काठमाडौं । सरकारले बैंक बित्तिय क्षेत्रमा उत्कृष्ट सेवा पुर्याए बापत बैंक क्षेत्रमा उच्च योगदान पुर्याएका ब्यक्ती बिशेषलाई सम्मान गर्ने भएको छ । बैंक बित्तिय क्षेत्रमा लामो समय लगाएर आम नागरिकको हितमा पुर्याएको योगदानको कदर गर्दै सरकारले राष्ट्रपति विद्यादेवी भण्डारी समक्ष विभिन्न मान पदवी सहित सम्मानका लागि सिफारिस गरेको हो । २०७६ असोज ३ गते संबिधान दिवसको बिशेष समारोहमा बैंक बित्तियबाट पाँच भाईले राष्ट्रपतिबाट मान पदवी पाउने भएका हुन् । बैंक वित्तिय क्षेत्रबाट  मानपदवी पाउने हस्तीहरुमा ग्लोबल आइएमई बैंकका अध्यक्ष एबं चर्चित उधोगपति चन्द्र ढकाल, नेपाल बैंक लि.का अध्यक्ष वासुदेव अधिकारी, एनआईसी एसिया बैंकका कार्यकारी प्रमुख अर्थात सिइयो रोशन कुमार न्यौपाने, सेञ्चुरी बैंकका प्रमुख बजार अधिकृत रञ्जन खड्का, एभरेष्ट बैंकका नायव प्रबन्धक रामराजा उप्रेती रहेका छन् ।

अमेरिकाः विदेशमा रहेका नेपालीहरुलाई मतदानको व्यवस्था गर्न नेपाली जनसम्पर्क समिति अमेरिकाले नेपाल सरकारको ध्यानाकर्षण गराएको छ । सर्वोच्च अदालतले एक वर्ष पहिले नै यस्तो व्यवस्था गर्न सरकारका नाममा आदेशसमेत जारी गरिसकेको छ । तर सर्वोच्च अदालतको आदेशलाई समेत वर्तमान सरकारले गम्भीरतापूर्वक नलिएको भन्दै जनसम्पर्क समितिले अब कुनै विलम्ब तुरुन्त आवश्यक पहल गर्न सरकारसमक्ष ज्ञापनपत्र पेश गर्दै आग्रह समेत गरेको छ । समितिले सम्बन्धित मुलुकका दूतावास वा कन्सुलेट अफिसमार्फत यस्तो ज्ञापन पत्र बुझाउन निर्देशन जारी गरेको छ । सोही निर्देशनअनुसार बिहीवार नेपाली जनसम्पर्क समिति अमेरिकाले वासिंगटन डिसीस्थित नेपाली राजदूतावास मार्फत सरकारलाई ज्ञापन पत्र बुझाएको छ । सोही ज्ञापनपत्रमा सर्वोच्चको आदेशअनुसार तत्काल मतदानको प्रबन्ध मिलाउने व्यवस्था गर्न सरकारको ध्यानाकर्षण गराइएको समितिको तर्फबाट नेतृत्व गर्दै दूतावास पुगेका समितिका केन्द्रीय सभापति आनन्द विष्टले जानकारी दिए । कांग्रेसका आमन्त्रित केन्द्रीय सदस्यसमेत रहेका सभापति विष्ट नेतृत्वको एक प्रतिनिधि मण्डलले राजदूत डा.अर्जुन कुमार कार्कीलाई भेटेर ज्ञापन पत्र बुझाएको हो । सभापति विष्टले ज्ञापनपत्र बुझाएपछि राजदूत डाक्टर कार्कीले समितिको तर्फबाट बुझाइएको ज्ञापन पत्र नेपाल सरकार समक्ष तत्काल पुर्याउने प्रतिवद्धता व्यक्त गरे । नेपाली जनसम्पर्क समिति अमेरिकाले बुझाएको ज्ञापन पत्र विषयमा गैर–आवासीय नेपाली संघ (एनआरएन) अमेरिकाले समेत ऐक्यबद्धता जाहेर गरेको छ । एनआरएनले दोहोरो नागरिकताको