काठमाडौंः चालू आर्थिक वर्षको पहिलो दुई महिनामा नेपालमा काम गर्ने कर्मचारी र ज्यालादरमा काम गर्ने श्रमिकको तलब तथा ज्यालादर करिब १३ प्रतिशत पुगेको छ । नेपाल राष्ट्र बैंकको आर्थिक वर्ष २०७६/७७ को दुई मा आधारित आर्थिक तथा वित्तीय स्थितिमा गत वर्षको सोही अवधिको तुलनामा करिब १३ प्रतिशले तलब तथा ज्यला वृद्धि भएको देखिएको हो । राष्ट्र बैंकको प्रतिवेदनअनुसार सूचांक १३.५६ प्रतिशले बढेको छ । त्यस्तै ज्यालादारीमा काम गर्ने श्रमिकको ज्याला १२.६८ प्रतिशतले वृद्धि भएको छ । ज्याला र तलबको औषत वृद्धिदर १२.८८ प्रतिशतको देखिएको छ । अघिल्लो वर्षको सोही अवधिको तुलानामा वृद्धिदर दर नै चार प्रतिशतले वृद्धि भएको छ । आर्थिक वर्ष २०७५/७६ को पहिलो दुई महिनामा ज्याला तथा तलब सूचांक ८.३० प्रतिशले वृद्धि भएको थियो ।

चितवनः चितवनको खैरहनी नगरपालिकामा बस र मोटरसाईकल एक आपसमा ठक्कर खाँदा मोटरसाईकलमा सवार एक जनाको मृत्यु भएको छ । खैरहनी ८ पर्सा बजारमा राती पश्चिमबाट पुर्वतर्फ जाँदै गरेको बस र विपरीत दिशाबाट आउदै गरेको मोटरसाइकल एकआसमा ठक्कर खाएका थिए । ना ६ ख१७४१ नम्बरको बसमा ना ५५ प २१३१ नम्बरको मोटरसाइकल ठक्कर खादा मोटरसाइकल चालक खैरहनी १ बस्ने बर्ष ३० को अनिल अधिकारीको मृत्यु भएको ईलाका प्रहरी कार्यालय खैरहनीका प्रहरी निरीक्षक धनदेव साउदले जानकारी दिए । दुर्घटनामा परि गम्भीर घाइते भएका अधिकारीको उपचारको क्रममा मृत्यु भएको हो ।

काठमाडौँः पूर्वराजदूत केशव झाको हत्यारा पत्ता लगाउने नेपाल प्रहरीको ‘जोली’ नामक कुकुरले उत्कृष्ट प्रहरी कुकुरको अवार्ड प्राप्त गरेको छ । नेपाल प्रहरीमा कुकुर स्कुल स्थापना भएको ५१ वर्षको अवसरमा जोलीले ‘बेस्ट डग अफ द एयर’ को सम्मान पाएको हो । पूर्वराजदूत झाको २०७५ भदौ ३ गते आफ्नै निवासमा हत्या भएको थियो । घटनामा प्रयोग भएको चक्कु जोलीलाई सुँघाइएपछि प्रहरी अभियुक्तसम्म पुगेको थियो । त्यसपछि झाकै घरमा सहयोगी रहेका सानुकान्छा तामाङ पक्राउ परेका थिए । यस्तै दौड प्रतियोगिता र हाइजम्पमा बेल्जियम सेफर्ड जातको रिया नामको कुकुर प्रथम भएको छ । केन्द्रीय कुकुर तालिम स्कुलमा तालिमप्राप्त कुकुरको विशेष पूजासहित कुकुरबाट विभिन्न स्टन्टसहितका कला प्रदर्शनी पनि गराइएको थियो । अपराध अनुसन्धानका क्रममा प्रमुख सहयोगी मानिएको कुकुलाई प्रहरी प्रधान कार्यालय अन्तरगतको महाराजगञ्जस्थित कुकुर तालिम केन्द्रसहित देशभरका कार्यालयमा आइतबार पूजा गरिएको छ ।

