काठमाडौं, असार ७ । केही दिनयता रबि लामिछानेबारे विभिन्न टिका-टिप्पणी भइरहेका छन् । उनलाई विभिन्न आरोप लागेका छन् । एउटा टेलिभिजन कार्यक्रमबाट जनताको मन जित्न सफल भएका लामिछानेलाई अमेरिकी नागरिक देखि थुप्रै आरोप लागेका छन् । यतिसम्मकी रबिलाई जेल हाल्नेसम्मका टिप्पणी आइरहेका छन् । यसैविच उनका साथी तथा पत्रकार प्रेम बाँनियाले अमेरिकाबाट रबिमाथि लागिरहेको आरोपको कडारुपमा खण्डन गरेका छन् । आज सामाजिक सञ्जाल फेसबुक मार्फत उनले रबिबारे लागेको आरोपको कडा खण्डन गरेका हुन् । देशको प्रगति देख्न नचाहने तत्वका कारण रबिलाई यस्तो आरोप लागिरहेको बाँनियाले लेखेका छन् । उनले लेखेका छन्, ‘आज रबि जीमाथि आक्रमण गरिरहेका छन् तिनकै कारणा  मजस्ता धेरैलाइ देश छोड्न बाध्य बनायो ।’ उनी अझै अगाडी लेख्छन्, ‘ति तत्वहरुले अझ के-के समाप्त पार्ने हुन् भनी साध्य छैन्, यस्तै प्रवृतिका पात्रहरुका कारण आज मेरो देशको हालत खराब छ !’ बाँनियाले आफ्नो फेसबुकमा रबिबारे यस्तो लेखेका छन्ः एउटा उल्कापात ! एउटा बज्र !! वा एउटा सकारात्मक बिध्वंश !! रबि लामिछानेलाई देशप्रवृति, पत्रकारिताप्रवृति र जीवनका धेरै अनुभव, लडाईंजुधाई र सत्यहरु सुम्पिएर र यताका केही ग्रहण गरेर केही समयको लागि  विदेसिएको पात्र हूँ म । आज रबिजी त्यही स्टुडियोबाट बोलिरहेका छन् जसका लागि एकएक इटा संकलन गरेर, जग हालेर र त्यसलाई जीवन्त बनाएर हिंडेको हूँ म । आज रबिजी माथि आक्रमण गरिरहेका यिनै पिप्साहरुले हिजो मजस्ता धेरै-धेरैलाई देश छोड्न बाध्य पारेका छन्, कति-कतिको के-के समाप्त पारेका छन् भनीसाध्य छैन । यस्तै प्रवृतिका पात्रहरुका कारण आज मेरो देशको हालत खराब छ ! यो एक प्रकारको ओपनसेक्रेट हो । उनीहरु भनिरहेका छन्- रबिले वर्कपरमिट लिएन, यसो गर्यो त्यसो गर्यो, जेल हाल्नुपर्छ’ आदि । तर, बिचराहरुलाई के थाहा रबिजीले अमेरिकाको नागरिकता वा पासपोर्ट नै अमेरिकी सरकारलाई बुझाएको कति भयो ? अनि त यति ढिलो आएर (पत्रकारहरु) ‘डेट एक्सपाएर्ड न्यूज’को खेती गरिरहेका छन् ! आज प्रशारण हुने ‘सिधा कुरा जनतासँग’ कार्यक्रम हेर्न नभुल्नु होला र थाहा पाउनुहोला कि यो देशमा दुईचार दाना कुहिएका आलुहरुले सिंगै बोरालाई कसरी दुर्गन्धित बनाइरहेका छन् ? हरपल कुरा भइरहन्छ र भनिरहेको छु रबिजी, कुनै पनि समय, जीवनको कुनै पनि मूल्य चुकाएर देशको लागि परिवर्तनका जबर्जस्त अगुल्टाहरु भएर अघि बढ्नैपर्छ र हमेशा म तयार छु अब त हामी झन् तयार भएका छौं विश्वभरीबाट !  फोटोः पत्रकार बाँनियाको फेसबुकबाट

रियाद। साउदी अरबको अध्यागमन बिभागले गैरकानुनी रूपमा साउदिमा बसोबास गरे १५ हजार रियल सम्म जरिवाना तिर्नुपर्ने नियम लागू गरेको छ। पछिल्लो समय विभिन्न देश बाट भिजिट भिसामा साउदी जाँदै अबैधानिक रूपमा लुकेर काम गर्नको सङ्ख्या बढे सङ्गै यस्तो नियम लागू गरिएको हुन सक्ने नेपाली दूतावास साउदिले जानकारी दिएको छ। बुधबार एक सुचना जारि गर्दै दूतावासले कुबेत हुँदै भिजिट भिसामा साउदी जाने नेपालीहरु अबैधानिक रूपमा रहदा १५ हजार रियल जरिवाना तिर्नुपरेको बताउदै भिजिट भिसामा गयर अबैधानिक नबन्न अनुरोध गरेको छ। अबैधानिक बनेका ४ महिलाको उद्दार नेपाली दूतावास साउदीले कुबेत हुँदै भिजिट भिसामा साउदी पुगि लामो समय देखि अबैधानिक बनेका ४ जना महिलालाइ उद्दार गरि स्वदेश फर्काएको छ।   