मागलाई निरन्तर उठाई रहेको सन्दर्भ जोड्दै ज्ञापनपत्र बुझाउने प्रतिनिधि मण्डलमा सहभागी एनआरएन अमेरिकाका उपाध्यक्ष कृष्णजीवी पन्थले विदेशमा रहेका नेपालीहरुलाई मतदानको व्यवस्था मिलाउन सर्वोच्चको आदेश कार्यान्वयन गर्न सरकारलाई खबरदारी गर्ने गरी समितिले गरेको पहलको सह्राहना गर्दै समितिले उठान गरेको विषयमा ऐक्यबद्धता जाहेर गरेका थिए । यसैगरी एनआरएन अमेरिका मेरिल्याण्ड च्याप्टरका अध्यक्ष डोलनाथ घिमिरेले पनि जनसम्पर्क समितिले उठान गरेको एजेन्डामा ऐक्यबद्धता जाहेर गरे ।

काठमाडौँ, दक्षिण अफ्रिकाका पूर्व फास्ट बलर काइल एबोटले काउन्टी च्याम्पियनसिपको एउटै खेलमा ८६ रन दिएर १७ विकेट लिएर सनसनी मचाएका छन्। ह्याम्पसायरको तर्फबाट खेल्दै ३२ वर्षीय एबोटले बनाएको यो रेकर्ड ६३ वर्ष यताकै प्रथम श्रेणी क्रिकेटको उत्कृष्ट बलिङ्ग प्रदर्शन हो। यस अघि १९५६ मा इङल्याण्डका अफ स्पिनर जिम लेकरले अस्ट्रेलियाविरुद्धको टेस्टमा ९० रन दिएर १९ विकेट लेइका थिए। आजसम्मकै आँकडा  हेर्दा भने एबोटको यो प्रदर्शन प्रथम श्रेणी क्रिकेटकै १० औं सर्वश्रेष्ठ प्रदर्शन हो। एबोट ले पहिलो इनिङमा ४० रङ खर्चेर ९ विकेट लिएका थिए।  यो प्रथम श्रेणी क्रिकेटको २२ औं सर्वश्रेष्ठ प्रदर्शन हो। दोसो पारीमा पनि निकै आक्रामक बनेका उनले ४६ रन दिएर ८ विकेट झारे।  एबोटको प्रदर्शनका कारण ह्याम्पसयरले समरसेटविरुद्ध १३६ रन्को जीत हात पारेको थियो।

काठमाडौंः सत्तारुढ दल नेकपाका युवा संगठन युवा संघ ज्ञानेन्द्र शाहीलाई बिभिन्न जिल्लामा प्रवेश निषेध गरेको छ । संघले शाहीलाई कास्की, दाङ, धनुषा, रुपन्देही र कैलालीमा प्रवेश निषेध गरेको विज्ञप्तिमार्फत जनाएको छ । गत शनिबार पर्यटनमन्त्री योगेश भट्टराईका कारण नेपालगञ्जमा प्लेन उडान ढिलाई भएको भन्दै शाहीलगायतका युवाहरुले भट्टराईमाथि दुव्र्यवहार गरेका थिए । त्यसपछि युवा संघका नेताहरु शाही विरुद्ध खनिएका हुन् ।

काठमाडौं । युरोपियन च्याम्पियन्स लिग फुटबलको नयाँ सिजन आजबाट सुरु हुँदैछ । आज राति समूह चरणका आठ खेल हुनेछन् । आज इंग्लण्डको लिभरपुलले इटालीको नापोलीसँग उसैको मैदानमा खेल्दा अर्को इङ्गलिस क्लब चेल्सीले आफ्नै मैदानमा स्पेनको भ्यालेन्सियासँग खेल्नेछ । कम अनुभवी युवा खेलाडीहरुको जमात चेल्सीका प्रशिक्षक फ्राङ्क लाम्पार्डको लागि आजको खेल परिक्षाको रुपमा रहेको छ । आजै जर्मनीमा हुने खेलमा बोरुसिया डर्टमण्ड र बार्सिलोना भिड्नेछन। । यो खेलका लागि बार्सिलोनाका स्टार खेलाडी लियोनल मेस्सी ‘फिट’ रहेको बताईएको छ । आज राती इटालीको ईन्टर मिलानले चेक गणतन्त्रको स्लाभिया प्रागसँग खेल्दा फ्रान्सको लियों र रुसको जेनिथ, अष्ट्रियाको साल्जबर्ग र बेल्जियको गेन्क, पोर्चुगलको बेनिफीका र जर्मनीको आरबी लेप्जीग तथा नेदरल्याण्ड्सको आयाक्स र फ्रान्सको लिल् भिड्नेछन् ।

