काठमाडौं , साउन १४ । कांग्रेसमा मात्र होइन, माओवादी केन्द्रमा पनि मन्त्री बन्न नपाएपछि पीडा सुनाउने नेताको कमी छैन । ‘विडम्बना नै भन्नुपर्छ, यो देशमा नेपाली पोसाक लगाउनेलाई फाल्ने र चप्पल लाउनेलाई शपथ खुवाउने परम्पराको सुरुवात भयो’, माओवादी केन्द्रकी सचेतक सीता नेपालीले भनिन्, ‘यसपटक तपाईं मन्त्री भन्दै पार्टी अध्यक्षलगायत सबैले बधाई दिनुभयो तर अन्तिममा सकिएन भन्दै नाम काटियो ।’ एक महिनासम्म उनलाई महिला, बालबालिका तथा समाजकल्याणमन्त्रीका रूपमा उचाल्ने काम मात्र भएको उनीनिकट नेता बताउँछन् अन्नपूर्ण पोस्टमा खबर छ । माओवादी केन्द्रका अध्यक्ष पुष्पकमल दाहाल नेतृत्वको अघिल्लो सरकारमै पनि मन्त्री बन्ने भन्दै चर्चामा रहेकी नेपाली यसपटक भने ढुक्क थिइन् । ‘मन्त्री भन्दै पार्टीले मलाई प्रचारमा ल्यायो’, उनले भनिन्, ‘बुधबार बिहान मात्रै पनि महिला सांसद समितिको बैठकमा अधिकांशले बधाई तथा शुभकामना दिए । म पनि होला त भन्दै ढुक्कै थिएँ तर अन्तिम समयमा पार्टी अध्यक्षको भनाइ भन्दै सचिवालय सदस्य हितराज पाण्डेले तपार्इंलाई मन्त्री बनाउन सकिएन भन्दै फोन गर्नुभयो ।’

काठमाडौं ,साउन १४ ।  नजिकिँदै गरेको चाडपर्वलाई लक्षित गरेर सार्वजनिक सवारी भाडा वृद्धि गर्न लागिएको छ । विगतमा पनि चाडपर्वको अवसरमा सवारी साधनको संख्या नियन्त्रण गरेर यातायात व्यवसायीले यात्रुबाट मनलाग्दी भाडा असुल्दै आएका थिए तर यसपटक भने यातायात व्यवस्था विभाग र नेपाल यातायात व्यवसायी राष्ट्रिय महासंघले आपसमा मिलेमतो गरेर भाडा समायोजनको बहानामा सार्वजनिक भाडादर वृद्धि गर्ने तयारी गरेका हुन् । विभागका अनुसार समितिले भाडा समायोजनका लागि तीव्र गतिमा प्रतिवेदन तयार गरिरहेको छ । साउनको अन्तिमसम्म प्रतिवेदन तयार गरी भाडा समायोजनको सिफारिस गरेपछि विभागले भाडा वृद्धि गर्नेछ । भाडा समायोजनको सिफारिस गरेपछि विभागले भाडा वृद्धि गर्नेछ । हाल ६५ प्रतिशतमा रहेका विभिन्न मोटर्स पाट्र्सको बजार मूलयको अनुगमन, मजदुर ज्यालालगायतका क्षेत्रमा लागत अध्ययन गरिरहेको समितिका संयोजक एवं विभागका निर्देशक प्रेम सिंहले जानकारी दिए,गोरखापत्रमा खबर छ ।

