काठमाडौं, असोज ३१ । नयाँ शक्ति पार्टीका संयोजक डा. बाबुराम भट्टराईले प्रतिनिधि सभाका १५ सिट आफ्नो दलले पाउने गरी नेपाली कांग्रेससँग तालमेलको प्रस्ताव राखेका छन् । डा. भट्टराई सोमबार तालमेलको प्रस्ताव लिएर प्रधानमन्त्री निवास बालुवाटार पुगेका थिए । नयाँ शक्ति पार्टीले एमाले-माओवादी गठवन्धनसँग प्रतिनिधिसभामा १५ र प्रदेशसभामा ३० सिट दावी गरेको थियो । तर, वाम गठवन्धनले नयाँशक्तिको प्रस्ताव अस्वीकार गरेपछि डा. भट्टराई कांग्रेससँग तालमेलको प्रयासमा जुटेका हुन् । तालमेलको प्रस्ताव लिएर प्रधानमन्त्री शेरबहादुर देउवालाई भेट्न बालुवाटार पुगेका भट्टराईलाई कांग्रेस नेताहरुले सकारात्मक जवाफ दिएको नयाँ शक्तिको दाबी छ । कांग्रेस नयाँ शक्तिसँग तालमेलका लागि तयार रहेको भन्दै जित्ने निश्चित भएका निर्वाचन क्षेत्र प्रस्ताव गर्न कांग्रेस नेताहरुले डा. भट्टराईलाई सुझाएका छन् । गोरखा क्षेत्र नम्बर २ डा. भट्टराईलाई छाड्न कांग्रेस नेताहरु सहमत भइसकेका छन् । त्यस वापत एक नम्बर क्षेत्रमा नयाँ शक्तिले कांग्रेसलाई सघाउने छ । गोरखा २ मा डा. भट्टराई र माओवादी केन्द्रका नारायणकाजी श्रेष्ठबीच प्रतिस्पर्धा हुने भएको छ । श्रेष्ठलाई एमालेको साथ रहने छ भने भट्टराईले कांग्रेसको साथ पाउने छन् । नयाँ शक्तिले प्रत्यक्षतर्फ अहिलेसम्म पाँच जना उम्मेदवारको मात्र नाम सार्वजनिक गरेको छ । ती क्षेत्रमा कांग्रेसले आफूलाई सघाउनुपर्ने नयाँ शक्तिको माग छ । स्रोतका अनुसार मंगलबार कांग्रेस र नयाँ शक्तिबीच चुनावी तालमेलबारे ठोस छलफल गर्ने सहमति बालुवाटारमा भएको छ ।

नगरकोट, १९ असोज (रासस) ः नेपाल मजदुर किसान पार्टीका अध्यक्ष नारायणमान बिजुक्छेले वामपन्थी र लोकतान्त्रिक गठबन्धनमध्येबाट देशले अब बलियो एक प्रतिपक्ष प्राप्त गर्ने आशा गरेको बताउनुभएको छ । सेवानिवृत्त शिक्षक समाज भक्तपुरद्वारा आज यहाँ आयोजित कार्यक्रममा उहाँले प्रजातन्त्र बलियो बनाउन बलियो प्रतिपक्ष आवश्यक हुने र अहिलेको निर्वाचनले त्यो पूरा गर्नेमा आफू विश्वस्त रहेको बताउनुभयो । अध्यक्ष बिजुक्छेले चुनावलाई केन्द्रित गरेर वामपन्थी र लोकतान्त्रिक गठबन्धन बनाइएको हो भने यसले देशको दीर्घकालीन राजनीतिमा कुनै असर र प्रभाव नपार्ने धारणा व्यक्त गर्नुभयो । कार्यक्रममा उहाँले सेवानिवृत्त भएका भक्तपुरका छ जना वरिष्ठ शिक्षक शिक्षिकालाई दोसल्ला ओढाएर सम्मान गर्नुका साथै समाजद्वारा प्रकाशित ‘शैक्षिक अनुभव’ नामक पुस्तकको पनि विमोचन गर्नुभयो । –––

