काठमाडौं, असार ९ । सार्वजनिक स्थलमा यौन क्रियाकलाप गरे कैद र जरिवाना हुने भएको छ । मुलुक अपराध (संहिता) ऐन २०७४ को दफा १२३ मा यस्तो कारबाहीको व्यवस्था गरिएको हो, जुन आगामी भदौ १ गतेबाट कानूनका रुपमा लागू हुनेछ । कानूनमा कसैले सार्वजनिक स्थानमा वा अरु मानिसले देख्ने गरी अन्य कुनै स्थानमा कसैसँग यौनक्रिया गर्न वा कुनै किसिमको अप्राकृतिक मैथुन गर्नुहुँदैन भनिएको छ । यसो गरे १ बर्षसम्म कैद वा १० हजार रुपैयाँसम्म जरिवाना वा दुवै सजाय हुने छ ।

मस्को । विश्वकप फुटबल अन्तर्गत शुक्रबार बेलुका भएको समूह ‘डी’ अन्तर्गतको खेलमा नाइजेरियाले पहिलो पटक विश्वकप खेलिरहेको आइसल्याण्डलाई हराएको छ । पहिलो खेलमा बलियो टिम अर्जेन्टिनालाई १-१ को बराबरीमा रोकेको आइसल्याण्ड दोस्रो खेलमा नाइजेरियासँग पराजित भएको हो । यो खेलमा नाइजेरियालाई जिताउन दुवै गोल अहमद मुसाले गरे । पहिलो हाफमा गोलरहित भएको खेलमा दुवै गोल दोस्रो हाफमा भएको हो । मुसाले ४९ औँ मिनेटमा गोल गर्दै टिमलाई सुरुवाति अग्रता दिलाए । उनैले ७५ औँ मिनेटमा अर्को सुन्दर गोल गर्दै अग्रता दोब्बर पारे । आइसल्याण्डले त्यसपछि खेलमा फर्किने मौका पाएको थियो । ८२ औँ मिनेटमा पाएको पेनाल्टीमा आइसल्याण्डका गिल्फी सिगुर्डसनले गोल गर्न सकेनन् । उनले प्रहार गरेको पेनाल्टी बल बार भन्दा माथिबाट गयो । नाइजेरियाका टिरोन्नी इबुएहीले आइसल्याण्डका अल्फ्रेड फिन्बोगासनलाई फउल गरेपछि आइसल्याण्डले पेनाल्टी पाएको हो । यो पेनाल्टीको निर्णय गर्नका लागि रेफ्री म्याथ्यु कोग्नरले भिएआरको सहायता लिएका थिए । यो पेनाल्टी मिस गर्ने त्यहि टिम हो, जसले पहिलो खेलमा स्टार स्ट्राइकर अर्जेन्टिनाका लियोनल मेस्सीको पेनाल्टीमा गोल हुन दिएको थिएन ।पहिलो खेलमा बराबरी गरेको आइसल्याण्ड दोस्रो खेलमा पराजित भयो । तर पहिलो खेलमा कोस्टारिकासँग २-० ले हारेको नाइजेरिया यसमा २-० ले नै विजयी भयो । यसअघि कोस्टारिकाले अर्जेन्टिनालाई ३-० ले हराएको थियो । यो हारले अर्जेन्टिनाको अघिल्लो चरण पुग्ने सम्भावना लगभग सकिएको छ । तर आइसल्याण्डमाथि नाइजेरियाको जितले उसको सम्भावना केही बाँकी रहेको देखिएको छ । अब समूह चरणको अन्तिम खेलमा अर्जेन्टिनाले नाइजेरियाको सामना गर्नेछ । यो खेलमा जित निकालेमा र गोल अन्तर धेरै राख्न सकेमा अर्जेन्टिना अघिल्लो चरण जान सक्नेछ । यस्तै, आइसल्याण्डले अब क्रोएसियाको सामना गर्नेछ । यो समूहमा क्रोसियाको ६ तथा नाइजेरियाको ३ अंक भएको छ । आइसल्याण्ड र अर्जेन्टिनाको एक एक अंक मात्रै छ । -एजेन्सी

काठमाडौँ । विश्वकपको पारो जति जति माथि चढ्दै छ, नयाँ नयाँ फुटबल चर्चाहरू हुन थालेका छन् ।  फुटबल खेल मात्र रहेको छैन फेसन ट्रेन्ड नै बनिसकेको छ ।  अरबौं डलरको विज्ञापन, पर्यटकहरूको भिडभाड र फ्यानहरूको पागलपन यस वैश्विक खेल-महाकुम्भका थुप्रो आकर्षण रहेका छन् । यति मात्र होइन विश्वका शीर्ष फेसन ब्राण्ड र स्पोर्ट किट निर्माण गर्ने कम्पनीहरू अहिले महत्वपूर्ण व्यापार हुने आशा राख्दछन् । यसको प्रमुख कारण फुटबलप्रेमीहरूको खेल प्रेम नै हो । तपाईं-हामी पनि यसबेला आ-आफ्नो मन परेको टीमको जर्सी लगाएर सो टीमप्रति आफ्नो समर्थन जनाइरहेका छौँ ।  तर के तपाईंलाई थाहा छ १४ जुन देखि १५ जुलाईसम्म हुने विश्वकपमा कुन टोलीले कुन ब्राण्डका ‘स्पोर्ट किट’ प्रयोग गर्दैछ भनेर । हामीले ३२ वटै टीमले कुन कुन ब्राण्डको सामान प्रयोग गरिराखेका छन् भन्ने महत्वपूर्ण जानकारी जम्मा गरेका छौँ । तीन वटा ठुला ब्राण्डहरूको प्रयोजनमा दबदबा: विश्वकपमा ३२ वटा टीमको सहभागिता रहेपनि तिनीहरूका जर्सी लगायत अन्य स्पोर्ट किट प्रायोजन गर्ने ब्राण्डहरूमा भने संयुक्त राज्य अमेरिका, जर्मनी, ब्रिटेन डेनमार्क र इटालीका कम्पनीहरूको मात्र उपस्थिति देखिएको छ । यसमा एउता एसियाली ब्राण्ड समेत देखा परेको