काठमाडौं । बैतडीको पञ्चेश्वर गाउँपालिका वडा नम्बर ४ की माया लुहारको हत्याका आरोपी सशस्त्र प्रहरी जवान भरत कोली पक्राउ परेका छन्। सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक (डिआइजी) मोहनकुमार आचार्यका अनुसार कोली आइतबार बिहान कञ्चनपुरबाट पक्राउ परेका हुन्। महेन्द्रनगरको बसपार्कमा हिँडिरहेको अवस्थामा कोलीलाई पक्राउ गरिएको हो। उनलाई आजै बैतडीलाई लैजान लागिएको सुदूरपश्चिम प्रहरीका प्रवक्ता प्रहरी बरिष्ठ उपरीक्षक भोलाप्रसाद रावलले जानकारी दिए। गत बुधबार दिउँसो घाँटी रेटेर हत्या गरेको अवस्थामा मायाको शव शिवनाथ गाउँपालिका वडा नम्बर ६ को जंगलमा फेला परेको थियो। २१ वर्षकी माया गत मंसिर ४ मा भएको प्रतिनिधि सभा र प्रदेश सभा चुनावमा म्यादी प्रहरीका रूपमा चुनावमा खटिएकी थिइन्। उनी शिवनाथ गाउँपालिका वडा नम्बर ४ को मतदान केन्द्रमा खटिएकी थिइन्। त्यही क्रममा उनको भेट कोलीसँग भएको थियो। पछि उनैले मायाको हत्या गरेको भन्दै परिवारले प्रहरीमा किटानी जाहेरी दिएको थियो।

काठमाडौं । दोलखामा एमालेका बालकृष्ण शिवाकोटीले लिड गरेका छन् । ३६ हजार ३३६ मत गनिसक्दा एमालेका शिवाकोटीले १६ हजार २१४ मत पाएका छन् । माओवादीका गङ्गा कार्कीले १४ हजार ७११ मत पाएका छन् । शिवाकोटी १५०३ मतले अगाडि बढेका हुन् । यसअघि सुरुवातीदेखि नै माओवादीका कार्कि अगाडि थिए ।

स्याङ्जा। स्याङ्जा क्षेत्र नं २ (२) मा नेपाली काँग्रेसका महेश भट्टराई प्रदेशसभा सदस्यमा विजयी भएका छन् । उनका निकटतम प्रतिद्वन्द्वी नेकपा (एमाले) उम्मेदवार बुद्धिमान श्रेष्ठले भन्दा भट्टराईले १ हजार ७ सय ८६ मत बढी ल्याई विजयी भएका हुन्। निर्वाचन कार्यालयका अनुसार काँग्रेस उम्मेदवार भट्टराईले १८ हजार ७ सय ८ र उनका निकटतम प्रतिद्वन्द्वी नेकपा (एमाले)का उम्मेदवार बुद्धिमान श्रेष्ठले १७ हजार २ मत प्राप्त गरेका हुन् ।

