एजेन्सी । साविक विजेता युभेन्ट्स इटालियन सिरिएमा बराबरीमा रोकिएको छ । शनिबार राति भएको खेलमा युभेन्ट्स फियोरेन्टिनासँग गोलरहित बराबरीमा रोकिएको हो । क्रिस्टीयानो रोनाल्डो लगायत स्टार खेलाडीलाई उतारे पनि युभेन्ट्सले गोल गर्न सकेन । खेलभर युभेन्ट्सलाई टक्कर दिएको फियोरेन्टिनाको प्रयास पनि असफल बनेको थियो । बराबरीसँगै तीन खेलबाट सात अंक बनाएको युभेन्ट्स तालिकाको दोस्रो स्थानमा छ । फियोरेन्टिनाको एक अंक छ । शीर्ष स्थानमा रहेको इन्टर मिलानको समान खेलबा नौ अंक पुगेको छ । शनिबार राति भएको खेलमा इन्टरले उडिनेसलाई १–० गोलले हराएको थियो । इन्टरको जितमा स्टेफानो सेन्सीले ४४औं मिनेटमा गोल गरेका थिए । पराजित उडिनेस तीन अंक सहित १४औं स्थानमा छ । अर्को खेलमा नापोलीले साम्पडोरियालाई २–० गोलले पराजित गरेको छ । जितसँगै ६ अंक बनाएको नापोली चौथो स्थानमा छ । अंकविहिन साम्पडोरिया तालिकाको अन्तिममा छ ।

मेष मेष (चु, चे, चो, ला, लि, लु, ले, लो, अ) साना तिना समस्यामा अल्झिनुपर्ने देखिन्छ । दबाब र तनाव बढेको महसुस हुनेछ । व्यवसायमा मन्दी आउनेछ । मिथुन मिथुन (का, कि, कु, घ, ङ, छ, के, को, हा) पर्यटकीय स्थलको भ्रमणले मन लोभ्याउनेछ । लामो समयदेखि रोकिएका अधुरा कामहरु पुरा हुनेछन् । मंगल कार्यको योगछ । सिंह सिंह (मा, मि, मु, मे, मो, टा, टि, टु, टे) प्रेमी र प्रेमिकाका बिच खिन्नता बढ्नेछ । ताके अनुरूप काम नबन्नाले दिक्क लाग्नेछ । व्यवसायमा नोक्सानी बेहोर्नु पर्नेछ । तुला तुला (रा, रि, रु, रे, रो, ता, ति, तु, ते) आफूसँग भएको क्षमता प्रदर्शन गर्ने अवसर जुट्ला । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ । धनु धनु (ये, यो, भा, भि, भु, धा, फा, ढा, भे) मित्रहरूले दिएको वचन फेरिन सक्छ । फजुल खर्चले चिन्ता बढाउनेछ । मनको डरले सताए पनि व्यवहारमा फाइदा हुनेछ । कुम्भ कुम्भ (गु, गे, गो, सा, सि, सु, से, सो, दा) धार्मिक र सांस्कृतिक सभासमारोहमा सरिक हुने सम्भावना छ । प्रेमिले नयाँ स्थानको भ्रमण गर्ने प्रस्ताव राख्न सक्छन् । बृष वृष (इ, उ, ए, ओ, वा, वि, वु, वे, वो) मन मिल्ने साथीको सहयोग र हौसला मिल्नेछ । काम देखाएर अरूको मन लोभ्याउन सकिनेछ । रमाइलो यात्राको योग रहेको छ । कर्कट कर्कट (हि, हु, हे, हो, डा, डि, डु, डे, डो) शुभकार्यको चर्चा चल्नेछ । सामाजिक क्षेत्र र नोकरीबाट मानसम्मान मिल्नेछ । चिताएको कामले तीव्रता लिनेछ । कन्या कन्या (टो, पा, पि, पु, ष, ण, ठ, पे, पो) अनुहारमा कान्ति र मनमा शान्ति छाउनेछ । जागिर र कर्म प्रति रुचि बढ्नेछ । रोकिएका काम पुनः सुरु हुन सक्छन् । बृश्चिक वृश्चिक (तो, ना, नि, नु, ने, नो, या, यि, यु) एकपछि अर्को अवसर आउनाले मन प्रसन्न रहनेछ । व्यवसायको सन्दर्भमा रमाइलो यात्रा होला । सन्तान सुख मिल्नेछ । मकर मकर (भो,जा,जि,जु,जे,जो,ख,खि,खु,खे,खो,गा,गि) नयाँ कार्यको थालनी हुनेछ । एउटै कामबाट दोहोरो लाभ मिल्नेछ । प्रेमसम्बन्ध र प्रणयप्रसङ्गका लागि पनि श्रेष्ठ समय रहेकोछ । मीन मीन (दि, दु, थ, झ, ञ, दे, दो, चा, चि) विशेष यज्ञयागादि तथा धार्मिक कृत्यमा सहभागीको अवसर मिल्नेछ । भौतिक साधन जुटाउने समय छ । रमाइलो यात्राको योग रहेको छ । – ज्यो.प. नारायणप्रसाद दुलाल

