भारतीय रुपैयामा तीव्रदरमा लगातार अवमूल्यन किन ?
१६ भदौ, २०७५
नयाँदिल्ली, भदौ १६ । गत दुई वर्षयताकै सबभन्दा तीव्रगतिमा भारतीय अर्थतन्त्र वृद्धि भइरहेको छ। तर यति नै वेला भारतीय रुपियाँ भने तीव्र दरमा अवमूल्यन भइरहेको छ।
जुन महिनासम्मको त्रैमासिक आर्थिक आंकडा बमोजिम भारतको कुल गार्हस्थ उत्पादन ८.२ प्रतिशतले वृद्धि भएको छ। सो आँकडा अघिल्लो वर्ष उही अवधिमा केबल ५.५ प्रतिशत थियो।
तीव्र आर्थिक वृद्धि दरसहित भारत विश्वकै सबभन्दा द्रूत गतिमा अर्थतन्त्र बृद्धि हुने मुलुकमध्ये एक हो । भारतीय अर्थतन्त्रको आकार २.६ ट्रिलियन डलर भएकोको मानिन्छ।
आर्थिक वृद्धिका कारणमा उपभोक्ताले गर्ने खर्चमा भएको वृद्धि तथा उत्पादन क्षेत्रको प्रगति देखिएका छन्।
तर भारतीय रुपियाँको कुरा गर्ने हो भने यो अवधिमा भारतीय रुपैयाँ अमेरिकी डलरको तुलनामा निकै घटेको छ।
लगातार पाँच महिनादेखि अवमूल्यन भइरहेको भारुको भाउ अगस्ट महिनामा मात्रै ३.६ प्रतिशतले घट्यो।
अन्य उदाउँदा अर्थतन्त्रहरूमा जस्तै भारतमा मुद्राको अवमूल्यन खासगरी अमेरिकाले चिनियाँ वस्तुहरूमा थप शुल्क लगाउने अनुमानका कारण भएको ठानिन्छ। सन् २०१८ को सुरुदेखि यता मात्रै भारुले १० प्रतिशत अवमूल्यन बेहोरिसक्यो।
यसका अन्य कारणमा बढ्दो व्यापार घाटाप्रतिको चिन्ता अनि बढ्दो इन्धन तथा उपभोग्य सामग्रीको मूल्य रहेका छन्।
कुल गार्हस्थ उत्पादनको वृद्धि दर राम्रो मानिए पनि कतिपय जानकार भन्छन्, यो वृद्धि दर लामो समय नजान सक्छ। बीबीसी
>
>
सम्झौताको २२ वर्षपछि नहर बनाउन भारत अग्रसर
एभरेष्ट दैनिक
१५ भदौ, २०७५
>
आमाले नै रोकिन् छोरीको बालविवाह
एभरेष्ट दैनिक
१५ भदौ, २०७५
भर्खरै
लोकप्रिय
एभरेष्ट दैनिक
रवि लामिछाने फेरि प्रहरीको हिरासतमा
एभरेष्ट दैनिक
१६ घण्टा अघि
प्रदेश नं २ मा आइतबार सार्वजनिक विदा !
