काठमाडौं । नेप्से परिसूचकमा सोमबार एकै दिन ४४ अंकले गिरावट आएको छ । सोमबार बजार ४४ दशमलव ६५ ले घटेर २४ सय १९ दशमलव ७१ अङ्कले गिरावट आएको हो । नेप्सेमा ५० लाख ९५ हजार ८ सय ३४ कित्ता सेयर कारोबार हुँदा दुई अर्ब २६ करोड सात लाख ८६ हजार रुपैयाँ बराबरको कारोबार भएको छ । नेप्सेमा कारोबार रकम बढे पनि बजारमा एक दशमलव ८१ प्रतिशतले गिरावट आएको छ । आइतबार सार्वजनिक बिदापछि खुलेको बजारमा १७ कम्पनीले नाफा कमाउँदा एक सय ७६ कम्पनीका सेयर धनीले गुमाए । नेसडो, समृद्ध लघुवित्त वित्तीय संस्था र जल्पा सामुदायिक लघुवित्त वित्तीय संस्थाको सेयर मूल्य बढेर सकारात्मक सर्किट लागेको छ । नेप्से बजारमा नेस्डो लघुवित्त वित्तीय संस्थाको सेयर मूल्य एक सय ७० रुपैयाँ बढेर एक हजार आठ सय ७० रुपैयाँ र जल्पा सामुदायिक लघुवित्त वित्तीय संस्थाको ४४ रुपैयाँ ६० पैसा बढेर चार सय ९१ रुपैयाँमा कारोबार भएको छ ।

काठमाडौं । सरकारले राष्ट्र बैंकका गभर्नर महाप्रसाद अधिकारीलाई निलम्बन गरेको छ । डेपुटी गभर्नर निलम ढुंगानालाई कार्यबाहक दिइएको अर्थ मन्त्रालय स्रोतले जनाएको छ ।

काठमाडौं। अर्थमन्त्री जर्नादन शर्मा प्रभाकरले नेपालको अर्थतन्त्र श्रीलंकाको जस्तो धरासयी नहुने प्रस्ट पारेका छन्। शुक्रबार नेपाल राष्ट्र बैंकले राजधानीमा आयोजना गरेको कार्यक्रममा बोल्दै अर्थमन्त्री शर्माले नेपालको अर्थतन्त्र तुलनात्मक रुपले आन्तरिक रूपमा बलियो, उत्पादन र राजस्व प्रणालीमा सुदृढ तथा ऋणको ठूलो चाप नरहेकाले श्रीलंका जस्तो नेपालको अर्थतन्त्र हुने कुरामा कुनै सत्यता नरहेको बताए। ‘अहिलेको अर्थतन्त्रमा समस्या आउला की भनेर चिन्ता गर्नेहरूलाई धेरै धन्यवाद दिनुपर्छ। किनभने यस्तो चिन्ता र सुझावले सरकारसँगै सबै सरोकारवालाई सतर्क बनाइरहेको छ’ उनले भने, ‘कतिपयलाई भने नेपालको अर्थतन्त्र श्रीलंका जस्तो बनाउने रहर छ, तिनको सपना पुरा हुँदैन।’ नेपाल र श्रीलंकाबीच तुलनै नहुने भएकाले अर्थतन्त्र श्रीलंका जस्तो नहुने उनको भनाई थियो। ‘हाम्रो ऋण र उत्पादनको अवस्था, विदेशी लगानी, ऋण सहायता लगायतका तथ्याङ्क हेर्यौँ भने श्रीलंकासँग तुलना नै हुन सक्दैन। तुलना हुनै नसक्ने विषयलाई लिएर एक थरीले जनतालाई जुन हिसाबले आतंकित बनाउने काम गरिरहेका छन्। त्यसको तपाई हामी सबै मिलेर खण्डन गर्नुपर्छ’ उनले भने। श्रीलंकासँग तुलना गर्दै नेपालको अर्थतन्त्र पनि धरासयी हुन्छ भन्दै बहस गर्नेहरूलाई सकारात्मक भई दबाबमा रहेको नेपालको अर्थतन्त्र सुधारका विषयमा चिन्तन गर्न उनले अपिल गरेका हुन्। ‘हाम्रा प्राथमिकता, लिनुपर्ने नीति, आवश्यकतालगायतका विषयमा बहस गरेर दबाबमा रहेको हाम्रो अर्थतन्त्रलाई माथि उठाउनका लागि बहस गरौँ’ उनले भने। क्रिप्टोकरेन्सी, हाइपर फण्डलगाायतका कारण नेपालबाट ‘क्यापिटल फ्लाई’ भइरहेको सूचना आफूले ५ महिनाअघि नै थाहा पाएर राष्ट्र बैंकलाई जानकारी गराएको पनि उनले बताए। तर, यो समस्या समाधान गर्न उचित कदम चाल्न नसक्दा अहिले अवैध रूपमा पैसा बाहिरिन थालेको उनको भनाई थियो। ‘प्रविधिको विकासबाट आउने चुनौतीबाट त्रसित हुने होइन। यसको दुरुपयोग हुन नदिने गरी हामीले कदम चाल्नुपर्नेमा ध्यान दिनुपर्छ’ उनले भने। अर्थतन्त्र यति बेला दबाबमा रहेको बताउँदै उनले सबै क्षेत्रबाट सहयोग लिएर सुधार गर्नुपर्ने खाँचो रहेको बताए। काम गर्ने परम्परागत शैली लाई परिवर्तन गरेर मात्रै अर्थतन्त्रमा सुधार ल्याउन सक्ने उनको भनाइ थियो। मुलुक भित्र भएका स्रोत साधनको अधिकतम उपयोग गर्नुपर्ने, मुलुक भित्रै उत्पादनजन्य गतिविधि तथा ठूला पूर्वाधारको निर्माण थालेर रोजगारी सृजना गर्नुपर्ने र निर्यात वृद्धिको पहल गर्नुपर्ने चुनौती रहेको बताए। वैदेशिक रोजगारीमा जाने नेपालीबाट रेमिट्यान्स प्राप्त गरेपछि उनीहरूलाई पनि विभिन्न सहुलियत दिनुपर्ने विषयमा सरकारले आवश्यक गृहकार्य अघि बढाएको उनले जानकारी दिएका थिए। कोभिड(१९ का कारण सुस्ताएको पर्यटन क्षेत्रलाई वृद्धि गर्न सरकारले विशेष पहल थालेको उनको भनाइ छ।