बुटवल । बुटवल पाल्पा सडक खण्ड अन्तरगत पर्ने सिद्धबाबा मन्दिर नजिकै पहिरो खस्दा सिद्धार्थ राजमार्ग अवरुद्ध भएको छ । शनिबार बिहान सवा ९ बजे माथिबाट खसेको पहिरोका कारण पाल्पा, गुल्मी अर्घाखाँची, पोखरा बाग्लुङ जाने गाडी बुटवलमा रोकिएका छन् । त्यस्तै बुटवल आउदै गरेका गाडी पाल्पाको दोभारमा रोकिएका छन् । अहिले यस क्षेत्रमा भीषण वर्षा भइरहेको छ । इलाका प्रहरी कार्यालय बुटवलका प्रमुख भीमलाल भट्टराईले पाल्पाको टोलीसँग समन्वय गरेर सडक खुुलाउने प्रयास भइरहेको बताए । भारी वर्षा भइरहेकोले सचेत भएर हिड्न यात्रुहरुलाई प्रहरीले आग्रह गरेको छ । सिद्धबाबा सडक जोखिमपूर्ण छ ।

इलाम, नेपाल कम्युनिष्ट पार्टी (नेकपा)का अध्यक्ष प्रचण्डले नेपाल सधैं स्वतन्त्र र असंलग्न परराष्ट्र नीतिका पक्षमा रहेको बताएका छन् । शनिबार बिहान इलाममा आयोजित पत्रकार सम्मेलनमा बोल्दै अध्यक्ष प्रचण्डले नेपालले पञ्चशीलमा आधारित विदेश नीति अबलम्बन गरेको बताउँदै कुनै पनि सैन्य गठबन्धनमा समावेश नहुने बताए । पढ्नुस अध्यक्षको पूर्ण सम्बोधन विदेश नीतिका बारेमा हाम्रो विदेश नीति प्रष्ट छ । असंलग्न र स्वतन्त्र विदेश नीतिको मान्यताबाट नेपाल विचलित छैन । हामी कुनै पनि शक्तिकेन्द्रको सैन्य गठबन्धनमा सामेल हुँदैनौं । हामी असंलग्न रहन्छौं । पहिलो बुझ्नु जरुरी छ । यसै सन्दर्भममा चाहे त्यो विमस्ष्टेक सन्दर्भको हो, चाहे त्यो इण्डो प्यासिफिकको सैन्य अभ्यासमा किन नहोस हाम्रो राष्ट्रियतालाई असर पर्ने  कुनै पनि गठबन्धनमा हामी सहभागी हुँदैनौं । मैले प्रधानमन्त्रीजी र परराष्ट्र मन्त्रीले भनेको त्यही हो । हाम्रो चीनका बारेमा एक चीन नीति छ । हामी चीनविरुद्ध नेपालको भूमि प्रयोग गर्न दिन्नौं र दिँदैनौं भन्ने पनि हाम्रो प्रष्ट नीति हो । यही कुरा मैले गरेको हो । इण्डो प्यासिफिकका सन्दर्भममा पनि चीनका विरुद्ध हुने कुनै गतिविधि सह्य छैन भनिएको हो । प्रचार जसरी आयो, चीनबाट आधिकारिक परराष्ट्र मन्त्रालयबाट स्टेटमेन्टका रुपमा आएको होइन । कुनै समाचार एजेन्सीको समाचार बनाउने क्रममा आएको हो । त्यसमा सरकार, परराष्ट्रका रुपमा वक्तव्य आएको होइन । अर्को कुरा अमेरिकाको राजदूत या स्टेट डिपार्टमेन्टले मागेको पनि होइन । त्यहाँ काम गर्ने एकजना कर्मचारीले बाहिर भनेको मात्रै हो । आधिकारिकरुपमा न चीनले न अमेरिकाले भनेको स्थिति हो । मैले नेपाल राष्ट्रको घोषित नीति अनुरुप भनेको हो । कतिपयले हरेकपटक यस्तै हुन्छ भनेर भन्न खोजेको पाइयो । क्युबा, भेनेजुएला आदिका सन्दर्भममा अमेरिकाप्रति नकारात्मक धारणा बनाउन खोजेको भन्ने प्रचार पनि सत्य होइन । भेनेजुएलाका बारेमा मैले भनिसकेको छु र परराष्ट्रले पनि भेनेजुएलाको बारेमा त्यहीका जनताले निर्णय गर्ने हो, बाहिरबाट कुनै हस्तक्षेप हुनुहुँदैन भन्ने कुरा पराष्ट्रले भनिसकेको हो । जहाँसम्म क्यूबाको कुरा हो, क्यूबाको पक्षमा त पुरै संसार छ । संयुक्त राष्ट्रसंघबाट नाकाबन्दीविरुद्ध प्रस्ताव पारित छ । नाकाबन्दीविरुद्ध छ । क्यूबालाई सहयोग र ऐक्यबद्धता जनाउन उनीहरुको टोली नेपाल आएको थियो । चेको छोरी नै आउनु भएको थियो । त्यो कार्यक्रममा मैले सुरक्षा परिषदको निर्णय कार्यान्वयन हुनुपर्यो, हामी त्यो मामिलामा क्युबाको पक्षमा छौं भनेको हो । तर अमेरिकालाई उत्तेजित पार्ने हाम्रो कुनै आवश्यकता छैन । अमेरिकासँग पनि कुटनीतिक सम्बन्ध छ । कैयन पक्षमा हाम्रो द्विपक्षीय सम्बन्धलाई बलियो बनाउने काम भएको छ । म अमेरिका भ्रमणका बेला समेत यसविषयमा अमेरिकी अधिकारीसँग कुरा गरेको छ । विदेश नीतिका बारेमा मैले