जनकपुर, भदौ १५ । प्रदेश नं २ को सरकारले आइतबार (भदौ १७) सार्वजनिक विदा दिने निर्णय गरेको छ । कृष्ण जन्माष्टमीमा सार्वजनिक बिदा दिने भएको हो । बिहीबार बसेको मन्त्रिपरिषद्को बैठकले कृष्ण जन्माष्टमीको अवसरमा भदौ १७ गते आइतबार सार्वजनिक बिदा दिने निर्णय गरेको हो। प्रदेश २ मा बहुसंख्यक हिन्दु धर्मावलम्बी रहेको र उनीहरुले धुमधामका साथ यो पर्व मनाउने भएकोले बिदा दिइएको जनाइएको छ।
पुलबाट कार खस्दा २ जना घाइते
चितवन, भदौ १५ । काठमाडौंबाट दाङ जाँदै गरेको कार शुक्रबार बिहान जुगेडी पुलबाट तल खस्दा दुई जना घाइते भएका छन् । जिल्ला प्रहरी कार्यालयलका अनुसार बिहान ७ बजेतिर बा१७च २२१ नं को कार आफै अनियन्त्रित भई नारायणगढ मुग्लिन सडक खण्डको जुगेडी पुलबाट तल खसेको हो । कारका चालक रामेछाप निवासी २१ वर्षीय एकराज खत्री र कारमा सवार कञ्चनपुर जिल्लाको बेलौलीका ३४ वर्षीय दुर्गाप्रसाद चौधरी घाइते हुनुभएको छ । पुरानो मेडिकल कलेजमा उपचार भइरहेको उहाँहरूको अवस्था खतरामुक्त रहेको प्रहरीले जनाएको छ । -रासस
रानीपोखरीमा ३ करोड रुपैयाँ डुब्दै !
काठमाडौं, भदौ १५ । काठमाडौं महानगरपालिकाले रानीपोखरी निर्माणमा संलग्न ठेकेदारलाई भुक्तानी रकम दिएपछि सर्वोच्च अदालतमा मुद्धा दायर गरेका छन् । रानीपोखरीलाई प्रताप मल्ले बनाएको शैलीमा निर्माण गर्न हालका विभिन्न संरचना भत्काउनुपर्छ । मेयर विद्यासुन्दर शाक्यले आफ्नो चुनावी प्रतिबद्धता पालना गरे रोनीपोखरी बनाइएका संरचना भत्काउनुपर्ने हुन्छ । कान्तिपुर दैनिकमा यो खबर छ । संरचना भत्कउँदा ३ करोड रुपैयाँ बालुवामा पानी सरह हुने भएको छ । महानगरले ठेकेदारलाई निर्माणका लागि २० प्रतिशत रकम दिईसकेको छ । तयसबाहेक थप रकम माग गर्दै ठेकेदार अदालत गएका हुन् । महानगरका प्रवक्ता ज्ञानेन्द्र कार्कीका अनुसार रानीपोखरी पुननिर्माणको लागत ६ करोड ३१ लाख रपैयाँमा ठेक्का दिएको हो ।
चिकित्सक एकमुष्ट लाइसेन्स बुझाउँदै
काठमाडौं, भदौ १५ । चिकित्सकसँग भएको मौखिक सहमति अनुरुप सरकारले कानुन संशोधनन प्रक्रिया अघि नबढाएको भन्दै नेपाल चिकित्सक संघले आफ्ना सदस्य चिकित्सकको लाइसेन्स नेपाल मेडिकल काउन्सिलमा एकमुष्ट बुझाउने तयारी गरेको छ । संघका महासचिव डा. लोचन कार्कीले चिकित्सकसँग गरेको सहमतिमा सरकार गम्भीर र इमानदार नदेखिएकाले लाइसेन्स बुझाउने निर्णय गर्नुपर्ने अवस्था आएको बताए । भदौ १ मै मेडिकल काउन्सिलमा लाइसेन्स बुझाउने तयारी गरेका चिकित्सकहरु कानुनमन्त्री भानुभक्त ढकालको आश्वासनपछि केही समयका लागि पर्खेका हुन् । उनीहरुले मुलुकी अपराध संहितामा संशोधन प्रक्रिया अघि बढाउन शुक्रबारसम्मको समय दिएका छन् । नागरिक दैनिकमा खबर छ ।
