एउटा कारको नंबर प्लेटकै मूल्य २६४ करोड रुपैयाँ। सुन्दा अचम्म लाग्न सक्छ तर समाचार भने सत्य हो। ब्रिटेनमा अनलाइन बिक्रीमा राखिएको उक्त नम्बर प्लेट कुनै बहुमूल्य धातुबाट बनेको होइन बरु यसमा रहेका अंकका कारण यस नम्बरका लागि यत्तिको मूल्य दाबी गरिएको हो। खासमा यस कारको नम्बर एफ- वान रहेको छ जसलाई यसको मालिकले बिक्रीका लागि अनलाइनमा खुल्ला गरेको हो। हामीलाई अचम्म लाग्न सक्छ की यस नम्बर प्लेटमा त्यस्तो खास के छ त? यो नम्बर ‘फर्मुला वान’को छोटो रूपसँग मिल्ने भएकाले यसको यति विधि मूल्य दाबि गरिएको हो।   ब्रिटिश नागरिक अफजल खानले अनलाइन विज्ञापन पोस्ट गरेर यस बिक्रीको घोषणा गरेका हुन्। अफजल कारहरू कस्टमाइज गर्ने फर्म ‘खान डिजाइन’ संचालन गर्दछन्। उनले स्वयम् एक वर्ष अगाडी लगभग १७ करोड रुपैयाँ तिरेर यो नम्बर प्लेट किनेका थिए। विज्ञापनमा नम्बर प्लेटको वास्तविक मूल्य १७६ करोड मात्र रहेको र त्यसमा २० प्रतिशत मूल्य अभिवृद्धि कर र स्थानान्तरण शुल्क जोडेर यसको मूल्य २६४ करोड पुगेको बताइएको छ। ब्रिटेनको यातायात कानुन अनुसार गाडीको नम्बर प्लेटमा गाडी मालिकको स्वामित्व हुन्छ र उसले चाहेको खण्डमा यसलाई मात्र पनि बेच्न सक्छ। एफ-वान नम्बर प्लेट अब प्रतिष्ठाक विषय बनेको छ। यसअघि यो मर्सडीज-म्याक्लेरेन एसएलआर, कस्टम रेंज रोभर और बुगाटी भेरोन जस्ता कारहरूमा लागिसको छ। यदि यो मूल्यमा बेचिने हो भने यो संसार कै सबभन्दा महँगो मूल्यमा बेचिने नम्बर प्लेट हुने छ। यस अघि दुबईमा १०७ करोड रुपैयाँमा बिक्री भएको डी-फाइभ सबैभन्दा महँगोमा बिक्री भएको नम्बर प्लेट मानिन्छ। यसलाई भारतीय मूलका व्यापारी बलविंदर साहनीले खरिद गरेका थिए। यसका अतिरिक्त सन् २००८ मा ‘१’ नम्बरको नम्बर प्लेट १०५.६ करोडमा बेचिएको थियो।  

२१आैं शताब्दीमा सर्वहारा वर्गको क्रान्तिको विचार एवं राजनीतिक कार्यदिशाको प्रश्न मालेमावादको विचार र दर्शनको विकासको सैद्धान्तिक महŒवको प्रश्न एउटा मुख्य सवाल हो । एमाले–माओवादी वामपन्थी पार्टी एकताले नयाँ वैचारिक तथा राजनीतिक कार्यदिशाको विकासमा जोड दिएको छ । ऊ भन्छ– अहिले पनि जडसूत्रीय ढंगबाट नेपाली क्रान्तिलाई बुझ्ने दृष्टिमा कार्यदिशा निर्माण गर्नुहँुदैन । यसले दक्षिणपन्थी विर्सजनवाद वैचारिक विचलन र संशोधनवादी धारलाई विकास गर्छ । नेपाली क्रान्तिमा दक्षिणपन्थी संशोधनवादी कार्यदिशाले वामपन्थी जडसूत्रवादी दुस्साहसवादी धारको प्रतिनिधित्व गरिरहेको छ । यो मालेवादको विकासमा एउटा ठूलो अन्तर्संघर्षका रूपमा आएको छ । वामपन्थी एकताले पुरानो प्रतिक्रियावादी राज्यसत्ताको आकारमा फेरबदल आएको छ । अहिले एमाले र माओवादी केन्द्रबीचको गठजोड तथा वामपन्थी एकताको निर्माणले एउटा पुरानो वर्गविरुद्ध विशेष किसिमको उथलपुथल ल्याएको कुरा साँचो हो । वामपन्थी एकताले पुरानो प्रतिक्रियावादी राज्यसत्ताको आकारमा फेरबदल आएको छ । समाजमा राजनीतिक रूपले बुर्जुवा, पिटी बुर्जुवार सामन्त ठालु वर्गको प्रतिनिधित्व गर्दै आएको नेपाली कांग्रेसको राजनीतिक वर्चस्वलाई विस्थापित गर्न सफल भयो, यो वाम गठबन्धनले । नेपाली कांग्रेसले सम्हाल्दै आएको सामन्ती धारको राजनीतिक आर्थिक प्रतिनिधित्वलाई अहिले मात्रात्मक रूपमा वामपन्थी गठबन्धन गर्न पराजित गर्न सक्यो । यही आधारमा वाम एकताले मालेमावादको क्रान्तिकारी सर्वहारा वर्गीय धारलाई आत्मसात् गरेर क्रान्तिकारी कम्युनिस्ट धारलाई अघि बढ्नैपर्छ । अर्थात् वाम एकता विशुद्ध नेपाली क्रान्तिको परिधिभित्र रहेर यसले क्रान्तिकारी धारलाई समाउन अनिवार्य हुन्छ । तर, विप्लव माओवादीले आफूले मात्र नेपाली मालेवादलाई प्रतिनिधित्व गर्ने क्रान्तिकारी शक्ति हो भनिरहेको छ । उसले आफूले मालेमावादलाई क्रान्तिको आदर्श सिद्धान्त मान्दै एकीकृत क्रान्ति गर्ने भनेर थप नयाँ कार्यदिशासहित अगाडि बढेको छ । जसले क्रान्ति र प्रतिक्रान्तिको राजनीतिक अन्तर्विरोध फेरिएको अवस्थामा रहेको छ । जे भने पनि नेपाली राज्यसत्ता अहिले पनि विदेशी प्रतिक्रियावादी शक्तिको संरक्षणमा टिकेको छ । वामपन्थी