काठमाण्डौं । हप्ताको पहिलो दिन शेयर बजार दोहोरो अङ्कले घटेको छ । शेयर बजार परिसूचक नेप्से आज आइतवार ४१ दशमलव ४३ अङ्कले घटेर दुई हजार पाँच सय ७२ दशमलव २३ विन्दुमा झरेको छ । आज निर्जीवन बीमाबाहेक सबै समूहको शेयर घट्यो । विकास बैंक, उत्पादन र जलविद्युत् समूहको शेयर उच्च अङ्कले ओरालो लागेको छ । बजार घटेपनि कारोबार रकममा भने उल्लेख्य सुधार आएको छ । पछिल्ला केही हप्ता औसतमा दैनिक तीन अर्ब रुपैयाँको कारोबार भइरहेकोमा आज दुई सय ३२ वटा कम्पनीका ८९ लाख २३ हजार कित्ता शेयर चार अर्ब ९८ करोड ९५ लाख रुपैयाँमा कारोबार भएको छ । सबैभन्दा धेरै अपी पावर कम्पनीको २७ करोड ५६ लाख रुपैयाँको शेयर किनबेच भयो । आज मल्टिपर्पोज फाइनान्सको शेयर सबैभन्दा धेरै साढे पाँच प्रतिशतले घटेको छ । समग्र बजार घट्दा पनि जीवन विकास र राष्ट्र उत्थान लघुवित्त तथा इमर्जिङ नेपाल कम्पनीको शेयर १० प्रतिशतले बढेर सर्किट लागेको छ ।

काठमाडौं । साताको अन्तिम कारोबारको दिन (बिहीबार) पनि शेयर बजार दोहोरो अंकको गिरावट भएको छ । आज नेप्से परिसुचक १६.६९ अंकले घटेको छ । सो अंकले नेप्सेमा गिरावट आउँदा परिसुचक २६१३.६७ को बिन्दुमा पुगेको छ । आज कारोबारको अन्तिम समयसम्म आइपुग्दाँ राष्ट्र जनउत्थानका लगानीकर्ताले सर्वाधिक कमाएका छन् । आज १० प्रतिशतका दरले वृद्धि भएको हो । कम्पनीको शेयरमूल्य प्रतिकित्ता रू.८१९.५० पुगेको छ । यस्तै ,इमर्जिङ्ग नेपाल लिमिटेडको शेयरमूल्य ९.९९ प्रतिशतका दरले वृद्धि भएको छ । कम्पनीको शेयरमूल्य प्रतिकित्ता रू.७६०.७० पुगेको छ । युनाइटेड इदि मार्दीको शेयरमूल्यको ९।९३ प्रतिशतले बढेर प्रतिकित्ताको मूल्य रु.९९६ पुगेको हो ।

