अध्यक्ष केपी ओलीको अनुपस्थितिमा बुधबार एमाले स्थायी समिति बैठक बसेको छ । एमाले केन्द्रीय कार्यालय धुम्बाराहीमा बसेको बैठकले राष्ट्रिय सभाको निर्वाचन निर्धारित मितिमै गर्न ध्यानाकर्षण गराएको छ । त्यस्तै कर्मचारी सरुवा, बढुवा, नियुक्त र राज्यकोष दोहन गरेको औल्याउदै आपत्ती जनाएको छ । कार्यवाहक अध्यक्ष बामदेव गौतमको अध्यक्षतामा बसेको बैठकले प्रदेश प्रमुख र अस्थायी राजधानी तोक्ने विषयमा आफूसँग सल्लाह नगरेको जनाउदै नयाँ सरकार बनेपछि निरन्तरता दिने विषयमा सोचिने जनाएको छ । त्यस्तै राष्ट्रिय सभाका लागि विविन्न क्षेत्रमा योगदान पु¥याएका व्यक्तिलाई सिफारिस गर्न मातहतका कमिटीलाई निर्देशन दिने निर्णय गरेको छ ।

काठमाडौं, पुस २५ । अदालतको अपहेलना मुद्दामा पक्राउ परेका डा. गोविन्द केसीलाई सर्वोच्च अदालतमा पुर्याइएको छ । केसीलाई अाज बिहान ९ बजेपछि अदालतमा उपस्थित गराइएको हो । डा. केसीले अदालतको अवहेलना गरेको आरोपमा सर्वोच्चले सोमबार पक्राउ पूर्जी जारी गर्दै अदालतमा उपस्थित गराउन आदेश दिएको थियो । अदालतको अवहेलना गरेको ठहर भए केसीले एक वर्षसम्म जेल बस्नुपर्ने हुन्छ । न्याय प्रशासन ऐन, २०७३ मा अदालतको अपहेलनासम्बन्धी मुद्दामा के गर्ने भन्ने विषयमा व्यवस्था गरिएको छ । ऐनको दफा १७ मा अदालतको अपहेलनासम्बन्धी मुद्दाका बारेमा उल्लेख छ । ऐन अनुसार अदालतको अपहेलना मुद्दामा दोषी ठहर हुने व्यक्तिलाई एक वर्ष जेल सजाय वा १० हजार रुपैयाँ जरिवाना वा दुवै सजाय हुने व्यवस्था छ । यस्तै अरु उपयुक्त कारवाही गर्न सक्ने व्यवस्था पनि ऐनमा छ । तर दोषीले अदालतलाई चित्त बुझ्नेगरी माफी मागेमा कारवाही मुद्दा तामेलीमा राख्न सकिने पनि ऐनमा उल्लेख छ । यस्तै, दोषी ठहर भइसकेपछि पनि दोषीले अदालतलाई चित्त बुझ्ने गरी माफी मागेमा कारवाही रोक्न सकिने ऐनमा व्यवस्था गरिएको छ । डा. केसीलाई पक्राउ गरेको विरोधमा उनका समर्थकहरुले मंगलबार बिहान माइतीघर मण्डलामा प्रदर्शन गरेका छन् । प्रदर्शनमा पूर्वप्रधानमन्त्री डा. बाबुराम भट्टराई, पूर्वस्वास्थ्यमन्त्री गगन थापा, विवेकशील साझा पार्टीका संयोजक रविन्द्र मिश्रलगायत सहभागी छन् । अदालतको आदेशलगत्तै डा. केसीलाई अनसनस्थलबाटै सोमबार साँझ नै प्रहरीले पक्राउ गरेको थियो । चिकित्सा शास्त्र अध्ययन संस्थान (आईओएम)का डीन नियुक्ति प्रकरणमा अदालतको फैसलाविरुद्ध डा. केसीले दिएको अभिव्यक्तिले अदालतको मानहानी भएको भन्दै सर्वोच्चमा सोमबार रिट दायर भएको थियो ।

बनेपा, पुस १० । पर्यटकीय आकर्षणको गन्तव्य रहेको धुलिखेलका होटलले सोमबारदेखि लागू हुने गरी पर्यटकका लागि विशेष ‘प्याकेज कार्यक्रम’ घोषणा गरेका छन् । क्षेत्रीय होटल संघ, (हान) धुलिखेलले ‘क्रिसमस डे’ को अवसरमा अंग्रेजी नयाँ वर्षका लागि पर्यटन सूचना केन्द्रको स्थापना गर्नुका साथै आन्तरिक तथा बाह्य पर्यटकका लागि खानामा १५ प्रतिशत र आवासमा ३० प्रतिशत छुटको प्याकेज कार्यक्रम घोषणा गरेको छ । “आन्तरिक तथा बाह्य पर्यटकलाई सहुलियतमा धुलिखेलमा आवास र खाना उपलब्ध हुनेछ,” क्षेत्रीय होटल संघ, ९हान० का अध्यक्ष तथा धुलिखेल लज रिसोर्टका सञ्चालक प्रेमकण्ठ माकाजु ९श्रेष्ठ०ले भन्नुभयो । आन्तरिक पर्यटक एक दम्पत्तिका लागि रु १५ हजारमा उपलब्ध हुने ‘कक्टेल