काठमाडौंः नेपाल विद्युत प्राधिकरणका कार्यकारी निर्देशक कुलमान घिसिङले तिहारमा चाहे जति बिजुली खपत गर्न आग्रह गरेका छन् । उनले तिहारमा बत्ती जान नदिनका लागि सम्पूर्ण सजकता अपनाइएकोले चाहे जति बिजुली खपत गर्नु आग्रह गरेका हुन् । ‘तिहारमा बत्ती जाँदैन,’ उनले भने, ‘चाहे जति बिजुली खपत गर्नुस्।’ उनले भने, ‘कुनै समय १८ घण्टासम्म पनि लोडसेडिङको मारमा परेका नेपालीहरू परेका थिए । तीन वर्षदेखि तिहारमा त्यो समस्या छैन । यो वर्ष पनि लोडसेडिङ हुँदैन ।’

काठमाडौंः मेलम्ची खानेपानी आयोजनाको पानी वितरणका लागि आवश्यक पूर्वाधार निर्माणको काम अन्तिम चरणमा पुगेको छ । मुख्य पाइप विस्तार ७७ किलोमिटरमध्ये झण्डै साढे ७४ किलोमिटर सकिएको छ भने बाँकी काम छिट्टै अघि बढ्नेछ । यद्यपि मेलम्ची आयोजनाको निर्माण कार्य भने ९५ प्रतिशत पूरा भइसकेको छ । मेलम्चीको सहायक परियोजना–१ अन्तर्गत सुरुङ निर्माण हुँदै प्रशोधन केन्द्रसम्मको निर्माण रहेकामा दोस्रो चरणमा प्रशोधन केन्द्रबाट पानी उपभोक्ताको घर–घरसम्म पुर्याउने काम भइरहेको छ । सन् २०११ देखि आयोजनाले मुख्य, सहायक र वितरण पाइप बिच्छ्याउने काम गरिरहेको छ । पानी संकलनका लागि विभिन्न १० स्थानमा ट्याङ्की निर्माण भइरहेको छ । मेलम्चीको पानी दुई चरणमा गरी काठमाडौँ उपत्यका ल्याउन लागिएकामा अहिले पहिलो चरणमा भित्रने १७ करोड पानी सङ्कलन, वितरण हुँदै फोहर पानी प्रशोधनका लागि आवश्यक पूर्वाधार निर्माण भइरहेको हो । यस चरणमा चक्रपथभित्रका एक लाख १० हजार घरधुरीमा पानी वितरण हुनेछ । काठमाडौँका चोकहरुमा एउटा दिशाबाट अर्को दिशामा पाइप लैजानका लागि ‘क्रसिङ’ गर्नुपर्नेमा अधिकांश स्थानमा सकिएको मेलम्ची खानेपानी आयोजना, आयोजना कार्यान्वयन निर्देशनालयले जनाएको छ । पुतलीसडक, कलङ्की, दरबारमार्गलगायत नौ चोकमा निर्माण गर्न बाँकी रहेकामा यी स्थानमा अब अघि बढ्ने परियोजना निर्देशक भोजविक्रम थापाले बताए । यी स्थानमा सवारी आवागमनमा बाधा पुग्ने भनी ‘क्रसिङ’ निर्माण नभए पनि अहिले निर्माणका लागि सहमति भइसकेको उनको भनाइ छ । उनले भने, ‘सडक विभागसँग सहमति लिइसकेकाले अब चाँडै शुरु हुनेछ ।’ मेलम्चीको पानी आएपछि पानी भण्डारणका लागि १० वटा ‘रिजर्भ ट्याङ्की’ निर्माण गर्ने आयोजनाको योजना रहेको थियो जसमध्ये नौ स्थानमा निर्माण भइसकेको आयोजना प्रमुख थापाले बताए । यी सबै स्थानमा सात करोड ४५ लाख लिटर क्षमताको ट्याङ्की निर्माण भएको हो । भक्तपुरको कटुञ्जेमा विवादका कारण निर्माण हुन नसकेकामा अहिले विवाद समाधान भइसकेकाले छिट्टै निर्माण शुरु हुने उनको भनाइ छ । यस स्थानमा डेढ किलोमिटर पाइप निर्माणसमेत अघि बढ्न नसकेकामा अब अघि बढाइने उनले बताए । आयोजनाले मुख्य, सहायक र वितरण गरी तीन किसिमका पाइपलाइन बिच्छ्याइरहेको छ । जसमध्ये घर–घरमा पुग्ने वितरण पाइप जडानको काम झण्डै ८९० किलोमिटर सकिएको र झण्डै २०० बाँकी रहेको आयोजनाले जनाएको छ । पाइप लाइन विस्तारसँगै