काठमाडौं, मंसिर २० । नयाँ शक्ति पार्टीका पूर्व केन्द्रिय परिषद् सदस्य गोविन्दराज केसीको संयोजकत्वमा नयाँ पार्टी गठन गर्ने निर्णय गरेका छन । शनिबार आयोजित युवाहरुको भेलाले संयोजक सहित २५ सदस्य केन्द्रिीय समिति  रहने नयाँ पार्टी खोल्ने निर्णय  गरे । भेलाले नयाँ शक्ति पार्टी बाट अलग्गीएका नेता केसीको संयोजकत्वमा ‘प्रगतीशिल नेपाल पार्र्टी’ गठन गर्ने निर्णय गरेको संयोजक केसीले बताएका छन । नेता केसीले भने–‘यसअघि युवाहरुको भेलाले केन्द्रमा ९ सदस्य पार्टी आयोजक समिति निमार्ण गरेको थियो । हामीले शनिबार चार नम्बर प्रदेशमा भेला आयोजना गरेर थप निर्णय सहित पार्टी गठनको प्रकृया अघि बढाउने भएका छौ ।’ नयाँ शक्ति छाड्नुको कारणबारे प्रष्ट्याउदै उनले भने–‘बावुराम जीहरुको पार्टी दक्षिणपन्थि संशोधनवादको दिशामा विलिन हुने अवस्थामा पुग्यो,उहाँहरु दलाल र भष्टहरुलाई पार्टीमा केन्द्रित गर्ने अभियानमा लाग्नु भो, नाम मात्रको नयाँ शक्तिको काम भने पुरानै दिशामा केन्द्रित भएकाले पार्टी छोडेको हुँ । उहाँहरुले सुध्रिने संकेत नदेखेपछि युर्जाशिल युवाहरुको भेलाले छुट्टै पार्टी निमाण गर्ने निर्णय गरेका हुन ।’ _ शक्ती बृद्ध आश्रम भएको र भ्रस्टको सम्रक्षण केन्द्र बनेको अवस्थामा इमान्दार साथीहरु छोडदै हिंड्नु नयाँ नभएको उनको तर्क थियो । नयाँ शक्ती बाट राजिनामा दिनुको मुख्य कारण बाबुराम परिवारबादी ,संक्रिण र व्यक्तिबादी भएको भन्दै उनले १७००० नेपाली जनताको बलिदान ,त्याग र तपस्या माथि भारतीय एजेन्ट बनेर धोका दिएको आरोप लगाए । नयाँ शक्ती मौलिक पार्र्टी होइन ,बाबुराम दक्षिणपन्थी कित्तामा पुगेर बिलय भएको र बामपन्थी चरित्रका कुनै पनि नेता त्यहा अटन नसक्ने अवस्था आएकाले आफुले त्यस्तो निर्णय लिएको उनले बताए । बैदेसिक तथा गुप्तचर संस्थाबाट बाबुराम परिचालित भएको आरोप लगाउन पनि उनी पछी परेनन । उर्जाशिल युवाहरुको साथ लिदै अगाडि बढ्ने र विकास निर्माण र देशको संवृद्धीका निम्ती प्रगतीशिल पार्र्टी नेपाल खोलेर अगाडि बढेको उनले बताए । उनले आफ्नो पार्टी केहि अवधिमै गठन गरिने भन्दै अगाडि भने–‘हामीले विशेषत नेपालबाट भ्रष्टाचार मुक्त बनाउने अभियानलाई पार्टीको मुख्य कार्ययोजना बनाएर अगाडि बढ्ने भएका छौ । नेपालमा मौलाउदै गएको तमाम खाले भष्टाचारको अन्त्य गरी संवृद्ध नेपालको परिकल्पना हामीले गरेका छौ ।’ अबको निर्वाचनमा प्रगतिशिल नेपाल पार्र्टी वैकल्पिक शक्तीको रुपमा उदाउने गरी आन्तरिक तयारी भैइरहेको उनले बताएका छन । भारत,चिन लगायतका देशहरुमा विद्यार्र्थीको नेतृत्व केवल दक्ष विद्यार्र्थीले लिने गरेको तर नेपालमा भने टिके प्रणाली विकास भएको भन्दै प्रगतीशिल पार्र्टीले दक्ष नेतृत्वलाई मात्रै जिम्मेवारी दिने प्रणालिको विकास गर्ने समेत उनले बताए । को हुन गोविन्दराज केसी ? केसी यसअघि नयाँ शक्ति पार्टीका केन्द्रिय परिषद् सदस्य तथा वार्ता एवं संवाद समितिको चार नम्बर प्रदेशका संयोजक हुन । २०५५ सालबाट कम्यूनिष्ट आन्दोलनमा सहभागि भएका केसी तत्कालिन माओवादीले संञ्चालन गरेको जनयुद्धमा पनि सहभागि थिए । पार्टी खुल्ला राजनीतिमा आएसँगै सरस्वती क्याम्पस ठमेलबाट आफ्नो राजनीतिक सुढृण बनाउदै आएका केसी ,माओवादी पार्टी विभाजन अघि अखिल क्रान्तिकारी पि.एन क्याम्पस पोखराको अध्यक्ष थिए । त्यसपछि उनी अखिल क्रान्तिकारीको केन्द्रिय सचिवालय सदस्यको जिम्मेवारी सम्म पुगेका थिए । पछि पार्टीको विचार लाइनमा असन्तुष्ट हुदै तत्कालिन माओवादी नेता बाबुराम भट्टराईले नयाँ शक्ति गठन गरेपछि उनी त्यो लाइनमा क्रियाशील भएका हुन ।