काठमाडौंः रेडियो नेपाल प्रदेश प्रसारण केन्द्र दिपायलबाट निष्कासन गरिएका कर्मचारीलाई पुनर्बहाली गर्न माग गर्दै रेडियो नेपाल पुगेका ९ जना पत्रकार पक्राउ परेका छन् । उनीहरुलाई प्रहरीले सिंहदरबारमा रहेको रेडियो नेपाल अगाडिबाट पक्राउ गरेको हो । पक्राउ पर्नेमा नेपाल पत्रकार महासंघका सचिव रामप्रसाद दाहाल, नेपाल प्रेस युनियनका महासचिव अजयबाबु शिवाकोटी, पत्रकार महासंघका केन्द्रीय सदस्य जन्मदेव जैसी, यम बिरही, मीन बम, योगेन्द्र बलायर रहेका छन् । त्यस्तै, प्रदेश प्रसारण कार्यालय डोटीबाट निष्कासन पत्रकार प्रकाश बम, चक्र कुँवर र दिलिप पौडेल पनि पक्राम परेका छन् । उनीहरुले श्रमजीवी पत्रकार ऐन तथा न्यूनतम पारिश्रमिक कार्यान्वयनको मागसमेत राख्दै रेडियो नेपालमा नाराबाजी गरेका थिए । उनीहरुलाई प्रहरीले नेपाल पुलिस क्लवमा राखेको छ । रेडियो नेपालमा रावल १० वर्षदेखि तथा बम र कुँवर विगत तीन वर्षदेखि कार्यरत थिए । उनीहरुलाई रेडियो नेपालले विना कारण निष्कासन गरेको थियो ।

काठमाडौं । क्यारेबियन प्रिमियर लिग (सीपीएल) अन्तर्गत क्रिस गेल सम्मिलित जमैका तल्लावाहसविरुद्ध नेपाली लेग स्पिनर सन्दीप लामिछाने आवद्ध बार्बाडोस ट्राईडेन्टस ४ विकेटले पराजित भएको छ । योसँगै बार्बाडोसले तीन खेलमा एकमा जीत र २ खेलमा हार बेहोरेको छ । यता जमैकाको भने जारी सीपीएलमा यो पहिलो जित हो । सन्दीपको टिमले दिएको १४१ रनको लक्ष्यका साथ जवाफी ब्याटिङमा आएको जमैकाले १८।३ ओभरमा ६ विकेट गुमाउँदै पूरा गर्यो । उसका लागि कप्तान चाडविक वाल्टनले नटआउट ५१,क्रिस गेलले २२, ग्लेन फिलिप्सले २८ र जेवलिन ग्लेनले २७ रन बनाए । बलिङमा बार्बाडोसका लागि कप्तान जोसन होल्डर र हेडन वाल्शले २–२ विकेट लिए । सन्दीपले ४ ओभरमा १ मेडनसहित ३५ रन दिएर १ विकेट लिए । यसअघि टस हारेर ब्याटिङको मौका पाएको बार्बाडोसले निर्धारित २० ओभरमा ९ विकेट गुमाएर १४० रन बनायो । उसका लागि एश्ले नर्शले सर्बाधिक ३७, जेपी ड्युमिनीले ३१, जोसन चार्लश र एलेक्स हक्सले १२–१२ रन बनाए । सन्दीप ८ बलमा १ चौका सन्दीप १० रनमा अविजित रहे । बलिङमा जमैकाका जाहिर खानले ३, जर्ज वोक्र र रमाल लुईसले २–२ विकेट हात पारे । सन्दीपआवद्ध बार्बाडोसले आफ्नो तेस्रो खेल २१ सेप्टेम्बरमा सेन्ट लुसियाविरुद्ध खेल्ने छ ।