नेपालको परराष्ट्र नीति नै बोलेको छु । यसमा स्प्ष्ट हुनुपर्छ । पार्टी एकताका बारेमा ्पार्टी एकताको विषय धेरै टुंगिएको छ । केही पक्ष बाँकी छ । यो पनि सजिलै टुंगिन्छ । माधवजीसँग प्रधानमन्त्रीजीसँगको सम्बन्ध अलि बिग्रियो कि भन्ने छ, अहिले त्यस्तो छैन । सचिवालयको बैठकमा निर्वाचन आयोगमा पार्टी दर्ता गर्ने विषयमा सर्वसम्मतले निर्णय भयो । अब फेरी माधवजीले भनेजस्तो केपी जी र मेरोबीच ठूलो कुरा होइन भनेजस्तो अहिले बैठकपछि सम्बन्ध सहज छ । यतिबेला पार्टीको जोड गुटहरु भत्काउनेमा छ । पार्टीलाई बलियो बनाउनुपर्छ भन्नेमा हामी केन्द्रीत छौ । अब हाम्रा छलफल त्यसरी नै जान्छन् । सरकारको काम कारवाही छिमेकीसँग जे जस्ता सम्झौत भएका छन् त्इसले नेपालको हैसियत माथि उठाएको छ । ल्याण्ड लक्डबाट ल्याण्ड लिंकमा पुगेको छ । यो दूरगामी महत्वको छ । आर्थिक विकासको हेर्दा हामी ७ प्रतिशत भन्दा माथि गएका छौं । हामी सारै बर्बाद हुन लाग्यो भनेर प्रचार गर्नु जायज छैन । पूर्वाधार विकासमा गाउँदेखि संघीय सरकारले योजना बनाएर जाने प्रक्रिया शुरु भएको छ । सरकारको अवधिभित्र धेरै राम्रो परिणाम आउँछ भन्ने विश्वास छ । जनताको अपेक्षा अनुरुप हुन नसकेको सत्य हो । पार्टीले जसरी जनताले स्पष्ट पार्न अभियानको रुपमा जानुपर्ने, पार्टीले सरकारलाई निर्देशित गर्ने अवस्था नभएको, आन्तरिक कुरामा धेरै जेलिएकोले जे कमी भएको छ, त्यसमा सुधार गर्ने र जनतामा जाने साथै विकासलाई गति दिने दिशामा हामी केन्द्रीत छौं । अब यो सरकारले नयाँ गति लिएर जान्छ । गणतन्त्रमा खतरा संघीय लोकतान्त्रिक गणतन्त्रमा खतरा अलि बढी नै भयो भन्ने चाहिँ होइन । प्रतिगामीहरुले होहल्ला गर्दैमा सार्वभौम जनताले बनाएको सबैभन्दा बढी मौलिक अधिकार भएको संविधान कसैले कमजोर गरेर कमजोर हुने स्थिति छैन । यो सिष्टम नै उल्टिने खतरा आयो भन्ने पनि होइन । तर हिजोका निरंकुशतावादी, अलि होहल्ला गर्न खोज्ने, एयरपोर्टमा गएर राजतन्त्रको पक्षमा नारा लगाउने, गणतन्त्रको विरुद्ध नारा लगाउने मान्छेहरु निक्लेर नेताहरुलाई सत्तोसराप गरेर गाली गर्ने प्रवृत्तिलाई गम्भीररुपमा लिनुपर्छ । यस्ता गतिविधि अहिलेको समृद्धिको यात्राका बाधक तत्वलाई जनतालाई सचेत पार्नुपर्छ । तर यसबाट अहिले नै संवैधानिक समस्या पर्यो भन्ने सत्य होइन । प्रधानमन्त्रीले सर्वदलीय बैठक बोलाउनु भयो, सबैले यो संविधान र गणतन्त्रप्रति संकल्प र प्रतिबद्धता व्यक्त गरे । मिडिया काउन्सिल विधेयकबारे संविधानसभाको अध्यक्ष यहीं हुनुहुन्छ, संविधानमा पूर्ण स्वतन्त्रताको व्यवस्था गरिएको छ । अहिले मिडिया काउन्सिलसँगको विधेयक परिमार्जन गरेर संविधानको मर्म र भावना अनुरुप नै अघि बढाइन्छ । यो लोकतान्त्रिक मूल्य मान्यताप्रति प्रतिबद्ध सरकार हो, हामीले नै संविधान बनाएका हौं त्यसैले त्यसविरुद्ध हामी जान सक्दैनौं । तर प्रधानमन्त्रीलाई मनपरी गाली गरेर हिंडने पाउने, अभद्र, अनर्गल प्रचार गर्दै हिंडन पाउने, झठा कुरा गरेर भ्रमित गरेर हिंडन पाउने स्वतन्त्रता विश्वका कुन चाहिँ देशमा छ ? लोकतन्त्र भएपनि त्यसको मान्यता छ, गरिमा छ । के अरु पार्टी भए यत्तिको हुन्थ्यो त ? यो प्रेस स्वतन्त्रतालाई मर्यादित र व्यवस्थित बनाउने उपाय के हो भन्ने पक्ष विचारणीय भएको छ । तर निरंकुश हुन खोज्यो भन्ने कुरा मिलेको देखिएको छैन । मिडिया काउन्सिल विधेयकमा केही कमी भए सच्च्याउन तयार छौं । कार्यदिशा