गोसाइँकुण्डमा भक्तजनले चढाएको भेटी सार्वजनिक
रसुवा । जनैपूर्णिमा पर्वमा गोसाइँकुण्डमा भक्तजनले चढाएको भेटी सार्वजनिक भएको छ । गोसाइँकुण्ड क्षेत्र विकास समितिका अध्यक्ष सञ्जीव डिएमका अनुसार भक्तजनले चढाएको भेटी नेपाल प्रहरीको रोहवरमा गणना गर्दा रु एक लाख ४१ हजार ६०० सङ्कलन भएको र सो भेटी गोसाइँकुण्ड महादेवका नामबाट खोलिएको गोसाइँकुण्ड क्षेत्र विकास समितिको नाममा दाखिला गरिएको हो । गोसाइँकुण्ड मेला भर्न आएका सबै तीर्थयात्रु आफ्नो गन्तव्यतर्फ फर्किसकेको र कुण्डदेखि धुञ्चेसम्म मेला भर्ने सबै यात्रु गन्तव्यतर्फ गइसकेको जिल्ला प्रहरी कार्यालयले जनाएको छ । प्रहरीका अनुसार गोसाइँकुण्ड मेला शान्त वातावरणमा सम्पन्न भएको हो । गोसाइँकुण्ड मेलामा लेक लागी जटिल अवस्थामा पुगेका नौजनालाई नेपाली सेनाले उद्धार गरेको थियो । रासस
बस दुर्घटना हुँदा १७ घाइते, ३ गम्भीर
राजविराज, भदौ १४ । सप्तरीमा बिहीबार बस दुर्घटना हुँदा १७ जना घाइते भएका छन् । तीनको अवस्था गम्भीर छ । पोखराबाट काँकडभिट्टातर्फ जाँदै गरेको ना५ख ६९४२ नंको बस पूर्व–पश्चिम राजमार्ग अन्तर्गत खडक नगरपालिकाको कल्याणपुरमा दुर्घटनामा परेको हो । बस अनियन्त्रित भई सडकमा पल्टेको हो । इलाका प्रहरी कार्यालय कल्याणपुरका अनुसार गम्भीर घाइतेलाई धरानस्थित बिपी कोइराला स्वास्थ्य विज्ञान प्रतिष्ठान लगिएको छ । रासस
एकैरातमा तीन ठाउँमा चोरी
हेटौँडा, भदौ १४ । हेटौँडामा एकैरातमा तीन ठाउँमा चोरी भएका छन् । हेटौँडा उपमहानगरपालिका–१ को कार्यालय, हेटौँडा टिसिएनमा रहेको एसबिआई बैंक र हेटौँडा–१० मा रहेको साथीको मनी ट्रान्सफरमा चोरी भएको हो। हेटौँडा उपमहानगरपालिका–१ को चाइनाक्वाटरमा रहेको वडा कार्यालयबाट रु ६१ हजार ५० चोरी भएको वडाध्यक्ष सविन न्यौपानेले जानकारी दिए । उनका अनुसार कार्यालयमा रहेको दराज फोडिएको छ । कार्यालयका कागजपत्र भने दुरुस्त रहेको अध्यक्ष न्यौपानेले बताए । कार्यालय चोरी भएको उज्यालो भएपछि थाहा पाएर स्थानीयले प्रहरीलाई खबर गरेका थिए । यस्तै राति नै हेटौँडा–१० टिसिएनरोडमा रहेको एसबिआई बैंकको सटरको ताला मात्र फोडिएको र रकम भने चोरी नभएको प्रहरीले पुष्टि गरेको छ । बैंकको तीनवटा सटरमा लगाइएको ताला फोडिएको अवस्थामा पाइएको प्रहरीले जनाएको छ । सटर फोडिएको पाइएपछि चोरी भएको आशङ्कामा प्रहरीले अनुसन्धान गर्दा नगद भने चोरी नभएको पाइएको मकवापनुरका प्रहरी नायब उपरीक्षक नरेशकुमार सिंहले जानकारी दिए । यसैगरी हेटौँडा–१० मा रहेको साथीको मनी ट्रान्सफरमा पनि चोरी भएको छ । गए राति नै भएको चोरीमा नगद तथा रिचार्ज कार्ड चोरी भएको बताइएको छ । मनी ट्रान्सफरको सटर फोडेर चोरी भएको प्रहरीले जनाएको छ । मनी ट्रान्सफरबाट भएको चोरीको विवरण भने आई नसकेको प्रहरी नायब उपरीक्षक सिंहले जानकारी दिए । रासस