महिलाहरूलाई पुरुष मिलनको रहर कुन बेला अधिक हुन्छ । एक अध्ययनका अनुसार, महिनावारी पूरा भएको पाँचौंदेखि सातौं दिनसम्म । यो अवधिमा महिलालाई सहवासमा बढी आनन्द आउँछ । जर्मनीको युनिभर्सिटी अफ बेम्बर्गनका अनुसन्धाताहरू एक हजार युवा र युवतीमा सर्वेक्षणपछि उपयुक्त निष्कर्षमा पुगेका हुन् । सहभागीहरूलाई महिलासँग कुन समय यौनसम्बन्ध राख्दा उनीहरूलाई बढी आनन्द अनुभूति हुन्छ भन्नेबारे सोधिएको थियो । यौन विशेषज्ञहरूका अनुसार, महिनावारी पूरा भएको पाँचदेखि सात दिनसम्म यौनको ‘मुड’ मा बढी हुन्छ । महिनावारी पूरा भएपछि यौनका लागि उत्तेजित गर्ने हार्मोन सक्रिय हुन्छ । अनुसन्धाताहरूले त्यस अवधिमा युवतीहरूको मस्तिष्कको तरंगमा समेत निकै अध्ययन गरे । त्यस अनुसार, महिनावारीपछिको तीन दिनमा हुने सहवासले बढी रमाइलो अनुभूति दिन्छ । यस्तो किन हुन्छ, पाँचौंदेखि सातौं दिनसम्म गर्भाधारणको सम्भावना बढ्छ । यसैले यस अवधिमा सम्पर्कको तीव्र इच्छा जागृत हुन्छ । त्यो सर्वेक्षणमा युवतीहरूले महिनावारीपछिका तीन दिन पूर्ण यौनानन्दको चाहना राख्ने गरेको बताए । उनीहरूका अनुसार, त्यो बेला पाइने यौनानन्द अन्य दिनको दाँजोमा निकै सुखद, आह्लादक हुन्छ । अध्ययनमा के पनि पाइयो भने, महिनैपिच्छे तीन दिन गरिने सहवासले वैवाहिक जीवनलाई बढी रमाइलो बनाउने रहेछ, दुवै पार्टनरबीच भविष्यमा यौनको विषयलाई लिएर दूरी पनि नबढ्ने रहेछ ।

काठमाडौं, असोज ९ । संघ, प्रदेश र स्थानीय तहको सेवामा समायोजित हुन नचाहने कर्मचारीले ‘गोल्डेन ह्यान्डसेक’ को अवसर पाउने भएका छन् । संसदको राज्यव्यवस्था समितिबाट पारित ‘कर्मचारी समायोजन सम्बन्धमा व्यवस्था गर्न बनेको विधेयक’ मा ५० वर्ष उमेर पुरा भएको र निवृत्तिभरण पाउने अवस्थाका (२० वर्ष सेवाअवधि पुरा गरेका) कर्मचारीलाई सात वर्षको निवृत्तिभरण एकमुष्ट दिने व्यवस्था गरिएको छ । जसअनुसार २०४९ कात्तिक २१ अघि निजामती सेवा प्रवेश गरेकाहरुको ६० वर्ष उमेर ननाघ्नेगरी र त्यसपछि भर्ना भएकाहरुको ५८ वर्ष उमेर ननाघ्नेगरी सात वर्षको सेवा अवधि थप हुनेछ । सेवा अवधि बढीमा सात वर्ष थपिने भए पनि अवकाशमा जाने सबै कर्मचारीले एकमुष्ट सात वर्षको निवृत्तिभरण पाउनेछन् । उक्त सुविधा पाउने कर्मचारीले सातवर्षे अवधिपछि पनि नियमित (मासिक) निवृत्तिभरण पाउनेछन् । ‘गोल्डेन ह्यान्डसेक’ को व्यवस्थाले नवगठित प्रदेश सेवा र स्थानीय सेवामा युवा जनशक्ति भर्तीका अवसर सिर्जना गर्न सहयोग पुग्ने छ । संसदको पूर्ण बैठकबाट पारित गरी घोषणा गर्नमात्र बाँकी रहेको विधेयकमा प्रदेश र स्थानीय तहमा समायोजन हुने कर्मचारीलाई संघीय निजामती सेवामा बढुवा तथा वृत्तिविकासका अन्य अवसर प्रदान गर्ने ग्यारेन्टीसमेत गरिएको छ । तर समायोजित स्थान (प्रदेश वा स्थानीय तह)मा एक पटक बढुवा भइसकेपछि भने संघीय सेवामा बढुवा वा सरुवा हुन पाउने छैनन् । –कान्तिपुर दैनिकबाट