सप्तरी, मंसिर २० । संयुक्त लोकतान्त्रिक मधेसी मोर्चाले सप्तरीमा एमालेलाई कुनै पनि कार्यक्रमहरु गर्न नदिने भएको छ । आइतबार बसेको मोर्चाको बैठकले एमालेलाई यस्ता अराजक खालका कुनै पनि कार्यक्रमहरु गर्न नदिने निर्णय गरेको जनाएको छ । मोर्चाले एक प्रेस विज्ञप्ती जारी गर्दै त्यस्तो निर्णयसम्बन्धी मोर्चाका संयोजक अमरनाथ मण्डलले गरेर जानकारी दिएका छन् । विज्ञप्तीमा पछिल्लो एकरडेढ वर्ष यता एमाले अध्यक्ष केपी ओली लगायत शीर्ष नेताले मधेस आन्दोलन र मधेसका बारेमा नकारात्मक टिप्पणी गरेकाले एमालेको व्यवहार नफेरिसम्म सप्तरीमा उसका कार्यक्रममा निषेध गरिएको उल्लेख छ । एमालेले मधेस आन्दोलनलाई बदनाम गर्ने काम गरेको आरोप लगाइएको छ । एमालेको कार्यक्रम निषेध गर्न मोर्चा आवद्ध दलका नेता कार्यकर्तालाई विज्ञप्तीमार्फत आह्वान समेत गरिएको छ ।

महोत्तरी, मंसिर २० । महोत्तरीमा एक दम्पतीले आफ्ना स्वर्गीय बाबु आमाको नाममा करिव १६ लाख मूल्य बराबरको जग्गा दान गरेका छन् । राधाकृष्ण मन्दिर बनाउनका लागि सो जग्गा दान गरेका हुन् । बर्दिबास नगरपालिका–२ का योगेन्द्र र पत्नी समिता हमालले मन्दिर निर्माण गर्नका लागि सडक छेउमै रहेको चार धुर जग्गा दान निःशुल्क दान गरेका हुन् । योगेन्द्रले आफ्ना बुबा स्व नारायणबहादुर र आमा दुर्गा हमालका स्मृतिमा रु १६ लाख मूल्य बराबरको सो जग्गा प्रदान गरेको स्थानीय सामाजिक अभियानकर्मी राजकरण महतोले बताए ।

सप्तरी, मंसिर २० । सप्तरीमा संयुक्त लोकतान्त्रिक मधेसी मोर्चाले एमालेलाई कार्यक्रम गर्न बन्देज गरेको छ । आइतबार बसेको मोर्चाको बैठकले यस्तो निर्णय गरेको मोर्चाका संयोजक अमरनाथ मण्डलले प्रेस विज्ञप्ती निकालेर जानकारी दिएका छन् । ‘एक–डेढ वर्ष यता एमाले अध्यक्ष केपी ओली लगायत शीर्ष नेताले मधेस आन्दोलन र मधेसका बारेमा नकारात्मक टिप्पणी गरेकाले एमालेको व्यवहार परिवर्तन नभएसम्म सप्तरीमा उसका कार्यक्रममा निषेध गरिएको उल्लेख छ ।’ । एमालेले मधेस आन्दोलनलाई बदनाम गरेको आरोप लगाइएको छ । एमालेको कार्यक्रम निषेध गर्न मोर्चा आवद्ध दलका नेता कार्यकर्तालाई विज्ञप्ती मार्फत आह्वान समेत गरिएको छ । फाइल तस्वीर

