काठमाडौं । प्रिमियर लिगको उपाधि म्यानचेष्टर सिटीले लगातार चौथो पटक जित्दै कीर्तिमान बनाएको छ । आइतबार राति घरेलु मैदानमा भएको लिगको अन्तिम खेलमा सिटीले वेष्ट हम युनाइटेडलाई ३–१ गोल अन्तरले पराजित गर्दै च्याम्पियन बनेको हो । अन्तिम दिनसम्म सिटी र आर्सनल दुवै उपाधि होडमा रहेका थिए । उपाधि जित्न सिटीलाई स्पष्ट जितको आवश्यकता थियो भने आर्सनलको हकमा उपाधि जित्न सिटीले अंक गुमाउनुपर्ने थियो । अन्तिम दिन भने सिटी र आर्सनल दुवै विजयी हुँदा उपाधि सिटीको पक्षमा गयो । सिटीले ३८ खेलबाट ९१ अंक जोड्यो । एभरटन विरुद्ध २–१ को पुनरागमन जित हात पारेको आर्सनलले ८९ अंक जोड्यो । सिटी लगातार चौथो पटक प्रिमियर लिग जित्न पहिलो टोली बनेको छ । सिटीलाई च्याम्पियन बनाउन फिल फोडेनले दुई तथा रोड्रीले एक गोल गरे । सिटी र आर्सनलसँगै लिभरपुल र एस्टन भिल्ला यस सिजन शीर्ष चारमा रहेर च्याम्पियन्स लिगका लागि पनि छनोट भएका छन् ।

चितवन । भरतपुर भ्रमण वर्ष २०२४ बार्षिकाेत्सबकाे अबसरमा राष्ट्रिय खाना महाेत्सव आयाेजना गरिने भएकाे छ । यहि पुस १२ गते देखि १६ गते सम्म पश्चिम चितवनकाे मेघाैलीमा खाना महाेत्सव गर्न लागिएकाे हाे । मेघाैलीकाे जानकी माध्यामिक बिध्यालय मेघाैलीमा आयाेजना गर्न लागिएकाे महाेत्सवमा ५० वटा स्थानिय खानाका स्टलहरु रहने संयाेजक मायाराम चाैधरीले जानकारी दिनुभयाे । उहाँका अनुसार रु ६१ लाखकाे अनुमानित खर्चमा लाग्ने आज यहाँ पत्रकार सम्मेलनकाे आयाेजना गरि जानकमरी दिईयाे । चाैधरीका अनुसार स्थानिय थारु, कुमाल, दराई, मगर,  गुरुङ, वाेटे, मुसहर समुदाय सहितका स्थानिय जातका खाना महाेत्सवमा राखिने छ ।  स्थानिय समुदायकाे जीवन स्तरमामा सुधार ल्याउन महाेत्सव फलदायी हुने चाैधरीले बताउनुभयाे । महाेत्सबमा १ लाख भन्दा बढि पर्यटक आउने अनुमान गरिएकमे छ । पत्रकमर सम्मेलनमा बाेल्दै भरतपुर महानगर प्रमुख रेनु दाहालले भ्रमण वर्षकाे समयमा लक्ष्य भन्दा वढि पर्यटक महानगरमा भित्रिएकाे बताउनु भयाे । महानगरपालिका भित्र एक वर्षमा बाह्य २ लाख र आन्तरिक १० लाख पर्यटकले अवलाेकन गरेका छन् । भरतपुर भ्रमण वर्षले यहाँका पर्यटकिय क्षेत्रकाे राष्ट्रिय तथा अन्तर्राष्ट्रिय स्तरमा प्रबर्धनमा टेवा पुगेकाे, आन्तरिक तथा बाह्य पर्यटककाे संख्या बृद्विमा महत्वपूर्ण भुमिका पुगेकाे उहाँले बताउनु । दिगाे पर्यटन विकासका पूर्वाधारहरु थपिएकाे, हाेटल रेष्टुरेन्टमा सेवा बृद्वि भएकाे, पर्यटककाे संख्या, बसनई अबधि एवं आर्थिक कृयाकलापहरुमा बृद्वि भएकाे उहाँले बताउनुभयाे । महानगर प्रमुख दाहालले भ्रमण वर्ष सफल बनाउन विभिन्न चुनाैतिहरु देखिए पनि अपेक्षा अनुसार काम भएकाे बताउनु भयाे । राजनैतिक अस्थिरता, स्थानिय पालिकाबाट पहिलाेपटक आयाेजना गरिएकाे हुँदा सिकाे गर्ने ठाउँ नहुनु, भाैतिक निर्माणमा तदारुपताका साथ काम हुन नसक्नु मुख्य समस्यकाे रुपमा रहेकाे बताउनु भयाे । महानगर उपप्रमुख चित्रसेन अधिकारीले महानगरपालिकाकाे बिकास संगै जनतालाई प्रत्यक्ष लाभान्वित वनाउने उद्वेश्यले भ्रमणा वर्षकाे आयाेजना गरिएकाे र साे उद्वेश्य प्राप्तिमा सफल भईएकाे बताउनुभयाे । स्थानिय जनतामा याे महाेत्सवले थप उर्जा मिल्ने उहाँले बताउनुभयाे । यस महाेत्सब स्थानिय खाना संगै ७७ जिल्लाकाे प्रतिनिधत्व गर्दै ७७ मिटर लम्वाईकाे नेपालकाे नक्सा विशेष आकर्षककाे रुपमा रहने उहाँले बताउनुभयाे ।

