काठमाडौं । काठमाडौं उपत्यकामा गत वैशाख १६ गतेदेखि जारी गरिएको निषेधाज्ञाको अवधि आज राति १२ पछि सकिंदैछ । यसै विषयमा छलफल गर्न आज काठमाडौं उपत्यकाका प्रमुख जिल्ला अधिकारीहरुको बैठक आज अपराह्न चार बजे बस्ने काठमाडौंका प्रमुख जिल्ला अधिकारी कालीप्रसाद पराजुलीले बताए । बैठकमा लामो दुरीका सार्वजनिक यातायातका साधन सन्चालनका सम्बन्धमा पनि छलफल हुने उनले बताए । उनले भने, ‘लामो दुरीका सवारी साधनबारे पनि छलफल हुन्छ, ‘लामो दुरीका गाडीबारे पनि छलफल हुन्छ, तर के गर्ने भन्ने एकिन छैन ।’ ललितपुरका प्रमुख जिल्ला अधिकारी ढुण्डीप्रसाद निरौलाले भने लामो दूरीका सार्वजनिक सवारीलाई जोर बिजोर प्रणालीमा चलाउन दिने कि भन्ने विषयमा छलफल हुने बताए । स्रोतका अनुसार स्वास्थ्य मापदण्ड अपनाएर लामो दुरीका सवारी साधन जोरबिजोर प्रणालीका आधारमा चलाउन दिनेबारे प्रजिअहरुबीच छलफल भइरहेको छ । ‘चलाउने कि नचलाउने, चलाउन दिने भए कसरी चलाउने भन्ने विषयमा छलफल हुन्छ,’ स्रोतले भन्यो । काठमाडौं उपत्यकामा चल्ने सार्वजनिक यातायातका साधनमा यसअघि लगाइएको जोरबिजोर प्रणालीको नियम हटाइसकिएको छ भने बाहिरबाट आउने लामो तथा छोटो दूरीका सार्वजनिक यातायातलाई पासको व्यवस्था गरी उपत्यका भित्रिन दिइएको छ । काठमाडौं उपत्यकामा गत वैशाख १६ गतेदेखि जारी गरिएको निषेधाज्ञाको अवधि आज राति १२ पछि सकिंदैछ ।

सरकारको सिफारिसमा प्रतिनिधिसभा विघटन गर्ने राष्ट्रपतिको निर्णयलाई सर्वोच्च अदालतले बदर गरेपछि यसले चौतर्फी बहस चलेको छ । नेपालको राजनीतिक तथा संवैधानिक इतिहासमा निकै महत्व राख्ने फैसला १६७ पृष्ठ लामो रहेको छ । के छ फैसलामा ?   https://drive.google.com/file/d/13vW7WZmmtZSaquZSK4EpZ4W6Nne_QwBN/view <iframe src=”https://drive.google.com/file/d/13vW7WZmmtZSaquZSK4EpZ4W6Nne_QwBN/preview” width=”640″ height=”480″ allow=”autoplay”></iframe>

पर्वत : घाँस काट्न जाने क्रममा भीरबाट लडेर पर्वतको जलजला गाउँपालिका-७ का ३५ वर्षीय युवक मकरबहादुर केसीको मृत्यु भएको छ । जिल्ला प्रहरी कार्यालय पर्वतका प्रहरी निरीक्षक प्रदीप पौडेलका अनुसार केसी आज करिब ९ बजेको समयमा घाँस काट्नका लागि घरबाट निस्किएका थिए । बिहानै घाँस काट्न निस्किएका उनी दिउँसोसम्म पनि नफर्किएपछि स्थानीयवासीले खोजी गर्दा मृतावस्थामा फेला पारेका हुन् । गाउँदेखि केहीपर वडा नं ७ मै पर्ने सल्यान भन्ने स्थानमा रहेको जङ्गलमा आगलागी भएपछि गाउँले आगो निभाउन जाने क्रममा भिरको डिलमा केसीको चप्पल देखेपछि खोजी गर्दा उनी मृतावस्थामा भेटिएको प्रहरीले जनाएको छ । भिरबाट लडेपछि उनी करिब २ सय मिटर तल पुगेको अवस्थामा शव निकालिएको र परीक्षणका लागि म्याग्दी अस्पताल बेनीमा लगिएको पनि प्रहरी निरीक्षक पौडेलले जानकारी दिए।