आयोजनाले पाइपहरुको जाँच गरिरहेको निर्देशक थापाले बताए । अहिले वाग्मतीको पानी प्रशोधन केन्द्रमा प्रशोधन गरेर नयाँ जडान भएका पाइपहरुको जाँच भइरहेको हो । नियमितरूपमा भने काठमाडौँ उपत्यका खानेपानी लिमिटेडले पुरानै पाइपमार्फत वितरण गरिरहेको छ । १०० वर्षभन्दा पुराना पाइपहरु जीर्ण अवस्थामा छन् । ठाउँ–ठाउँमा ‘हेभी’ गाडीका कारण पाइपमा समस्या आइरहँदा मर्मत गरेर सञ्चालन गरिएको उनले बताए । कतिपय स्थानमा पाइप माटोमा नै परिणत भइसकेको छ । उनले भने, ‘मेलम्चीको बाँकी काम सकिएर पानी वितरण गर्न शुरु भए पनि यी पाइप पूर्णरूपमा प्रयोगमा आउँदैन ।’ आयोजनाअन्तर्गत नै पाइप विस्तारका लागि खनिएका सडकहरु मर्मतका कामसमेत आयोजनाले गरिरहेको छ । सडक विभागको अधिकार क्षेत्रअन्तर्गत पर्ने सडक विभागले र स्थानीय तहको अधिकार क्षेत्रमा पर्ने सडकको मर्मतको काम परियोजनाले गरिरहेको छ । मेलम्चीको पानी आएपछि त्यसको व्यवस्थापनका लागि आयोजनाले नै चार स्थानमा पाँच वटा फोहर पानी प्रशोधन केन्द्रको निर्माण गरिरहेको छ । मेलम्ची खानेपानी आयोजनाअन्तर्गत निर्माणको काम कम मात्रै बाँकी रहेकाले आयोजनाले वितरणका लागि आवश्यक पूर्वाधारका कामलाई तीव्रता दिइएको हो । सरकारले आयोजनाको बाँकी रहेको भनिएको पाँच प्रतिशत काम सम्पन्न गर्ने गरी चिनियाँ निर्माण कम्पनी सिनो हाइड्रोसँग ठेक्का सम्झौता गरेको थियो । उक्त कम्पनी साइटमा गएसँगै कामले गति लिने देखिएको छ । आयोजनाको जम्मा कामको ९५ प्रतिशत काम सम्पन्न भइसकेकाले बाँकी पाँच प्रतिशत कामका लागि ठेक्का सम्झौता भएको हो । दुई महिना पहिले १५ महिनामा काम गर्ने गरी सम्झौता भएको थियो । कम्पनीले काम शुरु गरेको दिनदेखि १५ महिनामा काम सम्पन्न गर्ने गरी सम्झौता भएको मेलम्ची खानेपानी विकास समितिका सूचना अधिकारी राजेन्द्रप्रसाद पन्तले बताए । सरकारले बाँकी काम सकेसम्म चाँडो सम्पन्न गर्ने लक्ष्य लिएको पन्तले बताए । कम्पनीलाई चाँडो काम सम्पन्न गर्दा प्रतिदिन ०.१५ प्रतिशतले लाभांश दिने सरकारको योजना छ । गाेरखापत्र दैनिकबाट

उद्धव मगर, दोहाः कतार नेपाली एकता समाज सहानीया एरिया समितिले घाइते रवि कुमाललाई आर्थिक सहयोग जुटाएर हस्तान्तरण गरेको छ । झापाको बुद्धासन्ति गाउँपालिका–५ मा स्थाई बसोबास गर्ने रबि गत साउनमा दुर्घटनामा परेका थिए । धुलाबारीबाट ट्रयाक्टरमा चढी घर आउँदै गर्दा अचानक ट्याक्टरबाट खसेका कुमाललाई ट्याक्टरको पछाडिको चक्काले गम्भीर घाइते बनाएको थियो । कुमालको पारिवारिक अवस्था पनि कमजोर भएको हुँदा उपचारको लागि कतार नेपाली एकता समाजले सहयोगका लागि अभियान थालेको थियो । त्यहीअनुसार सहानिया एरिया समितिका सचिव सरोज लावतीको विशेष पहलमा आर्थिक सहयोग