काठमाडौं, नेपाल वायुसेवा निगमको जहाज खरिदमा इतिहासकै ठूलो भ्रष्टाचार भएको ठहर भएपछि मन्त्री अधिकारी सबैभन्दा बढी चर्चामा छन् । जहाज खरिदको शुरु निर्णय प्रक्रियामा मन्त्री अधिकारी नभएपनि विमानको दुईवटा भुक्तानी उनकै कार्यकालमा दिइएको थियो । महालेखाले बेरुजु भएको भन्दै स्पष्ट किटान गरेपनि भुक्तानी दिएकोमा उनी पनि सजायको भागिदार बन्ने समितिले स्पष्ट पारेको छ । यसका साथै उनले समितिलाई समेत गलत बयान दिएको आरोप छ । मन्त्री अधिकारी भने आफ्नो कुनै संलग्नता नभएको दावी गरिरहेका छन् । यो स्थितिमा आफू चोखो हो भने नैतिकताको आधारमा राजिनामा दिनुपर्ने मत समेत कतिपयले व्यक्त गरेका छन् । नेकपाभित्र मन्त्री अधिकारीले नैतिकताका आधारमा राजीनामा दिनुपर्ने मत बलियो देखिन्छ । उच्च श्रोतका अनुसार, मन्त्रीका निकटहरुले समेत यो विषय संसदीय समितिले नै उठान गरेको र मन्त्रीको नाम किटान नै गरेको अवस्थामा उनले पदमा बस्नुको साटो नैतिकताका आधारमा राजीनामा दिएर थप छानबीनका लागि बाटो खुलस्त पार्नुपर्ने बताएका छन् । प्रधानमन्त्रीले राजीनामा माग्न सक्ने । मन्त्री अधिकारीले राजीनामा नदिएको अवस्थामा चर्को हुँदै गएको आलोचना फेस गर्न पनि प्रधानमन्त्रीले अधिकारीसँग राजीनामा माग्छ सक्छन । प्रधानमन्त्री ओलीकै कार्यकालमा यसअघि कानुन मन्त्रीले भाषण गरेको विषयमा आलोचना भएपछि राजीनामा दिएको नजिर कायम छ । यस्तो अवस्थामा मन्त्री अधिकारीलाई पदमुक्त गर्नुपर्ने दबाब प्रधानमन्त्रीमाथि झन थपिएको छ । उच्च श्रोतका अनुसार, प्रधानमन्त्रीले अधिकारीसँग यसविषयमा छलफल गर्ने र राजीनामा माग्ने बताइन्छ । प्रधानमन्त्रीले राजीनामा मागेको अवस्थामा मन्त्रीका अगाडि पद छोडनु बाहेक अन्य विकल्प हुँदैन । मन्त्री अधिकारीले अहिलेसम्म औपचारिकरुपमा केही प्रतिक्रिया दिएका छैनन । उपयुक्त समय आएपछि संगठितरुपमा जवाफ दिने उनको प्रारम्भिक प्रतिक्रिया छ । तर श्रोतका अनुसार, मन्त्री अधिकारी राजीनामा दिने या फेस गर्ने भन्ने विषयमा छलफलमा जुटेका छन् । मन्त्रीले राजीनामा दिँदा आरोपको पुष्टि हुने भएकाले हस्ताक्षर गरेपनि भ्रष्टाचारमा नै संलग्न नभएको उनका कतिपय समर्थकले बताइरहेका छन भने अर्कोतर्फ समितिले बिना आधार मन्त्रीको नाम उल्लेख गर्न नसक्ने बताउँदै राजीनामा दिनुपर्ने मत समेत बाक्लो देखिन्छ । यता सामाजिक सञ्जालमा भने मन्त्री अधिकारीलाई पदमुक्त गर्नुपर्ने आवाज चौतर्फी उठेको छ । कतिपयले मन्त्री अधिकारीको तस्वीर नै राखेर मन्त्रीलाई कार्वाही गर्न प्रधानमन्त्रीसमक्ष माग समेत गरेका छन् । सम्भवतः राजीनामा नै दिएपनि मन्त्री अधिकारीले सार्वजनिक विज्ञप्ती या पत्रकार सम्मेलन गरेर दिन सक्ने सम्भावना पनि नभएको होइन । यद्यपी उनले यस विषयमा प्रधानमन्त्री र पार्टीका शीर्ष नेताहरुसँग छलफल गरेर निधो गर्ने श्रोतले बतायो ।