काठमाडौं : क्रिकेट श्रीलंकाको निर्देशकमा टम मुडी नियुक्त हुने भएका छन् । उनलाई क्रिकेट श्रीलङ्काले तीन वर्षका लागि अनुबन्ध गर्न लागेको हो । क्रिकेट श्रीलङ्काले हालै आफ्नो विधान संशोधन गर्दै निर्देशकको पद सिर्जना गरेको छ । मुडीले अष्ट्रेलिया, इंग्ल्याण्ड र भारतमा क्रिकेटको बनावटको अनुभवलाई श्रीलङ्काली क्रिकेटको प्रगतिमा उतार्ने विश्वास लिइएको छ । श्रीलङ्काका पूर्वक्रिकेटर समेत रहेका अरविन्दा डी सिल्भाले मुडीको अनुभव श्रीलङ्काली क्रिकेटको स्तर उकास्न महत्वपूर्ण हुने बताए । डी सिल्भाले श्रीलङ्काको खेलकूद मन्त्रालय मातहातको प्राविधिक समितिको नेतृत्व गरेका छन् । उक्त समितिमा रोशन महानामा, मुथैया मुरलीथरण र कुमार संगाकारा समेत छन् । चारै जना सम्मिलित टोलीले मुडी नियुक्तिको सिफारिस गरेको छ । टम मुडी हाल आईपीएलमा सनराइजर्स हैदराबाद फ्रेञ्चाइजको निर्देशकको भूमिकामा छन् । श्रीलङ्काली क्रिकेट बोर्डले निर्णय गरेलगत्तै उनी निर्देशकको रूपमा नियुक्त हुने छन् । उनलाई तीन वर्षे कार्यकालको लागि अनुबन्ध गरिने बताइएको छ ।

हेटौंडाः प्रहरीले हेटौंडा-११ नवलपुरबाट २५ किलो गाँजासहित २ जनालाई पक्राउ गरेको छ । पक्राउ पर्नेमा मकवानपुर राक्सिराङ गाउँपालिका-१ पलासे बस्ने २१ वर्षीय नवराज थिङ र सोही स्थान बस्ने २० वर्षीय बाबुराम थोकर छन् । बिहीबार राति ११ः३० बजेको समयमा हेटौंडा-११ नवलपुरस्थित पूर्व-पश्चिम राजमार्ग सडकखण्डमा नेवारपानीबाट हेटौंडातर्फ आउँदै गरेको ना१ह ७२३६ नम्बरको अटोलाई रोकी चेकजाँच गर्ने क्रममा उक्त अटोमा लुकाइ ल्याएको अवस्थामा २५ किलो गाँजा फेला परेको प्रहरीको भनाइ छ । जिल्ला प्रहरी कार्यालय मकवानपुरका प्रवक्ता एवं प्रहरी नायव उपरीक्षक इन्द्रबहादुर रानाका अनुसार जिल्ला प्रहरी कार्यालय मकवानपुरबाट खटिएको टोलीले विशेष सूचनाका आधारमा उक्त अटोको पछाडिपट्टीको सिटमूनि लुकाइ ल्याएको अवस्थामा ४ वटा पोकामा गाँजा फेला परेको हो । बरामद गाँजा र अटोलाई नियन्त्रणमा लिनुका साथै अटोमा सवार २ जनालाई पक्राउ गरी थप अनुसन्धान भइरहेको प्रहरीले जनाएको छ ।