काठमाडौं । इटालियन सिरी ए फुटबलमा रोमाले सासुओलोलाई ४-२ गोल अन्तरले पराजित गरेको छ । रोमाका लागि हेनरिक माखेरिटियन, बार्यन क्रिस्टान्टे, इडिन जेको र जस्टिन क्लुइवर्टले गोल गरे । सासुओलोका लागि भने बेरार्डीले दुई गोल गरे । रोमाले सहज जित हात पार्ने क्रममा पहिलो हाफमा नै चार गोल गरेको थियो । तर दोस्रो हाफमा भने दुई गोल खायो । १२ औं मिनेटमा क्रिस्टान्टे र १९ औं मिनेटमा जेकोले गोल गरेपछि रोमा २-० गोलले अघि थियो । खेलको २२ औं मिनेटमा माखेरिटियन र जस्टिनले ३३ औं मिनेटमा गोल गर्दै रोमालाई ४-० गोलको फराकिलो अग्रता दिलाएका थिए । तर दोस्रो हाफमा सासुओलोले दुई गोल फर्काउन सफल भयो । खेलको ५३औं मिनेटमा बेरार्डीले गोल गर्दै ४-१ को स्थितिमा ल्याए । खेलको ७२ औं मिनेटमा उनले अर्को गोल थपेका थिए ।

काठमाडौं । नागरिक अभियन्ताका रूपमा परिचित डा. गोविन्द केसीले सात बुँदे माग अघि सार्दै सरकारबाट यसको सम्बोधन नभए पुनः सत्याग्रहमा बस्ने चेतावनी दिएका छन् । प्राध्यापक केसीले आइतबार एक विज्ञप्ति प्रकाशित गर्दै चिकित्सा शिक्षा ऐनको संशोधनलगायतका मागहरू पूरा नभए सत्याग्रहमा बस्नुको विकल्प नरहने बताएका छन् । उनका अन्य मागहरूमा निजी मेडिकल कलेजले अवैधरूपमा असुल गरेको सबै रकम फिर्ता गर्नुपर्ने, दोषी मेडिकल कलेजहरूलाई कानुनबमोजिम कडाभन्दा कडा कारबाही चलाउनुपर्ने, संसदीय उपसमितिबाट माफियाको प्रभावमा गरिएका शुल्क र सीट संख्यामा वृद्वि गर्नेसम्बन्धी निर्णय तत्काल खारेज गर्नुपर्ने, विश्वविद्यालय पदाधिकारी मापदण्ड निर्धारण समितिले दिएको सुझाबअनुरूप निष्पक्ष र पारदर्शी ढङगले पदाधिकारी नियुक्त गर्ने र सो प्रतिवेदनलाई अविलम्ब ऐनका रूपमा परिणत गर्नुपर्ने, पूर्व सम्झौताअनुसार इलाम, पाँचथर, उदयपुर, डोटी र डडेल्धुरालगायत प्रदेश २ र ४ मा पनि सरकारी मेडिकल कलेज खोल्ने प्रक्रिया तत्काल अघि बढाउनुपर्ने आदि छन्। कर्णाली स्वास्थ्य विज्ञान प्रतिष्ठान तथा गेटा मेडिकल कलेज र राप्ती स्वास्थ्य विज्ञान प्रतिष्ठानमा शीघ्र एमबीबीएसलगायतका कार्यक्रम शुरू गरिनुपर्ने, कर्णाली स्वास्थ्य विज्ञान प्रतिष्ठानमा एमडीजीपी कार्यक्रम सञ्चालन गर्ने अनुमति तुरुन्त फुकुवा गर्नुपर्ने, नेताहरूको उपचार खर्च पारदर्शी बनाइनुपर्ने, प्रधानमन्त्रीको स्वास्थ्य अवस्था यथार्थरूपमा सार्वजनिक गरिनुपर्ने, संक्रमणकालीन न्यायसम्बन्धी अयोगहरू प्रभावकारी बनाउनुपर्नेलगायतका माग केसीले राखेका छन् । ‘शिक्षा र स्वास्थ्य क्षेत्र सेवामूलक हुनुपर्नेमा चरम नाफामूलक र शहरमुखी बनाइएकाले आम विद्यार्थी र आम नेपालीको पहुँचबाट बाहिर छ भने गुणस्तर घट्दो छ।’ –उनले टिप्पणी गरेका छन् । सार्वजनिक शिक्षण संस्था– विश्वविद्यालय, प्रतिष्ठान तथा स्वास्थ्यसम्बन्धी शिक्षण संस्थालगायतलाई राजनीतिक दलका कार्यकर्ता भर्तीकेन्द्र बनाएर दोहन गर्ने माध्यम बनाइएको, राष्ट्रलाई चाहिने जनशक्ति नभएर पार्टीका कार्यकर्ताहरू र विदेशका लागि श्रमिक उत्पादन गर्ने केन्द्रका रूपमा परिणत गरिएको उनको धारणा छ। ‘नेपालका अधिकांश जनता बसोबास गर्ने ग्रामीण भेगमा न कुनै ठूला स्वास्थ्य संस्था छन् न त शिक्षण संस्थान नै’ केसीले विश्वविद्यालय, प्रतिष्ठान तथा संस्थाहरूमा मापदण्ड निर्धारण समितिले दिएका सुझावअनुसार पदाधिकारी नियुक्ति गर्नुको सट्टा राजनीतिक भागबन्डाका आधारमा कार्यकर्ताहरूलाई पदाधिकारी नियुक्त गर्ने चलखेल बन्द गर्न अपिल गरेका छन् । नेपाल समाचारपत्रबाट साभार

काठमाडौंः परराष्ट्रमन्त्री प्रदीपकुमार ज्ञवालीले बेल्ट एण्ड रोड इनिसिएटिभ (बीआरआई) मा निकट भविष्यमै रिजल्ट देखिने दाबी गरेका छन् । ज्ञवालीले बीआरआईमा नेपालले धेरै प्रक्रिया पुरा गरिसकेको दाबी गरे । ललितपुरमा आइतबार नेपाल बुद्धिजीवी संगठनले आयोजना गरेको समाज ‘बेल्ट एण्ड रोड इनिसिएटिभ डाइलग’ विषयक विचार गोष्ठीमा परराष्ट्रमन्त्री ज्ञवालीले भने, ‘बीआरआईको कार्यान्वयन ढाँचाबारे धेरै छलफल भइसकेको छ । गर्नुपर्ने धेरै प्रक्रिया र काम पुरा गरिसकेका छौं । राष्ट्रको हितमा आयोजना अघि बढ्छन् र तपाईंहरुले निकट भविष्यमै रिजल्ट देख्नुहुन्छ ।’ विकास र सम्बृद्धिका लागि महत्वपूर्ण रहेको यो परियोजना नेपालको विकासमा कोसढुङ्गा सावित हुने मन्त्री ज्ञवालीको दाबी थियो । उनले यो परियोजनापछि नेपाली उत्पादनले विश्व बजारमा सहजै स्थान पाउने र व्यापार घाटामा कमि आउने बताए ।

काठमाडौंः पहिलो पटक ७ प्रदेशका उत्कृष्ट ७ कृषकहरुलाई ‘राष्ट्रिय शिखर कृषक अवार्ड–२०७६’ ले सम्मान गरिएको छ । विगत एक दशदेखि विभिन्न समाजिक कार्य संलग्न शिखर नेपालको आयोजनामा एक समारोहका बीच राष्ट्रिय सभा गृहमा उपप्रधान तथा रक्षामन्त्री ईश्वर पोख्रेरलले ७ प्रदेशका ७ जना उत्कृष्ट कृषकहरुलाई ‘राष्ट्रिय शिखर कृषक अवार्ड–२०७६’बाट नगद पुरस्कारसहित सम्मान गरेका थिए । सो सम्मानबाट प्रदेश १ बाट विशाल राई, (विशाल कृषि फर्म, विर्तामोड) प्रदेश २ बाट रामआशिष प्रसाद गुनियाँ (श्री कृषि फर्म सेन्टर पर्सा), प्रदेश ३ बाट नवराज आचार्य (वाग्मती गोट फिड्स प्रा.