काठमाडौं ,साउन १४ ।  प्रहरी अतिरिक्त महानिरीक्षक (एआईजी) बढुवा सिफारिसमा परेपछि दंग नायब महानिरीक्षक (डीआईजी) मिङ्मार लामा केही दिनमै निराश बन्न पुगे । बढुवा सिफारिसमा परेको केही दिनमै उनलाई गृहमन्त्री जनार्दन शर्माले प्रहरी मुख्यालय काजमा ताने । गृह मन्त्रालयले लामालाई काजमा तान्न अनि प्रहरी वरिष्ठ उपरीक्षक (एसएसपी) सर्वेन्द्र खनाललाई ट्राफिक प्रहरी महाशाखा पठाउन मुख्यालयमा पत्र पठाएको स्रोतले जनाएको छ । प्रहरी महानिरीक्षक (आईजीपी) प्रकाश अर्यालले अडान लिन नसक्दा विनाआरोप लामालाई काजमा तानिएको चर्चा मुख्यालयमा छ । लामा असार ३० गते एआईजी बढुवाको सिफारिसमा परेका थिए । मंगलबार मात्र उनलाई मुख्यालय तानेर डीआईजी बढुवा सिफारिसमा परेका एसएसपी खनाललाई महाशाखाको जिम्मेवारी सुम्पिएको छ । उच्च प्रहरी अधिकारीको काज सरुवाबारे पूर्वआईजीपी कुवेरसिंह राना भन्छन्, ‘बढुवा सिफारिसमा परिसकेको अवस्थामा नियमित प्रक्रियामा सरुवा गरेको भए राम्रो हुन्थ्यो, दबाब आयो भन्दैमा संगठन प्रमुखले गलत सन्देश दिने काम गर्नुहुँदैनथ्यो ।’ एसएसपीबाट डीआईजीका लागि बढुवा सिफारिस गर्दा पनि आईजीपी अर्याल विवादको घेराबाट बाहिर रहन सकेनन् । ब्याडमिन्टन खेल्दा लडेर अर्धचेत अवस्थामा रहेका एसएसपी राजेन्द्रमान श्रेष्ठ बढुवा सिफारिसमा परेनन् । उनी एसएसपीमा तेस्रो नम्बरका अधिकृत हुन् । उनकै ब्याचका एक प्रहरी अधिकृत भन्छन्, ‘आईजीपीले यो राम्रो गर्नुभएन, उहाँले गृहमन्त्रीलाई कन्भिन्स गर्न सक्नुपर्थ्यो । एक तह सम्मानस्वरूप बढुवा दिएपछि अर्कोपटक विचार गर्न सकिन्थ्यो । श्रेष्ठलाई अन्तिम अवस्थामा अपमानित गरियो ।’ प्रहरी स्रोतका अनुसार एसएसपी श्रेष्ठलाई बढुवा गर्नुपर्ने आशयसहितको पत्र मन्त्रालयमा पुगेको छ । प्रहरी नायब उपरीक्षक (डीएसपी)बाट प्रहरी उपरीक्षक (एसपी) बढुवा सिफारिसमा पनि आईजीपीको ‘स्वेच्छाचारिता’ देखिएको प्रहरी अधिकृत बताउँछन् । मध्यमाञ्चल क्षेत्रीय प्रहरी कार्यालय हेटौंडाबाट निलम्वनको सिफारिस गरिएका डीएसपी सञ्जीव शर्मा दासलाई बढुवा सिफारिस गरेपछि अर्याल आलोचित बन्न पुगे । शर्मालाई बढुवाका लागि सिफारिस गरेको सार्वजनिक भएपछि सर्वत्र विरोध भएका कारण गृहमन्त्री शर्माले निलम्बन गर्न निर्देशन दिए । क्षेत्रबाट निलम्बन गर्नुपर्ने पत्र, मुख्यालयले गृहमा पनि दासलाई निलम्बन गर्नुपर्ने आशयको पत्र पठाइसके पनि बढुवा सिफारिसमा राखेपछि अर्यालले मन्त्री शर्माको हप्की नै खानुपरेको थियो । मुख्यालयमा भने गृहमन्त्रीनजिक र शक्तिकेन्द्र धाएकाहरूलाई अर्यालले बढुवा सिफारिसमा पारेको चर्चा छ । एसपीबाट एसएसपी, एसएसपीबाट डीआईजी र डीआईजीबाट एआईजी बढुवा सिफारिसमा प्रहरी नेतृत्व चुकेको उनीहरूको भनाइ छ । प्रतिस्पर्धी भए पनि बढुवामा नपरेपछि डीआईजी मधु पुडासैनी, एसएसपी सुवास चौधरी र एसपी विभूतिराज