काठमाडौँ । केन्द्रीय तथ्यांक विभागले पहिलोपटक गर्न लागेको राष्ट्रिय आर्थिक गणनाका लागि करीब चार हजार जनशक्तिलाई परिचालन गर्ने भएको छ । आगामी वैशाख १ गतेदेखि शुरु गरिने उक्त गणनाका लागि तीन हजार ५०० गणक र ५०० सुपरभाइजरलाई खटाउन आवश्यक तालीमसमेत उपलब्ध गराएको छ । संघ, प्रदेश तथा स्थानीय तहसम्मका व्यावसायिक प्रतिष्ठान तथा सामान्यभन्दा सामान्य व्यवसायीको वित्तीय अवस्थाका साथै व्यावसायिक यथार्थताबारे आगामी जेठ मसान्तसम्म आर्थिक तथ्यांक संकलन गरिने छ । गणकले देशभर संकलन गरेका आर्थिक विवरणलाई प्रशोधन गरी विश्लेषणात्मक प्रतिवेदन तयार गरेर समग्र प्रक्रिया पूरा गर्न भने करीब पाँच वर्षको समयअवधि लाग्ने अनुमान गरिएको छ । व्यावसायिक प्रतिष्ठानको कूल संख्या, प्रतिष्ठानको वैधानिक स्थिति, वैदेशिक पूँजीको लगानी, कूल स्थिर सम्पत्तिमा भएको लगानी, प्रतिष्ठानको घनत्व, लिंगअनुसार रोजगारीको स्थिति, प्रतिष्ठानको ऋणमा पहुँच लगायतका सूचक पत्ता लगाउन सो गणना गर्न लागिएको हो । प्रत्येक जिल्लाका प्रमुख जिल्ला अधिकारीको अध्यक्षतामा जिल्ला आर्थिक गणना समन्वय समितिसमेत गठन गरिएको छ । विभागका महानिर्देशक सुमनराज अर्यालले देशमा पहिलोपटक गर्न लागिएको आर्थिक गणनाबाट प्राप्त हुने सूचनालाई आधार मानेर समग्र आर्थिक क्रियाकलापको स्थितिको मूल्यांकन गरिने जानकारी दिँदै त्यसका आधारमा सरकारले मुलुकलाई समृद्ध बनाउन आवश्यक नीति निर्माण गर्न सहयोग पुग्ने बताउनुभयो । तथ्यांककै आधारमा योजना तर्जुमा तथा नीति निर्माण हुने भएकाले स्थलगत भ्रमण र अध्ययनपछि प्राप्त हुने तथ्यहरु भरपर्दो र विश्वासिलो हुने अपेक्षा राखिएको छ । तथ्यांक ऐन, २०१५ अनुसार व्यवसायबाट संकलित विवरण गोप्य रहनेछ । देशभरका लघु, घरेलु तथा साना उद्योगको अवस्था, वस्तु तथा सेवा उत्पादन गर्ने प्रतिष्ठान लगायतको गणना गरिने सो कार्यक्रमबाट विभिन्न वस्तु तथा सेवा उत्पादन गर्ने व्यवसायीबाट आर्थिक क्षेत्रमा गरिएका लगानी तथा त्यसको प्रतिफलको अवस्था बुझ्न सकिने कार्यक्रमका संयोजक अनिल शर्माले विश्वास व्यक्त गर्नुभयो । राष्ट्रिय जनगणना विसं १९६८ देखि शुरु भएको र प्रत्येक १० वर्षमा एक पटक गरिँदै आएको छ । त्यस्तै कृषि गणना विसं २०१० देखि शुरु भएको र प्रत्येक पाँच वर्षमा गरिँदै आएको विभागले जनाएको छ । यसैगरी उद्योग गणना करीब दुई दशकअघिबाट शुरु भई प्रत्येक पाँच वर्षमा गरिँदै आएको छ । शुरु गर्न लागिएको आर्थिक गणनामा भने ढुंगा, बालुवा तथा खनिज पदार्थको उत्खनन क्रियाकलापमा संलग्न हुने व्यवसायी, निर्माण व्यवसायी, बंैक तथा वित्तीय संस्थादेखि सामान्य पसल गर्ने व्यवसायीलाई समेत समेटिने छ । देशभित्र अस्तित्वमा रहेका र क्रियाशील सबै व्यावसायिक प्रकृतिका आर्थिक एकाई (वस्तु तथा सेवा उत्पादन गर्ने प्रतिष्ठान) मा पुगेर गणनाको निर्धारित प्रक्रियाअनुसार तोकिएको समयभित्र विभिन्न आर्थिक इकाईको विवरण संकलनदेखि प्रकाशनका कार्य गर्ने समष्टिगत प्रक्रियालाई नै आर्थिक गणना भन्ने गरिन्छ । रासस

