इलाम, फागुन १३ । नेपाली कांग्रेसका सभापति शेर बहादुर देउबाले संविधान संशोधन भएपछि मात्रै निर्वाचन सम्भव नहुने बताएका छन् । सरकारले घोषणा गरेको मितिमा चुनाव गर्न संविधान संशोधन अनिवार्य भएको सभापति देउबाको जिकिर थियो । कार्यक्रममा भाग लिन इलाम चुलाचुली–२ स्थित हात्तीलेदा पुगेका नेता देउबाले संशोधनले ऐतिहासिक संविधानको सफल कार्यान्वयन तथा मधेश र पहाडबीचको भावनात्मक एकतालाई थप बलियो बनाउने बताए । नेपाल र नेपालीको एकता नै राष्ट्रिय एकता भएको र एउटा समुदायको आवाजलाई निषेध गरेर चुनाव सम्भव नहुने देउबाले बताए । देउबाले एमालेले लोकतान्त्रिक पद्धती नमानेर अड्को थापेकोमा आलोचना गरे ।

काठमाडौं, फागुन १३ । व्यवस्थापिका–संसद्को विकास समितिले ‘स्थानीय तहको शासन सञ्चालन तथा व्यवस्थापन सम्बन्धमा व्यवस्था गर्न बनेको विधेयक’ माथि प्राप्त सुझावलाई सम्बन्धित मन्त्रालयमा पठाउने निर्णय गरेको छ । समितिको शुक्रबार बसेको बैठकले विधेयकमाथि छलफलका क्रममा उठेका विषय वस्तुलाई लिखित सुझावसहित आइतबार सङ्घीय मामिला तथा स्थानीय विकास मन्त्रालयमा पठाउने निर्णय गरेको हो । समितिका सभापति रवीन्द्र अधिकारीको सभापतित्वमा भएको बैठकमा सांसदहरुले प्रमुख रुपमा स्थानीय तहमा लगाइने करको व्यवस्था, खाता सञ्चालन तरिका, प्राकृतिक स्रोतबाट प्राप्त हुने राजस्व बाँडफाँड तथा सञ्चित कोष, कर्मचारी विभाजन र वडा सीमाङ्कनलगायत विषयमा सुझाव दिएका थिए । स्थानीय विकास मन्त्री हितराज पाण्डे, राज्यमन्त्री श्रीप्रसाद जवेगु, सचिव केदारबहादुर अधिकारीलगायत पदाधिकारीसँग भएको छलफलमा सांसदहरु रामचन्द्र पोखरेल, जनार्दन ढकाल, कर्णबहादुर विक, भक्तबहादुर विश्वकर्मा, रञ्जना सरकार, शान्ता मानवी, तुलसा रानालगायतले विधेयकका सम्बन्धमा आ–आफ्ना धारणा राखेका थिए ।

काठमाडौं, फागुन १३ । शिवरात्रीको अवसरमा पशुपति दर्शन गर्न ४५ मिनेटभन्दा बढी कुर्नु नपर्ने भएको छ । पशुपति क्षेत्र विकास कोषले यस वर्षको शिवरात्रिमा पशुपति दर्शन गर्न आउने भक्तजनलाई मन्दिर परिसरमा प्रवेश गरेको आधा घन्टादेखि ४५ मिनेटसम्ममा दर्शन गर्न पाउने गरी व्यवस्था मिलाएको बताएको हो । कोषका सदस्यसचिव डा. गोविन्द टण्डनले गत वर्षको भन्दा छिटो दर्शन गर्न पाउने व्यवस्था गरेको र ४५ मिनेटसम्ममा दर्शनको व्यवस्था मिलाएको बताए । सर्वसाधारणलाई सुविधा होस् भनेर यसपटकदेखि कोषले विशेष पास र मूल समारोह समिति पनि हटाएको छ । ‘एक हजार रुपैयाँ तिरेर पाउने विशेष पासको व्यवस्था हटाएका छौं,’ कोषका सदस्यसचिव टण्डनले भने, ‘मूल समारोह समितिका सदस्यले आफन्त तथा चिनजानकालाई पास वितरण गर्ने र मान्छे लाने ल्याउने गर्दा दर्शनार्थीलाई असहज भएको महसुस भएर समिति नै कटौती गरिएको हो ।’ कोषले महाशिवरात्रि पर्व सञ्चालनका लागि यस वर्ष ४० लाख र गुठी संस्थानले करिब २४ लाख रुपैयाँ विनियोजन गरेको जनाएको छ । शिवरात्रि पर्वलाई सहज तथा सुरक्षित बनाउन ४ हजार नेपाल प्रहरी, २ हजार ५ सय सशस्त्र प्रहरी र राष्ट्रिय अनुसन्धानका सिभिल सुरक्षाकर्मी खटाइएको छ । शिवरात्रिको अवसरमा शुक्रबार १३ लाख भक्तजनले पशुपति मन्दिर दर्शन तथा पूजाआजा गर्ने अपेक्षा गरेको कोषले जनाएको छ । कोषका अनुसार शिवरात्रिका लागि ५ हजार साधुसन्त आइपुगेका छन । संस्थानको तर्फबाट पशुपतिनाथ मन्दिर परिसर, राम मन्दिर, मृगृस्थली गोरखनाथ, भष्मेश्वर र निर्मल अखडा लगायतका क्षेत्रमा आवश्यक सामग्रीको व्यवस्था गरिएको छ । मन्दिरमा सहभागी साधुसन्त, महात्मा, सन्यासीका लागि संस्थानले फाल्गुन कृष्ण एकादशीको दिन विभिन्न सामग्रीहरू (राडी, च्यादर, बख्खु, कमण्डलु, शंखघण्ट, पीताम्बरी, लोटा, सिदा) राष्ट्रपति विद्यादेवी भण्डारीबाट संकल्प गराएर ल्याएको र बिदाइको दिन वितरण गरिने जनाएको छ । शुक्रबार महाशिवरात्रिका दिन बिहान गुठी संस्थानले पशुपतिनाथमा पञ्चामृत स्नानसहित पूजा गरेको छ । महाशिवरात्रि अवधिभर साधुसन्त, महात्मा, सन्यासीहरूले धुनी बाल्न ३८ हजार किलो दाउरा गुठी संस्थानले व्यवस्था गरेको छ । मित्रपार्क–उमाकुण्ड–दक्षिणमूर्ति–रुद्रगाडेश्वर–बासुकी हुँदै उत्तर ढोकाको सिंढीबाट एक लाइन, गौशाला–वनकाली–चार शिवालय–पञ्चदेवल–बज्र घर हुँदै दक्षिण ढोका चौसट्ठी लिङ्गबाट अर्को लाइन र पूर्व ढोकाबाट अर्को लाइन मन्दिर प्रवेशको व्यवस्था मिलाइएको छ ।

पथरी (मोरङ), १३ फागुन । विराटनगरबाट शनिबारदेखि पूर्वका हिमशृङ्खलाको अवलोकन गराउने उद्देश्यले पर्वतीय उडान (माउन्टेन फ्लाइट) हुने भएको छ । विराट एक्स्पो आयोजक समिति तथा विराटनगरमा पर्यटनसँग सम्बद्ध सङ्घसंस्थाले पूर्वाञ्चलमै पहिलोपटक यती एअरलाइन्सको विमानबाट माउन्टेन फ्लाइट गर्न लागेको जनाएका हुन् । विराटनगरबाट सगरमाथा, मकालु, कञ्चनजङ्घा, गौरीशङ्कर हिमाल सहितका हिमशृङ्खला हेर्ने गरी व्यवस्था मिलाइएको आयोजक संस्था मध्यको विराटनगर ट्राभल्स एसोसिएसनका अध्यक्ष भविशकुमार श्रेष्ठले बताउनुभयो । उहाँका अनुसार २९–सिटे यती एअरलाइन्सको जहाजमा २२ जना जान मिल्नेगरी विराट एक्स्पोलाई लक्षित गरेर माउन्टेन फ्लाइटको व्यवस्था गरिएको छ । विराटनगरबाट पहिलो फ्लाइट शनिबार हुनेछ भने सोमबारसम्म नियमित माउन्टेन फ्लाइट हुने जनाइएको छ । काठमाडाँैबाट एक घन्टा ५ मिनेटमा अवलोकन गर्न सकिने हिमशृङ्खला विराटनगरबाट ५० मिनेटमा नै हुने श्रेष्ठले बताउनुभयो । उद्योग सङ्गठन मोरङका अध्यक्ष मुकेश उपाध्यायले अहिलेको अवस्थामा पूर्वमा धेरै सम्भावना रहेको भएपनि त्यो हुन नसकिरहेको अवस्थामा त्यो पुष्टि गराउन र सरकारलाई दबाब दिनका लागि यो एउटा नयाँ अभ्यास हुने तर्क गर्नुभयो ।

काठमाडौँ, फागुन १३। प्रधानसेनापति राजेन्द्र क्षत्रीले नेपाली सेना राष्ट्रको पहरेदार र राष्ट्रिय एकताको प्रतिविम्बका रुपमा आफ्नो कर्तव्यपथमा अडिग रही सदैव नेपाल र नेपालीको सेवामा समर्पित रहने प्रतिबद्धता व्यक्त गर्नुभएको छ । सेना दिवस २०७३ का उपलक्ष्यमा सैनिक मुख्यालय जङ्गी अड्डामा बिहिबार आयोजित समारोहमा नेपाली सेनाका सकल दर्जालाई सम्बोधन गर्दै उहाँले भन्नुभयो–“समयानुसारको परिवर्तनलाई नेपाली सेनाले सदैव आत्मसात् गर्दै आएको छ, देशको स्वतन्त्रता, सार्वभौमसत्ता, भौगोलिक अखण्डता तथा राष्ट्रिय एकताको रक्षाका लागि पूर्वजले देखाएको वीरताका गाथा नेपालको इतिहासका पानाहरुमा स्वर्णिम अक्षरले लेखिएको छ ।” पुर्खाको रगत पसिनाले जोगाएको इतिहासलाई खण्डित तुल्याउने कुनै पनि अवाञ्छनीय गतिविधि निस्तेज गर्न नेपाली सेना हरहमेसा तयारी हालतमा रहेको जनाउँदै उहाँले हाम्रो अखण्ड सुनौलो इतिहासलाई जीवित राख्न एवं राष्ट्रिय हितविरुद्ध उत्पन्न हुन सक्ने आन्तरिक तथा बाह्य सुरक्षा चुनौतीको सामना गर्न कुनै कसर बाँकी नराख्ने दृढता व्यक्त गर्नुभयो । प्रधानसेनापतिले आजै छाउनीस्थित ‘सैनिक वीर स्मारक’ मा श्रद्धाञ्जलि अर्पण गर्नुभएको थियो । सोही क्रममा नेपाली सेनाको एक टुकडीले वीरवीराङ्गनाप्रति सम्मान गारतसमेत अर्पण गरेको थियो । रासस

झापा, फागुन १२ । नेपाली कांग्रेसका सभापति शेरबहादुर देउवाले मधेस र मधेसीको माग सम्बोधन गर्न नेकपा एमाले बाधक भएको आरोप लगाएका छन् । झापा उद्योग वाणिज्य संघले आयोजना गरेको औद्योगिक व्यापार महोत्सवको उद्घाटन गर्दै कांग्रेस सभापति देउवाले सीमा र मधेसलाई सुरक्षित राख्ने मधेसी नागरिकलाई अविश्वास गर्न नहुने बताएका छन् । उनले मधेसी नागरिकको भावनालाई सम्मान गर्न नै संविधान संशोधनको प्रस्ताव आएको स्पष्ट पार्दै संविधान संशोधन गरेर मधेसी नागरिकले राखेको माग पूरा गर्नुपर्नेमा नेकपा एमाले बाधक बनेको आरोप लगाएका हुन् । उनले आगामी माघ ७ गतेभित्र तीन तहकै चुनाव गरिसक्नुपर्ने भन्दै सभापति देउवाले देशको विकासमा निर्वाचित जनप्रतिनिधिको भूमिका अग्रणी रहनेमा जोड दिएका छन् ।

काठमाडौं, फागुन १२ । ‘नेपालको संविधान (दोस्रो संशोधन), २०७३’ माथि विचार गरियोस् भन्ने प्रस्ताव व्यवस्थापिका–संसदको बहुमतले विहीबार स्वीकृत गरेको छ । सरकारले गत मंसिर १४ गते सो प्रस्ताव संसदमा दर्ता गरेको थियो भने पुस २४ गते हो–हल्ला र विरोधकाबीच व्यवस्थापिका–संसद बैठकमा पेस गरेको थियो । विपक्षी दल नेकपा एमालेलगायतले संशोधनका विपक्षमा संसदमा निरन्तर अवरोध गरेकाले त्यसयता त्यसमाथि छलफल हुन सकेको थिएन । संशोधनका लागि एक दिन संसदले ‘नेपालको संविधान ९दोस्रो संशोधन० २०७३’ माथि थप संशोधन प्रस्ताव दर्ता गराउन चाहने सांसदलाई यही फागुन १५ गते कार्यालय समयभित्रको समयसीमा दिएको छ । सभामुख ओनसरी घर्तीले संशोधनमाथि संशोधन दर्ता गराउन चाहनेका लागि समय तोकिएको सदनमा जानकारी दिइन् । यसअघि, प्रमुख विपक्षी दल एमालेसहित ९ दलीय मोर्चाले विहीबार ९आज०को बैठकमा ‘मौन विरोध’ गर्ने घोषणा गरेपछि संशोधनका सैद्धान्तिक पक्षमा छलफल सुरु भएको थियो । नेपाल मजदुर किसान पार्टीका तीन सांसदको विरोधकाबीच सुरु भएको छलफलमा भाग लिँदै तराई–मधेस लोकतान्त्रिक पार्टीका सर्वेन्द्रनाथ शुक्लाले संशोधन प्रस्ताव जनहितका खातिर पारित गर्नैपर्ने बताए । संशोधनका सैद्धान्तिक पक्षमाथिको छलफलमा भाग लिने अधिकांश सांसदले ‘राष्ट्रिय एकता, अखन्डताको सुनिश्चितता तथा संविधान सबै नेपालीलाई मान्य होस् र त्यसले देशलाई एकताको सूत्रमा बाँध्न सकोेस्’–भने । निर्वाचनको वातावरण बनाउन संशोधन ल्याइएको स्पस्ट गर्दै उनीहरूले आपसी छलफल र संवादबाटै विधेयक पारित गर्नुपर्नेमा जोड दिए । केही सांसदले भने तराई–मधेसका जनता तथा थारुका समस्या समाधान संवैधानिकरुपमा नै समाधान गर्नुपर्ने बताए । अबको