भिजिट भिसामा साउदी पुगि अबैधानिक बनेका उनीहरुलाई दूतावासको सेल्टरमा राखी आवश्यक प्रक्रिया पूरा गरि बुधबार स्वदेश फिर्ता गरिएको दूतावास द्वारा जारी सुचनामा उल्लेख छ। यसरी अबैधानिक बनी स्वदेश फर्कने हरुमा झापाकी दिपिसा लिम्बू ,चितवनकि पुष्पा बिक ,चितवनकै सुकमाया बिक र काभ्रेकि सुमिच्या लामा रहेका छन। उनीहरुलाई स्वदेश फर्काउन नेपाली जन -सम्पर्क समिति साउदीले हवाई टिकट उपलब्ध गराएको थियो भने साउदी स्थिति परराष्ट्र मन्त्रालयले आबस्यक कानुनी सहयोग गरेको दूतावासले जानकारी दिएको छ।

पर्वत, असार ५ । साथीहरुको कुटाइबाट मलेसियामा ज्यान गुमाएका पर्वतका युवा किशोर केसी (नसिब) को शव तीन हप्तापछि नेपाल ल्याइएको छ । पर्वतको मोदी गाउँपालिका-५, बाजुङ धमिलपानी गाउँका मृतक केसीको शव सोमबार बिहान घरमा आएको हो । गत जेठ १५ गते साथीहरुले कुटेरै केसीको हत्या गरेका थिए । मृतक केसीको सोमबार बिहान मोदीखोलामा दाहसंस्कार गरिएको छ । बाबु भीमबहादुर केसीले कान्छा छोरा नसिबको शवमा दागबत्ती दिनुभयो । रोजगारीका लागि विदेश गएका युवाको अल्पायुमै आफ्नै साथीले कुटेर हत्या गरेपछि सिंगो गाउँ शोकमा डुबेको छ । मृतकको शव गाउँमा आएपछि सयौँ गाउँले श्रद्धाञ्जलि दिन पुगेका थिए । “सिंगो गाउँ नै शोकमा डुबेको थियो”, स्थानीयवासी तथा नेपाल कम्युनिष्ट पार्टी ९नेकपा०, पर्वतका नेता भक्त कँुवरले भन्नुभयो “शव देखेपछि आँशु नझार्ने कोही भएन ।” रोजगारीकै लागि मलेसिया पुगेका पूर्वी नेपालका चारजनाले नसिवमाथि आक्रमण गरेका थिए । सँगै काम गर्ने नेपाली युवाले कुटपिट गर्दा गम्भीर घाइते भएका केसीको मलेसियाको पुत्रोदय अस्पतालमा उपचारका क्रममा मृत्यु भएको थियो । साथीहरुले रडले प्रहार गर्दा केसीको पेटमा गहिरो चोट लागेको थियो ।     मृतक किशोरको तस्वीर बीस महिनाअघि रोजगारीका लागि मलेसिया पुगेका केसी परिवारका कान्छा सन्तान हुन् । उनी अविवाहित थिए । उनका पिता भीमबहादुर केसी पनि वैदेशिक रोजगारीमा जाने आउने गरिरहनुभएको थियो । केसी कुटपिट गरी हत्या गर्ने साथीहरु चारैजना प्रहरी नियन्त्रणमा रहेपनि एकजनालाई दोषी देखाएर अन्य उम्केको पाइएको छ । चारैजना दोषी भएपनि एकजनालाई जिम्मेवारी स्वीकार गर्न लगाई अन्य रिहा भएको सूचना आएको नेता भक्त कँुवरले बताउनुभयो । उहाँले भन्नुभयो, “अपराधमा चारैजना संलग्न भएकाले उनीहरुका विरुद्ध कानूनी लडाइँ लड्नु पर्ने अवस्था आएको छ ।” रासस

युएई । आइतबार युएईमा काभ्रेको बनेपाकी एक महिलाले झुन्डिएर आत्महत्या गरेकी छन् । रोजगारीका लागि संयुक्त अरव ईमिरेट्स (युएई) आएकी कृष्णा परियारले युएईको रसअल खैमाह स्थित क्लिनिङ कम्पनीमा आत्महत्या गरेको उनका सहकर्मी साथीले जानकारी दिएका छन्। मुस्लिम धर्मावलम्बीहरुको महान चाड ईदको छुट्टी मनाएर कम्पनीको कोठामा फर्केकी कृष्णालाई भान्सामा झुन्डिएको अवस्थामा साथीहरुले फेला पारेका थिए । उनी आइतवार बिहान १ बजेसम्म फोनमा गफ गरिरहेको उनीसगै कम्पनीमा कार्यरत निर्मलाले बताइन् । उनका सहकर्मीका अनुसार १७ तारिख बिहान ४ बजे साथीहरूले आत्महत्या गरेको अवस्थामा कृष्णाको शव फेला पारेको थियो ।उनले के कति कारणले आत्महत्या गरेकी हुन भन्ने कारण भने खुलेको छैन। घटनापछि कम्पनीले प्रहरीलाई खबर गरेको र यसवारे प्रहरीले अनुसन्धान गरिरहेको छ। परियारको ७ बर्षिया एक छोरी छिन् । मृतक उनको शव अहिले पोस्टमार्टमका लागि स्थानीय अस्पतालमा राखिएको छ।