हात्तीको आक्रमणबाट माउतेको मृत्यु
चितवन । चितवन राष्ट्रिय निकुञ्जको हात्तीको आक्रमणबाट बिहीबार बिहान माउतेको मृत्यु भएको छ । मृत्यु हुनेमा सुनसरी कुसाहा–८ घर भई निकुञ्जमा कार्यरत २७ वर्षीय बुहरीलाल सरदार रहेको निकुञ्जले जनाएको छ । निकुञ्जका अनुसार सरदार सौराहास्थित हात्तीसारमा रहेको मोतीप्रसाद (ख) नाम गरेको हात्ती लिएर घाँस काट्नका लागि निस्किएका थिए । सोही क्रममा नजिकैको वन क्षेत्रमा हात्तीले माउतेलाई आक्रमण गरेको हो । घाँस काट्न गएका दुईमध्ये अर्का एक रुखमा चडेर बाँच्न सफल भएका थिए । सरदार यही भदौ ५ गते सोही हात्तीको माउतेका रुपमा करारमा नियुक्त भएका थिए । रासस
एयरलाइन्स कम्पनी र नाट्टाबीच छलफल
काठमाडौँ, भदौ १४ । नेपाली एयरलाइन्स र ट्राभल एण्ड ट्रेडले एयरलाइन्स कम्पनी र नेपाल एशोसिएशन टुर्स एण्ड ट्राभल (नाट्टा) ले संयुक्त कार्यदल बनाएर अगाडि बढ्ने भएका छन् । ती दुईसंसथाबीच बुधबार भएको छलफलमा एयरलाइन्स र ट्राभल एण्ड टे«डले भोग्नुपरेका समस्या समाधनका लागि संयुक्त कार्यादल बनाएर अगाडि बढ्ने निर्णय भएको हो । संयुक्त कार्यदलले समस्या समाधानका लागि संस्कृति पर्यटन तथा नागरिक उड्डयन मन्त्रालय, पर्यटन विभाग, नेपाल पर्यटन बोर्ड, अध्यागमन विभाग, नागरिक उड्डयान प्राधिकरणलगायत सरोकारवाला संस्थासँग छलफल गर्ने निर्णय भएको प्रेसिन्डेन्ट ट्राभलका सञ्चालक भोला थापाले जानकारी दिए । बैठकमा विमानस्थल अवतरण शुल्कमा छुट दिनुपर्ने, एयरलाइन्सले विदेशबाट तेल हालेर आउने भएकाले स्वदेशमै सस्तो दरमा तेल उपलब्ध गराउन पहल गर्नुुपर्नेलगायतका विषयमा समेत छलफल भएको थियो । नाट्टाका अध्यक्ष सिएन पाण्डेले सरकारले सन् २०२० लाई पर्यटन वर्ष घोषणा गरिएको र त्यसबखत २० लाख पर्यटक भित्र्याउनका लागि सरकारले एयरलाइन्सलाई सहजीकरण गर्नुपर्ने बताए । नाट्टाका महासचिव रमेश थापाले एयरलाइन्सले विभिन्न समयमा टिकटमा निकाल्ने छुट तथा विभिन्न प्रदर्शनीबारे जानकारी नाट्टाको इ–बुलेटिनमार्फत प्रचारप्रसार गर्न एयरलाइन्सका प्रतिनिधिलाई आग्रह गरे । नाट्टाले यो वर्षबाट ‘बुद्धिष्ट टुरिजम एक्पो’ आयोजना गर्न लागेको भन्दै उक्त एक्पो सफल बनाउन एयरलाइन्स कम्पनीले सहयोग गर्नुपर्ने उनको भनाइ थियो । रासस
प्रत्येक वडामा वाइफाई फ्रि !