सरकारले आफूलाई राष्ट्रियता, जनजीविका र जनतन्त्रको सवालमा अडिग भएर अगाडि बढेको स्पष्ट चित्र देख्न सकिँदैन । तर, त्यो अहिलेको सत्ताले मात्रात्मक रूपमा केही राष्ट्रियताको सवालमा अडान राख्न कोसिस गरेको भान देखिन्छ । तर, यो वामपन्थी सरकारले आफूलाई राष्ट्रियता, जनजीविका र जनतन्त्रको सवालमा अडिग भएर अगाडि बढेको स्पष्ट चित्र देख्न सकिँदैन । एमाले–माओवादी वामपन्थी पार्टीले पनि यही संसदीय पँुजीवादी लोकतान्त्रिक राजनीतिक व्यवस्थामा रमाउने यसको भरणपोषणमा समर्पित रहने कुरा स्पष्ट देखिएको छ । अहिले एमाले–माओवादी पार्टी एकताबारेको १३ शीर्षकमा ४२ पृष्ठको राजनीतिक प्रतिवेदन तयार गरेर प्रस्तुत गरेको छ । जसमा एकीकृत पार्टीको राजनीतिक मार्गदर्शक सिद्धान्तमा माक्र्सवाद–लेनिनवाद भनिएको छ । अहिले पार्टीको मुख्य कार्यदिशा समाजवादको आधार निर्माण गर्ने राखिएको छ । यसको रणनीतिक लक्ष्य समाजवादी क्रान्ति रहेको छ । तर, यसको समाजवादसम्म पुग्ने बाटोमा भने शान्तिपूर्ण प्रतिस्पर्धा रहेको छ । अर्कोतर्फ समाजवादको मोडल बहुलवादी विशेषताको समाजवादको अभ्यासमा आउने भनिएको छ । तर, नेपाली समाजको अहिलेको वर्गीय चरित्रदलाल पुँजीवाद हावी भएको अवस्थाबाट गुजारिरहेको छ । एमाले–माओवादीको एकीकृत पार्टीको मुख्य कार्यदिशा पुँजीवादी जनवादी क्रान्तिको बाँकी कार्यभार पूरा गर्दै समाजवादको आधार निर्माण गर्ने भनिएको छ । यसका लागि समाजवाद उन्मुख राष्ट्रिय पुँजीवादको विकास गर्दै सामाजिक न्यायसहित नयाँ राज्यको स्थापना गर्ने भनिएको छ । समाजवादको रणनीतिक लक्ष्यमा पुँजीवादी जनवादी क्रान्ति सम्पन्न भएपछि आम रूपमा समाज समाजवादी क्रान्तिको चरणमा प्रवेश गर्ने कुरा स्वाभाविक हो । समाजवादको रणनीतिक लक्ष्यमा पुँजीवादी जनवादी क्रान्ति सम्पन्न भएपछि आम रूपमा समाज समाजवादी क्रान्तिको चरणमा प्रवेश गर्ने कुरा स्वाभाविक हो । तर, यसले नेपाली क्रान्तिको दीर्घकालीन वर्ग संघर्षको आवश्यकतालाई आमन्त्रण गर्छ । जसले समाजवादी क्रान्ति सम्पन्न गर्न वस्तुगत आधारहरूको विकास गर्दै जान्छ । यसकारण नेपाली क्रान्तिको रणनीतिक लक्ष्य अहिले समाजवाद निर्माणको चरणसम्म होला तर दीर्घकालीन लक्ष्य साम्यवादसम्म पुग्दै राज्यको विलोपीकरणका चरण पार गर्दै अघि बढ्ने एक दूरगामी लक्ष्य राख्नु अनिवार्य हुन्छ । क्रान्तिको रणनीतिक लक्ष्य समाजवादमा मात्र सीमित हुने होइन, साम्यवादसम्म पुग्ने भन्ने हो । त्यही दूरगामी लक्ष्यबाट पार्टी एकता चालू राख्नुपर्छ । तर, समाजवादी राज्यसत्ता प्राप्त गर्ने सवालमा यसको बाटो शान्तिपूर्ण प्रतिस्पर्धा हुने भनिएको छ । यही बहुदलीय संसदीय राजनीतिक प्रतिस्पर्धाबाट समाजवादमा पुग्न सक्छौं भन्ने वैचारिक धार राखेको हुनुपर्छ । तर, यो पार्टी एकताले मालेमावादको ऐतिहासिक द्वन्द्वात्मक भौतिकवादको वर्गसंघर्षको अपराजय शक्तिलाई सही रूपमा ग्रहण गरेको देखिँदैन । शान्तिपूर्ण तरिकाले चुनावी प्रतिस्पर्धाबाट समाजवाद ल्याउँछौं भन्ने आधारमा पार्टी एकताको वैचारिक लाइन अडेको देखिन्छ । अर्थात् वामपन्थी पार्टी एकताले बल प्रयोगको सार्वभौम सिद्धान्तलाई अस्वीकार गरेको प्रतीत हुन्छ । शान्तिपूर्ण संघर्ष र शान्तिपूर्ण चुनावी प्रतिस्पर्धाको बाटोबाट समाजवाद निर्माण गर्ने विचार दिएको छ । हाम्रो देशको विशिष्ट सन्दर्भमा शान्ति प्रक्रियाबाट समाजवाद सम्भव छ भन्ने सवालमा दुई पार्टी सहमत भएको देखिन्छन् । संविधानमा नै राज्य समाजवाद उन्मुख भएर जाने भनेकाले यो संविधानमा लेखेबमोजिम राज्यको सार्वभौमिकता अखण्डता तथा जनताको सार्वभौमिकताबाहेक सबै विषय आवश्यकताअनुसार संविधान संशोधन गरी परिवर्तन गर्न सकिने अवस्था छ । संविधानमा नै राज्य समाजवाद उन्मुख भएर जाने भनेकाले यो संविधानमा लेखेबमोजिम राज्यको सार्वभौमिकता अखण्डता तथा जनताको सार्वभौमिकताबाहेक सबै विषय आवश्यकताअनुसार संविधान संशोधन गरी परिवर्तन गर्न सकिने अवस्था छ । त्यहीबाट समाजवाद ल्याउन सक्छौं भन्ने सोचमा एमाले–माओवादी पार्टी एकताको सोचले निर्णय दिएको देखिन्छ । अब यसका लागि छुट्टै सशस्त्र