काठमाडौं । प्रतिनिधिसभा र प्रदेशसभा सदस्य निर्वाचनको अन्तिम परिणाम आइनसक्दै सातै प्रदेशमा प्रदेश सरकार गठन र नेतृत्वको लागि अनौपचारिक गृहकार्य सुरु भएको छ । समानुपातिक र प्रत्यक्ष निर्वाचनतर्फको घोषित नतिजाले कुनै पनि एक दलले प्रदेशमा बहुमतको सरकार बन्ने अवस्था छैन् । तर, अधिकांश प्रदेशसभा वर्तमान सत्तारुढ गठबन्धनको सरकार बन्ने सम्भावना देखिएको छ । सात प्रदेशमध्ये सुदुरपश्चिम प्रदेश सरकारको नेतृत्वको लागि सत्तागठबन्धनकै दलहरूबीच कसरत सुरु भएको छ । ५३ सदस्यीय सुदुरपश्चिम प्रदेशसभामा ३२ प्रत्यक्ष र २१ समानुपातिकबाट निर्वाचित हुने व्यवस्था छ । प्रत्यक्षतर्फ कांग्रेस ११, माओवादी केन्द्र ८, नागरिक उन्मुक्ति पार्टी ५, एमाले ३, नेकपा एस २ र स्वतन्त्रले १ क्षेत्रमा निर्वाचन जितेका छन् । समानुपातिकतर्फ कांग्रेस ६, माओवादी केन्द्र ३, नेकपा एमाले ७ र एकीकृत समाजवादीले १ सिट पाउने निश्चित भएको छ । यसकारण सुदुरपश्चिम प्रदेशमा वर्तमान सत्तागठबन्धनको स्पष्ट बहुमत देखिएको छ । अन्तिम नतिजा नआउँदै प्रदेश सरकारको नेतृत्वका लागि कांग्रेस र माओवादी केन्द्रबीच रस्साकस्सी सुरु भएको छ । त्यसो त चुनावअघि नै कांग्रेस सभापति शेरवहादुर देउवाले माओवादी केन्द्रका प्रदेशसभा सदस्य खगराज भट्टराई मुख्यमन्त्रीको आश्वासन दिएको चर्चा सार्वजनिक भएको थियो । तर, अघिल्लो कार्यकाल माओवादीले नेतृत्व गरेकाले अब कांग्रेसले अवसर पाउनुपर्ने कांग्रेसका नेताहरूको जिकिर छ । तर, दुवै दलका नेताहरू भने गठबन्धनको भावनाअनुसार केन्द्रको निर्देशन र सहमतिका आधारमा टुंगो लाग्ने बताउँछन् । गठबन्धनमा प्रदेश सरकारको नेतृत्वबारे टुंगो नलाग्दै कांग्रेसका आधा दर्जन प्रदेश सांसदहरू लागिपरेका छन् । मुख्यमन्त्रीको लागि कांग्रेस सुदुपश्चिम प्रदेश महामन्त्री मेघराज खड्का र बहादुरसिंह थापा अग्रपंंक्तिमा देखिए । आकांक्षी धेरै भएपछि कांग्रेसभित्र किचलो हुने संकेत देखिएको छ । तर, प्रदेश महामन्त्री खड्का पार्टीभित्र कुनै विवाद नहुने जिकिर गर्छन। २०७४ सालको आमनिर्वाचनमा वामगठबन्धनको तर्फबाट निर्वाचित माओवादी केन्द्रका त्रिलोचन भट्ट मुख्यमन्त्री भएका थिए। तत्कालिन नेकपा विघटन भएसँगै वाम गठबन्धनबाट मुख्यमन्त्री भएका अन्य प्रदेशमा सरकार परिर्वतन भए पनि सुदुरपश्चिम प्रदेश सरकारले भने पूर्ण कार्यकाल बिताएको छ ।

स्याङ्जा । नेकपा (माओवादी केन्द्र) स्याङ्जा र पर्वतमा जनयुद्धकाका क्रममा हत्या गरिएका शहिदको स्मृतिमा एक कार्यक्रम सम्पन्न गरेको छ । तात्कालीन जनयुद्धमा स्याङ्जा र पर्वत जिल्लाका उच्च स्तरका नेतृत्वको रुपमा स्थापित ५ जनाको हत्या भएको दिन पारेर उक्त कार्यक्रम गरिएको माओवादी केन्द्र स्याङ्जाका संयोजक प्रकाश न्यौपाने ‘किरण’ले जानकारी दिए । कार्यक्रम शहिद स्मृती भवन वालिङ् १४ मा भएको थियो । शहिद कुविजा पराजुलीकी आमा पार्वती पराजुलीको अध्यक्षतामा भएको कार्यक्रमको संचालन माओवादी केन्द्र पैयुँका अध्यक्ष रेशम सापकोटाले गरेका थिए । उक्त कार्यक्रममा माओवादी केन्द्रका केन्द्रीय सल्लाहकार सदस्य जयनारायण तिवारी, स्याङ्जा जिल्ला संयोजक प्रकाश न्यौपाने लगायतले मन्तब्य राखेका थिए । कार्यक्रममा बोल्ने वक्ताहरुले माओवादी आन्दोलनका विभाजित धाराहरू र अबको कम्युष्टि आन्दोलनबारे विचार विमर्स गरेको सहभागीले बताए ।