काठमाडौं, पुष १६ । सन् २०१८ मा संयुक्त अरब इमिरेट्स (युएई) मा विभिन्न कारणबाट १०३ नेपाली कामदारको मृत्यु भएको छ । मृत्युहुनेमा आठ महिला र ९५ पुरुष रहेको आवुधावीस्थित नेपाली दूतावासले जनाएको छ । मृतकमध्ये तीन महिला र ४४ पुरुषको प्राकृतिक कारण, तीन महिला र ३० पुरुषको आत्महत्या तथा दुई महिला र २१ पुरुष कामदारको दुर्घटनामा परेर मृत्यु भएको हो । मृतकमध्ये सूर्य विक, अमृतबहादुर कार्की, सिर्जना बराल र अशोक भट्टराईको शव नेपाल पठाउन बाँकी रहेको दूतावासले जनाएको छ । उनीहरुको मृत्युका कारणबारे अध्ययन भइरहेकाले शव पठाउन ढिलाइ भएको र छिट्टै नेपाल पठाइने दूतावासले जनाएको छ ।

युएई,पुष १६।संयुक्त अरब इमिरेट्समा अबैधानिक कामदार लाई बैधानिक बनेर बस्न वा स्वदेश फर्किन दिइएको समय सिमा सोमबार सकिएको छ। युएई सरकारले गत अगस्ट १ तारीख बाट लागू गरेको आममाफी कार्यक्रम अक्टोबर ३० तारीखमा सकिए पनि अबैधानिक रूपमा बसेका आप्रवासी हरुलाइ समय सिमा कम भएको भन्दै पुन दुई महिना थप गरि डिसेम्बर ३१ तारीख सम्मको समय सिमा तोकिएको थियोे। सरकारले आममाफी कार्यक्रममा सहभागी भएका आप्रवासी नागरिक लाई स्वदेश फर्किन वा युएईमा बस्न चाहाने लाई ६ महिना सम्मको अस्थाई बसोबास अनुमति पत्र दिएर काम खोजी लाग्न सक्ने अवसर प्रदान गरेको थियोे । सोमबार आममाफी कार्यक्रम सकिए संगै युएईको नागरिकता पहिचान तथा परिचयपत्र बितरण बिभागले सरकारले लागू गरेको कार्यक्रम लाई ब्यवास्था गरि युएईमा नै लुकेर बस्ने माथि कडा कारबाही गरिने खलिज टाइम्समा उल्लेख छ।आफ्नो स्थिति परिमार्जन गरि सुरक्षित रहनुस” भन्ने कार्यक्रम बाट हजारौं आप्रवासीहरुले सेवा लिएको बताउदै कार्यक्रममा सहभागी नहुने माथी दण्ड जरिवाना सहित जेल सजाय समेत हुनसक्ने (FAIC) ले चेतावनी दिएको छ।

काठमाडौं, पुस १० । यो वर्षदेखि शिक्षक लाइसेन्सको परीक्षा विषयगत हुने भएको छ । शिक्षक सेवा आयोगका अनुसार आगामी चैत महिनामा विषयगत लाइसेन्सको विज्ञापन खुल्ने छ । आयोगका सूचना अधिकारी रामराज खकुरेलले भने, ‘अबको लाइसेन्स परीक्षा सामान्य नभएर विषयगत हुनेछ ।’ उनले विषयगत नै गर्ने भएर त्यही अनुसारको कोर्ष तयार पारेर वेबसाइटमा राखिएको जनाए । यसअघि सबै विषयकोलागि एकैप्रकारको प्रश्नपत्र हुने गरेको थियो । आयोगले अब हुने लाइसेन्स परीक्षामा विषयगत शिक्षकको लागि फारम भर्न लगउने र सोही अनुसार डिजाइन भएको प्रश्नपत्रअनुसार जाँच लिने तयारी रहेको बताए । उनले कोर्ष स्वीकृत भएको तीन महिनापछिमात्रै त्यसको जाँच दिन पाइने बताउँदै भने, “हामी सबै प्रकृया पूरा गरेर विज्ञापन निकाल्ने तयारीमा छौं । यसै वर्षको अन्त्यमा विज्ञापन निकालिने छ ।” सूचना अधिकारी खकुरेलका अनुसार पहिले शिक्षकलाई प्रदान गर्ने लाइसेन्स विषयगत थिएन । नेपाली, गणितलगायत सबै विषयकोलागि एकै खाले प्रश्नपत्र हुने गथ्र्यो । पहिला जनरल लाइसेन्स दिने गरिएकोमा अब भने विषयगत रुपमा नै लाइसेन्स दिइने छ ।