मलेसिया, असार ४ । मलेसियामा नेपालीले नेपालीकै घाँटी रेटेर हत्या गरेका छन। मलेसियाको जलान इपो लेबस सिटीस्थित एक कम्पनीमा कार्यरत बर्दिया सूर्यपटुवा ओराली बजारका रोशन थापाको आइतबार राती सोहि कम्पनीमा कार्यरत अर्का नेपालीले घाँटी रेटि हत्या गरेको स्रोतले जानकारी दिएको छ। गैरकानुनि (अवैधानिक) रुपमा एकै ठाउँमा काम गरिरहेका उनीहरु आइतबार दिउँसोसंगै बसेर मदिरा सेबन गरेका थिए । मदिरा सेवनपछी काठमाडौ घर भएका सोनाम मगरसँग रोशनबीच सामान्य विवाद भएको थियो । विवादपछि हात हालाहाल हुँदा सोनाम मगरले घाटीमा तरकारी काट्ने चक्कु प्रहार गरेको र रोशनको घटना स्थलमै मृत्यु भएको स्रोतले बताएको छ। घटनापछि प्रहरीले चक्कु प्रहार गर्ने सोनाम मगरलाई नियन्त्रणमा लिइसकेको र शवलाई पोस्टमार्टमको लागि नजिकैको अस्पतालमा लगेको सोही कम्पनीमा कार्यरत मृतकका साथी बर्दियाकै दिनेश खड्काले जानकारी दिए। मृतक थापा बिबाहित हुन उनको घरमा एक छोरी र श्रीमती छन। घटनाबारे नेपाली दूतावासलाई जानकारी गरार्इ सकिएको र आवश्यक प्रक्रिया पूरा गरि मृतको शव नेपाल पठाउने तयारी रहेको खड्काले जानकारी दिएका छन।

मलेशिया । नेपाली राजदूतावासले मलेसियाको जोहोरबारु राज्यमा एक दिने कन्सुलर सेवा शिविर सम्पन्न गरेको छ । नेपाली दूतावास मलेशियाका द्वितीय सचिब बिनोद मुखियाको प्रमुख अतिथ्यता तथा दूतावासकै श्रम सहचारी निरज बस्नेत को बिशिष्ठ अतिथ्यतामा गत आइतबार आयोजना गरिएको उक्त सिबिरमा गैर आवासिय नेपाली संघ मलेसिया जोहर क्षेत्रीय समितिका अध्यक्षको समेत सहभागीता रहेकोे थियो। श्रमिक का हकहित,श्रमिक ले पाउनुपर्ने सेवा सुबिधा, श्रमिक लाई पर्न आउने समस्या र तिनका दीर्घकालीन समाधानबारे छलफल गरि सचेत गराउन कार्यक्रम आयोजना गरिएको हो । कार्यक्रममा राहदानी नविकरणको आवेदन फारम बितरण, हराएको वा नयाँ राहदानी लिनेहरुको विवरण सङ्कलन, एकतर्फी यात्रा अनुमतिपत्र बितरण, तयारी राहदानी बितरण तथा श्रम सम्बन्धि गुनासो र सुनवाइ जस्ता महत्त्वपूर्ण काम समेत गरिएको नेपाली दूतावास मलेसियाले जानकारी दिएको छ। कार्यक्रममा सहभागी विभिन्न सातवटा संस्थाका प्रतिनिधिले मजदुरका समस्याबारे दूतावासको ध्यानाकर्षण गराउदै पाँच बुदे संयुक्त ज्ञापनपत्र समेत बुझाएका थिए । सहभागीका जिज्ञासामाथि जबाफ दिदै दूतावासका द्वितीय सचिव बिनोद मुखिया र श्रम सहचारी निरज बस्नेतले श्रमिकका हकहित र अधिकारका लागि दूतावासले जस्तोसुकै सहयोग गर्न सधैं तयार रहेको बताए । उनीहरुले जोहोरबारुबाट राजधानी फर्किए लगत्तै जति सक्दो छिटो समस्या समाधानको लागि आफूहरुले पहल गर्न प्रतिबद्धता जनाए । झन्डै ४ घन्टा लामो कार्यक्रममा जोहोरबारुस्थिति नेपाली संघसंस्थका प्रतिनिधि, विभिन्न छेत्रबाट पुगेका श्रमिक, पत्रकार तथा व्यावसायिहरुको बाक्लो उपस्थिति रहेको थियो । कार्यक्रममा सयौ नेपाली श्रमिकले विभिन्न सेवा लिएका बताइएको छ ।

