण तहमा रहेको उक्त बुझाइलाई परिर्वतन गर्न भुमिका खेल्नुपर्ने बताए ।   साथै उनले प्राकृतिक हिसावले देश सुन्दर भएकाले त्यसको उपयोग खेलकुद मार्फत गर्नुपर्ने बताएका छन् । अखिल नेपाल फुटबल संघ (एन्फा)को चुनावी साधारण सभाको उद्घाटन सत्रलाई सम्बोधन गर्दै मन्त्री गहतराजले खेलकुदलाई राज्यले प्राथमिकतामा नराखेको पनि बताए ।   ‘नेपाल प्राकृतिक रुपले राम्रो देश छ । यहाँको खेलकुदलाई पर्यटनसँग जोड्न सकियो भने धेरै उपलब्धि हुनेछ । त्यसका लागि अन्तर्राष्ट्रिय स्तरमा लविङ गर्न आवश्यक छ,’ मन्त्री गहतराजले भने । मन्त्री गहतराजले खेलकुदको विषय सिंहदरबार भित्र बुझ्ने मान्छे नभएको बताए । त्यसैले नै नेपाली खेलकुद बजेटको हिसावले उपेक्षामा परेको बताए   ‘खेलकुदको विषय बुझ्ने सिहंदरबारमा छैनन् । खेल सामान्य गतिविधि वा क्रियाकलापको क्षेत्र हो भन्ने बुझाइ छ । सिंह दरबारमा रहने व्यक्तिले यो कुरा बुझ्नु पर्ने हुन्छ,’ उनले भने । मन्त्री अथकले खेल सामान्य क्रियाकलापको क्षेत्रमात्रै नभएर खेलकुद क्षेत्रलाई नयाँ उद्योगको रुपमा लिनुपर्ने बताए । नेपालले खेलकुदलाई व्यवसाय, खेल पर्यटन र अन्तराष्ट्रिय रिलेसन तथा खेलकुटनीतिको रुपमा अघि बढाउनुपर्नेमा उनको जोड थियो ।      

काठमाण्डाै – लगातार चार दिनसम्म बढेको शेयर बजार काराेबार हुने हप्ताको अन्तिम दिन आज बिहीवार भने घटेको छ । शेयर बजार परिसूचक नेप्से आज १८ दशमलव ६४ अङ्कले घटेर दुई हजार तीन सय ५० दशमलव ४२ विन्दुमा झरेको छ । आज उत्पादन र अन्यबाहेक सबै समूहको शेयर ओरालो लागेको छ । नेप्से घटे पनि कारोबार रकम भने बढेको छ । हिजो बुधवार दुई अर्ब १६ करोड रुपैयाँको शेयर कारोबार भएकोमा आज दुई सय २८ वटा कम्पनीका ५२ लाख २७ हजार कित्ता शेयर दुई अर्ब ३२ करोड ८४ लाख रुपैयाँमा कारोबार भएकाे छ । सबैभन्दा धेरै शिवम् सिमेन्टको ११ करोड १० लाख रुपैयाँको शेयर किनबेच भयो । आज सबैभन्दा धेरै प्राइम लाइफ इन्सुरेन्सको शेयर साढे सात प्रतिशत र युनियन लाइफ इन्सुरेन्सको शेयर सात प्रतिशतले घटेको छ । समग्रमा बजार घटे पनि सबैभन्दा धेरै जालपा लघुवित्तको शेयर १० तथा तेह्रथुम पावर कम्पनीको शेयर ६ प्रतिशतभन्दा धेरैले बढेको छ ।