वीरगन्ज, मङ्सिर २० । सीमावर्ती भारतको खमिया गाउँबाट अवैधरुपमा तस्करी गरी नेपालतर्फ ल्याइँदै गरेको करोडौँ मूल्य बराबरको मासको दाल आज बिहान पर्सा प्रहरीले समातेको छ । भारत पश्चिमी चम्पारनको खमिया गाउँको बाटो भएर छवटा भारतीय नम्बरको ट्र्याक्टरमा अवैधरुपमा ल्याइरहेको करिब रु एक करोडभन्दा बढी मूल्यको साढे १३ सय बोरामा रहेको करिब ४० हजार किलो मासको दाल पर्सा प्रहरीले आज बिहान ४ बजे समातेको हो । पर्साका प्रहरी उपरीक्षक गोविन्द साहको नेतृत्वमा गएको टोलीले जिल्लाको जानकी नगर–९ बाट सो दाल पक्राउ गरेको हो । सो दाल कस्को हो खुल्न सकेको छैन । समातिएको सो दाल छानबिन गरी भन्सार कार्यालयमा बुझाउने भनेर जिल्ला प्रहरी कार्यालय पर्सामा लगिएको छ । रासस

सुरुङ्गा (झापा), मङ्सिर २० । होटल व्यवसायी सङ्घ झापाका अध्यक्ष भोला उप्रेतीसहित प्रहरीले गएराति सात जनालाई जुवा खेली रहेको अवस्थामा पक्राउ गरेको छ । विर्तामोडस्थित सन्दिप होटलमा जुवाको खालबाटै उनीसहित एक सहकारी संस्थाका ऋण अधिकृत टङ्क भेटवाललाई पनि प्रहरीले पक्राउ गरेको इलाका प्रहरी कार्यालय विर्तामोडका प्रहरी नायब उपरीक्षक केशव थेवेले जानकारी दिनुभयो । उनीहरुको साथबाट नगद रु एक लाख ७५ हजार बरामद गरेको छ । झापामा लामो समयदेखि जुवा खेलाउँदै आएको विशेष सुराकीको आधारमा उनीहरुलाई पक्राउ गरिएको प्रहरीले जनाएको छ । पक्राउ परेका उनीहरुलाई इलाका प्रहरी कार्यालय विर्तामोडमा राखेर थप अनुसन्धान भइरहेको छ । रासस