लि.धार्के धादिङ), गण्डकी प्रदेशबाट घनश्याम तिमिल्सीना (हेम्जा गाई फर्म कास्की), प्रदेश ५ बाट दलबहादर खत्री (लेकाली व्यवसायिक बाख्रा पालन तथा दाना उद्योग प्युठान), कर्णाली प्रदेशबाट डिल्लीबहादुर नाथ (डाफेँ भैसी पालन फर्म, रुकुम पश्चिम) र सुदूरपश्चिम प्रदेशबाट ठगुनुदेवी चौधरी (कार्प ह्याचरी, कैलाली) सम्मानित भएका छन् । उनीहरूलाई १५÷१५ हजार रुपैयाँ र अर्वाड तथा सम्मानपत्रसहित फुलमालले सम्मानित गरिएको हो । सो अवसरमा बोल्दै उप्रधानमन्त्री पोख्रेरलले सरकारले कृषिलाई खुसी नेपाल समृद्ध नेपालीको पहिलो प्रथामिकतामा राखेका बताए । उनले कृषि प्रधान देश भनेर आयात गर्नु दुख भएको भन्दै अब कृषिलाई निर्यात गर्ने गरि काम गर्ने बताए । कार्यक्रममा कृषि तथा पशुपन्छी विकास मन्त्रालय राज्यमन्त्री राम कुमारी चौधरीले वास्तविक किसानहरु छनोट गरी पुरस्कृत गर्ने परम्परा पहिलो पटक सुरु गरेकोमा शिखर नेपाललाई धन्यवाद दिँदै कृषकहरुको पक्षमा राज्य पनि गम्भीर भएको बताईन् । यस्तै पूर्व उद्योग मन्त्री महेश बस्नेत कृषि उद्योगको रुपमा सञ्चालन सबै क्षेत्र लाग्नुपर्ने बताए । कृषकहरुलाई प्रोत्साहनसगैँ उनीहरुको क्षमताको कदर गर्ने उद्देश्यसहित ‘राष्ट्रिय शिखर कृषक अवार्ड–२०७६’ प्रदान गरेका हौं,’ अध्यक्ष शेखर खनालले भने, ‘आशा छ, सरकारकै सहकार्यमा प्रदान गरिएको यो अर्वाडले कृषि क्षेत्रको विकासमा थप टेवा पुग्ने छ । कृषिको हौसला बढेको छ ।’ ‘शिखर नेपालको राष्ट्रिय अभियान–कृषकहरुको सम्मान’ भन्ने नारासहित कृषि तथा पशुपन्छी विकास मन्त्रालयको समन्वयमा प्रधानमन्त्री कृषि आधुनिकीकरण परियोजना र पुशपन्छी विभागको सक्रियता विगत १ दशकदेखि समाजिक सेवा लोकप्रिय संस्था शिखर नेपालको आयोजना सो अर्वाड प्रदान गरिएको हो ।

मेष मेष (चु, चे, चो, ला, लि, लु, ले, लो, अ) साना तिना समस्यामा अल्झिनुपर्ने देखिन्छ । दबाब र तनाव बढेको महसुस हुनेछ । व्यवसायमा मन्दी आउनेछ । मिथुन मिथुन (का, कि, कु, घ, ङ, छ, के, को, हा) पर्यटकीय स्थलको भ्रमणले मन लोभ्याउनेछ । लामो समयदेखि रोकिएका अधुरा कामहरु पुरा हुनेछन् । मंगल कार्यको योगछ । सिंह सिंह (मा, मि, मु, मे, मो, टा, टि, टु, टे) प्रेमी र प्रेमिकाका बिच खिन्नता बढ्नेछ । ताके अनुरूप काम नबन्नाले दिक्क लाग्नेछ । व्यवसायमा नोक्सानी बेहोर्नु पर्नेछ । तुला तुला (रा, रि, रु, रे, रो, ता, ति, तु, ते) आफूसँग भएको क्षमता प्रदर्शन गर्ने अवसर जुट्ला । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ । धनु धनु (ये, यो, भा, भि, भु, धा, फा, ढा, भे) मित्रहरूले दिएको वचन फेरिन सक्छ । फजुल खर्चले चिन्ता बढाउनेछ । मनको डरले सताए पनि व्यवहारमा फाइदा हुनेछ । कुम्भ कुम्भ (गु, गे, गो, सा, सि, सु, से, सो, दा) धार्मिक र सांस्कृतिक सभासमारोहमा सरिक हुने सम्भावना छ । प्रेमिले नयाँ स्थानको भ्रमण गर्ने प्रस्ताव राख्न सक्छन् । बृष वृष (इ, उ, ए, ओ, वा, वि, वु, वे, वो) मन मिल्ने साथीको सहयोग र हौसला मिल्नेछ । काम देखाएर अरूको मन लोभ्याउन सकिनेछ । रमाइलो यात्राको योग रहेको छ । कर्कट कर्कट (हि, हु, हे, हो, डा, डि, डु, डे, डो) शुभकार्यको चर्चा चल्नेछ । सामाजिक क्षेत्र र नोकरीबाट मानसम्मान मिल्नेछ । चिताएको कामले तीव्रता लिनेछ । कन्या कन्या (टो, पा, पि, पु, ष, ण, ठ, पे, पो) अनुहारमा कान्ति र मनमा शान्ति छाउनेछ । जागिर र कर्म प्रति रुचि बढ्नेछ । रोकिएका काम पुनः सुरु हुन सक्छन् । बृश्चिक वृश्चिक (तो, ना, नि, नु, ने, नो, या, यि, यु) एकपछि अर्को अवसर आउनाले मन प्रसन्न रहनेछ । व्यवसायको सन्दर्भमा रमाइलो यात्रा होला । सन्तान सुख मिल्नेछ । मकर मकर (भो,जा,जि,जु,जे,जो,ख,खि,खु,खे,खो,गा,गि) नयाँ कार्यको थालनी हुनेछ । एउटै कामबाट दोहोरो लाभ मिल्नेछ । प्रेमसम्बन्ध र प्रणयप्रसङ्गका लागि पनि श्रेष्ठ समय रहेकोछ । मीन मीन (दि, दु, थ, झ, ञ, दे, दो, चा, चि) विशेष यज्ञयागादि तथा धार्मिक कृत्यमा सहभागीको अवसर मिल्नेछ । भौतिक साधन जुटाउने समय छ । रमाइलो यात्राको योग रहेको छ । – ज्यो.प. नारायणप्रसाद दुलाल

काठमाडौं । नाइजेरियाको उत्तरपूर्वी क्षेत्रमा एक दशकअघि आतंकवादी संगठन बोकोहरामले आक्रमण सुरु गरेयता हालमसमम्म करिब २२ हजार नाइजेरियाली नागरिक बेपत्ता भएका छन्। अन्तर्राष्ट्रिय रेडक्रस (आईसीआरसी) ले बिहीबार सार्वजनिक गरेको प्रतिवेदनमा आईसीआरसीको रेकर्डमा यति ठूलो संख्यामा बेपत्ता नागरिकको सूचीमा सार्वजनिक भएको यो पहिलो रहेको जनाइएको छ। आईसीआरसीका अध्यक्ष पिटर माउरर हाल पाँच दिवसी भ्रमणका सिलसिलामा नाइरेइजेरियामा छन्। बेपत्ता भएकाहरूमा झन्डै ६० प्रतिशत बालबालिका छन्। माउररले हजारौं अभिभावक आफ्ना बालबालिका अझै पनि घर फर्किने आशामा रहेको बताए। यो खबर आजको गोरखापत्रले छापेको छ ।