काठमाडौं । ब्रोकर नं. ११ अर्थात् मल्ल एण्ड मल्ल स्टक ब्रोकिङ्ग नियामक निकाय नेपाल धितोपत्र बोर्ड (सेबोन)को कारबाहीमा परेको छ । सेवनले कारबाहि गर्दै जरिवाना समेत तिराएको हो । नेपाल धितोपत्र बोर्डले धितोपत्र दलाल व्यवसायी मल्ल एण्ड मल्ल स्टक ब्रोकिङ्ग लाई धितोपत्र कारोवार सञ्चालन विनियमावली, २०७५ को विनियम १० को उपविनियम (२) को खण्ड (ठ) विपरित कार्य गरेको देखिएकोले धितोपत्र सम्वन्धी ऐन, २०६३ को दफा १०१ को उपदफा (६) बमोजिम ७५ हजार रूपैयाँ जरिवाना गरेको हो । बोर्डले आज एक सूचना प्रकाशन गर्दै भनेको छ, “धितोपत्र कारोबार सञ्चालन विनियमावली, २०७५ को विनियम १० को उपविनियम (१)को “ग्राहकको लागि धितोपत्रको कारोबार गर्न कारोबार सदस्यले धितोपत्र व्यवसायी (धितोपत्र दलाल, धितोपत्र व्यापारी तथा बजार निर्माता) नियमावली, २०६४ बमोजिमको ग्राहक पहिचान प्राप्त गरी ग्राहकसंग कारोबार सम्झौता गर्नु पर्नेछ,व्यवस्था र सोही विनियमको उपविनियम (२) को उपविनियम (१) बमोजिमको सम्झौतामा समावेश गर्नुपर्ने विषयहरुमा अन्य व्यवस्थाहरुको अतिरिक्त खण्ड (ठ) मा कारोवार सदस्य र लगानीकर्ता बिचमा लिन दिन बाँकी रकमबाट सृजित दायित्व वा प्रतिफल सम्बन्धी विषय पनि उल्लेख हुनुपर्ने, व्यवस्था विपरित सम्झौता नगरी आफु खुसी १३ प्रतिशत देखि १८ प्रतिशत सम्म व्याज असुल उपर गरेको देखिएकोले उक्त धितोपत्र दलाल व्यवसायीलाई सो जरिवाना गरिएको हो ।”  

काठमाडौं । शेयर बजार (नेप्से) सोमवार करीब १८ अंकले बढेको छ । १७.९९ अंकले बजार बढेर २६३४.५७ बिन्दुमा पुगेको छ । बजार बढेको भए पनि कारोबार रकम भने बढ्न सकेन । आज जम्मा दुई अर्ब ५९ करोड रूपैयाँको मात्रै कारोबार भयो । नेप्सेमा सूचीकृतमध्ये २३१ कम्पनीको ५१ लाख ८९ हजार कित्ता शेयरको ३७ हजार ९३९ पटक कारोबार भएको छ । बजार बढेसँगै सबैभन्दा बढी कमाउनेमा इमर्जिङ नेपाल रहेको छ । यसका लगानीकर्ताले ९.९८ प्रतिशतले कमाएका छन् । कमाउने कम्पनीहरूको सूचीमा न्यादी ग्रुप पावर, माउन्टेन हाइड्रो नेपाल, कर्णाली विकास बैैंक, युनियन हाइड्रोपावरसहितका लगानीकर्ता छन् । यी कम्पनीका लगानीकर्ताले ५.५७ प्रतिशतदेखि ७.६७ प्रतिशतसम्मले कमाएका छन् ।