संकलन गरिएको थियो । लक्ष्मण लामिछाने, तेज बहादुर कार्की, मुरारी पराजुली, विकास गुप्ता, जीवन कुमाल, प्रेम गुरुङ, इन्द्र विक, नवीन दंगाल, नवीन कुमार चौहान, कपील दमाईले घाइते कुमाललाई सहयोग गरेका थिए । उनीहरुले ८ सय ६६ कतारी रियाल घाइते कुमाललाई नेपाल पठाइएको समाजका सचिव सरोज लावतीले जानकारी दिए । उनले आर्थिक सहयोग गर्ने सबैलाई धन्यवाद पनि दिएका छन् ।

काठमाडौंः त्रिकोणात्मक टि–२० सिरिज अन्तर्गत आयरल्याण्ड विरुद्धको खेलमा पाहुना टोली स्कटल्याण्डले टस जितेर ब्याटिङ रोजेको छ । अघिल्लो खेलमा नेदरल्याण्ड्सविरुद्ध विष्फोटक प्रदर्शन गरेको स्कटल्याण्डले आज पनि उत्कृष्ट शुरुवात गरेको छ । यो समाचार तयार पार्दासम्म स्कटल्याण्डले ३ ओभरमा विनाविकेट २८ रन बनाएको छ । स्कटल्याण्ड–आयरल्याण्डसँगै सिरिजमा नेदरल्याण्ड्स पनि खेलिरहेको छ । लाइभ हेर्न यहाँ क्लिक गर्नुस् पहिलो खेलमा स्कटल्याण्डले नेदरल्याड्सलाई ५८ रनले हराएको थियो । टस हारेर ब्याटिङको मौका पाएको स्कटल्याण्डले निर्धारित २० ओभरमा ३ विकेट गुमाएर २५२ रन बनाएको थियो । टि–२० मा यो छैटौं उच्च लक्ष्य हो । स्टकटल्याण्डलाई विशाल लक्ष्यमा पुर्याउन जर्ज मुन्से र काइल कोएट्जेरले ऐतिहासिक प्रदर्शन गरेका थिए । उनी दुवैले पहिलो विकेटका लागि २०१ रनको साझेदारी गरे । स्टकटल्याण्डका लागि टि–२० मा बनाएको यो उच्च साझेदारी हो । समग्र टि–२० क्रिकेटको तेस्रो ठूलो साझेदारी हो । टि–२० मा सर्बाधिक ठूलो साझेदारी अफगानिस्तानका हजरतुल्लाह जजाईँ र उश्मान घानीको नाममा छ । नेदरल्याण्ड्विरुद्ध आज जर्ज मुन्सेले १४ छक्का र ५ चौकाको सहयोगमा ५६ बलमा नटआउट १२७ रन बनाए । टि–२० क्रिकेटमा उनको यो उच्च स्कोर हो । यस्तै, कप्तान काइलले ५ छक्का र ११ चौकाको मद्दतमा ५० बलमा ८९ रन बनाए । टि–२० मा उनको यो उच्च स्कोर हो । यसअघि उनको उच्च स्कोर ७१ थियो । काइलले नेपालको एभरेष्ट प्रिमियर लिगसमेत खेलि सकेका छन् । स्कटल्याण्डलाई विशाल लक्ष्यमा पुर्याउन रिचि बेरिङटनले २२ रनको योगदान दिए । बलिङमा नेदरल्याण्ड्सका शेन साण्टनरले ४ ओभरमा ४२ रन दिएर ३ विकेट लिए । यो खेलमा स्कटल्याण्ड ५८ रनले विजयी भएको थियो ।

काठमाडौं, नेपाल क्रिकेट संघको विशेष साधारण सभा एक सातापछि हुने भएको छ । अन्तराष्ट्रिय क्रिकेट काउन्सिल (आईसीसी)का उपाध्यक्ष इमरान ख्वाजा र अमर शेख र राष्ट्रिय खेलकुद परिषद् ९राखेप०का सदस्य सचिव रमेश सिलवालबीच आज भएको वर्तापछि असोज १० र ११ मा नेपाल क्रिकेट संघको निर्वाचन हुने सहमति भएको हो । स्वतन्त्र टोलीले ३ र ४ गतेका लागि विशेष साधारणसभा बोलाएको थियो । तर राखेपले आफूसँग अनुमति नलिएको, २१ दिन म्याद नदिएको र निर्वाचन समिति आफूले