भक्तपुर, मंसिर २३ । शिक्षक सेवा आयोगले आज (आइतबार) प्राथमिक तहको ७ जिल्लाको नतिजा सार्वजनिक गरेको छ । आज आयोगले ओखलढुंगा, बर्दिया, उदयपुर, सप्तरी, जाजरकोट, दैलेख र सुर्खेतको प्राथमिक नतिजा सार्वजनिक गरिएको हो । आइतबार नतिजा प्रकाशित जिल्ला ओखलढुंगाको नतिजा हेर्न यहाँ क्लिक गर्नुस् बर्दियाको नतिजा हेर्न यहाँ क्लिक गर्नुस् जाजरकोटको नतिजा हेर्न यहाँ क्लिक गर्नुस् उदयपुरको नतिजा हेर्न यहाँ क्लिक गर्नुस् सप्तरीको नतिजा हेर्न यहाँ क्लिक गर्नुस् सुर्खेतको नतिजा हेर्न यहाँ क्लिक गर्नुस् दैलेखको नतिजा हेर्न यहाँ क्लिक गर्नुस् यसअघि आयोगले २६ जिल्लाको नतिजा प्रकाशित गरिसकेको छ । शनिबार कालीकोट, डोल्पा, सोलुखुम्बु, खोटाङ, जुम्ला र मुगु गरी ६ जिल्लाको कार्यरत अस्थायी शिक्षकहरुको नतिजा सार्वजनिक गरिएको थियो । त्यसैगरी अहिलेसम्म कञ्चनपुर, बैतडी, डडेल्धुरा, बझाङ, बाजुरा, दार्चुला, कैलाली, डोटी, अछामको प्रावि तहको नतिजा आइसकेको हो । यस्तै, ताप्लेजुङ, इलाम, तेह्रथुम, पाँचथर, झापा, सुनसरी, मोरङ, संखुवासभा, धनकुटा, भोजपुर र जुम्लाको नतिजा पनि आइसकेको छ । यसअघि माध्यमिक तह र निम्न माध्यमिक तहको नतिजा सार्वजनिक गरेको आयोगले गतमंगलवारदेखि जिल्लागत रुपमा प्रावि तहको नतिजा प्रकाशन गर्न शुरु गरेको हो । यसअघि आयोगले मावि र निमावि तहको नतिजा विकास क्षेत्रका आधारमा सार्वजनिक गरेको आयोगले प्रावितहको नतिजा भने जिल्लागत रुपमा सार्वजनिक गरेको हो । यसअघि नतिजा प्रकाति भएका जिल्ला -बझाङको नतिजा हेर्न यहाँ क्लिक गर्नुस् -बाजुराको नतिजा हेर्न यहाँ क्लिक गर्नुस् -दार्चुलाको नतिजा हेर्न यहाँ क्लिक गर्नुस् -डडेल्धुराको नतिजा हेर्न यहाँ क्लिक गर्नुस् -बैतडी जिल्लाको नतिजा हेर्न यहाँ क्लिक गर्नुस् -कञ्चनपुर जिल्लाको नतिजा हेर्न यहाँ क्लिक गर्नुस्  -अछामको प्राथमिक तहको नतिजा सार्वजनिक (नामसहित) -कैलाली र डोटीको प्राथमिक तहको नतिजा सार्वजनिक (नामसहित)   -संखुवासभाको नतिजा हेर्न यहाँ क्लिक गर्नुस् -तेह्रथुमको नतिजा हेर्न यहाँ क्लिक गर्नुस् -झापाको नतिजा हेर्न यहाँ क्लिक गर्नुस् -पाँचथरको नतिजा हेर्न यहाँ क्लिक गर्नुस् -इलाम जिल्लाको नतिजा हेर्न यहाँ क्लिक गर्नुस् -ताप्लेजुङ जिल्लाको नतिजा हेर्न यहाँ क्लिक गर्नुस् -भोजुपरको प्राथमिक तहको नतिजा पनि प्रकाशित (नतिजासहित) -हेर्नुस्, मोरङ र सुनसरीको प्राथमिक तहको नतिजा   -धनकुटा र जुम्लाको प्राथमिक तहको नतिजा पनि सार्वजनिक (नतिजासहित) -डोल्पा र कालिकोटको प्राथमिक तहको नतिजा पनि प्रकाशित (नतिजासहित) -हेर्नुस्, मुगु र हुम्लाको प्राथमिक तहको नतिजा -सोलुखुम्ब र खोटाङको प्राथमिक तहको नतिजा सार्वजनिक (नामसहित)

दोहा,कार्तिक ३।नेपाली हिन्दुहरुको महान पर्व दशैं रोजगारीको शिलसिलामा कतारमा रहेका नेपालीहरुले पनि टिका र जमरा लगाएर सामुहिकरुमा मनाएका छन्। खस क्षत्री सेवा समाज कतारले आयोजना गरेको शुभकामना आदानप्रदान सहित सामुहिकरुपमा टिका ग्रहण कार्यक्रममा सहभागी भएर कतारमा रहेका नेपालीहरुले दशैं मनाएका हुन । खस क्षत्रीहरुले हरेक वर्ष विजया दशमीको घटस्थापनाको दिनलाई क्षत्री दिवसको रुपमा मनाउँदैं आएकोमा यस वर्षपनि विभिन्न सांस्कृतिक कार्यक्रमको साथमा क्षत्री दिवस मनाउँदैं बिजया दशमी, सुभ दिपावली र छ्ठ पर्वको शुभकामना आदान प्रदान गरिएको छ । कार्यक्रममा बोल्दैं खस क्षत्री समाज कतारका संरक्षक टिबी कार्कीले बाध्यताले परदेशिय पनि आफ्नो संस्कार र संस्कृती सबैलाई प्यारो हुने भन्दैं परदेशिएका नेपालीहरु एक