वीरगन्ज, १० फागुन । जिल्ला शिक्षा कार्यालय बाराका जिल्ला शिक्षा अधिकारी धनप्रसाद पोखरेल विभिन्न विद्यालयविरुद्ध परेका उजुरी हेर्न व्यस्त रहेको छ । जिल्लामा रहेका चार सय २२ विद्यालयका दुई सयभन्दा बढी उजुरी जिल्ला शिक्षा कार्यालय, अख्तियार दुरुपयोग अनुसन्धान आयोग, शिक्षा मन्त्रालय र शिक्षा विभागमा परेका छन् । जिशिअ पोखरेलले दलित छात्रवृत्तिमा अनियमितता भएका उजुरी बढी परेको बताए । उजुरी परेकामध्ये ६० वटा फछ्र्योट भएका तथा अन्य एक सय ४० वटा छानबिनका क्रममा छन् ।

काठमाडौ, माघ ९ । माओवादी केन्द्र निकट अखिल क्रान्तिकारीले राजधानीको प्रदर्शनीमार्गस्थित रत्नराज्य लक्ष्मी क्याम्पस (आरआर) मा स्ववियु सभापतिमा ध्रुवराज वाग्ले, सचिवमा मनोज खतिवडा र कोषाध्यक्षमा सागर लिम्बूलाई अघि सारेको छ । आरआर क्याम्पस समितिको बैठकबाट सर्वसम्मत रुपमा प्रत्यक्षतर्फका तीन कार्यकारी पदका उम्मेदवार टुङ्गो लगाइएको थियो । क्रान्तिकारीका केन्दीय सदस्य समेत रहेका वाग्ले स्याङ्जाका स्थायी बासिन्दा हुन् । समाजशास्त्र विषयमा स्नातकोत्तर तह प्रथम वर्षमा अध्ययनरत वाग्ले उम्मेदवारी घोषणापछि सभापति उम्मेदवार यसपटक आरआरमा क्रान्तिकारीको जित सुनिश्चित रहेको दाबी गरेका छन् ।

काठमाडौँ, फागुन ६ । सरकारले साहसिक विश्व पृथक धाविका मीरा राईलाई रु ३० लाख सहित सम्मान गर्ने भएको छ । प्रधानमन्त्री पुष्पकमल दाहाल‘प्रचण्ड’को निर्देशनमा युवा तथा खेलकुद मन्त्रालयले राईलाई विशेष सम्मान गर्न लागेको होे । राईलाई प्रशिक्षण दिने प्रशिक्षक धुवविक्रम मल्ललाई पनि रु तीन लाखसहित सम्मान गर्ने मन्त्रालयले योजना बनाएको खेलकुदमन्त्री दलजित श्रीपाइलीले जानकारी दिनुभयो । राई टेलिभिजन नेसनल जोग्राफीले सार्वजनिक गरेको वर्ष व्यक्ति समेत हुन् । राई यतिबेला सोही पुरस्कार ग्रहणका लागि संयुक्त राज्य अमेरिकामा हुनुहुन्छ । भोजपुरकी राई किशोर उमेरमा सशस्त्र युद्धमा सामेल भएकी थिइन् । माओवादी सेनाकै ‘पिएलए स्पोर्टस क्लब’ देखि खेल जीवन सुरु गर्नुभएकी राईलाई अयोग्य लडाकु घोषणा गरिएको थियो । अर्थाभावका कारण मलेसिया जान राहदानीसमेत तयार पार्नुभएकी राईलाई बालाजु कराते डो प्रतिष्ठानका अध्यक्ष तथा प्रमुख प्रशिक्षक मल्लले आफ्नै खर्चमा खेल जीवनमा फर्काउनुभएको थियो । राई गत वर्ष फ्रान्समा सम्पन्न ८० किमी विश्व म्याराथनमा १७ वर्षअघिदेखिका विश्वविजेतालाई पछि पार्दै च्याम्पियन बन्नुभएको थियो । सरकारले आफूहरुलाई सम्मान गर्न लागेको जानकारी प्राप्त भएकामा खुसी व्यक्त गर्दै प्रशिक्षक मल्लले राष्ट्रका लागि पु¥याइएको योगदानको कुनै न कुनै बेला स्म्मान हुने बताउनुभयो । रासस