काठमाडौ, भदौ ३१ । कांग्रेस कार्यकताहरूले राष्ट्रिय जनता पार्टी नेपालको जनपुर उपमहानगरपालिका वार्ड नम्बर ४ मा रहेको सम्पर्क कार्यालयमा आक्रमण गरेका छन् । मुरली चौकस्थित सम्पर्क कार्यालयमा बसिरहेका आफूहरुमाथि गाडीमा आएका कांग्रेस कार्यकताले आक्रमणसमेत गरेको आरोप राजपा कार्यकर्ताले लगाएका छन् । आक्रमणबाट राजपाका तीनजना कार्यकता घाइते भएका छन् भने राजपाको सम्र्पक कार्यालयका केही थान टेवल कुर्सी तोडफोड भएको छ । यता, निर्वाचन प्रचार प्रसारको अन्तिम दिन कांग्रेसले गरेको क्रियाकलपामाथि राजपा धनुषाले भर्त्सना गरेको छ । शान्तिपूर्ण रूपमा नारा जुलुस लगाइरहेका आफ्ना कार्यकर्तामाथि आक्रमण गर्ने कांग्रेस कार्यकर्तामाथि कारबाही नभए आन्दोलनमा उत्रिने चेतावनी राजपाले दिएको छ । घटनापछि त्यसक्षेत्रको सुरक्षा व्यवस्था कडा पारिएको छ । जिल्ला प्रहरी कार्यालय धनुषाका प्रहरी नायव उपरीक्षक प्रवीण धितालले घटनाको अनुसन्धान भइरहेको जानकारी दिए । नयाँ पत्रिका दैनिकबाट

भदौ २८ । लोकरक ब्याण्ड नेपथ्यले आफ्नो रजत उत्सव पारेर अर्को म्युजिक भिडियो ‘मै मरिजाउँला’ रिलिज गरेको छ। स्थापनाको २५ वर्ष पुगेको अवसरमा ब्याण्डले आफ्ना स्रोता तथा दर्शकलाई यो वर्षभरि नयाँ म्युजिक भिडियो उपहार दिने घोषणा गरेको थियो । सेप्टेम्बर महिनाका निम्ति चयन गरिएको यो गीत नेपथ्यको नवौं एल्बम ‘ऐनाझ्याल’ बाट लिइएको हो । ‘मै मरिजाउँला’ गीतका शब्द र संगीत लाङटाङ भेगतिर भेटिने लोक भाकामा आधारित छ, जुन स्थानमै नेपथ्यको लोकप्रिय गीत ‘भेँडाको ऊनजस्तो’ खोजी गरिएको थियो । नेपथ्यले आफ्नो आधिकारिक युट्युव च्यानल सञ्चालन गरेपछि अपलोड गरिएको यो आठौं म्युजिक भिडियो हो । ‘संगीतकर्मी र उसका श्रोता बीचको पहुँचलाई पछिल्लो समय युट्युबले अत्यन्त सहज बनाइदिएको छ,’ नेपालयका किरणकृष्ण श्रेष्ठ भन्छन्, ‘परम्परागत माध्यमहरुको अन्त्यसँगै त्यसभन्दा बेग्लै किसिमले उदाएको संगीतको यो नयाँ संवाहकले नयाँ र पुराना सबै कलाकारहरुलाई आफ्ना श्रोतासँगको सम्बन्ध नयाँ किसिमले विकास गर्ने अवसर दिएको छ।’ हेर्नुस् गीत ‘मै मरिजाउँला’ तामाङ सेलोमा आधारित गायन हो जसका शब्दहरुले पछिल्लो समय वैदेशिक रोजगारमा विदेश भासिएकाहरुको मनका वेदनालाई बोकेको छ । आफन्त छाडेर विरानो देशमा जाने कतिपय युवाहरुले त फेरि फर्केर परिवारको अनुहार पनि देख्न पाउँदैनन् । त्यही पीडामा आधारित गीतमा भनिएको छः ‘मै मरि जाउँला’ जीवन छोटो छ लेखेको सम्झना, च्यातेर नफाल सिरानमा फोटो छ, सिरानमा फोटो छ’ यसको म्युजिक भिडियोलाई ‘सिम्पल लिरिक भिडियो’ का हिसाबले तयार पारिएको छ। अहिलेको अन्तर्राष्ट्रिय म्यूजिक भिडियो तयार पार्ने यो आधुनिक ट्रेण्ड हो। यसमा कमिक्समा चित्रहरुबाट पात्र र घटना वर्णन गरिएजस्तै दृश्यका माध्यमबाट गीतका भावलाई प्रस्तुतगर्न खोजिएको छ । ‘हामीले हरेक एल्बममा औसत दश वटा जति गीत समावेश गर्दै आइरहेका छौं,’ नेपथ्यका मुख्य गायक एवं अगुवा अमृत गुरुङ भन्छन्, ‘त्यसमध्ये जहिले पनि एकाध गीतहरु मात्र लोकप्रिय हुन्छन् र बाँकीका गीतहरु ओझेलमा पर्छन् । त्यस्तै भाग्य बोकेको यो गीतको यति समयपछि म्युजिक भिडियो बनेर युट्युब मार्फत फेरि रिलिज हुन लागेकोमा असाध्यै खुशी लागेको छ।’