भक्तपुर, चैत २८ । भक्तपुरमा मनाइने बिस्केट जात्राअन्तर्गत भैरबको मध्यरातमा अलपत्र छाडिएपछि स्थानीयवासीले आफैँ तानेर वुधवार दिउँसो गःहिटी पुऱ्याएका छन् । जात्राको परम्पराअनुसार रथलाई राति नै गःहिटी पुऱ्याउनुपर्ने भए पनि राति ३ बजे रथ तान्ने जनशक्तिको अभाव भएकाले तौमढीमै छाडिएको थियो । स्थानीय तौमढी युवा क्लबका अध्यक्ष विजय धौभडेलका अनुसार विगतमा यसरी जनशक्ति अभाव भए पनि सुरक्षाकर्मीले रथ तानेर भए पनि गःहिटी पुऱ्याउने परम्परा थियो । यस वर्ष भने जात्रालाई शान्तिपूर्ण बनाउन सुरक्षाकर्मीलाई रथ तान्न नदिएको र आज युवा क्लबको नेतृत्वमा तौमढीका स्थानीयवासीले रथ तानेर गःहिटी पुऱ्याएको धौभडेलको भनाइ छ । राति नै रथलाई गःहिटी पुऱ्याउनुपर्ने परम्परा भने यस वर्ष तोडिएको छ । यस वर्ष भने शुरुमै दुई दिन रथ तानिएको छ । रथ तान्ने क्रममा तीन तले प्यागोडा शैलीको रथको गजुर भाँचिएको छ भने रथको छानोसमेत बिग्रिएको छ । तार व्यवस्थापन नहुँदा रथ गःहिटी पुऱ्याएपछि गजुरमा तार बेरिएपछि गजुर भाँचिएको हो । रथको गजुर बनाउने र रथको मर्मत गर्ने कार्य आजैबाट शुरु हुने गुठी संस्थान कार्यालय भक्तपुरका प्रमुख हरिप्रसाद सुवेदीले जानकारी दिए। उनी भन्छन्, “रथको गजुर भाँचिएको छ, रथको छानो पनि बिग्रिएको छ, रथको मर्मत आजैबाट गरेर ३० गतेसम्मलाई रथ तयार बनाउँछौ ।” आगामी ३० गते रथलाई तानेर भेलुखेलस्थित ल्यासिंखेल पुऱ्याएपछि इन्द्रध्वजा सहितको ५५ हात लामो लिङ्गो उठाउने गरिन्छ । वैशाख १ गते दिनभरि जात्रा चलाएर साँझ लिङ्गो ढाल्ने र वैशाख ५ गते अन्तिम दिन पुन: गःहिटीबाट भैरब र भद्रकालीको रथलाई तानेर जात्रा सम्पन्न गर्ने परम्परा छ ।  

विराटनगर । महिला, बालबालिका तथा ज्येष्ठ नागरिक मन्त्री थपमाया थापाले स्वास्थ्य र जोखिम व्यवस्थापन कार्यमा रेडक्रसले ध्यान केन्द्रित गर्नुपर्ने बताउनुभएको छ । नेपाल रेडक्रस सोसाइटीको ४७ औँ महाधिवेशनको आज यहाँ उद्घाटन गर्दै उहाँले विशेषगरी समाजमा पिछडिएका महिलाको सशक्तिकरण र आर्थिक विकासका लागि नेपाल रेडक्रसले प्रभावकारी भूमिका निर्वाह गर्नुपर्नेमा जोड दिनुभयो । मन्त्री थापाले आफ्नो विधान संशोधन गर्दा नेपाल रेडक्रसले आफूलाई महिला मैत्री बनाउनुपर्ने बताउँदै महिलामाथि हुने हिंसा, छाउपडी, बालविवाह, बोक्सी र दहेज प्रथा अन्त्य गर्न कार्यमा यो संस्थालेhttps://everestdainik.com/2018/04/173553/ नेतृत्वदायी भूमिका निर्वाह गर्नुपर्छ भन्नुभयो । महिला हिंसामा संलग्न हुनेलाई सदस्यता नदिन नेपाल रेडक्रसलाई