काठमाडौं, फागुन ४ । एट्लान्टिक स्पोर्टस म्यानेजमेन्टको आयोजनामा नेपालमा एसी मिलान जुनियर फुटबल क्याम्प संचालन हुने भएको छ । उक्त क्याम्पमा सहभागी हुनका लागि खेलाडीहरुले भने प्रतिव्यक्ति ३० हजार तिर्नुपर्नेछ । भक्तपुरस्थित मध्यपुर युथ एसोसियसन क्लबको मैदानमा चैत ८ गतेदेखि एक सातासम्म सो क्याम्प सन्चालन हुनेछ । इटालीको प्रतिष्ठित घरेलु लिग सिरी ‘ए’को टोली एसी मिलानसँगको सहकार्यमा नेपालमा क्याम्प सन्चालन हुन लागेको हो । नेपाली युवा खेलाडीहरुलाई एक सातासम्म एसी मिलानको एकेडेमीमा प्रशिक्षण गराइरहेका प्रशिक्षकहरुबाट फुटबल प्रशिक्षणका साथै अरु व्यावहारिक तथा सैद्धान्तिक शिक्षा प्रदान गरिने जनाइएको छ । सहभागीताका लागि खेलाडीले फागुन १७ गतेभित्र नाम दर्ता गराइसक्नुपर्ने छ । आयोजक एट्लान्टिक स्पोर्टस म्यानेजमेनटका सन्चालक हरि खड्काले एसी मिलानजस्तो विश्व चर्चित क्लबको क्याम्पमा नेपाली युवा खेलाडीले प्रशिक्षण गर्न पाउँदा खेलाडी र समग्र नेपाली फुटबललाई नै फाइदा पुग्ने विश्वास व्यक्त गरे ।

काँकडभिट्टा, फागुन ४ । भारतको दार्जिलिङ जिल्लाबाट छुट्टिएको कालिम्पोङ लाई फरक जिल्ला घोषणा गरिएको छ । योसँगै कालिम्पोङ पश्चिम बंगालको २१ औँ जिल्ला बनेको छ । पश्चिम बंगालकी मुख्यमन्त्री ममता बेनर्जीले दार्जिलिङ जिल्लाबाट कालिम्पोङ छुट्टाउने घोषणा गरेको १४ महिना पछि कालिम्पोङ फरक जिल्लाका रुपमा स्थापित भएको भारतीय सञ्चारमाध्यमले जनाएका छन् । मुख्यमन्त्री बेनर्जीले कालिम्पोङको खानेपानी समस्या समाधानका लागी ५० करोड रुपैयाँ समेत प्रदान गर्ने घोषणा गर्नुभएको छ । विधानसभाका विधायक तथा जनआन्दोलन पार्टीका अध्यक्ष हर्कबहादुर क्षेत्रीले कालिम्पोङलाई अलग जिल्ला बनाउने अभियान सुरु गरेका थिए । क्षेत्रीले आफ्नै पहलकदमीबाट कालिम्पोङलाई जिल्ला बनाउन अभियान सुरु गर्नुभएको थियो । कालिम्पोङलाई दार्जिलिङबाट अलग्याएपछि गोर्खाल्याण्ड आन्दोलन कमजोर हुने मुख्यमन्त्री बेनर्जीको रणनीति रहेको गोर्खा जनमुक्ति मोर्चाका नेताले प्रतिक्रिया दिएका छन् । नेपाली भाषी बाहुल्य क्षेत्रलाई अलग बनाउँदा गोर्खाल्याण्ड मागको आन्दोलन कमजोर बन्न सक्ने विज्ञहरुको भनाई छ । सन् १७०० मा सिक्किमको एक भाग रहेको कालिम्पोङ्ग सन् १८८५ मा एङ्लो भुटान युद्धपछि दार्जिलिङमा गाभिएको थियो । करिब दुई सय वर्षपछि कालिम्पोङ पुन दार्जिलिङबाट पनि अलग्गिएको हो ।