छ । यति हुँदा-हुँदै पनि विश्वकप खेल्ने टीमहरूका जर्सीहरूमा भने मुख्यतः तीनवटा ब्राण्ड: एडिडास, नाइकी र पुमा देखा पर्ने भएका छन् । यसका अतिरिक्त न्यु ब्यालेन्स, अम्ब्रो आदिले पनि आफ्नो केही उपस्थिति एदेखाउने भएका छन्। हेरौं यस  खेल-महाकुम्भमा खेलाडीहरूका जर्सीहरूमा देखिने ब्राण्डहरूको उपस्थिति: एडिडास: एडिडास फिफाको अधिकारिक फुटबल सप्लायर हो । विश्वकप २०१८ को लागि उसले एडिडास टेलिस्टार-१८ नामको बल सार्वजनिक गरेको छ । एउटा विशेष चिप र सेन्सर प्रयोग गरिएको यस बलले रेफ्रीको धेरै जसो कामलाई सजिलो पारिदिएको छ र एडिडासको अफिसियल वेबसाइटमा बिक्रीका लागि राखिएको यस बलको नेपाली मूल्य लगभग १८ हजार ६ सय पर्दछ । एडिडास जर्मनीको बहुराष्ट्रिय कम्पनी हो । फिफाका लागि सामग्री उपलब्ध गराउनुका अतिरिक्त यसले यस विश्वकपमा भाग लिइरहेका १२ वटा टोलीहरूका ‘स्पोर्ट किट’ उपलब्ध गराएको छ । यस वर्षको विश्वकपमा इजिप्टका मोहम्मद सलाह, अर्जेन्टिनाका मेस्सी, जर्मनीका गोलरक्षक म्यानुअल न्युअर, स्पेनका सर्जियो रामोस लगायत उनका टिमका खेलाडीहरू एडिडासको जर्सीमा रहेका छन् । यसका अतिरिक्त रसिया, मोरक्को, इरान,मेक्सिको, स्वीडेन, बेल्जियम, कोलम्बिया र जापानका खेल पोशाक पनि एडिडास ब्राण्डका रहेका छन् । नाइकी:   अमेरिकी बहुराष्ट्रिय कम्पनी नाइकीले यस विश्वकपमा १० वटा टिमहरूलाई जर्सी लगायत अन्य किट उपलब्ध गराएको छ । फ्रान्सेली स्ट्राइकर एन्टोनी ग्रिजम्यान, ब्राजिलका नेइमार, पोर्चुगलका क्रिस्टियानो रोनाल्डो नाइकीको जर्सीमा छन् । साथै इंग्ल्याण्ड, पोल्याण्ड, साउदी अरेबिया, क्रोएसिया, नाइजेरिया, दक्षिण कोरिया र अस्ट्रेलियाका खेलाडीहरूले समेत नाइकीका जर्सी लगाएका छन् । पुमा: पुमा पनि जर्मन बहुराष्ट्रिय ब्राण्ड हो ।  यस पटक उसले २ वटा टोलीहरूलाई मात्र जर्सी लगायतका समान उपलब्ध गराएको छ ।  कुनै समय यस मामिलामा अग्रणी रहेको पुमाले सन् २००६ को विश्वकपमा १२ वटा टोलीहरूलाई समान उपलब्ध गराएको थियो । यस विश्वकपमा उसले उरुग्वे र  स्विट्जरल्याण्डलाई जर्सी उपलब्ध गराएको हो । यिनको पनि छ उपस्थिति: माथि उल्लिखित ठुला ब्राण्डका अतिरिक्त केही अन्य ब्राण्डहरूले समेत केही टोलीहरूका जर्सीमा सजिने अवसर प्राप्त गरेका छन्: न्यु ब्यालेन्स अमेरिकन ब्राण्ड न्यु ब्यालेन्सले कोस्टारिका र पानामाका जर्सी प्रयोजन गरेको छ । त्यस्तै गरेर ब्रिटिश ब्राण्ड ‘अम्ब्रो’ले पेरु र सर्बियाका जर्सी उपलब्ध गराएको छ भने डेनिस ब्राण्ड ‘ह्यामेल‘ले डेनमार्क, जर्मन ब्राण्ड ‘उलस्पोर्ट’ले ट्युनिसिया, इटालियन ब्राण्ड ‘इरिया’ले आइसल्याण्डलाई जर्सी लगायतका समान उपलब्ध गरएको छ । यस विश्वकपमा उपस्थित एकमात्र गैर-पश्चिमी एसियाली ब्राण्ड ‘रोमाइ’ हो । युएइको यस ब्राण्डले सेनेगललाई समान उपलब्ध गराएको छ । नाइकीले गुमाएको अनुबन्ध अमेरिकन मल्टिनेसनल ब्राण्ड नाइकीसँग फुटबल किट उपलब्ध गराउने बारे इरानको पनि अनुबन्ध भएको थियो । तर हालै इरानमाथि अमेरिकाले लगाएका प्रतिबन्धहरूको पालना गर्दै नाइकीले उक्त अनुबन्ध अस्वीकार गरेपछि उक्त ‘डील’ रद्द भएको थियो र पछि यो मौका एडिडासले हात पाऱ्यो । इरानी सामाजिक संजाल प्रयोगकर्ताहरूले यस विषयमा नाइकीलाई ट्रोल पनि गरेका छन् ।  आफ्नो पहिलो खेलमा मोरक्कोलाई हराएपछि इरानी फुटबलप्रेमीहरूले सामाजिक संजालमा “नाइकी तिमीबिना पनि हामीले गरेर देखायौं ।” लेखेर उसलाई ट्रोल गरेका थिए ।   