काठमाडौंः नेपाली कांग्रेसका सभापति शेरबहादुर देउवाले प्रतिनिधिसभा विघटनसम्बन्धी मुद्दा अदालतमा विचाराधीन भएकाले अहिले केही बोल्न नमिल्ने बताएका छन् । प्रजातान्त्रिक विचार समाजले आज उनकै निवास बूढानीलकण्ठमा आयोजना गरेको ‘सूर्यप्रसाद उपाध्याय विशेष पुस्तक विमोचन’ कार्यक्रममा पूर्वप्रधानमन्त्री देउवाले आफ्नो पार्टीलाई अदालतको निर्णय मान्य हुने बताए । कांग्रेसले जहिल्यै न्यायालयको सम्मान गरेको बताउँदै उनले आफ्नो पार्टी अदालतको निर्णयको पर्खाइमा रहेको उल्लेख गरे । प्रतिनिधिसभा विघटनको मुद्दा अदालतमा विचाराधीन रहेकाले सडकबाट दबाब दिन नहुने उनको धारणा थियो । जनता मतदान गर्न उत्साहित रहेको जनाउँदै उनले सर्वोच्च अदालतले मध्यावधि चुनावमा जाने विषयमा निर्णय लिए कांग्रेस चुनावमा जाने सभापति देउवाले बताए । सभापति देउवाले कांग्रेस स्थापना गर्ने चार नेतामध्ये सूर्यप्रसाद उपाध्याय पनि एक भएको उल्लेख गर्दै पार्टीले उनको उच्च कदर गर्ने बताए । कार्यक्रममा कांग्रेसका वरिष्ठ नेता रामचन्द्र पौडेलले संविधानमा संसद् विघटन गर्ने ठाउँ नरहेको बताए । कांग्रेस संसद् पुनस्र्थापनाको पक्षमा आवाज लिएर सडकमा जानुपर्ने उनको भनाइ थियो । कांग्रेसले विगतमा पनि चुनाव बहिष्कार गरेकाले अहिले संसद् पुनस्र्थापनाकै पक्षमा सशक्तरूपमा आवाज उठाउन पार्टीसित विकल्प नभएको नेता पौडेलले बताए । उपाध्यायको कांग्रेसमा ठूलो योगदान भएको र त्यसलाई नजरअन्दाज गर्न नमिल्ने नेता पौडेलले बताए । कांग्रेस महामन्त्री डा. शशाङ्क कोइरालाले उपाध्यायले पार्टीलाई जीवन्त राख्ने काम गरेको उल्लेख गरे । कांग्रेस केन्द्रीय सदस्य अर्जुननरसिंह केसीले उपाध्यायको तस्बीर पार्टी कार्यालयमा राख्न तथा पृथ्वीजयन्ती मनाउने निर्णय गर्न सभापति देउवालाई आग्रह गरे । कार्यक्रममा पूर्वसांसद दिव्यमणि राजभण्डारी, कांग्रेस नेता लोकेश ढकाल, प्रजातान्त्रिक विचार समाजका अध्यक्ष डा. केदारनरसिंह केसी, समाजका वरिष्ठ उपाध्यक्ष कुलचन्द्र वाग्ले र उपाध्यक्ष डा. विमला शाक्यले उपाध्यायको योगदानका बारेमा चर्चा गरेका थिए ।

काठमाडौं : राष्ट्रियसभाका अध्यक्ष गणेशप्रसाद तिमिल्सिनाले जुनसुकै सरकार आए पनि नेपालको छिमेकी चीनसितको नीति र सम्बन्धमा कुनै फेरबदल नहुने बताएका छन् । स्थानीय एभरेष्ट होटलमा आजदेखि सुरु भएको ‘युनान साङ्ग्रिला सांस्कृतिक आदानप्रदान तथा ‘तस्वीर प्रदर्शनी’ शुभारम्भ गर्दै अध्यक्ष तिमिल्सिनाले नेपाल सधैँ एक चीन नीतिमा प्रतिबद्ध रहँदै आएको स्पष्ट गरे । उनले चिनियाँ पर्यटकलाई आकर्षित गर्ने खालका उत्पादन नेपालसँग रहेकाले त्यसको प्रवद्र्धन गर्नुपर्नेमा उनले जोड दिए । सो अवसरमा संस्कृति, पर्यटन तथा नागरिक उड्डयनमन्त्री योगेशकुमार भट्टराईले नेपाल र चीनबीच शदियौँ पुरानो सम्बन्ध रहेको र साझा विशेषता रहेको बताए । विनाकुनै समस्याका बीच नेपाल र चीनको सम्बन्ध कायम भएको ६५ वर्ष बितेको तथा दुई देशबीचको सम्बन्ध फराकिलो हुँदै गएकामा उनले प्रसन्नता व्यक्त गरे । मन्त्री भट्टराईले कोरोना महामारीका कारण नेपालले नेपाल भ्रमण वर्ष २०२० स्थगन गर्नुपरे पनि अवस्था सहज हुनासाथ नेपालमा चिनियाँ पर्यटकको आगमन बढ्ने आशा व्यक्त गरे । सरकारले घुमफिरको वातावरणलाई सहज बनाउँदै लगेको मन्त्री भट्टराईको भनाइ थियो ।