फागुन ३ । दक्षिणी भारतको तमिलनाडु राज्यकी नेतृ शशिकला नटराजनलाई त्यहाँकाे अदालतले भ्रष्टाचार गरेको ठहर गरेकाे छ । सर्वोच्च अदालतले उनलाई चार वर्ष जेल सजाय सुनाएको हाे । शशिकलाको सम्पति उनको आम्दानीभन्दा बढी भएको ठहर गर्र्दै अदालतले उनलाई दोषी ठहर्याएको हो । शशीकला गत वर्ष निधन भएकी तमिलनाडुकी पूर्व मुख्यमन्त्री जयललिताको नजिककी सहयोगी र लामो समयसम्म सहकार्य गरेकी पात्र हुन्। राजनीतिक अनुभव नभएपनि नटराजनलाई तमिलनाडुको सत्तारुढ पार्टीले उनलाई नेता चयन गरेको थियो। अदालतको फैसलासँगै उनी उक्त राज्यको मुख्यमन्त्री बन्ने सपना भने तुहिएको छ ।

लमजुङ, माघ २४ । सार्क राष्ट्रमै नमुना मानिएको घलेगाउँमा आउने पर्यटकले अब आचारसंहिता पालना गर्नुपर्ने भएको छ । घलेगाउँ पर्यटन विकास समितिले गाउँमा आउने पर्यटकका लागि १२ बुँदे आचारसंहिता बनाएको हो । सो आचारसंहितामा गाउँमा आउने सबै पर्यटकले पहिले स्थानीय समितिमा नाम दर्ता गराउनुपर्ने हुन्छ । नाम दर्ता गराएसँगै समितिले पाहुनाको स्वागतसहित व्यवस्थापन गर्छ । पर्यटकले स्थानीय उत्पादन बाहेक गाउँमा उपलब्ध नहुने कुनैपनि कुरा माग गर्न पाउँदैनन् । स्थानीयवासीको क्षमताभन्दा बाहिरको कुनै पनि चिज लेनदेन गर्न नपाइने पनि आचारसंहितामा उल्लेख छ । बाल दुव्र्यव्यवहार, बाल तथा महिला बेचबिखन, यौनजन्य दुव्र्यवहार, लागुऔषध सेवन लगायतका क्रियाकलाप निषेध गरिएको छ । पर्यटकले स्थानीय समुदायमा कुनै असर गर्ने क्रियाकलाप गर्न नपाउने कुरा उल्लेख छ । स्थानीय कला, संस्कृति र सस्कारका साथै स्थानीय पर्यावरणमा असरपुग्ने कुनै पनि क्रियाकलाप गर्न पर्यटकलाई निषेध गरिएको छ भने उनीहरुले तोकिएका नियम पालना गर्नुपर्ने पनि आचारसंहितामा उल्लेख छ ।

पेइचिंग । यस वर्ष चीनमा इलेक्ट्रो–म्यागनेटिक डेटा जम्मा गर्नका लागि सैटलाइट लन्च गर्ने भएको छ जबकी भूकम्पका पूर्वानुमान दिनका लागि सहयोग गर्ने छ । चीनको आधिकारिकको मुताबिक यस सैटलाइटपछिको लन्च गर्ने भएको छ । यस सैटलाइटको प्रयोग चीन र उसको आसपासका इलाकामा भुकम्पको वास्तविक समय अनुगमनको लागि हुनेछ । कृपया पहिलो पटक अन्तरिक्ष मा चिनियाँ उपग्रह बताउन भूकम्पीय अनुगमनमा पठाउने भएको छ । शेन शुई, उपग्रह को मिशन को उप प्रमुख यस्तो तरिकाले अर्को पाँच वर्ष कि मा डिजाइन गरिएको छ अनुसार, यो कक्षामा रहन सक्छ र भूकम्पीय विद्युत अवस्था रेकर्ड गर्न। ६ वा थप परिमाणसँग भूकम्प पहिले नै थाहा हुनेछ।