पोखरा । नेपाल कम्युनिष्ट पार्टी (माओवादी केन्द्र) गण्डकी प्रदेश स्तरीय वैचारिक एवम राजनीतिक प्रशिक्षण कार्यक्रम सुरु भएको छ । प्रशिक्षण कार्यक्रम बुधबार सभागृह पोखरामा जारी छ ।

काठमाडौं । नेपाली राष्ट्रिय क्रिकेट टिमका पूर्वकप्तान सन्दीप लामिछानले काठमाडौं जिल्ला अदालतले गरेको फैसलामा गम्भीर त्रुटि रहेको टिप्पणी गरेका छन् । उनले आफू कानुनले नभएर अनुमान र एकतर्फी भनाइका आधारमा दोषी भएको दाबी गरेका छन् । मंगलबार राति सामाजिक सञ्जालबाट सन्दीपले आफूमाथि लागेको आरोप प्रमाणित गर्न चुनौतीसमेत दिएका  छन् । 'मलाई थाहा छ कि जिल्ला अदालतले गरेको फैसलामा गम्भीर त्रुटी छ । तर, पनि धेरै चुप लागेर बसेँ । कानुन व्यवसायीले भन्नुहुन्छ– तिमीलाई नगरेको अपराधको दोषी बनाइएको छ । न तथ्यले, न प्रमाणले, न अनुसन्धानको कुनै सारभूत निचोडले पुस्टि गर्छ । तर, मैले कति सहनु ?,' सन्दीपले लेखेका छन् । उनले आफू न्याय माग्दामाग्दै शिथिल भइसकेको पनि बताएका छन् । आफूमाथि केही 'सामाजिक अभियन्ता'हरूले झुटा आरोप लगाएको पनि उनको भनाइ छ । 'ती तथाकथित र भनौदा सामाजिक अभियन्ताहरूलाई मेरो यो खुला चुनौती हो, उहाँहरूलाई मेरो र गौशाला २६ बीच जुनसुकै सम्बन्ध चाहे जबरजस्ती वा अनुचित प्रभावबाट भएको, तथ्य र प्रमाणले अझै सावित गर्नुहोस्, यदि म दोषी देखिन्छु भने मलाई फाँसीमा चढाइयोस् । मलाई ८ वर्षले पुग्दै पुग्दैन,' उनले लेखेका छन् । यस्तो छ सन्दीपको स्टाटस धेरै समय मौनतामा बसी रहेँ, आफूलाई अन्धकारमा राखी रहेँ । अनि प्रतीक्षामा पलपल बाँचिरहेँ । मलाई थाहा छ कि जिल्ला अदालतले गरेको फैसला मा गम्भीर त्रुटि छ । तर पनि धेरै चुप लागेर बसेँ । कानुन व्ययवसायले भन्नुहुन्छ– तिमीलाई नगरेको अपराधको दोषी बनाइएको छ । न तथ्यले, न प्रमाणले, न अनुसन्धानको कुनै सारभूत निचोडले पुष्टि गर्छ । तर, मैले कति सहनु ? म न्याय माग्दामाग्दा शिथिल भइसकेँ । सामाजिक संस्था र सामाजिक सञ्जालमा अनि झुटका न्यायका लागि लड्ने एकथरी गज्जबका आमा, दिदीहरू रहेछन्, अनि केही प्रभाव पार्ने पत्रपत्रिका । ती तथाकथित र भनौदा सामाजिक अभिन्ताहरूलाई मेरो यो खुला चुनौती हो, उहाँहरूलाई मेरो र गौशाला २६ बीच जुनसुकै सम्बन्ध, चाहे जबर्जस्ती वा अनुचित प्रभावबाट भएको, तथ्य र प्रमाणले अझै सावित गर्नुहोस् । यदि म दोषी देखिन्छु भने मलाई फाँसीमा चढाइयोस्, मलाई ८ वर्षले पुग्दै पुग्दैन । तपाईंहरूको पूर्वाग्रही दबाब र योजना मैलेमात्र होइन दुनियाले बुझेको छ । म कानुनले होइन, अनुमान र एकतर्फी भनाइले दोषी भएको छु । त्यो अनुमान मेरा लागि मात्र होइन, भोलि तपाईंहरूका लागि अनि सारा संसारका लागि गम्भीर दुर्घटना हुनेछ । लेखिराख्नु, भगवान्‌ले हेरिरहेका छन्, व्यक्तिभन्दा माथि । ती