काठमाडौं, कात्तिक ९ ।  बेलायतमा आधाभन्दा बढी महिलामाथि कार्यकक्षमै यौन दुव्र्यवहार हुने गरेको छ । पछिल्लो एक सर्वेक्षणले सो जानकारी दिएको हो । कमरेस नामक संंस्थाले गरेको सो सर्वेक्षणमा हरेक पाँचजनामा एक पुरुषमाथि यौन दुव्र्यवहार हुने गरेको उल्लेख छ । सर्वेक्षणमा सहभागी महिलामध्ये ६३ प्रतिशत महिलाले आफूमाथि भएको दुव्र्यवहार गोप्य रूपमा राख्ने गरेका छन् । सर्वेक्षणमा दुई हजारभन्दा बढी महिला सहभागी थिए । सहभागीमध्ये एकचौथाइ महिलाले आफूहरूमाथि अश्लील जोक गरेको बताएका छन् भने हरेक सातमध्ये एकले आफूहरूलाई पुरुषले अनुचित ढंगले स्पर्श गरेको बताएका छन् । त्यस्तै, हरेक १० मध्ये एक महिलाले आफूमाथि यौन दुव्र्यवहार भएको बताएका छन् । अधिकांश महिलालाई बोस वा कार्यालयका वरिष्ठ कर्मचारीले दुव्र्यवहार गरेको सहभागीले बताएका छन् । हरेक १० जनामध्ये एकजनाले दुव्र्यवहारकै कारण कार्यालय छोडेको बताएका छन् । महिला हाकिमले कार्यालयका सामान्य कर्मचारीलाई दुव्र्यवहार गरेको पनि सर्वेक्षणमा उल्लेख छ । एक पुरुषले आफ्ना महिला हाकिमको यौन दुव्र्यवहारबाट पीडित भएको बताएका छन् । ‘मेलै काम गर्ने कार्यालयकी महिला प्रमुखले बारम्बार मेरो अनुहारबारे टिप्पणी गर्छिन् । मेरो लगाउने शैली, मेरा छातीका रौँबारे बारम्बार प्रश्न गर्छिन्,’ एक सहभागीले भने, ‘मलाई हेरेर अन्य महिला कर्मचारी पनि गलल्ल हाँस्छन्, जसका कारण मलाई काम गर्न निकै असहज भएको छ,’ उनले भने । कार्यालयका महिलाले अनावश्यक चासो दिँदा आफूलाई डिप्रेसन भएको उनको भनाइ छ । हलिउड निर्माता हार्भे विन्सटनमाथि दर्जनौँ महिलालाई यौन दुव्र्यवहार गरेको आरोप लागिरहेकै वेला कार्यकक्षमा हुने यौन दुव्र्यवहारबारे सर्वेक्षण भएको हो । हलिउड नायिका एन्जेलिना जोलीलगायत एक दर्जन महिलाले विन्सटनले यौन दुव्र्यवहार गरेको आरोप लगाएका छन् । तर, विन्सटनले भने सहमतिमै यौन सम्बन्ध भएको बताउँदै आएका छन् । यसैबीच, लेबर पार्टीकी सांसद क्रिगले सात वर्षको उमेरमा नै विद्यालयमा १२ जना केटाहरूले दुव्र्यवहार गरेको बताएकी छिन् । नयाँ पत्रिकाबाट

सप्तरी, कार्तिक १ । जिल्लाको सदरमुकाममा सञ्चालित मेडिकल ल्याबहरुले विरामीहरुबाट रगत निकालेर (तानेर) फाल्ने र जेपायो त्यही लेखेर ल्याब रिपोर्ट दिने गरेको खुलासा भएको छ । सप्तरी सदरमुकाम राजविराजस्थित केही ल्यावले बिरामीको रगत तानेर फाल्दै आफूखुसी रिपोर्ट दिने गरेको पाइएको छ । जिल्ला समन्वय समिति कार्यालयको गेटअघि मंगलबार दिउँसो व्यस्त सडकमा फालिएको फोहोरको थुप्रोमा सयवटा भन्दा बढी रगत भरेको सिरिन्ज फेला परेपछि यस्तो खुलासा भएको हो । रगतको नमुना परीक्षणै नगरी फालिएको अवस्थामा देखिएको जनस्वास्थ्य कार्यालय सप्तरीका सूचना अधिकृत छेदीप्रसाद यादवले बताए । ‘बिरामीको रगत तानेर फाल्दै आफूखुसी रिपोर्ट दिने काम जघन्य अपराध हो’ यादवले भने, ‘कुन ल्यावले यस्तो गरेको हो अनुसन्धान गरिरहेका छौं ।’ राजविराजका अधिकांश ल्यावहरु अनाधिकृत रुपमै सञ्चालन हुँदै आएको छ । ‘बिरामीको रगत तानेर फाल्दै आफूखुसी रिपोर्ट दिनु अपराध हो’ गजेन्द्रनारायण सिंह सगरमाथा अञ्चल अस्पतालका डा। रन्जितकुमार झाले भने, ‘यस्ता कार्यमा संलग्नलाई कानुनी दायरामा ल्याउनुपर्छ ।’ उनले बिरामी मानिसको रगत तानेर बिच बाटोमा फालिँदा उक्त बाटो भएर हिँड्ने स्वस्थ मानिसमा पनि प्राणघातक रोगहरु फैलिने खतरा बढेको बताए । ‘फालिएको रगत कुन रोगका बिरामी को हो, ती सिरिन्जको सुई स्वस्थ मानिसको खुट्टामा घोचिए एचआईभी, हेपाटाईटिस ुबीु र ुसीु लगायत प्राणघातक रोगको संक्रमण फैलिने खतरा पनि उत्तिकै छ’ डा झाले भने, ‘रगत लामो समयसम्म असुरक्षित तरिकाले फालिँदा कुहिएर अन्य रोगको संक्रमण फैलिने खतरा पनि उत्तिकै छ ।’ प्रहरी उपरीक्षक मुकेशकुमार सिंहले रगत तानेर फालिएको घटनाका विषयमा अनुसन्धान गर्न एकजनालाई नियन्त्रणमा लिइएको बताए । कान्तिपुरबाट

काठमाडौं, असोज २९ । मोहन बैद्य ‘किरण’ नेतृत्वको नेकपा (क्रान्तिकारी माओवादी) ले आज विषेश पत्रकार सम्मेलन गर्ने भएको छ । अघिल्लो साता सम्पन्न पार्टीको पहिलो राष्ट्रिय सम्मेलनले पारित गरेका नयाँ नीति तथा सिद्धान्तहरु सार्वजनिक गर्न विषेश पत्रकार सम्मेलन गर्न लागेको बताइएको छ । उक्त सम्मेलनले यसअघि पार्टीको सर्वोच्च पद अध्यक्षलाई परिवर्तन गरी महासचिव बनाउने निणर्य गरे थियो । त्यही अनुरुप अहिले मोहन वैद्य पार्टीको महासचिव भएका छन । महासचिव मोहन वैद्य ‘किरण’लगायतका नेताहरुको उपस्थितिमा हुने पत्रकार सम्मेलनमा सम्पन्न राष्ट्रिय सम्मेलन, आगामी निर्वाचन र उम्मेदवारीलगायतका विषयमा जानकारी गराइने नेकपा क्रान्तिकारी माओवादीले जनाएको छ ।

बाजुरा, असोज २० । कोल्टी विमानस्थलबाट उडान हुने विमान कम्पनीले मनोमानी भाडा असुल गर्ने गरेका छन् । कम्पनीले दशैँ बिदामा घर जाने यात्रुबाट मनोमानी भाडा असुल गर्ने गरेको यात्रुले बताएका छन् । रु.तीन हजार ७६० भाडा कायम गरिएको भए पनि कसैले कार्यान्वयन गरेका छैनन् । दशैँको मुखमा आएर दोब्बरले भाडा वृद्धि गरेका छन् । उनीहरुले बाजुराको कोल्टीबाट नेपालगञ्जसम्म रु पाँच हजारदेखि सात हजारसम्म भाडा लिने गरेको पाइएको छ । जागिर र अन्य व्यवसायको सिलसिलामा हुम्ला, मुगु बाजुरामा बस्दै आएका शिक्षक, व्यापारी, कर्मचारीलगायतबाट खुलेआम मोटो रकम असुल गर्ने गरेका भए पनि सम्बन्धित निकाय भने मौन रहेको सर्वसाधारणको गुनासो छ । कोल्टी विमानस्थलबाट नेपालगञ्ज र सुर्खेतमा चल्ने गोमा, काष्ठमाण्डप, मकालु, सीता, सिम्रिक नेपाल एयर लाइन्सका ट्वीनेटर विमान नियमित उडान हुने गरेका छन् । हप्तामा कम्तीमा एक सहुलियत उडान दिनुपर्ने हुन्छ । तर बाजुरामा यो सेवा यी एयरलाइन्सले दिइरहेका छैनन् । कम्पनीले खुलेआम ठगी गर्ने गरेको पत्रकार अनिल शाहीले बताउनुभयो । नगरपालिका र स्थानीय प्रशासनको मौनता र बेवास्ताकै कारण मनोमानी बढेको सेवाग्राहीको आरोप रहेको छ । आफू अनुकूल उडान भर्ने र मनोमानी भाडा असुल्ने कार्य भइरहँदा नागरिक उड्डयन कार्यालय कोल्टी पनि मौन छ । महँगो भाडाका कारण मारमा परेको सर्वसाधारण उडान अनियमित हुँदा थप सास्ती भोग्न बाध्य छन् । चार्टर गर्नुपर्ने र नेपालगञ्जबाट खाली आउनुपर्ने बहाना बनाएर विमान कम्पनीले मोटो रकम असुल्ने गरेका छन् ।