पोखरा, माघ २३ । प्र्रयत्नशील युवा क्लब मौजाको सक्रियतामा कास्कीकाे उत्तरीभेगस्थित मौजा गाविस वडा नं १ देउरालीमा करिब रु ३० लाखको लागतमा भलिबल र बास्केटबल मैदान निर्माण गरिएको छ । उक्त सुविधासम्पन्न खेल मैदानका लागि राष्ट्रिय खेलकुद परिषद्बाट रु पाँच लाख, गाविसबाट रु तीन लाख ५० हजार र स्थानीयवासीबाट रु २१ लाख ५० हजार प्राप्त भएको थियो । खेल मैदानसहित आवश्यक भौतिक संरचना निर्माणका लागि मौजामा जन्म भई हाल रोजगारीका सिलसिलामा विभिन्न मुलुकमा रहनुभएका व्यक्ति एवम् पोखरा र काठमाडौँका बासिन्दाबाट आर्थिक सहयोग जुटाइएको निर्माण समितिका सदस्य सीम गुरुङले जानकारी दिए । क्लबको आयोजनामा वसन्त पञ्चमी मेलाका अवसरमा आयोजित अन्तरक्लब भलिबल तथा छेलो प्रतियोगिता पहिलो पटक आफ्नै सुविधासम्पन्न खेलमैदानमा सम्पन्न गर्न पाएकामा हर्षित हुँदै उनले भने, “ऐतिहासिक, धार्मिक एवम् पर्यटकीय गाउँ मौजामा कृषि र पर्यटन प्रवद्र्धनमा पनि हामी जोड दिन्छौँ ।” समुद्री सतहबाट करिब एक हजार ४०० मिको उचाइमा अवस्थित तथा पोखराबाट लगभग १५ किमीको दूरीमा रहेको सो गाउँ प्रचुर पर्यटकीय सम्भावना भएर पनि उचित प्रचारप्रसारको अभावमा ओझेलमा परेको छ ।

फ्रान्सकी आयरिश मित्तेनायरेले मिस यूनिभर्सको ताज जितेकी छिन् । पेशाले दन्त चिकित्सक आयरिशले अन्तिम चरणमा पुगेका दुई अन्य प्रतियोगीले उछिन्दै आयरिशले मिस यूनिभर्सको उपाधी जितेकी हुन । प्रतियोगिताको दोश्रो स्थान मिस हैटी पेलिसियरले हासिल गरिन भने मिस कोलम्बिया २३ वर्षीय एन्ड्रिया टोवर तेश्रो स्थानमा रहिन ।

पाँचथर, माघ १७ । अत्याधिक मादक पदार्थ सेवनका कारण पाँचथरको प्राङबुङ–८ मा एक व्यक्तिले आफ्नै साथीको हत्या गरेका छन् । मृत्यु हुनेमा मेमेङ–५ का १९ वर्षीय अजय रहेका छन् । आइतबार प्राङबुङ–८ मा रहेको स्थानीय हाट बजार भर्न आएका उनीहरु अत्याधिक मादक पदार्थ सेवन गरेपछि दुवैबीच झगडा हुँदा उनका साथी सुरेन मगरले अजय राईको हत्या गरेको प्रहरीको प्रारम्भिक अनुसन्धानबाट खुलेको छ । सो झगडामा गम्भीर घाइते भएका मगरको प्रहरीको निगरानीमा जिल्ला अस्पताल पाँचथरमा उपचार भइरहेको जिल्ला प्रहरी कार्यालय पाँचथरका प्रहरी सहायक निरीक्षक विष्णु खड्काले जानकारी दिए ।