उहाँले आग्रह पनि गर्नुभयो । विराटनगर महानगरपालिका प्रमुख भीम पराजुलीले रगतको कमीले ग्रामीण क्षेत्रमा हुने अकाल मृत्युलाई रोक्न रेडक्रसले त्यस क्षेत्रमा रक्तसञ्चार केन्द्र सञ्चालन गर्नुपर्ने बताउनुभयो । राष्ट्रिय समाज कल्याण परिषद्का उपाध्यक्ष नीलमणि बरालले २१ औँ शताब्दी सुहाउँदो कार्य रेडक्रसले गर्नुपर्ने बताउनुभयो । सोसाइटीका केन्द्रीय अध्यक्ष सञ्जीव थापाको सभापतित्वमा सम्पन्न उक्त कार्यक्रममा महामन्त्री देवरत्न ध्वाख्वा, मोरङ सभापति सुबोधकुमार सिंह, उपसभापति रमानन्द यादव लगायतले समाज सेवाका क्षेत्रमा नेपाल रेडक्रसले पु¥याउनुभएको योगदानको विविध पक्षमाथि प्रकाश पार्नुभयो । उक्त महाधिवेशनमा मुलुकभरिबाट २७५ जना रेडक्रसकर्मीलगायत विभिन्न मन्त्रालय, समाज कल्याण परिषद्, रेडक्रस अन्तर्राष्ट्रिय समिति र अन्तर्राष्ट्रिय महासंघका प्रतिनिधि गरी ३०० जनाभन्दा बढीको सहभागिता छ । महाधिवेशन दुई दिनसम्म सञ्चालन हुनेछ । रासस

बागलुङ, चैत २८ । नेपाल आदिवासी जनजाति महासंघ जिल्ला समन्वय परिषद् बागलुङले बिदा कटौतीको निर्णय फिर्ता लिन सरकारसंग आग्रह गर्नुभयो । परिषद्ले यहाँ आज पत्रकार सम्मेलनको आयोजना गरी सांस्कृतिक पर्वमा दिइँदै आएको बिदा काटेर सरकारले पहिचान मेटाउन खोजेको आरोप लगाएको छ । परिषद्का अध्यक्ष बोमबहादुर गुरुङले सम्बन्धित पक्षसँग परामर्शसमेत नगरी सरकारले एक पक्षीय ढंगले बिदा खारेजीको निर्णय गर्नु दुःखद रहेको बताउनुभयो । “देश निर्माणमा ३६५ दिन नै हामी खट्न तयार छौँ”, उहाँले भन्नुभयो, “तर मौलिक पर्वमा दिइने बिदा कटौती जायज छैन ।” अध्यक्ष गुरुङले सांस्कृतिक पर्व, रीतिरिवाज राज्यको सम्पत्ति भएको भन्दै त्यसको जगेर्ना गर्नुपर्ने धारणा व्यक्त गर्नुभयो । नेपाल मगर संघ बागलुङका अध्यक्ष गणेश थापामगरले आदिवासी, जनजाति समुदायको भावनाको कदर हुनुपर्नेमा जोड दिदैं समृद्धिको नाममा संस्कृति र इतिहासलाई बिर्सन नमिल्ने बताउनुभयो । महासंघ बिदा कटौतीको निर्णय फिर्ता लिनुपर्ने सहितका विविध माग राखी अहिले शान्तिपूर्ण आन्दोलनमा छ । तमु ल्होसार, सोनाम ल्होसार, ग्याल्वो ल्होसार, उधौली, उभौली, माघी लगायतका सांस्कृतिक पर्वमा गरिएको बिदा कटौतीको निर्णय फिर्ता लिनुपर्ने महासंघले जनाएको छ । महासंघले विभिन्न समयमा आदिवासी, जनजाति समुदायसँग सरकारले गरेका सम्झौताको कार्यान्वयनमा जोड दिनुपर्ने उल्लेख गर्दै पहिचानको पक्षमा भएका आन्दोलनका क्रममा जेल परेका बन्दीको रिहाइएको माग गरेको छ ।