र जिम्मेवारी बाँडफाँड पार्टीमा कोही पनि जबज र एक्काइसौं शताब्दीको बिरोधी छैनौं । आउँदो महाधिवेशनका यसलाई परिमार्जन गर्ने भनेका छैनौं । त्यो नहुँदा सम्म समाजावादोन्मुख जनताको जनवाद भनेका छौं । बीचमा त्यस्तो देखिन खोजे जस्तो देखिएपनि अहिले हामी एउटै भाषा र प्रतिबद्धतामा छौं । सरकारको कुरा गर्दा पार्टी र नेतृत्वबीचको सहमति हुने कुरा हो । पार्टी एकताको सन्दर्भमाम केही सहमति भएका हुन तर आजको अवस्था हेर्दा सरकारलाई कहिं कतै कमजोर बनाउन दिन खोजेका छैनौं । यो समाचार एभरेष्ट दैनिकडटकममा पढदै हुनुहुन्छ । पार्टी एकता राम्रोसँग हुनुपर्यो र सरकार प्रभाकारी भयो भने पाँच वर्ष नै यो सरकार जाँदा समस्या हुन्न भनेर मैले धेरैपटक भनेको छु । जनताको चाहना सरकारले राम्रा काम छिटो गरोस भन्ने छ । पार्टी एकता छिटो होस भन्ने कुरा कार्यकर्ताले भनेका छन् । हाम्रा लागि यो पदको कुरा ठूलो होइन । चुनावपछि सरकार कमरेड केपी ओलीकै नेतृत्वमा हुन्छ भनेर मैले भनेको हो । चुनावपछि मलाई पुरै अवधिको प्रधानमन्त्रीको अफर आएको थियो । म ती सबै छोडेर आएको छु भने म प्रधानमन्त्री बन्न हतार छु भन्नु सारै गलत हुन्छ । मैले जसरी लचकता र उदारता अपनाएको छु, म जस्तो अरु पाउन गारो हुन्छ । पाँच वर्ष सरकार चल्छ । राष्ट्रको र इतिहासको आवश्यकतालाई रचनात्मक रुपमा सोचेर जानु छ । सहमति र सहकार्य जरुरी छ । संविधान संशाेधन संघीय समाजवादी पार्टीसँग तीन बुँदे सहमति भएको हो । त्यहाँ आवश्यकता अनुसार संविधान संशोधन गर्न सकिने कुरा छ । अहिले पनि संविधान भनेको संशोधनीय दस्तावेज हो भन्ने पार्टीको नीति हो । त्यतिबेला समाजवादी अहिले नै गर्नुपर्यो भनेको पनि हो । समयावधि तोकिएको होइन । आवश्यकता अनुसार गर्न सकिन्छ ।

काठमाडौंः  क्यारेबियन प्रिमियर लिग (सीपीएल) मा शानदार प्रदर्शन गरेको भन्दै दिल्ली क्यापिटल्सले नेपाली लेग स्पिनर सन्दीप लामिछानेको प्रशंसा गरेको छ । सन्दीपले बिहीबार सेन्ट किट्स एण्ड नेभिस प्याट्रिटस विरुद्धको खेलमा ४ ओभरमा २२ रन दिएर महत्वपूर्ण ३ विकेट लिएका थिए । उनको यो प्रदर्शनबारे दिल्लीले खुलेर प्रशंसा गरेको हो । सन्दीप आइपीएलमा दिल्लीबाट खेल्ने गर्दछन् । उनका हरेक खेलमा दिल्लीले विशेष चासो राखिरहेको छ । सन्दीप आफ्नो पूर्व टिम प्याट्रिटसविरुद्ध ३ विकेट लिँदै ‘म्यान अफ द म्याच’समेत घोषित भएका थिए । सन्दीपकै शानदार प्रदर्शनमा दोस्रो खेलमा बार्बाडोस १८ रनले विजयी भएको छ । बार्बाडोसको यो पहिलो जीत हो । ट्राईडेन्टसले दिएको १८७ रनको लक्ष्य पछ्याएको प्याट्रिटसले निर्धारित २० ओभरमा ९ विकेट गुमाएर ११८ रन मात्र बनाउन सक्यो । उसका लागि लउरी इभन्सले सर्बाधिक ६४ रन बनाए । बलिङमा बार्बाडोसका सन्दीप लामिछानेले ३, हेयादिन वाल्स, जसन होल्डरले २–२, रोशन प्रिमअस र जोश लालोरले एक–एक विकेट लिए । सन्दीपको उत्कृष्ट प्रदर्शन बार्बाडोसमा आवद्ध नेपाली लेग स्पिनर सन्दीप लामिछानलेले प्याट्रिटसविरुद्ध उत्कृष्ट प्रदर्शन गरे । उनले आफ्नो दोस्रो खेलमा पूर्वटिम प्याट्रिटसविरुद्ध ४ ओभरमा महत्वपूर्ण ३ विकेट लिएर २२ रन दिए । सन्दीपले आफ्नो तेस्रो ओभरमा महत्वपूर्ण २ विकेट लिए । उनले आफ्नो तेस्रो ओभरको पहिलो बलमा समराह ब्रूक्स र त्यही ओभरको अन्तिम बलमा ६४ रन बनाएर खेलिरहेका लउरी इभन्सलाई आउट गर्न सफल भए । यस्तै सन्दीपले आफ्नो अन्तिम ओभरको तेस्रो बलमा कप्तान कार्लोस ब्रार्थवेटलाई