युएई ,जेष्ठ ३० ।न्यु मिडिया प्रा.लि हेटौडा र प्रदेश ३ एकता समाज युएईको आयोजनामा यो बर्ष पहिलो पटक हेटौंडा पत्रकारिता अवार्ड कार्यक्रम युएईमा हुने भएको छ। मकवानपुर जिल्लामा रहेर लामो समय देखि पत्रकारिता गरेका ब्याक्तिहरूको सम्मानमा दिदै आएको हेटौंडा पत्रकारिता अवार्ड यस पटक दुबईमा हुने आयोजकले जानकारी दिएका छन। आगमी जुन २२ तारिक शुक्रबारको दिन दिउँसो २:३० बजे देखि युएईको अष्टेरिया होटल अन्तर्गत एभरेष्ट क्लबको थिएटर हलमा आयोजना हुने उक्त अवार्ड कार्यक्रममा बिबिध बिधामा अवार्ड बितरण गरिने आयोजक टिमले बताएका छन। नेपाली पत्रकारीताको सम्मान स्वरुप युएईमा पहिलो पटक हुन लागेको पत्रकारीता अवार्ड तथा संस्कृतिक कार्यक्रम सफल पार्न स्थानीय आयोजक प्रदेश तिन एकता समाज युएईका अध्यक्ष भिम अधिकारीले युएईबासी नेपालीहरुलाई कार्यक्रम सहभागिता जनाउन आग्रह समेत गरेका छन। कार्यक्रममा भाग लिन नेपालबाट चर्चित कलाकारहरु टंक बुढाथोकी, अशोक दर्जी, अन्जन दाहाल, ऋषिलाल श्रेष्ठ लगायतको उपस्थिती रहने छ भने युएईमा रहेका नेपाली कलाकारहरु गायक पारस लामा, डान्सर रेबिका थापा मगर तथा दिपिका गुरुड. लगायतको समेत कार्यक्रममा जोडदार प्रस्तुती रहने कार्यक्रम ब्यबस्थापकले जानकारी दिएका छन। नेपाली कलाकार समाज, ईनास युएई, गैरआवासिय नेपाली संघ युएई तथा नेपाल पत्रकार महासंघ शाखा युएईको बिशेष सहकार्यमा आयोजना हुने उक्त कार्यक्रममा सिधा खवर, प्रवासी अनलाईन, नयाँ पत्रिका, रेडियो थाहा संचार तथा मोफसल मिडिया ग्रुप लगायतले कार्यक्रममा मिडिया पार्टनरको जिम्मेवारी लिएका छन। उक्त अवार्ड तथा सांस्कृतिक कार्यक्रममा उत्कृष्ट पत्रकार बर्ष अर्वाड, खोजि पत्रकारीता बर्ष अवार्ड, सामाजिक पत्रकारीता बर्ष अवार्ड, चलचित्र पत्रकारीता बर्ष अवार्ड, कार्यक्रम प्रस्तोता बर्ष अवार्ड, सम्पादक बर्ष अवार्ड, चुनौतीपुर्ण पत्रकारीता बर्ष अवार्ड, संचार उद्यमी बर्ष अवार्ड, बजार ब्यबस्थापक बर्ष अवार्ड लगायतका बिधाहरुमा अवार्ड बितरण हुने पनि आयोजकले जानकारी दिएका छन। कार्यक्रमका लागि नेपालबाट ५६ जना पत्रकार  र व्यवसायी युएई आउने भएका छन् ।

मेलेसिया, जेठ १८ । वैदेशिक रोजगारीका सिलसिलामा मलेसियामा रहेका एक युवाको नेपालीकै कुटाइबाट मृत्यु भएको छ । पर्वतको मोदीगाउँपालिका ५ का २२ वर्षीय युवा किशोर केसीको नेपालीकै कुटपिटबाट बुधबार मृत्यु भएको छ । गएको आइतबारसँगै काम गर्ने नेपाली युवाहरुले कुटपिट गर्दा गम्भीर घाइते भएका क्षेत्रीको मलेसियाको पुत्रोदया अस्पतालमा उपचारका क्रममा बुधबार मृत्यु भएको भएको मृतकका आफन्त अनमोल क्षेत्रीले जानकारी दिए । पूर्बी नेपालबाट रोजागरीका लागि मलेसिया पुगेका चार नेपाली युवाले रडले प्रहार गर्दा केसीको पेटमा गहिरो चोट लागेको कारण मृत्यु भएको बताइएको छ । मृतक केसीको बिहीबार स्थानीय अस्पतालमा पोष्टमार्टम भएको छ । भने शव नेपाल पठाउन एक हप्ता लाग्ने बताइएको छ । २० महिना अघि रोजागरीका लागि क्षेत्री मलेसिया पुगेका थिए । अविवाहित केसी परिवारका कान्छा सन्तान हुन । उनका पिता भिमबहादुर केसी पनि बैदेशिक रोजगारीमा जाने आउने गरिरहेका थिए । परिवारको कान्छो सन्तान गुमाउन पुगेपछि परिवार र सिंगो गाउँ नै शोकमा डुबेको छ । आमा देबी केसी अर्धचेत अवस्थामा छन भने गाउँलेहरुमा समेत रुवाबासी चलेको छ । केसीलाई कुटपिट गर्ने चारै चारै जना प्रहरी नियन्त्रणमा रहेको र उनीहरुम माथि अनुसन्धान भइरहेको बताइएको छ ।