पाण्डेले अन्याय गरिएको भन्दै लोकसेवा आयोगमा उजुरीसमेत दिएका थिए । पूर्वआईजीपी उपेन्द्रकान्त अर्यालले तत्कालीन गृहमन्त्री वामदेव गौतम र विमलेन्द्र निधिसँग बढुवा सिफारिस गर्दा खटपट परे पनि प्रहरी अधिकृतको पक्षमा लबिङ गरेका थिए । एसएसपी रमेश खरेललाई नसिहत दिन गौतमले दिएको निर्देशनको अवज्ञा गर्दै उनी ‘राम्रा प्रहरी अधिकृतको वृत्तिविकासमा असर पर्ने खालको निर्णय नगरौं’ भन्दै खरेलको पक्षमा उभिएका थिए । निधिले काठमाडौं परिसरमा छविलाल जोशीलाई ल्याउन दबाब दिएका थिए । उपेन्द्रकान्तले अस्वीकार गरेपछि जोशीलाई एकलौटी ढंगले काठमाडौं परिसरमा ल्याउन निधि सफल भएका थिए । ‘पूर्वआईजीपीजति पनि अडान अहिलेको आईजीपी साहेबमा छैन’, एक प्रहरी अधिकृत भन्छन्, ‘आईजीपी अर्यालको व्यस्तता अत्यधिक देखिए पनि विवादबाट मुक्त हुन सक्नुभएको छैन । गृह मन्त्रालयबाट एक सहसचिवले फोन गरे भने पनि आईजीपी साहेब आफैं पुग्नुहुन्छ, सचिवालयमा उहाँका सहयोगी राखेको के काम ? ‘ मुख्यालयका उच्च अधिकृतले संगठन सुदृढीकरणमा अर्यालको अडान नरहेको आरोप लगाए । ‘उहाँले गृहमन्त्रीलाई संगठनको धारणा यो हो भनेर पेस गर्न सक्नुभएको छैन’, ती अधिकृतले भने, ‘यसरी त संगठनको वृत्तिविकासमा नकारात्मक असर पर्छ ।’ प्रहरी नायब निरीक्षक (सई) बाट प्रहरी निरीक्षक (इन्स्पेक्टर)मा बढुवा गर्नुपर्ने प्रक्रियासमेत अहिले अवरुद्धजस्तै छ । धेरैजसो सई अहिले तत्काल बढुवा नभए अवकाशको मुखमा छन् । आईजीपी अर्यालले समकक्षीसँग आफूले राम्रो गर्न खोज्दाखोज्दै मन्त्री शर्माको चेपुवामा परेको बताउन थालेका छन् । प्रहरी अधिकृतले नेता प्रयोग गरी आफूलाई अनावश्यक दबाब दिन नछाडेको गुनासो उनले गर्न थालेका छन् । आईजीपी अर्याल भने आफू विधिसम्मत ढंगले अघि बढिरहेको दाबी गर्छन् । ‘बाहिर जे जति टीकाटिप्पणी भए पनि म विधिसम्मत ढंगले चलेको छु’, उनी भन्छन्, ‘संगठनलाई अझै सुधार्ने पक्षमा छु ।’ यसभन्दा बढी प्रतिक्रिया दिन उनले अस्वीकार गरेका छन्,अन्नपूर्ण पोस्टमा खबर छ ।

पाँचथर, साउन १३ । पाँचथरको फिदिम नगरपालिका–४ सारन्तामा जिप दुर्घटना हुंदा १३ जना घाइते भएका छन् । सदरमुकाम फिदिबाट मेमेङको लागी छुटेको मे १ ज १८९२ नम्बरको जिप फिदिम नगरपालिका ४ सारन्तामा सडकबाट करिब दुई सय मिटर तल खसेको हो । दुर्घटनामा परी तीन जना गम्भीर घाइते भएका छन् । भने अरु सामान्य घाइते भएको बताइएको छ । गम्भीर घाइतेहरुलाई थप उपचारको लागी जिल्ला बाहिर पठाइएको छ भने अन्य घाइतेहरुको जिल्ला