डिनर’ अब रु नौ हजारमा उपलब्ध हुनेछ भने बाह्य पर्यटकका लागि ३० प्रतिशत छुट दिइनेछ । रु एक हजार ५०० मा पाइने खाना रु ८०० मा उपलब्ध हुने श्रेष्ठ बताउनुहुन्छ । अंग्रेजी नयाँ वर्षका लागि धुलिखेलमा विभिन्न कार्यक्रम गर्न तयारीसमेत भइरहेको छ । पर्यटन सूचना केन्द्रमार्फत पर्यटकलाई आकर्षण गर्न सकिने उहाँको भनाइ छ । सो सूचना केन्द्र धुलिखेल नगरपालिका–७ मा स्थापना भएको छ । क्षेत्रीय होटल संघ, (हान) धुलिखेलसँग आबद्ध भएका होटल धुलिखेलमा २५ र नगरकोटमा १० रहेका छन् । क्रिसमसमा होटल सुनसान धुलिखेलमा रहेका विभिन्न होटल सोमबार क्रिसमसको दिन सुनसान जस्तै देखिएका छन् । अधिकांश बाह्य पर्यटक क्रिसमस मनाउन स्वदेश फर्केका कारण सुनसान भएको क्षेत्रीय होटल संघ,(हान) का अध्यक्ष प्रेमकण्ठ मकाजु, श्रेष्ठले जानकारी दिनुभयो । यहाँ आन्तरिक पर्यटकको चहलपहल भने देखिएको छ ।

काठमाडौं, मंसिर २७ । प्रतिनिधिसभा निर्वाचनमा ६७ जना नयाँ अनुहार विजयी भएका छन् । मंगलबार रातिसम्म १६४ निर्वाचन क्षेत्रको नतिजा आइसकेको छ । अब सुनसरी ३ मा मात्र मत गन्न बाँकी छ । सो क्षेत्रबाट कांग्रेसका विजयकुमार गच्छदार र एमालेकी भगवती चौधरीबीच कडा प्रतिस्पर्धा छ । दुवैजना पूर्वसांसद हुन् । एमालेबाट नयाँ अनुहार धेरै निर्वाचित १६५ सदस्यीय प्रतिनिधिसभामा प्रत्यक्षतर्फ एमालेबाट धेरै नयाँ अनुहार निर्वाचित भएका छन् । एमालेबाट ४१, माओवादी केन्द्रबाट ११, कांग्रेसका तीन, संघीय समाजवादीबाट सात, राजपाबाट चार र राप्रपाबाट एकजना नयाँ अनुहारले जितेका छन् । राष्ट्रिय जनमोर्चाकी दुर्गा पौडेल, नयाँ शक्तिका डा। बाबुराम भट्टराई र नेमकिपाका प्रेम सुवाल पूर्वसांसद हुन् । स्वतन्त्र रूपमा उम्मेदवारी दिएर नवलपरासी पश्चिम १ बाट निर्वाचित हृदयेश त्रिपाठी, कपिलवस्तु २ बाट निर्वाचित बृजेशकुमार गुप्ता र हुम्लाबाट निर्वाचित छक्कबहादुर लामा तीनैजना पूर्वसांसद हुन् । चारदेखि ६ पटकसम्म दोहोरिने सांसद तीनदेखि लगातार ६ पटकसम्म निर्वाचित सांसदले संघीय संसद्मा प्रतिनिधित्व गर्दै छन् । प्रधानमन्त्री एवं कांग्रेस सभापति शेरबहादुर देउवा डडेल्धुराबाट छैटौँपटक सांसदमा निर्वाचित भएका हुन् । उनी ०४८, ०५१, ०५६, ०६४, ०७० र ०७४ मा निर्वाचित भएका हुन् । कांग्रेस नेता विजयकुमार गच्छदार सुनसरी ३ बाट ०४८ देखि तीनपटकसम्म कांग्रेसबाट र ०६४ र ७० मा फोरमबाट निर्वाचित भए । एमाले वरिष्ठ नेता झलनाथ खनाल ०५६ बाहेक ०४८ पछिका सबै निर्वाचनमा सांसद बन्दै आएका छन् । हाल उनी पाँचौँपटक सांसद बनेका हुन् । एमाले नेता सुवास नेम्वाङ इलामबाट ०५६ देखि हालसम्म चारपटक र उपप्रधानमन्त्री एवं माओवादी केन्द्रका नेता कृष्णबहादुर महरा चौथोपटक सांसद निर्वाचित भएका छन् । यसअघि रोल्पा तथा दाङबाट चुनाव लड्दै आएका महरा यसपटक दाङ २ बाट निर्वाचित भए । एमालेको चुनाव चिह्न लिएर उठेका बृजेशकुमार गुप्ता चौथोपटक सांसद बनेका छन् । उनी ०५६ मा राप्रपा, ०६४ र ०७० मा सद्भावना पार्टी र हाल सूर्य चिह्न लिएर कपिलवस्तु २ बाट निर्वाचित भएका हुन्। यी हुन् तीनपटक सांसद बन्ने नेता गोरखाबाट डा। बाबुराम भट्टराई लगातार तेस्रोपटक सांसद बनेका छन् । उनी दुईपटक माओवादी र एकपटक नयाँ शक्ति पार्टीबाट सांसदमा निर्वाचित भएका हुन् । कांग्रेसका