भएर आफ्ना मौलिक संस्कृतिहरुको संरक्षण गर्नुपर्ने बताए। देशका विभिन्न स्थानबाट विदेशिएका युवाहरु एक ठाउँ हुँदा आपसी एकता र सद्भाव अझै बढी हुने बताए । शालिमार दरवार रेष्टुरेन्टमा विन महोमुद दोहामा सम्पन्न कार्यक्रममा एनआरएनए एनसीसीका द्दितिय उपाध्यक्ष सुर्दशन भट्ट, प्रवासी नेपाली मञ्चका अध्यक्ष चानक पोखरेल, नेपाली जनसम्पर्क समितिका महामन्त्री महोमद अजिज अली, नेपाल पत्रकार महासंघ कतार शाखाका अध्यक्ष करिम वक्स मिया, गण्डकी प्रदेश समन्वय परिषदका संयोजक आश बहादुर गुरुङ, प्रदेश नम्बर ३ समन्वय परिषदका अध्यक्ष समिर केसी, फेवा सांस्कृतिक परिवारका सचिव सावित्री गिरी र अन्तर्राष्ट्रिय नेपाली साहित्य समाज कतारका महासचिव लेख कार्की लगाएतले मन्तव्य राखेका थिए। दाङ देउखुरी सेवा समाज र फेवा सांस्कृतिक परिवारले विषेश सहयोग गरेको कार्यक्रममा प्रशान्त परियार, साजना स्वणाकार, सन्तोष गिरी (माग्ने बुढा), अभिषेक धमला, विवस दुतराज, भरत के सी , बिनिता के सी र बिरेन्द्र सुनार लगाएतको सांगितीक प्रस्तुती रहेको थियो। कार्यक्रम समाजका कार्यवाहक अध्यक्ष विश्व बन्धु थापाको अध्यक्षता, प्रमुख सल्लहाकार रेशम बस्नेतको स्वागत र महासचिव रामजी खत्रीको सञ्चालनमा सम्पन्न भएको समाजका प्रवक्ता सन्तोष क्षत्रीले बताए ।

मेक्सिको, असोज २३ । न्यान्सी नामक यी महिला आफ्नो शिशु भ्यालेन्टिनाका साथ सेप्टेम्बर ६ देखि हराइरहेकी थिइन् । मेक्सिकोमा बच्चालाई गुडाउने प्राममा मानव अङ्गसहित पक्राउ परेका दम्पतीले २० जना महिलाको हत्या गरेको स्वीकारेका छन् । उनीहरूलाई गत हप्ता बिहीवार पक्राउ गरिएको थियो। हराइरहेकी एक महिला र तिनको बच्चाको खोजबिन गर्ने सन्दर्भमा ती दम्पतीसँग भएको प्रामको खनतलासी गर्दा प्रहरीहरूले मानव अङ्ग भेट्टाएका थिए। पक्राउ परेका पुरुषले केही महिलाको बलात्कार पनि गरेको अनि तिनका हड्डी बेचिदिएको बताएका छन्। कहाँ कहाँ भेटिए मानव अंग ? अनुसन्धानकर्ताहरूले उक्त दम्पतीको कोठा तथा नजिकैको अर्को स्थानमा कैयौँ मानव अंग भेटेका छन् । सिमेन्ट राखिएका बाल्टिनहरू तथा फ्रिजभित्र ती अ‌ंग पाइएका छन् । अभियोजनकर्ताहरूले ती दम्पतीले मानव अंग बेचेको बताएका छन् । तर कसलाई बेचेको भन्ने प्रष्ट छैन । छिमेकीहरूले ती दम्पतीलाई जहिले देखे पनि प्राम गुडाइरहेको देखेको बताए। तिनै प्राममा पनि मानव अंग भेटिएको थियो । सेप्टेम्बरमा एक २८ वर्षीया महिला न्यान्सी र उनकी २ महिने शिशु भ्यालेन्टिना हराएपछि प्रहरीले ती दम्पतीलाई रोकेर सोधपुछ गरेको थियो । बीबीसीबाट 

काठमाडौं, असोज २३ । राजधानीको रंगमञ्चमै पहिलोपटक कमेडी शो गरेर सर्वाधिक चर्चा कमाएको यूट्यूब च्यानल नेप–ग्याजम ‘स्टयाण्ड–अप कमेडी शो’ले सेलिब्रेटी म्यानेजमेन्ट नेपालसँगको संयुक्त आयोजनामा यही असोज २० गते शनिबारको दिन लाइभ स्टयाण्ड–अप कमेडी शो सिजन ४ को आयोजना गरेको थियो । रगंमञ्चमा नाटकमात्र होइन, हाँस्य कार्यक्रम पनि सञ्चालन गर्न सकिन्छ भन्ने कुरा अघिल्लो शोमै प्रमाणित गरेको नेप–ग्याजम स्टयाण्ड–अप कमेडी शो ले सिजन ४ भने राजधानीको जमल स्थित राष्ट्रिय नाचघरमा