अस्पताल पाँचथरमा उपचार भैरहेको प्रहरीले जनाएको छ । घाइते हुनेहरुमा फालेलुङ गाउँपालिका रमिला खपांगी उनकै ६ वर्षीय छोरा लक्की खपांगी मेमेङ निवासी समिप गुरुङ, दावा गुरुङ, निमा गुरुङ, बलबहादुर राई, तेजबहादुर गुरुङ र सिखा तामाङ, भारपा निवासि मिना तामाङ, हेमराज खनाल र भानुभक्त खनाल, फिदिम निवासी बिक्रम राइ, एकतिनका बल बहादुर खत्री रहेका छन् ।

काठमाडौँ, साउन १३ । राजधानी उपत्यका र देशका केही अन्य भागमा छोटो अवधिका लागि विद्युत कटौती हुने भएको छ । नियमित मर्मत तथा प्रसारण प्रणालीको क्षमता विस्तार गर्न नेपाल विद्युत् प्राधिकरणले काठमाडौँको विभिन्न स्थानमा विद्युत् कटौती गर्ने भएको छ । राष्ट्रिय समाचार समितिका अनुसार, स्यूचाटार सव स्टेशनमा नियमित मर्मतसम्भार गर्नुपर्ने भएकाले विद्युत् कटौती हुन लागेको हो । सो केन्द्रका नायब प्रबन्धक दीपक धितालकाअनुसार बालाजु, स्वयम्भू, कलंकीलगायत क्षेत्रमा विद्युत् कटौती हुनेछ । नियमित मर्मतसम्भार शनिबारसम्म हुनेछ । प्राधिकरणले वीरगञ्ज औद्योगिक कोरिडोर क्षेत्रमा पनि विद्युत् कटौती हुने जनाएको छ । आजदेखि पाँच दिनसम्म चन्द्रनिगाहारपुर, हेटाँैडा, सिमरा, ढल्केबर र परवानीपुर क्षेत्रमा विद्युत् कटौती हुनेछ । प्रसारण प्रणालीमा सुधार तथा प्रसारण लाइन निर्माणका कारण विद्युत् कटौती गर्न लागिएको छ ।

काठमाडौं, साउन ६ । गृहमन्त्री जर्नादन शर्माले तीन महिनाभित्र सबै गाउँपालिकामा टेलिफोन सुविधा पुर्याउन निर्देशन दिएका छन् । केन्द्रीय दैवी प्रकोप उद्धार समितिको शुक्रबार बसेको बैठकमा मुख्य सचिवमार्फत सञ्चार सचिवलाई निर्देशन दिएका हुन । “यो राज्यको टेलिकम हो, तीन महिनाभित्र हरेक गाउँपालिकामा सञ्चार पुगेको हुनुपर्छ” गृहमन्त्री शर्माले भने, “त्यसमा कुनै शर्त मानिने छैन ।”

काठमाडौं, साउन ६ । विपद्मा उद्धारका लागि नेपाली सेनाको हेलिकप्टर देशका मुख्य तीन स्थानमा तयारी अवस्थामा राख्न गुहमन्त्री जर्नादन शर्माले निर्देशन दिएका छन । विपद व्यवस्गापन समितिको बैठकमा गृहमन्त्री शर्माले नेपाली सेनाका उपरथी हेमन्त कुँवरलाई निर्देशन दिँदै भने, “एउटा हेलिकप्टर पश्चिम क्षेत्र, एउटा बुटवल र अर्को पूर्वतिर राखौँ जसले गर्दा उद्धारमा सहजता ल्याउन सकिन्छ ।” मन्त्री शर्माले विपद् उद्धार कोषलाई पनि विभिन्न ढंगले वृद्धि गर्नुपर्ने आवश्यकता रहेकोमा जोड दिएको गृहमन्त्रीको निजी सचिवालयले जनाएको छ ।