संशोधन अपूरो नहोस् भन्ने उनीहरूको अभिमत थियो । छलफलमा भाग लिनेमा रुक्मिणी चौधरी, वेदमाया भण्डारी, रामकुमार राई, मोक्तार अहमद, प्यारेलाल राना, गीता क्षत्री, गंगा चौधरी, फरमुल्लाह मन्सुर, तेजुलाल चौधरी, गोपाल दहित, सुरेन्द्रप्रसाद चौधरी, रामअयोध्याप्रसाद यादव, भेषकुमारी राउत, उमेशकुमार यादवलगायत थिए । छलफलमा उठेका प्रश्नको जवाफमा कानुन, न्याय तथा संसदीय मामिलामन्त्री अजयशंकर नायकले विपक्षी दलको विश्वास जित्ने प्रयास भइरहेको बताउँदै अनिर्णयको बन्दीकारुपमा फसेको मुलुकलाई समाधान दिन संविधान संशोधन प्रस्ताव गरिएको स्पस्ट गरे । नेपालका सबै वर्ग र क्षेत्रको स्वामित्व सुनिश्चित गर्न र मुलुकलाई आर्थिक सामाजिक–आर्थिक रुपान्तरणको मार्गप्रशस्त गर्ने संविधान संशोधन प्रस्ताव पारित गर्न सबै राजनीतिक दललाई आग्रह उनले गरे । विहीबारैको बैठकले ‘प्रधानन्यायाधीश तथा सर्वोच्च अदालतका न्यायाधीशको पारिश्रमिक, सुविधा र सेवाका अन्य सर्तसम्बन्धी विधेयक, २०७३’ तथा ‘उच्च अदालत तथा जिल्ला अदालतका न्यायाधीशको पारिश्रमिक, सुविधा र सेवाका अन्य सर्तसम्बन्धी विधेयक, २०७३’ माथिको विरोधको सूचना बहुमतले अस्वीकृत गर्‍यो । सांसद प्रेम सुवाल, डिल्लीप्रसाद काफ्ले र अनुराधा थापामगरले दुबै विधेयकमा विरोधको सूचना प्रस्तुत् गरेका थिए । बैठकमा ती दुबै विधेयक कानुन, न्याय तथा संसदीय मामिलामन्त्री नायकले पेस गरेका थिए । त्यसअघि, उक्त विधेयकका विरोधमा सुवाल, काफ्ले र थापाले प्रस्तुत् गरेको विरोधको सूचनालाई बहुमतले अस्वीकृत भएको थियो । महाअभियोगबारेको प्रतिवेदनमाथि विचार गरियोस् भन्ने प्रस्ताव स्वीकृत व्यवस्थापिका–संसदको विहीबारको दोस्रो बैठकले ‘अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्ध व्यवस्थापिका–संसदमा पेस भएको महाअभियोगको प्रस्तावसम्बन्धी छानबिन प्रतिवेदन, २०७३ माथि विचार गरियोस्’ भनी प्रस्तुत् प्रस्ताव सर्वसम्मतिले स्वकिृत गरेको छ । महाअभियोग सिफारिस समितिका सदस्य रामनारायण बिंडारीले उक्त प्रस्ताव पेस गरेका थिए । त्यसअघि, उक्त प्रस्तावमाथिको छलफलमा भाग लिँदै नेपाली कांग्रेसका रामहरि खतिवडाले सर्वोच्च अदालतले आयोगका प्रमुख आयुक्तमा कार्कीको योग्यता नपुग्ने ठहर गरिसकेको बताए । व्यवस्थापिका–संसदको अर्को बैठक यही फागुन १९ गते अपराह्न १३ः०० बजे बस्नेछ ।

रुकुम, फागुन १२ । प्रधानमन्त्री पुष्पकमल दाहाल ‘प्रचण्ड’ले संसदमा पेस भएको संशोधन बिधेयक आजबाट प्रक्रियामा जाने बताएका छन् । रुकुम मुसिकोटमा आजदेखि सुरु भएको मध्यपश्चिमान्चल रुकुम महोत्सवको उदघाटन गर्दै प्रधानमन्त्री प्रचण्डले प्रमुख प्रतिपक्षी एमालेसँग संशोधन प्रस्तावलाई प्रक्रियामा लाने सहमती भएको बताएका छन् । प्रधानमन्त्री प्रचण्डले भने ‘सत्तापक्ष र प्रतिपक्ष बिचमा संशोधन प्रस्ताब प्रक्रियामा लाने सहमती गरेर म यहाँ आएको छु । हिजो राती अबेलासम्म हामी सहमतीको प्रयासमा थियौ आज त्यो प्राप्त भयो ।’ प्रधानमन्त्रीले मङ्सिर भित्रै तिनवटै तहको चुनाब गरिसक्न सरकारले तयारी गरेको बताए ।