एक रनमा एल्बीडब्लू आउट गरे । सन्दीपले आफ्नो दोस्रो ओभरमा एक छक्का र एक सिंगल रन दिएका थिए । उनले आज आफ्नो पहिलो ओभरमा पनि ७ रननै दिएका थिए । अघिल्लो खेलमा एक ओभर मात्र बलिङ गर्न पाएका सन्दीपले ५ रन दिएका थिए । टस हारेर ब्याटिङको मौका पाएको बार्बाडोसले ट्राईडेन्टसलाई २० ओभरमा २ विकेट गुमाएर १८७ रनको लक्ष्य दिएको थियाे । उसका लागि जोनसन चाल्सले ५३, एलेक्स हेल्सले १८ रन बनाए । लिंको बाउचर ६२ र जेपि डुमीनि ४३ रनमा नट आउट रहे । बलिङमा प्याट्रिटसका उश्मा मिर र रायद इमरितले एक–एक विकेट लिए । सन्दीपको टोली बार्बाडोस पहिलो खेलमा गुयना एमेजेन वारियससँग ४७ रनले पराजित भएको थियो । उनले गत सिजन सेन्ट किट्सबाट खेल्दै ५ खेलमा ७ विकेट लिएपछि उदीयमान खेलाडी घोषित भएका थिए ।

काठमाडौंः  क्यारेबियन प्रिमियर लिग (सीपीएल) अन्तर्गत क्रिस गेलको टिम जमैका तल्लावाजविरुद्ध सर्बाधिक तौल (१४० किलो) भएका क्रिकेटर रहकीम क्रोनवालले शानदार अर्धशतक बनाएका छन् । सेन्ट लुसिया जूक्समाआवद्ध ओपनर क्रोनवालले ६ छक्का र २ चौकाको मद्दतमा अर्धशतक बनाएका हुन् । यो समाचार तयार पार्दासम्म क्रोनवालको टिमले ८ ओभरमा बिनाविकेट १०५ रन बनाएको छ । यसअघि टस हारेर ब्याटिङको मौका पाएको गेलको टिमले निर्धारित २० ओभरमा ५ विकेट गुमाएर १७१ रनको लक्ष्य दिएको छ । उसका लागि ग्लेन फिलिप्सले सर्बाधिक ५८, रोभवान पावेलले ४४ रन बनाए । अघिल्लो खेलमा शानदार शतक बनाएका कप्तान गेलले आज भने शून्य रनमै आउट भए । बलिङमा जुक्सका फअवाद अहमद, ओबीड म्याकओइले २–२ विकेट लिए ।

काठमाडौं । नेपाल राष्ट्र बैंकले रुपैयाँ २० र रुपैयाँ ५० दरको नयाँ सिरिजको नोट प्रचलनमा ल्याएको छ। राष्ट्र बैंकले बिहीबारदेखि २० रुपैयाँ दरका अग्रभागमा ‘विसं २०७२’ र पृष्ठभागमा ‘२०१६ एडी’ लेखिएका संकेत नंम्बर ञ/४१ ०००००१ देखि ञ/४१ ९९९९९९ सम्मका नोट निस्कासित गरेको हो। त्यसैगरी ५० रुपैयाँ दरका अग्रभागमा ‘विसं २०७२‘ तथा पृष्ठभागमा ‘२०१५ एडी’ लेखिएका संकेत नं ज/८६ ०००००१ देखि ज/८८ ९९९९९९ सम्मको नोट निस्कासित भएका छन्। नोटको सिरिज नयाँ भए पनि डिजाइन भने पुरानै हुने राष्ट्र बैंकले जनाएको छ।

काठमाडौंः  भारतीय क्रिकेट नियामक संस्था (बीसीसीआई)ले भारतीय टीमका खेलाडीलाई वेस्टइण्डिज भ्रमणको क्रममा परिवारका सदस्यहरूलाई साथ राख्ने अनुमति दिएको खुल्न आएको छ । टाइम्स अफ इंडियाले प्रकाशित गरेको जानकारी अनुसार बीसीसीआईले हाल लागू भएका परिवारसम्बन्धी नियमहरूमा केही छूट दिएको बताइएको छ । बीसीसीआई सम्बद्ध स्रोतहरूले बताए अनुसार विश्वकपमा खेलाडीहरूले झेलेको तनाव कम गर्न लगत्तै सुरु भएको वेस्टइन्डिज भ्रमणमा उनीहरूलाई यस्तो अनुमति दिइएको हो । बीसीसीआईका एक जाना अद्जिकारीले भने, “खेलाडीहरूलाई विश्वकपमा निकै तनाव रह्यो । त्यसको लगत्तै पछि वेस्टइन्डिजका लागि हिँडेका उनीहरूलाई परिवारसँग बस्ने अनुमति दिइनु आवश्यक थियो । उनले भने, “वेस्टइन्डिजसँगको शृंखला पछि लामो र व्यस्त घरेलु सिजन सुरु हुँदै छ । देशमा परिवारसँग यात्रा गर्न निकै अप्ठ्यारो हुने हुँदा यस्तो सुविधा दिइएको हो ।” बीसीसीआईले भारतको सर्वोच्च अदालतद्वारा नियुक्त प्रशासकहरूको समिति, मुख्य कोच र कप्तानसँग मिलेर परिवारसम्बन्धी नियम बनाएको छ । यस नियम अन्तर्गत खेलाडीहरूले विदेशमा खेल्न जाँदा निश्चित समयआ लागि मात्र परिवारका सदस्यहरूलाई साथमा राख्न सक्छन् । यस