प्रकाशमान सिंह काठमाडौं १ बाट लगातार तेस्रोपटक विजयी भएका छन् । माओवादी केन्द्रका जनार्दन शर्मा, एमालेका रवीन्द्र अधिकारी, कांग्रेस महामन्त्री डा। शशांक कोइराला, अभिशेकप्रताप साह लगातार तीनपटक सांसद बन्ने नेता हुन् । जो छैटौँपटक सांसद बन्न सकेनन् ०४८ देखि सांसद निर्वाचित हुँदै आएका कांग्रेस वरिष्ठ नेता रामचन्द्र पौडेल यसपटक पराजित भए । पाँचपटक लगातार सांसद बनेका नेमकिपाका अध्यक्ष नारायणमान बिजुक्छेले यसपटक उम्मेदवारी दिएनन् । ०४८ देखि लगातार सांसद बन्दै आएका कांग्रेस नेता पूर्णबहादुर खड्का यसपटक सुर्खेतबाट पराजित भए । पहिलोपटक निर्वाचित सांसद एमाले (राजेन्द्र गौतम, संखुवासभा (गोकुल बास्कोटा, काभ्रे २ (महेश बस्नेत, भक्तपुर २ (नन्दलाल रोकाया, बाँके ३ (तिलक महत, नवलपुर २ (नरबहादुर धामी, कञ्चनपुर २ (पदम गिरी, पर्वत (यज्ञ बोगटी, अछाम २ (जयकुमार राई, सुनसरी १ (मेटमणि चौधरी, दाङ १ (नवराज रावत, सुर्खेत २ (लीलानाथ श्रेष्ठ, सिरहा ३ (पवित्रा निरौला खरेल, झापा २ (नारदमुनि राना थारू, कैलाली ५ (कृष्णकुमार श्रेष्ठ किसान, तनहुँ १ (केदार सिग्देल, तनहुँ २ (हीराचन्द्र केसी, दाङ ३ (नारायण खतिवडा, नुवाकोट २ (राजबहादुर बुढा, दैलेख २ (रवीन्द्रराज शर्मा, दैलेख १ (ध्रुव शाही, सुर्खेत १ (लालप्रसाद साँवा लिम्बू, झापा ४ (जगत विश्वकर्मा, कास्की ३ (राजेन्द्र राई, धनकुटा (नवराज सिलवाल, ललितपुर १ (कृष्ण राई, काठमाडौं ३ (घनश्याम खतिवडा, मोरङ १ (जीवनराम श्रेष्ठ, काठमाडौं ८ (भूमि त्रिपाठी, धादिङ १ (खेम लोहनी, धादिङ २ (डा। सूर्य पाठक, बाग्लुङ १ (योगेश भट्टराई, ताप्लेजुङ १ (लालबहादुर थापा, बाजुरा (गोपाल बम, मुगु १ (भूपेन्द्रबहादुर थापा, म्याग्दी (प्रेमप्रसाद तुलाचन, मुस्ताङ (पाल्देन छोपाङ गुरुङ, मनाङ (दीपकप्रकाश भट्ट, कञ्चनपुर ३ (नारायण मरासिनी, स्याङ्जा १ (पद्मा अर्याल, स्याङ्जा २ (झपट रावल, कैलाली २ माओवादी केन्द्र (सुरेशचन्द्र दास, सिरहा २ (रामेश्वरराय यादव, सर्लाही ३ (गजेन्द्र महत, जुम्ला (हिमाल किराती, उदयपुर २ (हेमकुमार राई, सोलुखुम्बु (बिना मगर, कञ्चनपुर १ (महेश्वर गहतराज, बाँके १ (गंगाबहादुर तामाङ, काभ्रे १ (चक्रपाणि खनाल, कपिलवस्तु १ (दुर्गाबहादुर रावत, कालिकोट (हरि अधिकारी, गोरखा १ कांग्रेस (प्रमोदकुमार यादव, रुपन्देही ४ (देवप्रसाद तिमल्सिना, रौतहट ४ (मोहन आचार्य, रसुवा संघीय समाजवादी फोरम (डा। सुरेन्द्र यादव, महोत्तरी ४ (प्रदीप यादव, पर्सा १ (विमलप्रसाद श्रीवास्तव, पर्सा २ (हरिनारायण रौनियार, पर्सा ३ (उमाशंकर अरगरिया, धनुषा २ (रामबाबु यादव, बारा ३ (डा। सूर्यनारायण यादव, सप्तरी १ राजपा रिेशमलाल चौधरी, कैलाली १ (प्रमोद साह, सर्लाही १ (चन्द्रकान्त चौधरी, सप्तरी ३ (एकवाल मियाँ, बारा ४ राप्रपा (राजेन्द्र लिङ्देन, झापा ३ -नयाँ पत्रिकाबाट 

लहान, मंसिर २२ । प्रारम्भिक मतगणनाअनुसार सिरहामा प्रतिनिधिसभा सदस्यतर्फ क्षेत्र नं ३ र ४ मा वाम गठबन्धनले अग्रता लिएको छ । क्षेत्र नं ३ मा वाम गठबन्धनका तर्फबाट एमालेका लीलानाथ श्रेष्ठले १२५३ मत ल्याएर अग्रता लिएका छन् । भने नेपाली काँग्रेसका अमर रेग्मीले १४०० मत ल्याएर पछ्याई रहेका छन् । त्यस्तै क्षेत्र नं ४ मा वाम गठबन्धनबाट माओवादी केन्द्रका अजयशंकर नायकले ९४३ मतसहित अगाडि रहेका छन् । उनलाई राष्ट्रिय जनता पार्टीका अध्यक्ष मण्डलका सदस्य राजकिशोर यादवले ४९९ सहित पछ्याई रहेका छन् ।