क्रान्ति गर्नुपर्ने आवश्यकता पर्दैन भन्ने आधारमा वामपार्टी एकताबद्ध हुने देखिन्छ । समाजवादबारे उनीहरूको धारणा बुर्जुवा प्रजातान्त्रिक मोडेलको सामाजवाद पनि नभएको र पूर्वसोभियत संघको कम्युनिस्ट मोडेलको समाजवाद नभएको भनिएको छ तर कस्तो समाजवाद हो त भन्ने विषयमा स्पष्ट विचार दिने कोसिस गरेको देखिएको छैन । नेपाली समाजको वर्गचरित्र दलाल पुँजीवादी हावी भएको छ भनिएको छ तर यसले समाजलाई कुन आधारमा अवरोध खडा गरेको छ भन्नेबारे स्पष्ट परिभाषा दिन खोजिएको छैन । अर्कोतर्फ पार्टीको मार्गदर्शक सिद्धान्त माक्र्सवाद र लेनिनवाद भनेको छ, माओवालाई छाडेको छ । तर, एमालेको जनताको बहुदलीय जनवाद र माओवादी पार्टीको माओवाद र २१आंै शताब्दीमा जनवादको वैचारिक अन्तरविरोधलाई महाधिवेशनमा विधिवत परिमार्जन र विकास गर्ने भनिएको छ । जनयुद्धले सिर्जना गरेको उत्पीडित सर्वहारा वर्गमा ल्याएको उच्च चेतना, सांस्कृतिक जागरण, जनता संगठित हुने र आन्दोलित हुने मनोभावनालाई स्वीकार गरेको छ । अहिले दुई वामपार्टीको सम्झौताले जनयुद्धको उपलब्धिलाई स्वीकार गरेको छ । विगतमा जनताको आन्दोलनको महान् पहललाई सम्मान गर्ने सवालमा पार्टी एकताबाट स्वीकार गर्दै अघि बढ्ने भनिएको छ । जसमा नेकपा माओवादीद्वारा चालू भएको १० वर्षको महान् जनयुद्धले सिर्जना गरेको उत्पीडित सर्वहारा वर्गमा ल्याएको उच्च चेतना, सांस्कृतिक जागरण, जनता संगठित हुने र आन्दोलित हुने मनोभावनालाई स्वीकार गरेको छ । त्यस्तै, जबजले ल्याएको कम्युनिस्ट पार्टीलाई जनतासम्म पुग्ने आधार र जनयुद्धले स्थापित गरेको समानुपातिक समावेशीकरणको मुद्दाले पुँजीवादी क्रान्ति पूरा गर्न सहयोग गरेको भनिएको छ । त्यस्तै यो एकताबद्ध वामपन्थी पार्टीले अन्य साना कम्युनिस्ट वामपन्थी पार्टीसँग समेत बृहत् एकताको नीति पनि लिएको देखिन्छ । उनीहरूको उग्रवामपन्थी, जडसूत्रीय, संकीर्ण आत्मकेन्द्रित चिन्तन नीति र व्यवहारको आलोचना गर्दै ती पार्टीलाई वामपन्थी एकतामा ल्याउन पहल र प्रयत्न गर्ने भनिएको छ । राजधानीदैनिकबाट

काठमाडौं, चैत्र २६ । विश्व क्रिकेटको महाकुम्भ इन्डियन प्रीमियर लीग ( आइपीएल) को ११ औं संस्करण शनिबारदेखि भारतमा शुरु भएको छ । ११औँ संस्करणको आइपीए अप्रिल ७ बाट सुरु भएर मे २७ सम्म सञ्चालन हुनेछ। लिगमा कूल ८ टोलीको सहभागिता रहनेछ। कुन टिम कस्ता ? मुम्बई इन्डियन्स टिम मालिक : मुकेश अम्बानी, नीता अम्बानी प्रशिक्षक : महेला जयवद्र्धने डिफेन्डिङ च्याम्पिन्स हो, मुम्बई इन्डियन्स अनि यसपटकको उपाधिको उत्तिकै बलियो दाबेदार पनि । मुम्बईले पछिल्लो पटक उपाधि जित्दाको टिमलाई नै कायम गरेको छ । रोहित शर्मा र जेपी डुमेनीले टिमको ब्याटिङ क्रम सम्हाल्नेछन् । बलिङतर्फ मुम्बईलाई केही कमजोर मान्न सकिन्छ, टिममा खासै नाम चलेका बलर छैनन । त्यसैले टिम अलराउन्डरहरूमा निर्भर रहनेछ । मुम्बईसँग हार्दिक पान्ड्याजस्ता धुरन्धर अलराउन्डर छन् । दिल्ली डेयरडेभिल्स टिम मालिक : जीएमआर ग्रुप प्रशिक्षक : प्याडी अप्टन सन्दीप लामिछानेको टिम हो— दिल्ली डेयरडेभिल्स । दिल्लीले ब्याटिङकै कारण गत सिजनका अधिकांश खेल गुमाएको थियो । त्यसैले टिमले यसपटक गौतम गम्भीर, कोलिन मुनरो र ग्लेन म्याक्सवेललाई आफ्नो टिममा समावेश गरेको छ । दिल्लीले यसपटक बलर कगिसो रबादा , मोहम्मद सामी र अमित मिश्रा टिममा सामेल गरेको छ । क्रिस मोरिस ब्याट र बलबाट चम्किए भने प्रतियोगितामा दिल्लीको राम्रै सम्भावना छ । कोलकाता नाइटराइडर्स टिम मालिक : शाहरूख खान, जुही चावला प्रशिक्षक : ज्याक कलिस कोलकाता नाइटराइडर्स यसपटक बलर हावी भएको टिम मानिएको छ । ब्याटिङतर्फ खासै ध्यान नदिँदा कोलकाताले चर्को मूल्य तिर्नुपर्ने हुनसक्छ । टिमका मु्ख्य ब्याट्सम्यान हुनेछन, रोबिन उत्थप्पा र दिनेश कार्तिके । बलिङ आक्रमणतर्फ टिमसँग सुनिल नारायण, कुलदीप यादव र मिचेल स्टार्क जस्ता खेलाडी छन् । यस्तै टिममा अनुभवी पीयूष चावला पनि छन् । अलराउन्डर आन्द्रे रसेलको प्रदर्शनले पनि धेरै हदसम्म कोलकाताको भाग्य निर्धारण गर्नेछ । किङ्स इलेभन पञ्जाव  