जुवातास खेलिरहेको अवस्थामा नगद सहित ८ जना पक्राउ
चितवन । चितवनमा जुवातास खेलिरहेको अवस्थामा नगद सहित ८ जना पक्राउ परेका छन् । रत्ननगर नगरपालिका १२ मिलिजुली टोल बस्ने ४१ वर्षीय हिरा बहादुर गोलेको घरमा जुवातास खेलिरहेको अवस्थामा गोले समेत ८ जनालाई सोमबार दिउँसो प्रहरीले पक्राउ गरेको हो । इलाका प्रहरी कार्यालय रत्ननगर टांडीबाट खटिएको प्रहरीले उनीहरूलाई नगद १ लाख ३९ हजार ८ सय ३० रूपैयाँ र ३ बुक ताससहित पक्राउ गरेको हो । यस सम्बन्धमा थप आवश्यक अनुसन्धान गरिरहेको प्रहरीले जनाएको छ ।