काठमाडौं । नेपालमा थप तीनजनामा कोरोना संक्रमण पुष्टि भएको छ । पछिल्लो २४ घण्टामा ८४३ वटा स्वाब नमुनाको पीसीआर परीक्षण गर्दा तीनजनामा संक्रमण देखिएको हो । यो अवधिमा एन्टिजेन विधिबाट परीक्षण गरिएका ३३५ नमुनामा कोरोना देखिएन ।यो अवधिमा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण १२ हजार १९ जनाको मृत्यु भएको छ । पछिल्लो २४ घण्टामा देशभर २१ जना निको भएका छन् । योसँगै नेपालमा कोरोनामुक्त हुनेको संख्या नौ लाख ८८ हजार ७६३ पुगेको छ । हाल देशभर कोरोनाका सक्रिय संक्रमितको संख्या १२१ रहेको स्वास्थ्य तथा जनसंख्या मन्त्रालयले शनिबार जनाएको छ ।

काठमाडौं । जनमत पार्टीका अध्यक्ष सीके राउतले जनतासँग गरिएका प्रतिबद्धता इमानदारिताका साथ पूरा गर्ने बताएका छन् । शनिबार काठमाडौंमा आयोजित बधाई तथा शुभकामना कार्यक्रममा उनले जनताको साथका कारण नै आफ्नो पार्टी राष्ट्रिय पार्टी बन्न सफल भएको उल्लेख गरे । निर्वाचनमा पाएको साथ र समर्थन काम गर्दा अझै बढी आवश्यक पर्ने उनले बताए । राउतले आफूहरूले काम गर्न नसके देश र जनता निराशामा जाने भन्दै पाएको जिम्मेवारी ‘गर वा मर’को अवस्थामा पूरा गर्नुपर्ने धारणा राखे । उनले पुराना दललाई छाडेर नयाँ दललाई विश्वास गरेर सप्तरीका जनताले बहुआयामिक सन्देश दिएको तर्क गरे । उनी योपटक सप्तरी क्षेत्र नम्बर–२ बाट प्रतिनिधिसभा सदस्यमा निर्वाचित भएका छन् ।

काठमाडौं । फिफा विश्वकप २०२२ को समूह चरणका खेल सकिएका छन्। समूह ‘जी’ का अन्तिम दुई खेलसँगै समूह चरणका खेल सकिएका हुन्। अन्तिम खेलमा क्यामरुनले ब्राजिललाई १० गोलले हराउँदा सर्वियामाथि स्विट्जरल्यान्डले ३–२ गोलको जित निकाल्यो। अन्तिम १६ मा युरोपबाट ८ टिम पुगे। एसियाबाट ३ तीनले अन्तिम १६ मा स्थान बनाए। यस्तै अफ्रिका र दक्षिण अमेरिकाबाट २–२ टिमले अन्तिम १६ मा स्थान बनाए। उत्तर अमेरिकाबाट १ टिम अन्तिम १६ मा पुग्यो। अब शनिबार रातिदेखि अन्तिम १६ का खेल हुँदैछन्। आज राति नेदरल्यान्ड्स र अमेरिका तथा अर्जेन्टिना र अस्ट्रेलिया भिड्दैछन्। शनिबार राति सुरु हुने अन्तिम १६ का खेल मंगलबार राति सकिनेछन्। अन्तिम १६ का खेल नेदरल्याण्ड्स भर्सेस अमेरिका अर्जेन्टिना भर्सेस अस्ट्रेलिया फ्रान्स भर्सेस पोल्याण्ड इंग्ल्याण्ड भर्सेस सेनेगल जापान भर्सेस क्रोएसिया ब्राजिल भर्सेस दक्षिण कोरिया मोरक्को भर्सेस स्पेन पोर्चुगल भर्सेस स्विट्जरल्याण्ड

काठमाडौं । नेपाल कम्युनिष्ट पार्टी (नेकपा) का महासचिव नेत्रविक्रम चन्द ‘विप्लव’ लाई मातृशोक परेको छ । महासचिव चन्दकी आमा आशिकादेवी चन्दको शनिबार बिहान ९ बजे निधन भएको नेकपाले जनाएको छ । सो पार्टीले स्वर्गीय आशिकादेवीप्रति श्रद्धाञ्जली व्यक्त गर्दै महासचिव लगायत सम्पूर्ण परिवारजनमा गहिरो समवेदना व्यक्त गरेको छ ।