मलेसिया । सुनुवार सेवा समाज शाखा मलेसियाको चौथो साधारण सभा सम्पन्न भएको छ। नयाँ कार्य समिति चयन गर्दै समाजको चौथो साधारण सभा मलेसियाको राजधानी क्वालालम्पुरमा सम्पन्न भएको हो । सभाले पूरानो कार्य समितिलाई बिघटन गर्दै तिर्थ बहादुर सुनुवार अध्यक्ष रहने गरी नयाँ कार्य समिति चयन गरेको छ । समितिले उपाध्यक्षमा मिना सुनुवार, वरिष्ठ उपाध्यक्ष भक्तबहादुर सुनुवार, सचिब वीर बहादुर सुनुवार , सहसचिब अर्जुन सुनुवार र कोषाध्यक्षमा चेत बहादुर सुनुवारलाई चयन गरेको छ । यस्तै, सदस्यमा बिमल सुनुवार, धिमाल सुनुवार, सङ्गिता सुनुवार, कमल बहादुर सुनुवार, इन्द्र बहादुर सुनुवार, होमबहादुर सुनुवार, मिथुन सुनुवार, गणेशबहादुर सुनुवार, यमर सुनुवार, मान बहादुर सुनुवार, गिता सुनुवार, टिकाराम सुनुवार, डम्बरबहादुर सुनुवार चयन भएका छन् । त्यस्तै, प्रमुख सल्लाहकारमा राजकुमार सुनुवार, वरिष्ठ सल्लाहकारमा पुष्कर सुनुवार ,सल्लाहकारमा कमल सुनुवार चयन भएका छन्। साधारण सभाको अवसरमा संस्थालाई पुर्याएको योदानको कदर गर्दै नेपाल फर्किन लागेका सक्रिय सदस्य होम बहादुर सुनुवारलाई बिदाईसमेत गरेको छ । साथै, संस्थाले आजीवन साधारण सदस्यता पत्रसमेत बितरण गरेका छ । साधारण सभा संस्थाका पूर्व अध्यक्ष इन्द्रबहादुर सुनुवारको सभापतित्वमा सम्पन्न भएको हो ।

साउदी, जेठ १४ । ब्लडमनि बापतको रकम तिर्न नसक्दा बिगत ४ बर्ष देखि साउदी अरबको जेलमा रहेका मध्यविन्दु नगरपालिका ८ नवलपरासीका थानेश्वर भुसाल सोमबार जेल मुक्त भएका छन् । उनलाई छुटाउनका लागि थालिएको रकम संकलन अभियानबाट माग गरिएको ब्लड मनि रकम पूरा गरि बुझाएपछी ४ वर्षदेखि साउदीको जेलमा बन्दी जीवन बिताइरहेका भुसाललाई अदालतले रिहा गरेको प्रवासी नेपाली समन्वय समिति (पिएनसिसी) ले जानकारी दिएको छ। कसरी परे भुसाल जेल ? रोजगारीका लागि ५ बर्ष अघि साउदी पुगेका भुसाल साउदी स्थित एक कम्पनीमा कार्यरत थिए । कम्पनी मालीकले गाडी चलाउँदै गर लाईसेन्स् आउँदै गर्छ भनेपछि मालीकको कुरा काट्न नसकी थानेश्वर भुसाल बिना लाईसेन्स् गाडी चलाईरहे । अचानक एक दिन उनले चलाएको गाडीलाई पछाडीबाट अर्को गाडिले ठक्कर दियो।दुर्घटनामा उनको अगाडी र पछाडीको गाडीमा सवार साउदी नागरिक र भारतीय नागरिकको घट्ना स्थलमै मृत्यु भयो भने उनी आफै गम्भीर घाईते भए । साउदी अरबको ट्राफिक नियम अनुसार बिना लाईसेन्स् गाडि चलाउदा उनी फन्दामा परे । थानेश्वर भुसाल लामो समय देखि साउदीको जेलमा नरकीय जीवन बिताईरहेका थिए । साउदी सरकारको जेद्दा स्थित प्राइभेट राइट न्यायलयले भुसाल र भारतीय नागरिकलाई बराबर दोषी ठहर गर्दै मृतक साउदी नागरिकका परिवारलाई बल्ड मनी बापत १ लाख ५० हजार साउदी रियाल तिर्नुपर्ने फैसला सुनाएको थियो। २०६७ असोज ६ गते साउदी गएका भुसाल २०६९ साल जेठ २६ गते दुर्घटनामा परेका थिए। यसरी भुसाल जेल परेपछि परिवारले जीवन रक्षा गरिदिन सबैलाई अपिल गरेसँगै देश विदेशबाट थानेस्वर भुसाल बचाउ अभियान तीब्र रूपमा चलाउदै आवश्यक रकमको लागि आर्थिक सहयोग सङ्कलन सुरु गरिएको थियो । भुसाललाई बचाउन विभिन्न देशका एनआरएनएका शाखासहित विदेशमा रहेका नेपाली कामदारले सहयोग गरेका हुन् । साउदी अरेबियासहित कुवेत, युएई, अस्ट्रेलिया, मलेसिया, कोरिया लगायतका देशबाट पनि ब्लड मनी संकलन भएको थियो। यस्तै भुसाल बचाउ अभियानमा गैर आवसिय नेपाली संघ (एनआरएनए )ले १२ लाख ५० हजार नेपाली रुपैयाँ सहयोग गरेको थियोे। भुसाललाई जेलबाट छुटेपछि जेद्दास्थित महावाणिज्य दूतावासमा ल्याएको पिएनसिसीले जनाएको छ। उनलाई डिपोर्टेसन सेन्टरमा पठाएर नेपाल फर्काउने तयारी हुँदै गरेको जेद्दास्थित महावाणिज्य दूतावासले जानकारी दिएको छ।