तिलविक्रम थेवे दोहा, (कतार), माघ १७ । संघीय लोकतान्त्रिक राष्ट्रिय मञ्चको प्रवास समिति संघीय लिम्बुवान सामाजिक मञ्च कतारको दोस्रो अधिवेसन भव्यताका साथ सम्पन्न भएको छ । अधिवेसनबाट नरेन्द्र एभेङ्ग लिम्बु पुनः मञ्चको अध्यक्षमा सर्वसम्मत निर्वाचित भएका छन् भने उनको नेतृत्वमा ०१७–०१९ को कार्यकालको लागी ५१ सदस्यीय केन्द्रिय कार्यसमिति गठन गरिएको छ । निर्वतमान महासचिव तिलविक्रम थेवे बरिष्ठ उपाध्यक्ष निर्वाचित भए भने निवर्तमान उपमहासचिव डम्बर लिबाङ मञ्चको महासचिव सर्वसम्मत निर्वाचित भएका छन् । दोस्रो अधिवेसनबाट रेखा राई, किरण लिङदेन, सागर तुम्बाहाम्फे, युवराज बेघा, चन्द्र आङदेम्बे सर्वसम्मत उपाध्यक्ष निर्वाचित भएका छन् । यस्तै सुमन सहयात्री योङहाङ उपमहासचिव र प्रेम हुक्पा चोङवाङ सचिव एवं प्रवक्ता निर्वाचित भए । कुमार योङहाङ अर्थसचिव र बविता नेम्बाङ सह–अर्थसचिव निर्वाचित भएका छन् । नगेन पाकसाँवा, तेन्जिङ शेर्पा (नरमल), होम फियाक, तेजबहादुर थेवे, मेघराज इजम, हर्क खजुम, सन्जय लिम्बु, सिताराम थेवे, ज्ञानेन्द्र लिङदेन, राज सिसाम लिम्बु, अविरमान सावदेन, हरी राई, नेत्र केरुङ, मंगलसिंह लिम्बु, मान बहादुर पाहिम, सन्जोक लिम्बु, डिकेन याक्थुङवा, मोहन केदेम, अर्जुन लक्सम, अमृत कुरुम्बाङ, राम जवेगु थेगिम, अमृत कुरुम्बाङ लिम्बु, सुश्री बिष्णु तामलिङ, मिथुन प्रसाद लिम्बु लगायत केन्द्रिय समितिमा निर्वाचित भएका छन् । अन्य सदस्यहरुलाई मञ्चको पहिलो वैठकले मनोनयन गर्नेछ । संघीय लिम्बुवान सामाजिक मञ्च कतारको अध्यक्ष नरेन्द्र एभेङ लिम्बुको अध्यक्षता, तिलविक्रम थेवे र डम्बर लिबाङको संचालन, रेखा राईको स्वागत मन्तव्य रहेको अधिवेसनलाई सम्बोधन गर्न नेपालबाट आएका संघीय लोकतान्त्रिक राष्ट्रिय मञ्चका केन्द्रिय अध्यक्ष कुमार लिङदेन “मिराक” द्धारा गरिएको थियो । दोस्रो अधिवेसनलाई प्रमुख अतिथीको रुपमा सम्बोधन गर्दै संघीय लोकतान्त्रिक राष्ट्रिय मञ्चका केन्द्रिय अध्यक्ष कुमार लिङदेन “मिराक” ले संघीयताबादी र पहिचानबादी राजनितिक पार्टीहरुको गठबन्धनले उठाइरहेको पहिचानमा आधारित १०ं१ संघीयताको विषयमा, पहिचानको विषयमा, संविधान संशोधनको विषयमा, अघि बढीरहेका विभिन्न राजनितिक मुद्दाहरुको वारेमा प्रष्टयाउदै अव नेपालमा १०ं१ प्रान्तको संघीयता भएन भने मुलुकमा अर्कै परिस्थिति सृजना हुनसक्ने तर्फ सचेत गर्दै प्रवासबाट पनि वैचारिक शक्तिहरुको निर्माण हुदै जानुपर्ने आवश्यक रहेको र अन्तत यसले पनि संघीयता