मङ्सिर ५ ।  उपेन्द्र तिमिल्सिना निर्देशित चलचित्र ‘अफिसर’ प्रदर्शनको लागि तयार भएको छ । सम्पुर्ण प्राबिधिक कार्य सकाएर चलचित्र सार्वजनिक प्रदर्शनमा ल्याउने तारतम्य मिलाउन आफु लागि परेको प्रस्तुतकर्ता निरन्जन शर्माले बताए । प्रचार प्रसारको सुरुवात भदै अहिले निर्माण युनिटले चलचित्रको फष्टलुक सार्वजनिक गरेको छ । पोष्टरका फरक फरक दुई डिजाइन फष्टलुकको रुपमा सार्वजनिक गरेको हो । सार्वजनिक गरिएको पोष्टरमा नव–अभिनेता निरन्जन शर्मा, सपना सिंह र आयुस रिजाल देखिएका छन् । त्यस्तै निर्माण युनिटले फष्टलुकसँगै ट्रेलर समेत सार्वजनिक गरेको छ । ट्रेलरमा चलचित्रको महत्वपुर्ण केही अंस राखिएका छन् । ट्रेलर हेर्दा चलचित्र एक्सन र प्रेमकथाको बिषयमा निर्माण भएको अनुमान लगाउन सकिन्छ । नव–अभिनेता निरन्जन शर्मा, सपना सिंह र आयुस रिजाल लगायतको अभिनय रहेको चलचित्रको छिट्टै सार्वजनिक मितितय गरिने प्रस्तुतकर्ता समेत रहेको अभिनेता शर्माले बताए । शशी बिक्रम थापाको संगीत रहेको चलचित्र शोभा लोहनी, सपना सिंह ठकुरी र अमर कौसलले मिलेर बनाएका हुन् ।  

काठमाडौं, कात्तिक २९ । रिपब्लिक अफ आयरल्याण्डलाई हराउँदै डेनमार्क अर्को वर्ष रुसमा हुने विश्वकप फुटबलका लागि छनोट भएको छ । युरोपेली समुहको अन्तिम प्ले अफ् खेलमा गएराति डेनमार्कले रिपब्लिक अफ आयरल्याण्डलाई ५-१ ले हरायो । पहिलो लेगमा गोलरहित बराबरी खेलेको डेनमार्कले हिजो आयरल्याण्डमै भएको खेलमा भने सनसनीपूर्ण प्रदर्शन गर्दै ५-१ को जित निकालेको हो । खेलमा डेनमार्कलाई विजयी गराउन क्रिश्चियन एरिक्सनले ह्याट्रिक गरे । गएरातिको खेलसँगै विश्वकप फुटबलका लागि युरोपबाट छानिने सबै १४ टोलीको टुंगो लागेको छ । विश्वकपमा सहभागि ३२ मध्ये अहिलेसम्म ३० टोलीको छनोट भइसकेको छ । अब दुई वटा अन्तरमहादेशीय प्ले अफ् खेलहरु बाँकी छन् । पेरु र न्यूजिल्याण्ड तथा होण्डुरस र अष्ट्रेलियाबीचका दुई विजेता राष्ट्रले रुसको टिकट काट्नेछन् ।

चितवन, कात्तिक २२ । पराजित मानसिकताबाट अत्तालिएका चितवन क्षेत्र नम्बर तीनका उम्मेदवार बिक्रम पाण्डेले सोही क्षेत्रका उम्मेदवार एवं नेकपा माओवादी केन्द्रका अध्यक्ष पुष्पकमल दाहाल प्रचण्डलाई तपाइँ नढाँट्नुहोस्, ठेक्कापट्टा छाडेको दस वर्ष भयो भनेको २४ घण्टा नबित्तै पाण्डे स्वयं ढँटुवा भएको प्रमाणित भएको छ । माओवादी केन्द्रका अध्यक्ष प्रचण्डलाई नढाट्न सिकाउने पाण्डेले आफूले ठेक्कापट्टा छाडेको स्मरण गराएका थिए । तर चुनावी मैदानमा दुई दर्जन ठेकेदार शीर्षकको खबरमा बिक्रम पाण्डेको नाम सबैभन्दा अगाडि छ । निर्माण व्यवसायी महासंघका महासचिव रामशरण देउजाले प्रतिनिधि सभा निर्वाचनमा ११ जना र प्रदेश सभा निर्वाचनमा १२ जना ठेकेदार चुनावी मैदानमा रहेको खुलासा गरिदिएका छन् । कालिका कन्स्ट्रक्सन्सका मालिक पाण्डे चुनावी मैदानमा उत्रिएको समाचारमा स्पष्टसँग उल्लेख छ । एक वर्षभित्र चितवन राष्ट्रिय निकुञ्जको बाटो पिच गर्छु भनेर ठेकेदार पाण्डेले अर्को झुट बोलेका छन् । विश्व सम्पदा सूचीमा रहेको निकुञ्जभित्र पिच गर्न पाइँदैन । राप्ती नदीमाथि बनाइएको