मुसीकोट, फागुन १२ । प्रधानमन्त्री पुष्पकमल दाहाल ‘प्रचण्ड’ले माओवादी जनयुद्दकै कारण यति उपलब्धि भएको भन्दै अब चुनावको लड़ाईमा लाग्न आफ्ना कार्यकर्ताहरूलार्इ निर्देशन दिएका छन् । रुकुमको मुसिकोट नगर्पालिका वार्ड ६ स्थित सहिद स्मारकमा आयोजित कार्यक्रमलार्इ सम्बोधन गर्दै प्रधानमन्त्री प्रचण्डले भने –‘हामीले सुरु गरेको मिसन पूरा भएको छैन हामी आफ्नो योजना सफल बनाउन उकालो र अप्ठेरो बाटो हिडिरहदा चौतारिमा बसेका छौ, सङ्घिय गणतन्त्र त्यही चौतारी हो । यहि चौतारिमा बसेर नया तागत ल्याएर सामाज्वाद तिर जानुछ । तपाइहरुलाइ भ्रम नहोस् ।’ प्रधानमन्त्रीले थपे, ‘तपाईं आधार इलाकाका कम्रेड हामिले हाम्रो बाटो बिर्सेका छैनौ । हाम्रै कारण ठूलठूला राजनीतिक परिवर्तन सफल भए । यसको रक्षा र बिकास हामीले नै गर्नुछ ।’ रोल्पा रुकुमले हिजो गरेको योगदान दुनियाले हेरेको छ भन्दै प्रधानमन्त्रीले समाजवाद्को निर्माणका लागि आर्थिक बिकास आवश्यक रहेको बताए । उनले भने ‘आर्थिक विकास गरेर मात्रै सामाजवादि क्रान्तिको सफलताको आधार बन्छ ।’ सरकारले चुनावको मिति घोषणा गरिसकेकोले एकताबद्द भएर चुनावमा लाग्न जिल्लाका नेता कार्यकर्तालार्इ उनले निर्देशन दिए । सम्बोधनका क्रममा प्रधानमन्त्रीले अप्ठ्यारोमा संविधान जारी गरेको बताए । तर यसलार्इ संबोधन गर्न आवश्यक रहेको भनार्इ व्यक्त गरे । संविधान कार्यान्वयनको लागि पनि चुनाव जरुरी रहेको भन्दै उनले चुनाव नहुने हो भने संबैधानिक सङ्कट आउने भएकोले र राजनितिक उपलब्धी गुम्न नदिन सरकारले चुनाव गराउन लागि परेको दाबी गरे । ‘निर्वाचन अभियानकै रुपमा गर्नुछ’– प्रधानमन्त्री प्रचण्डले भने –आउने मङ्सिर भित्रै प्रदेश र केन्द्रीय चुनाव हुन्छ ।’ नेता कार्यकर्तालार्इ उनले भने ‘हिजो हामीले यहिबाट सुरु गरेको युद्धले यहाँसम्म उपलब्धी ल्याउन मद्दत गर्यो अब निर्वाचनको लडाइँ जित्नुछ यो त हाम्रो आधार इलाका हो यहाँ त पुरै जित्नै पर्छ । त्यसको लागि एकताबद्ध भएर लाग्नुहोला । उनले जनयुद्धको जग्गा सम्बन्धी कुरा मन्तृपरिसदबाट सैद्धान्तिक सहमति भैसकेको बताए । हाम्रो क्याबिनेटमै सहमती भैसकेको छ जग्गा सम्बन्धी समस्या हल हुन्छ तपाइहरु ढुक्क भएर अघि बड्दा हुन्छ । सहिद परिवारलाई सेयर होइन नगद प्रधानमन्त्री प्रचण्डले जनयुद्धका सहिद बेपत्ता परिवारलार्इ तामाकोशीको सेयर दिने कुरा कानुनी झन्झट्ले रोकिएको बताए । ‘अब हामीले सहिद बेपत्ता परिवारलाई पाँच लाख नगद दिने छौं यसका लागि अर्थ मन्त्रालय र शान्ति तथा पुनर्निर्माण मन्त्रालयसँग सहमति भैसकेको छ सबैलाइ पाँच लाख निकासी हुन्छ’ प्रधानमन्त्री प्रचण्डले भने । कामी बुढा सहिद प्रचण्डले जनयुद्धका प्रथम सहिद कामी बुढालार्इ राष्ट्रिय सहिद घोषणा हुने बताए ।सहिद बारेमा कार्यदल बनाएर राष्ट्रिय सहिद घोषणा गर्ने कार्यक्रम भएको भन्दै प्रधानमन्त्री प्रचण्ड नेतृत्वको सरकार हुँदा नै त्यो काम हुने उनले बताए ।