काठमाडौं । महान्यायाधिवक्ता कार्यालयमा लिफ्ट बिग्रिएर आधा घन्टा कर्मचारी थुनिएका छन्। कार्यालयमा खाजा पुर्‍याउन गएका क्यान्टिनका एक कर्मचारी र एक सरकारी वकिल थुनिएका हुन्। २ बजेतिर लिफ्ट चढेका उनीहरू लिफ्ट बिग्रिएर नखुलेपछि आधा घन्टा थुनिएका हुन्। खाजा पुर्‍याउन गएका कर्मचारी नआएपछि क्यान्टिन सञ्चालकले खोज्ने क्रममा लिफ्टमा रहेको थाहा पाए। उनले प्रयास गर्दा पनि लिफ्ट खुलेन। पछि ५–६ जना भएर काठ, रडलगायतको सहायताले लिफ्टको ढोका खोलेर उनीहरूको उद्धार गरिएको थियो।

स्याङ्जा । स्याङ्जा क्षेत्र नं २ (२) मा प्रदेशसभा सदस्यमा नेकपा (एमाले)का उम्मेदवार डा.बुद्धिमान श्रेष्ठले अग्रता कायम गरेका छन् । उनी निकटतम प्रतिद्धन्दी नेपाली काँग्रेसका उम्मेदवार महेश भट्टराईभन्दा एक सय ९० मतले अगाडि छन् । एमाले उम्मेदवार श्रेष्ठले दुई हजार एक सय ४६ मत प्राप्त गर्दा काँग्रेसका भट्टराईले दुई हजार तीन सय ३६ मत ल्याएका छन् । अहिलेसम्म कालीगण्डकी गाउँपालिकाको वडा नं १,२ र ३ को मतगणना सम्पन्न भएको छ । यस निर्वाचन क्षेत्रमा कालीगण्डकी गाउँपालिका, चापाकोट नगरपालिका र गल्याङ नगरपालिकाको १, २, ३, ४, ५, ८, ९, १० र ११ पर्दछन् ।

जनकपुरधाम । नेकपा एमालेका सचिव तथा धनुषा निर्वाचन क्षेत्र नम्बर ४ का नवनिर्वाचित प्रतिनिधिसभा सदस्य रघुवीर महासेठले तीन महिनाभित्र जन्मसिद्ध आधारमा नागरिकता दिन सुरु नभए आन्दोलन गर्ने बताएका छन् । “निर्वाचनको बेला मेरो बारेमा विभिन्न भ्रम फैलाइयो । तर जनताले भम्र फैलाउनलाई पत्याएनन्,” शुक्रबार पत्रकार सम्मेलन गर्दै उनले भने, “तीन महिनाभित्र जन्मसिद्धको आधारमा नागरिकता दिन सुरु भएन भने नेकपा एमालेले दशभर आन्दोलन गर्छ ।” एमाले अध्यक्ष केपी ओलीले पनि नागरिकता विधेयक ल्याउँदा भम्र फैलाएको आरोप समेत लगाए ।

