स्थानीय तहको निर्वाचन २०७४ : मतदान समय सकियो
काठमाडौं, वैशाख ३१ । स्थानीय तहको निर्वाचन २०७४ आज बिहान ७ बजेदेखि सुरु भएको मतदानको समय साँझ ५ बजेदेखि सकिएको छ । ३, ४ र ६ मा सुरु भएको मतदान केही जिल्लाहरुमा सामान्य छिटफुटका घटनाहरु भएपनि समग्रमा शान्तिमय र सौहाद्रपूर्ण रुपमा सम्पन्न भएको छ । अधिकांश जिल्लाहरुमा मतदान पनि सकिसकेको छ । शिलबन्द मतपेटिकाहरुलाई अत्यन्त सुरक्षा घेराबीच मुख्य निर्वाचन अधिकृतको कार्यालयमा लगिने व्यवस्था गरिँदै छ भने कुनै केन्द्रहरुमा भने भोट हाल्नका लागि मतदाताहरु लाइन रहेका छन् । ५ बजेभित्रमा मतदान केन्द्रको घेराभित्र लाइन बसेका मतदाताहरुले भोट हाल्न पाउने व्यवस्था रहेको छ । तस्वीर ः इभा राजवाहक