जलेश्वर, २८ चैत । कर्तव्य ज्यान मुद्दामा कारागार गृहमा बस्दै आएका एक कैदीको जिल्ला अस्पताल जलेश्वरमा उपचार गराउँदा गराउँदै   मृत्यु भएको छ । मृत्यु हुनेमा महोत्तरीको साबिक हरिहरपुर हरिणमरी–९ का ८० वर्षीय रामेश्वर सदा मुसहर रहेको कारागार कार्यालय महोत्तरी जलेश्वरका प्रमुख शोभेन्द्र ठाकुरलाई उद्धृत गर्दै राससले जनाएको छ । महोत्तरी जिल्ला अदालतको २०६२ साल असार १५ गतेको फैसलाअनुसार कर्तव्य ज्यान मुद्दामा २० वर्ष कैद तोकी फरार रहँदै आएका रामेश्वर सदा मुसहरलाई जिल्ला प्रहरी कार्यालय महोत्तरीले २०७४ साल मंसिर ८ गते पक्राउ गरी अदालतमा उपस्थित गराउँदा सोही मितिदेखि लागू हुनेगरी अदालतले उनलाई कारागार कार्यालय महोत्तरीमा कैद भुक्तानीका लागि पठाएको थियो । तर निज रामेश्वर सदा मुसहर कारागारमा बसेको ४ महिना २० दिनमै उनको वुधवार बिहान उपचारका क्रममा मृत्यु भएको प्रमुख ठाकुरले बताए। पक्राउ पर्नुअघि देखि नै क्षयरोगका बिरामी रहेका रामेश्वर गत सोमबार अचानक अत्यधिक बिरामी भई उपचारका लागि जिल्ला अस्पताल जलेश्वरमा पठाई आकस्मिक वार्डमा भर्ना गराई उनको उपचार भइरहेको थियो । परीक्षणपछि मृतक सदाको शव परिवारजनलाई बुझाउने तयारी गरिहेको कारागार प्रशासनले जनाइएको छ ।

गौशाला, चैत २८ । कर्तव्य ज्यान मुद्दामा कारागार गृहमा बस्दै आएका एक कैदीको आज बिहान उपचारका क्रममा मृत्यु भएको छ । मृत्यु हुनेमा महोत्तरीको साबिक हरिहरपुर हरिणमरी–९ का ८० वर्षीय रामेश्वर सदा मुसहर रहेको कारागार कार्यालय महोत्तरी जलेश्वरका प्रमुख शोभेन्द्र ठाकुरले बताउनुभयो । कारागार कार्यालय महोत्तरी जलेश्वरको महोत्तरी जिल्ला अदालतको २०६२ साल असार १५ गतेको फैसलाअनुसार कर्तव्य ज्यान मुद्दामा २० वर्ष कैद तोकी फरार रहँदै आएका रामेश्वर सदा मुसहरलाई जिल्ला प्रहरी कार्यालय महोत्तरीले २०७४ साल मंसिर ८ गते पक्राउ गरी अदालतमा उपस्थित गराउँदा सोही मितिदेखि लागू हुनेगरी अदालतले उनलाई कारागार कार्यालय महोत्तरीमा कैद भुक्तानीका लागि पठाएको थियो । तर निज रामेश्वर सदा मुसहर कारागारमा बसेको ४ महिना २० दिनमै उनको आज बिहान करीब १० बजे जिल्ला अस्पताल जलेश्वरमा उपचारका क्रममा मृत्यु भएको प्रमुख ठाकुरले बताउनुभयो । पक्राउ पर्नुअघि देखि नै क्षयरोगका बिरामी रहेका रामेश्वर गत सोमबार अचानक अत्यधिक बिरामी भई उपचारका लागि जिल्ला अस्पताल जलेश्वरमा पठाई आकस्मिक वार्डमा भर्ना गराई उनको उपचार भइरहेको थियो । परीक्षणपछि मृतक सदाको शव परिवारजनलाई बुझाउने तयारी गरिहेको कारागार प्रशासनले जनाइएको छ ।

रुपन्देही जिल्लाको सौ फर्साटिकरमा रहेको टाईगर्स, बु्रहरी इण्डष्ट्रिज प्रा लि ले आफ्नो उत्पादन दुवई निर्यात पश्चात अस्टलिया, भारत, श्रीलंका निर्यातको तयारीमा लागेको छ । टाईगर, टेन्सवर्ग र लण्डन आईस ब्राण्डको बियर वोत्तल र क्यानमा उत्पादन गर्दै आएको उद्योगले बिदेशी बजारको माग अनुसार पछिल्लोपटक टेन्सवर्ग बियरको बोत्तलमा पुल अप क्यापमा उत्पादन सुरु गरेर उपभोक्ता र बिक्रेतालाई सहज वनाएको छ । उद्योगका