टिम मालिक : प्रिटी जिन्टा र नेस वादिया प्रशिक्षक : वीरेन्द्र सहवाग पछिल्ला सिजनको तुलनामा यसपटक किङ्स इलेभन पञ्जाव केही बलियो देखिन्छ । पन्जाबसँग क्रिस गेल र आरोन फिन्च जस्ता ब्याट्सम्यान छन् । यस्तै केआर राहुल पनि टिमका प्रमुख ब्याट्सम्यान हुनेछन् । अक्षर पटेलले टिममा अलराउन्डरको भूमिका निर्वाह गर्नेछन् । पन्जाबका कप्तान रविचन्द्रन अश्विन हुन् । तर प्रश्न के छ भने अश्विन आफैं कति लयमा छन् ? चोटका कारण पोहोर उनले राम्रो प्रदर्शन गर्न सकेका थिएनन् । सनराइज हैदराबाद टिम मालिक : सन टीभी नेटवर्क प्रशिक्षक : टम मुडी प्रतियोगिताअघि नै सनराइज हैदराबादलाई ठूलो धक्का लागेको छ, हैदराबादले कप्तान डेविड वार्नरलाई गुमाइसकेको छ । त्यसैले ब्याटिङको जिम्मेवारी अब शिखर धवनमा केन्द्रित भएको छ । यस्तै न्युजिल्यान्डका कप्तान केन विलियम्स तथा मनिष पाण्डेले पनि ब्याटिङ क्रम सम्हाल्नेछन् । साकिब अल हसन उपयोगी अलराउन्डर सावित हुन सक्छन् । हैदराबादको बलिङ भुवनेश्वर कुमार तथा अफगानिस्तानका रसिद खानले सम्हाल्नेछन् । रोयल च्यालेञ्जर्स बैंगलोर टिम मालिक : युनाइटेड स्प्रिट्स प्रशिक्षक : ड्यानिएल भिटोरी रोयल च्यालेञ्जर्स बैंगलोरको विशेषता नै हो— आक्रामक रूपमा खेल्ने र यो आक्रामक खेलको नेतृत्व गर्ने अरू कोही नभएर विराट कोहली आफैं हुन् । तय छ, यसपटक पनि बैंगलोरको टिम उपाधिको बलियो दावेदार हुनेछ । टिममा एकसेएक ब्याट्सम्यान छन्, कोहलीसँगै एबी डे भिल्लियर्स, क्विन्टेन डे कक, ब्रेन्डन म्याककलम । टिमको बलिङ तुलनात्मक रूपमा कमजोर छ । बैंगलोरले यसअघि पनि बलिङकै कारण खेल गुमाउने गरेको थियो । बैंगलोरसँग नाम चलेका कुनै पनि बलर छैनन । राजस्थान रोयल्स टिम मालिक :मनोज बडाले र ल्याचलन मुर्डाेच प्रशिक्षक : शेन वार्न राजस्थान रोयल्सले दुई वर्षपछि प्रतियोगितामा पुनरागमन गर्दैछ, त्यसैले यो टिममाथि एक खालको दबाब हुनेछ । राजस्थानको विशेषता नै हो, प्रतिभाशाली तर कम नाम चलेका खेलाडीमा भर पर्ने । यसपटक पनि राजस्थानले त्यही प्रवृत्ति रोजेको छ । यद्यपि टिमसँग सनसनीपूर्ण अलराउन्डर बेन स्टोक्स नभएका होइनन् । टिमले बल ट्याम्परिङका कारण कप्तान स्टिभ स्मिथलाई गुमाइसकेको छ । उनको अनुपस्थितिमा अब टिमको जिम्मेवारी अजिन्के रहाणेले सम्हाल्नेछन् । धेरै अर्थमा टिमको बलिङ कमजोर नै छ, टिममा नाम चलेका कुनै बलर छैनन् । चेन्नाई सुपर किङ्स मालिक : चेन्नाई सुपर किङ्स प्रालि प्रशिक्षक : स्टेफेन फ्लेमिङ आईपीएल इतिहासको सर्वाधिक सफल टिम हो— चेन्नाई सुपर किङ्स । यो टिमले पनि प्रतियोगितामा पुनरागमन गर्दैछ, त्यसैले प्रतिस्पर्धा थप रोमाञ्चक हुनेछ । आईपीएलमा चेन्नाईको टिम किन बलियो हुन्छ, किन यसले बढी खेल जित्छ र उपाधिमाथि कब्जा जमाउँछ भन्ने कुरा रहस्यमै छ । टिमका कप्तान हुन्— महेन्द्रसिंह धोनी । यो टिममा ब्याटिङ र बलिङ दुवैका स्टार खेलाडीको कमी छैन । सुरेश रैना, रवीन्द्र जडेजा, फाफ डु फ्लेसेस, ड्वेन ब्राभो, सेन वाट्सन आदि । चेन्नाईको सबैभन्दा बलियो पक्ष हो— प्रशस्त अलरान्डर खेलाडी हुनु । साप्ताहिकबाट

श्रीमान-श्रीमती बीच अन्तरङ्ग क्षणहरूमा एकाकार भएका छन्। दुवै प्रेमको पराकाष्ठामा पुगेको बेला अचानक फोनमा नोटिफिकेसन टोन बज्छ। श्रीमान र श्रीमती दुवै आआफ्नो फोन तिर हेर्छन्। श्रीमानको फोन रहेछ। उनी एक छिन् अलग्गिन्छन् र फोन समातेर चेक गर्छन्। “लौ यो पो गजब आयो!” उनी आफ्नो एक जना विद्युतीय साथीले भर्खरै सामाजिक संजालमा साझा गरेको उट्पट्याङ भिडियो श्रीमती तिर देखाउँदै भन्छन्, “काँ- काँबाट ल्याउँछ यो?” श्रीमती जुरुक्क उठ्छिन् र हतार हतार कपडा लगाएर आफ्नो फोनतिर लाग्छिन्। ….. कुनै कथा, उपन्यास या चलचित्रको अंश झैँ लाग्ने यो परिघट्ना धेरै परिवारहरूको साझा कहानी झैँ भएको छ। हाम्रो जीवनमा स्मार्टफोन, सामाजिक संजाल, ग्याजेट, च्याट, शेयर आदिले यसरी घुसपैठ गरेका छन् कि जीवनका कतिपय प्राथमिकताहरू ओझेल पर्दैछन् र हाम्रो जीवनको महत्वपूर्ण समय स्मार्ट फोन र सामाजिक संजालमा खर्च भइरहेको छ। मोबाइल फोन र