काठमाडौं, असोज २० । माओवादी केन्द्रबाट पार्टीका अध्यक्ष चितवन क्षेत्र नम्बर ३ बाट प्रतिनिधिसभामा चुनाव लड्ने विषयले निकै चर्चा पाएको छ । अध्यक्ष प्रचण्डले चितवनको ३ नम्बर क्षेत्रबाटै आफ्नो उम्मेदवारी रहने बताइसकेका छन् । यसबीचमा प्रचण्ड बारम्बार चितवन आएका छन् । संघ र प्रदेशको चुनाव तयारी अनुसार भरतपुर महानगरपालिकाको मेयरमा छोरी रेणुलाई उनले अघि सारेका थिए । संविधानसभाको निर्वाचन क्षेत्र ४ मा पर्ने यस भूगोलमा दोस्रो संविधानसभामा तत्कालिन काँग्रेस सभापति सुशिल कोइराला चुनावमा उठेका थिए । दुइ क्षेत्र जितेका कोइरालाले चितवन छाडेका थिए । यसअघिका दुइ चुनवामा कहिलो रोल्पा, काठमाडौं त कहिले सिरहाबाट उठेका प्रचण्ड यसपटक गृह जिल्ला चितवनबाट उठ्ने पक्का भएको छ । उनको क्षेत्रमा माडी नगरपालिका पनि पर्छ । सशस्त्र युद्धको समयमा भएको बाँदरमुढे घटना यसै क्षेत्रमा पर्छ । माडी नगरमा स्थानीय चुनावमा प्रमुखमा माओवादीका उम्मेदवार विजयी भएका थिए । एमालेसँग मिलेर चुनाव लड्ने भएकाले उम्मेदवारको विषयमा नाम सर्वसम्मत भएपनि हाल सार्वजनिक गर्न नमिल्ने माओवादी केन्द्रका जिल्ला इन्चार्ज ईश्वरी भट्टराइले बताए । कुन क्षेत्र कहाँ पर्छ ? प्रतिनिधि सभाको निर्वाचनका लागि चितवनमा क्षेत्र नम्बर १ अन्तरगत हालको राप्ती, खैरहनी र रत्ननगर नगरपालिका तोकिएको छ । प्रदेश सभामा भने क्षेत्र नम्बर (क) मा राप्ती नपा र खैरहनी नपाको वडा नम्बर ३, ६, ७, ८, ९, १० र ११ तोकिएको छ । प्रदेश सभा अन्तरर्गत क्षेत्र ख) मा खैरहनी नपाको वडा नम्बर १, २, ४, ५, १२ र १३ तथा सिंगो रत्ननगर नगरपालिका तोकिएको छ । प्रतिनिधि सभा निर्वाचन क्षेत्र नम्बर २ अन्तर्गत कालिका नपा, इच्छाकामना गाउँपालिका र भरतपुर महानगरको वडा नम्बर १ , २, ३, ५, ७, १०, ११, १२ र २९ तोकिएको छ । यस क्षेत्र अन्तर्गत प्रदेश सभाको निर्वाचन क्षेत्र नम्बर (क) मा कालिका नपा, इच्छाकामना गापा र भरतपुर महानगरको वडा नम्बर १, ३ र २९ रहेका छन् । यस क्षेत्रको प्रदेश क्षेत्र नम्बर (ख) मा भरतपुर महानगरपालिकाको २, ४, ५, ७, १०, ११ र १२ वडा रहेका छन् । प्रतिनिधि सभा निर्वाचन क्षेत्र नम्बर ३ अन्तरगत भरतपुर महानगरपालिका वडा नम्बर ६, ८, ९, १३, १४, १५, १६, १७, १८, १९, २०, २१, २२, २३ , २४, २५, २६, २७, २८ वडा र माडी नगरपालिका सिंगो रहेको छ । यस निर्वाचन क्षेत्रको प्रदेश सभा क्षेत्र (क) मा भरतपुर महानगरपालिका वडा नम्बर ६, ८, ९, १५, १६, १७, १८, १९, २०, २६, २७ र २८ नम्बर वडा रहेका छन् । क्षेत्र (ख) मा भरतपुर महानगरको १३, १४, २१, २२, २३, २४ र २५ वडा तथा सिंगो माडी नगरपालिका रहेका छन् । -नयाँ पत्रिकाबाट  

रौतहट, असोज १० । रौतहटको पहिलो शहीद पत्नी एवं फतुआ विजयपुर नगरपालिकाबाट निर्वाचित उपप्रमुख कान्तिदेवी महतोले महिला हिंसाको अन्त्य गरी महिलालाई सशक्त बनाउने बताएकी छन् । फतुुआ विजयपुुर नगरपालिकाको उपप्रमुखका रुपमा आइतबार औपचारिक शपथ लिएपछि उपप्रमुख महतोले जनताको विश्वासलाई विकासको लहर ल्याएर मूर्त रुप दिने बताईन । उनका श्रीमान् मनरुप महतोले सशस्त्र द्वन्द्वकालमा शहादत प्राप्त गरेका थिए । जिल्लामै पिछडिएको नगरपालिका फतुुआ विजयपुुरमा दलित, गरिब, विपन्न र महिलाका लागि विशेष योजना ल्याई नेतृत्व तहमा पुु¥याउने दृढता पनि उनले व्यक्त गरिन । आफू शहीद पत्नीमात्र नभई अति विपन्न तथा जनजातिबाट माओवादी कार्यकर्ताका रुपमा नेतृत्व गर्दै आएकाले उनीहरुको पीडा र समस्याबारे जानकार रहेको