तथाकथित महिला सामाजिक अभियन्ता भन्नेहरू यति स्वार्थी र अपराधी रहेछन् कि जो वास्तविक पीडितहरू हुन्, तिनका लागि न बोलेको देख्छु न लेखेको, न लडेको । धिक्कार छ, ती तथाकथित अभियन्ताहरू, जसले एउटा खोल ओढेर अर्को व्यवसाय गर्छन् । मैले यति लेखिरहँदा अब केहीले मलाई पीडितको नाटकीय तुरुप फाल्यो भनेर लेख्लान्। तर, झुटा आरोप जब लाग्छ नि, अनि बल्ल सद्बुद्धि आउला । म सानैदेखि धर्ममा विश्वास गर्ने व्यक्ति हुँ । जो जो यो बनावटी अभियोगको अभियानमा खटिरहनुभएको छ, कानुनले नहोला धर्मको अग्नि परीक्षामा तपाईहरूले आफ्नो कर्मको फल भोग्नु हुनेछ। यो किन भन्दै छु भने म यो घटनाको निर्दोष पात्र हुँ र मलाई यो घटना कसले कसरी घटाउन लगाएको राम्रै थाहा छ । त्यसमा तपाईंहरूको पनि सहभागिता छ। धेरै खोल्न बाकीँ छ। फेरि भन्छु, यो घटना घटेको होइन, घटाइएको हो। वास्तविक अनुहार आफैँ निस्केला म चाहिँ विश्वस्त छु। अन्तमा म निर्दोष छु र मेरो निर्दोषितामा विश्वास र सहानुभूति राख्नेहरूसँग म जीवनभर ऋणी रहनेछु । फेरि पनि मेरो यो खुला चुनौती हो, ती तथाकथित अभियन्ताहरूलाई, सक्नुहुन्छ भने प्रमाणित गर्नुहोस् मेरो र गौशाला २६ बीच जुनसुकै सम्बन्ध। चाहे जबर्जस्ती वा अनुचित प्रभावबाट सम्बन्ध भएको होस् । यदि म दोषी देखिन्छु भने मलाई फासी होस्, मेरा लागि ८ वर्षले पुग्दैन फाँसी नै सही हुनेछ। म त फसेँ, बोलेकै भरमा । अब अरू कोही नफसोस् । बिन्ती छ। सन्दीप लामिछाने

काठमाडौं । नेकपा एकीकृत समाजवादीको नयाँ नेतृत्वमा महासचिव घनश्याम भूसाललाई अगाडि बढाउन पूर्वप्रधानमन्त्री झलनाथ खनाल सहमत भएका छन् । यसअघि खनालले आफै पार्टी अध्यक्षको उम्मेदवार बन्ने सार्वजनिक दावी गर्दै आएका थिए । तर बुधबार बिहान आफ्नै निवास डल्लु आएका भूसाललाई पार्टी अध्यक्ष बन्न साथ दिने खनालले सहमति दिएका हुन्। यता अध्यक्ष माधवकुमार नेपालले पनि पुनः नेतृत्वमा निरन्तर रहन प्रयत्न गरिरहेका छन्। अध्यक्ष नेपालले सर्वसम्मति नभएर चुनाव लडेर भएपनि नेतृत्वमा रहनेगरी तयारी गरिरहेका बेला खनालले महासचिव भूसाललाई अगाडि सारेपछि समाजवादीको नेतृत्व चयन रोचक हुने देखिएको छ । चार दिनपछि नयाँ नेतृत्व चयन गर्नेगरी सुरु हुने महाधिवेशनमा १८ सय प्रतिनिधि सहभागी हुँदैछन् ।

काठमाडौं । सरकारले काभा महिला भलिबल प्रतियोगितामा नेपालको तर्फबाट सहभागी १४ खेलाडीलाई जनही तीन लाख दिने निर्णय गरेको छ । बिहीबार बसेको मन्त्रिपरिषद् बैठकले मुख्य प्रशिक्षकलाई दुई लाख तथा व्यवस्थापक, सहायक प्रशिक्षक तथा फिजियोलाई जनही एक लाख २० हजार रुपैयाँका दरले पुरस्कृत तथा सम्मान गर्ने निर्णय गरेको हो । ५९ जना सहसचिवहरूको जिम्मेवारी हेरफेर गर्ने निर्णय भएको सञ्चारमन्त्री तथा सरकारका प्रवक्ता पृथ्वीसुब्बा गुरुङले जानकारी दिए ।  बैठकले राजस्व न्यायाधीकरण पोखराको कानुन सदस्य तथा अध्यक्ष पदमा उच्च अदालत पोखराका न्यायाधीश सुदर्शनराज पाण्डेलाई तोक्ने निर्णय गरेको छ । जिल्ला सरकारी वकिल कार्यालय काठमाडौंका जिल्ला न्यायाधिवक्ता श्रीराम खनालाई नेपाल कानुन व्यवसायी परिषद्को सचिव पदमा खटाउने निर्णय भएको छ ।