पुल सञ्चालमा ल्याउन दुई वर्ष कुर्नु परेको विगत थाहा पाएका चितवनवासीले ठेकेदार पाण्डेको झुट तत्कालै पत्ता लगाइसकेका छन् । हार हुने निश्चित भएपछि छट्पटाएका ठेकेदार पाण्डेले पराजित मानसिकतामा जे पायो त्यही बर्बराउन थालेको तीन नम्बर क्षेत्रका मतदाताले प्रतिक्रिया दिएका छन् । नेपाली काँग्रेसको समर्थन लिएर लोकतान्त्रिक मोर्चाबाट क्षेत्र नम्बर तीनका लागि उम्मेदवारी दिएका पाण्डेले सोही क्षेत्रबाट प्रतिनिधि सभा सदस्यमा वाम गठबन्धनबाट उम्मेदवार बनेका नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल प्रचण्डसँग निर्वाचन लड्ने दुस्साहस गरेका छन् । नेपाली काँग्रेसको बलमा चुनाव जित्ने सपना देखेका पाण्डेलाई एकपछि अर्को झट्का सहनु परेपछि उनी चुनावमा पराजय हुने निश्चित भइसकेको भन्दै क्षेत्र नम्बर तीनका मतदाताले खासखुस गर्न सुरु गरिसकेका छन् ।

हामीले शारीरिक र मानसिक रुपमा स्वस्थ र फिट रहन आफ्नो भोजनलाई सन्तुलित बनाउनु जरुरी छ । यी तीन महत्वपूर्ण पोषक तत्व हाम्रो खानामा सामेल गर्न सके मस्तिष्कदेखि रोग प्रतिरोध प्रणालीसम्मलाई स्वस्थ्य र सुदृढ पार्छ । भिटामिन बी भिटामिन बीले मानसिक क्षमता वृद्धि गर्छ र मुटुको सुरक्षा गर्छ । ८ वटा भिटामिन बीमध्ये बी १२ र फोलेट सबैभन्दा महत्वपूर्ण छन् । भिटामिन बी १२ ले हामीले खाएको भोजनलाई ऊर्जामा परिणत गर्न सघाउनुका साथै हाम्रो स्नायुतन्त्रको सुरक्षा कवच मानिने ‘माइलिन’ बनाउन आवश्यक पर्छ । यसले मस्तिष्कका करोडौं ‘न्युरोन’ लाई आपसमा सञ्चार गर्न पनि सघाउँछ । भिटामिन बी१२ को कमीले स्मरण शक्ति घट्ने, भ्रम उत्पन्न हुने र डिप्रेसन हुन्छ । फोलेट गर्भवतीका लागि महत्वपूर्ण मानिए पनि महिला पुरुष सबैका लागि यो उत्तिकै आवश्यक छ । भ्रुणको विकासमा यसको महत्वपूर्ण भूमिका हुन्छ। सामान्यतया शरीरमा फोलेटले मस्तिष्कघात र मुटुसम्बन्धी रोगको जोखिम बढाउने ‘एमिनो एसिड’को मात्रा बढ्न दिँदैन । फोलेट र भिटामिन बी मुटुका लागि आवश्यक पोषण समूहमा पर्छन्। केमा पाइन्छ भिटामिन बी र फोलेट भिटामिन बी१२ त्यस्तो दुर्लभ भिटामिन हो, जुन वनस्पति अर्थात् सागसब्जी, फलफूल वा गेडागुडी कुनैमा पनि पाइँदैन । भिटामिन बी१२ अन्डा, चिज, दूध, दही, माछा र रातो मासुमा पाइन्छ। तर, फोलेट भने हरिया सागसब्जी, कुरिलो, भिटामिन लगायत विभिन्न पोषक तत्व मिसाइएका तयारी खाद्यान्नमा पाइन्छ । भिटामिन डी शरीरका हाड र रोग प्रतिरोध प्रणालीका लागि भिटामिन डी आवश्यक छ । हामीलाई ‘भिटामिन डी’ को ठ्याक्कै कतिमात्रा आवश्यक पर्छ, वैज्ञानिकहरूले बताउन सकेका छैनन् । तर, अधिकांश अध्ययन अनुसन्धानले शरीर स्वस्थ राख्न भिटामिन डी महत्वपूर्ण रहेको देखाएका छन् । यसले क्याल्सियमलाई सोस्न सक्षम बनाउँछ, र क्याल्सियमले हाड बलियो बनाउँछ । रोग प्रतिरोध प्रणालीको प्रभावकारी कामका लागि पनि भिटामिन डी आवश्यक छ । केही अध्ययनले भिटामिन डीको कमी हुँदा क्रोन्स डिजिज (पाचन प्रणाली बिग्रने), ‘¥युमाटिड आर्थराइटिस’ र ‘मल्टिपल सिरोसिस’जस्ता रोग लाग्न सक्ने देखाएका छन्। भिटामिन डी पाइने खानेकुरा भिटामिन डी पनि भोजनबाट पाउन कठिन छ । बरु हाम्रो शरीरले नै भिटामिन डी बनाउँछ तर यसका लागि हामीले हाम्रो छालामा बिहानको मधुरो घाम पार्नुपर्छ । साथै