आफ्नो दर्शकहरुको चाप अनि मागलाई ध्यानमा राखी लगतै दुई शो गरेर भरपूर मनोरञ्जन प्रदान गरी सम्पन्न गरेको थियो । साथै कमेडी शोको दर्शकहरुमध्ये नेपाल आइडलमै निकै नै रुचाइएकी होस्ट अनि कलाकार रिमा विश्वकर्मा तथा कलाकार बेनिशा हमालको उपस्थितीले शो मा अझै उत्साह थपेको थियो । उपत्यकामा सिजन १, २ र ३ को अपार सफलता पछि नेपाल डायरीज को आयोजनामा राजधानी बाहिर नै पहिलोपटक चितवन भाटभटेनी कमप्लेक्स, भरतपूर हाईटस्थित फूड कोर्टमा लाइभ स्टयाण्ड–अप कमेडी शो गरे लगत्तै यो चौथो सिजनमा ५ जना हाँस्य कलाकारहरु डोरेश खतिवडा, उमेशकुमार गौतम, सरोज भण्डारी, कलाकार रोशन सुवेदी र लेखमणी त्रितालले आफ्ना दमादार प्रस्तुति दिएर उपस्थित करिब ३०० दर्शक लाई भरपूर हसाएको थियो भने सो कार्यक्रमको उदघोषण सरु महर्जनले गरेकी थिइन । कार्यक्रमलाई हाम्रो पात्रो, बेस्ट डिल्स नेपाल, स्टुडेन्टस् प्राइड एडुकेशनल कन्सलटेन्सि, सिनेमा घर एप, सोसल मिडिया पार्टनरमा ट्रेन्डिग नेपाल र यूटयूब च्यानल नेपाली पब्लिक टिभि ले प्रायोजन गरेको थियो ।

वाशिङ्टन, असाेज ६ । अमेरिकाको मेरिल्याण्ड राज्यमा भएको गोली काण्डमा एक नेपाली महिलाको हत्या भएको छ भने अर्का एक नेपाली घाइते भएका छन् ।   एक कम्पनीमा नै अल्पत्कालीन काम गर्ने २६ वर्षीया स्नोयिआ मोस्ले नाम गरेकी महिलाले आफैँ काम गर्ने कंपनीमा बिहीबार स्थानीय समयअनुसार बिहान ९ बजे अन्धाधुन्धा गोली प्रहार गर्दा नेपाली महिला ४१ वर्षीया वृन्दा गिरीसहित अन्य दुईको निधन भएको शुक्रबार स्थानीय अधिकारीले पत्रकार सम्मेलनको आयोजना गरी जानकारी दिएका थिए ।   हाडफोर्ड काउन्टीका सेरिफ जेफ्री आर ग्यालरले पत्रकार सम्मेलनमा अभियुक्तले नौ मिलिमिटरको हाते बन्दुक प्रयोगमा ल्याएको जानकारी दिए । अमेरिकामा स्वास्थ्य सामग्रीको विक्रेता राइट एडको गोदाममा काम गर्ने नौ नेपालीमध्ये एक वृन्दाको गोली लागेर निधन भएको थियो भने अर्का नेपाली ४५ वर्षीय प्रेम आचार्य घाइते भएका थिए ।   सो घटनामा सण्डे अगुडा र हेलेन रेइसको पनि मृत्यु भएको थियो । आफ्ना श्रीमान् काशीराम गिरी र दुई छोराछोरीसहित अमेरिकामा बस्दै अाएकी वृन्दाले तीन महीना अगाडि मात्र त्यहाँ काम गर्न थालेकाे उनीहरुको पारिवारिक स्रोतले जानकारी दिएको छ ।   अमेरिकामा हुने ‘मास सुटिङ’ त्रासदी पूर्ण हुने र यसमा नेपाली पनि पर्नु दुःखद् भएको प्रतिक्रिया दिदैं अमेरिकाको मूलधारको राजनीतिमा लागेका एचवी भण्डारीले शुक्रबार कानूनी प्रक्रिया पूरा गरेर आइतवार सद्गत गर्ने तयारी भएको राससलाई जानकारी दिए।   पर्वतमा जन्मनुभएकी वृन्दाकी आमा तिलकुमारी, दुई दाजुभाइ सरोजकृष्ण र सुमनसमेत मेरिल्याण्डमा नै लामो समयदेखि बस्दै आएका छन् । -रासस