संचालक तेजेन्द्र खड्का सरकारले उद्योग संचालनको राम्रो वातावरण वनाईदिए ईनटरनेशनल स्तरको नेपाली बियर उत्पादन बिदेसी बजारमा निर्यात गरि ठूलो राजस्व बिदेसीनवाट जोगाउन सकिने बताउँछन् । यदी प्रसस्त उत्पादन बिदेश पठाउन सक्ने हो भनी डलरको समस्यामा समेत कमी आउने उनको भनाई छ । पढाईमा डिग्री नगरेपनि अनुभवले खारीएका मेहनती, हठी स्वभावका उद्योगी खड्काले सरकारले वातावरण वनाईदिए अन्तराष्ट्रियस्तरको टेन्सवर्गको उत्पादन अव दुवई ,अष्ट्रेलियाको अलावा श्रीलंका समेत निर्यात गर्ने तयारी गरीरहेको उनी बताउँछन् । भारतमा बेभरेज कम्पनीमा २० औं वर्ष अनुभव बटुलेर नेपालमा उद्योग संचालनमा लाग्नु भएका खड्का सरकारलाई यस्ता उद्योग संचालनले राम्रो राजस्व प्राप्त हुने भएकोले सरकार स्वदेसी उद्योग संचालनका लागि सहज वातावरण वनाई हौसला बढाउनु पर्ने हुन्छ । करिब दुई अर्ब लगानीमा संचालनमा आएको यो आधुनिक टाईगर बु्रअरी इण्डष्ट्रिज प्रा। लि। ले गएको २ वर्ष देखि नेपाल टाईगस, लण्डन आईस र टेन्सवर्ग वियर उत्पादन गर्दै आएको वताउदै संचालक खड्का भन्नुहुन्छ यहाँ केही गर्छु भन्ने उद्योगि व्यवसायीलाई बिदेशमा जस्तो हौसला र सुबिदा छैन । यो बर्ष ६ महिनामा मात्र हामीले सरकारलाई ७० करोड बढी राजस्व बुझायौ । उत्पादन बढाउछौ, मेसीन थप्छौ बिदेश निर्यात गछौं भन्दा धेरै प्रकृया र समस्या पार गर्नु पर्छ उनी भन्छन् । करिव ५ बिगा जग्ग्गामा फैलिएको यो जर्मन प्रबिधिको आधुनिक उद्योगले दैनिक २० हजार पेटी उत्पादन क्षमता राखेपनि हाल १० हजार पेटि सम्म उत्पादन गर्दै आएको छ । जहाँ हाल ६ सय जनाले प्रत्यक्ष र अप्रत्यक्ष करिव २ हजार बढि कामदारले रोजगार पाएका छन् । जस्मा स्थानिय र महिलाको संख्या पनि बढी नै छ । यसको कच्चा पदार्थ जौ, गहुं, कनिका आदि भारतवाट आयात हुदै आएको उद्योगले जनाएको छ । भारतीयको समेत लगानी रहेको यो जर्मन प्रबिधिको उद्योगवाट उत्पादित टेन्सबर्ग प्रिमियमले काठमाण्डौँ पोखरा, लगायत पूर्व मेचीदेखि पश्चिमका मुख्य बजारमा राम्रो बजार लिदै गएको उद्योगको भनाई छ ।

काठमाडौँ, चैत २७ । बलत्कारीलाई कानूनमा नै फाँसीको सजायको माग गर्दै आज प्रदर्शन गरिएको छ । नयाँबानेश्वरदेखि माइतीघरसम्म बलत्कारीलाई संविधानमा नै फाँसीको व्यवस्था गर्नुपर्ने माग राख्दै रक्षा नेपालले आज प्रदर्शन गरेको हो । ¥यालीमा ‘आफ्नो छोरी चेलीको अस्मिताको पहरेदार आफै बनौं बलात्कारीलाई फाँसी नै चाहिन्छ, ‘बलात्कारीलाई फाँसी दे’ जस्ता नारा लगाइएको थियो । उनीहरुले संविधान संशोधन गरी बलत्कारीलाई फाँसीको व्यवस्था कानूनीरुपमा नै हुनुपर्ने जोडदार माग गरेका छन् । पछिल्लो समय आफन्त र परिवारकै सदस्यबाट नै धेरै बालबालिका बलात्कृत हुनु परेकाले यसको सजायका लागि संविधान संशोधन गरी फाँसीको व्यवस्था गर्नुपर्ने रक्षा नेपालकी सावित्री सुवेदीले बताउनुभयो । उहाँले बलात्कार जघन्य अपराध भएकाले मिलापत्र गराएर अपराधी उम्काउन नपाइने बताउनुभयो ।