सामाजिक संजालले हामीलाई आफ्ना वास्तविक र भौतिक साथी संगातीहरूबाट टाढा र अवास्तविक र टाढाका साथीहरूको नजिक धकेलिदिएको छ। कण्डम निर्माता कम्पनी ड्युरेक्सले ब्रिटेनमा गराएको एउटा सर्वेक्षणमा अचेलका पुरुषहरूले श्रीमतीभन्दा बढी आफ्नो स्मार्ट फोन तथा ग्याजेटको चिन्ता गर्न थालेको निष्कर्ष निकालेको थियो। यस सर्वेक्षण अनुसार ४० प्रतिशत श्रीमतीहरूले पतिहरूले अधिकांश समय मोबाइलमा खर्च गर्ने भएकाले प्रेमपूर्ण कुराकानीका लागि खासै समय नबच्ने गुनासो गरेका थिए। त्यस्तै ३० प्रतिशत दम्पत्तिहरूले अक्सर प्रेम गरिराखेको बेला मोबाइल फोन बाधा बन्न जाने तथ्य स्वीकारेका थिए।  शोधमा भाग लिएका ३० प्रतिशत श्रीमतीहरूले यौन सम्बन्ध राख्दा पनि उनका पतिहरूको एकाग्रता यस तर्फ नरहने र फोन र श्रीमती मध्ये कुनै एकलाई छान्नु पर्ने अवस्थामा रहेका बेला उनका श्रीमानहरूले फोनको छनौट गर्ने गुनासो व्यक्त गरेका थिए। साथै यस सर्वेक्षणले के पनि देखेको छ भने लगभग २५ प्रतिशत जोडीहरू आफ्ना यौन क्रियाकलापहरूको भिडियो बनाउन ग्याजेटहरूको प्रयोग गर्ने गर्दछन्, जबकि ४० प्रतिशत मानिस तस्बिर लिने गर्दछन्। यस सर्वेक्षणले शयन कक्षमा ग्याजेटहरू नलैजान स्पष्टसँग सुझाब दिएको छ। यसले परस्पर अनावश्यक विवाद खडा हुने सम्भावना त हुन्छ नै यसरी ग्याजेटहरूमा अन्तरङ्ग पलहरूका भिडियो खिंचिनाले त्यसलाई सुरक्षित राख्ने अर्को चुनौती समेत सामुन्ने आउँछ। कुनै ह्याकरले ग्याजेट ह्याक गरेर यस्ता सामग्री चोरेको खण्डमा अनावश्यक दुःख पाइने सम्भावना रहन्छ। ३० प्रतिशत श्रीमतीहरूले यौन सम्बन्ध राख्दा पनि उनका पतिहरूको एकाग्रता यस तर्फ नरहने र फोन र श्रीमती मध्ये कुनै एकलाई छान्नु पर्ने अवस्थामा रहेका बेला उनका श्रीमानहरूले फोनको छनौट गर्ने गुनासो व्यक्त गरेका थिए। भन्नै परेन स्मार्ट फोनले मानिसलाई परिवार, समाजबाट टाढा बस्ने एकलकाँटे मात्रै बनेको हैन उसको यौन जीवनलाई समेत तहस नहस पारिदिएको छ। साथमा यौन साथी र मोबाइल फोन सँगै हुँदा ध्यान बाँडिनु स्वाभाविक नै हो। मोबाइल फोन र सामाजिक संजालले हामीलाई आफ्ना वास्तविक र भौतिक साथी संगातीहरूबाट टाढा र अवास्तविक र टाढाका साथीहरूको नजिक धकेलिदिएको छ। यसको प्रत्यक्ष प्रभाव मानिसको यौन जीवनमा समेत परेको छ। मानिसहरू सँगै बस्ने व्यक्तिभन्दा पनि कोषौं टाढा रहेको व्यक्तिसँग आफूलाई बढी नजिक महसुस गर्दैछन्। र यसले मानिसको यौन प्रतिको रुचिमा समेत उल्लेखनीय परिवर्तन आएको छ। केही वर्ष यता खुबी चलन चल्तीमा रहेको साइबर सेक्सले युवाहरूको ध्यान तानेको छ। यसले मानसिक रूपमा विकृति त पैदा गरेको नै छ साथै यसले अवसाद, निराशा जस्ता चरम मानसिक समस्याहरू समेत निम्त्याएको छ। हाम्रो जीवनमा स्मार्टफोन, सामाजिक संजाल, ग्याजेट, च्याट, शेयर आदिले यसरी घुसपैठ गरेका छन् कि जीवनका कतिपय प्राथमिकताहरू ओझेल पर्दैछन् र हाम्रो जीवनको महत्वपूर्ण समय स्मार्ट फोन र सामाजिक संजालमा खर्च भइरहेको छ। टाइम म्यागेजिनले २०१६ मा सार्वजनिक गरेको एउटा अध्ययनमा रोमान्टिक सम्बन्धमा स्मार्टफोनको प्रयोगले बाधा पुऱ्याएको तथ्य सावजनिक गरेको थियो। यस्तो प्रकारको बाधाले कालान्तरमा समबन्धमा नै समस्या देखिने र परिवारहरू टुट्ने खतरा रहेको मनोवैज्ञानिकहरू बताउँछन्। स्मार्ट फोन होस् या सामान्य फोन त्यसको प्रमुख काम भनेको सञ्चार हो। तर यसले श्रीमान श्रीमतीबीचको आपसी सञ्चारमा र सम्बन्धमा मै हस्तक्षेप गर्ने अवस्था आएको परिप्रेक्षमा दम्पत्तिहरूले यौन र स्मार्टफोनमा कसलाई प्राथमिकतामा राख्ने भन्ने बारे सोच्नु जरूरी देखिन्छ।

दोहा, कतार । २०१८/०३/२३ का दिन सैलिया एरिया समिति अन्तर्गत इकाई समिति गठन भएको छ । समिति गठनको लागिविशेष लक्षमण कोइराला र गेजमान सिंह वि.कको पहलमा वृहत भेला सम्पन्न गरेको छ भने भेलाले सात सदस्यीय इकाई समिति चयन गरिएको छ, जसमा अध्यक्ष पुर्णबहादुर वि.क, सचिव जनक कार्की, कोषाध्यक्ष तुल्सीराम वि.क, सदस्यहरुमा हेमराज निरौला, तोलाकान्त भण्डारी, प्रमोद चौधरी र छत्रबहादुर वि.क रहनुभएको छ । सो भेलालाई समाजका प्रथम उपाध्यक्ष हेमन्त वाईवा तथा कोषाध्यक्ष धनबहादुर परियारले प्रशिक्षण समेत दिनुभएको थियो ।