काठमाडौं, भदौ २८ । बैंक तथा वित्तीय संस्थामा अधिक तरलता (लगानीयोग्य पुँजी) थुप्रिएको छ । हाल बैंकहरुसँग ७१ अर्ब रुपैयाँभन्दा बढी तरलता पुगेको खबर आजको अन्नपूर्ण पोस्टमा छ । तरलता अभाव शुरु भएको करिब एक बर्षपछि बैंकहरुमा लगानीयोग्य रकम बठेको राष्ट्र बैंक अनुसन्धान विभाग प्रमुख नरबहादुर थापाले जानकारी दिए । उनले भने, -हाल कर्जा र निक्षेप सन्तुलन उन्मुख भएको छ । -निक्षेप वृद्धिदर १४ प्रतितभन्दा माथि उक्लिएको छ । -कर्जा प्रवाह १८/१९ प्रतिशतमा खुम्चिएको छ । -पुँजी वृद्धि योजना पनि अधिक तरलताको अर्को प्रमुख कारण हो । -पुँजी वृद्धि योजनाअनुसार ६५ अर्ब पुँजी बैंकहरुमा थपिएको छ ।

काठमाडौं, भदौ २७ । आज मंगलबारदेखि दशैंका लागि लामो दूरीमा घर जाने यात्रुहरुका लागि टिकट बुकिङ्ग खुला गरिएको छ । बुकिङ खुला गरिएको पहिलो दिन राजधानीको नयाँ बसपार्क तथा पुरानो बसपार्कमा सर्वसाधरणको भीड लागेको छ । अघिल्ला वर्षहरुमा भन्दा एक साता ढिला गरी बुकिङ खुला भएको हो । सरकार र यातायात व्यवसायीबीचको विवादका कारण बुकिङमा ढिलाई भएको थियो। गत शुक्रबार यातायात व्यवसायीसँग भएको समझदारीपछि आजदेखि बुकिङ खुला भएको हो। बुकिङको पहिलो दिन यात्रुहरुको लाइन लागेको छ। टिकटका लागि सर्वसाधरणले कष्ट व्यहोर्नु परेको बताएका छन् । यातायात व्यवसायीहरुले दशैंको मौका पारेर यात्रुहरुबाट मनपरी भाडा असुल्ने प्रवृत्तिको नियन्त्रणका लागि यातायात व्यवस्था विभागले अनुगमन टोली नै खटाएको जनाएको छ । सवारीसाधनले विभिन्न बहाना बनाई यात्रुबाट लिने तोकिएभन्दा बढी भाडादरको निगरानीका लागि विभागले यस्तो संयन्त्र तयार गरेको हो । “दशैंको मौका पारेर मनपरी भाडा लिने सवारीसाधनको निगरानीका लागि हामीले अनुगमन टोली गठन गरी फिल्डमा पठाइसकेका छौं,” यातायात व्यवस्था विभागका महानिर्देशक रुपनारायण भट्टराईले बाह्रखरीसँग भने, “सरकारले तोकेभन्दा बढी भाडा असुल्ने सवारीसाधनलाई रु। ५ हजारसम्म जरिवाना गर्नेछौं ।” यता ट्राफिक प्रहरी महाशाखाले यात्रुबाट तोकिएभन्दा बढी भाडा असुल्ने, यात्रुसँग दलाली गर्ने सवारीसाधन तथा टिकट काउण्टरको निगरानी अगाडि बढाएको छ । “विगत दुईदिन यता हामीले तोकिएभन्दा बढी भाडा लिने १६ सवारीसाधनलाई नियन्त्रणमा लिएका छौं,” महानगरीय ट्राफिक प्रहरी महाशाखा प्रमुख सर्वेन्द्र खनालले भने, “हामीले यस्तो मनपरीतन्त्र नियन्त्रणका लागि सादापोशाकमा समेत कर्मचारी खटाएका छौं ।” यस्ता छन् बस भाडाका मूल्यसूचीहरु-