बनाउनुपर्ने भन्दै अधिवेशन रोक्न निर्देशन दिएको थियो आईसीसीका उपाध्यक्ष ख्वाजा र स्वतन्त्र टोलीमा रहेका शेख नेपाल आएर राखेपका सदस्य सचिव रमेश सिलवाल र स्वतन्त्र कमिटीका कानूनी सल्लाहकार राजेश्वर श्रेष्ठसँग छलफल गरेको थियो । ५ सदस्यीय स्वतन्त्र समितिमा आइसिसीको तर्फबाट अमर शेख, नितिश कोथारी र मोहम्मद अली, राष्ट्रिय खेलकुद परिषद्को तर्फबाट एलबी क्षेत्री र निर्वाचित क्यानको तर्फबाट ठाकुरप्रताप थापा सदस्य छन्। खेलकुद परिषद्ले यसअघि भएका जिल्ला र प्रादेशिक समितिको निवार्धनमा कुनै चासो देखाएको थिएन। आगामी अक्टोबर १३ मा बस्ने आइसिसीको बोर्ड बैठकलाई नेपाली क्रिकेटबारे अन्तिम निर्णय गर्ने अधिकार दिइएको छ। सो बैठकमा निलम्बन फुकुवाको प्रस्ताव पेश गर्न क्यानको निर्वाचित केन्द्रीय समितिले आइसिसीलाई अनुरोध गर्नु पर्नेछ। समितिले १५ दिनअघि प्रस्ताव पेश गर्न पर्नेछ। आइसिसीले २०७३ वैशाखमा सरकारी हस्तक्षेप भएको भन्दै क्यानलाई निलम्बन गरेको थियो। त्यसयता नेपाली क्रिकेट अभिभावकविहीन छ।

काठमाडौंः मेलम्ची खानेपानी आयोजनाको पूर्व ठेकेदार कम्पनी सिएमसी दि रेभेनाबाट पीडित नेपाली श्रमिक, स्थानीय भेण्डर तथा सप्लायर्स कम्पनीका प्रतिनिधिहरु र खानेपानी मन्त्रालयका पदाधिकारीहरुबीच भएको वार्तामा आन्दोलनका सबै कार्यक्रम स्थगित गर्ने सहमति भएको छ । मेलम्ची आयोजनामा देखिएको अन्यौलता अन्त्य गर्न भएको वार्तामा आन्दोलनका सबै कार्यक्रमहरु स्थगित गर्ने सहमति भएको हो । मन्त्रालयका सचिव माधव बेल्बासेको नेतृत्वमा भएको वार्तामा नेपाली श्रमिकहरुलाई दिईने राहत स्वरुपको रकममा अन्य कुनै शीर्षकको रकम छुटेको भए श्रमिकहरुले प्रमाण स्वरुप एकमुष्ट रुपमा प्राविधिक समितिमा निवेदन दिने र उक्त समितिले छानविन गरी श्रमिकको श्रेणीअनुसार सिद्धान्त तय गरी मेलम्ची खानेपानी विकास समितिलाई सिफारिश सहित प्रतिवेदन दिने सहमति भएको छ । यो कार्य निवेदन दिएको दुई महिनाभित्र सम्पन्न गर्ने सम्झौतामा उल्लेख छ । सम्झौतामा नेपाली श्रमिकहरुलाई दिईने राहत स्वरुपको रकममा दाबी गरेका ८ सय २८ श्रमिकमध्येबाट छुटेका श्रमिकहरुले पाउनुपर्ने रकमको प्रमाणसहित प्राविधिक समितिमा एकमुष्ट निवेदन दिने र उक्त समितिले छानविन गरी भुक्तानीका लागि मेलम्ची खानेपानी विकास समितिमा सिफारिशसहित प्रतिवेदन पेश गर्ने उल्लेख छ । त्यस्तै श्रमिकहरुले गरेको विरोध प्रदर्शनमा घाइते भएका श्रमिकहरुको निःशुल्क उपचारको व्यवस्था सरकारले मिलाउने र मेलम्ची आयोजना सञ्चालन गर्न सहयोग गर्ने, यसको लागि जारी बन्द, हड्ताल, नारा जुलुस आदि कार्य स्थगित गर्ने सम्झौतामा उल्लेख छ । भेण्डर तथा सामान सप्लायर्स कम्पनीहरुको समस्या वार्ताद्धारा समाधान गर्न प्रक्रिया अघि बढाउने र भेण्डर तथा सप्लायर्सहरुको तर्फबाट पनि आन्दोलन र विरोधका कार्यक्रम सबै स्थगित गर्ने समझदारी भएको छ ।