काठमाडौं। घरमै पैसा लुकाएर राख्दा बजारमा तरलता अभाव सिर्जना भएको अर्थमन्त्री जनार्दन शर्माले बताएका छन्। शुक्रबार नागरिक लगानी कोषको ३२ औं वार्षिकोत्सवमा मन्त्री शर्माले व्यक्तिले संस्थाले घरमै पैसा राख्दा समस्या आएको बताए। त्यस्तो पैसा आफूले खोज्न लागेको समेत उनले बताए। “पुँजी कतै हराइरहेको छ। आखिर बजारबाट पैसा कहाँ हराइरहेको छ ? कतै सिरानीमुनी र ओछ्यानमुनि त बन्द छैन ? उनले भने, “यसको खोजीमा म लागेको छु।”   क्रिप्टोकरेन्सी, डिजिटल नेटवर्किङ, हाइपर फण्ड लगायत नयाँ प्रविधिका कारण पनि पुँजी पलायन भइरहेको उनको भनाई छ । उनले यसलाई रोक्न सरकारले संयन्त्र विकास गरेको पनि बताए।   मन्त्री शर्माले पछिल्लो समय भने शोधानान्तरस्थिति सुधार हुन थालेको बताए। उनले रेमिट्यान्सको एजेन्ट कमिसनदर कम गराउन पहल भइरहेको तथा रेमिट्यान्स बचतमा १ प्रतिशत ब्याजदर बढी दिएर आकर्षित गर्ने गरी गृहकार्य समेत भएको बताए।

काठमाण्डौंं । राष्ट्र उत्थान लघुवित्त वित्तीय संस्थाले आजदेखि सर्वसाधारणका लागि साधारण शेयर (आईपीओ) बिक्री खुला गरेको छ। कम्पनीले प्रतिकित्ता १०० रुपैयाँ अङ्कित मूल्यमा आठ करोड ५० लाख रुपैयाँ बराबरको आठ लाख ५० हजार कित्ता प्रारम्भिक सार्वजनिक निष्कासन ( (आईपीओ) को बिक्री खुला गरेको हो। त्यसमध्ये ०.५ प्रतिशत आर्थत १३ हजार कित्ता शेयर कर्मचारीहरुलाई र ५ प्रतिशत अर्थात ४२ हजार ५०० कित्ता शेयर सामुहिक लगानी कोषका लागि सुरक्षित गरी बाँकि रहने ७ लाख ९४ हजार ५०० कित्ता शेयरमा सर्वसाधारणले आवेदन दिन सक्नेछन्। लघुवित्तको अधिकृत पूँजी ५० करोड रुपैयाँ, जारी पूँजी २६ करोड रुपैयाँ र चुक्ता पूँजी १७ करोड ५० लाख रुपैयाँ रहेको छ। सर्वसाधारणलाई ८ करोड ५० रुपैयाँ बराबरको आईपीओ निष्काशनपछि लघुवित्तको चुक्ता पूँजी २६ करोड रुपैयाँ पुग्नेछ। लघुवित्तको आईपीओमा प्रतिशेयर १०० रुपैयाँका दरले न्यूनतम १० कित्तादेखि त्यसभन्दा बढीको लागि १० अंकले भाग जाने संख्यामा अधिकतम १००० कित्तासम्मको लागि आवेदन दिन सकिनेछ। नेपाल धितोपत्र बोर्डबाट अनुमति प्राप्त आश्वा सदस्य बैंक तथा वित्तीय संस्थाहरू र मेरो शेयरको वेब तथा एप मार्फत पनि कम्पनीको आईपीओमा आवेदन दिन सकिनेछ। लघुवित्तको आईपीओमा फागुन ४ गतेदेखि फागुन १३ गतेसम्ममा आवेदन दिन सकिनेछ। त्यस अवधिसम्ममा माग अनुसार आवेदन नपरे फागुन १८ गतेसम्म म्याद थप हुनेछ। लघुवित्तको धितोपत्र निष्काशन तथा बिक्री प्रबन्धक एनआईबिएल एस लिमिटेड रहेको छ भने प्रत्याभुतकर्ता प्रभु क्यापिटल लिमिटेड रहेको छ। बैंक तथा वित्तीय संस्था सम्बन्धि ऐन अनुसार न्युनतम ३० प्रतिशत शेयर सर्वसाधारणलाई निष्काशन गर्ने परेको लघुवित्तले जनाएको छ। त्यस अनुसार संस्थाले चुक्ता पूँजीको ३२.६९ प्रतिशत अर्थात ८ करोड ५० लाख रुपैयाँ बराबरको आईपीओ निष्काशन गरेर चुक्ता पूँजी २६ करोड रुपैयाँ पुर्याउन लागेको हो।