काठमाडौं । सोमबार नेपाली बजारमा सुनको मूल्य एक सय रुपैयाँले घटेको छ । आइतबार सुनको मूल्य ५७ हजार ३ सय रुपैयाँमा कारोबार भएकोमा सोमबार भने सुनको मूल्य घटेर ५७ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै, चाँदीको मूल्य पाँच रुपैयाँले घटेको छ । आइतबार चाँदीको मूल्य ७ सय ४० रुपैयाँमा कारोबार भएकोमा सोमबार चाँदीको मूल्य ७ सय ३५ रुपैयाँमा कारोबार भएको छ ।

काठमाडौँ, चैत्र ४ । पर्यटक एवं आरोहीहरूले मिल्काएको १ सय टन फोहोर हवाई जहाजमा राखेर काठमाडौँ ल्याएर पुनर्चक्रण गर्ने गरी सगरमाथा सफाइ अभियान थालिएको छ । अभियानको पहिलो दिन १ हजार २ सय किलो फोहोर लुक्लाबाट पुनर्चक्रणका लागि काठमाडौँ ल्याइएको छ । पर्वतारोहीहरूले आफुले उत्सर्जित गरेको सबैखाले फोहोर पनि फिर्ता ल्याउनु पर्ने प्रावधान छ । यति हुँदाहुँदै पनि प्रत्येक वर्ष स्थानीय गाइडहरूले सयौं किलोग्राम फोहोर थुपार्ने गरेका छन् । यस वर्षको सफाइ अभियान राजधानी ल्याएर पुनर्चक्रण गर्न मिल्ने फोहोर थुपार्ने काममा केंरित रहेको छ । निजी क्षेत्रको विमान सेवा कम्पनी यति एयरलाइन्सले फोहोर ढुवानीमा सहयोग गर्दैछ । यस्तो प्रकारको फोहोरमा विशेष गरी रित्ता बियर बोतल, क्यान, खानेकुरा प्याक गर्ने रित्ता टिनका बट्टा र काम नलाग्ने भएर छाडिएका रित्ता अक्सिजन सिलिन्डर जस्ता पर्वतारोहण र ट्रेकिंग सम्बन्धी सामग्री रहेका छन् । दशकौं देखि सेर्पा समुदायका स्थानीय गाइडहरूको सक्रियतामा चल्दै आइरहेका यस्ता सरसफाई कार्यक्रमहरूको संयोजन यसपालि सगरमाथा पप्रदूषण नियन्त्रण समिति (एसपिसिसी)ले गरेको छ । सेर्पाहरू अहिले पनि उच्च हिमाली क्षेत्रको फोहर संकलनमा संलग्न छन् । एसपिसिसीका अनुसार गत वर्ष १ लाख पर्यटकहरूले यस क्षेत्रमा भ्रमण गरेका थिए जसमध्ये ४० हजार आरोही र पदयात्रीहरू रहेका थिए । एसपिसिसी र स्थानीय गाइडहरूलाई भ्रमणकर्ताहरूले छोडेको औद्योगिक फोहोर बाहेक यतिका मान्छेले उत्सर्जित गरेको जैविक फोहोरले पनि समस्या पार्ने गरेको छ । सन् २०१५ मा नेपाल पर्वतारोहण संघले यस क्षेत्रमा अरोहीहरूले त्यागेको दिसापिसाब गम्भीर स्वास्थ्य चुनौति भएको चेतावनी दिएको थियो । त्यस यता एसपिसिसीले प्रमुख पर्वतीय क्याम्पहरू नजिक बोक्न मिल्ने चर्पीहरू बनाउने गरेको छ ।

रुस, चैत ४ । रुसमा नयाँ राष्ट्रपति चयनका लागि आइतबार रुसी नागरिकले मतदान सुरु गरेका छन् । रुसी महासंघको पूर्वी क्षेत्र काम्चाट्का र चोकोट्कामा आइतबार बिहान स्थानीय समय अनुसार ८ बजे मतदान सुरु गरिएको छ । रुसको भूभाग निकै ठूलो रहेको र यसका कारण यहाँको समयमा पनि फरक पर्ने भएकोले ती बाहेकका रुसका अरु कैयौँ क्षेत्रका मतदाताले भने मतदानका लागि घन्टौँ कुर्नुपर्ने हुन्छ । निर्वाचन अधिकारीहरुले जनाएअनुसार स्थानीय समयानुसार आइतबार बिहान ८ बजेबाट सुरु भएको मतदानको समापनका लागि अरु कैयौँघन्टा लाग्नेछ । केन्द्रीय निर्वाचन आयोगका प्रमुख इल्ला पाम्फीलोभाले रुसका करिब ११ करोड नागरिक यस निर्वाचनमा मतदानका लागि योग्य भएको जानकारी दिनुभयो । कुल मतदाता मध्ये करिब २० लाख नागरिक विदेशमा रहेको पनि उहाँले बताउनु भयो । उनीहरुका लागि पनि विदेशमै मतदानको व्यवस्था मिलाइएको छ । मतदानका लागि देशभित्र ९७ हजार मतदान केन्द्र तोकिएकोे छ भने विदेशमा रहेका रुसी नागरिकका लागि पनि चार सय भन्दा बढी मतदान केन्द्रको व्यवस्था गरिएको बताइएको छ । झण्डै १५ सय अन्तर्राष्ट्रिय अनुगमनकर्ताहरुले निर्वाचनको अनुगमन गरिरहेका पनि अधिकारीले जानकारी दिएका छन् । ती अनुगमनकर्ताहरु १०९ देशबाट आएका हुन् । रुसका वर्तमान राष्ट्रपति भ्यादिमिर पुटिनसहित आठ जना उम्मेदवार राष्ट्रपति पदका लागि चुनावी मैदानमा हुनुहुन्छ । पुटिन स्वतन्त्र उम्मेदवार बनेर उठ्नु भएको छ । उहाँसँग प्रतिश्पर्धा गर्न लिवरल डोमोक्र्याटिक पार्टी अफ रसिया (एलडीपीआर) को तर्फबाट भ्लादिमिर झिरिनोम्सक्याफ्रम र कम्युनिष्ट पार्टी अफ द रसियन फेडेरेसन (सिपीआरएफ)को तर्फबाट व्यापारी पाभेल ग्रुडीनीन, याब्लोको पार्टीबाट ग्रिगोरी याभ्लीङकी लगायतले उम्मेदवारी दिनुभएको छ । मतदानको दुइ दिनअघि रुसी जनतालाई विषेश सम्बोधनगर्दै राष्ट्रपति पुटिनले रुसको भविश्यका लागि मतदान गर्न आह्वान गर्नु भएको थियो । रुसको संघीय संविधानअनुसार राष्ट्रपतिको कार्यकाल छ वर्षको हुनेछ । राष्ट्रपतिको उम्मेदवार हुनका लागि ३५ वर्ष पुगेको हुनुपर्ने, मतदाता नामावलीमा नाम भएको हुनुपर्ने लगायतका मापदण्डहरु तोकिएको छ । रासस/सिन्ह्वा