दमौली । पृथ्वीराजमार्गअन्तर्गत तनहुँको व्यास नगरपालिका–१२ कमलाबारीमा सोमबार बिहान भारतीय बस दुर्घटना हुँदा २७ जना घाइते भएका छन् । मुक्तिनाथतर्फ जाँदै गरेको युपिबीपी ४९९५ नं को बस अनियन्त्रित भई राजमार्ग छेउ पल्टिँदा बसमा सवार २७ यात्रु घाइते भएको जिल्ला प्रहरी कार्यालय तनहुँले जनाएको छ । दुर्घटनामा घाइतेमध्ये १२ जनालाई उपचारका लागि पोखरास्थित मणिपाल शिक्षण अस्पताल पठाइएको र बाँकी सबै डिस्चार्ज भइसकेका छन् । घाइतेमध्ये छ जनाको अवस्था मध्यम रहेको छ । तीव्र गतिका कारण दुर्घटना भएको हुनसक्ने प्रहरीको अनुमान छ । रासस

काठमाडौं । नागरिक अभियन्ताका रूपमा परिचित डा. गोविन्द केसीले सात बुँदे माग अघि सार्दै सरकारबाट यसको सम्बोधन नभए पुनः सत्याग्रहमा बस्ने चेतावनी दिएका छन् । प्राध्यापक केसीले आइतबार एक विज्ञप्ति प्रकाशित गर्दै चिकित्सा शिक्षा ऐनको संशोधनलगायतका मागहरू पूरा नभए सत्याग्रहमा बस्नुको विकल्प नरहने बताएका छन् । उनका अन्य मागहरूमा निजी मेडिकल कलेजले अवैधरूपमा असुल गरेको सबै रकम फिर्ता गर्नुपर्ने, दोषी मेडिकल कलेजहरूलाई कानुनबमोजिम कडाभन्दा कडा कारबाही चलाउनुपर्ने, संसदीय उपसमितिबाट माफियाको प्रभावमा गरिएका शुल्क र सीट संख्यामा वृद्वि गर्नेसम्बन्धी निर्णय तत्काल खारेज गर्नुपर्ने, विश्वविद्यालय पदाधिकारी मापदण्ड निर्धारण समितिले दिएको सुझाबअनुरूप निष्पक्ष र पारदर्शी ढङगले पदाधिकारी नियुक्त गर्ने र सो प्रतिवेदनलाई अविलम्ब ऐनका रूपमा परिणत गर्नुपर्ने, पूर्व सम्झौताअनुसार इलाम, पाँचथर, उदयपुर, डोटी र डडेल्धुरालगायत प्रदेश २ र ४ मा पनि सरकारी मेडिकल कलेज खोल्ने प्रक्रिया तत्काल अघि बढाउनुपर्ने आदि छन्। कर्णाली स्वास्थ्य विज्ञान प्रतिष्ठान तथा गेटा मेडिकल कलेज र राप्ती स्वास्थ्य विज्ञान प्रतिष्ठानमा शीघ्र एमबीबीएसलगायतका कार्यक्रम शुरू गरिनुपर्ने, कर्णाली स्वास्थ्य विज्ञान प्रतिष्ठानमा एमडीजीपी कार्यक्रम सञ्चालन गर्ने अनुमति तुरुन्त फुकुवा गर्नुपर्ने, नेताहरूको उपचार खर्च पारदर्शी बनाइनुपर्ने, प्रधानमन्त्रीको स्वास्थ्य अवस्था यथार्थरूपमा सार्वजनिक गरिनुपर्ने, संक्रमणकालीन न्यायसम्बन्धी अयोगहरू प्रभावकारी बनाउनुपर्नेलगायतका माग केसीले राखेका छन् । ‘शिक्षा र स्वास्थ्य क्षेत्र सेवामूलक हुनुपर्नेमा चरम नाफामूलक र शहरमुखी बनाइएकाले आम विद्यार्थी र आम नेपालीको पहुँचबाट बाहिर छ भने गुणस्तर घट्दो छ।’ –उनले टिप्पणी गरेका छन् । सार्वजनिक शिक्षण संस्था– विश्वविद्यालय, प्रतिष्ठान तथा स्वास्थ्यसम्बन्धी शिक्षण संस्थालगायतलाई राजनीतिक दलका कार्यकर्ता भर्तीकेन्द्र बनाएर दोहन गर्ने माध्यम बनाइएको, राष्ट्रलाई चाहिने जनशक्ति नभएर पार्टीका कार्यकर्ताहरू र विदेशका लागि श्रमिक उत्पादन गर्ने केन्द्रका रूपमा परिणत गरिएको उनको धारणा छ। ‘नेपालका अधिकांश जनता बसोबास गर्ने ग्रामीण भेगमा न कुनै ठूला स्वास्थ्य संस्था छन् न त शिक्षण संस्थान नै’ केसीले विश्वविद्यालय, प्रतिष्ठान तथा संस्थाहरूमा मापदण्ड निर्धारण समितिले दिएका सुझावअनुसार पदाधिकारी नियुक्ति गर्नुको सट्टा राजनीतिक भागबन्डाका आधारमा कार्यकर्ताहरूलाई पदाधिकारी नियुक्त गर्ने चलखेल बन्द गर्न अपिल गरेका छन् । नेपाल समाचारपत्रबाट साभार

टीकापुरः कैलालीको लम्कीचुहा नगरपालिकाका मेयर महादेव बजगाईको कार्यकक्षमा आगलागी भएको छ। मेयर बजगाईको कार्यकक्षमा गएराति आगलागी भएको ईलाका प्रहरी कार्यालय लम्कीले जनाएको छ । इप्रका लम्कीका प्रमुख प्रहरी निरिक्षक ज्ञानेन्द्र चन्दका अनुसार आगलागीबाट मेयरको कुर्सी, टेबल, इस्टपलाईजर, एसी तथा कार्पेटमा क्षती पुगेको छ । तर अन्य कागजपत्रमा भने कुनै क्षती नभएको प्रहरीले जनाएको छ। प्रहरीले विद्युत सर्ट भएर आगो लागेको हुनसक्ने अनुमान गरेको छ। प्रहरी निरिक्षक चन्दले प्रारम्भीक अनुसन्धानबाट घटना स्थलमा कुनै शंकास्पद वस्तु समेत नभेटिएकाले कुनै व्यक्तिले आगो लगाएको भन्न सकिने अवस्था नरहेको जनाउँदै विद्युत सर्ट भएको हुनसक्ने अनुमान गरिएपनि घटनाको अनुसन्धान जारी रहेको बताएका छन्।

एजेन्सी । साविक विजेता युभेन्ट्स इटालियन सिरिएमा बराबरीमा रोकिएको छ । शनिबार राति भएको खेलमा युभेन्ट्स फियोरेन्टिनासँग गोलरहित बराबरीमा रोकिएको हो । क्रिस्टीयानो रोनाल्डो लगायत स्टार खेलाडीलाई उतारे पनि युभेन्ट्सले गोल गर्न सकेन । खेलभर युभेन्ट्सलाई टक्कर दिएको फियोरेन्टिनाको प्रयास पनि असफल बनेको थियो । बराबरीसँगै तीन खेलबाट सात अंक बनाएको युभेन्ट्स तालिकाको दोस्रो स्थानमा छ । फियोरेन्टिनाको एक अंक छ । शीर्ष स्थानमा रहेको इन्टर मिलानको समान खेलबा नौ अंक पुगेको छ । शनिबार राति भएको खेलमा इन्टरले उडिनेसलाई १–० गोलले हराएको थियो । इन्टरको जितमा स्टेफानो सेन्सीले ४४औं मिनेटमा गोल गरेका थिए । पराजित उडिनेस तीन अंक सहित १४औं स्थानमा छ । अर्को खेलमा नापोलीले साम्पडोरियालाई २–० गोलले पराजित गरेको छ । जितसँगै ६ अंक बनाएको नापोली चौथो स्थानमा छ । अंकविहिन साम्पडोरिया तालिकाको अन्तिममा छ ।