कपिलवस्तु । आगामी वैशाख ३० गते हुने स्थानीय निकायको चुनाव नजिकिदै गर्दा कपिलवस्तु नगरपालिकामा गठबन्धनका प्रत्यासी उम्मेदवारका आकांक्षी धेरै हुँदा गठबन्धनको तर्फबाट मेयर तथा उपमेयर छनौट गर्न सतारुढ दललाई हम्य हम्य परेको छ । कपिलवस्तुमा २०७४ सालको स्थानीय निर्वाचनमा ९२५४ मतका साथ नेपाली काँग्रेसको तर्फबाट किरण सिंह विजयी भएका थिए । अहिले स्थानीय चुनाव नजिकिएसँगै सत्ता साझेदार दल नेकपा (माओबादी केन्द्र)को तर्फबाट कपिलबस्तु नगर समितिका अध्यक्ष शत्रुघन चौधरीको पक्षमा स्थानीय क्षेत्रमा माहोह सिर्जना भएको छ । उनी निर्वाचन मिति घोषणा भएसँगै पार्टिले उनलाई मेयरको उम्मेदबारको रुपमा अघि सारेको छ त्यससँगै निर्वाचनको प्रचार प्रसार जनभेटघाट उनको दिनचर्या जस्तै बनेको छ । अन्य सत्ता गठबन्धन दलहरु नेपाली काँग्रेस,नेकपा (एकीकृत समाजवादी),जनता समाजवादी पार्टी एंव राष्ट्रिय जनमोर्चा लगायतका पार्टीले भने नगरपालिकामा आफ्ना आधिकारिक उम्मेदवार तय गर्न सकेका छैनन् । माओबादी केन्द्र बाहेकका अन्य दलभित्र प्रत्यासी उम्मेदवारको संख्या धेरै भए पछि अन्य दलमा उम्मेदवार तय गर्न सकस परेको हो। अहिले माओवादीको प्रत्यासीका रुपमा रहेका चौधरीलाई २०७७ चैत्र २१ गते नेकपा (माओबादी केन्द्र)का अध्यक्ष प्रचण्डले पार्टी प्रवेश गराएका थिए । नेकपा(माओवादी केन्द्र) को सदस्यता प्राप्तिसँगै उनले प्रचार प्रसार लगायत सामाजिक कार्यमा सक्रियता देखाउँदै आएका छन । आजका मितिसम्म आधिकारिक रुपमा चुनावी मैदानमा उत्रिएका एक मात्रै उम्मेदवार नेकपा (माओबादी केन्द्र)का नगर अध्यक्ष शत्रुघन चौधरी मात्रै रहेको कुरा प्रचार प्रसार,सक्रियता एवम सामाजिक सञ्जालबबाट बुझ्न सकिन्छ । विगत २० बर्षदेखी राजनितिक तथा सामाजिक क्षेत्रमा सक्रिय चौधरी वि.सं.२०६६ सालमा भौतिक योजना तथा निर्माण मन्त्रालयद्धारा गठित जनता आवास कार्यक्रमको संयोजकको रुपमा रहेर जिल्लाभरी करिब एक हजार निम्न वर्गका गरिब तथा अति विपन्न परिवारको घर निर्माणमा सक्रिय उनी स्थानीय जनतामाझ चिरपरिचित अनुहार हुन। यसै गरी पुर्वाधार र सेवाका हिसाबले पछि परेको कपिलबस्तु जिल्लाको जिल्ला अस्पताल उनी अस्पताल विकास समितिको अध्यक्ष भएकै पालामा उनकै पहलमा करिब २१ करोडको बजेट ल्याई सुविधा सम्पन्न अस्पताल तत्कालिन स्वास्थ्य तथा जनसँख्या मन्त्री राजेन्द्र महतोद्धारा सिलन्यास गराएको कुरा अस्पतालका कर्मचारीहरु बताउँछन । त्यसेगरी कपिलवस्तु जिल्लाको सदरमुकाममा स्थित रहेको कपिलवस्तु बचत तथा ऋण सहकारी सँस्था लिमिटेडको १२ करोड ठगी अपचलन मुद्धामा पिडित बचतकर्ताहरुको तर्फबाट नेतृत्व गर्दै प्रमुख जिल्ला अधिकारी लगायत सरोकार वाला निकायलाई बार्ता र आन्दोलनको माध्यमबाट पटक पटक ध्यानाकर्षण मात्रै गराएनन उनले बचत कर्ताको नेतृत्व गरेको छोटो समयमै उक्त मुद्धा फैसला गराउन भुमिका निर्वाह गरी करिब ७ हजार बचतकर्ताहरुलाई न्याए दिलाएको एक स्थानीयले बताए । २०६४ सालको संविधानसभा चुनावमा झिनो मतान्तरले पराजित भएका चौधरी २०७० सालको प्रतिनिधि सभा चुनावमा सन्तोषजनक उपस्थिति जनाएका थिए । स्थानीय तह आएसँगै प्रत्यक्ष रुपमा समाजसेवामा लागेका उनलाई माओवादी केन्द्रले प्रथामिकताकासाथ कपिलवस्तु नगरपालिकाको मेयरको उम्मेदवारको रुपमा अघि सारेको हो । यद्यपी केन्द्रिय गठबन्धन तथा जिल्लाको निर्णय अनुसार नगरमा गठबन्धनको निर्णय मान्य हुने भन्दै गठबन्धनले अगाडी सारेको व्यक्तिलाई सबैले सहयोग गर्दै प्रतिगमनलाई परास्त गर्नुपर्ने उनको धारणा छ ।