मेष मेष (चु, चे, चो, ला, लि, लु, ले, लो, अ) मित्रहरूले दिएको वचन फेरिन सक्छ । फजुल खर्चले चिन्ता बढाउनेछ । मनको डरले सताए पनि व्यवहारमा फाइदा हुनेछ । मिथुन मिथुन (का, कि, कु, घ, ङ, छ, के, को, हा) नयाँ कार्यको थालनी हुनेछ । एउटै कामबाट दोहोरो लाभ मिल्नेछ । प्रेमसम्बन्ध र प्रणयप्रसङ्गका लागि पनि श्रेष्ठ समय रहेकोछ । सिंह सिंह (मा, मि, मु, मे, मो, टा, टि, टु, टे) साना तिना समस्यामा अल्झिनुपर्ने देखिन्छ । दबाब र तनाव बढेको महसुस हुनेछ । व्यवसायमा मन्दी आउनेछ । तुला तुला (रा, रि, रु, रे, रो, ता, ति, तु, ते) विशेष यज्ञयागादि तथा धार्मिक कृत्यमा सहभागीको अवसर मिल्नेछ । भौतिक साधन जुटाउने समय छ । रमाइलो यात्राको योग रहेको छ । धनु धनु (ये, यो, भा, भि, भु, धा, फा, ढा, भे) प्रेमी र प्रेमिकाका बिच खिन्नता बढ्नेछ । ताके अनुरूप काम नबन्नाले दिक्क लाग्नेछ । व्यवसायमा नोक्सानी बेहोर्नु पर्नेछ । कुम्भ कुम्भ (गु, गे, गो, सा, सि, सु, से, सो, दा) आज अनुहारमा कान्ति र मनमा शान्ति छाउनेछ । जागिर र कर्म प्रति रुचि बढ्नेछ । रोकिएका काम पुनः सुरु हुन सक्छन् । बृष वृष (इ, उ, ए, ओ, वा, वि, वु, वे, वो) एकपछि अर्को अवसर आउनाले मन प्रसन्न रहनेछ । व्यवसायको सन्दर्भमा रमाइलो यात्रा होला । सन्तान सुख मिल्नेछ । कर्कट कर्कट (हि, हु, हे, हो, डा, डि, डु, डे, डो) लामो समयदेखि रोकिएका अधुरा कामहरु पुरा हुनेछन् । पर्यटकीय स्थलको भ्रमणले मन लोभ्याउनेछ । मंगल कार्यको योगछ । कन्या कन्या (टो, पा, पि, पु, ष, ण, ठ, पे, पो) धार्मिक र सांस्कृतिक सभासमारोहमा सरिक हुने सम्भावना छ । प्रेमिले नयाँ स्थानको भ्रमण गर्ने प्रस्ताव राख्न सक्छन् । बृश्चिक वृश्चिक (तो, ना, नि, नु, ने, नो, या, यि, यु) मन मिल्ने साथीको सहयोग र हौसला मिल्नेछ । काम देखाएर अरूको मन लोभ्याउन सकिनेछ । रमाइलो यात्राको योग रहेको छ । मकर मकर (भो,जा,जि,जु,जे,जो,ख,खि,खु,खे,खो,गा,गि) सामाजिक क्षेत्र र नोकरीबाट मानसम्मान मिल्नेछ । चिताएको कामले तीव्रता लिनेछ । शुभकार्यको चर्चा चल्नेछ । मीन मीन (दि, दु, थ, झ, ञ, दे, दो, चा, चि) आफूसँग भएको क्षमता प्रदर्शन गर्ने अवसर जुट्ला । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ । – ज्यो.प. नारायणप्रसाद दुलाल

बाजुराः बिप्लव समूहका सह–सेक्रेटरी दान बहादुर खड्का (किशोर) पक्राउ परेका छन् । बुढीगंगा नगरपालिका–७ खारखेत वाईलटोलका ५० वर्षीय खड्कालाई जिल्ला प्रहरी कार्यालय बाजुराका निमित्त कार्यालय प्रमुख इन्सपेक्टर जनकराज ढुंगानाको कमाण्डमा गएको टोलीले पक्राउ गरेको हो । खड्काले बिप्लव समूहको संगठन बिस्तार गरिरहेको भन्ने गोप्य सूचनाका आधारमा खटिएको टोलीले विभिन्न दस्ताबेजसहित पक्राउ गरेको हो । पक्राउ परेका खड्कामाथि अनुसन्धान भइरहेको बाजुरा प्रहरीले जनाएको छ ।