काठमाडौं, असार ५ । रसियामा जारी २१ औं संस्करणको विश्वकप फुटबलमा मंगलबार पनि तनिवटा खेल हुँदैछन् । जापानले कोलम्बियाले विरुद्ध दोस्रो गोल गरेको छ । युगा ओशाकोले खेलको ७३ औं मिनेटमा जापानका लागि दोस्रो गोल गरेका हुन । यसअघि पेनाल्टीमार्फत खेलको ६ औं मिनेटमा जापनले पहिलो गोल गर्दै अग्रता लिएको थियो । जापानका लागि सिन्जी कागवाले पेनाल्टीमार्फत गोल गरेका हुन । तर खेलको ३९ औं मिनेटमा कोलम्बियाले जापानविरुद्ध पहिलो गोल गर्दै खेललाई बराबरीमा ल्याएको थियो । कोलम्बियाका लागि जुयान फर्नान्डोले फ्रिकिक मार्फत सुन्दर गोल गरेका हुन । पहिलो खेलमा समूह एचमा रहेका जापान र कोलम्बियाबीचको खेल अहिले जारी छ । जापान ४ पटकको एसियन च्याम्पियन हो भने कोलम्बिया सन २०१४ मा विश्वकपमा क्वाटरफाइनलसम्म पुगेको टोली हो । खेल नेपाली समयअनुसार बेलुका ५।४५ बजेदेखि रसियाको मोर्डोभिया एरिनामा शुरु भएको हो । सन २०१४ को विश्वकपमा गोल्डेन बुट जितेका कोलम्बियाका जेम्स रोड्रिगेज यो पटक पनि राम्रो फर्ममा छन् ।

काठमाडौं, असार ५ । रसियामा जारी २१ औं संस्करणको विश्वकप फुटबलमा मंगलबार पनि तनिवटा खेल हुँदैछन् । कोलम्बियाले जापानविरुद्ध पहिलो गोल गर्दै खेल बराबरीमा ल्याएको छ । कोलम्बियाका लागि जुयान फर्नान्डोले खेलको ३९ औं मिनेटमा फ्रिकिक मार्फत सुन्दर गोल गरेका हुन । यसअघि पेनाल्टीमार्फत खेलको ६ औं मिनेटमा जापनले पहिलो गोल गरेको थियो । जापानका लागि सिन्जी कागवाले पेनाल्टीमार्फत गोल गरेका हुन । पहिलो खेलमा समूह एचमा रहेका जापान र कोलम्बियाबीचको खेल अहिले जारी छ । जापान ४ पटकको एसियन च्याम्पियन हो भने कोलम्बिया सन २०१४ मा विश्वकपमा क्वाटरफाइनलसम्म पुगेको टोली हो । खेल नेपाली समयअनुसार बेलुका ५.४५ बजेदेखि रसियाको मोर्डोभिया एरिनामा शुरु भएको हो । सन २०१४ को विश्वकपमा गोल्डेन बुट जितेका कोलम्बियाका जेम्स रोड्रिगेज यो पटक पनि राम्रो फर्ममा छन् ।

बलिउड क्षेत्रकी चर्चित अभिनेत्री दीपिका पादुकोण तथा अभिनेता रणवीर सिंहको प्रेम–प्रसंगले बलिउड तरंगित भएको छ । यो जोडी आजभोलि सार्वजनिक कार्यक्रममा समेत खुल्लमखुल्ला पुग्ने गरेको छ । देश–विदेशमा समेत यो जोडी गोप्य डेटमा रमाउने कुरा भारतीय मिडियाहरूले लामो समयदेखि उल्लेख गर्दै आएका छन् । केही सुपरहिट चलचित्रमा समेत देखिएको यो जोडी गोप्यरूपमा विवाहको तयारीमा समेत जुटेको बताइन्छ भने बेला–बेलामा उनीहरूबीच ब्रेकअप भएको हल्लासमेत चल्छ । यद्यपि दीपिका–रणवीरले आजका दिनसम्म आफूहरू प्रेममा रहेको कुरा आधिकारिक रूपमा कतै भनेका छैनन् । आखिर दुनियाँको डर नमानी डेटमा पनि रमाउने, प्रेममा छौं भन्न पनि नसक्ने दीपिका–रणवीरको यो कस्तो नौटंकी हो कुन्नि ! एजेन्सीको सहयोगबाट

मस्को, जेठ २७  ।  विश्व चर्चित फुटबल खेलाडी क्रिस्टियानो रोनाल्डो विश्वकप फुटबल प्रतियोगिताका लागि रुस आइपुगेका छन् ।  पोर्चुगलका खेलाडी रोनाल्डो विश्वकप प्रतियोगितामा सहभागी हुन शनिबार रुस आइपुगेको समाचारमा जनाइएको छ । युरोपियन च्याम्पीयन बनेको उनको टोलीले विश्वकपको सुरुमा स्पेन विरुद्ध यही जुन १५ मा खेल्ने कार्यक्रम रहेको छ । रोनाल्डो र उनको टोलीलाई रुसमा परम्परागतरुपमा भव्य स्वागत गरिएको छ । उनीहरुलाई क्राटोभोमा बस्ने व्यवस्था गरिएको छ । क्राटोभो मस्कोदेखि ४० किलोमिटर टाढा पर्दछ । रियल म्याड्रिडका खेलाडीलाई प्रहरीले विमानस्थलमा अवतरण गरेदेखि नै कडा सुरक्षाको व्यवस्था गरेको छ । फिफाको बरियता क्रमअनुसार पोर्चुगल चौथो नम्बरमा पर्दछ । स्पेन, पानामालगायतका देशका खेलाडी भने यसअघि नै रुस आइपुगेका छन् । अन्य कतिपय देशका खेलाडी आउने क्रम जारी छ । अहिले विश्वको ध्यान विश्वकम आयोजक राष्ट्र रुसतर्फ खिचिएको छ । फुटबलको महासंग्राम मानिने विश्वकप प्रतियोगिता रुसले पहिलो पटक आयोजना गरेको हो । २१औँ संस्करणको विश्वकप यही जुन १४ देखि जुलाई १५ सम्म हुन लागेको हो ।