उपप्रमुख महतोले प्रष्ट पारिन । फतुुआ विजयपुुर नपा–११ भैंसहीटोल घर भएका महतोले लामो समय माओवादीमा महिलाको जिल्ला अध्यक्षका रुपमा रहेर काम गरिसक्नु भएको छ । नेकपा माओवादी केन्द्रको केन्द्रीय कमिटी सदस्य पनि हुन । माओवादीद्वारा सञ्चालित सशस्त्र संघर्षमा प्रत्यक्षरुपमा लागेका महतोका श्रीमान् मनरुप महतोको २०५७ साल मंसिर ७ गते हालको बृन्दावन नगरपालिका तोरीबारीमा बम बनाउने क्रममा आफैँ विष्फोट भएर मृत्युु भएको थियो । महतो रौतहटमा माओवादीका प्रथम शहीद हुनुहुन्छ । श्रीमान्को मृत्युुपछि केही समय घरमा बस्नुभएका महतो भारतको पटनामा अध्यक्ष पुुष्पकमल दाहालसँगको भेटपछि पार्टी कार्यकर्ताका रुपमा सक्रिय रहँदैआएको उनले बताईन। पहाडमा कैयौँ ठाउँमा भएको भिडन्तमा खटेको र रौतहटको इलाका प्रहरी कार्यालय कटहरियामाथि आक्रमण गर्दा पनि आफूले एउटा मोर्चा सम्हालेको स्मरण उनिसँग छ । दुुईदशक लामो समयपछि भएको स्थानीय तहको निर्वाचनमा फतुुआ विजयपुुर नगरपालिकामा महतोले नेपाली काँग्रेसका अम्बेया खातुुनलाई पराजित गर्दै जित हासिल गरेकि हुन ।

रुकुम, असोज १० । नेकपा माओवादी केन्द्रले पश्चिम रुकुममा प्रतिनिधिसभा र प्रदेशसभाको लागि उम्मेदवारहरु टुङगो लगाएको बताएको छ । सदरमुकाम मुसीकोटमा मंगलबार सम्पन्न वैठकले प्रतिनिधिसभाको प्रत्यक्ष उम्मेदारमा गृहमन्त्री जनार्दन शर्मा ‘प्रभाकर’लाई सर्वसम्मत रुपमा सिफारिस गरेको हो । वैठकले प्रदेश सभामा क्षेत्र नं. २ बाट जिल्ला संयोजक गोपाल शर्मा ‘अनल’लाई सर्वसम्मत रुपमा सिफारिस गर्ने निर्णय गरेको छ । त्यसैगरी, प्रदेशसभाको लागि क्षेत्र नं. १ मा भने उम्मेदवारका आकांक्षीहरुको संख्या धेरै भएकोले ८ जनाको नाम सिफारिस गरिएको इन्चार्ज राजकुमार शर्माले जानकारी दिए । यसैगरी प्रतिनिधिसभाको लागि समानुपातिक तर्फ निमबहादुर वुढाथोकी, मिलन खड्का, पहलसिं घर्ती, दिपेन्द्र बिक, लक्ष्मी शर्मा र लुम्बीनी गौतमलाई सिफारिस गरिएको छ । बैठकले प्रदेशसभाको लागि समानुपातिक तर्फ पुष्प वादी, लक्ष्मी पुन, मिनवहादुर ओली, गणेशकुमार केसी, मनवहादुर वादी र प्रतिभा केसीलाई सिफारिस गर्ने निर्णय गरेको छ । जिल्ला समितिले सिफारिस गरेको नामबाट केन्द्रीय समितिले उम्मेदवारका अन्तिम टुंगो लगाउने छ ।

काठमाडौं, असोज १० । समग्र चिकित्सा सेवा क्षेत्रकोे सुधारका माग गर्दै १२ औं पटक सोमबारदेखि आमरण अनशनमा बसेका त्रिविका प्राध्यापक डा गोविन्द केसीले आफ्ना माग पुरा नभएसम्म अनशन नतोड्ने बताएका छन । चिकित्सा सेवा विधेयक संसदमा विचारधिन रहेमा सरकारले त्यसलाई गोलमोटोल तरीकाबाट पारित गर्न खोजेकाले दशैंको मुखमा आफू फेरि अनशनमा बस्नु परेको केसीले बताएका छन । केसीले सरकारसँग यसअघि भएका सहमति इमानदारीका साथ कार्यान्वयन नभएकोमा दुख प्रकट गरेका छन । सरकारले बारम्बार सहमति गर्ने तर सहमति विपरित कार्य गर्ने गरेको उनको आरोप छ ।

काठमाडौँ, असाेज १० । प्रदेश नम्बर दुईमा सम्पन्न स्थानीय तहको निर्वाचनको मतपरिणाम आउने क्रम अब अन्तिम चरणमा पुगेको छ ।  १३६ मध्ये १३२ स्थानीय तहको नतिजा आइसकेको छ भने ४ वटा स्थानीय तहको नतिजा आउन बाँकी रहेको छ । वीरगञ्ज महानगरपालिका, कलैया उपमहानगर पालिका, बारागढी गाउँपालिका र राजवीराज नगरपालिकाको मतगणना बाँकी रहेको छ । पछिल्लो मतपरिणाम अनुसार २५ नगरपालिका र १३ गाउँपालिका जितेर काँग्रेस ३८ स्थानीय तह जित्दै पहिलो हुने निश्चित देखिएको छ । दोस्रो स्थानमा ९ नगरपालिका र १६ गाउँपालिकासहित २५ स्थान जितेर संघीय समाजवादी फोरम नेपाल दोस्रो स्थानमा कायम छ । तेस्रो स्थानमा १ उपमहानगरपालिका, १२ नगरपालिका र ११ गाउँपालिकासहित २४ स्थान जितेर राष्ट्रिय जनता पार्टी नेपाल रहेको छ । माओवादी केन्द्रले १३ नगरपालिका र ८ गाउँपलिका जितेर माओवादी केन्द्रले जम्मा २१ स्थानीय तह जितेको छ । नगरपालिका जित्ने पार्टीमध्ये माओवादी दोस्रो स्थानमा छ । मधेसमा अप्रत्यासित रुपमा कमजोर प्रदर्शन गरेको नेकपा एमालेले १ उपमहानगर, ११ नगरपालिका र ६ गाउँपालिकासहित १८ स्थानीय तह जितेको छ । नेपाल लोकतान्त्रिक फोरमले १ नगरपालिका र २ गाउँपालिकामा विजयी हासिल गरेको छ भने नेपाल जनता दलले १ नगरपालिका र १ गाउँपालिका जितेको छ । नयाँ शक्ति नेपाल पार्टीले मात्र १ गाउँपालिका जितेको छ ।

काठमाडौं, असोज ९ । कानून निर्माणको बिरोध गर्दै आन्दोलनमा उत्रिएका चिकित्कहरु अझैसम्म सहमतिमा आएका छैनन् । सोमबार बसेको मन्त्रिपरिषद् बैठकले नेपाल चिकित्सक संघले अघि सारेको मागहरु सम्बोधन गर्न सकारात्मक रहेको भक्न्दै स्वास्थ्य सेवा सुरू गर्न चिकित्सकहरुलाई आग्रह गरेको छ । सहमतिका लागि सरकार र नेपाल चिकित्सक संघबीच भएको वार्तामा आज पनि कुरा मिल्न सकेन । चिकित्सकहरु अस्पताल बन्द गरी आन्दोलनमा उत्रिदा आम सर्वसाधारणले सास्ती भोग्नु परिहेको छ । सरकारले आफ्नो माग पुरा नगरेसम्म आन्दोलन जारी राख्ने चिकित्सक संघले जनाएको छ । सरकार र आन्दोलनरत चिकित्सकबीच कुरा नमिल्दा देशै भरका सम्पुर्ण निजी तथा सरकारी अस्पतालहरुमा शुक्रबारदेखि आकश्मिक बाहेकका सम्पुर्ण सेवा ठप्प छन् । उपचारमा क्रममा चिकित्सकको लापरवाहीले बिरामीको मृत्यु भए चिकित्सकहरुले क्षतिपूर्ति दिनुपर्ने व्यवस्थासहित कानूनको मस्यौदा बनाउने निर्णयको विरोध गर्दै चिकित्सकहरुले शुक्रवारदेखि मुलुकभरकै निजी तथा सरकारी अस्पतालहरु बन्द गरेका हुन् ।

लहान, असोज ९ । मधेश आन्दोलनको उद्गमस्थलरुपमा रहेको सिरहामा राष्ट्रिय जनता पार्टी (राजपा) नेपाल र नेपाल लोकतान्त्रिक फोरमले स्थानीय तह निर्वाचनमा एउटा पनि स्थानीय तह जित्न नसक्दा नेता कार्यकर्ता निराश बनेका छन् । मधेश आन्दोलनकै क्रममा विभिन्न मधेश केन्द्रित दल मिलेर बनेको राजपा मधेश आन्दोलनकै उद्गमस्थल सिरहामा नराम्रोसँग पराजित भएपछि नेता कार्यकर्तामा निराशा छाएको हो । राजपा अध्यक्ष मण्डलका अध्यक्ष राजकिशोर यादव, राजपाका नेता रामुकमार मण्डल लगायतका केन्द्रीय नेताको गृह जिल्लासमेत रहेको सिरहामा १७ स्थानीय तहमध्ये एउटा पनि स्थानीय तह जित्न नसक्दा नेता कार्यकर्ता मात्र होइन, सर्वसाधारणसमेत आश्चर्य चकित भएका छन् । आन्दोलनकै गर्भबाट जन्मेको राजपाले आन्दोलनकै उद्गमस्थलमा नराम्ररी हार्नुले आफूहरु आश्चर्यमा परेको सर्वसाधारण बताउँछन् । राजपाका नेताबीच टिकट वितरणमा भएको किचलो, ढिलो गरी चुनावमा जाने निर्णय गर्नुजस्ता कारणले राजपा यहाँ नराम्ररी पराजित भएको लहान नगरपालिका– ८ का सत्यनारायण चौधरी बताउँछन् । उनी भन्छन्, ‘समयमा उपयुक्त उम्मेदवार तय गर्न सकेको भए, यस्तो नराम्रो राजपाको परिणाम आउने थिएन, यसमा धेरै कमीकमजोरी भएको छ ।’ सर्वसाधारण मात्र होइन, स्वयं राजपाका नेतासमेत आफ्नै कमीकमजोरीका कारण चुनावमा अकल्पनीय परिणाम आएको स्वीकार्छन् । निर्वाचन हुनुभन्दाअघिसम्म हाम्रो यस्तो नराम्रो परिणाम आउँछजस्तो लागेको थिएन,’ राजपा नेपाल सिरहाका अध्यक्ष रामबहादुर महतोले भने, ‘तर अहिले जसरी परिणाम आयो, यो परिणामबाट हामी आश्चर्यमा परेका छौं ।’ ‘धेरै नभए पनि सिरहामा तीन/चार वटा स्थानीय तह जित्छौँ, भन्ने लागेको थियो, तर त्यो हुन सकेन,’ उनले अगाडि भने, ‘हामी लामो समयसम्म आन्दोलनमै रह्यौं, अर्को कुरा आन्दोलनकै बीचमा पार्टीले ढिलोगरी चुनावमा जाने निर्णय गर्‍यो, जसका कारण सही ढंगले उम्मेदवार चयन गर्न सकेनौँ, हतारहतारमा चुनाव लड्नुपर्नेजस्ता कारणले हामीले सिरहामा नमिठो हार बेहोर्नु पर्‍यो ।’ अहिलेको चुनावमा भएको कमीकजोरीबाट पाठ सिकेर अगामी मंसिरमा हुने चुनावमा बढी सिट जित्ने गरी तयारीमा जुटेको उनी बताउँछन् । यस्तै सत्ताघटक नेपाल लोकतान्त्रिक फोरमले पनि सिरहामा खाता खोल्न सकेन । निर्वाचनको पूर्वसन्ध्यामा पार्टीका अध्यक्ष एवं उपप्रधानमन्त्री विजयकुमार गच्छदारले सिरहामा पार्टीलाई जिताउन ठूलै प्रयास गरे तर उनको प्रयास सार्थक हुन नसक्दा नेता कार्यकर्तामा निराशा छाएको छ । दोस्रो संविधानसभा निर्वाचनमा सिरहाको चार वटा क्षेत्र जितेको नेपाली काँग्रेस स्थानीय तह निर्वाचनमा मात्र दुई वटा स्थानीय तह जित्न सफल भएको छ । काँग्रेस कोषाध्यक्ष सीतादेवी यादव, पूर्वकोषाध्यक्ष चित्रलेखा यादव, प्रभावशाली नेता प्रदीप गिरी, पद्मनारायण चौधरीजस्ता काँग्रेसका प्रभावशाली नेताको गृह जिल्लासमेत रहेको सिरहामा काँग्रेस कमजोर भएको काँग्रेसीजनको बुझाइ छ । पार्टीभित्र देखिएको गुटउपगुट, समयमा उम्मेदवार चयन हुन नसक्नु, उम्मेदवार चयनमा देखिएको तीव्र विवाद लगायतका कारणले जिल्लामा पार्टीले धेरै स्थानीय तह गुमाउनुपरेको काँग्रेसका नेता बताउछन् । असोज २ गते सम्पन्न स्थानीय तह निर्वाचनमा राजपा र नेपाल लोकतान्त्रिक फोरमले सिरहामा खाता खोल्न नसक्दा यसको फाइदा नेकपा माओवादी केन्द्र र संघीय समाजवादी फोरम नेपालले उठाएको देखिन्छ । दोस्रो संविधानसभा निर्वाचनमा सिरहाको ६ वटा निर्वाचन क्षेत्रमध्ये एउटामा मात्र जित्न सकेको माओवादीले स्थानीय तह निर्वाचनमा सबैभन्दा बढी ६ वटा स्थानीय तहमा जीत हासिल गर्दै पहिलो शक्ति बनेको हो । सिरहाको १७ वटै स्थानीय तहको अन्तिम मत परिणाम सार्वजनिक हुँदा पाँच वटा स्थानीय तह जित्दै संघीय समाजवादी फोरम दोस्रो, चार वटा स्थानीय तह जितेको नेकपा एमाले तेस्रो र दुई वटा स्थानीय तह जितेको नेपाली काँग्रेस चौथोमा खुम्चिएको छ । निर्वाचन दलको परीक्षण हुने प्रक्रिया भएकाले अहिलेको निर्वाचनमा भएका कमीकमजोरीबाट पाठ सिक्दै संगठन सुदृढीकरण र आगामी निर्वाचन आफ्नो पक्षमा पार्ने गरी तयारी थाल्नु जरुरी रहेको बुद्धिजीवीको भनाइ छ ।