काठमाडौं । सशस्त्र प्रहरीका नायव उपरीक्षक (डीएसपी) तुलसिंह केसीलाई निलम्बन गर्न सशस्त्र प्रहरी बल मुख्यालय हलचोकले गृह मन्त्रालयलाई सिफारिस गरेको छ । चार नम्बर बाहिनी पोखरामा कार्यरत केसी फागुन ५ मा स्वयभूस्थित न्यू इभन पोइन्ट रेष्टुरेन्टमा खाजा खान पुगेकी एक युवतीको गोप्य भिडियो खिचेको आरोपमा पक्राउ परेका थिए । उनीविरुद्धको मुद्दा सोमबार अदालतमा दर्ता भएको छ । तर, सशस्त्र मुख्यालयले सशस्त्र प्रहरी बलको आचरणविरुद्ध कार्य गरेको भन्दै निलम्बन गर्न सिफारिस गरिएको स्रोतले जानकारी दिएको छ । उनीविरुद्ध वैयक्तिक गोपनीयतासम्बन्धी ऐन–२०७५ को दफा–१६ अनुसार कारबाहीको माग गरिएको छ । उक्त ऐनअनुसार एक वर्ष कैद वा १० हजार रुपैयाँ जरिबाना हुने व्यवस्था छ । अनुमतिबिना कसैको तस्बिर वा भिडियो खिच्न नपाइने व्यवस्था छ ।

काठमाडौं, पुस २३ । मन्टेश्वरी विधि अपनाई अध्यापन गराउने स्कुल हरुमा त्यो विधिलाई पूर्णरुपमा सफल पार्दै वाल(वालिका लाई उद्धेस्य अनुरुप सिकाई अबधारणा अगाडी बढाउन सबैभन्दा महत्वपूर्ण भूमिका शिक्षक यानी कि सहजकर्ता को रहन्छ । जवसम्म शिक्षक यानीकि सहजकर्ताले विधि को पूर्ण परिपालना गर्दैन तव सम्म मन्टेश्वरी विधिले अपेक्षा गरेको उद्धेस्य प्राप्त हुन सक्दैन । त्यसैले यसविधा तथा उमेर समूह अन्तर्गत पढ्ने बालबालिकाहरु अत्यन्त कोमल एवं सिकाईप्रति उत्सुक हुने अवस्था हो । त्यसले मन्टेश्वरी विधि लाई सफलीभूत पार्दै उद्धेस्य परिपूर्ति का लागी शिक्षक वा सहजकर्ता हरुमा तल उल्लेखित गुण हरुको आवस्यकता पर्दछ१ सामान्यरुपमा ती गुण हरु निम्न छन् । वाल-मनोविज्ञान को स्पष्टता र आवश्यकता अनुसार यसको प्रयोग (Child Psychology) यस्तो संबेदनशील अवस्थाका बालबालिकाहरुको सिकाई प्रक्रियालाई प्रभावकारी ढंगवाट संचालन गर्नको लागि असल शिक्षक को निकै नै ठुलो स्थान रहन्छ१ त्यसैले शिक्षक को काधमा बालबालिकाको भविष्यका साथै वौद्धिक तथा समग्र विकाश को लागि निकै नै ठुलो जिम्मेवारी रहेको हुन्छ । बिकसित मुलुकहरुमा जहाँ मन्टेश्वरी विधि अपनाई अध्यापन गराईन्छ त्यस्ता स्कुलहरुमा पुर्व वाल्य अवस्था मन्टेश्वरी विधि अन्तर्गत गरिने क्रियाकलापका लागि परिपक्क अथवा वाल–मनोविज्ञान लाई नजिक वाट नियालेका शिक्षक हरुमात्र अध्यापनका लागि राखिएको पाहिन्छ । तर नेपाल को परिवेशमा यो अलि फरक रहेको पाहिन्छ । यँहा प्राय जसो वाल(वालिका लाई पढाउने न हो भन्ने सोच हावी भएको पाहिन्छ । यो सोचले गर्दा नै मन्टेश्वरी विधि अपनाई अध्यापन गराईएको स्कुल हरुमा पनि अपेक्षा गरे अनुसार उद्धेस्य प्राप्त भएको पाईदैन । जव शिक्षकले वाल मनोविज्ञानलाइ बुझ्दैन तव सम्म उसले सिकाई प्रक्रिया लाई अगाडी बढाउन सक्दैन । त्यसैले असल तथा सक्षम शिक्षक वा सहजकर्ता मा वाल मनोविज्ञानको अवधारणा हुनु अपर्हार्य हुन्छ । त्यस्लैले शिक्षक को एउटा महत्व पूर्ण पेसागत गुण हो वाल मनोविज्ञानको स्पष्टता र आवश्यकता अनुसार यसको प्रयोग । बिषयगत दक्षता (Content