काठमाडौं, भदौ २६ । २ नम्बर प्रदेशमा असोज २ गते हुने स्थानीय चुनावको दिन सरकारले सार्वजनिक विदा दिने निर्णय गरेको छ । सोमबार बसेको मन्त्रिपरिषद बैठकले २ नम्बर प्रदेशमा चुनाबको दिन ( असोज २ गते) एक दिन सार्वजनिक विदा दिने निणर्य गरेको हो । शिक्षण संस्थामा पाँच दिनसम्म विदा हुने छ । विद्यालयहरुमा भदौ ३० गतेदेखि असोज ३ गतेसम्म पाँच दिन विदा दिने निर्णय सरकारले गरेको छ । अधिकांश मतदान केन्द्र विद्यालयहरुमा राखिएकाले ति विद्यालयहरुमा सार्वजनिक विदा दिन यसअघि निर्वाचन आयोगले सरकारलाई आग्रह गरेको थियो ।

काठमाडौँ, भदौ २६ । दशैँ, तिहार र छठ पर्वलाई लक्षित गरी सञ्चालन गरिएका सुपथ मूल्य पसलमा उपभोक्ताको भीड देखिएको छ । नेपाल खाद्य संस्थान, साल्ट ट्रेडिङ लिमिटेड र नेशनल ट्रेडिङले सञ्चालन गरेको सुपथ मूल्य पसलमा उपभोक्ताको भीड देखिएको छ । चाडपर्वलाई लक्षित गरी सञ्चालन गरिएका ती पसलमा बाहिर तोकिएभन्दा सस्तो र गुणस्तरीय सामान पाइने संस्थानका विभागीय प्रमुख श्रीमणिराज खनालले जानकारी दिनुभयो । विशेषगरी ती पसलमा दिउँसोदेखि उपभोग्य सामग्री किन्न उपभोक्ताको भीड लाग्ने गरेको छ । रामशाहपथमा सञ्चालित सुपथ मूल्य पसलमा दैनिक एक सय बोरा चामल बिक्री हुने गरेको संस्थानका पुनितारानी साहले बताउनुभयो । बासमती चामल किन्नका लागि उपभोक्ता बढी आउने गरेका छन् । रामशाहपथमा बासमती, जिरा मसिनो, बंगलादेशी उसिना चामल, सोनामन्सुरी, मकवानपुर र ब्राउन बासमती चामल बिक्रीका लागि राखिएको छ । बामसतीमा प्रतिकिलो रु १० र अन्य चामलमा प्रतिकिलो रु पाँच छुट दिइएको छ । दुग्ध विकास संस्थानले सञ्चालन गरेको पसलमा दैनिक करिब ६० लिटर घ्यू बिक्री हुने गरेको छ । सुपथ मूल्य पसलमा कर्णालीको सिमीको दाल, फापर, कोदोको पिठोसमेत राखिएको छ । चाडपर्वका अवसरमा संस्थानले टेकु, थापाथली, सातदोवाटो, कालिमाटी, कोटेश्वर, सूर्यविनायक, जोरपाटी, कलंकी र जावलाखेलमा पसल सञ्चालन गरेको छ । यही भदौ १६ गतेबाट सञ्चालन भएका ती पसल छठपर्वसम्म चल्नेछन् ।

बैतडी, भदौ २४ । बैतडीको पाटन विमानस्थल स्तरोन्नतिको काम सुरु भएको छ । विमानस्थललाई २०७५ असार मसान्तभित्र कालोपत्रे गर्ने लक्ष्य सहित कटिङको काम तीव्र गतिमा भइरहेको हो । गत वर्षको बजेट भाषणमा सरकारले झण्डै दुई दशकदेखि बन्द रहेको पाटन विमानस्थललाई स्तरोन्नति गरि पुनः सुचारु गर्ने गरी बजेट विनियोजन गरेको थियो । सोही अनुसार गत मंसिरमा विमानस्थल सञ्चालनको लागि विस्तृत अध्ययन प्रतिवेदन (डिपीआर) तयार पारिएको थियो । सोही डिपीआर अनुसार विमानस्थललाई स्तरोन्नति गरि पुनः सुचारु गर्न ठेक्का आह्वान गरेर स्तरोन्नतिको काम शुरु गरिएको हो । करिब १३ करोडको लागतमा ५८० मिटर लम्बाई २० मिटर चौडाई क्षेत्रफलमा कालोपत्रे गरिने नागरिक उड्डयन प्राधिकरणका वरिष्ठ अधिकृत समृद्धि श्रेष्ठले जानकारी दिए । यस विमानस्थलमा टुईनेटर विमान अवतरण गर्ने सक्ने र दुई विमान पार्किंग गर्न सकिने उनले बताए । गाल्वा च्याङमिला जगदम्बा जेभी निर्माण कम्पनीले विमानस्थललाई कालोपत्रेका साथै घेरबार गर्ने जिम्मेवारी पाएको कम्पनीका प्रतिनिधि दानसिंह रावलले जानकारी दिए । उनले भने, ‘अहिले कटिङको काम भइरहेको छ, यसपछि फिलिङ गरेर विमानस्थललाई कालोपत्रे गरिनेछ ।’ लगातारको बर्षाका कारण स्तरोन्नतिको काम २ महिना ढिला भएको छ । समयमै सम्पन्न गर्न तीव्र गतिमा काम भइरहेको कम्पनीका प्राविधिक पुरनदेव रावलले जानकारी दिए । लामो समयदेखि बन्द रहेको विमानस्थल सुचारु गर्ने हिसाबले काम शुरु भएपछि स्थानीय बासिन्दा खुशी भएका छन् । बन्द रहेको विमानस्थल सञ्चालनका लागि काम शुरु भएपछि आफूहरु खुशी भएको स्थानीय उत्तम भण्डारीले बताए । विमानस्थल सञ्चालनमा आए यस क्षेत्रको विकासले फड्को मार्ने उनको भनाइ छ । पाटन विमानस्थल सञ्चालनमा आए यो क्षेत्रमा पर्यटकको आगमन हुने स्थानीय लवदेव जोशीले बताए । पाटन देशका १० नमूना शहरमध्ये एक हो । ‘७ नम्बर प्रदेश पर्यटन सम्भावना बोकेको क्षेत्र हो,’ उनले भने । पाटन विमानस्थल सञ्चालनमा आए भारतको उत्तराखण्डबाट नेपाल आउने पर्यटक बैतडी भएर आउने उनको भनाइ छ । पाटन विमानस्थल सुचारु भएमा पत्तालभूमेश्वर लगायत बैतडीका धार्मिक पर्यटकीय क्षेत्र, दार्चुलाको अपी हिमाल, बझाङको सैपाल हिमाल र डडेल्धुराका धार्मिक पर्यटकीय क्षेत्रमा पर्यटकहरु भित्र्याउन सजिलो हुने विश्वास लिइएको छ । यस्तै मध्यपहाडी लोकमार्ग अन्तर्गतको पाटन नमूना शहर भएकाले पनि विमानस्थल सुचारु हुनुपर्ने धेरैको भनाइ छ । वि. सं. २०६९ सालमा तत्कालिन पर्यटन तथा नागरिक उडड्यन मन्त्री लोकेन्द्र बिष्ट मगरले पनि विमानस्थल सुचारु गर्ने प्रतिबद्धता जनाएका थिए । तर त्यो प्रतिबद्धता कार्यान्वयनमा आउन सकेको थिएन । २०७२ सालमा तत्कालीन अर्थराज्यमन्त्री दामोदर भण्डारीको पहलमा गतसालको बजेट भाषणमा पाटन विमानस्थलका लागि बजेट छुट्याइएपछि स्तरोन्नतिको काम शुरु भएको हो ।

नवलपरासी, भदौ २३ । गत मंगलबारदेखि हराइरहेकी नवलपरासीको बर्दघाट नगरपालिका–१६ केराघारी बस्ने एक बालिका फेला परेकी छिन् । आशा गुरुङकी १२ वर्षीया छोरी अस्मिता गुरुङ गत मंगलबार गंगा मावि गंगाबस्तीबाट साथीहरुसँग दिउँसो १२ बजेको समयमा पौडी खेलिरहेको अवस्थामा हराएकी थिइन् । तीनजना साथी घर फर्के तर अस्मिता भने दाइको ससुराली सर्दी जान्छु भनी हिँडेको तर त्यहाँ नपुगेको र घर पनि नफर्केको अवस्थामा बिहीबार नवलपरासीको दाउन्नेपारि पोलटारी भन्ने ठाउँमा बसिरहेको अवस्थामा भेटिएकी जिल्ला प्रहरी कार्यालय नवलपरासीले जनाएको छ ।