चितवन, चैत्र २७ । नेवाः पुचः नारायणगढले नयाँ वर्षको अवसरमा ‘नारायणगढ फुड फेस्टिबल–२०७५’ गर्ने भएको छ । चैत्र २९ देखि बैशाख ३ गतेसम्म क्याम्पाचौरमा फुड फेस्टिबल हुने आयोजकले भरतपुरमा पत्रकार सम्मेलन गरि जानकारी दिएको हो । फेस्टिवल प्रवेश निशुल्क छ । नया वर्ष मनाऔ “क्याम्पाचौर जाऔ, भन्ने मूल नाराका साथ कार्यक्रम हुने आयोजन नेवाः पुचः नारायणगढले बताएको छ । फेस्टिवलको भरतपुर महानगरपालिका प्रमुख रेणु दाहालले उद्घाटन गर्नु हुनेछ । यसपालिको फुड फेस्टिवलमा रास्ट्रिय र स्थानीय कलाकारको प्रस्तुतिसहित भिमसेनको ठुलो मुर्ति राखिने नेवाःपुचः नारायणगढका अध्यक्ष एवं फुड फेस्टिवल समिति संयोजक ज्ञानेन्द्रमान शाक्यले बताए । ५ दिनसम्म चल्ने फेस्टिबलमा करिब ८० वटा स्टल रहने छन् । खानाका पारखी हरु र स्थानीय तथा बाह्य पर्यटकलार्इ आकर्षित गर्ने गरि फेस्टिवल संचालन हुने शाक्यले जानकारी दिए । करिब २५ लाख खर्च हुने आयोजकको अनुमान छ । फेस्टिवललाइ सम्पन्न गर्न नेवास्पुचस्नारायणगढका अध्यक्ष ज्ञानेन्द्र मान शाक्यको संयोजकत्वमा १५ सदस्यीय मूल आयोजक समिति र ११ वटा उपसमिति गठन भएका छन् ।गोर्खा ब्रुअरी प्रालिको मुख्य प्रायोजन रहने फुड फेस्टिवलको प्रबद्दन उद्योग वाणिज्य संघले गर्ने छ ।

काठमाडौँ, २७ चैत । गृहमन्त्री रामबहादुर थापा‘बादल’ले पछिल्ला दिनहरुमा धार्मिक आवरणमा अस्थिरता निम्ताउन खोज्नेहरु सक्रिय भएको भन्दै उनीहररूलाई सरकारले कारवाहीको दायरामा ल्याउने स्पष्ट पार्नुभएको छ । गत आईतबार बिराटनगरमा श्रीनिवास आचार्य माथि भएको गोली प्रहारको घटनामा संलग्नहरुलाई कारवाहीको माग गर्दै आज गृहमन्त्रालयमा विभिन्न ४८ वटा धार्मिक संघसंस्थाका तर्फबाट ज्ञापनपत्र बुझाउन आएको प्रतिनिधिमण्डलसँग गृहमन्त्री बादलले घटनामा संलग्न भएको आरोपमा  दुई जना पक्राउ परीसकेको र अन्यबारे खोजबिन जारी रहेको बताउनुभयो । सो घटनाले आफुलाई दुखित तुल्याएको भन्दै गृहमन्त्रीले घटनामा संलग्नहरुको पहिचान गर्न र कारवाहीको दायरामा ल्याउन आफुले सुरक्षा निकायलाई निर्देशन दिईसकेको जानकारी दिनुभयो । उहाँले भन्नुभयो, ‘‘ जातियता र धर्मको नाममा सबैलाई जुधाएर देशलाई अस्थिरतातर्फ लैजान केही तत्व सक्रिय भएका छन्, उनिहरुलाई कारवाहीको दायरमा ल्याईनेछ । ’’ प्रतिनिधिमण्डलको माग बमोजिम घाईते आचार्यको उपचारको खर्च सरकारले व्यहोर्न आवश्यक प्रक्रिया अगाडी बढाउने समेत उहाँले बताउनुभयो । प्रतिनिधमण्डलले घटनामा संलग्नलाई कारवाही गर्नुपर्ने , घटनाको छानविन गर्न आयोग गठन गरिनुपर्ने, सनातन हिन्दुधर्ममाथिको आक्रमण रोकिनुपर्ने, घाईते आचार्यको उपार खर्च सरकारले व्यहोर्नुपर्ने लगायतकाम माग राखेका थिए ।