उत्तरी गोलाद्र्धका बासिन्दाले भने अन्डाको पहेँलो भाग, धेरै चिल्लो पाइने माछा (जस्तै सार्डिन), पोषक तत्व मिसाइएको दूध, सुन्तलाको रस, अन्न आदिबाट भिटामिन डी लिन सक्छन् । यसबाहेक आवश्यक परे चिकित्सकको परामर्शमा भिटामिन डीको ट्याबलेट खान सकिन्छ। म्याग्नेसियम म्याग्नेसियमले निदाउन सघाउनुका साथै दुखाइ घटाउँछ । पछिल्लो समय अनिद्राका रोगीहरू म्याग्नेसियम प्रति हुरुक्क छन् । तर, यसले निद्रा लगाउने औषधिजस्तो खानेबित्तिकै निद्राले लठ्ठ बनाइहाल्दैन । यसले मांसपेशीलाई आराम गर्न सघाउने र मांसपेशीको दुखाइमा आराम दिलाउने भएकाले हिजोआज धावक र कसरत गर्नेहरूबीच निकै लोकप्रिय भएको छ । यसले हामीलाई जगाइराख्ने मस्तिष्कको हिस्सालाई सुदृढ बनाउँछ । यसले हामीलाई राति निद्रा बिथोल्ने सामान्य एन्जाइटी शान्त पार्न पनि मद्दत गर्छ । म्याग्नेसियमले माइग्रेनको दुखाइ कम गर्ने पनि विभिन्न अध्ययनले देखाएका छन्। म्याग्नेसियम पाइने खानेकुरा भोजन सम्बन्धी अधिकांश सर्वेक्षणले अमेरिकीहरूलाई म्याग्नेसियमको कमी भएको देखाएका छन् । यसको कारण भने फाइबर धेरै मात्रामा पाइने सागसब्जी र ब्राउन राइस म्याग्नेसियमको मुख्य स्रोत हुन् र अमेरिकीहरूले भोजनमा यी दुवैको साटो प्रशोधित र डिब्बाबन्द खानेकुरा खान्छन् । पर्याप्त फाइबर र म्याग्नेसियमको पोषण पाउन विभिन्न खालका बिउहरू अझ (हाडे बदाम, ओखर, फर्सीको बिउ) खानु उपयुक्त हुन्छ । स्वास्थ्यखबरबाट साभार

युएई, कात्तिक १८ । नेकपा एमाले तथा माओवादी केन्द्र निकट प्रबासी भ्रातृ संगठनहरु प्रबासी नेपाली मञ्च युएई र नेपाली जनप्रगतिशिल मञ्च युएईले नेपालमा भएको बाम गठबन्धनको स्वागत र समर्थन गरेका छन । शुक्रबार संयुक्त बिज्ञप्ती जारी गर्दै यी दुई संगठनले राजनैतिक स्थायित्वको साथै बैदेशिक हस्तक्षेपलाई निरुत्साहित गर्नको लागि नेपालमा कम्युनिस्ट पार्टीहरुको एकता अपरिहार्य रहेकोमा जोड दिएको छन । प्रबासी नेपाली मञ्चका अध्यक्ष श्याम कंडेल र नेपाली जनप्रगतिशिल मञ्च युएईका कार्यबाहक अध्यक्ष बाबुराम विश्वकर्माद्वारा हस्ताक्षरित संयुक्त बिज्ञप्तीमा पार्टी एकता गर्ने उद्देश्यसहित भएको बाम तालमेल प्रकृयाले विश्व कम्युनिस्ट आन्दोलन र नेपाल राष्ट्रलाई २१ औ शताब्दीमा समाजबादको दिशामा डोर्याउने विश्वाश लिएको जनाईएको छ । नेपालका कम्युनिस्ट पार्टीहरुले बिगतका तिता घटनाहरुबाट सिक्दै एक भई अघी बढ्नु पर्ने बिज्ञप्तीमा बताईएको छ । बिज्ञप्तीमा बाम गठबन्धनमा उम्मेद्वारहरुलाई मतदान गरी संघीयसभा र प्रदेशसभामा बहुमतले बिजयी गराउन अपील समेत गरिएको छ । दुई संगठनका प्रतिनिधिहरु उपस्थित भएको सचिबालय स्तरीय बैठकले उक्त निर्णय गरेको हो । बिज्ञप्तीपछि संक्षिप्त प्रतिकृया दिदै कंडेलले बामपन्थी गठबन्धनले दुईतिहाइ बहुमत प्राप्त गर्ने विश्वास ब्यक्त गरेका छन् ।

विराटनगर, कात्तिक १३ । संघीय समाजवादी फोरमका अध्यक्ष उपेन्द्र यादवले प्रतिनिधिसभा र प्रदेशसभाको निर्वाचन सार्ने हर्कत भए त्यो राजनीतिक रुपमा महाअपराध हुने बताएका छन् । विराटनगरमा आइतबार सन्चारकर्मीसँग कुरा गर्दै अध्यक्ष यादवले कुनै पनि बहानामा चुनाव रोक्न वा सार्न मिल्दैन भने । अफसेट प्रेसको युगमा चारदिनमा अलग–अलग मतपत्र छाप्न सकिने भन्दै यादवले चुनाव रोक्नु भनेको मुलुकलाई धरापमा पार्नु हो भने ।