काठमाडौं । नेपाली बजारमा आइतबार सुनचाँदीको मूल्यमा कुनै परिवर्तन आएको छैन । शुक्रबार सुनको मूल्य ५७ हजार ३ सय रुपैयाँमा कारोबार भएको थियो भने आइतबार सुनको मूल्य केही फरक देखिएको छैन । त्यस्तै, शुक्रबारकै चाँदीको मूल्यमै कारोबार भइरहेको नेपाल सुनचाँदी व्यवसायी महासंघले जनाएको छ ।

बागलुङ, फागुन २६ । वर्षौंसम्म अलपत्र बागलुङ बसपार्क निर्माणको काम अघि बढ्ने भएको छ । बसपार्क निर्माणका लागि बागलुङ नगरपालिका कार्यालय र नगर विकास कोषबीच शुक्रबार ऋण सम्झौता भएको छ । केही अनुदान र केही ऋण उपलब्ध गराउने गरी सम्झौता भएको बागलुङ नगरपालिकाका प्रमुख जनकराज पौडेलले बताउनुभयो । रु १० करोड ४६ लाख ८७ हजार कूल लागतमध्ये कोषले रु नौ करोड चार लाख ३९ हजार ऋण उपलब्ध गराउने छ । सरकारकोतर्फबाट रु ७५ लाख ३६ हजार ऋण तथा नगरपालिकाको समपूरक कोषबापतको रु २५ लाख १२ हजार हुने सम्झौतापत्रमा उल्लेख छ । यस्तै अनुदानतर्फ जर्मन वित्तीय सहयोग संस्थाबाट रु १० लाख, नेपाल सरकारको रु १८ लाख ८९ हजार र नगरपालिका समपूरक कोषबापतको रु १३ लाख नौ हजार उपलब्ध हुनेछ । राष्ट्रिय सडक सञ्जालमा जोडिएको २५ वर्ष बित्दासमेत बागलुङमा व्यवस्थित बसपार्क बन्न सकेको थिएन । बसपार्क बनाउन स्थानीयवासीले रु ७० करोड पर्ने जग्गा निःशुल्क उपलब्ध गराउँदा पनि बसपार्क बनाउने योजना अवरुद्ध हुँदै आएको थियो । तीन वर्षअघि स्थानीयवासीले साढे १७ रोपनी जग्गा नगरपालिकालाई हस्तान्तरण गरेका थिए । मध्यपहाडी लोकमार्ग र कालीगण्डकी करिडोरको समेत केन्द्र रहेको बागलुङमा व्यवस्थित बसपार्कको आवश्यकता खड्किँदै आएको छ । अहिले बागलुङ नगरपालिका–३ चिप्लेटीमा अव्यवस्थितरुपमा अस्थायी बसपार्क सञ्चालित छ ।

काठमाडौं, फागुन २६ । काकाकी छोरीलाई बलात्कारपछि घाँटी थिचेर हत्या गरेको अभियोगमा प्रहरीले थालेको अनुसन्धानमा पीडित परिवारबाटै असहयोग भएको छ । बलात्कारपछि हत्या गरिएकी नाबालिकाकी आमा रमिलादेवीले अभियुक्त छुटाउन उच्च अदालत राजविराजमा बन्दीप्रत्यक्षीकरणको रिट हालेकी हुन् । ‘आफ्नी छोरीको हत्या र बलात्कारका आरोपीलाई छुटाउन आमा नै अगाडि आएपछि हामी चकित भयौं,’ अनुसन्धानमा संलग्न सप्तरीका एक प्रहरी अधिकृतले भने । बलात्कार र हत्या गरेको आरोपमा पक्राउ गरिएका राजदेवलाई छुटाउन रमिलाले इलाका प्रहरी कार्यालय कल्याणपुर, इलाका इन्चार्ज र जिल्ला अदालतसमेतलाई विपक्षी बनाई मुद्दा दायर गरेकी थिइन् । मुद्दामा उच्च अदालत जनकपुरको राजविराज इजलासका न्यायाधीश मोहनबहादुर कार्कीले बन्दी र लिखित जवाफसहित बाटोको म्यादबाहेक ४८ घण्टाभित्र उपस्थित हुन विपक्षीका नाममा आदेश जारी गरेका थिए । विपक्षी प्रहरीले सरकारी वकिल कार्यालयमार्फत जवाफ पेस गरेपछि बसेको अदालतको इजलासले पक्राउ परेका राजदेव मण्डललाई जबरजस्ती करणी र कर्तव्य ज्यान मुद्दामा थुनुवा पुर्जी दिई राखिएको, जिल्ला अदालतबाट म्याद थप गरिएको र अनुसन्धानका लागि मण्डललाई न्यायिक हिरासतमा राखिएको देखिएको भन्दै बन्दीप्रत्यक्षीकरणको आदेश जारी हुने अवस्था नरहेको आदेश दिएको थियो ।, यो खबर आजको कान्तिपुर दैनिकमा छ ।