काठमाडौँ, मङ्सिर २० । राष्ट्रपति विद्यादेवी भण्डारीले पछिल्लो राजनीतिक अवस्थाकाबारेमा छलफल गर्न बोलाउनुभएको सर्वदलीय बैठकमा राजनीतिक दलहरुले आआफ्नै अडान दोहो¥याएका छन् । राष्ट्रपति भवन शीतल निवासमा आज भएको चार घन्टा लामो छलफलमा सत्ता पक्ष, प्रतिपक्ष र आन्दोलनरत पक्षका दलले आफ्नै अडान दोहो¥याएको बैठकमा सहभागी नेताले बताएका छन् । संविधान संशोधनको प्रस्ताव व्यवस्थापिका–संसद्मा दर्ता भएपछिको पछिल्लो राजनीतिक अवस्थाका बारेमा बुझ्न र अवगत हुन राष्ट्रपति भण्डारीले छलफलका लागि दलका शीर्ष नेतालाई बोलाउनुभएको थियो । बैठकमा मधेसकेन्द्रित दलका नेताले संशोधनको विधेयक अपुग भएको भन्दै थप परिमार्जनको माग गरेका थिए । संविधान संशोधन र परिमार्जन नभएसम्म वर्तमान समस्या समाधान नहुने भएकाले संशोधन विधेयकमा परिमार्जनको माग गरेको सङ्घीय समाजवादी फोरम नेपालका अध्यक्ष उपेन्द्र यादवले जानकारी दिनुभयो । संविधान परिमार्जन नगरी जबर्जस्ती अघिबढे थप सङ्कट र द्वन्द्व निम्तने धारणा राख्दै अध्यक्ष यादवले भन्नुभयो, “संशोधन विधेयकको यथास्थितिमा कुनै पनि निर्वाचन सम्भव छैन । विधेयक परिमार्जन भएर आओस् भन्ने हामीले धारणा राख्याँै ।” मधेसकेन्द्रित दलको मागपछि प्रधानमन्त्री पुष्पकमल दाहालले पनि संशोधनको प्रस्तावलाई सहमतिमा परिमार्जन गर्न सकिने आश्वासन दिनुभएको उहाँले बताउनुभयो । प्रधानमन्त्रीको आश्वासनले संवाद र सहमतिको बाटो खोलेको उहाँको धारणा थियो । बैठकमा राष्ट्रपति भण्डारीले सबै दल मिलेर वर्तमान समस्या समाधान गर्नुपर्छ भन्ने शुभेच्छा व्यक्त गर्नुभएको थियो । नेकपा (माले)का महासचिव सिपी मैनालीका अनुसार मधेसकेन्द्रित दलका एक नेताले बैठकमा “तत्काल समस्या समाधान गरिएन भने आज त मधेसी गुमाउनु होला तर एकदिन यस्तो पनि आउला मधेस नै गुमाउनुपर्ने हुनसक्छ” भन्नुभयो । बैठकमा नेकपा (एमाले) लगायत प्रतिपक्ष दलका नेताले प्रतिपक्षलाई अलग्याएर एकलौटी रुपमा ल्याइएको संशोधन प्रस्ताव फिर्ता लिनुपर्ने माग गरेका थिए । “सीमाङ्कनको हेरफेर गर्ने अधिकार हालको संसद्लाई छैन, त्यसैले संशोधन फिर्ता लिनुपर्छ”– नेता मैनालीले भन्नुभयो । संशोधनका कतिपय कुरा वर्तमान संविधानमा नै भएकाले संशोधन आवश्यक नभएको प्रतिपक्ष दलको धारणा थियो । बैठकमा नेपाली काँग्रेसका सभापति शेरबहादुर देउवाले संसद्मा दर्ता भएको विधेयक समस्या समाधानका लागि आवश्यक रहेकाले पारित गर्न आग्रह गर्नुभएको थियो । रासस