रूपन्देही, साउन ६ । रुपन्देहीको सम्मरीमाई गाउँपालिका–६ केही समय पहिलो भएको महिला हिंसाको घटनामा संलग्न पाँच जना विरुद्ध ज्यान मार्ने उद्योगको मुद्दा दर्ता भएको छ । तल्लो जातको युवक दिनेश बोधसँग प्रेम सम्वन्ध राखेको भन्दै युवती मीना यादललाई निर्घात कुटपिट गरेको भिडियो सामाजिक सञ्जालमा सार्वजनिक भएपछि गृहमन्त्रीको टाडो निर्देशनमा रुपन्देही प्रहरीले फास्ट ट्रयाकबाट घटनाको छानबिन गर्दै कारबाही प्रक्रिया अगाडि बढाउँदै पाँच जना आरोपितमाथि कर्तन्य ज्यान मार्ने उद्योगको मुद्दा दर्ता गरेको हो । घटनामा संग्लन मीनाका बुवाका ४६ वर्षीय इन्नर यादव, १८ वर्षीय दिनेश यादव, ५५ वर्षीय लालमोहन अहिर यादव, लालमोहनकी श्रीमती र गाउँले युवक २५ वर्षीय पशुपति कोइरी उपर ज्यान मार्ने उद्योगमा मुद्दा दायर भएको छ ।सहित ५ जना विरुद्ध जिल्ला अदालत रुपन्देहीमा ज्यान मार्ने उद्योगमा मुद्दा दायर गरी कारबाही प्रक्रिया अगाडि बढाइएको रुपन्देही प्रहरीले जनाएको छ । त्यसै गरी यसअघि उजुरी दर्ता नगर्ने इलाका प्रहरी कार्यालय मर्चवारका प्रमुख इन्सपेक्टर उदयसिंह सिंजापति उपर पनि विभागीय कारवाही अगाडि बढाइएको प्रहरीले जनाएको छ । इन्सपेक्टर सिंजापतिले घटनाको विषयमा जिल्ला प्रहरी कार्यालयमा जानकारी नगराई काममा लापरवाही गरेको भन्दै उनी माथि विभागिय कारवाही अगाडि बढाइएको हो । सिंजापतिलाई जिल्ला प्रहरी कार्यालयमा तानेर स्पष्टिकरण सोधिएको छ ।

पर्सा, साउन ६ । सरकारी कागज तथा छाप किर्ते गरी नक्कली चालक अनुमतिपत्र बनाउने कार्यमा संलग्न भएको अभियोगमा प्रहरीले एक भारतीयसहित दुई जनालाई पक्राउ गरी आज सार्वजनिक गरेको छ । जिल्ला प्रहरी कार्यालयले पत्रकार सम्मेलनको आयोजना गरी पक्राउ परेका भारत बिहार रक्सौलको जोखियाडी निवासी दीपक ठाकुर र वीरगन्ज महानगरपालिका– ११ श्रीपुर निवासी उमेश चौधरीलाई सार्वजनिक गरेको हो । प्राप्त सूचनाको आधारमा बिहीबार बेलुका रक्सौलबाट वीरगन्जतर्फ आउँदै गरेका दीपक र उमेशलाई रजतजयन्ती चोकमा रोकी जाँच गर्दा चालक अनुमति पत्र बनाउन प्रयोग हुने सामग्री बरामद भएकाले अनुसन्धानका लागि दुबैजनालाई नियन्त्रणमा लिइएको प्रहरी उपरीक्षक सुदिप गिरीले जानकारी दिए । छानबिनका क्रममा दीपक र उमेशबाट विभिन्न व्यक्तिको लाइसेन्स चार थान, होलो ग्राम स्टिकर ६ थान, विभिन्न व्यक्तिको फोटो ३८ थान, राजश्व तिरेको रसिद पाँच थान, तयार भएको नक्कली लाइसेन्स एक थान, विभिन्न व्यक्तिको नागरिकताको फोटोकोपि चार थान लगायतका सामग्री बरामद भएको उपरीक्षक गिरीले बताए । पक्राउ परेका दीपक