नयाँ दिल्ली । रुसले युक्रेनमा आक्रमण गरेपछि क्रूड तेलको मूल्यमा भारी बृद्धि भएको छ । यसको असर नेपालमा पनि परेको छ । नेपालले भारतबाट तेल र ग्यास किन्ने हुँदा भारतीय बजारमा तेलको मूल्य बृद्धिसँगै नेपालमा पनि बृद्धि हुने गर्दछ । पश्चिमी देशहरुले प्रतिबन्ध लगाएपछि रुसमा उत्पादन हुने तेलले बजार नपाएको अवस्थामा भारतले रुसबाट तेल किन्ने सम्भावना बढेको छ । अमेरिका लगायत कतिपय देशले रुसमाथि प्रतिबन्ध लगाएपनि भारतले भने तटस्थ नीति अपनाएको छ । यसैबीच भारतले रुससँग तेल किनेपछि अमेरिकाले यसै कारणले भारतमाथि प्रतिबन्ध भने नलगाउने आधिकारिक भनाई आएपछि भारतले रुससँग तेल किन्ने सम्भावना बढेर गएको हो । अमेरिकाले यही कारण प्रतिबन्ध नलगाउने तर भारतले नैतिक दृष्टिले युक्रेनमा आक्रमण गर्ने रुसको साथ दिने या नदिने भन्ने विषयमा सोच्नुपर्ने बताएको छ । भारतले आफ्नो आवश्यकताको ८५ प्रतिशत क्रूड आयल –कच्चा तेल आयात गर्दछ । यसमा ६० प्रतिशत खाडी देशबाट लिने गर्दछ । यसअतिरिक्त अमेरिका, इराक, इरान, ओमान, कुबेत र रुसबाट समेत भारतले तेल आयात गर्दछ । रुसबाट भने अहिलेसम्म जम्माजम्मी २ प्रतिशत कच्चा तेल भारतले किन्ने गरेको छ । यसबाहेक करिब ६ अर्ब डलरको अन्य पेट्रोलियम पदार्थ भारतले रुसबाट आयात गर्दछ । तर अहिले रुसमा तेलको मूल्य निकै कम भएपछि भारतले क्रुड तेल र अन्य बस्तुहरुलाई सस्तो दरमा किन्ने बारेमा छलफल सुरु गरेको हो । केही रिपोर्टमा भने इण्डियन आयलले ३० लाख ब्यारल क्रूड आयल किनिसकेको समेत उल्लेख गरेका छन् । यो व्यापार बजार मूल्य भन्दा २० देखि २५ डलरको छूटमा भएको बताइन्छ । रुस संसारकै तेश्रो ठूलो तेल उत्पादक देश हो । यसले हरेक दिन १०.७ मिलियन ब्यारेल कच्चा तेलको उत्पादन गर्दछ ।