काठमाडौं । नेकपा माओवादी केन्द्रका उपमहासचिव वर्षमान पुन फलोअप उपचारका लागि आज चीन जाने भएका छन् । नेता पुनलाई पुरानै रोग वंशाणुतग रूपमा रहेको जण्डिसले फेरि सताएपछि नेता पुन यस अघि उपचार गरिएको चीनको सेनजेनस्थित थर्ड पिपुल्स अस्पताल जान लागेका हुन् । यस अघि २०७८ मंसिरमा पनि उनको सोही अस्पतालमा एक महिना उपचार पछि निको भएका थिए । चीन–नेपाल नियमित उडान नभएकाले पूर्व अर्थ तथा ऊर्जामन्त्रीसमेत रहेका उपमहासचिव पुन आज साँझ ७ बजे इमिरेट्सको उडानबाट दुवई, ग्वान्झाओ हुँदै सेनजेन जान लागेको उनको सचिवालयले जनाएको छ । गत वर्ष चीनमा उपचार गरेर फर्कदा जण्डिसको मात्रा (बिलरुविन) ९ रहेकोमा अहिले बढेर ३५ पुगेको छ । नेता पुनसँगै उपचारका लागि पूर्व सभामुख तथा पत्नी ओनसरी घर्ती र छोरी शीला आज चीनको सेनजेन जान लागेका हुन् । काठमाडौंमा रगत, ब्लड प्रेसर, मुटुको चाल, बिलरुविनको मात्रा जस्ता परिक्षण गरेर थर्ड पिपुल्स अस्पतालका चिकित्सकसँग नियमित सम्पर्कमा रहेका पुनलाई चिकित्सकले फलोअपमा अस्पताल नै आउन सल्लाह दिएपछि आज चीन जान लागेका हुन् । चीन जानु अघि उपमहासचिव पुनले माओवादी अध्यक्ष पुष्पकमल दाहाल ‘प्रचण्ड’ प्रधानमन्त्री शेरबहादुर देउवासँगसमेत परामर्श गरिसकेका छन् । स्वास्थ्यमा समस्या देखिएपछि अफ्नो निर्वाचन क्षेत्र रोल्पाको चुनावी कार्यक्रममा उनी घरदैलोमा निस्कन सकेनन् । मंसिर ४ गते मतदान गरेलगत्तै उनी काठमाडौंमा आएर आराम गरिरहेका छन् । माओवादी केन्द्रका तर्फबाट सत्तारुढ गठबन्धनमा सिट बाँटफँड कार्यदलमा रहेर काम गरेका नेता पुनको कार्यव्यवस्थताका कारण पुरानै रोग जण्डिस बल्झिएको थियो । नेता पुन स्थानीय तह र संघ तथा प्रदेशको निर्वाचनमा माओवादीका तर्फबाट सिट बाँटफाँड कार्यदलमा सहभागी थिए । त्यतिबेला हरेक दिन मध्यराति सम्म बैठक हुने र खाना तथा आरामको समय नमिलेका कारण उनलाई पुरानै रोगको असर देखिएको उनको सचिवालयको भनाई छ । अस्वस्थाताका बाबजुत नेता पुन सिट बाँटफाँड कार्यदलमा सक्रिय भएर लागेका थिए । वंशाणुतग रूपमा रहेको जण्डिस दोहोरिएपछि नेता पुन गत वर्ष असोज १३ गते बैंककतर्फ लागेका थिए। बैंककमा उपचार सफल नभएपछि चीनको सेनजेन लगिएको थियो ।

काठमाडौं । प्रतिनिधिसभा सदस्यतर्फ स्याङ्जा निर्वाचन क्षेत्र नम्बर–२ मा मतगणना जारी छ । नेपाली कांग्रेसका उमेदवार धनराज गुरुङको अग्रता कायमै छ । पछिल्लो मतपरिणामानुसार कांग्रेसका उपसभापति समेत रहेका गुरुङले १२ हजार ९५३ मत पाएका छन् । दोस्रो स्थानमा रहेकी नेकपा (एमाले)की उमेदवार पद्माकुमार अर्यालले १० हजार ६२७ मत ल्याएको निर्वाचन आयोगले जनाएको छ । उनीहरूबीचको मतान्तर दुई हजार ३२६ छ । यसअघि, गुरुङ दुई हजार ४१८ मतान्तरले अगाडि थिए । यस्तै, तेस्रो स्थानमा रहेका राष्ट्रिय स्वतन्त्र पार्टीका उमेदवार टिकराज गुरुङले पाँच हजार ६७६ मत पाएका छन् ।

दोलखा। दोलखामा प्रतिनिधिसभा सदस्यमा सत्ता गठबन्धनका नेकपा माओवादीका उम्मेदवार गङ्गा कार्कीले दोब्बर मतको अग्रता लिएका छन्।हालसम्म ६ हजार ३१ मतगणना हुँदा माओवादी केन्द्रका उम्मेदवार गङ्गा कार्कीले तीन हजार ६१८ मत प्राप्त गरेका छन्। उनका निकटतम प्रतिद्वन्द्वी नेकपा एमालेका बालकृष्ण शिवाकोटीले एक हजार ८०० मत प्राप्त गरेका छन्। मुख्य निर्वाचन अधिकृत डिल्लीरत्न श्रेष्ठका अनुसार दोलखाको प्रदेशसभा (१)मा सत्ता गठबन्धनबाट उम्मेदवार नेपाली कांग्रेसका कुन्दनराज काफ्ले तथा प्रदेशसभा (२) मा एमालेका भरत केसीले अग्रता लिएका छन्। दोलखाको १० मतदान केन्द्रमा बिहीबार पुनः मतदान भएको थियो।