सरकारी कागज तथा छाप किर्ते मुद्दामा २०६६÷६७मा पक्रउ परी एक वर्ष कैद भुक्तान गरेका व्यक्ति हुन् । पक्राउ परेका दुबैअभियुक्तका सम्बन्धमा अनुसन्धन भइरहेको र तीनलाई सरकारी कागज किर्ते सम्बन्धी मुद्दा चलाउने तयारी भएको प्रहरीले जनाएको छ । उनीहरुले वीरगन्जस्थित नारायणी अञ्चल यातायात व्यवस्था कार्यालयमा लेखापढी व्यवसायीको काम गर्दै आएका थिए । रासस

डोटी, साउन ६ । अबिरल वर्षाका कारण आएको पहिरोमा परी एक बालकको पुरिएर ज्यान गएको छ । डोटी सायल गाउँपालिका–१ स्थित साबिकको छपाली गाबिस बिनेबडाका हरिमल भुलको घर बिहीबार आएको पहिरोले भत्किँदा उनका चार वर्षीया छोरी मनिसा भुलको पुरिएर घटनास्थलमै मृत्यु भएको हो । घटनामा हरिमल भुल र उनकी श्रीमती जमुना भुल गम्भीर घाइते भएका स्थानीयबासीले बताएका छन् । घरमा सबै सुतिरहेका बेला मध्यरातमा घरमाथिबाट पहिरो आई घर भत्काएको थियो । घर भत्कँदा घरपालुवा पशु चौपाया सबै च्यापिएर मरेको प्रहरीले जानकारी दिएको छ । गम्भिर घाइते भुल दम्पतीलाई उपचारका लागि कैलालीको धनगढी पठाइएको स्थानीयलाई उदृत गर्दै प्रहरीले बताएको छ । भुलका एक छोरा र एक छोरी भने सकुशल छन् ।

दिपायल डोटी, साउन ६ । वर्षाका कारण पहिरो आउँदा डोटीमा एक जनाको मृत्यु भएको छ । वर्षाका कारण आएको पहिरोले साबिकको छपाली बिनेपडा गाबिस र हालको सायल गाउँपालिका वडा नं. १ का हरिमल भुलको घर बगाएको हो । घर बगाउँदा उनकी ३ बर्षिया छोरी मनिसा भुलको मृत्यु भएको छ  । घरमुली हरिमल र उनकी श्रीमती जमुना भूलको भने अबस्था गम्भिर रहेको स्थानीय प्रेम नेपालीले बताए । राति सुतीरहेको अवस्थामा एक्कासी पहिरो आउँदा उक्त घटना भएको हो । हरिमलको ५ जनाको परिवारमा १ छोरा र १ छोरीलाई भने कुनै चोटपटक नलागेको बताइएको छ । घाइतेहरुलाई स्थानीय छपाली स्वास्थ्य चौकीमा प्राथमिक उपचारपश्चात धनगढी अस्पताल लगिँदै छ । घरमा चौपायाहरु सहित सिंगो घर नै भत्किएको छ । डौड प्रहरी चौकीबाट घटनाको बिबरण बुझ्न प्रहरी टोली त्यसतर्फ जाँदै छ ।

चितवन, साउन ६ । पश्चिम चितवनको गीतानगरस्थित एक घरको इनार सफा गर्न गएका मजदुरको निस्सासिएर मृत्यु भएको छ । भरतपुर महानगरपालिका–२३ स्थित नयाँ बस्तीका सोमबहादुर लोको घरमा रहेको इनार सफा गर्न गएका स्थानीयवासी ३६ वर्षीय रामकुमार रानाको बिहीबार विहान निस्सासिएर मृत्यु भएको हो । करिव ४० फिट गहिरो इनारमा पसेका मजदुर रानाको अक्सिजनको अभावमा मृत्यु भएको जिल्ला प्रहरी कार्यालय चितवनका प्रहरी उपरीक्षक