मौसम पूर्वानुमान महाशाखाले आज देशभर धेरै स्थानहरुमा हल्का देखि मध्यम वर्षा हुने,  प्रदेश नं १ तथा बागमती प्रदेशका एक(दुई स्थान  र गण्डकी, लुम्बिनी प्रदेश तथा सुदूरपश्चिम प्रदेशका थोरै स्थानमा भारी बर्षाको संभावना रहेको जनाएको छ । महाशाखाले भारी वर्षा हुने देशका पहाडी  भूभूगमा भूक्षय, पहिरो तथा गेग्रान बहावको जोखिम रहेको हुनाले नदीनाला र खहरे खोलामा  पानीको सतह बढ्न सक्ने भएकोले आवश्यक सतर्कता अपनाउन अनुरोध गरेको छ । महाशाखाले आज मनसुनी न्युन चापीय रेखा नेपालको पश्चिमी तराई भूभाग नजिक रहेको जानकारी दिएको छ भने हाल देशभर सामान्यदेखि पूर्ण बदलीको अवस्था छ। साथै, प्रदेश १, बाग्मती र गण्डकी प्रदेशका केही तथा अन्य प्रदेशहरुका थोरै स्थानहरुमा हल्कादेखि मध्यम वर्षा भइरहेको जनाएको छ ।  यसैगरी, आज दिउँसो देशभर सामान्यदेखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको र प्रदेश नं १, बागमती, गण्डकी तथा लुम्बिनी प्रदेशका एक वा दुई स्थानमा भारी वर्षाको सम्भावना रहेको महाशाखाले जारी गरेको पूर्वानुमानमा उल्लेख छ । यस्तै, आज राति देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको छ। भने, गण्डकी, लुम्बिनी र सुदूरपश्चिम प्रदेशका थोरै स्थानमा भारी वर्षा हुन सक्ने पूर्वानुमानमा उल्लेख छ ।

सुरक्षाकर्मीहरुको हवाई आक्रमणमा परी अफगानिस्तानमा कम्तीमा ३० जनाको मृत्यु भएको छ । मृत्यु भएका मध्ये सवै जना तालिबान लडाकूहरु रहेको रक्षा मन्त्रालयका उच्च अधिकारीहरुले पुष्टि गरेका छन् । घटनामा परी अरु १७ जना घाइते समेत भएको अधिकारीहरुले जानकारी दिएका छन् । शुक्रबार दुई प्रान्तमा घटना भएको जनाइएको छ । देशको उत्तरी क्षेत्रमा पर्ने जावज्जान प्रान्तमा १९ जनाको मृत्यु भएको थियो भने १७ जना घाइते भएका थिए । मुर्घाब र हसानमा रहेको तालिबान लडाकुहरुको आश्रयस्थललाई लक्षित गरेर सुरक्षाकर्मीहरुले हवाइ आक्रमण गरेका थिए ।त्यसैगरी हेल्मन्ड प्रान्तको लश्कर गाहमा पनि सुरक्षाकर्मीहरुले हवाई आक्रमण गरेका थिए । घटनास्थलबाट सुरक्षाकर्मीहरुले सवारी साधनहरु, बंकर, विस्फोटक पदार्थलगायतका लडाकुहरुले प्रयोग गर्ने गरेको सामग्रीहरु पनि बरामद गरेका छन् । लामो समयदेखि आन्तरिक द्वन्द्व चलिरहेको अफगानिस्तानमा द्वन्द्व अन्त्यका लागि प्रयासहरु भइरहेपनि टुंगीन सकेको छैन । द्वन्द्वका कारण अहिलेसम्म अफगानिस्तानमा हजारौंको मृत्यु भएको छ भने लाखौँ विस्थापित भएका छन् । –एएनआई

बर्दिया । बर्दियामा नदीमा नुहाउन गएका २ जना कर्णाली नदीमा बेपत्ता भएका छन् । गेरुवा गाँउपालिका वडा नं ६ का १४ वर्षिय सञ्जिव विक र उनकी ८ वर्षिय बहिनी दिलमाया विक रहेका छन् । हिजो बिहान खाना खाएर खेल्न गएका दाजु बहिनी नुहाउने क्रममा ११ बजे बेपत्ता भएको स्थानीयले जनाएका छन् । बेपत्ता भएका बालबालिकाको प्रहरी र स्थानीयहरुले खोजी जारी राखेका छन् ।