अच्युत रेग्मी काठमाडौँ, मंसिर । युरोपेली महादेशका विभिन्न मुलुकका व्यक्ति अत्याधुनिक उपकरण बोकेर नेपाल आउने र विभिन्न बैँकका एटिएमभित्र पसेर मोटो रकम निकाल्ने गरेका छन् । नेपाल प्रहरीको केन्द्रीय अनुसन्धान ब्यूरो (सिआइबी) ले एटिएमकार्ड प्रयोग गरी रकम निकाल्ने अधिकांश विदेशी आपराधिक पृष्ठभूमिका व्यक्ति भएको जनाएको छ । यो क्रम नेपालमा विस २०७१ मंसिरदेखि सुरु भएको हो । अत्याधुनिक उपकरण लिई पर्यटकीय भिसामा नेपाल आउने त्यस्ता व्यक्तिले जमल, असन, ठमेल, दरबारमार्गलगायतका क्षेत्रका विभिन्न बैँकका एटिएममा पसेर मोटो रकम निकाल्ने गरेको ब्यूरोले जनाएको छ । ब्यूरोले हालसम्म विभिन्न बैँकको एटिएमभित्र छिरेर मोटो रकम निकालेको आरोपमा तीन टर्केली, दुई बुल्गेरियाली र चार रोमानियालीसहित नौ युरोपेली नागरिकलाई पक्राउ गरेको छ । ब्यूरोले पछिल्लो दुई महिनामा ६ जनालाई पक्राउ गरेकामा सबै आपराधिक पृष्ठभूमिका रहेको प्रहरी निरीक्षक गोविन्द थापाले जानकारी दिनुभयो । कात्तिक ११ गते ठमेलबाट पक्राउ परेका बुल्गेरियाली नागरिक डिमो एटानोशोभ स्टेफानो बुल्गेरियामा नै चोरी गरेको आरोपमा मुद्दा खेपिरहेका थिए । यस्तै कात्तिक १९ मा होटल नेपाल तारा ठमेलबाट पक्राउ परेका गीता हुजुम सन् २००७ मा लागु पदार्थ ओसारपसारमा दुई वर्ष ९ महिना जेल सजाय भोगेका व्यक्ति हुन् । सोही दिन पक्राउ परेका इसोफ मोरारु सन् २०१२ मा इटालीमा मानहानी मुद्दा खेपेका व्यक्ति हुन् भने एलेक्स क्रिष्टियान बुगुल्लान सन् १९९० मा रोमानियाँमा चोरीको आरोपमा तीन वर्ष ६ महिना जेल सजाय भोगेका व्यक्ति हुन् । यसैगरी कात्तिक २५ मा यलो प्यागोडा होटल जमलबाट पक्राउ परेका टर्केली नागरिक मुहारिम उजुम टर्कीमा प्रतिलिपि अधिकार उलङ्घनमा कारबाही परेका व्यक्ति हुन् भने सिलाटिन यावर अवैध हातहतियार, यौनजन्य हिंसा र सरकारी कागजत किर्तेमा जेल सजाय भोगेका व्यक्ति हुन् । ब्यूरोका प्रमुख एवम् प्रहरी नायब महानिरीक्षक नवराज सिलवाल बैँकिङ कसुरसम्बन्धी कानुन नेपालमा कमजोर भएकाले यस्तो घटना मौलाउँदै गएको बताउँछन् । नेपालको एटिएम संरचना कमजोर र बैँकले बेवास्ता गरेका कारण रकम चोरी हुने गरेको बताए । त्यस्ता व्यक्तिबाट नेपाली, यूरो, अमेरिकन, फिलिपिनोलगायत रु एक करोड भन्दा बढी रकम बरामद गरिएको ब्यूरोले जनाएको छ । ती व्यक्तिबाट विभिन्न कम्पनीको ल्यापटप, मोबाइल फोन, पेनड्राइभ समेत फेला पारेको छ । नेपाली बैँकका खातावालाको रकम नेपाल र भारतका एटिएम बुथबाट मात्र निकाल्न सकिने हुनाले नेपाली बैँकका खातावालको डाटा चोरी गरी नेपालबाटै रकम निकाल्न सकिने हुँदा उक्त समूह नेपालमा सक्रिय रहेको ब्यूरोले जनाएको छ ।

सल्यान, मङ्सिर १९ । वागचौर नगरपालिका–७ सानागाडाकोटको अमृता शाहीको श्रीमान् गमाएको १५ दिन बित्दै घरमा आगलागी भएकी महिलालाई सहयोग हस्तान्तरण गरिएको छ। उनलाई स्थानीय खरीबोट बजारवासीले खरिबोट बजार व्यवस्थापन समितिको अगुवाइमा राहत स्वरुप चामल, नुन तेल, लत्ताकपडा तथा भाँडाकुडा दिएको छ । पीडित शाहीको आर्थिक अवस्था ज्यादै कमजोर भएकाले समुदायमा मानवीय भावना जगाउन सहयोग गरिएको समितिका अध्यक्ष खुमराज बुढाथोकीले जानकारी दिएको छ ।

पोखरा, मंसिर १९ । पृथ्वी राजमार्ग अन्तर्गत पोखरामा आज बिहानै टिपरले मोटरसाइकललाई ठक्कर दिँदा मोटरसाइकल चालकको मृत्यु भएको छ । पृथ्वीचोकस्थित चाइना पुलमा ग १ ख ४३५० नं को टिपरले ग २ प १०६६ नं को मोटरसाइकललाई ठक्कर दिएको थियो । मृत्यु हुनेमा पोखरा–१८ खाल्टे मसिनाका १९ वर्षीय असिम गुरुङ रहेका छन् । दुर्घटनापछि गम्भीर घाइते भएका गुरुङलाई तत्काल उपचारका लागि गण्डकी मेडिकल कलेजमा पुर्याएको थियो । उनको उपचारको क्रममा मृत्यु भएको वडा प्रहरी कार्यालय बैदामले जनाएको छ । टिपर चालक फरार रहेको र प्रहरीले निजको खोजी गरिरहेको बताइएको छ । गुरुङको शव परीक्षणका लागि पश्चिमाञ्चल क्षेत्रीय अस्पतालमा राखिएको छ ।