बैतडी, भदौ १४ । बैतडीको दोगडाकेदार गाउँपालिकाका हरेक वडा कार्यालयमा इ-हाजिरी र इन्टरनेट जडान गरिने भएको छ । गाउँपालिकाभित्र रहेका ८ वडा कार्यालयमा इ-हाजिरी र इन्टरनेट जडान गर्ने कार्य चालु आर्थिक वर्षभित्रै गरिने गाउँपालिका अध्यक्ष चक्र कार्कीले जानकारी दिए । हरेक वडा कार्यालयका लागि प्रशासनिक खर्चवापत छुट्याइएको रु ५ लाख बजेटबाटै इ–हाजिरी र इन्टरनेट जडान गर्न निर्देशन दिइएको उनले बताए । गाउँपालिकालाई प्रविधिमैत्री बनाउने उद्देश्यले उक्त कार्य गर्न लागिएको बताइएको छ । उक्त गाउँपालिकाको कार्यालयमा गत वर्ष नै इ–हाजिरी, इन्टरनेट र सिसिटिभी जडान गरिएको छ । कार्यालयको सबै कामलाई पारदर्शी ढङ्गले अगाडि बढाउन आधुनिक प्रविधिको प्रयोगमा गाउँपालिकाले जोड दिएको छ । यस्तै, उक्त गाउँपालिकाले आफ्नो क्षेत्रभित्रका सम्पूर्ण माध्यमिक विद्यालयमा कम्प्युटर, इ-हाजिरी, इ-पुस्तकालय र प्रोजेक्टरका साथै फ्रि इन्टरनेटका लागि निरन्तरता दिएको छ । -रासस
बाजेको सेकुवाको सिलबन्दी र ब्राण्ड खारेज नगर्न सर्वोच्चको आदेश
काठमाडौं, भदौ १४ । सर्वोच्च अदालतले बाजेको सेकुवाका शाखाको सिलबन्दी र ब्राण्ड खारेज गर्ने निर्णय तत्काल कार्यान्वयन नगर्न अन्तरिम आदेश जारी गरेको छ । न्यायाधीश सपना प्रधान मल्लको एकल इजलाशले बुधबार बाजेको सेकुवाका शाखाको सिलबन्दी र ब्राण्ड खारेज गर्ने निर्णय तत्काल कार्यान्वयन नगर्न अन्तरिम आदेश जारी गरेको हो । सिलबन्दी गर्ने सरकारको निर्णयविरुद्ध बाजेको सेकुवाका लगानीकर्ता चेतन भण्डारीको पत्नी नीतिमा भण्डारीले यही भदौ १० गते सर्वोच्च अदालतमा रिट दायर गर्नुभएको थियो । सरकारले शङ्काको भरमा बाजेको सेकुवा शाखामा तालाबन्दी हुँदा सो निर्णय खारेज गर्न आदेशमा माग गरिएको थियो । आदेशमा नेपालको संविधानमै पेशा तथा व्यवसाय गर्न पाउने मौलिक हकको व्यवस्था गरिएको हुँदा सरकारले मौलिक हकविरुद्ध रोक लगाउन नमिल्ने देखिएको र बाजेको सेकुवा सिलबन्दी गर्ने निर्णयका आधार र कारणसमेत नदेखिएको उल्लेख छ । सरकारले सुन तस्कर गरेको पैसा लगानी गरेर बाजेको सेकुवा सञ्चालन गरेको शङ्कामा सिलबन्दी गर्ने निर्णय गरेको थियो । बाजेको सेकुवामा भण्डारीले चूँडामणि उप्रेती ‘गोरे’सँग मिलेर सुन तस्कर गरेर लगानी गरेको आरोप लागेको थियो । -रासस
७५ बर्षीया वृद्धा एक कक्षामा पढ्दै !