Expert) : प्रभावकारीसीकाईकालागिएउटाअसलशिक्षकत्यसबेलामात्रयोग्यमानिन्छ, जसमा विषयगत ज्ञान प्रर्याप्त छ । बिषयगत ज्ञान भन्नाले निश्चित उमेर समूहका वालवालिकालाई सिकाउने कुरा केहो ? त्यो सिकाई पश्च्यात उनीहरुमा के परिवर्तन आउछ । उनीहरुको सिकाईको मुल्यांकन कसरि गर्ने, समग्र शैक्षिक पात्रोलाई कसरि पूर्णता दिने । प्रत्येक सिकाईको उपलब्धि मापन योग्य छ कि छैन । यी सबै कुरा बिषयगत दक्षता भित्र पर्दछन । त्यसले सफल शिक्षकमा बिषयगत दक्षताअनिवार्य गुण हो । शैक्षिक कार्य योजना को तर्जुमा गर्ने गुण (lesson plan and planning skills) मन्टेश्वरी विधिमा असल शिक्षक को गुण अन्तर्गत अर्को अपरिहार्य पेसागत गुण भनेको शैक्षिक कार्य योजना को तर्जुमा गर्नु र यसलाई व्यवहारिक प्रयोग गर्नु हो । पुर्व वाल्याबस्था यस्तो अवस्था हो जुन अवस्थाका वाल वालिकाहरु स्थिर रुपमा रहन सक्दैनन् त्यसकारण शिक्षक ले आफ्नो सिकाईलाई प्रभावकारी रुपमा संचालन गर्न वा सिकाई उद्धेस्य परिपूर्ति गरका निमित्त पूर्ण रुपमा कार्य योजना अर्थात पाठ्योजना बनाउनुपर्ने हुन्छ । योजना विनाको कार्यले पूर्ण उद्धेस्य प्राप्ति हुन सक्दैन । त्यसैले शिक्षक कक्षा कोठा मा प्रवेश गर्नु पुर्व योजना बद्ध ढंग वाट प्रस्तुत हुनु पर्छ । तसर्थ सफल शिक्षक का लागि शैक्षिक कार्य योजना को तर्जुमा गर्ने गुण अपरीहार्य हुन्छ । पेसागत इमानदारी (Professional Honesty)  असल शिक्षक को एउटा महत्वपुर्ण गुणहो पेसागत ईमान्दारिता, पुर्व वाल्याअबस्था का वाल(वालिका हरुको उमेर भनेको अरुको सिको गर्ने अथवा नक्कल गर्ने उमेर पनि हो। उनीहरुले आफ्नो शिक्षक लाई नमुना ९ च्यभि ःयमभ०ि को रुपमा हेरेका हुन्छन र शिक्षक को हरेक गतिविधिलाई पछ्याईरहेका पनि हुन्छन । त्यसैले शिक्षक कक्षा कोठामा प्रवेश गर्दै गर्दा निकैनै उत्साहित हुनु जरुरी हुन्छ । जव शिक्षकले उत्साहित भएर सिकाई प्रक्रिया लाई अगाडी बढाउछ तव वाल(वालिका हरुले पनि सोहि अनुरुप आफ्नो सिकाईलाई पनि उत्साहित ढंगवाट ग्रहण गर्दछन । यदि शिक्षक कक्षा कोठा मा प्रवेश गर्दा निराश अथवा रिसाएको अवस्थामा छ भने, उसले न त राम्रोसंग सिकाई प्रक्रियालाइ अगाडी बढाउन सक्छ न त बालबालिकाहरुले उत्साह जनक प्रगति नै गर्न सक्छन त्यसैले एक असल शिक्षक ले कक्षा कोठा वा स्कुल परिसर मा पुग्नु अघिनै आफ्ना सम्पूर्ण समस्यालाई थाति राखेर उत्साह जनक रुपमा आफुलाई प्रस्तुत गर्नु अत्यन्त जरुरि हुन्छ । अथवा आफ्नो व्यक्तिगत जीवनलाई अध्यापनको अबधिमा भुलेर आफ्नो पेसा प्रति पूर्ण रुपमा इमान्दार रहनु पर्ने हुन्छ । यहाँनेर असल शिक्षकले बुझ्नुपर्ने महत्वपुर्ण कुरा उसको स्कुल व्यवस्थापन संग का कुनै पनि समस्या अथवा पारिवारिक समस्या वा अन्य कुनै पनि समस्या वाट उब्जिएका प्रतिक्रिया को प्रत्यक्ष वा परोक्ष ढंग वाट कक्षा कोठा मा प्रस्तुति हुनु हुदैन । यहि महत्वपूर्ण गुण लाई पेसागत ईमान्दारिता भनिन्छ र हुनु पर्दछ । सृजनशीलता एबम विनम्रता (Creative and Polite) : असल शिक्षक मा हुनुपर्ने अपरिहार्य गुण अन्तर्गत सृजनशीलता पनि एक हो१ जुन कुनै सिकाई कार्यलाई सधै