काठमाडौं । एक युवक सिंहदरबार अगाडि नेपाल सरकारको विरोधमा नग्न प्रदर्शन गरेका छन् । गाई, गोरु मार्नेलाई कानुन लगाएको भन्दै सरकारको बिरोधमा शुक्रबार दिउँसो सिंहदरबारको दक्षिणी गेटअगाडि एक युवकले नग्न विरोध प्रदर्शन गरेका हुन् । त्यसक्रममा उनले तस्करी, बलात्कारी, घुसखोरीलाई कानुन लगाउनुको साटो गाई, गोरु मार्नेलाई कानुन लगाएकाले सरकारको विरोधमा सिंहदरबारमा धर्ना दिन आफूले नग्न प्रर्दशन गरेको प्रतिक्रिया दिएका छन् । उनले गाईलाई राष्ट्रिय जनावरबाट बदर गर्न र सबैलाई लागू हुने गरी नयाँ मुलुकी ऐन संशोधन गर्न माग गरिएको प्लेकार्ड पनि प्रर्दशन गरेका थिए । उनको छाती ‘नेपाल सरकार मुर्दावाद’ लेखिएको र यौनांग ‘जनावर सबै एक हुन, कानुन सबलाई लागू गर, नयाँ मुलुकी ऐन संशोधर गर, गाईलाई राष्ट्रिय जनावरबाट बदली गर’ लेखिएको प्लेकार्डले छोपिएको थियो । सडकमा नग्न प्रर्दशनमा उत्रिएका उनलाई केहीबेरमै प्रहरीले पक्राउ गरेको छ । पक्राउ परेका ती युवा जितिन लिम्बु हुन् । सार्वजनिक स्थलमा अश्लिलता प्रर्दशन गरेकाले उनलाई पक्राउ गरिएको महानगरीय प्रहरी वृत्त, सिंहदरबारले जनाएको छ । नग्न प्रर्दशन गरेका लिम्बुलाई महानगरीय वृत्त सिंहदरबारको हिरासतमा राखिएको प्रहरी उपरीक्षक काजीकुमार आचार्यले जानकारी दिए । हेर्नहोस् भिडियो-

वि.सं. २०७५ साल साउन २६ गते, शनिबार, इश्वी सन् २०१८ अगस्ट ११ तारिख। नेपाल संवत् ११३८ दिल्लागा। श्रावण कृष्णपक्ष। तिथि-औंसी, १५ः४७ बजेउप्रान्त प्रतिपदा। मेष- परिस्थितिअनुसार चल्न नसक्ता अलि दुस्ख पाइनेछ। हतारको निर्णयले तत्काललाई काम रोकिन सक्छ। बेसुरमा दिइएको वचनले अप्ठ्यारो पार्न सक्छ। अरूको फाइदाका लागि उपयोग भइएला। अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा हुनेछ। बृष- जिम्मेवारी प्राप्त भए पनि बेलामा होस नपुर्याउँदा पछि परिनेछ। दाजुभाइमा असमझदारी बढ्न सक्छ। प्रतिस्पर्धीलाई कमजोर नठान्नुहोला। आफ्ना कमजोरीको फाइदा उठाउनेहरू सक्रिय हुनेछन्। नयाँ काम प्रारम्भ गर्न समय प्रतीक्षा गर्नुहोला। मिथुन- अरूको भरपर्दा प्रभावकारी काम नहुन सक्छ। मानसम्मानमा बाधा पुग्नेछ। बेसुरमा बोल्ने बानीले दुःख पाइनेछ। विशेष योजना सार्वजनिक नगर्नुहोला। विचारलाई तौलेर मात्र व्यक्त गर्नुपर्ला। बुद्धिको उपयोगले अरूलाई आफ्नो पक्षमा लिन सकिनेछ। कर्कट- तारिफयोग्य काम सम्पादन हुनाले प्रशंसकहरू बढ्नेछन्। विशिष्ट व्यक्तिहरूसँग भेटघाट हुनेछ। आकर्षक उपहारले उत्साह जगाउनेछ। रोकिएका काम सम्पादन हुने र नयाँ काम पाइने योग छ। पारिवारिक जमघटले आनन्द दिलाउनेछ। सिंह- खर्च बढ्नुका साथै अर्थअभावले सताउन सक्छ। फाइदाका लागि दोहोर्याएर प्रयत्न गर्नुपर्ला। व्यवसायमा लगानी बढाउनुपर्ने स्थिति आउन सक्छ। अपिरिचित व्यक्तिको विश्वास गर्दा धोका हुन सक्छ। तापनि टाढाका साथीभाइसँग सम्पर्क बढ्नेछ। कन्या- व्यापार, साझेदारी र सट्टापट्टामा लाभ मिल्नेछ। श्रमको उचित मूल्यांकन हुनेछ। सञ्चित धनको उपयोग गर्दा फाइदा हुनेछ। प्रयत्न गर्दा सजिलै लक्ष्यमा पुग्न सकिनेछ। प्रतीक्षा गरिएको काम बन्नेछ। आफ्नो क्षेत्रमा राम्रै प्रभाव जमाउन सकिनेछ। तुला- अवसर प्राप्त भए पनि पहिलेको हरहिसाब नमिल्नाले समस्या पर्ला। ठूलो भागको मोहले समस्या निम्त्याउन सक्छ। बेसुरमा काम गर्ने बानीले चुनौती निम्त्याउन सक्छ। व्यवसायमा लगानी बढाउनुपर्ने परिस्थिति आउन सक्छ। अवसरको खोजीमा केही दौडधुप गर्नुपर्ला। बृश्चिक- काममा चुनौती सामना गर्नुपरे पनि स्थितिलाई सहज बनाउन