नियमका अनुसार लामो भ्रमणको क्रममा खेलाडीहरूलाई सुरुका २० दिन परिवारसंग बस्ने अनुमति दिइन्न । उनीहरूलाई पूरा भ्रमणको क्रममा २१ दिन मात्रै परिवारसँग बस्न अनुमति दिइने गरेको छ । स्रोतले टीमका एक जना वरिष्ठ सदस्यले विश्वकप सुरु भएदेखि नै परिवारसँग बस्न अनुमति मागेका थिए तर प्रशासकहरू समितिले यसलाई स्वीकार नगरेको बतायो । त्यसपछि उनले नियमलाई अटेर गर्दै आफ्नो परिवार इङल्याण्ड झिकाएका थिए । विश्वकपको दौरान भारतीय कप्तान विराट कोहली र उनकी पत्नी अनुष्का शर्मा सधैं जसो सँगसँगै थिए । कोहलीले यस कुरालाई गोप्य राखेनन् र आफ्ना तस्बीर सामाजिक संजालमा साझा गरिरहे । अधिकारी बताउँछन्, “यो नियम सबैका लागि थियो । वेस्टइन्डिजको लागिओ तिनै प्रारूपका लागि खेलाडी चयन भएका थिए जसमध्ये केही खेलाडी तिन ओटै प्रारूपका लागि थिए । विराट त्यसमध्ये एक हुन ।” उनले थपे, “विराट पेशेवर खेलाडी हुन् उनी नियम तोड्ने गर्दैनन् । यस दौरान उनकी पत्नीको निजी कार्यक्रमका कारण उनीहरूको भेट भएको हो ।”

काठमाडौंः  भारत र दक्षिण अफ्रिकाबीच हुन गइरहेका टेष्ट सिरिजका लागि खेलाडीको नाम छनौट  हुने भएको छ । मिडियामा प्रकाशित समाचार अनुसार, आजको छनौटमा लोकेश राहुल आउट हुने सम्भावना रहेको छ । उनको स्थानमा रोहित शर्मा प्लेइङ ११ मा पर्न सक्छन् । भारतीय क्रिकेट टिमका महत्वपूर्ण ब्याट्सम्यान रोहितलाई वेष्ट इण्डिजविरुद्धको खेलमा प्लेइङ ११  राखिएकाे थिएन । दक्षिण अफ्रिकाविरुद्ध हनुमा बिहारी र अजिंक्य रहाणेलाई पाँचौ क्रममा राख्ने सम्भावना देखिएको समाचारपत्रहरुले उल्लेख गरेका छन् । रोहितले सन् २०१८ मा अष्ट्रेलियाविरुद्ध अन्तिम टेष्ट खेलेका थिए । दक्षिण अफ्रिकाविरुद्ध चेतेश्वर पुजारा तेश्रो र कप्तान बिराट कोहली चौथो नम्बरमा रहन सक्छन् । यदि राहुल आउट भए भने कोच र कप्तानका अगाडि रोहितलाई ल्याउन बाहेक अन्य विकल्प देखिँदैन । त्यसो त गुजरातका प्रियांक पन्चाल र पन्जाबका शुभमन गिल पनि यो दौडमा रहेका छन् । टीम व्यवस्थापकले मन पराएका राहुलले आफ्नो अन्तिम ३० टेष्ट पारीमा जम्मा ६६४ रन मात्रै बनाउन सकेका छन् । यसमा उनको शानदार प्रदर्शन गत वर्ष इंग्ल्याण्डविरुद्धको पाँचौ टेष्ट थियो । त्यहाँ उनले १४९ रन बनाएका थिए । अनुमान गरिए अनुसार, १५ सदस्यीय टीममा रोहित र इश्वरन दुबैले स्थान बनाउन सक्ने छन् । आलराउण्डर हार्दिक पाण्ड्या पनि टीममा फर्किन सक्छन् । नवदीप सैनीलाई ब्याकअप तीब्र गतिको बलरका रुपमा समावेश गर्न सकिने छ । दक्षिण अफ्रिका विरुद्ध भारतको सम्भावित टिमः मयंक अग्रवाल, रोहित शर्मा, चेतेश्वर पुजारा, विराट कोहली, अजिंक्य रहाणे, हनुमा विहारी, हार्दिक पाण्ड्या, ऋषभ पन्त, ऋद्धिमान शाहा, जसप्रीत बुमराह, इशान्त शर्मा, मोहम्मद शामी, उमेश यादव, रविचन्दन आश्विन, रविद्र जडेजा । दाैडमा यी पनि छन् तेस्रो क्रमका ब्याट्सम्यान: अभिमन्यु ईश्वरन र प्रियांक पंचाल ब्याकअप खेलाडी- नवदीप सैनी विकेटकीपर-कोना भारत