 काठमाडौं, भदौ २२ । -प्रदेश नं. २ मा तेस्रो चरणअन्तर्गत २ असोजमा हुने स्थानीय तहको निर्वाचनका लागि बुधबार उम्मेदवारी दर्ता -निर्वाचन आयोगको प्रारम्भिक तथ्यांकअनुसार ६ हजार ६२७ पदका लागि १८ हजार २ सयको उम्मेदवारी -प्रदेश नम्बर २ का आठ जिल्लामा १ महानगर,  ३ उपमहानगर, ७३ नगरपालिका र ५९ गाउँपालिका जनकपुर उपमहानगर कांग्रेस मेयर मनोजकुमार साह, उपमेयर नीलम कर्ण एमाले मेयर लक्ष्मीनारायण भगत, उपमेयर पुनम मिश्रा, माओवादी केन्द्र मेयर चन्द्रशेखर साह, उपमेयर अम्बिका यादव, राजपा लालकिशोर साह मेयर र उपमेयर रिता झा संघीय समाजवादी फोरम मेयर विष्णुदेव साह र उपमेयर रितादेवी यादव लोकतान्त्रिक फोरम मेयर हंसराज गुप्ता र उपमेयर पुनम चौधरी राप्रपा मेयर राजकुमारी साह र उपमेयर मोहम्मद युसुफ साफी राप्रपा प्रजातान्त्रिक मेयर रूपाकुमारी ठाकुर र उपमेयर सुभम ठाकुर िजनता दल मेयर विवेश भारद्वाज नयाँ शक्ति मेयर उमेशकुमार साह प्रमुखमा १४ महिलाको उम्मेदवारी धनुषाको उपमहानगरसहित पाँच नगरपालिकाको प्रमुखमा महिलाले उम्मेदवारी दिएका छन् । त्यस्तै, सप्तरीका तीन, सिरहाका दुई, सर्लाही, रौतहट र बाराका एक–एक तहको प्रमुखमा महिलाले उम्मेदवारी दिएका छन् । ठूला दलमध्ये एमालेले मात्रै दुई नगरपालिकामा महिलालाई प्रमुखको उम्मेदवार बनाएको छ । २१ केन्द्रीय नेता स्थानीय तहका उम्मेदवार विभिन्न दलका २१ केन्द्रीय नेता स्थानीय निर्वाचनमा उम्मेदवार बनेका छन् । धनुषामा मात्रै विभिन्न दलका ७ केन्द्रीय नेताले उम्मेदवारी दिएका छन् । ठूला दलमध्ये माओवादी केन्द्रका धेरै केन्द्रीय नेता उम्मेदवार बनेका छन् । कांग्रेसका पूर्वसांसद अजय द्विवेदी वीरगन्ज महानगरको प्रमुखका उम्मेदवार छन् । कांग्रेस पार्टी कार्यालयभित्रै खुकुरी हानाहान सिरहा नगरपालिकाको मेयर छनोटमा कांग्रेसभित्र विवाद हुँदा पार्टी कार्यालयमै खुकुरी हानाहान भएको छ । टिकट पाएका डा. सुभाषचन्द्र यादव र मेयरका आकांक्षी उपेन्द्र यादव पक्षबीच झडप भएको हो । झडपमा १० कांग्रेस कार्यकर्ता घाइते भएका छन् । सुभाषचन्द्र कांग्रेस कोषाध्यक्ष सीतादेवी यादवका छोरा हुन् । पार्टी प्रवेश गरेलगत्तै टिकट उम्मेदवारी दर्ता गर्नुभन्दा केही घन्टाअघि मात्रै पार्टी प्रवेश गरेका तीनजनालाई माओवादीले उम्मेदवार बनाएको छ । कांग्रेसबाट आएका सिद्धार्थ यादवलाई सिरहा औरही गाउँपालिकाको र एमालेबाट आएका रामभजु यादवलाई सप्तरीको रुपनी गाउँपालिका अध्यक्षको उम्मेदवार बनाइएको छ । त्यस्तै, राजपाबाट आएका नरेन्द्र यादवलाई महोत्तरीको औरही नगरपालिकाको मेयरको टिकट दिइएको छ । पूर्वमन्त्री पनि उम्मेदवार राजविराज नगरपालिकामा पूर्वसहायकमन्त्री अनिस अन्सारी माओवादीबाट मेयरका उम्मेदवार बनेका छन् । राष्ट्रिय जनता पार्टी (राजपा)का वरिष्ठ उपाध्यक्ष नवलकिशोर साहका छोरा शैलेश हनुमाननगर–कंकालिनी नगरपालिकाको मेयरको उम्मेदवार बनेका छन्। जितपुर–सिमरा उपमहानगर कांग्रेस मेयर कृष्णव्रत सिंह, उपमेयर नारायणी रायमाझी एमाले मेयर डा. कृष्ण पौडेल, उपमेयर सरस्वती चौधरी माओवादी मेयर राजन