पञ्जाव, जेठ १ । होल्कर स्टेडियममा आईपीएल-११ को ४८ औँ भिडन्तमा किङ्स इलेभन पञ्जाबलार्इ १० विकेटले पराजित गर्ने क्रममा रोयल च्यालेन्जर्स बैंगलोरका कप्तान विराट कोहलीले अर्को कीर्तिमान बनाएका छन् । पञ्जाबले दिएको ८९ रनको लक्ष्य बैंगलोरले ८.१ ओभरमा बिनाक्षति ९२ रन बनाएर जित निकाल्ने क्रममा भारतीय टिमका कप्तानसेमत रहेका कोहलीले अर्को कीर्तिमान चुमेका हुन् । बैंगलोरका कप्तान विराट कोहलीले पञ्जाबविरूद्ध ३४ रन बनाउँदै यस सिजनमा व्यक्तिगत ५०० रन पुरा गरे । एक सिजनमा ५०० भन्दा धेरै रन पाँचौ पटक बनाउने कोहली अब पहिलो ब्याट्सम्यान भएका छन् । पञ्जाबले दिएको ८९ रनको लक्ष्य बैंगलोरले ८.१ ओभरमा बिनाक्षति भेट्टाउँदा कप्तान विराट कोहली २८ बलमा ४८ रन बनाउँदै नटआउट रहे । उनीसँगै पार्थिव पटेल पनि ४० रन बनाएर नटआउट रहे। कोहलीले पाँचौ पटक एकै सिजनमा ५०० रन बनाए। यसभन्दा अघि टस हारेर पहिले ब्याटिङ गर्दै पञ्जाबको टीम १५.१ ओभरमा ८८ रनमा अल आउट भयो । एरोन फिन्चले सबैभन्दा धेरै २६ रन बनाए। उमेश यादवले बैंगलोरका लागि ३ विकेट लिए । उनीपछि अस्ट्रेलियन क्रिकेटर तथा सनराजर्स हैदराबादका पूर्वकप्तान डेभिड वार्नरले ४ सिजनमा ५ सय भन्दा धेरै रन बनाएका थिए । विराटको ५०० भन्दा धेरै रन सिजन रन २०१६ ९७३ २०१५ ५०५ २०१३ ६३४ २०११ ५५७

धादिङ । केही दिनदेखिको वर्षाका कारण राजमार्गमा बाढी र पहिरोसमेत बगेर अवरुद्ध हुने क्रम बढेको छ । सोमबार बिहान गजुरी गाउँपालिकाअन्तर्गत जरेखेतमा सडक माथिबाट पहिरो र लेदो माटो आउँदा राजमार्ग अवरुद्ध भयो । पूर्वपश्चिम जान लागेका यातायातका साधन बाटोमा ३ घण्टा रोकियो । गजुरीबाट डोजर लगेर सडक सफा गरेपछि राजमार्ग सञ्चालनमा आएको इलाका प्रहरी कार्यालय गजुरीका प्रहरी निरीक्षक सञ्जय तिमल्सिनाले जानकारी दिनुभयो । राजमार्गबाट शाखा सडक खन्दा आधारभूत मापदण्ड पूरा नगरेका कारण शाखा बाटोमा निकालिएको माटो पहिरोका रुपमा परिणत भई राजमार्गमासमेत क्षति पुर्याएकाले शाखा सडक निर्माण गर्दा ध्यान पु¥याउनुपर्ने भएकाले गाउँपालिकाले योजना सञ्चालनमा समेत विशेष ध्यान दिने गजुरी गाउँपालिका उपाध्यक्ष सीता ढुंगानाले बताउनुभयो । सो क्षेत्रमा केही दिनअघि पनि सडक माथिबाट आएको लेदो पहिरोले राजमार्ग अवरुद्ध भएको थियो । राजमार्गमाथि खनिएका शाखा सडक पहिरो नजाने गरी निर्माण गर्नुपर्ने र वातावरणीय पक्षलाई समेत ध्यान दिनुपर्ने जरेखेतबासीको भनाइ थियो । रागमार्ग क्षेत्रमा रहेको धुनीबेशी नगरपालिका, गल्छी, थाक्रे, गजुरी र बेनिघाटरोराङ गाउँपालिका क्षेत्रबाट २०० भन्दा बढी शाखा सडक खनिएको देखिन्छ । शाखा सडक निर्माण गरिएको हरेक स्थानमा राजमार्ग भत्किएको छ । रासस

काठमाडाैं । विश्व क्रिकेटमा ठूलो व्यावसायिक प्रतियोगिता मानिने इण्डियन प्रिमियर लिग आइपीएलमा नेपाली खेलाडी सन्दीप लामिछानेको पहिलो खेलको प्रदर्शनको सर्वत्र प्रशंसा भइरहेको छ। १७ वर्षीया सन्दीपले गएराति आफ्नो टोली दिल्ली डेयरडेभिल्सका तर्फबाट पहिलो म्याच खेल्ने क्रममा ‘उत्कृष्ट बलिङ’ गरेको टिप्पणी भएको छ। भारतीय टिमका कप्तान विराट कोहलीले नेतृत्व गरेको रोयल च्यालेन्जर्स ब्यांग्लोरविरूद्ध मैदानमा उत्रिएका सन्दीपले कोहली र अर्का विश्व चर्चित ब्याट्सम्यान दक्षिण अफ्रिकाका एबीडी भीलीयर्सलाई बलिङ गरेका थिए। एक विकेट लिएका सन्दीपले ‘किफायती’ बलिङ गरे पनि उनको टोली ६ बल बाँकी छँदै ५ विकेटले पराजित भएको छ। प्रतियोगिताको ११ औँ संस्करणमा दिल्लीले लिलामीमा २० लाख भारू तिरेर लिएका लामिछानेले आफ्नो टोलीले १२ औँ खेल खेल्दा मौका पाएका हुन्। नेपाल भ्रमणका क्रममा भारतीय प्रधानमन्त्री नरेन्द्र मोदीले सन्दीप आइपिएलमा छनोट भएको विषय राजधानीमा भएको अभिनन्दनका क्रममा चर्चा गरेकै दिन दिल्लीले उनलाई आफ्नो ‘ओपनिङ बलर’का रूपमा प्रस्तुत गरेको थियो। खेलमा उनले चार ओभर २५ रन खर्चेर एक विकेट लिएका थिए। सन्दीपको बलिङ एशोशियट राष्ट्रबाट छनोट भएर कुनै पनि क्रिकेट खेलाडीले आइपीएलको आफ्नो पहिलो खेलमा गरेको ‘उत्कृष्ट प्रदर्शन’ भएको इएसपीएन क्रिकइन्फोका खेल पत्रकार पिटर डेला पेना बताउँछन्। सन्दीपले आफ्नो पहिलो ६ बलमा ६ रन दिएका थिए भने दोस्रो ओभरमा पार्थिव पटेलको विकेट लिएका थिए। दिल्ली डेयरडेभिल्सका पाँच बलर मध्ये उक्त खेलमा उनले सबैभन्दा कम रन दिएका थिए। शनिवारको खेलमा ‘नट आउट’ ७२ रन प्रहार गरेर ‘म्यान अफ द म्याच’ बनेका ब्याट्सम्यान एबीडी भीलीयर्सले खेलपछि सन्दीपको मुक्तकण्ठले प्रशंसा गरेका छन्। उनले भनेका छन्, “लामिछाने भर्खरै १७ वर्षका छन् र उनले प्रशंसनीय खेल देखाएका छन्। यी केटाहरूले कसरी यस्तो खेल्छन् म आश्चर्यमा पर्छु। यो भारतीय क्रिकेट र समग्र क्रिकेटका लागि ठूलो उपलब्धि हो।” आफ्नो पहिलो खेलपछिको एउटा अन्तर्वार्तामा सन्दीपले दिल्ली डेयरडेभिल्सको टोलीमा स्थान पाएकोमा खुशी व्यक्त गर्दै विश्वका दुई अग्रणी ब्याट्समेनविरूद्ध बलिङ गर्न पाउनु आफैँमा उपलब्धि भएको बताएका छन्। “मैले मेरा प्रशिक्षकहरूबाट धैर्य गर्न सिकिरहेको छु, अझै लामो यात्रा गर्नुपर्नेछ, टोलीका प्रशिक्षक र सबै सदस्यबाट राम्रो सहयोग पाइरहेको छु।” सन्दीपको पहिलो खेलको प्रदर्शनलाई आइपीएलको आधिकारिक ट्विटर खातामा ‘ऐतिहासिक’ भनिएको छ। अन्तर्राष्ट्रिय क्रिकेट परिषद्ले पनि उनलाई आइपीएल खेल्ने पहिलो नेपाली खेलाडी बनेकोमा बधाई दिएको छ। खुशी व्यक्त गर्नेमा सन्दीपलाई अष्ट्रेलियामा लगेर अभ्यासको मौका दिने अष्ट्रेलियाको टोलीका पूर्वकप्तान माइकल क्लार्क पनि छन्। उनले ट्विटरमा लेखेका छन्, “मेरा साथीले आइपीएलमा पहिलो पटक खेल्ने मौका पाएका छन्, उनको कथा कति रोमाञ्चक छ!” ट्विटरमा नेपाली किक्रेट टोलीका कप्तान पारस खड्काले सन्दीपलाई शुभकामना दिँदै आफ्नो उत्कृष्ट प्रदर्शन देखाउन भनेका थिए। सन्दीपले बलिङ गरिरहँदा ट्वीट गर्दै नेपाली ब्याट्सम्यान शरद भेषावकरले सन्दीपले एकदमै राम्रो शुरूवात गरेको र आफ्नो खुशी एक तहमाथि पुगेको टिप्पणी गरेका थिए। भारतीय क्रिकेट विश्लेषक हर्ष भोग्लेले सन्दीपले विकेट लिनुलाई एउटा ठूलो क्षण भन्दै ट्वीट गरेका थिए। उनको बलिङ गर्ने शैलीलाई अष्ट्रेलियाका चर्चित खेलाडी शेन वार्नसँग दाँज्ने गरिन्छ। सन्दीपलाई उनको पहिलो खेलका लागि शुभकामना दिनेमा सनराइजर्स हैदराबादबाट खेलिरहेका अफगान बलर राशिद खान सहितका खेलाडी छन्। नेपाली क्रिकेट प्रशंसकहरूले पहिलो खेलमा सन्दीपले गरेको कसिलो बलिङको प्रंशसा सामाजिक सञ्जालमा गरिरहेका छन्। पूर्वप्रधानमन्त्री बाबुराम भट्टराईले ट्विटरमा पहिलो विकेटका लागि सन्दीपलाई बधाई दिँदै उनको सफलतामा गर्व लागेको उल्लेख गरेका छन्। कतिपयले चाहिँ दिल्ली डेयरडेभिल्सले सन्दीपलाई पहिला नै मौका दिनुपर्ने धारणा ट्विटरमा राखिरहेका छन्। निकै ठूलो लगानी रहेको र विश्व क्रिकेटमा सबैभन्दा बढी दर्शकले हेर्ने भनिएको आइपीएलमा खेल्न गएको जनवरीमा सन्दीप छानिएका थिए। यो प्रतियोगितापछि उनले वेस्ट इण्डिजका खेलाडी क्रिश गेलको क्लबबाट क्यारीबीयन लिग क्रिकेट खेल्नेछन्। सन्दीप नेपाली राष्ट्रिय टोलीको पछिल्लो पुस्ताका सर्वाधिक चर्चित खेलाडी हुन्। उनको बलिङ गर्ने शैलीलाई अष्ट्रेलियाका चर्चित खेलाडी शेन वार्नसँग दाँज्ने गरिन्छ। १५ वर्षको उमेरमा राष्ट्रिय टोलीमा समावेश भएका सन्दीपले हालै सम्पन्न विश्व क्रिकेट डिभिजन दुईमा १७ विकेट लिएका थिए। त्यसपछि जिम्बाब्वेमा भएको डिभिजन १ क्रिकेटमा उनले गरेको प्रदर्शनले नेपाललाई एक दिवसीय क्रिकेट मान्यता दिलाउन महत्त्वपूर्ण भूमिका खेलेको थियो। एउटा वैवाहिक कार्यक्रममा सहभागी हुन जाने क्रममा चितवनको एउटा क्रिकेट एकेडेमीमा अभ्यास गरिरहेका सन्दीप राष्ट्रिय टोलीका तत्कालीन प्रशिक्षक पुबुदु दसानायकेको नजरमा परेका थिए। बीबीसी

काठमाडौं, आइपिएलमा पहिलोपटक पहिलो खेल खेलेका सन्दीप लामिछानेले नेपालका लागि गर्वको काम गरेका छन् । सन्दीपले तेश्रो ओभरमा आफ्नो पहिलो विकेट लिएका हुन । रोयल च्यालेन्जर बैंगलोरका पि पटेलको विकेट उनले लिएका छन् । सन्दीपका लागि आज निकै महत्वपूर्ण खेल छ । उनले डेभिलियर्स र बिराट कोहलीविरुद्ध बलिङ गर्ने अवसर समेत पाएका छन् ।  