जसो गरिने तरिकाले भन्दा अलि फरक ढंग वाट प्रस्तुत गरेको खण्डमा त्यो सिकाइ प्रति वाल(वालिका अझ बढी उत्साहित हुदै सिकाइ गर्दछन । त्यसैले शिक्षक सधैव सृजनशील हुनु पर्दछ । यसैगरि असल शिक्षक मा हुनुपर्ने अर्को गुण हो विनम्रता१ जव शिक्षक आफु बिनम्र रुपवाट स्कुल परिसर वा कक्षाकोठा मा प्रस्तुत हुन्छन त्यसको प्रत्यक्ष प्रभाव बालबालिकामा पर्न जान्छ । साथै उनीहरुले पनि बिनम्र व्यवहार सिक्छन । जुन सिकाइ उनीहरुले आफ्नो घर परिवार मा पनि प्रयोग गर्दछन । त्यसकारण सृजनशीलता एबम विनम्रता असल शिक्षक को महत्व पूर्ण गुण मानिन्छ । मित्रवत व्यबहार (Friendly Behaviour) एउटा असल शिक्षक वाल(वालिकाको लागि असल मित्र को रुपमा प्रस्तुत हुनु पर्दछ । शिक्षण सिकाईलाई प्रभाव कारी बनाउन को निम्ति शिक्षक र वालवालिका बिचको सम्बन्धले निकै नै ठुलो भूमिका खेल्दछ । जव शिक्षक ले वाल(वालिका संग मित्रवत व्यबहार गर्दछन, तब उनीहरुले वाल(वालिकाको बिस्वाश जित्न सक्दछन र वाल(वालिकाले आफ्नो कुराहरु शिक्षक सामु निधक्क संग राख्न सक्दछन जसले गर्दा शिक्षक ले वाल(वालिकाको कमजोर तथा बलियो पक्ष राम्रोसंग नियाल्न सक्दछन१ जसले गर्दा शिक्षक ले शिक्षण सिकाईलाई प्रभावकारी रुपमा अगाडी बढाउन सक्दछन१ यो पनि एउटा विशेष प्रकार को गुण हो । माथि उल्लेखित गुण हरु वाहेक पनि, एउटा असल शिक्षक हुनका लागि अन्य धेरै किसिमका गुण को आबस्यकता पर्दछ । कुनै गुण पेसा संग सरोकार राख्दछन भने कुनै गुण शिक्षक को व्यक्तित्व संग वा व्यतिगत गुण । यी दुवै गुण को समिश्रण वाट नै शिक्षकका गुण हरुको पूर्णता हुन जान्छ१ मन्टेश्वरी विधिले शिक्षक भित्र धेरै प्रकारका गुण छन् वा हुन्छन भन्ने परिकल्पना कै आधारमा विधी को निर्माण र यसको प्रयोग को अपेक्षा गरेको पाहिन्छ । शिक्षक का केहि व्यक्तिगत गुणहरु मा उसको व्यक्तित्व पहिलो गुण मानिन्छ, व्यक्तित्व अन्तर्गत उसले लगाउने पोशाक, शैक्षिक सामग्री को निर्माण तथा उचित प्रयोग ,प्रस्तुति तथा संचार, संयोजनकारी क्षमता,बोलीचाली, व्यवहार, हसिलो, फुर्तिलो, समय सापेक्ष, प्राविधिक ज्ञान, परिस्थिति को विश्लेषण गर्न सक्ने , हेरचाह गर्ने स्वभाव, मिलनसार, सधै उत्प्रेरित तथा अनुसाशित यस्ता अन्तर्निहित गुण को अपरिहार्यता रहन्छ । एउटा सफल र असल शिक्षकमा ११ समग्रतामा प्रभावकारी सीकाईका लागि उल्लेखित गुणहरुले निकै महत्व पूर्ण भूमिका खेल्दछन । र अन्त्यमा स्कुल ब्यबस्थापन पक्षवाट शिक्षक छनोट गर्दा यिनै गुण हरुलाई आधार वनाएर छनोट गरेमा मन्टेश्वरी विधि संचालन गरेका स्कुल ले अपेक्षाकृत उपलब्धि हासिल गर्न सक्दछन् ।

काठमाडौँ । सरकारले नयाँ मुख्य सचिवमा एकनारायण अर्याललाई नियुक्त गरेको छ । बिहीबार(आज) बसेको मन्त्रिपरिषद् बैठकले गृह सचिव अर्याललाई मुख्य सचिव नियुक्त गर्ने निर्णय गरेको एक मन्त्रीले जानकारी दिनुभयो । मुख्य सचिव लीलादेवी गडतौला शुक्रवार (भोली)देखि अनिवार्य अवकाशमा जान लागेसँगै नयाँ मुख्य सचिवमा अर्याललाई नियुक्ति दिइएको हो ।