दीपक थापाले जानकारी दिए । उनको ९ घण्टापछि विहीबार साँझ ७ बजे मात्र शव निकालिएको थियो । बिहान ९ः४० बजे इनार सफा गर्न गएका उनी केही समयपछि नै प्रतिक्रियाविहीन भएका थिए । स्थानीयवासीबाट घटनाको जानकारी आएपछि नेपाली सेनाको टोलीले दिउँसो उद्धारको प्रयास गरेपनि सफल हुन नसकेको चितवनका प्रहरी उपरीक्षक दीपक थापाले जानकारी दिए । सेनाको टोली २५ फिट तल पुगेपनि अक्सिजन नहुँदा भित्र जान सकेन । त्यसपछि अक्सिजनसहित कुरिनटारस्थित सशस्त्र प्रहरीको विपद् व्यवस्थापन टोली बोलाइएको थियो । सो टोलीले साँझ ७ बजेतिर करिब ९ घण्टापछि उनको शव निकालेको चितवन प्रहरीले जनाएको छ । कुरिनटारबाट टोली आउनुपर्ने भएकाले नारायणगढ–मुग्लिन सडकको बाटो भएर आउँदा उनको उद्धार गर्न लामो समय लागेको हो । उनको शव परीक्षणका लागि भरतपुर अस्पतालमा ल्याइएको छ ।

धनगढ़ी , साउन ६ ।  सामाजिक सञ्जालको दुरुपयोग गरी नेपाली महिलाको चरित्रहत्या गर्ने कार्य गरेको अारोपमा दिल्ली प्रहरीले नेपालको धनगढ़ी बाट तीन जना पुरुष एक भारतीय युवती समेत लाई पक्राउ गरेको छ। नेपाली महिलालाई नशालु पदार्थ खुवाइ अश्लील भिडियो बनाएर त्यसैका आधारमा बारम्बार धम्क्याइ रकम तथा गरगहना ठगी गरेको आरोपमा दिल्ली प्रहरीले चार जनालाई पक्राउ गरेको हो । उनले सामाजिक सञ्जाल फेसबुकको गलत दूरुपयोग गरी त्यसैमार्फत दिल्लीको चिराग दिल्लीमा एक फ्लैट लिएर फेक आडी बनाएर सामाजिक सञ्जाल मार्फत लूटपाट गर्ने गोरख घन्दा गरेको कुरा दिल्ली प्रहरीलाई निवेदनमा जानकारी गराएको छन । दिल्ली प्रहरीमा पीड़ित महिलाले उजूरी गरिएकी थिए । काल्पनिक नाम रीना बर्ष २५ बताउने पीड़ित नेपाली महिलाको नेपाल घर बैतड़ी बताउने र दिल्लीमा आफ्नो परिवार सङ्ग चार बर्ष देखी बस्दै आयेको छन । पीडित महिलालाई एक महिलासँग बाट फोन नम्बर लिएर बारम्बार फोन गर्ने गरेका थिए । पछि विभिन्न बाहाना बनाएर कोठामा बोलाइ नशालु पदार्थ खुवाएर अश्लील भिडियो खिचेर त्यसैका आधारमा महिलासँग रकम असुली गर्ने र नदिए भिडियो सार्वजनिक गरिदिन्छु भनेर मानसिक यताना समेत दिने गरेको पीड़ितले जनाएको छ। पीड़ित महिलाले यिनी अपराधीलाई कड़ा भन्दा कड़ा कारवाईको माग गरेकी छन  ।