एजेन्सी : जम्मु कश्मिरका पूर्व मुख्यमन्त्री महबुबा मुफ्तीलाई रिहाई गर्ने निर्णय भएको छ । पीडीआईका अध्यक्षसमेत रहेकी मुफ्तीलाई रिहा गर्ने निर्णय भएको जम्मु कश्मिर प्रशासनका प्रवक्ता रोहित कंसलले जानकारी दिए । महबुबाकी छोरी इल्तिजाले ट्वीटमार्फत भनेकी छिन्, ‘अब मिस मुफ्तीको अवैधानिक हिरासतको अन्त्य भएको छ । यो कठिन समयमा सहयोग गर्ने मानिसहरुलाई धन्यवाद दिन चाहान्छु । म धेरै मानिसप्रति ऋणी छु ।’ मुफ्तीलाई सन् २०१९, अगष्ट ५ मा पक्राउ गरिएको थियो । भारतीय केन्द्र सरकारले त्यहाँको संविधानको धारा ३७० अनुसार जम्मु कश्मीर राज्यको विशेष दर्जा रद्द गर्ने निर्णय गरेसँगै मुफ्ती पक्राउ परेकी थिइन् । महबुबाकी छोरी इल्तिजाले आमालाई नजरबन्दमा राखिएको कदमको विरोध गर्दै सर्वोच्च अदालतमा रिट दायर गरेकी थिइन् । पूर्व मुख्यमन्त्री उमर अब्दुल्ला र उनका बुबा फारुख अब्दुल्ला पनि गत अगष्टदेखि नै नजरबन्दमा रहेका थिए । तर उनीहरू भने पहिले नै रिहा भइसकेका छन् ।

काठमाडौंः मंगलबार सुनको मूल्य बढेको छ । मंगलबार सुनको मूल्य प्रतितोला ८ सय रुपैयाँले बढेको हो । सोमबार प्रतितोला ९४ हजार १ सय रूपैयाँमा कोरोबार भएको सुन मंगलबार प्रतितोला ९४ हजार ९ सय रुपैयाँ पुगेको हो । नेपाल सुनचाँदी व्यवसायी महासंघका अनुसार छापावाल सुनको मूल्य बढ्दा तेजाबी सुनको मूल्य पनि बढेको छ । सोमबार ९३ हजार ६ सय रुपैयाँमा कारोबार भएको तेजाबी सुन मंगलबार प्रतितोला ८ सयले बढेर ९४ हजार ४ सय रुपैयाँ पुगेको छ । महासंघका अनुसार आज चाँदीको मूल्य २० रुपैयाँले बढेर १२०० पुगेको छ जुन हिजो प्रतितोला ११८० रुपैयाँमा कारोबार भइरहेको थियो ।  

गुल्मीः आफ्नै छोराले हानेर बुबाको मृत्यु भएको छ । इस्मा गाउँपालिका ४ दोहोलीका ६० वर्षीय दिलबहादुर बस्नेतको छोरा अनिलको कुटपिटबाट आज बिहान मृत्यु भएको हो । आइतबार साँझ ६ बजेतिर आफ्नै घरभित्र बुबालाई छोराले कुटपिट गरेको जिल्ला प्रहरी कार्यालयका सूचना अधिकारी जनकराज पन्थले जानकारी दिए । घाइते बस्नेतलाई थप उपचारका लागि साँझ नै तम्घास अस्पताल ल्याइएको थियो । मुख र छातीमा गम्भीर चोट लागेका दिलबहादुरलाई तम्घास अस्पतालले मिसन अस्पताल पाल्पा रिफर गर्यो तर मिसन अस्पतालले प्रवास अस्पताल र प्रवास अस्पतालले प्रादेशिक अस्पताल बुटवल रिफर गरेको थियो । अस्पताल डुलाउँदा डुलाउँदै आज बिहान ४ बजे बस्नेतको मृत्यु भएको प्रहरीले जनाएको छ । अभियुक्त अनिल फरार छन् ।