काठमाडौं । पुरुष वेश्या अर्थात् जिगोलोको पनि काम गरेका विवेक (नाम परिवर्तन)ले १० वर्षसम्म काठमाडौंमा एकजना भारतीय मुलका व्यापारीको घरमा सवारी चालकको काम गरे । उनी व्यापारीलाई कार्यालयसम्म छाड्ने र खाना ल्याउने काम गर्दथे । विहान पतिलाई कार्यालयमा छाडेपछि दिनभरी उनी पत्नीको सेवाका लागि पनि खटिन्थे । अहिले ट्याक्सी चलाइरहेका उनी भन्छन्,‘अफिसमा मालिकलाई छाडेपछि घरका लागि सवारी चलाउने काम पनि गरेको थिएँ । योसँगै अन्य गतिविधिमा पनि मलाई मालिक्निले प्रयोग गर्थिन् ।’ विवेकले मालिकको ड्राइभर र मालिक्निको ‘सेक्स ड्राइभर’ बन्नुपरेको थियो । त्यसका लागि उनलाई लुकीछिपी अतिरिक्त आम्दानी पनि हुने गरेको थियो । ‘एक जनाको सेवा त ठिकै थियो । पछि मालिक्निका सर्कलमा रहेका धेरैलाई सेवा दिनुपर्ने भएपछि विरामी बन्ने डर भयो र म भागेर ट्याक्सी चलाउन आएँ ।’, विवेक भन्छन्,‘शारिरीक कमजोरी, पिसावनलीको समस्या पनि देखियो । अहिले यहि व्यावसाय गरेर बसीरहेको छु ।’ विवेकले दशकसम्म जुन काम गरे त्यसमा अहिले धेरै युवा सक्रिय रहेका छन् । लगानी पनि हुने, आम्दानी पनि हुने भएपछि हट्टाकट्टा जवान ड्राइभर, सहयोगी वा सम्पर्क पुरुष भएर उच्च घरानाका महिलाहरूसँग सम्बन्धमा रहने गरेका छन् । ‘खासमा सहयोगी भए पनि आफ्नो सेक्स सन्तुष्टिका लागि काठमाडौंलगायतका ठाउँमा युवालाई यसरी प्रयोग गरिएको छ’, विवकेको अनुभव छ,‘मेरा कतिपय साथीहरू अहिले पनि यहि काममा व्यस्त छन् ।’ प्रायः जिगोलोलाई उच्च धनाड्य परिवारको बेडरुम र सिरानी कस्तो छ भन्नेसम्म थाह हुन्छ । ‘दिनभरीको काम नै सेवा गर्ने हुन्छ । अनि पत्तो लागि हाल्छ नि’, उनी भन्छन् । महिला यौनकर्मीको संख्या उच्च रहेको नेपालका सहरहरूमा पुरुष यौनकर्मीको पनि विभिन्न रूपमा संख्या विस्तार हुन थालेको विभिन्न अध्ययनले देखाएका छन् । कतिपय पुरुषले यसलाई व्यावसाय नै बनाएका छन् । व्यावसायीक यौन कर्ममा लागेकाहरूले महँगा होटलमा उच्च घरानाका युवती, पत्नीलाई सेवा दिने गरेका छन् । उनीहरूको काम सेक्स पार्टनर बनिदिने र पैसा लिने हो । महिला यौनकर्मीको तुलनामा संख्या निक्कै कम भए पनि ठूलो रकम लिएर सेवा दिने हुन्छ । महिला यौन व्यवसायी सडकपेटीमै बसेर ग्राहक खोजिरहेका हुन्छन् । ग्राहकले पनि मोलमोलाई गरेर थोरै रकममा यौन सन्तुष्टि लिने गरेका महिला यौन व्यवसायी बताउँछन् । तर, पुरुष यौन व्यवसायीका ग्राहक आर्थिक रूपमा सम्पन्न परिवारका हुने भएकाले उनीहरूले अन्य सेवासुविधासमेत पाउने गरेका छन् । केही पुरुष यौन व्यवसायीको भनाइअनुसार उनीहरूलाई आवश्यक पर्ने पकेट खर्च, मोबाइल खर्चदेखि सपिङका लागि पैसा महिला ग्राहकले दिने गरेका छन् । प्रायः महिला ग्राहक पुरुष यौन व्यवसायीलाई निजी बनाउन चाहन्छन् । आफ्नो पार्टनरले आफूलाई मेन्टेन गरेर हिँडेको हेर्न पनि महिलाले त्यस्ता पुरुष यौन व्यवसायीलाई धेरै रकम खर्चिने गरेका छन् । पुरुष यौन व्यवसायीले पनि आफूलाई ‘हेल्दी’ राख्न विशेष ध्यान दिने गर्छन् । एक जना भन्छन्,‘काजु पिस्ता खानेदेखि जिम जानेसम्म नियमित गर्नुपर्छ । शरिरमा इनर्जीको मात्र बढाउनुपर्ने बाध्यता पनि हुन्छ ।’ केही वर्षअघिको सरकारी तथ्यांकले पनि नेपालमा पुरुष वेश्या बढ्दै गरेको देखाएको छ । स्वास्थ्य परिक्षणका लागि यौनकर्मीहरूका लागि राखिएको उपचारमा ९२ जना पुरुष यौनकर्मी, १ हजार २७६ जना महिला यौनकर्मी र ४ जना तेस्रोलिंगी यौनकर्मी गरी जम्मा १३ सय ७२ जनामा एचआइभी संक्रमण पाइएपछि यसको पुष्टि भयो । उक्त उपचारको अध्ययनका क्रममा ९२ जनाले आफु पुरुष वेश्या भएको बताएका थिए । के छ कानुन ? महिला यौनकर्मीका लागि नेपाल सरकारसँग कानुनी व्यवस्था रहेको छ । उसलाई जीउ मास्ने बेच्ने मुद्दा दर्ता हुनसक्छ । तर पुरुष वेश्याको हकमा नेपालमा कानुन नरहेको कानुन व्यावसायी स्वागत नेपाल बताउँछन् । उनी भन्छन्,‘प्रमुख जिल्ला अधिकारीले सार्वजनिक मुद्दा दर्ता गराउने प्रावधान हुनसक्छ । तर, कारवाहीका लागि कानुन छैन ।’ उनका अनुसार यस्ता व्यक्ति पक्राउ परिहालेको खण्डमा पनि जीउ बेच्ने मास्ने अपराध लगाउने व्यवस्था नै छैन । ‘अहिलेसम्म सजायको कुनै व्यवस्था छैन ।’ के हो जिगोलो ? महिलासँग निरन्तर सम्पर्क राख्ने सुरक्षा घेरामा रहने पुरुषलाई जिगोलो भनिन्छ । यस्ता पुरुष महिलाका घरमा उनको अवस्था र आवश्यकतालाई सुरक्षित बनाउन सक्रिय हुन्छन् । सही हिसावले सहयोग वा सेवा गर्ने जिगोलोलाई सेवाको भत्ता दिने चलन छ । यस्ता व्यक्ति महिलाको ‘डान्स पार्टनर’ पनि बन्ने गर्छन् । पश्चिम विश्वमा यस्ता व्यक्तिलाई विभिन्न प्रकारका उपहार दिने चलन पनि रहेको छ । यस्ता व्यक्तिको यौन सम्बन्ध पनि रहने गरेको हुन्छ । जसलाई सेक्सका लागि राखिएको पुरुष पनि भनिन्छ । सन् १९२० देखि जिगोलो भन्ने शव्द मानिसका लागि प्रयोजनमा आएको हो । पहिला डान्स पार्टनरका रूपमा जिगोलो बनाउने चलन थियो जसको शव्द फ्रान्सबाट उत्पादित भयो । ‘जिगोलेट्टे’लाई अंग्रेजी संस्करणले जिगोलो बनाएको हो । व्यावसाय नै फस्टाउँदै कतिपय पोर्न उद्योगीहरूले जिगोलोका लागि जागिरकै अफर गदैृ आएका छन् । इन्टरनेटमार्फत भारतको नयाँ दिल्ली, नेपालको काठमाडौं, बंगलादेशको ढाकामा जिगोलो आवश्यकताको सूचना नै प्रकाशित गरी केटाहरूलाई मात्र सम्पर्क राख्न भनेका छन् । दैनिकनेपालबाट । यसको व्यावसायीकरणका लागि लाइसेन्स प्राप्त गर्न सफल विश्वका कतिपय देशले इन्टरनेटमा विज्ञापन गराएका हुन् । यो विज्ञापनमा नेपालीहरूको पनि आवेदन परेका छन् ।

जनकपुर । भारतीय प्रधानमन्त्री नरेन्द्र मोदीले नेपाली जनताले आफूलाई गरेको सम्मानमा खुसी व्यक्त गरेका छन्। उनले आफूलाई गरिएको यो सम्मान सवा सय हिन्दुस्तानीको सम्मान भएको बताए । जनकपुरको जानकी मन्दिरमा पूजा अर्चनापछि बोल्दै प्रधानमन्त्री मोदीले नेपाल, प्रदेश सरकार, मन्दिर व्यवस्थापन समिति तथा आफ्ना समकक्षी केपी ओलीलाई धन्यवाद ज्ञापन गरे । सम्बोधनका क्रममा मोदीले अयोध्या र जनकपुरको परापूर्वकालदेखि नै सम्बन्ध रहिआएको स्मरण गरे।

मुम्बई । बिहीबार बलिउड क्षेत्रकी चर्चित अभिनेत्री नेहा धूपियाले ‘पिंक’ फेम अंगद बेदीसँग दुवैजनाको निजी समारोहबीच विवाह सम्पन्न भएका छन् । फिल्ममेकर करन जौहरले एक फोटोे शेयर गरी नेहा र अंगदको विवाह कन्फर्म गरेका थिए । नेहा र अंगदले सामाजिक सञ्जाल अकाउन्टमा आफ्नो विवाहको फोटो शेयर गरेका छन् । त्यस्तै, अंगद बेदी जति चलचित्रलाई लिएर लाइमटाइममा रहेका थिए, उति नै टकिंग प्वाइन्ट लभ रिलेशनसिप पनि रहेका थिए । युवराजको विवाहमा ‘नोरा’ को साथ पुगेका थिए अंगद । अंगद बेदी डिसेम्बर, २०१६ मा आफ्नो बेस्ट फ्रेन्ड युवराज सिंहको विवाहमा नोरा फतेहीको साथ पुगेका थिए । खास कुरा त यो हो कि यहाँ अंगदले नोराको आफ्नो गर्लफ्रेन्ड भनेर सबै सामु परिचय गराएका थिए । त्यही नोभेम्बर २०१७ मा उनी जहीर खान र सागरिका घाटगेका विवाहको रिसेप्शनमा नेहा धूपियासँग चिनजान भएका थिए । अंगदले नोराको बताएका थिए, ‘लभली गर्ल’ मिडियाको रिपोर्टका अनुसार, मोडल तथा अभिनेत्री अंगद बेदीसँग नोरा फतेही भेटघाट २०१५ मा गोवामा भएको थियो । जब एक अन्तर्वार्तामा अंगदसँग उनको रिलेशनसिपको बारेमा सोधेका थिए कि नोरा र उनी अहिले पनि एकअर्कालाई बुझ्न लागिपरेका छन् । उनले नोराको एक लभली गर्ल पनि भनेका थिए । साथै उनको काम र पोजिटिभिटीको तारिफ पनि गरेका थिए । विवाहअघि नेहाभन्दा पहिले नै अ‌ंगद र नाेरा एकअर्कासँग डेट भइसकेका केही सामाजिक सञ्जालमा भाइरल भइरहेका छन्, हेर्नुहोस् केही तस्वीरहरु- एजेन्सीको सहयोगबाट