काठमाडौंः  क्यारेबियन प्रिमियर लिग (सीपीएल) अन्तर्गत सेन्ट किट्स एण्ड नेभिस प्याट्रिटस विरुद्धको खेलमा सन्दीप लामिछाने आवद्ध बार्बाडोस ट्राईडेन्टस १८ रनले विजयी भएको छ । बार्बाडोसको यो पहिलो जीत हो ।   ट्राईडेन्टसले दिएको १८७ रनको लक्ष्य पछ्याएको प्याट्रिटसले निर्धारित २० ओभरमा ९ विकेट गुमाएर ११८ रन मात्र बनाउन सक्यो । उसका लागि लउरी इभन्सले सर्बाधिक ६४ रन बनाए । बलिङमा बार्बाडोसका सन्दीप लामिछानेले ३, हेयादिन वाल्स, जसन होल्डरले २–२, रोशन प्रिमअस र जोश लालोरले एक–एक विकेट लिए । सन्दीपको उत्कृष्ट प्रदर्शन बार्बाडोसमा आवद्ध नेपाली लेग स्पिनर सन्दीप लामिछानलेले प्याट्रिटसविरुद्ध उत्कृष्ट प्रदर्शन गरे । उनले आफ्नो दोस्रो खेलमा पूर्वटिम प्याट्रिटसविरुद्ध ४ ओभरमा महत्वपूर्ण ३ विकेट लिएर २२ रन दिए । सन्दीपले आफ्नो तेस्रो ओभरमा महत्वपूर्ण २ विकेट लिए । उनले आफ्नो तेस्रो ओभरको पहिलो बलमा समराह ब्रूक्स र त्यही ओभरको अन्तिम बलमा ६४ रन बनाएर खेलिरहेका लउरी इभन्सलाई आउट गर्न सफल भए । यस्तै सन्दीपले आफ्नो अन्तिम ओभरको तेस्रो बलमा कप्तान कार्लोस ब्रार्थवेटलाई एक रनमा एल्बीडब्लू आउट गरे । सन्दीपले आफ्नो दोस्रो ओभरमा एक छक्का र एक सिंगल रन दिएका थिए । उनले आज आफ्नो पहिलो ओभरमा पनि ७ रननै दिएका थिए । अघिल्लो खेलमा एक ओभर मात्र बलिङ गर्न पाएका सन्दीपले ५ रन दिएका थिए । यो समाचार तयार पार्दासम्म प्याट्रिटसले १६।४ ओभरमा ९ विकेट गुमाएर ११९ रन बनाएको छ । टस हारेर ब्याटिङको मौका पाएको बार्बाडोसले ट्राईडेन्टसलाई २० ओभरमा २ विकेट गुमाएर १८७ रनको लक्ष्य दिएको छ । उसका लागि जोनसन चाल्सले ५३, एलेक्स हेल्सले १८ रन बनाए । लिंको बाउचर ६२ र जेपि डुमीनि ४३ रनमा नट आउट रहे । बलिङमा प्याट्रिटसका उश्मा मिर र रायद इमरितले एक–एक विकेट लिए । सन्दीपको टोली बार्बाडोस पहिलो खेलमा गुयना एमेजेन वारियससँग ४७ रनले पराजित भएको थियो । उनले गत सिजन सेन्ट किट्सबाट खेल्दै ५ खेलमा ७ विकेट लिएपछि उदीयमान खेलाडी घोषित भएका थिए ।

काठमाडौंः  क्यारेबियन प्रिमियर लिग (सीपीएल) अन्तर्गत सातौं खेलमा क्रिस गेलको टिम जमैका तल्लवासले सेन्ट किट्स एन्ड नेभिस पेट्रियट्सलाई २४२ रनको विशाल लक्ष्य दिएको छ । टस हारेर ब्याटिङको मौका पाएको जमैकाले निर्धारित २० ओभरमा ४ विकेट गुमाएर २४१ रन बनाए । उसका लागि क्रिस गेलले विष्फोटक प्रदर्शन गरे । उनले १० छक्का र ७ चौकाको मद्दतमा ६१ बलमा ११६ रन बनाए । यस्तै चाडविक वाल्टनले ७३, आन्द्रे रसेलले ९ र ग्लेन फिलिप्सले ८ रन बनाए । बलिङमा पेट्रियट्सका फाबियन आलेन र अल्जारी जोसपिचले २–२ विकेट लिए ।  गेलको टिम पहिलो खेलमा पराजित भएको थियो ।

काठमाडौंः  श्रीलंकामा भइरहेको एसीसी यू–१९ एसिया कप क्रिकेटको आफ्नो अन्तिम खेलमा नेपालले दिएको २८६ रनको लक्ष्य पछ्याउने क्रममा यूएईले पहिलो विकेट गुमाएको छ । यूएईले पहिलो विकेटकारुपमा ८.५ ओभरमा निल लोडलाई ५ रनमा गुमाएको हो । नेपाललाई पहिलो सफला आफ्नो पाँचौ ओभरमा कमलसिंह ऐरीले दिलाएका हुन् । कमलले ५ ओभरमा १ विकेटका साथमा २ मेडनसहित ५ रन मात्र दिएका छन् । यसअघि टस हारेर ब्याटिङको मौका पाएको नेपालले निर्धारित ५० ओभरमा ९ विकेट गुमाएर २८५ रन बनायो । नेपालका लागि कप्तान रोहितकुमार पौडेलले ६७, सन्दीप जोराले ४८, आशिफ शेखले ४६, राशिद खान ४४, कमलसिंह ऐरीले ४१, कुशल मल्लले २२ रन बनाए । बलिङमा यूएईका लागि सञ्चित शर्मा, आकाश ताहिरले ३-३ र कात्तिक पलानियाप्यनले २ र ऋषभ मुखर्जीले एक विकेट लिए । समूह ‘बी’ मा रहेका नेपाल र यूएई दुबै अंकविहीन छन्। यस अघि पहिलो खेलमा नेपाल श्रीलंकासँग पाँच विकेटले हार ब्यहोरेको थियो भने बंगलादेशसँग ६ विकेटले पराजित भएको छ । आज नेपाली टिमको प्लेइङ ११ मा को–कोले पाए मौका? नेपालको प्लेइङ ११ः रोहित कुमार पौडेल, भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सन्दीप जोरा र सूर्य तामाङ