उदयपुर / रास– सगरमाथा लोकमार्गअन्र्तगत जलजले–गाईघाट सडकमा सोमवार दिउँसो अटो रिक्साको ठक्करबाट एक वृद्धाको ज्यान गएको छ । उदयपुरको त्रियुगा नगरपालिका–३ मोतीगडानजिकै सडक पार गर्ने क्रममा सदरमुकाम मोतीगडादेखि गाईघाटतर्फ जाँदै गरेको स१ह १२५३ नम्बरको अटो रिक्साको ठक्करबाट घाइते बनेकी सुनसरी बाराह क्षेत्र नगरपालिका–८ की ८० वर्षीया पदमलक्ष्मी श्रेष्ठको ज्यान गएको हो । उपचारका लागि विराटनगर लैजाँदै गर्दा बाटोमै ज्यान गएको जिल्ला प्रहरी कार्यालय उदयपुरका प्रहरी उपरीक्षक नवराज भट्टले जानकारी दिए । त्यसैगरी, चौदण्डीगडी नगरपालिका–२ बेल्टार झोडापाटामा सामान्य विवाद हुदा स्थानीय ४५ वर्षीय कैलाश सदाले सोही स्थानका ५५ वर्षीय महिनचन सदालाई दाउरा प्रहार गरी हत्या गरेको छ । दुवै जनासँगै बसेर मादक पदार्थ सेवन गर्ने क्रममा विवाद भएपछि उक्त घटना स्थानीयवासी केदार कटुवालले जानकारी दिए । घाइते महिनचनको उपचारका क्रममा प्राथमिक स्वास्थ्य केन्द्र बेल्टारमा मृत्यु भएको इलाका प्रहरी कार्यालय बेल्टारले जानकारी दिए ।

काठमाडौं, चैत्र २६ । कानून, न्याय तथा संसदीय मामिलामन्त्री शेरबहादुर तामाङले न्यायाधीश नियुक्तिका लागि कडा र स्पष्ट मापदण्ड बनाइने बताएका छन्। सोमबार मन्त्रालयमा पत्रकारसँगको भेटमा मन्त्री तामाङले न्यायाधीश क्षमता र ज्येष्ठताको आधार नियुक्त हुने बताउँदै नयाँ मापदण्डभित्र पर्ने मध्ये राजनीतिक पृष्ठभूमिको समेत हुन सक्ने स्रपष्ट पारे । न्यायाधीश नियुक्तिमा कडा र स्पष्ट मापदण्ड नहुँदा राजनीतिक हस्तक्षेप बढेकाले अब नयाँ मापदण्ड बनाएर मात्र न्यायाधीश नियुक्त गर्ने मन्त्री तामाङ भनाइ छ । न्यायाधीशमा नियुक्त भएपछि भने स्वतन्त्र ढंगले काम गर्नुपर्ने मन्त्री तामाङले उल्लेख गरे। सर्वोच्च अदालतको न्यायाधिश नियुक्त गर्दा न्याय परिषद्ले विगतमा सम्बन्धीत न्यायाधीशले गरेका फैसला हेरेर मात्र प्रक्रिया अघि बढाउने व्यवस्था हुने मन्त्री तामाङले जानकारी दिए। कानुनमन्त्री शेरबहादुर तामाङले न्यायपालिकाको अवस्थाबारे कानुनभन्दा बाहिर गएर नबोलेको पनि बताए। केही समय अघि ‘ठूला करका मुद्दामा अन्तरिम आदेश दिने न्यायाधीशमाथि छानबिन हुने’ बताएपछि न्यायपालिकालाई धम्क्याएको भन्दै आलोचित भएका तामाङले आफ्नो अभिव्यक्ति कानुन संवत नै रहेको दाबी गरे।