पोखरा,  मङ्सिर १९ । पृथ्वी राजमार्ग अन्तर्गत पोखराको पृथ्वीचोकस्थित चाइना पुलमा आज बिहान टिपरले मोटरसाइकललाई ठक्कर दिँदा मोटरसाइकल चालकको मृत्यु भएको छ । ग १ ख४३५० नं को टिपरले ग २ प १०६६ नं को मोटरसाइकललाई पछाडिबाट ठक्कर दिँदा पोखरा– १८ खाल्टे मसिनाका १९ वर्षीय असिम गुरुङ सख्त घाइते भई तत्काल उपचारार्थ गण्डकी मेडिकल कलेजमा लगिएकामा उपचार गर्दागर्दै मृत्यु भएको वडा प्रहरी कार्यालय बैदामले जनाएको छ । टिपर चालक फरार रहेको र प्रहरीले निजको खोजी गरिरहेको बताइएको छ । गुरुङको शव परीक्षणका लागि पश्चिमाञ्चल क्षेत्रीय अस्पतालमा राखिएको छ । रासस  

पाल्पा,  मङ्सिर १९ । ग्रामीण क्षेत्रका विद्यालयमा प्राविधिक विषयका कक्षा सञ्चालन हुन थालेसँगै विद्यार्थी प्राविधिक अध्ययनप्रति आकर्षित भएका छन् । कक्षा ९ देखि प्राविधिक विषय अध्ययनका लागि बाहिरी जिल्लाका विद्यार्थी यहाँ अहिले अध्ययन गर्नेहरु बढ्दैछन् । छिटो रोजगारी पाउने उद्देश्यका साथ प्राविधिक विषय गर्र्न जिल्ला बाहिरदेखि पाल्पा आउने विद्यार्थीको चाप बढेको हो । प्राविधिक विषय अन्तर्गत, कृषिबाली विज्ञानको अध्ययन पाल्पाका ग्रामीण भेगका विद्यालयमा सञ्चालन गर्ने क्रम बर्सेनि बढेको हो । स्वास्थ्य, कम्प्युटर, कृषि, पशु, इन्जिनियरिङ, नापी जस्ता प्राविधिक विषय यहाँ अध्ययन हुन्छ । पहिलो वर्षको कक्षामा ४० र दोसो वर्षको कक्षामा ४० जनाले अध्ययन गर्छन् । कृषिबाली विज्ञानका कक्षा ग्रामीण भेगका विद्यालयमा मात्र सञ्चालित छन् । छहरा गाविसस्थित नवदीप माविमा कृषिबाली विज्ञान अध्ययन गर्नका लागि रोल्पा, रुकुम, जाजरकोट, गोरखालगायत जिल्लाका विद्यार्थीले अध्ययन गर्दै आएको अध्यक्ष श्रीकृष्ण आत्रेयले बताए । पालुङमैनादी गासिवस्थित प्रभात माविमा कृषिबाली विज्ञान विषय सञ्चालनमा आएपछि पाल्पासहित रुकुम, रोल्पा, सल्यान, गुल्मी, अर्घाखाँचीलगायत जिल्लाका ४० विद्यार्थीले अध्ययन गर्ने अवसर पाएको विद्यालयका प्रअ रमेश भट्टराईले बताए । विद्यालयका सल्लाहकार समितिका अध्यक्ष डुलबहादुर कुँवरले कृषि विषयको अध्ययनले रोजगारीका अवसर प्राप्त हुने र देशलाई आत्मनिर्भर बनाउन सहयोग पुग्ने विश्वास व्यक्त गरे। रासस  