सकिनेछ। मेहनत परे पनि भाग्यले राम्रै अवसर दिलाउनेछ। सामाजिक काममा रुचि बढ्नेछ। आवश्यक पर्दा सहयोगीहरूको साथ पाइनेछ। अभाव हट्नुका साथै दाम, नाम र इनाम प्राप्त हुनेछ। धनु- आकस्मिक समस्याले शरीरमा कमजोरी अनुभूति हुनेछ। परिस्थितिवश अरूका लागि अलमलिनुपर्नेछ। सम्भावना देखिए पनि ठूलो उपलब्धि प्राप्त नहुन सक्छ। समस्या दर्साउँदा सहयोगीहरूको साथ जुट्नेछ। मकर- घुमफिर तथा मनोरञ्जनको समय छ। प्रियजनसँगको भेटघाटले दिन रमाइलो रहनेछ। भौतिक साधनले जीवनशैलीमा परिवर्तन ल्याउन सक्छ। अतिथिका रूपमा सत्कार पाइनेछ। आफन्तसँग सुमधुर सम्बन्धका लागि विशेष ध्यान पुर्याउनुहोला। कुम्भ- परिस्थितिवश चिताएको काम रोकिन सक्छ। सानोतिनो समस्याले अल्झाउनेछ। गोपनीयता बाहिरिनाले पनि समस्यामा परिनेछ। फजुल खर्च बढ्नाले आर्थिक काममा बाधा हुनेछ। बिग्रिएको काम दोहोर्याउनुपर्ला। चुनौतीपूर्ण कामको दायित्व लिनाले दुस्ख पाइनेछ। मीन- समयको मागअनुसार चल्न नसक्दा पछि परिनेछ। अरूका लागि बुद्धि र श्रम खर्चनुपर्नेछ। बौद्धिक व्यक्तित्वहरूसँग प्रतिस्पर्धा गर्नुपर्ला। काम र समयको तालमेल नमिल्न सक्छ। हल्लाको पछि लाग्दा दुस्ख पाइनेछ। -नेपाली पात्रो

काठमाडौं, साउन २५ । डा हिमाल धामीको पहिलो तीज कोसेली ‘भीर मौरीको मह’ को म्यूजिक भिडियो सार्वजनिक गरिएको छ । गीतको भिडियो म्युजिक नेपालले शुक्रबार युट्युब मार्फत सार्वजनिक गरेको हो । करीव एक महिना अघि नै अडियो आइसकेको उक्त गीतको म्युजिक भिडियो शुक्रबार सार्वजनिक भएको हो । डा धामीको शब्द, संगीत र लय रहेको गीतमा सुरेश शाही र दिपा रोकायको स्वर रहेको छ । मीन रावलले सम्पादन गरेको भिडियोका छायांकन डीबी रौलेले गरेका हुन् । डीबीराज बिकले निर्देशन गरेको भिडियोमा करिश्मा, होरिज, लक्ष्मी र डम्बरको अभिनय गरेका छन् । हेर्नुहोस भिडियो

काठमाडौं, असार २९ । ब्लडमनी तिर्न नसकेर साउदी अरबको जेलमा रहेका रोल्पाका दिलबहादुर घर्तीमगरलाई मृत्यदण्डबाट बचाउन मलेसियामा एक लाख रुपैयाँ आर्थिक सहयोग प्राप्त भएको छ । रोल्पा घर भई मलेसियामा रहेका पृथ्वीप्रसाद रानामगरको पहलमा संकलित एक लाख ४५५ रुपैयाँ ‘दिलबहादुर घर्ती बचाउनको लागि ब्लडमनी संकलन अभियान–२०७५’ मूल समितिलाई हस्तान्तरण गरिएको छ । ‘दिलबहादुरको जीवन रक्षाका लागि हामीले सहयोग अभियान जारी राखेका छौँ । यसैक्रममा मलेसियाबाट थप एक लाख रकम अभियान मूल समितिलाई प्राप्त भएको छ,’ अभियान मूल समितिका संयोजक दिपेश पुनले भने, ‘म आर्थिक सहयोग गर्ने सबै सबै साथीहरुलाई समितिको तर्फबाट धन्यवाद दिन चाहन्छु ।’ मलेसियाबाट यसअघि पनि तीन लाख भन्दा बढी रकम मूल समितिलाई हस्तान्तरण गरिसकेको छ । संयोजक पुनले दिलबहादुरको जीवन रक्षाका लागि ओमनबाट हेमराज चलाउनेको पहलमा १८ हजार ४४१, कतारबाट कविराम बानियाँको पहलमा १२ हजार ७१५ रुपैया, दुबईमा रहेका कमल महरले ३१ हजार २५६, जोर्डनमा रहेका गोविन्द पुनले १५ हजार १८, साउदीमा रहेका गणेश रोका र प्रशान्त रोकाले १० हजार ९९८, दलप्रसाद विकले १६ हजार ८११ रुपैया मूल समितिमा आईपुगेको जानकारी दिए ।