पौडेल, उपमेयर गायत्रीदेवी थरुनी राप्रपा मेयर सोमराज उप्रेती राजमो मेयर धर्मानन्द उपाध्याय, उपमेयर सावित्री अधिकारी विवेकशील मेयर टंक घिमिरे कलैया उपमहानगर कांग्रेस मेयर राजेश राय यादव, उपमेयर रहिमा खातुन माओवादी मेयर मुकेश साह, उपमेयर नज्मा खातुन एमाले मेयर विनोद साह, उपमेयर प्रतिमा यादव राजपा मेयर जयप्रकाशप्रसाद साह, उपमेयर पिंकी यादव संघीय समाजवादी फोरम मेयर प्रमोद गुप्ता श्रीमान् मेयर श्रीमती उपमेयर उम्मेदवार धनुषाको हंसपुर नगरपालिकामा राप्रपा (प्रजातान्त्रिक) बाट रामआशिष यादव मेयरका उम्मेदवार छन् । उनकी पत्नी आरतीदेवी यादव सोही पार्टीबाट उपमेयरकी उम्मेदवार भएकी छिन् । रामआशिष पार्टीको धनुषा निर्वाचन क्षेत्र नम्बर २ का अध्यक्ष हुन् । सोही कमिटीमा आरती सदस्य छिन् । महानगरमा व्यापारी उम्मेदवार धेरै वीरगन्ज महानगरको मेयरमा धेरै उम्मेदवार उद्योगी–व्यापारी र धनाढ्य छन् । दलहरूले पनि सकेसम्म धनाढ्य उम्मेदवारको खोजी गरेका छन् । उनीहरूले महानगरमा प्रभावशाली नेताभन्दा पैसावाललाई महत्व दिएका छन् । १८ जनाले मेयरमा उम्मेदवारी दिएका छन्। -नयाँ पत्रिकाबाट

काठमाडौ, भदौ २१ । त्रिभुभन विश्वविद्यालयले काठमाडौं नेशनल मेडिकल कलेजलाई दिएको सम्बन्धन आजै मितिबाट खारेज भएको छ । पटक पटक पिववादमा तानिएको यस उक्त कलेजको सम्बन्धन खारेजीबारे प्रा.डा.गोविन्द केसीको पनि सबैभन्दा ठूलो माग रहेको थियो । त्रिविका उपकुलपति प्रा. डा. तिर्थ खनियाले दिएको जानकारी अनुसार गत शनिबार त्रिविद्वारा गठन गरिएको अनुगमन समितिले बुधबार कलेजको अनुगमन गर्दै रिर्पोट बुझाएपछि आजैका मितिबाट उक्त कलेजको सम्बन्धन खारेज गरिएको घोषणा गरेको छ । गत साउन १२ मा त्रि. वि. कार्यकारी परिषद्ले सो कलेजलाई सर्र्वोच्च अदातलको आदेशको पालना गरेको भन्दै सम्बन्धन दिएको थियो । यसअघि त्रिविले उक्त कलेजलाई दिएको सम्बन्धन स्थगन मात्रै गरेको थियो ।

चितवन, भदौ १८ । प्रमुख विपक्षी दल नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवाको राजिनामा माग गरेका छन् । आज भरतपुरमा आयोजित कार्यक्रममा बोल्दै नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले संसदबाट चुनिएका प्रधानमन्त्रीले भारतमा गएर सांसदको निर्णय फेरी सच्याउछु भन्नु अनावश्यक रहेको भन्दै अब निर्णय पुनः सच्याउन भन्दा पनि राजिनामा दिँदामै वेस हुने बताए । सरकारलाई अरुको झुम्का जोडेर बनाएको पुतलीको सज्ञा दिँदै यो सरकारको आयू लामो नभएको टिप्पणी गरे । उनले अब २ महिनापछि नै एमाले सरकारमा जाने दावी गरे । ओलीले राज्यको हैसियत प्रयोग गरेर सरकारले भष्ट्रचार गरेको आरोप लगाए । राज्यशक्तीको दुरुपयोग र संरक्षणमा भ्रष्टचारीको संरक्षण भैरहेको बताए । ओलीले प्रदेश नम्वर २ को निर्वाचनमा पनि एमाले पहिलो पार्टी वन्ने दावी गरे ।