काठमाडौं । विगत केही दिनदेखि निरन्तर वर्षा हुन थालेपछि देशका बिभिन्न स्थानमा ठूलो क्षति भएको छ । यसैबीच नारायणघाट–मुग्लिन सडकखण्डमा रोकिराखेको ट्रकमाथि पहिरो खसेको तस्वीर भाइरल बनेको छ । इच्छाकामना गाउँपालिका वडा नम्बर ६ जलवीरे नजिकै जाममा रहेको ट्रकमाथि पहिरो खसेको हो। आज बिहान करिब ७ बजेतिर खसेको पहिरोले एकको एक छेउ पुरेको छ। पहिरोले नारायणघाटबाट मुग्लिनतर्फ सामान लिएर आउँदै गरेको ग १ ख ९९६१ नम्बरको ट्रकको आधा भाग पुरेको छ। पहिरोले यात्रुबहाक एक बसमा पनि क्षति पुर्‍याएको छ। बिहीबारदेखि यो सडकखण्डका विभिन्न ठाउँमा पहिरो र ठूला ढुंगा खसेका छन्। अवरूद्ध सडक खुलाउन सडक विभाग, प्रहरी र प्रशासन लागिपरेको छ। पानी परिरहेकोले चारकिलो, पाँचकिलो र दासढुंगालगायत ठाउँमा पहिरो खस्ने क्रम रोकिएको छैन। पहिरो हटाउँदै सडक सुचारू गर्ने काम भइरहेका छन्।

काठमाडौं । अहिले काठमाडौंसहित देशका केही ठाउँमा घाम लागेको छ । अहिले वाग्मती प्रदेश, प्रदेश–१ र गण्डकी प्रदेशका केही ठाउँको मौसम खुलेको छ । प्रदेश–१ का केही ठाउँमा घाम लागे पनि केही ठाउँमा पानी परिरहेको मौसमविद्ले बताएका छन् । मौसमविद् समिर श्रेष्ठका अनुसार प्रदेश–१ का केही ठाउँसँगै अहिले कर्णाली प्रदेशमा पनि पानी परिरहेको छ । मौसमविद्ले आज प्रदेश–१, २ र लुम्बिनी प्रदेशका केही ठाउँमा ठूलो पानी पर्ने सम्भावना रहेको बताएका छन् । गएको २४ घण्टामा रुकुममा सबैभन्दा धेरै ८० मिलीमिटर पानी परेको छ । यस्तै, आज, भोलि र पर्सि केही ठाउँको मौसम सफा नै रहने अनुमान गरिएको छ । हिजोदेखि नै पानी पर्न कम भएपछि देशका धेरैजसो नली तथा खोलामा पानीको बहाव घटेको छ । यसले तत्कालका लागि बाढीको जोखिम घटेको छ । तर, यसअघिको लगातारको झरीले जमिन गलिसकेकाले सामान्य पानी पर्दा समेत पहिरोको जोखिम भने रहने मौसमविद्ले बताएका छन् । यस्तै, आउँदो विहीबारदेखि देशभर मौसम पूर्ण बद्ली भइ ठूलो पानी पर्ने सम्भावना रहेको पनि मौसमविद्ले बताएका छन् । यसपालिको बर्खामा औसतभन्दा धेरै पानी पर्ने सम्भावना रहेको बाढी पहिरोको जोखिम उच्च छ।

काठमाडौं । चीनको तिङ्ग्री काउन्टी नजिकै पहिरो जाँदा थुनिएको रोङसी नदीको प्रवाह बिस्तारै सुचारु गरिएको छ । उक्त पहिरोका कारण तामाकोशी क्षेत्रमा बाढी आएको थियो । जिल्ला प्रशासन कार्यालय दोलखाले गएराति सूचना जारी गरेर चीन तर्फबाट प्राप्त जानकारी अनुसार पहिरो आंशिक रुपमा हटाई नदीको प्रवाह सीमित मात्रामा सुचारु गरिएको जनाएको हो । यसले नेपालतर्फ तामाकोशी नदीको किनारमा बस्ने वासिन्दालाई राहत मिलेको छ । तर अझैपनि जोखिम पूर्णरुपले टरेको भने छैन । त्यसैले पूर्व सावधानी अपनाउन प्रशाशनले आग्रह गरेको छ । पछिल्लो सूचना अनुसार हाल नदी थुनेर बनेको जलायसबाट पहिरोलाई सीमित रुपमा कटान गरि पानीलाई बगाउन सुरु गरिएको छ । हाल उक्त जलासयमा अनुमानित एक लाख घनमिटर पानी जम्मा भएको हुनसक्ने बताईएको छ । नदीको थुनिंदा सीमावर्ती गाउँ र तामाकोशी नदीको तटीय क्षेत्रका सिन्धुली, दोलखा र रामेछाप जिल्लामा जोखिम बढेको थियो ।