र पहिचानको स्थापनामा नैतिक बल पुग्ने बताउदै नेपालको शासन सत्ताको केन्द्रिय संरचनामै एकात्मकवाद हावी रहेकोले अन्तत आन्दोलन नगरीकन पहिचानमा आधारित प्रान्तहरु स्थापित हुन नसक्ने बताए । मुलुकको राजनितिलाई स्थायित्व दिन, संस्थागत गर्न र मुलुकलाई आर्थिक, सामाजिक समृद्धिमा लैजान संघीयताको आवश्यकता छ । एकात्मकबादी शासनले मुलुकको विकास भएन बरु एकपक्षलाई मात्र पक्षपोषण भएको भन्दै विश्व नै अहिले संघीयता र पहिचानयुक्त सिद्धान्त र मार्गतर्फ गइरहेको कुरा बताए । आफनो भाषा, भेषभुषा, धर्म, संस्कार, समुदाय, माटो, थातथलोमा पहिचानको भावना जिवन्त हुने बताउदै लिम्बुवान, खम्बुवान, तामसालिङ, तमुवान, मगरात नेवा, थारुहट, तराई मधेस, शेपा, खसान,दलित लगायतका समुदायले शदियौदेखि दवाएर राखिएको आफनो मुल पहिचानको सम्मान हुनुपर्ने, जातिजाति विचको इगो, दुश्मनी र शत्रुता नभएर समग्र विकास र स्थायित्वको लागि पहिचानमा आधारित १०ं१ प्रान्तको संघीयता हुनुपर्ने बताए । दोस्रो अधिवेसनलाई शुभकामना मन्तव्य राख्दै नेपाली जनप्रगतिशील मञ्च गल्फ उपशाखाका संयोजक शनि कुमार ओलीले आदिवासी जनजाति लगायत हिमाल पहाड तराई सवैलाई मिलाएर जानलाई संघीयता आश्यक रहेको बताए । अव संघीयता र पहिचान राष्ट्रिय मुद्दाको रुपमा आइसकेकोले यसको ग्यारेन्टीमा कसैले रोकेर नरोकिने बताए । नयाँ शक्ति नेपाल, कतारका संयोजक विवि खरालले कुनैपनि जनजातिले देश नवेचेको तर देश वेच्नेहरु अहिले राष्ट्रबादी भएकोमा आश्चर्य मान्दै देशमा अव हिजो पछाडी परिएको आदिबाासी जनजाति तराइ मधेसलाई अव पनि कतिसम्म पछाडी पारेर राख्ने हो भन्ने प्रश्न राख्दै संघीयता र पहिचानवादीहरुको आन्दोलनमा नयाँ शक्ति नेपालको ऐक्यवद्धता रहेको र संघीयता, पहिचान पक्षधरहरु विच धुव्रिकरण हुनुपर्ने र तथाकथित राष्ट्रबादीहरुलाई परास्त गर्नुपर्ने बताए । अन्य वैचारिक संगठनहरु नेपाली जनसम्पर्क समिति कतारका सभापति केशव भुसाल, नेपाली जनप्रगतिशील मञ्चका कार्यवाहक अध्यक्ष रकमधोज राई, प्रवासी नेपाली मञ्चका उपाध्यक्ष गणेश शिवा, संंघीय समाज कतारका अध्यक्ष चन्द्रसेर राई, जनमुक्ति पार्टीका उपाध्यक्ष मन थापा, प्रवासी तराई मधेस मञ्चका मो. हुसैन खाँनले, कतार नेपाली एकता समाज उपाध्यक्ष मदन श्रीस, नेपाल पत्रकार महासंघ शाखा कतारका सभापति गणेश प्रसाद बन्जाडेले शुभकामना मन्तव्य राखेका थिए । नेपाली प्रवासी आदिवासी जनजाति महासंघ कतारका महासचिव शिव भुजेल, इलाम