खोटाङ । कक्षा-एकका विद्यार्थी जुरीमायाँ राईलाई आफ्ना सहपाठीका कारण अक्षर विग्रनेमा पिरलो हुन्छ । ७५ वर्षिया जुरीमायाँले कक्षामा लेखपढ गरिरहँदा ३ देखि ८ बर्षसम्मका पनाती-पनातिनी (नातीको बच्चाहरु) सरहका सहपाठीहरु उहाँतिरै झ्यामिरहेका हुन्छन् । ‘यिनीहरुले हल्लाईदिएर मेरो अक्षर नै विगारिदिन्छन् के ।’ जुरिमायाँ उति झिँजो त मान्नुहुन्न तर पनि केटाकेटीलाई नियन्त्रण गर्न सकिन्छ की भनेर आफ्नै दुमी राई लवजमा हर्कानुहुन्छ-‘तिम्हारलाई मार्दिन्छु है म त फेरि, चकचक नगरी बस न हन’ तर एक कक्षाको बालबच्चा न हुन् चाला उस्तै । बिक्रम सम्बत २००१ साल साउन ८ गते विहिबार जन्मेकी खोटाङ बाक्सिलाकी जुरीमायाँ राई २०७५ साल साउन ६ गते आईतवार कक्षा एकमा भर्ना भएकी हुन् । केपिलासगढी गाउँपालिकामा पर्ने वाक्सिलाकी राईले लेखपढ गर्ने अधुरो धोका पूरा गर्न दिक्तेलवजारस्थित सरस्वती माविमा भर्ना भएकी हुन् । उनको रोल नम्बर ३१ रहेको छ । नेपाल समाचारपत्रमा खबर छ । तीन बर्ष अघि वित्नुभएको जुरीमायाँको श्रीमान पूर्व व्रिटिस लाहुरे थिए। जुरीमायाँको जमानामा पढ्ने र पढाउने कुरै नभए पनि श्रीमानसँग पल्टन (मरक्का) मा रहँदा पढ्न सुरु गरेकी थिइन् । तर त्यहाँ बसेको एक महिना वित्न नपाउँदै हङकङ सर्नुपरेको कारण उनको पढ्ने धोको अधुरै रहेको थियो । सोही अधुरो धोको पूरा गर्न उनी अहिले एक कक्षाको विद्यार्थी बनेकी छन् ।
१५ दिनमा २ किशोरीको बलात्कारपछि हत्या, साउनमा मात्रै सात बलात्कार !
कञ्चनपुर, भदौ १४ । कञ्चनपुरमा १५ दिनको अन्तरमा दुई किशोरीको बलात्कारपछि हत्या भएको छ । २६ असारमा घरबाट किताब किन्न भनेर हिँडेकी कृष्णपुर नगरपालिका-८ की १७ वर्षीया कविता विष्टको बलात्कारपछि हत्या भएको १५ दिनपछि नै १० साउनमा १३ वर्षीया बालिका निर्मला पन्तको बलात्कारपछि हत्या भयो । यस वर्षको साउनमा मात्रै कञ्चनपुरमा बलात्कारका सात घटना भएका छन् । जिल्ला प्रहरी कार्यालय कञ्चनपुरको तथ्यांकअनुसार १ साउनमा पुनर्वास नगरपालिकाकी ३९ वर्षीया महिलालाई ३० वर्षीय युवक नरेश रानाले जबर्जस्ती बलात्कार गरे । भैँसी चराउन गएकी ती महिलालाई रानाले कोही नभएको मौका छोपी उखुबारीमा लगेर जबर्जस्ती करणी गरेका थिए । आजको नयाँ पत्रिकामा खबर छ । त्यसक्रममा महिला कराएपछि स्थानीयले घटनास्थलमै पुगेर रानालाई समाती प्रहरीलाई बुझाएका थिए । प्रहरीले रानाविरुद्ध जबर्जस्ती करणी उद्योगअन्तर्गत मुद्दा चलाएको छ ।पुनर्वासमा उक्त घटना सेलाउन नपाउँदै ४ साउनमै ९ वर्षीया बालिका बलात्कृत भइन् । पुनर्वास-३ का २१ वर्षीय सलिम अन्सारीले घरमा कोही नभएको वेला बालिका बलात्कार गरेका थिए । अन्सारीविरुद्ध पनि कञ्चनपुर प्रहरीले जबर्जस्ती करणीमा मुद्दा चलाएको छ । १० साउनमा शुक्लाफाँटा नगरपालिका-८ नौखुरीकी २० वर्षीया महिलालाई ३२ वर्षीय बिन्तीराम चौधरीले बलात्कार गरे । घरमै सुतिरहेकै अवस्थामा महिलालाई बलात्कार गरी चौधरी भागेका थिए । प्रहरीमा महिलाले दिएको उजुरीका आधारमा चौधरी पक्राउ परेपछि अहिले जबर्जस्ती करणीमा मुद्दा चलाएको छ ।