काठमाडौं । नेष्डो समृद्ध लघुवित्त वित्तीय संस्था लिमिटेडले फागुन ११ गतेदेखि आईपीओ बिक्री खुला गर्ने भएको छ । लघुवित्तले ८ करोड २८ लाख ७५ हजार रुपैयाँ बराबरको ८ लाख २८ हजार ७५० कित्ता आईपीओ जारी गर्न लागेको हो । लघुवित्तले निष्काशन गर्न लागेको कुल ८ लाख २८ हजार ७५० कित्ता शेयरमध्ये ०।५ प्रतिशत अर्थात १२ हजार ७५० कित्ता कर्मचारीहरुका लागि र ५ प्रतिशत अर्थात ४१ हजार ४३७ कित्ता सामूहिक लगानी कोषहरुलाई सुरक्षित गरिएको छ । सर्वसाधारणले बाँकी ७ लाख ७४ हजार ५६३ कित्ता शेयरका लागि आवेदन दिन सक्नेछन् । उक्त आईपीओमा छिटोमा फागुन १५ गते र ढिलोमा फागुन २५ गतेसम्म आवेदन दिन सकिनेछ । लगानीकर्ताले न्यूनतम १० कित्तादेखि १ हजार कित्तासम्मका लागि आवेदन दिन सक्नेछन् । इच्छुक आवेदकले सि–आस्वा सदस्य बैंक तथा वित्तीय संस्था र मेरोशेयर वेबसाइट तथा एप मार्फत आवेदन दिन सक्नेछन् । आईपीओ निष्काशन तथा बिक्री प्रवन्धक ग्लोबल आइएमई क्यापिटल लिमिटेड रहेको छ ।

काठमाडौं। आज नेप्से अघिल्लो दिनको तुलनामा ५३.३० अङ्कले बढ्यो । सेयर बजार कारोबारमा खासै रौनकता नदेखिएको सन्र्दभमा आज पौने २ बजेपछि सेयर बजारमा एकाएक रौनकता थपियो । पौने २ बजेपछि उकालो लागेको बजार अन्ततः कारोबार बन्द हुँदा मंगलबार बजार बन्द हुँदा परिसूचक नेप्से २७५४ अङ्कमा कायम भएको छ । कारोबार रकम भने घटेको छ । कुल ३ अर्ब २३ करोडको कारोबार भयो । यसअघि हिजो ३ अर्ब ६८ करोडको भएको थियो । सबै उपसमूह बढेका छन् । बैङ्किङ १४, विकास बैङ्क १२७, फाइनान्स ६५, होटल तथा पर्यटन ४९, जलविद्युत् १३८, लगानी २, जीवन बीमा १८७, उत्पादन ३७, लघुवित्त १४५, निर्जीवन बीमा १८५, अन्य ७५ र व्यापार उपसमूह ३९ अङ्कले बढे । कुल १७९ कम्पनीको मूल्य बढ्दा ७ को घट्यो भने ५ को स्थिर रह्यो । न्यादी जलविद्युत् कम्पनीको मूल्य १० प्रतिशतले बढ्यो । तेह्रथुम पावरको ८.७ र हिमालय ऊर्जाको ७.७ प्रतिशतले बढ्यो । हिमालयन डिस्टिलरी, नेसनल हाइड्रोपावर, नेपाल टेलिकम, अरुणभ्याली हाइड्रोपावर र जीवन विकास लघुवित्त कारोबार रकमका आधारमा क्रमशस् अगाडि रहे ।

काठमाण्डौं । इन्टरनेट सेवा सुबिसु केबल नेटले सेवाग्राहीको निम्ति ‘सुपर रफ्तार’ अफर ल्याएको छ । यस अफर अन्तर्गत अब सेवाग्राहीले ६५० एमबीपिएसको उच्च गतिको इन्टरनेटको लाभ उठाउन सक्ने भएका छन् । इन्टरनेटको बढ्दो माग र उच्चस्तरीय सेवालाई पुर्णरुप दिन कम्पनीले यो अफर ल्याएको जनाएको छ । ६५० एमबीपिएसको इन्टरनेटको साथमा ४ वटा क्लीयर टिभी सब्सकृप्सनको वार्षिक सेवा मात्र रु. १ हजार ७७० प्रति महिनामा प्राप्त हुने कम्पनीले जनाएको छ । त्यसमा सर्त तथा नियमहरु लागु हुने गरि अफर ल्याएको कम्पनीले जनाएको हो । नेपालको एक अग्रणी केबल टेलिभिजन, इन्टरनेट र नेटर्वक सेवाप्रदायक कम्पनीको रुपमा काम गर्दै आएको सुबिसुले केबल तथा डिजिटल टिभी सेवा, कन्जुमर इन्टरनेट, इन्टरप्राइज इन्टरनेट, एम.पि.एल.एस भि.पि.एन.एस, व्यानएथर्नेट, होलसेल आइ.पि ट्रान्जिट, एम.भि.पि, डाटा सेन्टर सोलुसनजस्ता मनोरञ्जनात्मक सेवा तथा बिजनेस सोलुसन नेपालमा प्रदान गर्दै आएको छ ।