कन्चनपुर, फागुन १२ । राज्यले आफूहरुलाई बेवास्ता गरेको भन्दै राजमार्ग बन्दमा उत्रिएका कञ्चनपुरका आरक्षपीडित र प्रहरीबीच विहीबार झडप भएको छ । झडपमा परी प्रहरी निरीक्षकसहित दुई दर्जनभन्दा बढी घाइते भएका छन् । आरक्षपीडित संघर्ष समिति कन्चनपुरको अगुवाइमा पूर्व–पश्चिम राजमार्गको अत्तरिया–महेन्द्रनगर खण्डमा पर्ने कलुवापुरमा प्रदर्शन गर्दै राजमार्ग बन्द गरेपछि खुलाउन गएको प्रहरीसँग झडप भएको हो । झडपमा सशस्त्र प्रहरी निरीक्षकसहित दुई जवान र नेपाल प्रहरीका चारजना घाइते कञ्चनपुरका एसपी प्रकाश चन्दले जानकारी दिएका छन् । यस्तै, झडपमा दुई दर्जन बढी आन्दोलनकारी पनि घाइते भएको पनि उनले बताए । जिल्ला प्रहरी कार्यालय कन्चनपुरले आन्दोलनकारीले अटेरी गर्दा बल प्रयोग गर्नुपरेको जनाएको छ । सरकारले आरक्षपीडितको माग सुनुवाइ नगरेको भन्दै पूर्वपश्चिम राजमार्गअन्तर्गत् कलुवापुरमा जम्मा भएर पीडितले राजमार्ग अवरुद्ध पारेका थिए । २०५८ सालमा शुक्लाफाँटा आरक्ष विस्तारकोक्रममा विस्थापित भएका पीडितको अहिलेसम्म पुनःस्थापना हुन सकेको छैन ।

काठमाडौं, फाल्गुन १२ । प्रधानमन्त्री पुष्पकमल दाहालले तोकिएकै समयभित्र निर्वाचन हुने भन्दै निर्वाचनका लागि तयारी अवस्थामा बस्न अाफ्ना कार्यकर्ताहरूलाइ निर्देशन दिएका छन् । उनले ताेकिएको समयमा निर्वाचन नभए मुलुक गम्भिर संवैधानिक संकटमा फस्ने समेत बताएका छन् । रुकुमको सदरमुकाम खलंगामा बिहीबार पार्टी कार्यकर्ता प्रशिक्षणलाई सम्बोधन गर्दै प्रधानमान्त्री प्रचण्डले २०७२ असोजमा जारी संविधानमा नै २०७४ सालको माघ ७ गते भित्रै स्थानीय, प्रदेश र संघको निर्वाचन गरिसक्नुपर्ने उल्लेख गरिएकाले तोकिएको समयसीमाभित्र भित्र तीन वटै तहको निर्वाचन भइसक्नुपर्ने बताए । प्रधानमन्त्री प्रचण्डले सबै खालका निर्वाचनमा होमिन नेता कार्यकर्तालाई निर्देशन दिएका छन् । उनले भने, ‘देशमा हुनसक्ने संवैधानिक र राजनीतिक संकट टार्न मात्रै होइन, देशको समग्र विकासका लागि पनि डेडलाइन भित्रै सबै तहको निर्वाचन गरिसक्नुपर्ने छ त्यसैले यसमा सरकार पूर्ण रुपमा लागेको छ तपाईं सबै नेता कार्यकर्ता पनि जनतामाझ जानुहोस् र सरकारले घोषणा गरेको निर्वाचन सफल बनाउन सघाउनुहोस् ।’ सरकार आगामी २०७४ मंसिर भित्र सबै तहको निर्वाचन गराउनेतर्फ लागेको भन्दै उनले निर्वाचनमय वातावरणलाई कसैले रोक्न नसक्ने उल्लेख गरे । सरकार वैशाख ३१ गते तोकिसकिएको स्थानीय तह र त्यसपछि प्रदेश र संघको निर्वाचन लगातार गर्ने योजनाका साथ अघि बढीरहेको बताउँदै सरकारले बनाएको योजना र कार्यक्रम अनुसार पनि आगमि मंसिर भित्रमा तीन वटै तहको निर्वाचन गर्न सकिने समय पर्याप्त रहेको उनको भनाई छ । फरक प्रसंगमा प्रधानमन्त्री दाहालले विगत सशस्त्र युद्धको क्रममा जनसत्ता मार्फत रजिष्ट्रेशन पास गरिएका लिखतले छिट्टै कानूनी मान्यता पाउने आश्वास दिएका छन् । स्थानीय तहको निर्वाचन तोकिएको २०७४ वैशाख ३१ गते अगावै रजिष्ट्रेशनको समस्या सल्टाउने गरी सरकारले काम गरिरहेको उनले बताए । सशस्त्र युद्धको क्रममा मारिएकाहरुको परिवारलाई एकमुष्ट थप पाँच लाख राहत प्रदान गर्ने योजनामा पनि सरकार रहेको पनि प्रधानमन्त्री प्रचण्डले बताए ।