भक्तपुर : महानगरीय प्रहरी वृत्त थिमी र मातहतमा कार्यरत ६३ जना प्रहरीमा कोरोना सङ्क्रमण पुष्टि भएपछि वृत्तको काम प्रभावित भएको छ । वृत्तमा कार्यरत १३० प्रहरीको कोरोना परीक्षणका लागि स्वाब संकलन गरिएकोमा ६३ जनामा कोरोना पुष्टि भएपछि काम कारवाही प्रभावित बनेको महानरीय प्रहरी वृत्त थिमीका प्रमुख ऋषिराम कँडेलले जानकारी दिए । एकै पटक धेरै प्रहरी सङ्क्रमित भएपछि वृत्तमा मुद्दा फाँटको मात्रै काम भइरहेको जानकारी दिँदै उहाँले कोरोना सङ्क्रमण नदेखिएका प्रहरीलाई मोबाइल गस्तीमा पठाइएको र केही प्रहरीमात्रै कार्यालयमा कार्यरत हुँदा काम प्रभावित बनेको बताए । अत्याश्यक बाहेक थिमि प्रहरी वृत्तमा नआउन सेवाग्राहीलाई आग्रह गरिएको बताउँदै वृत्तका प्रमुख कँडेलले सङ्क्रमित प्रहरीलाई खरिपाटीस्थित आइसोलेसन केन्द्रमा र दुई जनालाई भने बोडेको आइसोलेसनमा राखिएको जानकारी दिए ।

वाशिङ्गटन डिसीः अपेक्षाविपरित अमेरिकी सरकारले कोरोना जाँचबारे नयाँ निर्देशन जारी गरेको छ । यसअघि जाँच र उपचारमा वेवास्ता गरेको भन्दै आलोचना खेपिरहेको राष्ट्रपति ट्रम्प सरकारले कोरोना जाँचका लागि लक्षण देखिएको हुनैपर्ने नियम परिवर्तन गरेको हो । अब संक्रमित व्यक्तिको सम्पर्कमा आएका जोकोहीले पनि अनिवार्यरुपमा कोरानो संक्रमणको जाँच गर्नुपर्ने छ । रोग नियन्त्रण तथा रोकथाम केन्द्र सिडिसीले गत अगस्तमा लक्षण नभएकाहरुमा जाँच गर्नुनपर्ने बताएका थियो । सिडिसीको यो निर्णयको चर्को आलोचना हुँदै आएको थियो । नयाँ जारी गरिएको निर्देशनमा अगस्तमा गरिएको पूववर्ती निर्णय खारेज गरिएको हो । अमेरिकामा ६३ लाख भन्दा बढीमा संक्रमण देखिएको छ । राष्ट्रपति ट्रम्पले भने मास्कको आवश्यकता नभएको र अमेरिकाले सबैभन्दा राम्रो काम गरेको दावी गर्दै आएका छन् ।

काठमाडौं : राजधानीको महाराजगन्जमा ३ सवारी साधन ठोक्किँदा १ जना प्रहरी सहायक निरीक्षक (असई)ले ज्यान गुमाएका छन् । शनिबार साँझ सवा ५ बजे काठमाडौं महानगरपालिका-४ सुकेधारा हिमाल डेन्टल अगाडि दुर्घटना हुँदा बा ७४ प २८६१ नम्बरको मोटरसाइकल चलाइरहेका असई प्रेमराज पौडेलले ज्यान गुमाएका हुन् । सुर्खेत घर भएका उनी प्रहरी प्रधान कार्यालय नक्सालमा कार्यविभाग प्रशासन शाखामा कार्यरत थिए। सुकेधाराबाट चाबाहिलतर्फ आउँदै गरेको प्र ३ ०२ ००३ प ४१५० नम्बरको स्कुटर र सुकेधारातर्फ जाँदै गरेको बा ७४ प २८६१ नम्बरको मोटरसाइकल ठोक्किएका थिए। लगत्तै चाबहिलबाट सुकेधारातर्फ जाँदै गरेको बा १ ग २२७८ नम्बरको आर्मी हेडक्वाटर भद्रकालीको पानी ट्याङकर पनि ती दुई सवारीसँग ठोक्किन पुगेको प्रहरीले जनाएको छ। दुर्घटनापछि मोटरसाइकलमा सवार असई पौडेल गम्भीर घाइते भएका थिए। उनलाई चाबाहिलस्थित ओम अस्पतालमा लगिएको थियो । अस्पतालले उनलाई ६ बजे मृत घोषणा गरेको थियो । महानगरीय ट्राफिक प्रहरी महाशाखाले तीन वटै सवारीसाधनलाई नियन्त्रणमा लिएको छ । घटनाको विषयमा थप अनुसनधान भइरहेको प्रहरीले जनाएको छ ।