काठमाडौँ । परराष्ट्र मन्त्री प्रदीपकुमार ज्ञवालीले नेपालका लागि मलेसियाका कार्यबाहक राजदूत अहमद फेडिल इस्मेललाई आज मन्त्रालयमा बोलाई रोजगारका लागि मलेसिया जाने नेपाली कामदारसँग मनोमानीरुपमा लिइएको अतिरिक्त शुल्क हटाउने विषयमा छलफल गर्नुभएको छ । मलेसिया जाने कामदारबाट बायोमेट्रिक, भिएलएन, ओएससी, जिएससी र माइग्रामका नाममा लिइँदै आएको अतिरिक्त शुल्क खारेज गर्ने सरकारको निर्णयपछि कामदार र व्यवसायीमा अन्योल देखिएका बेला मन्त्री ज्ञवालीले त्यस्ता शुल्क तत्काल हटाउन आग्रह गर्नुभएको हो । त्यस प्रकारका अवाञ्छित, गैरकानूनी र एकपक्षीय शुल्कले नेपाली कामदारले झण्डै रु १८ हजार रकम तिर्दै आएका छन् । मन्त्री ज्ञवालीले नेपाल सरकारले निःशुल्क प्रवेशाज्ञा र निःशुल्क टिकटमा कामदार पठाउन प्राथमिकता दिएको सन्दर्भमा मलेसियामा जाने कामदारमाथि लादिएको अतिरिक्त शुल्क न्यायोचित नभएकाले यस समस्यालाई तत्काल सम्बोधनका लागि सम्बन्धित सरकारको नेतृत्वलाई सन्देश दिन आग्रह गर्नुभएको हो । नेपाल र मलेसियाबीच श्रम सम्झौता गरेर यस समस्याको समाधान गर्न पनि भेटमा कुराकानी भएको मन्त्रालयका सहसचिव भृगु ढुंगानाले जानकारी दिनुभयो । कार्यबाहक राजदूत इस्मेलले मलेसियाले अन्य मुलुकबाट कामदार ल्याउँदा पनि सोही प्रकारको प्रक्रिया भएको अवगत गराउँदै आफ्नो मुलुकमा नयाँ सरकार आएकाले त्यहाँ सन्देश पुर्याउने बताउनुभएको थियो । श्रम, रोजगार तथा सामाजिक सुरक्षा मन्त्रालयले मलेसिया जाने कामदारमाथि लिइएको त्यस्तो शुल्क खारेज गर्न परराष्ट्र मन्त्रालयमार्फत कूटनीतिक पहल गर्न अनुरोध गरेको थियो । रासस

युएई । रोजगारीका लागि युएई आएका ४ नेपाली भने अनुसार काम नपाउदा अलपत्रमा परेका छन । युएईको अलेनस्थित एक क्लिनिङ कम्पनीमा काम गर्न आएका उनीहरूलाई रोजगारदाता कम्पनीले भने अनुसार काम र बिरामी हुुँदा समेत उपचार नगरेपछि उनीहरू अलपत्र परेका हुन । “बिरामी हुँदा काममा जान सकिएन, कम्पनीले बस्दै आएको होस्टेलबाट नै निकालिदियो दुई दिन देखि रुखको फेदमा बसेर रात काट्दै आएका छौँँ ” पीडित मध्ये एक कंचनपुरका भगतु रानाको भनाइ छ। काठमाडौको चप्पल कारखाना नजिक रहेको नेपाल गेट वे मेनपावर प्रालिबाट एक महिना अघि युएई आइपुगेका उनीहरूलाई मेनपावर कम्पनीले नेपालमा राम्रो तलब सुविधा सहितको सम्झौता गरी पठाएको भए पनिप रोजगारदाता कम्पनीले सम्झौता अनुसारको सेवा सुविधा नदिँँदा पीडित बन्न पुगेको उनीहरूको गुनासो छ । यसरी अलपत्र पर्नेहरूमा कंचनपुर बेलौरीका भगतु राना, शिबु राना, विश्व चौधरी र रामचन्द्र राना रहेका छन । यता युएई स्थित नेपाली दूतावासले पीडितका समस्या समाधान गर्न पहल सुरु गरेको छ । दूतावासले मेनपावरको एजेन्ट अशोक मोक्तानलाई सम्पर्क गरी पीडितका समस्या तत्काल समाधान नभए कारबाही गरिने बताएको छ । दूतावासको पहलपछि पीडितलाई कम्पनीले होस्टेलमा बस्न दिएको छ भने केही दिनभित्रै समस्या समाधान गरिने दूतावास स्रोतले जानकारी दिएको छ ।

