रास्वपा सचिवालय बैठक आज, उपनिर्वाचनको समीक्षा हुने
काठमाडौं । उपनिर्वाचनको समिक्षा गर्न राष्ट्रिय स्वतन्त्र पार्टी (रास्वपा) को सचिवालय बैठक आज बस्दैछ । पार्टी कार्यालय वनस्थलीमा दिउँसो साढे ४ देखि साढे ६ बजेसम्म बैठक बस्ने सचिवालयले जानकारी दिएको छ । सचिवालयका अनुसार बैठकमा इलाम उपनिर्वाचनको समीक्षासँगै आगामी कार्यदिशा, समसामयिक राजनीतिक घटनाक्रम विषयमा छलफल हुने बताइएको छ । त्यस्तै बैठकमा आगामी केन्द्रीय समिति बैठकको एजेण्डा सहित अन्य विविध विषयमा पनि छलफल हुने रास्वपाले जनाएको छ ।