सेवा समाजका सदस्य लेखु काफले र नेपाल प्रवासी मगर संघ शाखा कतार सचिव रविन थापा मगर, किरात याक्थुङ चुम्लङ कतारका अध्यक्ष मनकुमार आङबो, सन्ध्या ग््रुप अलखोर कतारका अध्यक्ष विरेन्द्र याक्थुङवा, अन्तराष्ट्रिय नेपाली साहित्य समाजका अध्यक्ष कवि तिर्थसंगम राई (कविता सहित), नेपाली महिला समाज कतारका प्रथम उपाध्यक्ष आमिना खाँन लगायतका सामाजिक संघसस्थाले शुभकामना मन्तव्य राखेका थिए भने नेपाली समुदायका अग्रज कमलमणी गुरागाई, दिलकिरण खजुमले शुभकामना मन्तव्य राखेका थिए । मञ्चको स्मारिका समेत विमोचन गरिएको सो उदघाटन कार्यक्रममा लिम्वुवान कलाकारहरुको केलाङ र विचविचमा गायक अमुत लिम्बु र अन्य गायकको लिम्बुवान भावना बोकेको गीतहरुको प्रस्तुतीले उदधाटन कार्यक्रममा रोचकता थपिएको थियो ।

काठमाडौं, माघ १६ । प्रधानमन्त्री प्रचण्डले संविधानको कार्यान्वयनमार्फत आन्दोलनका उपलब्धि संस्थागत गर्नका लागि सबैले हातेमालो गर्नुपर्ने बताएका छन् । शहीद दिवसका अवसरमा सन्देश दिँदै प्रधानमन्त्रीले नेपालमा चलेका बिभिन्न आन्दोलनहरुको उपलब्धिका रुपमा प्राप्त उपलब्धि रक्षा गर्न जोड दिएका हुन । पढ्नुस् प्रधानमन्त्रीको सन्देश नेपाल र हामी सबै नेपालीहरूको आत्मसम्मान र स्वतन्त्रताको लागि आफ्नो जीवन बलिदान गर्ने शहिदहरूप्रति विशेष सम्मान व्यक्त गर्ने दिन हो । शहिद दिवस, २०७३ को यस अवसरमा आफ्नो जीवन अर्पण गर्ने महान् शहीदहरुको श्रद्धापूर्वक स्मरण गर्दै सम्पूर्ण ज्ञात अज्ञात शहिदहरूप्रति हार्दिक श्रद्धाञ्जली अर्पण गर्दछु । नेपाललाई वर्तमान अवस्थासम्म ल्याउन र हामीलाई अहिले प्राप्त स्वतन्त्रताको स्थापनामा महान् शहिदहरूको योगदान उच्च रहेको छ । देशको स्वतन्त्रताको पक्षमा निरङ्कुशता विरुद्ध उभिएर विभिन्न आन्दोलन, जनआन्दोलनका समयमा आफ्नो जीवन बलिदान गर्नुहुने महान शहिदहरूको योगदान सधंै स्मरणीय रहनेछ । राणाकाल शुरु हुनुपूर्वका विभिन्न आन्दोलन, सङ्घर्ष, राणाकाल विरुद्धका चरणवद्ध आन्दोलन, २००७ सालको परिवर्तन, पहिलो र दोस्रो जनआन्दोलन, दश वर्षे जनयुद्ध, मधेश आन्दोलन लगायतका आन्दोलन, जनआन्दोलन तथा सङ्घर्षमार्फत् नेपालले जे–जति उपलब्धि प्राप्त गरेको छ, ती महान् शहिदहरूको सङ्घर्ष र बलिदानीबाट मात्र सम्भव भएको हो । सङ्घीय लोकतान्त्रिक गणतन्त्रलाई संस्थागत गर्न तथा नयाँ संविधानको कार्यान्वयनमार्फत् देशलाई समृद्ध बनाउन शहिदहरूको सपना तथा योगदान सधैं प्रेरणादायी हुनेछ भन्ने