काठमाडौं, असोज ९ ।  सर्लाहीको कविलासी नगरपालिका प्रमुखमा राजपाका कौशलकिशोर यादव ३३९५ र उपप्रमुखमा संघीय समाजवादी फोरमकी राधादेवी ३६५७ मत प्राप्त गरी विजयी भएका छन्। गएको असोज २ गते २ नम्बर प्रदेशमा भएको स्थानीय तह तेस्रो चरणको निर्वाचन भएका १३६ स्थानीय तह मध्ये १२९ तहको मत परिणाम सार्वजनिक भएको छ । सार्वजनिक भएको मत परिणाम अनुसार नेपाली कांग्रेस अहिलेसम्म कुल ३७ स्थानीय तहमा जित हात पार्दै पहिलो स्थानमा रहेको छ भने उसलाई राजपा र संघीय समाजवादी फोरमले समान २४ २४ स्थानीय तहमा जित्दै दोस्रो स्थानमा रहन सफल भएका छन । त्यसैगरी २२ स्थानीय तहमा जित हात पार्दै नेकपा माओवादी केन्द्रले उनीहरुलाई पछ्याइ रहेको छ । नेकपा एमालेले भने अहिलेसम्म जम्मा १७ स्थानीय तहमा जित हात पारेको छ । त्यस्तै फोरम लोकतान्त्रातिकले ३ स्थानीयमा विजयी भएको छ । जनता दल नेपाल र नयाँशक्ति पार्टी नेपालले समान एक स्थानीय तहमा जित हात परेका छन । अब जम्मा सात स्थानीय तहको अन्तिम नतिजा आउने बाँकी छ । ती स्थानीय तहमा अहिले मत गणना जारी रहेको छ ।

काठमाडौं, असोज ८ । स्थानीय तह तेस्रो चरणको निर्वाचनअन्तर्गत प्रदेश नम्बर २ मा भएको निर्वाचनमा १२५ स्थानको मतपरिणाम सार्वजनिक भएको छ ।  अब ११ तहको नतिजा घोषणा हुन बाँकि छ । हालसम्म नेपाली कांग्रेसले ३६ स्थानीय तहमा जितेको छ भने संघीय समाजवादी फोरमको २३, माओवादी केन्द्रको २१, राजपाको २३, एमालेले १६, नेपाल लोकतान्त्रिक दलले ३, नेपाली नेपाली जनता दलले २ तथा नयाँ शक्तिले १ तह जितेको छ । कांग्रेस ५, माओवादी ३, संघीय फोरम ३, राजपा २, एमाले ३ तथा नयाँ शक्ति १ तहमा अगाडि रहेको छ । पछिल्लो परिणामअनुसार सर्लाहीको बरहथवा नगरपालिकाको मेयरमा नेकपा माओवादी केन्द्रका देवनन्द महतो ७२०८ मत ल्याएर विजयी भए । उपमेयरमा पनि माओवादी केन्द्रकै रिता माझी ६४९९ मतसहित विजयी भइन । सिरहाको सिरहा नगरपालिकाको मेयरमा संघीय समाजवादी फोरमका असेश्वर यादव ९२३४ मत ल्याएर विजयी भए । उपमेयरमा भने नेकपा एमालेकी नमिता यादव ९१६१ मतसहित विजयी भइन ।

गौशाला, असोज ४ । महोत्तरी जिल्लाको जलेश्वर नगरपालिका–१ को वडाध्यक्षमा नेपाल लोकतान्त्रिक फोरम विजयी भएको छ । मुख्य निर्वाचन अधिकृत किरणकुमार पोखरेलका अनुसार जलेश्वर नगरपालिका–१ को वडाध्यक्षमा नेपाल लोकतान्त्रिक फोरमका अनिल झाले २८६ मत ल्याएर विजयी भएका छन् । त्यस्तै, उनका निकटतम प्रतिद्वन्दी राजपाका राकेशकुमार साहले २१६ मत ल्याएका छन् । यसैगरी, सो वडाको एक वडा सदस्य, दलित महिला सदस्य पनि नेपाल लोकतान्त्रिक फोरमले नै जितेको छ भने एक सदस्य राजपाले जितेको छ । दुईजना वडा सदस्य पदका उम्मेदवारको मत बराबर भएकोमा गोलाप्रथाबाट चयन गरिने मुख्य निर्वाचन अधिकृत पोखरेलले बताए । महोत्तरीमा राजपाले खाता खोल्यो यसैबीच, महोत्तरी जिल्लाको महोत्तरी गाउँपालिकामा राष्ट्रिय जनता पार्टीले वडाध्यक्षमा विजय प्राप्त गर्दै खाता खोलेको छ । महोत्तरी गाउँपालिका–१ मा राजपाका जीतेन्द्र यादव ६४० मत ल्याएर वडाध्यक्षमा विजयी भएका छन् । मतदान अधिकृत रामानन्दप्रसाद अधिकारीका अनुसार उनले आफ्ना प्रतिद्वन्द्वी संघीय समाजवादी फोरम नेपालका रामनन्दन यादवलाई ५०५ मतान्तरले हराउँदै वडाध्यक्ष पदमा विजयी भएका हुन् । उनका निकटतम प्रतिद्वन्द्वी रामनन्दन यादवले १३५ मत मात्रै प्राप्त गरेका छन् ।

