धनगढीमा इन्डो–नेपाल कराते प्रतियोगिता हुने
लोकेश धामी, धनगढी कैलालीको धनगढीमा गोपाल राजु इन्डो–नेपाल कराते प्रतियोगिता हुने भएको छ । सुदूरपश्चिममा कराते खेलका संस्थापकद्वय गोपाल खड्का र राजु लामाको स्मृतिमा सो प्रतियोगिता हुन लागेको हो । सुदूरपश्चिमाञ्चल गोजुरियो कराते दो संघ तथा नेपाल खेलकुद महासंघको संयुक्त आयोजनामा आउँदो जेठ १२ र १३ गते सो प्रतियोगिता हुने जनाइएको छ । प्रतियोगितामा विभिन्न तौल समूह गरी ४१ स्वर्ण, ४१ रजत र ८२ वटा कास्य गरी १६२ पदकका लागि प्रतिस्पर्धा हुने प्रतियोगिताका संयोजक प्रकाशकुमार चन्दले जानकारी दिए । सो प्रतियोगिताको अवसरमा सातौं राष्ट्रिय खेलकुद प्रतियोगितामा कास्य पदक विजेता खेलाडी गणेश विकलाई नगद १० हजार रुपैया पुरस्कार प्रदान गर्ने जनाइएको छ । संस्थापकद्वय खड्का र लामाको स्मृतिमा हरेक वर्ष प्रतियोगिता आयोजना गर्ने आयोजकले जनाएको छ । File Photo