युएई, वैशाख ३१ । युएईमा विभिन्न कारणले जेल जिबन बिताउन बाध्य ९५३ बन्दी लाई युएई सरकारले आम माफी दिने भएको छ । युएईका राष्ट्रपतिको शेख खलिफा विन जायद अल नायानले जेलमा रहेका विभिन्न देशका बन्दिलाइ मुस्लिम धर्मावलम्बीहरुको महान पर्व रमदानको अबसरमा जेलमुक्त गर्न आदेश दिएका हुन । युएईका जेलमा रहेका बन्दी आफ्नो देश फर्केर नयाँ जीवन को सुरवात गर्दै आफ्नो परिवार सङ खुशी साथ रहन सकुन भन्ने उदेश्य सहित जेल मुक्त गर्न लागेको अालाइन पत्रिका गल्फ न्युजमा उल्लेख छ । के कस्ता कारणले जेल परेका र कस्ता कस्ता बन्दी लाई जेल मुक्त गर्न नखुलाइएको भएपनी आदेश भने दिइएको बताइएको छ ।

  मलेसिया । साउदी अरबको उच्च अदालत बाट ब्लडमनिको फैसला सुनाइएका रोल्पा धवाङ ५ का दिलबहादुर घर्ती लाई बचाउन आबस्यक ब्लडमनि संकलन अभियान मलेसियामा सुरु भएको छ । साउदी स्थित अल दोआदमी भन्ने स्थानमा कार्यरत रहदा नीजले चलाएको सवारी दुर्घटना भई साउदी नागरिको निधन भएपछि साउदी अदालतमा घर्ती विरुद्ध दायर भएको थियो । अदालतले घर्तीलाई दोषी ठहर गरि ब्लडमनी स्वरुप २ लाख २५ हजार साउदी रियल, अर्थात झन्डै ६५ लाख नेपाली रुपियाँको फैसला सुनाएको हो । साउदी स्थिति नेपाली दुतावासले उक्त फैसलामा पुनरावेदन गर्दा पनि पहिलेकै फैसला सदर गरेपछि देश बिदेश बाट घर्तीको जीवन रक्षाका लागि यतिखेर नेपाली हरुले दिलबहादुर घर्ति बचाउ अभियान चलाएका छन । पारिवारिक आर्थिक अवस्था निकै कमजोर भएकोले “सेवा नै धर्म हो” भन्ने मुल उदेश्यका साथ नेकपा माओवादी केन्द्र निकट प्रबास संगठन नेपाली जनप्रगतिशिल मञ्च मलेसियाका इन्चार्ज रमेश तिवारी, अध्यक्ष प्रेम पाण्डे र एनआरएन आइसीसका सदस्य विश्व राईको विशेष उपस्थितमा गत आइतबार मलेसियामा दिलबहादुर घर्ती बचाउन अभियान २०७५ मुल समिति गठन भएको मंच मलेसियाले जानकारी दिएको छ । नेपालमा सन्चालन गरिएको ब्लडमनि संकलन अभियानका सदस्य रुपधन घर्ती मगर (सुकुमार) र सुगम बुढा मगरको पहल तथा चन्द्र बहादुर घर्ती मगर को सक्रियतामा ब्लडमनी संकलन अभियान संचालन गरिएको हो । अभियानको पहिलो दिन मलेसियन रिङगेट २७ सय ३ रुपैयाँ नेपाली ७२ हजार बराबर संकलन गरिएको जानकारी दिएका छन । मृत्युदण्ड कुरिरहेका दिलबहादुर घर्तीलाई जसरी भएपनि सकुशल नेपाल फर्काउन अभियानलाई सक्रिय र बृहत बनाउने अभियान्ता रुपधन घर्तीले बताएका छन । अभियान बारे जानकारी तथा सहयोग गर्न अभियान्ता हरुले बैंक खाता नम्बर र सम्पर्क नम्बर समेत उपलब्ध गराएका छन ।जस अनुसार मलेसियामा शुगम मगर – 0149856895,रुप धन घर्ती मगर (सुकुमार) 0169781134,अर्जुन घर्ती मगर 01151534127 अथवा सिधै शुगम मगर को CIMB बैंक को एकाउन्ट नम्बर 7057418309 मा पनि रकम जम्मा गर्न ब्यबस्था मिलाएको जानकारी दिएका छन । अभियान लाइ सफल पार्न देश बिदेशमा रहेका सम्पुर्ण नेपाली हरुलाइ सक्दो सहयोग गर्न समेत अभियान्ता हरुले अनुरोध गरेका छन ।