काठमाडौं, फागुन १२ । नयाँ शक्ति पार्टी नेपालका संयोजक डा. बाबुराम भट्टरार्इ पार्टी निकायमा कुनै छलफल नगरी पार्टी निति विपरित स्वेच्छारी ढंगले चलेको भन्दै नयाँ शक्ति नेपालका ९ जना केन्द्रीय परिषद सदस्यले विज्ञप्ति निकालेका छन् । १९ वर्ष पछि संविधान बमोजिम हुन लागेको स्थानीय निकायको निर्वाचनको कार्यतालिका समेत सार्वजनिक भइसकेको अवस्थामा स्थानीय चुनावका विरुद्ध मधेसी मोर्चासँग मिलेर विज्ञप्ति निकालेको प्रति आफूहरुको गंभिर ध्यान आकर्षण भएको उनीहरुले विज्ञप्तिमा जनाएका छन् । विज्ञप्तिमा भनिएको छ – ‘हाम्रो पार्टी सिंगो देशको आर्थिक संवृद्धिको लागी गठन भएको पार्टी हो , सबै उत्पिडित वर्ग , जाति , क्षेत्र र समुदायको समतामुलक सम्वृद्धिको लागि गठन भएको पार्टी हो । कुनै क्षेत्र वा समुदायको एजेण्डा बोकेर हिड्न पाटी यो होइन । नयाँ शक्ति पार्टीलाई नै चुनाव विरोधी देखाउने गरि आएको सो विज्ञप्तिमा सहि गर्ने आफ्नो एकल निर्णय फिर्ता गर्न नयाँ शक्ति पार्टी नेपालका संयोजक डा। बाबुराम भट्टराईलाई हामी हार्दिक आव्हान गर्दछौं ।’ साथै उनीहरुले आगमी केन्द्रीय परिषदको बैठकमा स्थानीय तहको निर्वाचन सम्बन्धि सस्थागत निर्णय गरेर मात्र अघि बढ्न आग्रह गरेका छन् । यस्ताे छ विज्ञप्ती

काठमाडौँ, फागुन १२ । उपप्रधान तथा गृहमन्त्री विमलेन्द्र निधिले निर्वाचन र संविधान संशोधन विशेष प्राथमिकताका साथ अगाडि बढेको बताएको छ । घरेलु तथा साना उद्योग विकास समितिले आज यहाँ आयोजना गरेको २८औँ राष्ट्रिय वस्तु तथा प्रविधि प्रदर्शनी र उत्कृष्ट लघु, घरेलु तथा उद्यमी पुरस्कार वितरण कार्यक्रम शुभारम्भ गर्दै उहाँले सबैलाई मिलाएर निर्वाचन गरिने बताए । गृहमन्त्री निधिले भन्नुभयो, “नयाँ संविधान कार्यान्वयन गर्नुपर्ने जिम्मेवारी छ, त्यसका लागि आगामी वर्षको माघ ७ गतेभित्र तीनै तहको निर्वाचन गर्नुपर्छ ।” उनले स्थायी सरकारसहितको समृद्धिका लागि पनि निर्वाचन अपरिहार्य भएको उल्लेख गरे । मुलुकलाई समृद्धिको बाटोमा लैजानका लागि उपयुक्त नीति आवश्यक हुने बताउँदै गृहमन्त्री निधिले सबै किसिमको लगानीमैत्री वातावरण बनाउन सरकार प्रतिबद्ध रहेको स्पष्ट पारेका छन् । औद्योगिक उत्पादन वृद्धि गर्नका लागि नयाँ प्रविधिको उपयोग गर्नुपर्नेमा जोड दिँदै उहाँले भन्नुभयो, “साना तथा घरेलु उद्योगलाई प्रवद्र्धन गर्नपर्छ, उपयुक्त प्रविधि प्रयोग गरेर उत्पादकत्व वृद्धि गर्नुपर्छ ।” साना उद्योगका उत्पादनलाई सरकारले बजारको व्यवस्था मिलाउने बताउँदै गृहमन्त्री निधिले थोरै लगानीमा आफ्नै गाउँमा पुँजी निर्माण गर्न सकिने साना उद्योगको प्रवद्र्धनमा जोड दिइने जानकारी दिए । कार्यक्रममा उद्योग राज्यमन्त्री कञ्चनचन्द्र वादेले साना उद्योगको प्रवद्र्धनका लागि सरकारले पहल गर्ने र साना तथा घरेलु उद्योगमैत्री नीतिलाई प्राथमिकताका साथ अघि बढाइने उल्लेख गरे । विसं २०४२ देखि निरन्तर गरिँदै आएको प्रदर्शनीमा ७५ जिल्लाका साना तथा घरेलु उद्योगीले भाग लिँदै आएका छन् । यस पटकको प्रदर्शनीमा ३०० वटा प्रदर्शनीकक्षमा मुलुकभरका उद्योगीले आफ्ना उत्पादन बिक्री तथा प्रदर्शनीमा राखेका छन् । छ दिनसम्म चल्ने यस मेलामा तीन लाखजनाले अवलोकन गर्ने र रु पाँच करोडभन्दा बढीको कारोबार हुने समितिका अध्यक्ष दीपेन्द्र आचार्यले जानकारी दिए । घरेलु उत्पादनको बजार प्रवद्र्धन तथा उद्योग र उपभोक्ताबीच परिचय गराउने उद्देश्यले आयोजना गरिएको यस प्रदर्शनीले उद्योगमा हौसला थपिने समितिका कार्यकारी निर्देशक रमेशचन्द्र उपाध्ययले उल्लेख गरे ।