काठमाडौंः  श्रीलंकामा भइरहेको एसीसी यू–१९ एसिया कप क्रिकेटको आफ्नो अन्तिम खेलमा यूएईविरुद्ध नेपाली युवा टिमका कप्तान रोहित कुमार पौडेलले शानदार अर्धशतक बनाएका छन् । उनले ८ चौकाको मद्दतमा ६५ बलमा अर्धशतक पूरा गरेका हुन् । अघिल्ला २ खेलमा सन्तोषजनक प्रदर्शन गर्न नसकेका रोहितले आज भने उत्कृष्ट प्रदर्शन गरिरहेका छन् । नेपालले तेस्रो विकेटकारुपमा आशिफ शेखलाई ४६ रनमा गुमाउन पुग्यो । उनले ८ चौकाको मद्दतमा ५३ बलमा ४६ रन बनाए । यसअघि नेपालले ओपनरद्धय रित गौतम र पवन सराफलाई शून्य रनमै गुमायो । आफ्नो अन्तिम खेलमा टस हारेर ब्याटिङको मौका पाएको नेपालले यो समाचार तयार पार्दासम्म २९ ओभरमा ३ विकेट गुमाएर १५२ रन बनाएको छ । यो समाचार तयार पार्दा रोहित ६३ र सन्दीप जोरा ३८ रन बनाएर खेलिरहेका छन् । उनी दुवैबीच ७३ रनका साझेदारी भएको छ । समूह ‘बी’ मा रहेका नेपाल र यूएई दुबै अंकविहीन छन्। यस अघि पहिलो खेलमा नेपाल श्रीलंकासँग पाँच विकेटले हार ब्यहोरेको थियो भने बंगलादेशसँग ६ विकेटले पराजित भएको छ । आज नेपाली टिमको प्लेइङ ११ मा को–कोले पाए मौका? नेपालको प्लेइङ ११ः रोहित कुमार पौडेल (कप्तान), भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सन्दीप जोरा र सूर्य तामाङ

महत्वकासाथ हेरिएको कास्की निर्वाचन क्षेत्र नम्बर २ मा हुने उपनिर्वाचनको तयारीमा राजनीतिक दल जुटेका छन्। मंसिर १४ को प्रनिनिधिसभा उपनिर्वाचनमा उम्मेदवार टुंगो लगाउन दलहरु कस्सिएकाहुन्। पर्यटनमन्त्री रवीन्द्र अधिकारीको निधनपछि उनको क्षेत्र रिक्त छ। कास्की २ बाट चुनाव लड्न ‘हेभिवेट’को चर्चा छ। याे खबर कान्तिपुर दैनिकमा छ। नेकपाले नेता वामदेव गौतमलाई उम्मेदवार बनाउने निश्चितप्रायः छ। नेकपाबाट गौतम र कांग्रेसबाट धनराज गुरुङ उम्मेदवार बने साझा पार्टीले संयोजक रवीन्द्र मिश्रलाई मैदानमा उतार्ने तयारी गरेको छ।

नेपाल पत्रकार महासंघ बर्दसयाका सचिव, उज्यालोका बर्दिया सहकर्मी एवं रेडियो टाइगर बर्दियाका प्रबन्धक भावुक योगीलाई अपरिचित व्यक्तिको मोबाइल फोनबाट गालीगलौज तथा ज्यान मार्ने धम्की आएको छ ।   यही भदौ १५ गते आइतबार राति झण्डै ११ बजेको समयमा नेपाल टेलिकमको नम्बरबाट फोन गरी अपरिचित व्यक्ति आफू पनि ‘पत्रकार हुँ’ भन्दै कमल शाही पाल्पा घर बताउनेले पत्रकार भावुक योगीसँगै उहाँकी पत्नीलाई तथानाम गालीगलौज गरी ‘मार्छु, काट्छु’ भन्दै ज्यान मार्ने धम्की आएको हो ।   अश्लील शब्द प्रयोग गरी विभिन्न तवरले मानसिक तनाव तथा यातना दिएको हुनाले त्यस नम्बरबाट फोन गर्ने व्यक्ति पत्ता लगाई पक्राउ गरी विद्युतीय अपराधअन्तर्गत हदैसम्मको कानुनी कारबाहीका लागि जिल्ला प्रशासन कार्यालय, जिल्ला प्रहरी कार्यालय गुलरिया बर्दियामा निवेदन पेस गरिएको छ ।   यो नम्बर र यो नम्बरबाट फोन गर्ने व्यक्तिसँग कुनै पनि परिचय नभएको पत्रकार योगीले बताउनुभयो ।  फोन गर्ने व्यक्ति पक्राउ नपरुन्जेलसम्म आफू र आफ्नो घरपरिवारको जीउज्यानको सुरक्षा गरिदिनु हुन पत्रकार योगीले पेश गरेको निवेदनमा उल्लेख छ । महासंघका सचिव योगीलाई धम्की दिनेलाई तत्काल पक्राउ गरी कानुनी कठघरामा ल्याउन जोडदार मागसहित प्रमुख जिल्ला अधिकारी रामबहादुर कुरुम्बाङसमक्ष आग्रह गरिएको नेपाल पत्रकार महासंघ बर्दिया शाखाका अध्यक्ष राजेन्द्रप्रसाद धितालले बताउनुभयो ।