काठमाडौँ । नेपालमा तीनवटै तहको निर्वाचन भई राजनीतिक स्थिरता कायम भएको सन्दर्भमा कसरी आर्थिक सम्वृद्धि हासिल गर्न सकिन्छ भन्ने विषयमा जर्मनीको कोलोन शहरमा हालै सम्पन्न २९ औँ ‘नेपाल दिवस’ का अवसरमा गहन छलफल भएको छ । जर्मन नेपाल मैत्री संघले नेपाल पर्यटन बोर्ड, जर्मनीस्थित नेपाली दूतावास र जर्मनीको म्युजियम कल्चर अफ दि वल्डर्सको सहकार्यमा आयोजनामा गरेको सो समारोहमा विदेशमा रहने नेपाली तथा नेपाललाई सहयोग गर्न चाहने विदेशीलाई कसरी परिचालन गर्ने भन्ने सम्बन्धमा विभिन्न कार्यपत्रहरु प्रस्तुत गरिएको थियो । यस वर्षको नेपाल दिवसको मुख्य विषय ‘अबको बाटो’ रहेको थियो । सो अवसरमा जर्मनीका लागि नेपालका राजदूत रमेशप्रसाद खनालले नेपालमा शान्ति र स्थिरतासँगै अब पर्यटनको विकास र वैदेशिक लगानी आकर्षित गर्न पहल गरिने बताउनुभयो । त्यस्तै कोलोन शहरका लर्ड मेयर हेनरिट्टे रेकर तथा नेपालका लागि जर्मन राजदूत रुडोल्फ सेफरले अब नेपालको विकास शीघ्र हुन सक्ने धारणा राख्दै शुभकामना व्यक्त गर्नुभयो । नेपालका लागि अवैतनिक महावाणिज्य दूत एवम् संघका अध्यक्ष रामप्रताप थापाले समारोहमा मैत्री संघमा आवद्ध थुप्रै सदस्यहरु डाक्टर, इन्जिनियर, राजनीतिक नेताहरु, कलाकारहरु, समाजसेवी सामाजिक संघ संस्थाका प्रतिनिधिको उपस्थितिले आगामी दिनमा नेपाललाई फाइदा पुग्ने विश्वास व्यक्त गर्नुभयो । उहाँले दुई देशको सम्बन्ध विस्तारमा पुलको काम गर्ने यो संस्थाले नेपालको दुर्गम भेगमा विभिन्न विकासमूलक कामका साथै सांस्कृतिक उत्थानमा सहयोग पु¥याउदै आएको जानकारी दिनुभयो । समारोहमा नेपालबाट सहभागी हुन जानुभएका वरिष्ठ अधिवक्ता परशुराम कोइरालाले नेपालको मुलुकी ऐनमा हालै भएको संशोधनका बारेमा कार्यपत्र प्रस्तुत गर्नुभएको थियो भने प्राडा सीतु श्रेष्ठले नेपालको स्वास्थ्य अवस्था, प्राडा मल्लकराज श्रेष्ठले स्वास्थ्य पर्यटन, इन्जिनियर विमलराज गोसाइँले भूकम्पपछिको पुनःनिर्माणको अवस्था र डा चिरन पोखरेलले वन्यजन्तु पर्यटनका बारेमा अवगत गराउनुभएको थियो । जर्मनीमै कार्यरत दिल गुरुङ र सन्तोष भट्टराईले नेपाललाई विश्वकै पर्यटकीय गन्तव्य मुलुकको रुपमा परिचित गराउनुपर्नेमा जोड दिनुभयो भने तथ्यांक विशेषज्ञ वसन्त थापाले नेपाल अब स्मार्ट मुलुकका रुपमा विकास गर्न सकिन्छ भन्ने बारेमा अवधारणा प्रस्तुत गर्नुभएको थियो । जर्मनीको वैदेशिक सहायता मन्त्रालयको नेपाल डेस्क अफिसर आन्नेटे फ्रिकले प्राविधिक शिक्षा, ऊर्जा, स्वास्थ्य क्षेत्रमा जर्मनीबाट नेपालमा भएका विकास सहयोगका बारेमा प्रकाश पार्दै आगामी दिनमा पनि यस किसिमको सहयोग बढाउँदै लैजाने बताउनुभयो । समारोहमा प्रा बियाट्रिस क्नेर, गैरआवासीय नेपाली संघका पूर्व अध्यक्ष जीवा लामिछाने, वर्तमान उपाध्यक्ष कुमार पन्तलगायतका वक्ताहरुले आर्थिक विकाससम्बन्धी प्रस्तुति दिनुभएको थियो । सो अवसरमा जर्मनीका कानूनविद् प्राडा आस्त्री फुन्केको संयोजकत्वमा जर्मन नेपाल लयर्स फोरमको पनि गठन गरिएको थियो । सो अवसरमा नेपालको लोक संस्कृति झल्किने लोक नृत्य प्रस्तुत गरिनुको साथै नेपालसम्बन्धी पुस्तक प्रर्दशनी गरिएको थियो । कार्यक्रममा जर्मनीस्थित विभिन्न प्राज्ञिक तथा व्यावसायिक क्षेत्रका विज्ञ तथा जर्मनीमा वसोवास गर्ने नेपालीको सक्रिय सहभागिता रहेको थियो । जर्मन नेपाल मैत्री संघले नेपाल तथा जर्मनीबीच जनस्तरको सम्बन्ध अरू बलियो पर्ने उद्देश्यले गएको २९ वर्षदेखि आफ्नो स्थापना दिवसको अवसरमा नेपाल दिवस मनाउँदै आइरहेको छ । करिब ४५ वर्षअघि स्व क्रेट्समारले आठ जना सदस्यबाट सुरु गरेको यो संस्थामा अहिले हजारभन्दा बढी सदस्य रहेका छन् । रासस