कैलाली, कार्तिक १ । कैलालीको धनगढीमा रहेको बसपार्क व्यवस्थित हुनुपर्ने र आफूहरुले बस पार्किङ गर्न पाउनुपर्ने माग गर्दै यहाँका तीन वटा बस व्यवसायी समितिले धनगढी उपमहानगरपालिका कार्यालय घेराउ गरेका छन् । कर्णाली रिभर, बडिमालिका र कैलाली यातायात व्यवसायी संघले उपमहानगरपालिकाको कार्यालय घेराउ गरेका हुन् । हालको बसपार्कको दुर्दशाले दुर्घटनाको जोखिम निम्त्याउनुका साथै बजार नै अस्तव्यस्त भएको उनीहरुको आरोप छ । व्यवसायीहरुले बसपार्कलाई व्यवस्थित बनाउँदै व्यवसायीहरुले बसपार्क शीघ्र व्यवस्थित हुनुपर्ने माग गरेका छन् । कर्णाली रिभर, बडीमालिका र कैलाली यातायात व्यवसायी संघले बसपार्क व्यवस्थित गर्दै पार्किङ अनुमति दिनुपर्ने माग गरे । उनीहरुले उपमहानगरपालिका र ठेकेदार विच भएको सम्झौता अनुसार काम नभएको आरोपसमेत लगाएका छन् । सम्झौताको पत्रको १९ नं. बुदामा उल्लेख गरेको व्यवस्था लागू नभएकाले त्यसको कार्यान्वन स्वरुप उपमहानरपालिका परिसरमा दबाब मुलक कार्यक्रम गरेको कणाली रिभर यातायात व्यवसायी समिति धनगढीका संयोजक जनक धामीले बताए । उपमहानगरपालिका र ठेकेदारविच भएको सम्झौता कार्यान्वन नभएमा कडा आन्दोलनमा उत्रिने यातायात व्यवसायीले चेतावनी दिएका छन् । हालको बसपार्कले सवारीसाधनको भार थेग्न निकै मुस्किल भइरहेकाले छिटो बसपार्कको सुधार हुनुपर्ने समेत उनीहरुले माग गरेका छन् । अहिलेको बसपार्कमा सबै यातायात व्यवसायी समितिका सवारी साधन नअट्ने भएकाले शिघ्र बसपार्कको स्तरन्नती हुनुपर्ने माग रहेको बडिमालीका यातायात व्यवसायी संघका महासचिव दिलबहादुर खलौलालेृ बताए । एउटा यातायात व्यवसायी समितिले मात्रै एकलौटी बसपार्क चलाएकाले बसपार्कको सुधार गरेर सबै यातायात व्यवसायी समितिले सवारी साधन राख्न पाउनुपर्ने उनको भनाई छ । अहिले सुदूरपश्चिम यातायात व्यवसायी समितिले मात्रै बसपार्क चलाएको छ । यता उपमहानगरपालिका कार्यालयले बसपार्क सुधारका लागि प्रक्रिया अघि बढिरहेको बताएको छ । यही कार्तिक ७ गते बसपार्कको सुधारका लागि बैठक बसेर यो समस्या समाधान हुने उपमहानगरपालिकाका मेयर नृपबहादुर वडले बताए । केही दिनअघि धनगढी उपमहानगरपालिका–४ उत्तरबेहडीमा अस्थायी बसपार्क निर्माण गर्ने योजनासहित सिलान्यास पनि गरियो । तर, नेपाली सेनाले निर्माण कार्यमा अवरोध गरेपछि त्यस क्षेत्रमा अस्थायी बसर्पाक बन्ने नबन्ने टुङ्गो लाग्न सकेको छैन । उपमहानगरपालिकाले भने उक्त क्षेत्रमा बन्ने अस्थायी बसपार्कको कार्य छिट्टै अघि बढ्ने उपमहानगरपालिकाका मेयर वडको दाबी छ । यातायात व्यवसायीले पनि सबै समितिले एउटै बसपार्क संचालन गर्न पाउनु पर्ने माग गरेका छन् । त्यसका लागि हालको बसपार्क स्तरन्नती गर्नु पर्नेमा जोड दिएका छन् ।