काठमाडौं, असोज ४ । प्रदेश नम्बर २ मा भएको स्थानीय तह निर्वाचनको मत गणनाको प्रारम्भिक नतिजा आउने क्रम जारी छ । निर्वाचन भएका ८ जिल्लाका १ सय ३६ स्थानीय तहमध्ये १ सय ३५ तहमा मतगणना जारी छ । सप्तरीको राजविराज नगरपालिकाको एउटा वडामा निर्वाचन नभएकाले सो नगरपालिकामा भने मत गणना हुन सकेको छैन । प्रारम्भिक मत गणनामा ६ वटा दलबीच प्रतिस्पर्धा देखिएको छ । नेपाली कांग्रेस, नेकपा एमाले, नेकपा माओवादी केन्द्र, राष्ट्रिय जनता पार्टी, संघीय समाजवादी फोरम र नेपाल लोकतान्त्रिक फोरमका उम्मेदवारबीच प्रतिस्पर्धा देखिएको हो । मतगणना भइरहेका स्थानीय तहमध्ये प्राप्त पछिल्लो जानकारीअनुसार नेपाली कांग्रेस सबैभन्दा बढी स्थानीय तहमा अगाडि देखिएको छ । अहिलेसम्म कांग्रेसले ३३ स्थानीय तहमा अगाडि छ । त्यसैगरी संघीय समाजवादी फोरम २५, नेकपा एमाले २३, नेकपा माओवादी केन्द्र १९, राष्ट्रिय जनता पार्टी १६ र नेपाल लोकतान्त्रिक फोरमले ३ स्थानीय तहमा अग्रता लिइरहेका छन् । पर्सामा वीरगन्ज महानगरपालिकासहित २ स्थानीय तहमा नेपाली कांग्रेसले अग्रता लिएको छ । त्यसैगरी नेकपा एमालेले ३, संघीय समाजवादी फोरमले २, राष्ट्रिय जनता पार्टीले २ र नेकपा माओवादी केन्द्रले एउटा स्थानीय तहमा अग्रता लिएका छन् । यस्तै बारामा पनि नेपाली कांग्रेसले ५, राष्ट्रिय जनता पार्टीले ४, नेकपा एमालेले दुई उपमहानगरपालिकासहित ३, संघीय समाजवादी फोरमले ३, माओवादी केन्द्रले १ र नेपाल लोकतान्त्रिक फोरमले १ स्थानीय तहमा अग्रता लिएका छन् । रौतहटमा पनि नेपाली कांग्रेसका उम्मेदवार ७ वटा स्थानीय तहमा अगाडि देखिएका छन् । त्यसैगरी नेकपा माओवादी केन्द्रका उम्मेदवार ६ स्थानीय तहमा अगाडि देखिँदा संघीय समाजवादी फोरम र नेकपा एमाले २/२ वटा स्थानीय तहमा अगाडि छन् । रौतहटको एउटा स्थानीय तहमा राष्ट्रिय जनता पार्टीका उम्मेदवार अग्रस्थानमा छन् । सर्लाहीमा पनि कांग्रेसले ५ वटा स्थानीय तहमा अग्रता लिएको छ । त्यसैगरी संघीय समाजवादी फोरम, नेकपा माओवादी केन्द्र र नेकपा एमालेले ३/३ स्थानीय तहमा अग्रता लिएका छन् भने राष्ट्रिय जनता पार्टीका उम्मेदवार तीन वटा स्थानीय तहमा अगाडि छन् । महोत्तरीमा नेपाली कांग्रेसका उम्मेदवार ५ वटा स्थानीय तहमा अगाडि छन् । राष्ट्रिय जनता पार्टी ३, संघीय समाजवादी फोरम २, नेपाल लोकतान्त्रिक फोरम २ स्थानमा अगाडि रहँदा नेकपा एमाले र नेकपा माओवादी केन्द्रका उम्मेदवार १÷१ स्थानीय तहमा अगाडि छन् । महोत्तरीको एउटा स्थानीय तहमा भने स्वतन्त्र उम्मेदवार अगाडि देखिएका छन् । धनुषामा भने संघीय समाजवादी फोरमका उम्मेदवार ५ वटा स्थानीय तहमा अगाडि देखिएका छन् । एमाले ३, माओवादी केन्द्र २ स्थानीय तहमा अगाडि रहँदा नेपाली कांग्रेस र राष्ट्रिय जनता पार्टीका उम्मेदवारले एक÷एक स्थानीय तहमा अग्रता लिइरहेका छन् । जनकपुर उपमहानगरपालिकामा भने राष्ट्रिय जनता पार्टीका उम्मेदवार अग्रस्थानमा छन् । सिरहामा भने नेपाली कांग्रेस, नेकपा एमाले, नेकपा माओवादी केन्द्र र संघीय समाजवादी फोरमका उम्मेदवार समान चार÷चार स्थानीय तहमा अगाडि देखिएका छन् । त्यसैगरी सप्तरीमा नेपाली कांग्रेस र संघीय समाजवादी फोरमका उम्मेदवार चार÷चार स्थानीय तहमा अगाडि देखिएका छन् । त्यसैगरी नेकपा एमालेले ३ स्थानीय तहमा अग्रता लिँदा राष्ट्रिय जनता पार्टीका उम्मेदवारले २ स्थानीय तहमा अग्रता लिएका छन् ।