बैतडी, मङ्सिर १९  । छाउपडीको अन्त्यका लागि बैतडी जिल्लामा सुरक्षित महिनावारी राष्ट्रिय अभियान सञ्जाल गठन गरिएको छ । महिला हिंसाको अर्को रुप मानिने छाउपडी कुप्रथा अहिले पनि समाजमा व्याप्त रहेकाले यसको अन्त्यका लागि काम गर्ने उद्देश्यले सञ्जाल निर्माण गरिएको हो । इन्द्रसरा खड्काको अध्यक्षतामा शनिबार सात सदस्य राष्ट्रिय छाउपडी महिला सञ्जाल गठन गरिएको हो जसमा पार्वती भट्ट, सरस्वती भट्ट, मीना चन्द, जानकी बोगटी, अम्बिका भण्डारी, लक्ष्मी विष्ट र वसन्ती भट्ट छन् । बैतडी जिल्लालगायत सुदूरपश्चिमका विभिन्न ठाउँमा अझै पनि महिनावारी भएका बेला अलग्गै बस्नुपर्ने र दूध, दही खान नहुने परम्परा रहेको छ । छाउपडीले घरमा बस्दा देवता रिसाउँछ भन्ने पुरातनवादी सोचले महिलाले विभिन्न किसिमका समस्या सहेर बस्नुपरेको छ । जिल्लामा गठन भएको यो समितिले छाउपडीका बारेमा सचेतना फैलाउने कार्य गर्ने जनाइएको छ । रासस  

लिबाङ (रोल्पा), मङ्सिर   १९। जिल्लामा बालविवाह न्यूनीकरण गर्न भन्दै शनिबार सांसदको टोली रोल्पामा आइपुगेको छ । ‘बाल विवाह अन्तका लागि हाम्रो सामूहिक प्रयास’ भन्ने मूल नाराका साथ सम्पन्न कार्यक्रमलाई सम्बोधन गर्नका लागि संयुक्त राष्ट्र सङ्घीय जनसङ्ख्या कोष तथा विकासका लागि सांसदहरुको राष्ट्रिय मञ्च (एनएफपिपिडी) नेपालका अध्यक्ष एवम् नेपाली काँग्रेसका सांसद महालक्ष्मी उपाध्याय डिना, सांसद सरिता प्रसार्इं र सांसद अमरसिंह पुन रोल्पा आएका हुन् । शनिबार आयोजित कार्यक्रममा सांसद डिनाले धार्मिक तथा सामाजिक मूल्य मान्यता, पारिवारिक दबाब, गरिबी, बेरोजगारी, अशिक्षा, बाल श्रम, छोरा र छोरीबीचको लैङ्गिक विभेद जस्ता विकृति र विसङ्गतिले समाजमा बालविवाह हुने गरेको बताइन् । उनले बालविवाहले किशोर–किशोरीको शिक्षा, स्वास्थ्य तथा सामाजिक, आर्थिकलगायत सम्पूर्ण क्षेत्रको विकासमा नकारात्मक असर पार्नेहुँदा नेपालमा बिहावारीसम्बन्धी भएका कानुनी व्यवस्थाका बारेमा सबैलाई सचेत गराउनुपर्ने बताइन्  । कार्यक्रमका सहभागीले जिल्लामा बालविवाह न्यूनीकरणका लागि भएका प्रयास र आगामी दिनमा चाल्नुपर्ने कदमका बारेमा बृहत् छलफल गरेका थिए । हाल जिल्लामा बालविवाह न्यूनीकरणका लागि जिविस, गाविस, महिला तथा बालबालिका कार्यालय, युएनएफपिए, जिल्ला बालकल्याण समिति, सेभ द चिल्ड्रेन, हुरेक र एचफरएललगायतका सरोकारवालाको समन्वयमा २३ गाविसमा बालविवाह न्यूनीकरण अभियान सञ्चालनमा रहेको छ । रासस  

दोलखा, मङ्सिर १८ । आजदेखि दोलखा जिल्लाको जिरीमा संचालन हुन लागेको जिरी कलेजको एक समारोहमा उद्घाटन गरिएको छ । मानविकी विषयमा स्नातक तहको अध्ययन गराउने उद्देश्यका साथ यो कलेज सञ्चालनमा ल्याएका हुन् । सो अवसरमा जिरी बुद्धिष्ट कलेजका प्रमुख इन्द्रबहादुर खड्काले लुम्बिनी विश्वविद्यालयबाट सम्बन्धन प्राप्त यो कलेज दोलखाको पहिलो बुद्धिष्ट कलेज भएको बताउँदै फरक पाठ्यक्रम सहित आएको यो कलेजमा भोलिबाट कक्षा सञ्चालन हुने जानकारी दिएको छ । कलेजमा अध्ययन गर्नका लागि कक्षा १२ वा प्रमाणपत्र तह उत्तीर्ण गरेको हुनुपर्ने छ ।