दोषीलाई कडा कारवाहीको माग
काठमाडौं, भदौ १३ । अन्तर पार्टी महिला सञ्जालले मुलुकभर महिला तथा बालबालिकामाथि भएका हिंसा र बलात्कारका घटनासम्बन्धमा छानबिन गरी कारवाही गर्न सरकारसँग माग गरेको छ । सञ्जालले बुधवार गृहमन्त्री रामबहादुर थापालाई ध्यानाकर्षणपत्र बुझाउँदै त्यस्ता घटनामा संलग्न दोषीलाई कुनै पनि बहानामा उम्मुक्ति दिन नहुने जनाएको हो । सञ्जालका अध्यक्ष नीलम बर्मा नेतृत्वको टोलीले पछिल्लो समय मुलुकभर महिला तथा बालबालिकामाथि हिंसा, बलात्कार र हत्याका घटना बढ्दै गएको भन्दै गृहमन्त्रीको ध्यानाकर्षण गराएको छ । “कतै बोक्सीको नाममा महिलामाथि क्रूर यातना दिने काम भइरहेको छ भने कतै प्रथा परम्पराको नाममा महिलामाथि अपमान र तीरस्कार भइरहेको छ”, ध्यानाकर्षणपत्रमा उल्लेख छ । त्यस्ता घटनाले मानव अधिकारको खिल्ली उडाउनुका साथै महिला समुदायलाई नै अपमानित र आक्रोशित तुल्याएको सञ्जालले जनाएको छ ।
बिमस्टेक शिखर बैठकका एजेण्डा तय
काठमाडौं, भदौ १३ । बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) शिखर बैठकका एजेण्डाको अन्तिम टुंगो लागेको छ । परराष्ट्रमन्त्रीस्तरीय बैठकले चौथो शिखर सम्मेलनको एजेण्डा र काठमाडौं घोषणापत्रको मस्यौदालाई अन्तिम रूप दिएको हो । काठमाडौंस्थित होटल सोल्टीमा परराष्ट्रमन्त्री प्रदीपकुमार ज्ञवालीको अध्यक्षतामा बसेको बैठकले बिमस्टेक सम्मेलन तथा समझदारीपत्रको तयारी एवम् शिखर सम्मेलनका एजेण्डाहरुलाई अन्तिम रुप दिएको हो । मन्त्रीस्तरीय बैठकमा बिमस्टेकका महासचिवको प्रतिवेदन, हिजो सम्पन्न बिमस्टेकका बरिष्ठ पदाधिकारीको १९ औँ बैठक तथा बिशेष बैठकका प्रतिवेदन पेश गरिएको परराष्ट्र मन्त्रालयले जनाएको छ । मन्त्रीस्तरीय बैठकले अन्तिम रुप दिएका एजेण्डालाई भोलि (बिहीबार) शुरु हुने शिखर सम्मेलनमा प्रस्तुत गरिनेछ । बैठकमा सदस्य राष्ट्रका परराष्ट्र तथा बाह्य मामिला तथा विदेश मन्त्रीले सम्बोधन गरेका थिए । भारतको बाह्य मामिला राज्यमन्त्री भिके सिंह, बंगलादेशको विदेशसचिव अबुल हसन महमुद अलि, म्यान्मारका अन्र्तराष्ट्रिय सहयोगसम्बन्धी संघीय मन्त्री क्याव तिन, श्रीलंकाका विदेश राज्यमन्त्री बसन्ता सेनानायके र थाइल्याण्डका विदेशमन्त्री दोन प्रमुद विनय नेतृत्वको बैकठमा सहभागीता थियो ।