काठमाडौंः विभिन्न क्षेत्रमा अलपत्र परेका व्यक्तिहरुको उद्धार गरी गन्तव्यमा पठाउने कार्य तीब्ररुपमा अघि बढेको गृह मन्त्रालयले जनाएको छ । मुलुकका विभिन्न स्थानमा अलपत्र परेको स्वदेशी र विदेशी नागरिकलाई हवाई वा स्थल सवारीसाधनबाट उद्धार गर्ने कार्य भइरहेको मन्त्रालयले आज एक विज्ञप्तिमार्फत जनाएको छ । मुस्ताङ, कास्की, सोलुखुम्बुलगायतका विभिन्न जिल्लाबाट संस्कृति, पर्यटन तथा नागरिक उडड्यन मन्त्रालयको समन्वयमा हवाई तथा स्थल सवारीसाधनमार्फत बिहीबारदेखि नै उद्धार गरी काठमाडौँ ल्याइएका ३०७ जना विदेशी पर्यटकलाई जर्मनी दूतावासले व्यवस्थापन गरेको कतार एयरवेजको विमानमार्फत आजै पठाइएको छ । विभिन्न निर्माणसम्बन्धी कार्यहरु रोकिएको कारण कामदारको रुपमा कार्य गरिरहेका र हाल अलपत्र परेका नेपाली नागरिकलाई आआफ्नो गृह जिल्लासम्म उद्धार गरी पुर्‍याइदिन स्थानीय प्रशासन र सुरक्षाकर्मीलाई निर्देशन दिइएको मन्त्रालयद्वारा जारी विज्ञप्तिमा उल्लेख छ । यसैक्रममा हालसम्म रुपन्देही, बाँके, लमजुङ, पर्वत, कास्की, स्याङ्जा, दैलेख, तेह्रथुम लगायतका जिल्लाबाट उद्धार भइसकेको छ भने अन्य जिल्लामा त्यस्ता अलपत्र परेका नागरिकहरु भए उद्धार गर्ने कार्यमा समन्वय गर्न निर्देशन दिइएको छ । फोहरमैला व्यवस्थापन गर्ने कार्य आवश्यक सेवाअन्तर्गत पर्ने भएकाले काठमाडौँ उपत्यकाको फोहर विसर्जन गर्ने स्थल नुवाकोट जिल्लाको ओखरपौवामा केही समस्या देखिएको सन्दर्भमा काठमाडौँ महानगरपालिकाका प्रमुखसमेतको उपस्थितिमा आज छलफल भएको जनाइएको छ । उक्त समस्या समाधानको लागि महानगरपालिकाले स्थानीय तहसँग आवश्यक समन्वय गरी बाधा अवरोध हटाउने र फोहरमैला विसर्जन गर्ने कार्यलाई नियमित गराउनका लागि स्थानीय प्रशासन र सुरक्षा निकाय आवश्यकताअनुसार परिचालन गरिएको मन्त्रालयले जनाएको छ । यसैबीच आजै सुरक्षा निकायका प्रमुखहरुसँग बैठक बसी मालबाहक सवारीसाधनको आवागमनका विषयमा देखिएको द्विविधा अन्त्य गर्न, औषधि, खाद्यवस्तु, पानी, दुध, फलफूल, तरकारी, पशुपक्षी र माछाको दाना, कुखुराको चल्ला ढुवानी गर्ने र फर्केर जाने सवारीसाधनलाई सुचारु गर्ने विषयमा आवश्यक निर्देशन दिइएको मन्त्रालयले जनाएको छ । यस्ता सवारीसाधनले यात्रु ओसारपसार गर्न नपाउने गरी कार्यान्वयन गर्न स्थानीयस्तरमा खटिएका सुरक्षाकर्मीलाई दैनिक रुपमा जानकारी गराउन भनिएको छ । कुनै गुनासो, सल्लाह एवं सुझावहरु भए टोलफ्रि नम्बर ११४९ मा सम्पर्क गर्न मन्त्रालयले सबैमा अनुरोध गरेको छ ।

काठमाडौंः दोस्रो पटक मृगौला प्रत्यारोपणका लागि शिक्षण अस्पताल भर्ना भएका प्रधानमन्त्री केपी शर्मा ओली आज साँझ डिस्चार्ज भएका छन् । त्रिवि शिक्षण अस्पतालमा १२ दिन अघि उनी मृगौला प्रत्यारोपणका लागि भर्ना भएका थिए । उनलाई भन्जी समीक्षा संग्रौलाले मृगौला दान गरेकी थिइन् । १२ वर्ष अघि पनि प्रधानमन्त्री ओलीको अर्को मृगौला प्रत्यारोपण गरिएको थियो ।