काठमाडौं, वैशाख २८ । प्रधानमन्त्री केपी शर्मा ओलीको निमन्त्रणामा भारतका प्रधानमन्त्री नरेन्द्र मोदी नेपालको दुईदिने राजकीय भ्रमणमा शुक्रकार यहाँ आउँदै छन् । भारतका कार्यकारी सरकार प्रमुखका रुपमा तेस्रो पटक हुन लागेको यो भ्रमणले आपसी आत्मीयता, मैत्री र शताब्दीऔँ पुरानो दुई देशबीचको सम्बन्धलाई थप प्रगाढ तुल्याउने अपेक्षा नेपाल र भारतका जनताले गरेका छन् । प्रधानमन्त्री ओलीको गत महिना सम्पन्न भारतको राजकीय भ्रमणको प्रत्युत्तर भ्रमणका रुपमा पनि प्रधानमन्त्री मोदीको भ्रमणलाई लिइएको छ । राजनीतिक तहमा हुने यस्ता उच्चस्तरीय भ्रमणले एकार्काका पीरमर्का र विकासका आकांक्षा बुझ्न मद्दत मात्र पुग्दैन बदलिँदो विश्व परिवेशमा मतैक्यताका साथ क्षेत्रीय र अन्तर्राष्ट्रिय चासोका साझा विषयमा सहकार्य गर्न सघाउँछ । प्रधानमन्त्री मोदीले नेपाल भ्रमणको पूर्वसन्ध्यामा गरेका तीन ‘ट्विट्’ले नेपालसँगको अनादिकालदेखिको भारतको परम्परागत सम्बन्धलाई नयाँ आलोकमा प्रस्तुत गर्न खोजेको प्रतीत हुन्छ । “लोकतन्त्रका उपलब्धिलाई संस्थागत गर्न तथा आर्थिक समृद्धि हासिल गर्ने नयाँ युगमा प्रवेश गरेको नेपाललाई अटल साझेदारका रुपमा भारत प्रस्तुत हुन चाहन्छ” नेपाल सरकारको ‘समृद्ध नेपाल र सुखी नेपाली’ निर्माणको परिकल्पना साकार पार्न सबल साझेदार हुने उत्कृट अभिलाषा उनले अभिव्यक्त गरेका छन् । त्यस्तै अर्को ट्विटमा उनले नेपालसँगको सम्बन्धलाई भारतले उच्च महत्व दिएको प्रष्ट्याउँदै द्विपक्षीय सम्बन्धलाई थप प्रगाढ तुल्याउन आफ्ना समकक्षी ओलीसँग सघन वार्ता गर्ने बताउनुभएको छ । निश्चय पनि उनको यो अभिव्यक्तिले विगतका रिक्तता र तिक्ततालाई तिलाञ्जलि दिएको संकेत मात्र गर्दैन भविष्यमा नेपाल–भारत मैत्री नयाँ नेपालको नयाँ संविधान जारी हुनुपूर्वको अवस्थामा पु¥याउने अपेक्षा गर्न सकिन्छ । पर्यटन प्रवद्र्धन जनकपुरधाम र मुक्तिनाथजस्ता विश्वविख्यात धार्मिक एवं सांस्कृतिक महत्वका सम्पदास्थलमा हुने उहाँको भ्रमणले प्रकृतिप्रेमी पर्यटक र तीर्थाटनलाई भारतवर्षमा समुचित प्रवद्र्धन मात्र गर्नेछैन अपितु दुई देशबीचको धार्मिक एवं सांस्कृतिक सम्बन्धलाई एक अटुट कडीका रुपमा चित्रण गर्छ । संयुक्त राष्ट्र संघका पूर्व उपमहासचिव ज्ञानचन्द्र आचार्य द्विपक्षीय भ्रमण एकार्कालाई बुझ्ने अवसरका रुपमा चित्रण गर्छन । उनी प्रधानमन्त्री ओलीको भारत भ्रमणका बेला भएका सहमतिलाई कार्यान्वयन गर्ने, त्यसो हुन नसके पनि छलफल र समिचीन समीक्षा गर्ने, सम्बन्ध नवीकण गर्ने अवसर ठान्छन् । दक्षिण र उत्तर कोरियाली नेताबीच हालै भएको ऐतिहासिक वार्ता, चीनका राष्ट्रपति र भारतका प्रधानमन्त्रीबीचको हालैको भेटवार्तालगायत क्षेत्रीय रंगमञ्चमा विकसित घटनाक्रमलाई जोड्दै उहाँ भ्रमणले दुवै देशका जनतालाई फाइदा पुग्ने अभिमत प्रकट गर्छन । राष्ट्रिय योजना आयोगका पूर्वउपाध्यक्ष डा मोहनमान सैंजू समसामयिक विश्वमा उदीयमान अर्थतन्त्रके रुपमा स्थापित लोकतान्त्रिक मुलुक भारतबाट समानताका आधारमा नेपालप्रति व्यवहार हुने विश्वास व्यक्त गर्छन । पूर्व राजदूत सैंजु भारतले आफ्नो विशालता र प्रतिष्ठा तथा विज्ञान, प्रविधि र आर्थिक फाँटमा हासिल गरेको समृद्धिलाई गिज्याउने खालको व्यवहार भविष्यमा फेरि गर्दैन भन्ने सन्देश प्रधानमन्त्री मोदीले दिनुपर्छ भन्छन् । पुरानो भारतीय मानसिकता अब परिवर्तन हुनुपर्छ भने उनको ठम्याइ छ । मुक्तिनाथ र जनकपुरको पर्यटन प्रवद्र्धनमा पनि टेवा पुग्ने उनलाई लागेको छ । नेपाल र भारतबीच तीन वर्षअघि उत्पन्न चिसोपन अब हार्दिकतातर्फ उन्मुख भएको विश्लेषण सुनाउँदै भारतका विद्वत् वर्गमा दरिएका प्रा महेन्द्र पी लामा भन्छन् “तीन वर्षअघि नेपाल र भारतबीच निर्मित एउटा गहिरो खाडल नेपालका प्रधानमन्त्री केपी ओलीबाट नयाँ दिल्ली भ्रमणले आधा पुरेको र अब प्रधानमन्त्री मोदीको नेपाल यात्राले बाँकी आधा खाडल पुर्नेछ । ” -राताेपाटीबाट