म्याग्दी, फागुन  १२ । स्थानीय तह निर्वाचनको घोषणा भएपछि म्याग्दीका ग्रामीण क्षेत्रमा उत्साह छाएको छ । गाउँका राजनीतिकर्मी, अगुवा, युवा, महिला, दलित र बौद्धिक वर्गमा वैशाख ३१ का लागि घोषणा भएको स्थानीय तह निर्वाचनको चर्चा र बहस चल्न थालेको हो । स्थानीय निर्वाचनले जनप्रतिनिधि विहीन अवस्थाको अन्त्य, विकास निर्माणले गति लिने, सार्वजनिक सेवा प्रवाह सहज बन्ने, संविधानको कार्यान्वयन र भागबन्डाको राजनीति अन्त्य हुने सर्वसाधारणको अपेक्षा छ । निर्वाचनको मिति घोषणाले ग्रामीण क्षेत्रका बासिन्दालाई उत्साहित बनाएको शिख–२ का दुर्गाबहादुर खातीले बताए । “स्थानीय तहको सेवा सुविधा सहज हुने, विकास निर्माणले गति लिने अपेक्षा छ” खातीले भने-  “गाउँका जनता प्रतिनिधि छनोट गर्न मतदानका लागि ब्यग्र प्रतिक्षामा छन् ।” मतदानको मिति घोषणा भएकोमा खुसी लागेको शिख–९ का पूर्णबहादुर पाइजाले बताए । गाउँगाउँमा सम्भावित उम्मेदवारको चर्चासँगै राजनीतिक सक्रियता बढेको पाइजाले बताए । नेपाली काँग्रेस, नेकपा ९एमाले०, नेकपा माओवादी केन्द्र, राप्रपालगायतका दलभित्र उम्मेदवार छनोटको विषयमा चर्चा सुरु भएको छ । भेटघाट, भेला, प्रशिक्षण, सङ्गठन विस्तारको कामले गाउँमा नेता पुग्न थालेपछि चहलपहल बढेको हो । मधेस केन्द्रित दलको असन्तुष्टि र पुनःसंरचनाको सवालले निर्वाचनमा चुनौती थपिएपनि संविधान कार्यान्वयन र विकासका लागि स्थानीय तहको निर्वाचन अपरिहार्य रहेको भुरुङ तातोपानीका वुद्धि पुनले बताए । “निर्वाचनको वातावरण बनाउन सबै जुट्नुपर्छ” उनले भने- “स्थानीय तहको निर्वाचन भएपछि जनताले राजनीतिक परिवर्तनको अनुभूति गर्न पाउँछन् ।” एक नगरपालिका र पाँच वटा गाउँपालिका प्रस्तावित म्याग्दीमा निर्वाचनका लागि १२ वटा राजनीतिक दल दर्ता भएका छन् ।

काठमाडौं, फागुन १२ । त्रिभुवन विश्वविद्यालय केन्द्रीय क्याम्पसमा माओवादी केन्द्र निकट अखिल क्रान्तिकारीको जीत घोषणा हुन मात्र बाँकी रहेको अखिल क्रान्तिकारीका अध्यक्ष नरेन्द्र न्यौपानेले वताएका छन् । न्तिकारीले धेरै अगाडि स्थापित र लोकप्रिय उम्मेदवार अघि सारेको चर्चा गर्दै न्यौपानेले भने– ‘ चुनावी रेसमा अरु संगठन धेरै पछि परिसकेका छन्।’ न्यौपानेले थपे– ‘हाम्रो उम्मेदवार तिलक उपाध्यायले विद्यार्थीको मन जितिसकेका छन्,अब जितको घोषणा हुनमात्र बाँकी छ।’ अहिले सम्म त्रिविमा अनेरास्ववियु र नेविसंघले उम्मेदवार चयन गर्न सकेका छैनन् । आज त्रिवि परिसरमा आयोजित कार्यक्रममा अध्यक्ष न्यौपानेले भने– ‘विगतमा हामीले टियु जितेर सेमेस्टर प्रणाली लागु गरायौं। अब यसलाई गुणस्तरीय वनाउंदै टियुलाई सेन्टर फर एक्सिलेन्स् बनाउने छौं ।’ गत निर्वाचनमा हिमाल शर्माको नेतृत्वमा क्रान्तिकारीले त्रिभुवन विश्वविद्यालयमा पुरै प्यानल जितेको थियो । अस्कल क्याम्पसवाट विएस्सी ।गरेर त्रिवि आएका कालिकोटका तिलक उपाध्यायको निकै राम्रो माहौल रहेकोले जीत सुनिश्चित रहेका क्रान्तिकारीका त्रिवि समिति इन्चार्ज गेहेन्द्र ढकालले बताए ।