काठमाण्डौं । नेपाल धितोपत्र बोर्डको अध्यक्षको दावेदार रहेका ३ जनाको नाम सिफारिस गरिएको छ। छनौट तथा सिफारिस समितिले रमेशकुमार हमाल, डा. गोपालप्रसाद भट्ट र कृष्णराज पोखरेलको नाम धितोपत्र बोर्ड अध्यक्षका लागि सिफारिस गरेको हो। समितिले सिफारिस गरेको उक्त दावेदारहरुको अन्तिम छनौट मन्त्रीमन्त्रिपरिषदको बैठकबाट हुने छ। कुल १५ जना अवेदक मध्ये ५ जना छनौट गरिएकोमा अन्तर्वाता मार्फत ३ जनाको नाम सिफारिस गरिएको हो।

  एनसेल आजियाटा लिमिटेडले अन्तर आबद्धता शुल्क घटाएको छ । आफ्नोसहित नेपालका अन्य कुनै पनि दूरसञ्चार सेवाप्रदायकको नेटवर्कमा कल गर्दा लाग्ने भ्वाइस कलको करबाहेक प्रतिमिनेट रु १.९९ बाट घटाई रु १.६२ कायम गरेको छ। प्रिपेड ग्राहकहरूका लागि लागू भएको यो नयाँ महसुल दरले देशभर समान रूपमा अन्य नेटवर्कमा मेन ब्यालेन्सबाटै पे एज यू गो दरअन्तर्गत कल गर्न अझै सुलभ बनाएको छ। यो परिमार्जित नयाँ महसुल दर यही माघ २८ देखि लागू गरिएको र २०७९ साउन २४ गतेसम्म जारी रहने एनसेलले जनाएको छ। नयाँ महसुल दरबाट लाभ लिन एस्ट्रिक्स १७१०७ ह्यास डायल गरी सेवा निःशुल्क सञ्चालन गर्न सकिनेछ। नयाँ अन्तर आबद्धता कार्यान्वयन भएपछि एउटा सेवा प्रदायकको नेटवर्कमा रहेको ग्राहकले अर्को सेवा प्रदायकको नेटवर्कमा रहेको ग्राहकलाई कल गर्दा कम्पनीको तारवाला फोनबाट अर्को सेवा प्रदायकको मोबाइलमा कल गर्दा प्रतिमिनेट एक रुपैयाँ १० पैसा मात्र कायम गरेको छ । त्यस्तै ,नेपाल टेलिकमले २०७८ माघ १८ गतेदेखि लागू हुने गरि अन्तर आबद्धता शुल्क घटाएको थियो । टेलिकम जिएसएम, सिडीएमए र सिफोन पोस्टपेडबाट अर्को सेवाप्रदायकको नेटवर्कमा कल गर्दा महसुलदर प्रतिमिनेट एक रुपैयाँ ८ पैसा तथा जिएसएम, सिडीएमए र सिफोन प्रिपेड सेवाबाट अर्को सेवा प्रदायकको नेटवर्कमा कल गर्दा महसुलदर प्रतिमिनेट एक रुपैयाँ ६२ पैसा कायम भएको थियो ।

काठमाडौं । डिशहोम फाइवरनेटले ६०० एमबीपीएस स्पिड भएको मेगा–फाई इन्टरनेट प्रदान गर्ने भएको छ । डिशहोमले हाई स्पिड इन्टरनेट प्रयोगकर्ताका लागि ३०० र ६०० एमबीपिएस स्पिडको इन्टरनेट प्याकेज ल्याएको छ । नेपालमा नै पहिलो पटक लेटेस्ट वाईफाई टेक्नोलोजीको वाईफाई ६ राउटर र मेस नोडमार्फत ग्राहकले हाई स्पिड इन्टरनेटको सुविधा लिन सक्ने डिसहोमले जनाएको छ । डिशहोमले ल्याएको वाईफाई राउटर अहिले बजारमा पाइने राउटर भन्दा ४ गुणा फास्टार स्पिडमा चल्ने कम्पनीको दाबी गरिएको छ ।