विश्वास लिएको छु । यसका लागि शहिदहरूको बलिदानको उच्च सम्मानका साथ उहाँहरूको सपनालाई साकार पार्ने कार्यमा हामी सबै आ–आफ्नो ठाउँबाट निरन्तर प्रयत्नशील रहनु आवश्यक छ । यस अवसरलाई हाम्रो राष्ट्रिय एकतालाई अझ सुदृढ र दरिलो बनाउने गरी उपयोग गर्न तथा यसमा सबै नेपालीहरूले अपनत्व महशुस गर्न सकुन् भन्ने उद्देश्यले सरकारले त्यसतर्फ निरन्तर प्रयास गरिरहेको छ । आजको ऐतिहासिक दिनबाट शान्ति र विकास सहितको समुन्नत् भविष्यका लागि सहकार्य गरी अघि बढ्न सबैलाई प्रेरणा मिलोस् भन्ने कामनासहित शहिदहरूको सपना पूरा गर्न हातेमालो गर्दै अघि बढ्न म सबैमा हार्दिक आव्हान गर्दछु ।

काठमाडौँ, माघ १५ । नेपाल टेलिकमको १ सय रुपैयाँ दरका २० हजार थान रिचार्ज कार्ड हराएका छन् । आयातका क्रममा २० हजार थन रिचार्ज कार्ड हराएको टेलिकमले जनाएको छ । तर उक्त कार्ड कसले कसरी हराए भन्ने बारेमा टेलिकमले केही बताएको छैन । टेलिकमले एक सूचना जारी गर्दै आफ्ना एनटी रिचार्ज कार्ड हराएको जनाएको छ । सिरियल नम्वर १११६१०००८१६००००१ देखि १११६१०००८१६२०००० सम्मको रिचार्ज कार्ड हराएको हो । यि सिरियल नम्बरका रिचार्ज कार्ड खरिद विक्री नगर्न टेलिकमले आह्वान गरेको छ । यसबाट ग्राहकबर्गमा समस्या पर्न सक्ने भएकाले टेलिकमले सचेत रहन भनेको छ । यि रिचार्ज कार्ड बजारमा आए भनेपनि प्रयोग गर्न नसकिने टेलिकमले जनाएको छ ।

काठमाडौं, माघ ११ । चिनको केरुङबाट बा ७८ प २१३१ नम्बरको मोटरसाइकमा नेपाल आउदै गरेका चक्र बहादुर धमला  अबैध सुनको  चक्कि ढिक्कासहित रसुवामा पक्राउ परेका छन् । टिमुरे १ रसुवागढी प्रहरी चेकपोष्टमा चेकजाचँ गर्ने क्रममा  धमलाको साथमा रहेको मनि पर्समा  ११७.३२ ग्राम  अबैध सुन फेला परेको जिल्ला प्रहरी कार्यालय रसुवाका प्रहरी नायव उपरिक्षक फणिन्द्र प्रसाईले बताए । ४६ वर्षीय  धमला  जिल्ला सि.पा सिम्पाल काभ्रे ६ घर भई हाल रसुवा यार्सा  ९ मा बस्छन् । पक्राउ परेका धमला, मोटरसाइकल र बरामद सुन भन्सार कार्यालय टिमुरेमा बुझाईएको  प्रहरी नायव उपरिक्षक फणिन्द्र प्रसाईले जानकारी दिए । रसुवागढी नाकाबाट चीनले एक महिनाका लागि सामान अायात निर्यात बन्द गरेको छ । एक सातादेखि चीनको केरुङबाट नेपाल अाउने र जाने सामान बन्द  छ । भन्सार बन्द हुदाँ सयाौ कन्टेनर भन्सार यार्डमा बसेका छन् । तर सुन तस्करको सक्रियता भने बढेको छ । यस अघि चीनकै केरुङबाट ल्याइएको १५ केजी सुन बालाजु बृतले बरामद गरेको थियो ।