मेष मेष (चु, चे, चो, ला, लि, लु, ले, लो, अ) साना तिना समस्यामा अल्झिनुपर्ने देखिन्छ । दबाब र तनाव बढेको महसुस हुनेछ । व्यवसायमा मन्दी आउनेछ । मिथुन मिथुन (का, कि, कु, घ, ङ, छ, के, को, हा) पर्यटकीय स्थलको भ्रमणले मन लोभ्याउनेछ । लामो समयदेखि रोकिएका अधुरा कामहरु पुरा हुनेछन् । मंगल कार्यको योगछ । सिंह सिंह (मा, मि, मु, मे, मो, टा, टि, टु, टे) प्रेमी र प्रेमिकाका बिच खिन्नता बढ्नेछ । ताके अनुरूप काम नबन्नाले दिक्क लाग्नेछ । व्यवसायमा नोक्सानी बेहोर्नु पर्नेछ । तुला तुला (रा, रि, रु, रे, रो, ता, ति, तु, ते) आफूसँग भएको क्षमता प्रदर्शन गर्ने अवसर जुट्ला । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ । धनु धनु (ये, यो, भा, भि, भु, धा, फा, ढा, भे) मित्रहरूले दिएको वचन फेरिन सक्छ । फजुल खर्चले चिन्ता बढाउनेछ । मनको डरले सताए पनि व्यवहारमा फाइदा हुनेछ । कुम्भ कुम्भ (गु, गे, गो, सा, सि, सु, से, सो, दा) धार्मिक र सांस्कृतिक सभासमारोहमा सरिक हुने सम्भावना छ । प्रेमिले नयाँ स्थानको भ्रमण गर्ने प्रस्ताव राख्न सक्छन् । बृष वृष (इ, उ, ए, ओ, वा, वि, वु, वे, वो) मन मिल्ने साथीको सहयोग र हौसला मिल्नेछ । काम देखाएर अरूको मन लोभ्याउन सकिनेछ । रमाइलो यात्राको योग रहेको छ । कर्कट कर्कट (हि, हु, हे, हो, डा, डि, डु, डे, डो) शुभकार्यको चर्चा चल्नेछ । सामाजिक क्षेत्र र नोकरीबाट मानसम्मान मिल्नेछ । चिताएको कामले तीव्रता लिनेछ । कन्या कन्या (टो, पा, पि, पु, ष, ण, ठ, पे, पो) अनुहारमा कान्ति र मनमा शान्ति छाउनेछ । जागिर र कर्म प्रति रुचि बढ्नेछ । रोकिएका काम पुनः सुरु हुन सक्छन् । बृश्चिक वृश्चिक (तो, ना, नि, नु, ने, नो, या, यि, यु) एकपछि अर्को अवसर आउनाले मन प्रसन्न रहनेछ । व्यवसायको सन्दर्भमा रमाइलो यात्रा होला । सन्तान सुख मिल्नेछ । मकर मकर (भो,जा,जि,जु,जे,जो,ख,खि,खु,खे,खो,गा,गि) नयाँ कार्यको थालनी हुनेछ । एउटै कामबाट दोहोरो लाभ मिल्नेछ । प्रेमसम्बन्ध र प्रणयप्रसङ्गका लागि पनि श्रेष्ठ समय रहेकोछ । मीन मीन (दि, दु, थ, झ, ञ, दे, दो, चा, चि) विशेष यज्ञयागादि तथा धार्मिक कृत्यमा सहभागीको अवसर मिल्नेछ । भौतिक साधन जुटाउने समय छ । रमाइलो यात्राको योग रहेको छ । – ज्यो.प. नारायणप्रसाद दुलाल

बुटवल । बुटवल पाल्पा सडक खण्ड अन्तरगत पर्ने सिद्धबाबा मन्दिर नजिकै पहिरो खस्दा सिद्धार्थ राजमार्ग अवरुद्ध भएको छ । शनिबार बिहान सवा ९ बजे माथिबाट खसेको पहिरोका कारण पाल्पा, गुल्मी अर्घाखाँची, पोखरा बाग्लुङ जाने गाडी बुटवलमा रोकिएका छन् । त्यस्तै बुटवल आउदै गरेका गाडी पाल्पाको दोभारमा रोकिएका छन् । अहिले यस क्षेत्रमा भीषण वर्षा भइरहेको छ । इलाका प्रहरी कार्यालय बुटवलका प्रमुख भीमलाल भट्टराईले पाल्पाको टोलीसँग समन्वय गरेर सडक खुुलाउने प्रयास भइरहेको बताए । भारी वर्षा भइरहेकोले सचेत भएर हिड्न यात्रुहरुलाई प्रहरीले आग्रह गरेको छ । सिद्धबाबा सडक जोखिमपूर्ण छ ।