नेकपा एमालेका माधवपक्षीय सांसदहरुले अध्यक्ष केपी ओलीले माग पूरा नगरे सामूहिक राजिननमा दिने भएका छन् । शनिबार राजधानीमा बसेको माधव–खनाल समूहका सांसदहरुको बैठकले केपी ओली पार्टी एकताका लागि तयार नभएको निश्कर्ष निकाल्ददै सामुहिक राजिनामा दिने बताएका हुन । केपी ओली पक्षसँग पछिल्ला दिनमा चरणबद्ध छलफल भएपनि कुनै निश्षर्षमा नपुगेकाे बेला नेपाल समूहले आफ्नाे रणननिर्माण गर्न आज सांसदहरुसँग छलफल गरेकाे थियाे । ‘आजकाे बैठकले ओली पक्षसँग भएका वार्ता र एकताका प्रयासहरूबारे समीक्षा गर्यौं,’ माधव नेपालनिकट एक सांसदले भने, ‘ओली पार्टी एकताका लागि तयार नरहेको हाम्रो निश्कर्ष रह्यो । २ जेठ २०७५ मा केपी ओली फर्कन तयार नभए राजीनामा दिन तयार भएका छौं । तर भोलि साँझसम्म कुर्छौ आइतबार साँझ स्थायी कमिटीको बैठक बसेर थप निर्णय गर्छौं ।’ आजको छलफलमा केपी ओलीलाई विश्वासको मत दिनुभन्दा सामुहिक राजीनामा गर्दा उपयुक्त हुने निश्कर्ष निस्किएको ती नेताले बताए । ‘विश्वासको मत लिएपछि कारबाही अगाडि बढाउने योजनामा केपी ओली लाग्नु भएको छ । वार्ता पनि हामीलाई अल्मल्याउनकै निम्ति हुुँदैछ भन्ने सामुहिक निष्कर्ष हो’ आइतबार नेपाल समूहकाे स्थायी कमिटी बैठकले यसबारेमा ठाेस निर्णय गर्नेछ । वैशाख २७ गते विश्वासको मत दिने बेलामा फ्लोर क्रस गर्नु अनुशासन विपरीत हुने भएकाले त्यस अगावै सांसदहरुले राजीनामा दिने सम्भावना बढेको ती नेताले बताए । उनले भने, ‘अब यसको विकल्प देखिएन ।’

काठमाडौं । नेपाली कांग्रेस संसदीय दलले प्रधानमन्त्री केपी शर्मा ओली विश्वासको मत लिन आउँदा विपक्षमा मतदान गर्ने निर्णय गरेको छ । संसदीय दलको शनिबार बसेको बैठकले प्रधानमन्त्रीको राजीनामा माग गर्ने र आफ्नै नेतृत्वमा सरकार गठनको पहल गर्ने पार्टी केन्द्रीय कार्यसमितिको २१ चैतकै निर्णय अनुमोदन गरेको छ । बैठकले प्रधानमन्त्रीलाई विश्वासको मत नदिने र आफ्नै नेतृत्वमा सरकार बनाउन पहल जारी राख्ने निर्णय गरेको कांग्रेस सांसद डा. डिला संग्रौलाले जानकारी दिइन् । बैठकले प्रधानमन्त्री विश्वासको मत लिन आउँदा विपक्षमा मतदान गर्ने र अरु दललाई पनि मत नदिन आग्रह गरेको छ । बैठकमा कांग्रेस सभापति शेरबहादुर देउवाले सरकारले अख्तियार दुरुपयोग अनुसन्धान आयोगलाई प्रतिशोध साँध्ने संस्था बनाएको आरोप लगाए । उनले मनपरी ढंगले अध्यादेश ल्याएर आफ्ना मान्छे नियुक्त गरी विपक्षीप्रति प्रतिशोध साँध्ने मनसायका साथ सरकार अघि बढेको बताए । उनले रिक्त उपसभामुख पदको निर्वाचन नगराइकन सरकारले संवैधानिक प्रक्रिया नै अपुरो राखेको टिप्पणी गरे । ‘ओलीको विकल्प खोज्ने है हो । पार्टीको निर्णय पनि त्यै छ । विश्वासको मत फेल गराउने, अविश्वास प्रस्ताव पास गराउने हो’, बैठकमा देउवाले भने ।