नेपालगन्ज  साउन ६ । स्थानीय तहलाई सुशासन र पारदर्शितासगै सञ्चार मुखी बनाउनु पर्नेमा जोड दिइएको छ । अवधी पत्रकार संघ नेपाल केन्द्रीय समिति नेपालगन्जद्धारा आयोजित नवनिर्वाचित जनप्रतिनिधीहरुलाई बधाई तथा भेटघाट कार्यक्रमका सहभागिहरुले स्थानीय तहका सेवाको प्रभावकारितासंगै सुशासनमा जोड दिनुपर्ने बताएका थिए । उनीहरुले स्थानीय तह र सञ्चारको समन्वय बलियो बनाउनुपर्नेमा जोड दिदै समुदायको विकास तथा जानकारीहरु बढी भन्दा बढी मिडियासंग जोडनुपर्ने बताएका थिए । स्थानीय तहमा समाबेशी मुलक पत्रकारहरुको सहभागिता अपरिहार्य रहेको कुरा समेत औल्याइएको थियो । कार्यक्रममा नेपालगन्जका पुर्व मेयर विजय गुप्ताले पहिला परिकल्पना गरिएका योजनालाई पुर्ण रुपमा कार्यन्वयन गर्नुपर्ने बताउदै नगरको विकासमा जो कोही पनि बाधक बन्न नहुने बताउनुभयो । उहाँले अवधी भाषा, कला संसकृतिको विकास गर्न जरुरी रहेको भन्दै समाबेशीमुलक योजनाको निमार्ण गर्न सुझाव दिए । कार्यक्रममा नवनिर्वाचित उपमेयर उमा थापा मगरले नगरको समग्र विकासका लागि यो टिम सधै लाग्ने विश्वास गर्दै केही योजनाको कार्यन्वयन तत्काल शुरु गरिएको जानकारी दिए ।  पत्रकारिताको पृष्ठभुमिबाट आएकाले पत्त्रकारहरुका विभिन्न समुह संगठनको पिडा मलाई थाह छ, त्यसप्रति पनि मेरो विशेष ध्यान पुग्छ उनकाे भनार्इ छ । नेपाल पत्रकार महासंघका केन्द्रीय सदस्य झलक गैरेले भने  मिडिया कसैको पछाडी लाग्दैन, निस्वार्थ रुपमा आफना् मुल्य मान्यता अनुसार नै अघि बढने हो, जनप्रतिनिधीहरुले विकासका मुद्धा लिएर अघि बढनुपर्ने भन्दै उनले त्यसमा मिडियाको समेत साथ हुने विश्वास व्यक्त गरे । डुडुवा गाउँपालिका प्रमुख नरेन्द्र चौधरीले अवधी पत्रकार संघको जन्मदाता नै मेरो कार्यक्षेत्रबाटै शुरु भएकाले पहिला अवधी समुदायको विकास तथा सञ्चारसंगको समन्वयको कार्य पहिलो प्राथमिकतामा रहेको बताए । जानकी गाउँपालिका प्रमुख राम निवास यादवले आफनो गाउँपालिका मधेशी तथा अवधी भाषी क्षेत्र भएकाले त्यसको विकास तथा मिडियासंगको सहकार्य निरनतर अगाडी बढाउने प्रतिबद्धता गरे  ।  

काठमाडौं, साउन ६ । हिलटेक कम्पनीको नाममा रहेको को १ क १८९ नम्बरको बसका चालकले ५० पटकसम्म ट्राफिक नियम उल्लंघन गरे । कहिले लेन अनुशासन मिचेको त कहिले फरक किसिमका हेलचेक्र्याई गरेको अभियोगमा कारबाहीमा परे । चालक फेरिए पनि बस चलाउने तरिका फेरिएन । जो आए पनि कारवाहीमा परिरहे, कान्तिपुरमा खबर छ। सोविन्द तामाङले चलाएको माइक्रोबसले ठक्कर दिँदा २ वर्ष अघि नयाँ बसपार्कमा पैदलयात्री ४ वर्षीय अनुष तामाङको मृत्यु भयो । प्रहरी विवरणमा दुर्घटनाको कारण चालकको लापरवाही भन्ने प्रस्ट छ । तिनै सोविन्दले ट्राफिक अनुशासन उल्लंघन गरेबापत २७ पटक जरिवाना तिरे । तर गाडी चलाउने सरकारी अनुमति पाइरहे ।