काठमाडौं, असोज १७ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले अहिले तीन दलबीच भएको सहमतिलाई निरन्तरतामा क्रम भङ्गता र नेपाली इतिहासमा एतिहासिकको क्षण भएको बताएका छन । बृहत वाम एकता तथा आगामी चुनाबमा एमालेसहितको चुनाबी तालमेल र पार्टी एकताबारे जानकारी दिन मंगलबार राष्ट्रिय सभा गृहमा आयोजित पत्रकार सम्मेलनलाई सम्बोधन गर्दै यो अभियान कसैप्रति लक्षीत नभएको पनि प्रष्ट पारेका छन । अहिलेको गठबन्धन चुनावका लागि भएको र बिचार मिल्ने राजनीतिक शक्तिहरुबीच एकीकरणका लागि भएको पनि उनले बताए । उनले भने, ‘म प्रष्ट पार्न चाहान्छु यो सहमति कांग्रेसविरुद्ध लक्षित छैन । जनता र राष्ट्रको पक्षमा छ ।’ देशको सग्रह राजनीतिक र आर्थिक विकासका लागि एउटै शक्तिशाली कम्युनिष्ट पार्टी बनाउने उद्देश्यका साथ एमाले र नयाँशक्ति पार्टीबीच चुनाबी तालमेल हुँदै पार्टी एकता प्रकिया अभियान शुरु गरिएको बताए । यो अभियान नेपाल, नेपाली जनता र अहिलेको राष्ट्रिय आवश्यकता भएकाले अगाडि बढाएको बताए । माओवादीे जनयुद्ध, जनआन्दोलन र मधेस आन्दोलनको सम्मान गर्दै देशलाई सम्बृद्ध र समुन्न बनाउन वाम एकता आवश्यक रहेको अध्यक्ष प्रचण्डले बताए ।

बुटवल, असोज १० । बुटवल उपमहानगरपालिकाले नगरभित्र बसोबास गर्ने ज्येष्ठ नागरिक, एकल महिला र अपांग नागरिकलाई सम्मानस्वरुप चाडपर्व खर्च उपलब्ध गराएको छ । उपमहानगरपालिकाको आन्तरिक स्रोतबाट व्यवस्थापन हुने गरी प्रतिव्यक्ति रु दुई हजारका दरले उक्त रकम उपलब्ध गराइएको हो । नेपाल सरकारबाट सामाजिक सुरक्षा भत्ता पाउँदै आएका ७५ वर्ष पुगेका ज्येष्ठ नागरिक, एकल महिला र अपांग नागरिकलाई यस किसिमको रकम उपलब्ध गराउने निर्णयबमोजिम रकम वितरण कार्य शुरु गरिएको कार्यबाहक प्रमुख गुमादेवी आचार्यले जानकारी दिए । उक्त रकम उपमहानगरका १९ वटै वडा कार्यालयबाट वितरण गरिएको र वडा कार्यालयमा आउन नसक्ने व्यक्तिलाई घरमै पुगेर रकम उपलब्ध गराउने व्यवस्थासमेत गरिएको उनले बताए । बुटवल उपमहानगरपालिकाभित्र सामाजिक सुरक्षा भत्ता प्राप्त गर्दै आएका सात हजार २७४ जनामध्ये नगरभित्र ३५२ एकल महिला, २५६ अपांग र पाँच हजार ९६६ जना ७५ वर्ष उमेर पुगेका ज्येष्ठ नागरिक रहेको नगरपालिकाको सामाजिक शाखाले जनाएको छ । यही तथ्यांकका आधारमा बुटवल उपमहानगरपालिकाले आन्तरिक स्रोतबाट बजेट विनियोजन गरेर चाडपर्व खर्च वितरण गरेको हो । यसका लागि उपमहानगरपालिकाको साउन ३२ गतेको प्रथम नगरसभाले रु एक करोड ४५ लाख ४८ हजार बजेट विनियोजन गरेको थियो । उपमहानगरपालिकाले यसरी चाडपर्वको बेला रकम उपलब्ध गराएकामा उक्त समूहका जनता निकै खुशी भएको बुटवल उपमहानगरपालिकाका प्रवक्ता तथा वडा नं १७ का अध्यक्ष रामप्रसाद रेग्मीले बताए । उनले जनताका प्रतिनिधिले ज्येष्ठ नागरिक, अपांग र एकल महिलाको सम्मानस्वरुप चाडपर्वका बेलामा सम्झनास्वरूप सो रकम दिइएको बताए । अहिले रकम बुझ्न नआएकालाई पनि दशैँपछिसम्म रकम दिइनेसमेत वडाध्यक्ष रेग्मीले जानकारी दिए ।

काठमाडौं, भदौ २९ । नेपाली फेसन डिजाइनरहरुबीच शुक्रबार राजधानीमा उत्कृष्ट कलाका लागि प्रतिश्पर्धा हुने भएको छ । अन्नपूर्ण होटलमा हुने प्रतियोगितामा विभिन्न डिजाइनरका सिर्जना प्रस्तुत गरिनेछ । फेसन डिजाइनरबीच प्रतिश्पर्धा गराउने उद्देश्यले आयोजना हुन लागेको कार्यक्रम ‘भोयज अफ क्रिएसन’को तेस्रो संस्करण अन्तर्गत शुक्रबार ३१ डिजाइनरले प्रतिश्पर्धा गर्ने भएका छन् । रोजिन शाक्यको कोरियाग्राफी रहने प्रतियोगिता पुरस्कारका लागिमात्र सीमित नरही फेसन डिजाइनको गुणस्तर, सिर्जनात्मक क्षमता तथा व्यावसायिकता अभिवृद्धिका लागिसमेत कोसेढुंगा हुने आयोजकको दावी छ । प्रतियोगितामा उत्कृष्ट हुने डिजाइनरलाई ‘डिजाइनर अफ दि इयर’ घोषणा गरिने छ ।