काठमाडौं, चैत २६ । गृह मन्त्रालयले रहस्यमय बन्दै गएको ३३ किलो सुनकाण्डबारे छानबिन गर्न सहसचिवको नेतृत्वमा समिति गठन गरेको छ । गृह सहसचिव ईश्वरी पौडेलको संयोजकत्वमा अपराध अनुसन्धान विभागका डीआइजी पुष्कल रेग्मीको कमान्डमा छानबिन समिति गठन गरिएको हो । गत फागुनको पहिलो साता चूडामणि उप्रेतीले चीनको केरुङ हुँदै ल्याएको ३३ किलो सुन हराउनु र गाडीका चालक सनम शाक्यको हत्या हुनुमा प्रहरीको भूमिका शंकास्पद देखिएपछि गृह मन्त्रालयले अपराध अनुसन्धान महाशाखाका प्रमुख दिवेश लोहनीसँग बयान लिइसकेको छ । छानबिन समितिले अपराध महाशाखाका सइ बालकृष्ण सञ्जेल, डीएसपी प्रजीत केसीलगायतसँग पनि बयान लिइरहेको छ । सो घटनामा संलग्नहरुमध्ये ११ जनालाई पक्राउ गरी छानबिन थालिएको हो ।

धनगढी, कैलाली २६ । प्रदेश नं ७ का आर्थिक मामिला तथा योजना मन्त्री झपट बोहराले भारतसंगको नेपालको सम्बन्ध परापुर्वकालदेखि रहेको बताउदै आगामी दिनमा अझै सुमधुर र प्रगाढ बनाउनु पर्ने बताउनु भएको छ । सोमबार कैलालीको धनगढीमा आयोजना गरेको नेपाल भारत मैत्री संघको २०७५ सालको शुभकामना आदान प्रदान कार्यक्रममा मन्त्री बोहराले उक्त कुरा बताउनु भएको हो । नेपाल र भारतको सीमा खुला भएको हुँदा संसारमा नेपाल र भारत जस्तो भाइचार सम्बन्ध अरु हुनै नसक्ने मन्त्री बोहराको दाबी छ ।ले बताउनु भयो । भारत विश्वको चार महाशक्तिको रुपमा उदाएकोे छ । हामीले भारतको बजारसंग सहकार्य गरेर नेपाल भारतको सम्बन्धलाई आर्थिक र कूटनीतिक रुपमा अझ सुमधुर बनाउन प्रदेश सरकार संघीय सरकारको सहकार्यमा पहल गर्ने बताउनु भयो । आर्थिक वर्ष ०७४÷०७५ ७ महिनाको बैदेशिक व्यापार घाटाको ६ खर्व १४ अर्ब रहेको र त्यसको ६४.८ प्रतिशत ४ खर्ब ५ अर्ब व्यापार घाटा भारत संग मात्रै रहेको मन्त्री बोहराले बताउनु भयो । भारत संगको खाद्यान्नमा हुने व्यापार घाटा मात्र हेर्दा चामलमा १७ अर्ब,७ अर्ब तरकारी,३ अर्ब फलफुल र १३ अर्ब खानेतेलमा गरि जम्मा ४० अर्ब रहेको मन्त्री बोहराले बताउनुभयो । कृषिमा रहको व्यापर घाटा घटाउन प्रदेश सरकारले कृषिलाई विशेष प्रथमिकतामा राखेर अब प्रदेश सरकारले कृषिलाई आधुनिकीकरण,व्यवसायीकरण र यान्त्रीकरणको बाटो अबलम्ब गर्नु प्याकेजमा कार्यक्रम ल्याउने समेत बताउनु भयो । नेपाल भारत मैत्री संघले आयोजनागरको उक्त कार्यक्रमको अध्यक्षता नेपाल भारत मैत्री संघल अध्यक्ष हरि शंकर ठाकुरले गरेका थिए ।

काठमाडौं, चैत्र २६ । प्रधानसेनापति राजेन्द्र क्षत्री एक साता लामो कंगो र दक्षिणी सुडान भ्रमण सकेर स्वदेश फिर्ता भएका छन् । शान्ति मिसन अन्तर्गत नेपाली सेना कार्यरत अफ्रिकी मुलुक कंगो र सुडानकोबाट सोमबार प्रधानसेनापति क्षत्री स्वेदश फर्किएका हुन । क्षत्री गत चैत्र १९ गते कंगो र दक्षिण सुडान भ्रमणमा गएका थिए । निरीक्षण भ्रमणको क्रममा प्रधानसेनापति क्षत्रीले नेपाली कन्टिन्जेण्टको स्थलगत बस्तुस्थिति, अपरेशन, बन्दोबस्ती लगायत अन्य विविध पक्षबारे जानकारी लिएका थिए । भ्रमणमा उनले त्यहाँका फोर्स कमाण्डरदेखि राष्ट्र संघका उच्च अधिकारीसँ पनि भेटर्वार्ता गरेको सैनिक जनसम्पर्क निर्देशनालयले जनाएको छ ।