ललितपुर । महानगरपालिकाका भित्री भागका धेरै टोल आगलागीको जोखिममा छन् । नगरका भित्री भागमा दमकल जान सक्ने बाटो छैन । चैत–वैशाखमा आगलागीका घटना बढी हुने गरेको छ । गाडी जाने ठाउँसम्म दकमल लगेर त्यहाँबाट उता पाइप तानी लानुपर्ने नगर प्रहरी प्रमुख कदमलाल महर्जनले बताउनुभयो । उहाँ भन्नुहुन्छ, “जति नजिकबाट हान्यो त्यति तीव्र गतिमा पानी लाग्छ ।” बाटाबाट टाढा हुँदा पाइप मिलाएर घटनास्थलसम्म पुग्न समय लाग्ने हुन्छ । घरको माथिबाट पाइप व्यवस्थित गरेर लैजाँदासम्म धेरै क्षति भइसक्ने प्रमुख महर्जन बताउनुहुन्छ । उहाँ भन्नुहुन्छ, “दमकल समयमा पुगे पनि सडक नजिकका घरभन्दा टाढाका घरमा बढी क्षति हुन्छ ।” टोल टोलमा पानीे ट्यांकीमा पानी जम्मा गरेर राख्ने र फायर मेसिन राख्न सके जोखिम कम गर्न सकिने उहाँ बताउनुहुन्छ । केही वर्ष पहिले नागबहालमा जापानी संस्थाको सहयोगमा ट्यांकीको निर्माण र स्थानीयवासीलाई तालीम दिइएको थियो । उहाँ भन्नुहुन्छ, “हिउँदमा जहिलेसुकै जोखिम भएकाले हामी आफैंँले यस्तो तयारी गर्न सके क्षति कम गर्न सकिन्छ ।” नगरका अधिकांश ठाउँमा चोकको भित्र परम्परागत रुपमा वस्ती बसेकाले धेरै घर सडकभन्दा टाढा छन् । रासस

काठमाडौँ, फागुन १२। नेपाल–भारत सम्बन्ध प्रबुद्ध समूह (इपिजी)को सातौँ बैठक आजबाट यहाँ शुरु भएको छ । हरेक तीन महिनामा बस्दै आएको बैठक भोलिसम्म चल्नेछ । नेपाल–भारतबीचको सम्बन्धलाई थप सुदृढ र सुमधुर बनाउने उद्देश्यले गठन भएको उक्त समूहले दुई देशबीच भएका सन्धिको पुनरावलोकन, खुला सिमानामा उत्पन्न समस्या तथा त्यसको समाधानका विषयमा छलफल गर्दै आएको छ । बैठकमा दुई देशबीचको सुरक्षा संवेदनशीलता, जलस्रोत, व्यापार, सांस्कृतिक सम्बन्धमा छलफल भई प्रारम्भिक मस्यौदाको काम शुरु भएको भनिएको छ । यस समूहले नेपाल–भारत सम्बन्धलाई समग्रतामा अध्ययन गरी सुझावसहितको प्रतिवेदन नेपाल र भारत सरकारलाई दिनेछ । समूहमा नेपालका तर्फबाट कूटनीतिज्ञ तथा पूर्वपरराष्ट्रमन्त्री डा भेषबहादुर थापा, परराष्ट्रविद् डा राजन भट्टराई, संविधानविद् नीलाम्बर आचार्य र कानूनविद् सूर्यनाथ उपाध्याय सदस्य रहेका छन् । । त्यस्तै भारतीय पक्षबाट भारतीय जनता पार्टीका नेता भगतसिंह कोश्यारी, पूर्वराजदूत जयन्तप्रसाद, प्राध्यापक महेन्द्र पी लामा र भुवनचन्द्र उप्रेती सदस्य रहेका छन् । रासस

सन्धिखर्क । अर्घाखाँची जिल्लाको भूमिकास्थान नगरपालिका–९ ढिकुरामा दुई दिने निःशुल्क स्वास्थ्य शिविर सम्पन्न भएको छ । शिविरबाट ढिकुरा, धनचौरसहितका एक हजार ५०० जनाभन्दा बढी बिरामी लाभान्वित भएका छन् । शिविरमा भरतपुर अस्पतालका हाडजोर्नी रोग विशेषज्ञ डा रुद्र मरासिनीसहित २१ जना डाक्टरले एक हजार ५०० बिरामीको जाँच गरेका हुन् । भूमिका स्थान नगरपालिका र अर्घाखाँचीको ढिकुराबाट काठमाडौँ, बुटवल बस्नेहरुको आर्थिक सहयोगमा दुई दिने बृहत् शिविर सम्पन्न भएको हो । उपचारका लागि अर्घाखाँची जिल्लाको ढिकुरासहित धातिबाग, धारपानी, जुकेना, धन्चौर, खाचीकोट, नुवाकोट, नरपानीलगायतका एक हजार ५०० बिरामीले जाँच गराउनुभएको ढिकुरा समाज अर्घाखाँची काठमाडाँैका अध्यक्ष कृष्ण पोखरेलले जानकारी दिनुभयो । गाउँमा निःशुल्क शिविर सञ्चालन गर्दा धेरै बिरामीलाई आफ्नो रोग पत्ता लगाउन र सामान्य रोग निको पार्नका लागि निःशुल्क स्वास्थ्य शिविर निकै प्रभावकारी भएको सेवा लिएका बिरामी सन्तोष भुसालले बताउनुभयो । ढिकुरा समाज अर्घाखाँची काठमाडाँैको आयोजना र लायन्स क्लब अफ काठमाडौँ ढिकुरा, ढिकुरा अर्घाखाँची रुपन्देही समाजको सहआयोजना तथा युनिभर्सल कलेज अफ मेडिकल साइन्सेज भैरहवाको प्राविधिक सहयोगमा शिविर सम्पन्न भएको हो । समाजले गएको वर्ष पनि ढिकुराको शारदा माविमा निःशुल्क स्वास्थ्य शिविर सम्पन्न गरेको थियो ।

विराटनगर । मेसना डिजिटल प्रालीको प्रस्तुतिमा कमल ओलीको “चर्कायौ यो छाती”को म्युजिक भिडियो सार्बजनिक भएको छ । कमल ओलीको प्रस्तुती तथा लय सिर्जना रहेको गीतमा शव्द पवन ओलीको रहेको छ । चर्चित लोक तथा दोहोरी गायीका बिष्णु माझी र कमल ओलीको स्वर रहेको उक्त गितको म्युजिक भिडियो अहिले सांगितिक बजारमा लोकप्रिय बन्दै गएको छ । मोडल बिमल अधिकारी र सारिका केसीको अभिनय रहेको गितको भिडियोमा कपिल लामाको निर्देशन रहेको छ । छायांकन सुरेश श्रेष्ठले गरेका छन् , भने भिडियो सम्पादन सुजन शाहीले गरेका छन् । दृष्य निर्माण लगायत अडियो तथा भिडियोलाई मेशना डिजिटल प्रा।लीे मार्फत बजारमा आएको छ । हेर्नुहोस भिडियो