काठमाडौं । नेपाल आयल निगमले पेट्रोल, मट्टितेल र डिजेलको मूल्य घटाएको छ । बुधबार बसेको निगम सञ्चालक समिति बैठकले पेट्रोलमा प्रतिलिटर ७ र मट्टितेल तथा डिजेलमा प्रतिलिटर छ रुपैयाँ मूल्य घटाउने निर्णय गरेको हो। बढेको मूल्य बुधबार राति १२ बजेदेखि लागू हुनेछ ।

एजेन्सी । फ्रान्सेली प्रतिद्वन्द्वीलाई हराउँदै इटालियन क्लब एटलान्टा युरोपा लिगको फाइनलमा पुगेको छ । एटलान्टाले बिहीबार राति खेलिएको सेमिफाइनलको दोस्रो लेग खेलमा फ्रान्सेली प्रतिद्वन्द्वी क्लब मार्सेलीलाई ३–० गोलले हरायो । यो नतिजापछि एटलान्टा ४–१ कुल गोल भिन्नताका आधारमा फाइनलमा प्रवेश गरेको हो । अघिल्लो साता खेलिएको सेमिफाइनलको पहिलो खेल भने १–१ गोलको बराबरीमा सकिएको थियो । दोस्रो लेग खेल एटलान्टाको घरेलु मैदानमा खेलिएको थियो ।  सेमिफाइनलको दोस्रो लेग खेलमा एटलान्टाले पहिलो हाफमा एक र दोस्रो हाफमा दुई गोल गर्न सफल भयो । खेल सुरु भएको ३०औँ मिनेटमा एटलान्टाका लागि एडमोला लुकम्यानले पहिलो गोल गरे ।  सोही गोलका कारण पहिलो हाफमा अगाडि रहेको एटलाण्टाका लागि ५२औँ मिनेटमा माटियो रुगेरीले दोस्रो गोल थपे । टोलीका लागि तेस्रो गोल भने इन्जुरी समयको चौथो मिनेटमा परिवर्तित खेलाडीका रुपमा मैदानभित्र प्रवेश गरेका अल बिलाल टुरेले गरे ।  एटलान्टाले अब फाइनलमा उपाधिका लागि जर्मन क्लब बायर लेभरकुजनसँग प्रतिस्पर्धा गर्नेछ । बायर लेभरकुजन क्लब बलियो मानिएको इटालियन प्रतिद्वन्द्वी रोमालाई हराउँदै युरोपा लिगको फाइनलमा पुगेको हो ।

काठमाडौं। प्रमुख प्रतिपक्षी दलका नेता तथा नेकपा (माओवादी केन्द्र)का अध्यक्ष पुष्पकमल दाहाल प्रचण्डले भ्रष्टाचार निवारण सम्बन्धि बनेको ऐन समय अनुकुल बनाउनुपर्ने बताएका छन्। भ्रष्टाचार निवारण ऐन २०५९को संशोधन गर्न बनेको विधयेककाबारे राज्य व्यवस्था तथा सुशासन समितिमा बिहिबार (आज)भएको छलफललाई सम्बोधन गर्दै अध्यक्ष प्रचण्डले सो कुरा बताएका हुन्। भ्रष्टाचार निवारण सम्बन्धमा २०५९ सालमा ऐन बनाउँदाको स्थिति र अहिले संसोधनको प्रस्ताव पेश गर्दाको स्थिति राजनीतिक र विज्ञान प्रविधिको विकासका हिसाबले धेरै फरक भएको बताउनुहँदै अध्यक्ष प्रचण्डले बदलिंदो अवस्था अनुसार ऐनको संसोधन आवश्यक रहेको बताए। अध्यक्ष प्रचण्डले भने, ‘२०५९ सालमा यो ऐन बनाउँदा खेरिको स्थिति र अहिले संसोधनको प्रस्ताव पेश गर्दाको स्थितिसम्म आइपुग्दा राजनीतिक परिस्थितिमा फेरबदल आएको छ। एउटा सासन प्रणाली देखि अर्को शासन प्रणालमिा आइपुगेका छौं । अहिले संघिय लोकतान्त्रिक गणतन्त्र अनुसार पनि संसोधन आवश्यक छ।’ विज्ञान प्रविधिमा भएको नयाँ विकास अनुसार पनि उक्त ऐनमा संसोधन आवश्यक रहेको अध्यक्ष प्रचण्डले बताउनुभयो ।२०५९ देखि वा यो विधयेक संसोधनका लागि २०७६ सालमा पेश गर्दाको समयदेखि अहिले २०८१ सम्म सूचना प्रविधिमा भएको विकास अनुसार भ्रष्टाचार निर्मुलन गर्नका लागि उक्त ऐनमा संसोधन आवश्यक रहेको उनको धारणा थियो। त्यसैगरी भ्रष्टाचारका आरोपीलाई अदालतले फैसला नगरेसम्म निलम्बन गर्ने कि नगर्ने भन्नेबारे पनि व्यापक छलफलको आवश्यकता रहेको उनले बताए। अध्यक्ष प्रचण्डले भने, ‘आयोगले मुद्दा दर्ता गराउने बित्तिकै निलम्बन हुने स्थिति ठिक छ कि छैन रु अदालतले अन्तिम फैसला नगरेसम्म निलम्बन हुने व्यवस्था गर्ने कि नगर्ने रु के गर्दा उपयुक्त हुन्छ, सम्भव भएसम्म अन्य विज्ञसँग पनि राय सुझाव लिएर ऐनलाई परिमार्जित गर्नुपर्छ। विगतमा देखिएका समस्याहरूलाई व्यवस्थित गर्नेगरी गरियोस्। विधेयक परिमार्जनमा मेरो सहयोग रहन्छ।’ उनले थपे, ‘अदालतले टुंगो नलगाएसम्म टुंगिएको मानिदैँन। अदालतमा मुद्दा दायर हुनेबित्तिकै पदाधिकारी निलम्बित हुन्छ पछि फैसला गर्दा निर्दोष ठर्हयाउँछ। त्यो बीचको क्षतिपूर्ति के हुन्छ भन्ने विषय जटिल छ। मान्छे निलम्बित भयो तर, अदालतको फैसला विलम्ब भयो र मान्छे अवकाशमा गएको अवस्थामा समाधान के त रु यसको जवाफ दिने हामीले यसै ऐनमार्फत् सम्बोधन गर्नुपर्छ।’ हदम्याद कति समय राख्ने वा नराख्ने विषयमा छलफल गरेर निष्कर्षमा पुग्नु पर्ने अध्यक्ष प्रचण्डको भनाई थियो।

काठमाडौं । म्यानमारको सैनिक जन्टाले दुई युवालाई जिउँदै जलाएको छ । जिउँदै जलाइनेमा २१ वर्षिय फो टे  र २० वर्षिय थार हाउङ रहेका छन् । सैनिक सासनविरुद्ध विद्रोहि बनेका उनीहरुलाई दर्जनौं मानिसहरूको अगाडि यातना दिएर रगताम्मे पारी रूखमा झुण्डाएर मुनिबाट आगो लगाइएको थियो । आगो र धुवाँको मुस्लोले तिनीहरूलाई जलाउँदै गर्दा पीडामा चिच्याइरहेको भिडियो सार्वजनिक भएको छ ।भिडियोमा उनीहरूको अकल्पनीय पीडासहितको अन्तिम क्षण देख्न सकिन्छ । उनीहरुलाई आगो लगाउनु अगाडि म्यानमारका सेनाले माफि माग्न आग्रह गरेका थिए । तर ती युवाहरुले यो जुनीमा माफि नमाग्ने बताएका थिए । दक्षिणपूर्वी एसियाली देश म्यानमारमा शान्ति र प्रजातन्त्र ल्याउने आशामा उनीहरु २०२१ को सैनिक विद्रोहपछि स्थानीय सशस्त्र प्रतिरोध समूहमा सामेल भएका थिए । उनीहरु उत्तरपश्चिम म्यानमारमा आफ्नो पारिवार र घर खेत त्यागेर सो विद्रोहमा सामेल भएको सिएनएनले जनाएको छ । म्यानमारको सेनाले लामो समयदेखि म्यानमारका जनतालाई जिउँदै जलाउने, टाउको काट्ने,गाउँमा आगजनी गर्ने र ठूलो हवाई बमबारी अभियान चलाउने गर्दा झन्डै ३० लाख मानिस विस्थापित भएको बताइएको छ ।

काठमाडौं । भारतको बिहार राज्यका पूर्व उपमुख्यमन्त्री एवम् भारतीय जनता पार्टीका वरिष्ठ नेता सुशील कुमार मोदीको निधन भएको छ। ७२ वर्षीय मोदी पछिल्लो समय उनी क्यान्सरसँग लडिरहेका थिए। बिहारका उपमुख्यमन्त्री सम्राट चौधरीले ट्वीटर (एक्स)मा उनलाई श्रद्धाञ्जली दिएका छन्। केही दिन अगाडि मात्र मोदीले ट्वीटर गर्दै आफू क्यान्सरसँग ६ महिनादेखि लडिरहेकाले लोकसभा चुनावका लागि धेरै काम गर्न नसक्ने बताएका थिए। सन् १९७१ बाट विद्यार्थी राजनीति हुँदै उनी भारतको राजनीतिमा प्रवेश गरेका थिए। २०१७ उनी बिहारको उपमुख्यमन्त्री बनेका थिए।

काठमाडौं । रसुवामा भूकम्पको धक्का महसुस भएको छ । आज बिहान पौने १० बजे ४ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ । केन्द्रका अनुसार जिल्लाको जुरे ढुंगा केन्द्रविन्दु भएर भूकम्प गएको हो । भुकम्पको धक्का महसुस रसुवा र आसपासमा सामान्य गरिएको थियो ।