युएई ।युएईमा लामो समय देखि दलालले बन्धक बनाइ राखेका दुई नेपाली महिलालाई एनआरएनए युएईले उद्दार गरी बुधबार स्वदेश फिर्ता गरेको छ। युएईको अलऐन स्थित एउटा घरमा बिगत एक बर्ष देखि बन्धक बनाइ राखेको अबस्थामा पीडित मध्ये एक महिलाले सामाजिक संजाल मार्फत आफ्नो उद्दारको लागि पहल गरिदिन अपील सहितको भिडियो हाले पछी एनआरएनए युएईले प्रहरीको सहयोगमा ठेगाना पत्ता लगाई पीडितको उद्दार गर्न सफल भएको एनआरएनए युएईका अध्यक्ष रमेश श्रेष्ठले जानकारी दिएका छन्। यसरी अलपत्र पर्नेहरुमा बर्दिया घर भएकी रेनुका र उनकी साथी भुप कुमारी रहेकी छिन भने अर्कि एक महिलालाई दलालले भगाउन सफल भएको भए पनि नेपाली दूतावास युएईले सम्पर्क गरी हाल दूतावासको सेल्टरमा राखेको दूतावासले बताएको छ। अलपत्र मध्ये रेनुका र भुप कुमारीलाई एनआरएनए युएईले आवश्यक प्रकृया पुरा गरी बुधबार हवाई टिकटको ब्यबस्था मिलाई स्वदेश फिर्ता गरेको छ भने अर्की एक महिलालाई दूतावासले केही दिनमा नेपाल फर्काउने तयारी गरेको दूतावास स्रोतले जानकारी दिएको छ। पछिल्लो समय युएईमा रहेका सँघसस्थाहरु खासगरि एनआरएनए युएईले मजदुर हितमा उल्लेखनीय काम गर्दै पीडितलाई न्याय दिलाउन महत्त्वपूर्ण भुमिका खेलेको भन्दै नेपाली दूतावास युएईका कार्यबाहक राजदूत सागर फुयाँलले सहयोगी सबैलाई धन्यवाद दिएका छन् ।

काठमाडौं, असार ४ । बर्खा सुरु भएसँगै देशका विभिन्न ठाउँमा आउने बाढी, पहिरो, डुबानलगायत समस्या समाधानमा संवेदनशील भएर काम गर्न ऊर्जा, जलस्रोत तथा सिँचाइ मन्त्री वर्षमान पुनले निर्देशन दिएका छन् । पूर्णरूपमा बर्खा सुरु नहुँदै जलस्रोत विपदको व्यवस्थापनमा ध्यान दिए जनधनको क्षति कम हुने भन्दै उनले सरोकारवाला निकायलाई निर्देशन दिएका हुन् । हरेक वर्ष आउने बाढी पहिरो तथा अन्य जलस्रोतसम्बन्धी प्रकोप व्यवस्थापन गर्न मन्त्रालयले ‘विपद व्यवस्थापन समन्वय समिति’ समेत गठन गरेको छ । मन्त्रालयमा जलस्रोत हेर्ने सहसचिवको नेतृत्वमा जल तथा मौसम विज्ञान विभाग, भूमिगत जलस्रोत, जलस्रोत तथा सिँचाइ लगायत विभागका प्रमुख सम्मिलित समितिले जोखिम व्यवस्थापनसम्बन्धी कार्ययोजना बनाउनेछ । जलस्रोतबाट उत्पन्न हुने विपद व्यवस्थापन गर्न मन्त्री पुनले ७ बुँदै निर्देशन दिएका छन् । बाढी, पहिरो तथा डुबान प्रभावित क्षेत्रको जनधन एवं पूर्वाधारको आपतकालीन संरक्षणका लागि आवश्यक सूचना संकलन गरी काम गर्न मन्त्री पुनले निर्देशन दिएका छन् । विपद व्यवस्थापनसँग सम्बन्धित निकायसँग समन्वय गरी ती निकायसँग निरन्तर सम्पर्कमा रहन पनि उनको निर्देशन छ । सम्भावित विपद जोखिम न्यूनिकरण गर्न सामुदायिक एफएमलगायतका मिडियाबाट मनसुन पूर्वतयारी प्रचार प्रसार गर्ने गराउने निर्देशनमा उल्लेख छ । यस्तै, प्रदेश, स्थानीय तह तथा जिल्ला विपद व्यवस्थापन समितिसँग समन्वय गर्ने र सम्भावित जनधनको क्षति रोक्नुपर्ने उनको भनाइ छ । उल्लेखित सबै काम गर्न आवश्यक वित्तीय स्रोत अर्थ मन्त्रालयबाट उपलब्ध गराउन अनुरोध गरिने मन्त्री पुनले बताएका छन् । समितिले तयार गरेको प्रतिवेदन तथा कार्यान्वयन प्रक्रिया सचिवस्तरीय निर्णयबाट कार्यान्वयन हुने पनि उल्लेख छ ।